مشاهدة النسخة كاملة : محلات العاب الشبكه LAN وكاونتر سترايك
hitler is back
14-02-2003, 11:22 PM
هل يوجد محلات لعب بالشبكه في الرياض او اي مدينه من مدن السعوديه
لان هذا شي نفتقده وبقوه بالسعوديه, ولعب الشبكه فيها متعه رهيبه وخصوصا اذا كان هناك تنافس مع زملاك انا اذكر لعبت بالشبكه لعبة ريد اليرت 2 وانهزمت اول مره ضد واحد كنت اتوقع انه مبتدء فاهملته. لكن اكتشفت احترافه فتحديته بعدها في جولتين فزت فيها :D
المهم بالموضوع هل يوجد باي مكان بالسعوديه هذي الخدمه؟ وماهي اسباب عدم تواجدها؟ وهل عليها اقبال شديد وتحمس لو افتتح محل يقدم مثل هذي الخدمه؟
اما عن كاونتر بس حبيت اسأل انا عندي النسخه 1.5 وابغى العب بالنت؟ وش المطلوب مني اسويه لاني صراحه زهقت من اللعب مع الكمبيوتر
ولو تكرم اح وفتح موضوع يثبت بالمنتدى يكون مخصصا للسيرفرات بالسعوديه او خارجها لاي لعبه اذا امكن
acer2
14-02-2003, 11:41 PM
اول شيء اذا بتلعب على الانترنت
لازم يكون السيريل مال هالف لايف اصلي !!!!
وثاني اهم شيء اللي اهو اشتراك زيين وسريع
SanDan
15-02-2003, 02:21 AM
يوجد 4 محلات العاب شبكة في الرياض حسب علمي (تلقى ثنين منهم قبال بعض في اخر شارع الثلاثين من شرق (بعد مكدونالدز)
اما السيرفرات السعودية. فكان فيه موضوع مثبت وشالوه لتطوير المنتدى.
اذا كنت مررررررررررره مهتم بالعاب الشبكة انظم لمجموعت السيرفر السعودي في الyahoogroups اسم المجموعة SaudiGS انا ادير السيرفرات وحاليا عندنا 3 سيرفرات
واحد للعبة BF1942 1.2 مكيور مايبيلة نسخة اصلية على عنوان 212.118.136.10
سيرفر للعبة CS 1.5 على عنوان 212.118.136.1 وكذلك لعبة DOD على نفس العنوان.
hitler is back
15-02-2003, 10:49 PM
شكرا لكم على الرد
اخ SanDan بخصوص BF1942 انا دورت الباتش 1,2 مالقيته مالقيت الا الجديد1,3 اذا ممكن وصله
وكاونتر سترايك لازم له لعبه اصليه لسيرفر السعودي؟
ان شاء الله احاول اشارك هذا الGROUP باقرب وقت
SanDan
15-02-2003, 11:57 PM
هنا تلقى الباتش اضغط هنا (http://www.electronic-arts.com.au/eagames/download.php?product_id=9&title=Battlefield 1942 Asian territory 1.2 Patch&platform=PC-CD)
لقيتها في هذا الموقع
http://www.electronic-arts.com.au/eagames/product_description.php?product_id=9
وكونتر ستريك لازم السيرايل حقك يكون اصلي علشان تقدر تلعب.
لكن تبي الصراحة, ماحد يلعب في الكونترستريك كل العالم تلعب BF1942
يعني لاتعب حالك في الكونترستريك كثير
New Horizon
16-02-2003, 01:53 AM
في واحد في جدة بس ماني متذكر فين بس هو في منطقة خلف مركز المدينة
طيب اخوي SanDan ممكن الكراك حق الباتش v1.2
أو ما يحتاج كراك ؟
New Horizon
16-02-2003, 03:51 AM
الرسالة الأصلية كتبت بواسطة SanDan
اما السيرفرات السعودية. فكان فيه موضوع مثبت وشالوه لتطوير المنتدى.
تحصله في موضوع هل قمت بزيارة موضيعنا المميزة تبع محمد S.M
SanDan
16-02-2003, 08:01 AM
الرسالة الأصلية كتبت بواسطة GE
طيب اخوي SanDan ممكن الكراك حق الباتش v1.2
أو ما يحتاج كراك ؟
علشان تلعب على السيرفر حقنا مايحتاج كراك (لأن السيرفر اصلا مسوين له كراك فما يسئل عن السيريال)
لا اخوي انا قصدي كراك لتشغيل اللعبة
لان الباتش مثل ما انت عارف حجمه كبير واخاف انزله ثم اسوي له انستول
واحاول العب اللعبة ثم يطلع لي رسالة انه ما حصل السي دي ويطلب مني ادخال السي دي
في هذة الحالة لازم كراك
SanDan
16-02-2003, 11:07 AM
انت قصدك NO CD crack?
