المساعد الشخصي الرقمي

مشاهدة النسخة كاملة : ما المعنى الحقيقي للأعتذار


رامشي
15-02-2003, 05:10 AM
هل الأعتذار نوع من الذل والأهانه ام هونوع من حسن التربيه والأدب؟

الكل يعرف ان من تعاليم ديننا الأسلامي الحنيف التسامح وهو دين تسامح وموده فعلا كل انسان لو اخطأ يجب ان يعترف بخطأه ويتأسف ويعتذر للأخر

لكن الملاحظ فيه هذه الأيام ان الأعتذار هو المهانه والذل او كما يعنقد البعض للمصلحه؟ أهذا مأل اليه مجتمعنا العربي؟ اهذي تعاليم دينناالأسلامي؟

للأسف الشديد نعم هذا هو الحاضرالمرير الذي نعيشه

فعندما يعتذر شخص عن خطأه يعامل كأنه ضعيف امام ذلك الشخص وكأنه كان خائفا منه

لكن يجب ان يعرف الجميع ان الأعتذار هو من سمات الأنسان القوي بأخلاقه وصفاته وادابه ومروئته

انا اعجب من هؤلاء الاشخاص وطريقة تفكيرهم المحدوده فمجرد ان يعتذر لهم شخص رأوا انفسهم في موضع القوه وأخذو يلقون بالكلمات اللي ان دلت على شي فهي تدل على عدم ثقتهم بأنفسهم وعلى البيئه التي تربو فيها ولو بحثنا ورأوهم لوجدناهم من بيئه لا يعلم فيها الا الله ومن مجتمع فاشل وانا اسميه فاشل لأنه يخرج مثل هؤلاء الأشخاص او يدل على شيء اعظم كما نقول في العاميه (قلة الأدب)

ان المجتمعات الغربيه وللأسف الشديد اخذو عنا صفاتنا اللتي اوصانا بها مجتمعنا واللي اوصى فيها بالدرجه الأولى ديننا الأسلامي الحنيف وهي صفة التسامح


أخوكم رامشي
Angel whisper
15-02-2003, 05:20 AM
انا ان غلطت غلطة .. احاول اعتذر باسرع وقت ..

عشان ما استمر في الغلطة اللي وقعت فيها ..

وعشان ما اطيح من عين الشخص اللي غلطت عليه ..

ولو اني ادري ان الاعتذار ما بيفيد بشي ..

لانه برايي الاعتذار .. اتفه شي نسويه عقب ما نغلط على حد ..

لان الغلطة مؤلمة.. وما تنحل بكلمة آسف ..

وشكرا :)
أفلاطون
15-02-2003, 06:53 AM
الرسالة الأصلية كتبت بواسطة لوسي

بس اذا الطرف الثاني هو الغلطان ولا حاول يعتذر..أقطع علاقتي فيه



هذا التصرف اعتقد انه من اكبر الاغلاط بالأخص اذا كانت العلاقه بين شخصين قويه وكان بينهم فتره غير بسيطه,لأن الامر هذا يحتمل اكثر من سبب لعدم الاعتذار منها:

يمكن يكون اللي غلط عليك في اعتقاده انه مهب غلطان وهذا يحثنا على المصارحه او المناقشه بينهم الى ان يوصلون الى نتيجه يتفقون عليها:)
وبعدين الغلطان يعتذر:) ===>أهم شي يعرف انه غلطان واذا ما اعتذر هنا يمكن نقدر نقول سوي اللي تبين:).(مع تحفظي على التصرف اللي بتسوينه):|

وهذي الحالات يعانون منها وبشكل كبير الاباء خصوصا اذا كان الولد او البنت في فترة المراهقه:|,حيث يعتقد الولد او البنت في هذي المرحله انهم دائما على صواب وان الاباء ما يفهمون وش قصدهم و...و...وو... وهنا تصير مشاكل بين الاباء والابناء:|

فما يصير ان الولد يقطع علاقته بأبوه:|

وبالنسبه لقولتك انه اذا ما اعتذر على تقطعين علاقتك معه على طول .

أنا اعتقد انه لازم تبينين له أهمية الاعتذار بشكل غير مباشر لأنه مو معقول ان سبب زي كذا يخليك تقطعين علاقتك بشخص(هذا يذكرنا بسالفه صارت في المنتدى:؟) لأن الانسان بطبيعته خطاء واذا حصل خطأ منه لازم نتسامح ولا ناخذ كل الامور بقسوه:)

وتذكري قولة الشاعر:

فعش واحدا أو صل اخاك فأنه @@@@ مقارفا ذنبا مرة ومجانبه
اذا انت لم تشرب مرارا على القذى@@@ظمأت واي الناس تصفو مشاربه

ـــــــــــــــــــــــــــــــــــــــــــــــــــــــــــــــــــــــــــ

هذي وجهة نظري واتمنى أنك تتقبلينها بصدر رحب:)
أفلاطون
15-02-2003, 07:02 AM
الرسالة الأصلية كتبت بواسطة لوسي


أنا قصدت اذا الطرف الثاني غلط علي مثلا..
بس تجاهل غلطه وكأنه ما سوى شي..
ايه على الأقل لازم يبين انه غلطان..

ومشكور على التوضيح..

اها




العفو:)
RPG_master
15-02-2003, 09:27 AM
مشكور على الموضوع,,




يمكن يكون اللي غلط عليك في اعتقاده انه مهب غلطان وهذا يحثنا على المصارحه او المناقشه بينهم الى ان يوصلون الى نتيجه يتفقون عليها


كلام حلو..



انا اكثر شي يقهرني انك تكون مطالب بالأعتذار مع انك ما غلطت,,


لكن تضطر بعض الأحيان تعتذر لأن المشكله ما تستاهل

ولأن هالشخص غالي عليك,,
Justine
15-02-2003, 08:26 PM
فعندما يعتذر شخص عن خطأه يعامل كأنه ضعيف امام ذلك الشخص وكأنه كان خائفا منه

ايه هي ذي المصيبة :(

نظرة الناس الخاطئة للاعتذار ...


Sorry seems to be the hardest word
BiN-3Li
15-02-2003, 09:51 PM
الاعتذار
كلمة نعشقها نحن العرب
ومن ناحية القبول وعدمه
فنحن او البعض منا يتفنن في اهانه المعتذر
والقليل يتحلى بالاخلاق الاسلامية ويتقبله بصدر رحب



وانا من ناحيتي اقول المسامح كريم
البطل زاندر
15-02-2003, 10:07 PM
والله برأيي إنه الأعتذار نهائياً ماهو عيب ولا شي والمعنى الحقيقي للإعتذار لمن يكون من القلب مع عدم العودة له ....
ومشكور على الموضوع يالغالي ...
رامشي
16-02-2003, 06:12 AM
لوسي
BOY_THING
البطل زاندر
lord irk7
BAHAMUT ZERO
RPG_master
أفلاطون
Angel whisper

مشكورين جدا على تفاعلكم وتجاوبكم في الموضوع:)
sweet revenge
16-02-2003, 11:02 AM
el salam 3alikom

in my humble opinion
it is hard for ppl to say sorry..cuz by doing that they gonna admit that they r mistaken..and no one wanna do that..

but it pisses me off when someone is wrong and s/he has to say sorry but hell no s/he wont say it...it is like u r asking for too much very:D

only ppl with big hearts and big brains (big brain in a good way:D )have the courage to say I'M SORRY

peace
":"
عاشق بن لادن
19-07-2003, 12:05 AM
السلام عليكم

حسب وجهة نظري المتواظعة
من الصعب إن الإنسان يقول "أنا آسف" .... لأن نتيجة لقولهم ذلك فإنهم يعترفون بأنهم مخطئون ... ولا احد يريد أن يفعل هكذا

ولكن الشي الي يقهرني إن يكون الشخص(ـة) -حلوة هذي الشخصة- غلطان(ـة) وإنهـ(ـا) لازم يقول أو تقول آسف(ـة) لكن لا حياة لمن تنادي ... كأنك تطلب منهم الشي الكثير

فقط الناس اللي قلوبها عودة ومخوخها عودة (مخ عود لكن في الخير) عندهم الجرأة على إنهم يقولون أنا آسف

سلام

مو كأنه هذ ترجمة لرد سويت رفنج :6 -الترجمة بتصرف -

لا ومسوي روحي حلو ويازعم الرد مالي، شاسوي بعد ، الحلو حلو لو قعد من نوم والشين شين ولو غسل بصابون :D
DOOM
19-07-2003, 12:49 AM
اخوي رامشي
احس انك خلطت بين اللي يعتذر لقناعه منه بخطأه وبين من يعتذر لسبب اخر لخوف او لمصلحة او اي سبب اخر اكيد الاول غير الثاني.......

Angel whisper
الغلطة مؤلمة صحيح بس تنحل بكلمة اسف لو كل شخص ماقدر ينسى اللي فات ويكمل حياته ماراح يصفاله احد......

أفلاطون
صح لسانك

BiN-3Li
المسامح كريم بس كل انسان له كرامه ولكل شئ حد..........
Yuna
19-07-2003, 01:01 AM
المشكلة عندما أقوم بخطأ ثم أقوم بالأعتذار ....مااستطيع انساه الا بصعوبة حتى تصير تصرافتي مختلفة ومااستطيع اخلي تصرافتي طبيعة لهم ... :":
Arsene Lupin
21-07-2003, 11:31 AM
أصعب شخص اعيش معه بعد المتكبر هو الي ما يعتذر... و هي نوعا ما جزء من التكبر...



بس يجيك واحد مو متكبر... بس ما تعود يقول آسف ابد... فتصير مواقف يكون غلطان فيها بس ما قد قال آسف ابد... فصعب انه يبدا يقولها الحين...

فيصير يخترع سبب انه موب الغلطان... و (( يقنع نفسه فيه))... و يصير يرد بهالسبب عليك...



فيه ناس ثانيه تطفش من النقاش و تقول لك "آسف... خلاص؟؟ "

يعني لازم تسوي نفسك قوي و تسكت الثاني حتى بالاعتذار؟

الاسلوب هذا يزيد الكبر و الغرور في النفس...

قل إنك آسف و "أقنع نفسك" انك غلطان... و قلها باسلوب متواضع للي عندك... موب تنافخ عليه





و نقطه اخيره... حاول تقتنع بوجهة نظر الثاني كأنك مكانه في نفس المشكله......مو تحاول انك تخلي نفسك "صح" و الثاني غلط...

و لو كان واضح انه هو الغلطان و قعد يعارض... اسكت و قل الله يسامحك... لأن السالفه اذا كانت واضحه المفروض يعرف انه غلطان و ماله داعي تقنعه...

خلك دايم صريح مع نفسك و مع غيرك




و اسف على الاطاله :#
DOOM
21-07-2003, 05:49 PM
الرسالة الأصلية كتبت بواسطة Arsene Lupin

فيصير يخترع سبب انه موب الغلطان... و (( يقنع نفسه فيه))... و يصير يرد بهالسبب عليك...

صحيح فيه ناس ما تحب تحسس روحها بالذنب كل شئ في حياتها مبرر وله اسباب وجيهه وكل غلطه ولها حكمه (تصريفه) ........
عموما هالنوعية تحتقر عقليتها بنفسها.........
شمخور.........
Yuji
21-07-2003, 07:44 PM
اولا شكرا على الموضوع:)

ثانيا

اذا انا غلطت على شخص و جرحت مشاعره اعتذرله و اذا ما قبل اعتذاري اوضحه (اذا كان فيه سوء تفاهم) و اذا ما قبل الله يسامحه:)

ولكن اذا احد غلط علي و جرح مشاعري و اعتذرلي راح اقبل اعتذاره . الا اذا كانت غلطه قويه:D (يصير فيه كلام ثاني:p )


bye
acer2
21-07-2003, 08:00 PM
والله الاعتذار يكون لعى اشكال كثيره غير كلمه اسف !!!!!!!!!!

تقدر تعوض الشخص اللي اخطأت عليه بشيء يماثل او اكثر من الخطأ اللي ارتكبته !!!

مثلا هديه !!!

مثلا خدمه !!!
اشياء كثيره !!!

وطبعا هذا الكلام ما يمشي لما يكون اهو غلطان عليك من الاول .... !!!

وشكرا