فيه NO CD crack ل 1.2
اذا انت منزل الباتش علشان السيرفر زين على زين, اما اذا ودك بس تطور اللعبة عندك ترى نزل patch 1.3 بس ماحنا برمكبينه لين يحلون مشاكل الغش اللي فيه (Wallhack)
°«§DDigital§»°
16-02-2003, 11:38 AM
من حماسي لموضوعك اخوي مافضيت اناظر الردود
عموما انا باقولك كل المحلات اللي موجودة في الرياض
1- اول محل فتح ونجح نجاح كبييير هو محل اسمه (مقهى نتورك جيمز)
وصاحبه اسمه عبدالهادي هذا كانت عليه زحمة خيااااااااااال من جد
كان الواحد ينطق في المحال حوالي اربع ساعات عشان يلعب وانا كنت من بين اللي ينطقون :D
ومن ذا المحل بدا الناس يفتحون محلات وموقع هذا المحل في شارع التحلية خل مكدونالدز على يمينك وامش طوالي وبيجيك على اليمين
2- ثاني محل فتح في الرياض اسمه هاف لايف وصاحبه اعرف لقبه وهو المرعب كان من اللي يلعبون في محل عبدالهادي سابقا وكانت شلته (اخوياه) هم المسيطيرين على النتورك يعني مسويين الزحمة بلاهم واجدييين ويوم فتح المحل اكثر اخوياه راحو معه وبدا يقلون الناس من محل عبدالهادي موقعه ادله بس صعب اوصفه لاني ماعرف اسم ولا شارع
3- ثالث محل Blue gate هذا واحد شاف على محل عبدالهادي زحمة وهو مهوب راعي لعب قام وفتح وجته كبيرة عشان الاجهزة كانت عنده ممتازة
وموقعه على شارع العروبة قبال فيديو الماسة الزرقاء
والي الان الزحمة في محل عبدالهادي باقية تنطق ثلاث ساعات يمكن لكن لما فتح المحل الرابع
4- محل اسمه black list هو لــ والد واحد من اللي يلعبون في المقهى حق عبدالهادي و لقبه شارون على ماعتقد وكانت اجهزته شريعة جدا
فقلوا الناس من محل عبدالهادي وتوزعوا في المحلات الاربعة
وانا افضل محل عندي هو محل عبدالهادي صراحة هو اللي يستاهل من يروحله لانه اول محل ولانه اللي يلعبون فيه المحترفين مازالوا موجودين مثل الوحش وفامبير وتحس في اللعب حلاوة لما تلعب في محل عبدالهادي اما المحلات ثانية لا
هذا كل شيئ اعرفه واي محل يفتح لازم اعرف عنه واللي يعرف محل جديد فتح بالله يعلمني عنه
وفييه محلات صغيرة زي في صالة فال عند الالعاب حوالي 6 اجهزة كمبيوتر عليها كونتر سترايك فيرجون 1,1
ومحل مقهى انترنت مادري وينه بالظبط مافيه الا ثمان اجهزة والكاونتر سترايك حقتها فيرجون قديمة 1,1 والساعة فيه خمسة ريال
اذا فيه سؤال تفضلوا
اخوي SanDan يعني اذا نزلت الباتش v1.2 وبغيت العب معكم على السيرفر هل احتاج NO CD crack ل 1.2 ؟؟
SanDan
16-02-2003, 12:22 PM
الرسالة الأصلية كتبت بواسطة GE
اخوي SanDan يعني اذا نزلت الباتش v1.2 وبغيت العب معكم على السيرفر هل احتاج NO CD crack ل 1.2 ؟؟
اذا ماكان عندك سيدي (او اللعبة ماتعرفة على السيدي) اكيد بتحتاج الكراك علشان تلعب لحالك و ايظا علشان تلعب في السيرفر.
امااذا ركبت 1.2 وعندك السيدي, وتعرفت عليه اللعبه فمايحتاج كراك, لأنه من اسم الكراك NO CD معناها انه يخلي اللعبة ماتحتاج السيدي.
hitler is back
16-02-2003, 10:45 PM
مشكور ديجتال على (حماسك) وعلى المعلومات
ومشكور SanDan على المساعده وانا الحين قاعد انزل الباتش من موقع ثاني لان الي اعطيتني اول يحتاج تسجيل بالموقع
hitler is back
17-02-2003, 12:49 AM
نزلت الباتش 1.2 المشكله يبغى له كراك وش الحل
ساعتين انزل الباتش يعني تكفون ابي حل
SanDan
17-02-2003, 09:12 AM
اظغط هـــنـــا (http://w36.14.saudi.net.sa/~u143615815/BF1942.rar) لتحمل الكراك ل 1.2
supernova
18-02-2003, 01:05 PM
http://www.magha.net/
هذا موقع محل نتورك في جدة في مركز البولينج في سوق المساعدية على طريق المدينة
hitler is back
19-02-2003, 12:29 AM
شكرا سوبرنوفا على مشاركتك لنا
وياخ SanDan معليه غثيتك بس ياليت تشرح لي وش اسوي بالكراك وين احطه لاني سويت مثل ماسوي للكراك العادي وحطيته بملف اللعبه في الهارد ديسك مدري اذا الطريقه غير ماعندي اي فكره فياليت لو تساعدني
SanDan
19-02-2003, 06:06 AM
الرسالة الأصلية كتبت بواسطة hitler is back
شكرا سوبرنوفا على مشاركتك لنا
وياخ SanDan معليه غثيتك بس ياليت تشرح لي وش اسوي بالكراك وين احطه لاني سويت مثل ماسوي للكراك العادي وحطيته بملف اللعبه في الهارد ديسك مدري اذا الطريقه غير ماعندي اي فكره فياليت لو تساعدني
يمكنك مافكيت الملف؟ الملف مظغوط ب RAR نزل برنامج WinRAR علشان تفتحه.
اذا فتحت الملف بتلقى بوسطه ملف BF1942.exe و ملف mod.dll وملف dothis.txt.
استبدل ملف تشغيل اللعبة الأصلي بملفنا bf1942.exe وحط ملف mod.dll في دليل Mods\bf1942 اللي في دليل اللعبة.
New Horizon
19-02-2003, 06:26 AM
الرسالة الأصلية كتبت بواسطة supernova
http://www.magha.net/
هذا موقع محل نتورك في جدة في مركز البولينج في سوق المساعدية على طريق المدينة
;-) ;-) Thanx alot supernova about this informations;-) ;-)
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .