معرض رسوم الاعضاء رسماتي قبل اعتزال الفن [الأرشيف]

sakura wakky

18-02-2003, 04:02 AM

هااااااااااااااااااااااااي هذه اول مشاركة لي وفي هذا الموضوع راح احط رسماتي القديمة قبل لا اهد رسم الشخصيات ......(رسمات نقل):6

وهذا الموضوع ما راح يطول لان الرسمات مو وايد وانا تعلمت الرسم من اختي الله يخليها لي .......(عضوة من اعضاء المنتدى ).....

:" هي مو مخليتني اقولكم بس انا فضحتها لووووووووووووووول

(ملاحظة :الي يبي يعرف منو هي معلوماتي موجودة ;-) )

وهذا اول مشاركاتي

sakura wakky

18-02-2003, 04:11 AM

كاهي الصورة نسيت احطها

shaheen

18-02-2003, 04:12 AM

هلالالالالالالالالالالا
زين يا أخت ****** (يازعن عرفت);-)

حياج في منتداج ومنتدى اختج ^_^

نبي نشوف رسماتج اللي بتفضح اختج عل ههههههههههههه:)
ترى ببعض العضوات عندهم خوات وايد هههههههههههه:0) :0)

shaheen

18-02-2003, 04:15 AM

واااااااااااو رسمة قوية
اول مرة اشوف رسمة حلوة لكنشن:6
بصراحة التعابير قوية ويبين لي ان عندج تمكن قوي بالخطوط... تلوينج حلو بعد.

زيدينا رسومات بعد.. رسمج يجنن^_^

sakura wakky

18-02-2003, 04:28 AM

مشكور اخوي شاهين على الرد الحلو.........

انت اول شي قلت ان الرسم لاختي بس هذا مو رسمها رسمي انا بس على ما اعتقد انك الحين فهمت:cool: (ما اعتقد عرفت اختي)ههههههههههه

ناوية عليها اليوم .............

انا مستانسة لانك اول واحد يرد علي وعلى فكرة اختي وايد كلمتني عنك وعن رسماتك ورسمك الحلو ...................

على شان جذي انا مستانسة

الحين وقت الباي باي (جاو)

Rewayah

18-02-2003, 05:26 AM

أهلاً أختي ساكورا واكي. :)

أنا زعلت يوم سمعتج تقولين إعتزلت الفن!

لازم ترجعين ترسمين! :)

رسمة كنشن خطيرة, عجبتني. ;-)

manga queen

18-02-2003, 05:50 AM

لا ثم لا ثم لا ثم لا ثم لا.....................

رواية يا خائن لا تحمسها ...................:غضب:

اوكي .............خلاااااااااااااااااااص بعترف انا اكون اخت هذه العبيطة وانا الي علمتها..........

:6 اقص عليكم مو مشكلة بس انا واختي راح نسوي مفاجاة بس نطرو علينا شوي مو شوي شويات

لووووووووووووووووول

انا رديت عن اختي واتقولك يا رواية sakura wakky says:(مشكووووووووووووووووووووووووووووووووووووووووووووووووووووووووووووووووووووووووووووووووووووووووووو ووووووووووووووووووووووووووووووووووووووووووووووووووووووووووووووووووور بس انا هادة الرسم من زمان )

رواية ..شفت شلون :" قاعدة تعايرني انا الي علمتها تقولي حرة رواية رد علي وما رد عليج ...بالله ترضاها؟؟؟؟

مو مشكلة ربنا على المفتري

باياتو سلامي;-)

Sara Sama

18-02-2003, 09:39 AM

sakura wakky .... حيااااج في المنتدى ....
هلا والله بأخت مانجا كوين .... ;-)

رسمج حلووووو وااايد؟؟؟ قويه رسمت كنشن ....
ليش تعتزلين الفن :واو: ؟؟؟؟؟؟؟؟؟؟؟؟؟؟
تبين ظرب :غضب: ..........

... يالله ما وصيج راااوينا الباقي....

وسلامي لمعلمتج منجا كوين .... ;-)

Som@y@h

19-02-2003, 05:38 AM

حلوووو ... ساااكروووا .. ماشاء الله عليج وعلى معلمتج العبقرية مانجاكوين .....:D :D

خلي الباقي

;)

Rex

19-02-2003, 05:57 AM

حلوه جدا الرسمه أخت sakura wakky :)
اوه هذا كينشن مو أي زلمه ^^ ...

بس الشعر صوب اليمين من فوق شوي ما ضبطيه زين ...

manga queen بانتظار مفاجآتكم من الحين :D

assassin

19-02-2003, 09:43 AM

هلا باخت مانجا كووين :0)

رسمتج فنانه تعجبني شخصية كينشن ^^

يالله نبي انشوووف بعد رسمات >_< وشو اتهديين الرسم بعد !!!!

iori- Yagami

19-02-2003, 10:17 PM

يا الهي .. آنا ليش سجلت هني ..

يعني شنو تبون أسافر المريخ أفتك منكم انتي و مانجا كوين بنات عمي

شسوي فيكم ..

بس ما دريت انج ترسمين حلو جذي طلعتي رسامة نفس اختج اممممم

معلومة يديده ..

انزين آنا ولد عمج و أبي أطلب منج طلب .. قصتي اليديده سويتها رسمي الشخصيات أحسن لج و الا .. تعرفين شنو راح أسوي (يعني أهدد مع الويه :6 )

يلا آنا ولد عمج لازم تلبين طلبي

باااي يا أخت الرسامة الماهرة ;)

فيلسوفة زمانها

19-02-2003, 10:18 PM

أنا منتظرة مفاجأتكم...........

إلا قولي لي أنت ما عندك روسومات ثانية تعرضينها ؟؟:أفكر:

وشكراً:D

iori- Yagami

19-02-2003, 10:22 PM

ترى ما عندهم مفاجأة بس جذي آنا أعرفهم بنات عمي كله يسون جذي ..
( راز ويهي بعد شوي طلبوا الاسعاف أدري مانجا كوين و أختها راح يذبحوني ضرب ) :D

sakura wakky

20-02-2003, 06:40 AM

ما توقعت كل هالردود بهذا الوقت القصير .........

ما اعرف شلون اشكركم جميييييييييييييييييييييييييييييييييييييييييييييييييييييييييييييييييييييييييييييييييييييييييييييييييي ييييييييييييييييييييييييييييييييييييييييييعا:o

((ولد العم حسابك بعدين;) ))

ان شاء الله راح احط رسماتي بعدين (لا تضغطون علي هذه نقل)

واحب اوضح شي انا مووووووووووووووو مانجا كوييييييييييييييييييييين انا اختها :"

انا بروح وكوين بروح انا ادمية بروح وكوين ادمية ثانية بروح يعني احنا اثنين ههههههههههههههههههه والرسمة رسمتي والموضوع موضوعي اوكي

الحين وقت الباي باي (جاو)

sakura wakky

23-02-2003, 08:46 AM

بدون تعليق (مخلية التعليق لكم)

والحين وقت الباي باي شااااااااااااااااو

DeeK MantooF

23-02-2003, 09:04 AM

والله رسمك جدا روعة ساكورا......اقول وناسة انتي واختك تتضاربو......اقول ليش ما تحذفيها بواحد هدوكين نرجع ايام الكينج اوف فايترز خخخخخخ :D

iori- Yagami

23-02-2003, 09:21 AM

بنت العم شكو حاطه الصورة هذي
مو انتي عطيتيني اياها و صارت حقوق النشر كلها محفوظه

اممممممممممممممممممم

يا ليت مانجا كوين بهلحظة تعطيج هدوكن مثل ما قال الديك المتنتف و افتك منج (أيتها الرسامة الماهرة قصيتي فيسي ):":

sakura wakky

23-02-2003, 08:34 PM

و الله خوش فكرة أخوي ديج منتف ( شكلي بجربها هههههههههههههه)

أقول أيوري الرسمة هذي رسمتي و حقوقها محفوظة حقي و بعدين أنت اللي طلبت مني نسخة للرسمة حق قصتك مو من كيفي عطيتك ( يعني بعد التوسل و المذلة عطيتك نسخة منها ) لأني أشفقت عليك

و مشكورين على الردود

و الحين وقت الباي باي شاااااااااااااااااااااو

iori- Yagami

24-02-2003, 08:48 AM

آنا لو يقولون اختر الذل و التوسل حق بنات عمي أو الموت أموت أبركلي

لأني اذا ذليت نفسي أعرف شنو تسوون

(ولد عمي الله يخليك ودنا السوق .. ودنا السينما و الخ الخ الخ )

البنات كلهم جذي (شسوي شفتوا اشلون ذاليني و مطيحين حظي اهيئ اهيئ اهيئ ):(

Madoka

24-02-2003, 10:00 PM

ساكورا عزيزتي ^_____^ اهلا فيج بالمنتدى :)

سوري عالرد المتأخر :":

شنو قصدج تعتزلين الفن ؟!؟!؟!!؟

رسمج حلووو ^______^ و رسمه كنشن بالذات عجيبه ^^ التحبير بالاسود واااااايد عاجبني خصوصا ناحيه الشعر :):) .. و بعد التلوين وايد طلعت حلوه :)

حلوو تلوينج ^_____^ .. و رسمج بعد :)

مو تتركين الفن .. مفهوم !:)

باي:-)

DeeK MantooF

25-02-2003, 12:03 PM

غصب هو؟؟؟؟؟؟؟؟؟:!

Sara Sama

26-02-2003, 03:27 AM

!!!!!!!!!!!!!!!!!!!!! هي غصب :6 ....
(( لا لا لا مش رزه ... أدااااافع عن حبيبتي مدوووكا ))

:غضب: اللي مش عاااايبنه .. #@$##%$#^&%^%#$%#!@#

:6

sakura wakky

01-03-2003, 09:18 PM

hi every one
شلونكم ان شاء الله بخير

أحب أقولكم أني حييييييييييييييييييييييييييييييييييل أعتذر عن تأخر ردودي بس بعد
ـــــــــــــــــــــــــــــــ
أقول أيوري ترا جنك ماخذ راحتك حيل و بعدين من قال أني أتوسل علشان تطلعني أنا أطلع مع أمي و أبوي وايد أحسن

ـــــــــــــــــــــــــــــــــــ
هلا بمادوكا

و لا يهمج عادي أنا ما ألومج لأنج دخلتي متأخر أدري أن عندكم وايد أشياء تهتمون فيها أكثر من موضوعي و أحلى

مشكورة على ردج العسل و تسلمين بس حبيت أقولج أني من سنتين تقريبا اعتزلت الفن لأن ما كو أحد يشجعني و بعد مشكورة يا أخت سارة ساما على تفاعلج مع موضوعي

و مشكورين كلكم

آسفة ما حطيت شي اليوم بس سامحوني:":

و الحين وقت الباي باي جاااااااااااااااااااااااااااو

sakura wakky

09-03-2003, 08:56 PM

آآآآآآآآآآآآآآآآآآآآسفة لأني طولت عليكم بس شسوي الظروف و ما تفعل

هالمرة بحطلكم أقدم رسمة عندي و قولولي رايكم فيها ( هي مقتبسة أو منقولة من البطل في شريط ريكورد أوف لودوس وار)

:0)

Sara Sama

09-03-2003, 10:02 PM

هاي ساااكووووووورا...... :0) كيفيك؟
الرسمه حلوه ...
بس لو كنتي راااسمه الملامح أوضح .. و العيووون فيها أممممم... فيها
شووو يقوولون .. !! هي لو راااسمه فيها البؤبؤ و مادري شو... يعني ملامح.....
بتكوووون الرسمه رهيبه ... أحس فيها شي يجذب...
:0)

زين حطيتي رسمه ... ;-) من متا نتريا .. !

Space Cowboy

10-03-2003, 01:52 PM

سلام ساكورا ! كيف الحال !

اسف على التأخير! بس ماشاء الله الرسومات كلها حلوة
و مثل ما قالت اختي سارا , اعتقد ان اللمعة غير ظاهرة في الرسمة الأخيرة!
و ماشاء الله عليك مشروع فنانة , لازم تعطي موهبتك حقها ورق ابيض ناصع و نظيف لتبدعي عليه

بالتوفيق!

سلام:)

sakura wakky

10-03-2003, 09:59 PM

هااااااااااااااااااااااي

مشكورين على ردودكم

سارا ساما :
هذه الرسمة حيل قديمة و هي تقريبا أول رسمة نقل أرسمها قلت أجرب النقل ( لأني ما أعرف أرسم من خيالي جم مرة حاولت و ما ضبطت )

أنا أدري أني مصختها و ما حطيت رسمة من رسوماتي من زمان بس ان شاالله بتشوفين الباجي

space cow boy:

هلا فيك بموضوعي

و لا تتأسف و لا شي عن قدومك متأخر أقدر ظروفك و مشكور على ردك و مشاركتك بموضوعي

ما راح أحط شي اليوم بس ان شاالله باجر اذا الله عطانا عمر بشارك برسمة غيرها

أوكي

و الحين وقت الباي باي جاااااااااااااااااااو:0)

alucardracula

11-03-2003, 01:09 AM

هلا بساكورا و فن ساكورا:)
مستوى ممتاز في كل شي!
رسمة كنشن تقول لي الكثير!هذي الخطوط و القياسات و الملامح و التلوين و التحبير و كل شي فيها احترافي! خصوصاً التلوين شي عجيب ممتاز !
و رسمة يوجو ما شاء الله! الشعر شعرة شعرة! و هو يوجو الخشن بملامحه الخشنة و الأعصاب و العروق اللي تطلع من يده! أذهلتني هذه التفاصيل و التلوين مُحترم و ما عليه كلام!
الرسمة الأخيرة تبع لودوس وار رهيبة! الملامح مضبوطة و التظليل الخفيف حلو و بالألوان راح تطلع أحلى 100%:)
أتمنى أن اسم الموضوع يتغيّر فعلياً من ناحيتِك و من ناحية المنتدى..و لا تتركي الرسم و جماله:) ..
بالتوفيق أختي..

sakura wakky

11-03-2003, 06:18 PM

السلام عليكم

مشكور أخوي ألوكارد على هذا الرد الحلو و هذا التشجيع من أنا من زمان ما شفت أي تشجيع نفس تشجيعك لي مشكور وما قصرت أنا راح أحاول أرسم مرة ثانية بس ابشي اللي خلاني أترك الرسم هو أن الرسمة الوحدة تظل معاي فترة طويلة على ما تخلص ( الرسمة الملونة ) علشان جذي راح تلاحظون أن أغلب رسماتي بالرصاص للسرعة أما التلوين ياخذ وقت

و آخر رسمة رسمتها كانت ملونة و لي الحين فيها شغلات مو كاملة ( يعني تخيلو المدة ) و الدراسة تلعب دور في تأخير رسماتي

و الحين مثل ما وعدتكم هذه ثاني رسمة بعد لودوس وار ( ما يحتاج أقول أنها منقولة واضح )

و أشوفكم بخير ان شاالله
باي باي;-)

الخطاف

12-03-2003, 01:18 AM

ممكن طلب أختي sakura wakky

ياريت تسوين موضوع يديد أو جالري بالأحرى وتحطين رسمج .
لأن أسم ذي الموضوع يخرع بصراحه.

يعني رسمج حلو وإذا كانوا الرسمات قدام راوينا رسماتج اليداد أكيد رسمج يتطور.

وأن شالله أنجوف رسمج قريباُ

sakura wakky

12-03-2003, 08:16 PM

آسفة ما طلعت الرسمة ما أدري شالسالفة كل ما أحاول أحطها ما تطلع ما أدري شالسالفة بس بحاول مرة ثانية علشانكم

أخ الخطاف أنا أشكرك و أرحب فيك بموضوعي البسيط فكرتك حلوة أني أفتح جاليري خاص حقي بس إا برد حق الرسم و أفتح جاليري راح أحط بالسنة رسمة لأن الرسم ياخ وقت مني و يطول و آخر شي تطلع بايخة:6

المهم إا تبون أحاول راح أحاول على حسب الظروف

أنت تامر أخوي احنا جم خطاف عندنا ;-)

تسلم أخوي على ردك

نشوفك بخير ان شاالله
باي باي;-)

sakura wakky

30-03-2003, 10:35 AM

آسفة لأني طولت بعد تدرون الظروف و على حسب الكمبيوتر و مزاجه

بس راح أحاول أعوضها برسمتين و أتمنى تقولون رايكم

باي باي;-)

sakura wakky

30-03-2003, 10:37 AM

و هذي الرسمة الثانية :0)

Madoka

30-03-2003, 10:55 AM

سلام :)

واااااو الرسمه الثانيه راسمه سيلرجوبيتر ^.^ أكثر وحده احبها من مسلسل سيلرمون ^____________^ .. حلوووه الرسمه ;) .. بس فاتحه @@ ياريت تحبرينها :) و الرسمه اللي فوقها بعد سويييييييت ^____^ و ظابطه الشخصيه ^^

بالتوفيق اختي:)

sakura wakky

30-03-2003, 11:00 AM

واااااااااااااااااااو

ما توقعت أن في أحد راح يرد بهذي السرعة

مشكورة أختي مادوكا:"

أنا بعد أحب جوبتر
و ان شاالله بحاول أحبرها

أنت تامرين

أوكي سي يو

باي باي;-)

sakura wakky

31-03-2003, 09:51 AM

هذي المرة يبتلكم بعد رسمة بس عارضتها من قبل ( كينشن ) بس لونته بالفوتوشوب و ان شاء الله يعجبكم

أبيكم تردون

سي يو ;-)

sakura wakky

26-04-2003, 12:28 PM

آسفة طولت عليكم بس المواضيع اللي بالمنتدى شغلتني يعني لا تواخذوني أوكي

بحط رسومي القديمة و أروح

هم صح غامجين من السكانر بس ما عليه

sakura wakky

26-04-2003, 12:31 PM

و هذي الثانية

sakura wakky

26-04-2003, 12:32 PM

و هذي الأخيرة لليوم إن شاالله تعجبكم

DeeK MantooF

26-04-2003, 01:35 PM

ما شاء الله ساكورا

ترى رسمك جدا حلو وروعة ليش معتزلة؟؟؟

(( ما ادري كأني رديت على هالجاليري من قبل ماني فاكر ))

بس والله رسومك جدا حلوة وياريت لو تعرضي المزيد ;)

sakura wakky

27-04-2003, 11:26 AM

مشكور أخوي ديك منتوف على هذا الرد المشجع

ترا أنت راد مرة على موضوعي علشان أذكرك بس:0)

و مشكور مرة ثانية تصدق أنك رفعت معنوياتي

بس أقولك يمكن مو أكيد أحاول أرسم مرة ثانية بس مثل ما تدري ظروف الدراسة :(

الله يعيننا

DeeK MantooF

27-04-2003, 11:41 AM

انا كنت حاسس اني رديت من قبل :D :D

بس ما كان فيه اتصفح كل الصفحات عشان اشوف اذا رديت ولا لا

على العموم صراحة رسمك حلو وما اعتقد انه رأيي لوحدي انك ما توقفي رسم ;)

نتمنى نشوف أكثر ;)

sakura wakky

27-04-2003, 11:56 AM

مشكور أخوي ديك إن شاالله ما أخيب أملكم فيني و راح أحاول كثر ما أقدر أني أرد للرسم مرة ثانية

Bu Laban

27-04-2003, 12:47 PM

السلام عليكم :)

ماشالله عليش رسمش حلو كثير ... ليش بتعتزلين الفن :": .. صحيح أن رسمي زفت 100% بس على الأقل أحاول و مش معنى كذا أني أعتزل أي شي .... المهم متى ما صار عندك وقت لا تحرمينا من الرسم :)

بو لبن :D

sakura wakky

27-04-2003, 12:54 PM

مشكووووووووووووووووووووووووووووووووووووووووووور

أخوي بو لبن ما كنت اتوقع أنكم بتردون علي بهذي لبسرعة مشكور و ما قصرت

راح أحاول أشارك إن شاالله بس خليني ألقى وقت أرسم فيه

-][HaNa Sun][-

28-04-2003, 07:53 AM

:": :": :": سوري سكورا وكي توني أنتبه للموضوع ..دايما" متأخره :"

كيف اغفل عن جاليري ساكورا وكي كـــــــــيف:" ?:

الرسومات واايد رهيبه ماشاالله عليج و خاصه رسمت كينشن :واو: كل هاي الموهبه عندج و داستها عنا:6 و نبا نشوف رسمه من تأليفج جريب إنشاالله يا الغاليه;-)

أرد اعتذر لاني داخله متأخره:(

sakura wakky

28-04-2003, 11:08 AM

لا عادي حبيبتي هانا سان أصلا موضوعي ما كان هني بس أنا طلبت نقله هني

يمكن علشان جذي ما انتبهتيله و مشكورة يا حبوبة على ردج الحلو

سي يو ;-)

الزين كله

28-04-2003, 06:53 PM

ليش تتركين الرسم .......

حرام ما اايد انج تهدين الرسم ........وبصراحة رسوماتج وايد حلو

ولا تنسين اني تعلمت الرسم منج:D

MeMe CHaaN

28-04-2003, 11:01 PM

إحم.. إحم...

لو إختفت sakura wakky من الوجود إعرفوا انا ميمي جان إغتالتها...

لأني انا @#$%&*$%#$*&%$#@ :غضب: :غضب: :غضب: معصبه..

sakura wakky:
أنا أول مرة أعرف أنج جي ترسميين يجنننننننننن
و معتزله الرسم بعد....:غضب: :غضب:
أذبحج و لا شو أسويبج؟؟؟؟؟؟؟؟

*المشكلة ما تهون عليه حبيبتي sakura wakky *
والله حرام عليج يا ساكورا تحرميتا من هل رسم الي يجنن والله
واييييد حلو الرسمات..... كنشن سواء الملونه بالخشب و لا الفوتو..
والله التضليل واييييد حلو والله... و يوقو ذا ولف بعد هل رسمه وايييد
حلوه.. عيبتي.. و الرسومات الي برصاص حلوااات و كيييوتااات...:0)
كل ارسمات رهيييييييبه والله من دون إستثناء...:D

أخر إنذار: إذا ما زلتي تريدين الحياة إستمري بالرسم و لا بغتالج تراني
لووووووول..;-)

و نست أقول...
سوررررررري على الرد الوايييد متأخر..?: ?:
ما شفت موضوعج إلا ألحين.. والله أول ما إنبهتله دشيته على طول :أفكر:
عيا انا أفوت موضوع لحبيبتي sakura wakky ....:D

تحياتي...
ميمي....:D

sakura wakky

29-04-2003, 08:12 AM

أولا أحب أشكر كل من رد على موضوعي بس في شي مو مستوعبته

؟؟؟؟؟؟؟؟؟؟

:!

:!

:!

خــــــالتي الزين كله

أنت متى دخلتي المنتدى أصلا

لا و بعد ما قلتيلي أنج دخلتي المنتدى و لا حتى فجيتي حلجج بالموضوع موكنت طالعة معانا أمس أنا و مانجا كوين و سويت جيرل و ما تقولين المهم الحساب يكون بعدين

حبيبتي ميمي جان أنا أدري أنج بتكونين أول من يرد على الجالري بس أنت ما شفتيه

بعدين أنا اليوم المفروض أحط رسمتين بس .........

الدسك باللوكر و مالي خلق أروح أييبه باجر إن شاالله

و أنا قلت يمكن أحاول أرسم مرة ثانية لأن سبب اعتزالي هو أن ما عندي وقت أرسم و أني ما أعرف أرسم شي من مخيلتي

و هذا اللي صار و بعدها ما مسكنا القلم مولية

بس أوعدكم أني بحاول

سي يو;-)

sakura wakky

29-04-2003, 04:15 PM

أنا ياية أحط أحلى رسمة رسمتها و آخر رسمة قبل لا أعتزل بس مو كاملة شوفوها و قولو رايكم فيها ;-)

sakura wakky

29-04-2003, 04:18 PM

أما هذي الرسمة أمس رسمتها بالقلم الضوئي ( حاولت أرسم بس علشانكم ) يعني أنا أول مرة أجرب القلم الضوئي و هو مجرد سكيتش

و إن شاالله يعجبكم

Bu Laban

29-04-2003, 04:21 PM

هذي رسماتك زي الحلاوة ... و مصممة تعتزلين الرسم :(

تعطيني قدراتش إذا اعتزلتي؟ :D

لا ما نبيش تعتزلين الرسم و نبي رسمات زيادة :cool:

DeeK MantooF

29-04-2003, 07:56 PM

:واو: :واو: :واو: :واو:

وااااااااااااااااااااااااااااااااااااااااااااااااااااااااااااااااوووووووو

رسمة البنت اللي برشاش شيييييييييييي
روووووووووووووووووووووعة
رهييييييييييييييييييييييييبة
يفووووووووووووووووووووق الوصف
مدددددددددددددددهشة
كلش كلش :D :D

مرة صراحة الرسمة أذهلتني بكل معنى الكلمة :D :D

حسيتها تشبه شن لي اللي في ستريت فايترز :D

الزين كله

30-04-2003, 12:47 AM

هههههههههههههههههههههههههههههههههه

هههههههههههههههههههههههههههههههههه

:D
:D

هههههههههههههههههههههههههههههههه

ههههههههههههههههههههههههههههههه

والله ماعندى شى اقوله بس ودى اضحك وبعدين ابيج اتعرفين ويامنجا كوين ان انا مثل ظلج:D

بس اشرايج فى المفاجئه:0)

مير انى****طيرت شلوا:6

خالتج:::::::::::الزيــــــــــــــــــــــــــــــــــــن كله

Shadow Cat

30-04-2003, 01:49 AM

sakura wakky.........................................................................

MiSs:o..Wakky.......!!!!!!!!!!

You are WakkoO Enough.
...to leave behind ...That Talent

ممكن اجري مقابلة معاج؟....
Thank you....:o

اولا:
ليش تعتزلين الفن؟؟؟؟
ثانيا:
على اي اساس تعتزلين الفن؟
ثالثا:
ليش تحرمينا من هالـ...هالرسمات الخطيرة و الحلوة ؟ :" :" :"

اذبحج انا اذبحج؟؟؟؟

ماشالله عليــــــــــــــــــــــــــــــــــــــــــــــــــــــــــــج!!!
ليش خاشه كل هالرسمات من زمااان...؟...و انا اقول ..باجر بيظهر جاليري ساكورا..باجر....but noooo...
:D لوووووول المهم...رسمج واااااااااااااااااااايد حلوووو و فنااااان
الرسمه الأخيرة..................
مسكته.........ما عليها اي كلااااااااااااااام التلوين ..الجسم !!!!
Excelleeeeeent *****
:0)
و رسمه كنشن رهيـــــــــــــــــــــــــــــــــــب ..النظرات و الشعر و التلوين
روعه!!!
عفكرة...في شي من رسموماتج...تذكرني برسمة ..اهدتلي اياها وحدة
صديقتي;-) ...و جايه مثلها 95%
it was drawn along time ago...
im like ...
(صدفة غريبة):!
:-) براويج ايها...و بتعرفين اي رسمة اقصد...!!!

المهم....ابي اجوف رسمات جديده !!! و باستمرار !!! ^-^
adios sakurra
you devil u
;-)

sakura wakky

30-04-2003, 08:27 AM

مشكورين على اهتمامكم ما كنت متوقعة أن رسمي راح يعجبكم لي هذي الدرجة

بس بقول شغلة علشان نكون في الصورة رسمة البنت اللي معاها رشاش منقولة مومشفوفة ولا راسمتها من خيالي هي نقل و هذي الشخصية إذا كنتوا تعرفونها إسمها oni شريط بلاي ستيشن

الحين أرد عليكم

بولبن :
أنا أقدر موقفك بس بصراحة ما كان في أحد يشجعني على الرسم و رسمي للوجه حلو بس الجسم ما أعرف أضبطه حاولت أضبطه كذا مرة بدون ما أنقل شي بس ما نفع أنا ما جربت هالأيام أني أرسم رسمة يديدة بس بحاول علشانكم ( هذا إذا كنت فاضية ) و مشكور أخوي على اهتمامك بالجالري و ردك الحلو اللي رفع معنوياتي

ديك منتوف:
مشكور أخوي ديك يكون لي الفخر أن رسوماتي عجبتك ما كنت متوقعة إنها بتعجبك لي هذي الدرجة

الزين كله :
يا أحلى خالة والله الفاجئة عجيبة ما كنت متوقعة أنج داخلة المنتدى لا و الحمارة سويت جيرل ما تقول شي أنا أوريها :غضب:
و على طاري الجملة اللي كتبتيها

مير انى****طيرت شلوا
إذا زرناكم أو زرتونا بكملها لج لوووووووووووووووووووووول

شادو كات :

و بالنسبة للمقابلة

ليش تعتزلين الفن؟؟؟؟
مثل ما قلت لأن موهبتي مو راضية تتطور و لأن ما لقيت أحد يشجعني

على اي اساس تعتزلين الفن؟
نفس الرد اللي على السؤال اللي قبله بس زيادة عليه الظروف ( ظروف الدراسة و الواحد ماله خلق و كل ما أتخيل رسمة حلوة أحاول أرسمها تطلع شي ثاني )

ليش تحرمينا من هالـ...هالرسمات الخطيرة و الحلوة ؟
:( ?: أنا ما حرمتكم منها بس أنا تاركة الرسم من زمان يمكن من سنة2001 أو 2000 ماني ذاكرة بس إن شاالله بحاول أرسم شي يديد ( إذا قلت شي يديد يعني يمكن بعد عشر سنين) لووووووووووووول
مشكورة حبيبتي و أنا مستانسة لأن الجالري عجبج و بالنسبة لرسمة رفيجتج :!
:!
إي والله شالصدفة بس تدرين اللي أنا راسمتها منو ( جوبتر ) و اللي رفيجتج راسمتها ( مارس ) و مشكورين كلكم مرة ثانية

سي يو ;-)

DeeK MantooF

30-04-2003, 09:05 AM

يؤ يؤ يؤ يؤ يؤ

:واو: :واو:

وليش يعني ما تعجبني ساكورا بالعكس..;)

رسماتك من جد حلوة وللأسف انك ما راح ترسمي مرة ثانية

خليكي واثقة من قدراتك شوي

انا عن نفسي اتمنى ان رسوماتي تعجب الاعضاء :":

sakura wakky

30-04-2003, 09:11 AM

لا تخاف ديك الأعضاء تعجبهم رسومك ولا ما كان في أحد بيرد على الجالري لو كان مو عاجبه ( هذا برأيي)

و بعدين أنا قلتلكم أني بحاول أرسم مرة ثانية إذا تمكنت من الرسم راح أشارك برسومات يديدة بالمنتدى

sakura wakky

25-05-2003, 11:35 AM

عدت من جديد

علشان أرفع موضوعي لووووووووووووووووووووول

المهم ما راح أطول عليكم هذي رسمتي أول ما دخلت المنتدى أدري إنها مو ذاك الزود بس راح أحطها :6

Bu Laban

25-05-2003, 12:49 PM

أنا كنت مش راد عليش عشاني متحطم منك بصراحة :غضب: ... بس ما طاوعني قلبي أني أزعل على أي أحد بسبب قرار اتخذه لنفسه :"

أما بالنسبة للرسمة هذي لإاقول انتي بدعتي برسم النخلة .. بس المشكلة في رسم ال Beach مع البحر .. يبيله شغل شوي :أفكر:

ننتظر منك كل جديد ;-)

تيرا

25-05-2003, 12:51 PM

بالعكس الرسمة حلوه بس ناقصها انك تركزين على الافق انه يكون بشكل خط منحني مثل القوس يعني مو خط مستقيم وراح تكون رسمتك تمام والتلوين جميل جدا;)

sakura wakky

25-05-2003, 01:21 PM

مشكوريييييييييييييييييييييييييييييييييييييييييييييييييييييييين

على هذي الردود الحلوة :"

بو لبن :":

أنا آسفة غصب عني بس ان شاء الله تشوف مشاركات يديدة مني و مشكور حيل ما أعرف شلون أشكرك على متابعتك للجالري

أختي تيرا

مشكورة حبيبتي على ردج و أنا أدري أني مو فنانة بهذي الشغلات بس كانت مجرد محاولة :6

أتمنى اني أقدر أعرض أكثر من جذي و مشكورين مرة ثانية

سي يو ;-)

الخطاف

25-05-2003, 01:23 PM

الحمدالله...
على الأقل أحسن من ولا شي....
ومدام إنها رسمة لترفعين الموضوع ... إن شالله نجوف الرسمات الياية كثيفة وتنهمر علينا مثل المطر ههههههههههههه.

أما عن الرسمة فهي عجيبة ولو إنه خالية بعض الشي .... بس حلوه.
تنفع خلفيه لرسمه لج.:D

sakura wakky

25-05-2003, 01:26 PM

مشكوووووووووووووور

أخوي الخطاف على ردك ان شاء الله تشوفون رسمات يديدة مني بس خلي الامتحانات تهدني شوي ?:

امتحان ورا امتحان و واجب ورا واجب

ملييييييييييييييييت:"

سي يو ;-)

sharp eyes

04-07-2003, 05:29 PM

:D :D :D

آسف اني تاخرت بالرد ، بس المسامح كريم :6

رسمات حلوة وايد يا ساكورا بس الجاليري رسماته شويه ;) اكيد عندج رسمات اكثر من جذي :0) شدعوه تبخلين علينا ;) حطيلنا رسمات اكثر .

ولا تحرمينا من ارائج وانتقاداتج ":" ":"

استمري اختي وورينا ابداعاتج ;-)

Majid Ali

04-07-2003, 06:35 PM

وااااو;)
حلوه رسماتك اختي ساكورا

الرسمه الاولى دقيقه وحلوه كلها على بعضها;-)
والسيلور مون ايضا:cool:

الى الأمام وبالتوفيق ^_~

sakura wakky

05-07-2003, 08:19 AM

وااااااااااااااااااااااااااااااااااو:!

ما كنت متوقعة إن أحد ممكن يرد على هذا الموضوع :واو:

مشكوريييييييييييييييييييييييييييين:"

شارب آيز:0)

مشكور أخوي...عاد تصدق أنا نسيت الموضوع كلش:":

أنا عندي رسمات ثانية ما عرضتها بس أغلبها رصاص و يمكن ما تطلع واضحة?:

بس بحاول متى ما قدرت :-)

مشكور أخوي ماجد على إبداء رايك برسماتي :0)

و أنا سعيدة إنهم عجبوك:" ...مع إنهم مو ذاك الزود:":

بس مشكور و ما تقصر

سي يو ;-)

Miss_kimino

06-07-2003, 11:24 AM

هااااااااااااااااااي ساكورا ^^

شفتج اون لاين قلت بفرحها و برد على الجاليري مالها ^_^

ماشالله عليج تعجبيني نشيطة في المنتدى .. ( المفروض يلقبونج بعضوة نشيطة:0) )

على العموم رسمت الشاطىء ما ادري كيف .. تريح ! امووووووت على البحر .. و اليلسه على السيف اففففففففففففففف

اكثر شي عجبني في الرسمة الصخور .. رسمتيهم بشكل حلو ..

عموما الرسمة كلها حلوه ما عليها كلام ^_^

تسلمين !

بالتوفيق اختي :-)

ME-MISTY

21-07-2003, 09:43 AM

ماذا أرى؟؟؟؟؟

:واو:

:واو:

ماهذه الرسووووومااااااات؟؟

فعلاً فعلاً رائعة :D .. وقد خبئتها الصفحات ..

سااكورا تصدقين قعدت ادور الجاليري حقج وقلت إلا اشوفه ..

واشوف رسم الصديقة ساكورا :0)

والصراحة رسوماتج كلها جميلة

وتلوينج بالفوتو لكينشن روووووعه :D

استمري .. ودي أشوف أكثر ..... :أفكر:

sakura wakky

21-07-2003, 10:51 AM

بيييييييييييييييييييييييييييييييييييييييييييييييه:واو:

شخباري ...

موضوعي لي الحين عايش؟؟؟

مشكورين حبايبي ميس كيمينو و ميستي :"

بس أنتوا يايين حيل متأخر :":

لأني ما قمت أرسم ^^

بس صج صج أشكركم من أعماق قلبي:"

و أشوفكم على خير

سي يو ;-)

dark nees

21-07-2003, 10:55 AM

:واو:

:واو:

:واو:

ويش هالرسم الفله هذاااااا:واو: صج عجيييييييييب وروعاااااااااه;) بس

.........للأسف انج :" :" ( ما يحتاج اقولها بتقطع جبدي) :غضب: شوفي عاد

بلا بخاله علينا:D بس:": :": عجيب رسمش فنتكه يهبل ، ورسمج

للشاطيء عاد ولا النخله ابدعتي فيها بس الشاطيء مع الامواج يبي لها

شوي:أفكر: :أفكر:

............................................
:o هوووووووف ، احم احم يللا ها ما اطول عليج عمري استمري ونبي

نشوف اكثر

":" : نصيحه اعلانيه( ههههههههه) لا تخيبين ظني فيج يللا هاه ابي اشوف

رسمش وبلا مصاخه على ما اظن المدرسه خلصت والا شرايش والله ودي

اعرض رسوماتي لكن......... الله كريم على هالسكنر:"

كود لارك ;) :p

ME-MISTY

21-07-2003, 01:46 PM

العفوو هذا واجبنا :D

وهذا لان احنا نبيج ترجعين للرسم ..

يلا .. شو الي يمنع؟؟

:أفكر:

والعفووو مرة ثانية .. انتي تستاهلي كل خير .. :)

sakura wakky

22-07-2003, 09:10 AM

:":

السلام^^!

شلونكم^^

إحم إحم ...

تصدقون إني ما كنت متوقعة غن أحد ممكن يرد على موضوعي القدييييييييييييييييييييييييييييم

مشكور أخوي داركنيس...

أنا أقدر مشارعرك بس ...أنا من زمان ما أرسم?:

أو نقول ما قمت ارسم><

و الكمبيوتر عندنا خربان يعني من الصعب أني أسوي سكان حتى لو كنت برسم><

و مشكورة أختي ميستي على تشجيعج لي:"

مشكورين كلكم ما اعرف شلون اشكركم><

أتمنى إني أقدر أرسم ..بس صعبة علي..

أشوفكم على خير

سي يو ;-)

ME-MISTY

22-07-2003, 09:47 AM

وعلييج السلام ..

العفو اختي :)

اممم اذا كان الكمبيوتر خربان ليش ماتصلحينه؟

لان يمكن يزيد الخرااااب وبعدين يرووح .. يعني مافي كمبيوتر :D

:) :)

Shadow Cat

27-07-2003, 11:53 AM

Sakura...HapPy BirThDay To YoU
^^...
عقبال مليون سنه:0)

خخخ...:D (ول..دايناصور ) ...
وانشاااالله كل أحلامج و احلام اللي تحبينهم تتحقق ^-^...

Chaw Chaaaaaaaw ^________^

lord zacx

27-07-2003, 01:06 PM

مرحباhttp://members.lycos.co.uk/lordzacx/zacx/Helz.gif
http://members.lycos.co.uk/lordzacx/zacx/Tangz.gif ساكورا.... اليوم عيد ميلادج!!!:! مبروك الف مبروك عقبال الانفنتي سنه
كركركركركركركركركركر:D

http://members.lycos.co.uk/lordzacx/zacx/Devilz.gif ساكورا يالعياره تقصين علي وتقولين رسمج مو قوي :غضب:
عيل شو هذي الرسم !!!http://members.lycos.co.uk/lordzacx/zacx/Wowz.gif روعه والالوان تهبل ^^
استمري وراويني شنو خاشه من موهبه مو تعتزلين سمعتيني:غضب:

farewell 4 now

sakura wakky

28-07-2003, 08:54 AM

شادو كااااااااااات:واو:

مشكورة حبيبتي :"

مو مصدقة إن في أحد يهتم فيني :"

ما أدري شنو أقولج :#

مشكورة لأنج تذكرتي عيد ميلادي^^

مو عارفة شلون أعبر عن سعادتي:"

تسلمين حبيبتي:"

لورد زاكس مشكور ^.^

و على رسمي ><

أنا من زمان معتزلة بس علشان تعرف><

بس بحاول بالعطلة أرسم و إذا قدرت أرسم راح أعرض رسومي ^^(عندي كورس صيفي><)

و أشوفكم على خير إن شالله

سي يو ;-)

Rin Sagami

28-07-2003, 09:41 AM

هابي بيرث داي ساكورا:D :D
العمر كله انشالله...:D
Now you better make a wish:p

هـداف

28-07-2003, 07:45 PM

للحين ماغيرتي عنوان الموضوع:غضب:
انصحج تسويين موضوع جديد مع تغيير في العنوان:o
______
كح كح
السلام عليكم
اهلا ساكورا،بصراحه اسمحي لي اهنيج على الجاليري><<<متأخر وايد، انا اليوم ماخذ لفه على المواضيع وانتبهت لموضوعج وان ماشاركت فيه كلش:" ، فعلا انا متأسف><
_______
انا منصدم من مستواج العالي في الرسم والتلوين وخصوصا رسمة اوني ، رسمة الغلاف عجيبه، ضبطيها فعلا،التلوين طالع جدي جدا قوي ولمعة الشعر طبيعيه وممتازة،وتغييرج في اللبس فظيع،اللبس متشقق وحركات حلوه،أبدعتي بمعنى الكلمة،ملاحظتي هي في أن تركزي قليلا في الأصابع عن طريق تكبيرها قليلا^^

والى لقاء ساكورا
;-)

sakura wakky

29-07-2003, 08:48 AM

شلونكم ^^

مشكورة أختي رين على التهاني:0)

ما تصدقين شكثر أنا مستانسة ^^

مشكورة حبيبتي^.^

هداف:واو:

شلونك و شخبارك^^

أهلا و سهلا فيك بالجالري ^^

لا عادي حتى لو تمر السنة الياية عادي^^

مشكور على إعجابك برسمي و تلويني ^^

بس حبيت أقولك إن الرسم صار عندي شي تاريخي ^^

يعني من زمان ما قمت أرسم ^^

و اقتراحك..امممممممممممممممممممممم:أفكر:

أنا ودي أسوي اللي تقول عليه بس ...أنا و للأسف ما عندي استعداد أرسم ><...

يمكن ضايق خلقي...أو ما عندي خيال ...أو مرات أتخيل أشياء صعب أني أرسمها ><...علشان جذي أنا هديت الرسم^^

و لو لقيت إني صرت احسن بالرسم راح أفتح جالري^^

و مشكور مرة ثانية أخوي^^

سي يو ;-)

Shadow Cat

29-07-2003, 09:38 PM

يا الله:( ...في حد يهد الرسم...

جفتوا يا ناس ..؟
جفتوا..؟

:غضب: بذبحها هذي ...:" ...
أنا انشالله بدعيلج:o ..و بقول انشاااااااااالله ساكورا ترجع للرسم و تبهرنا برسوماتها....

قولوا آمين...:D

ههههههه...ساكورا...كيف حالج؟:D
اسمي ماعندي سالفة!! :6

هـداف

31-07-2003, 04:22 PM

عيل الله لايراويج أول ثلاث رسمات حطيتهم في المنتدى:6
رسمي كان اسوأ منج بكثيييييير،بكثييييييييير جدا:واو:

راح تشوفين ان مع التدريب بيتطور رسمج،ومع مشاهدة المانجا،لأن المانجا فيها رسم،وفي وضعيات ،واكيد بتستفيدين من المناجا بحركه غير شعوريه..

حاولي تدربين،في دروس للاستاذ شاهين عن الأيدي وللقرصان رواية،حاولي تتعلمين الوضعيات الي فيهم،تدربي عليهم وبعدين حاولين تدبين اشياء أكثر واكثر،ومجال التعليم واسع:)

انا اقول انج ماتقدرين تعتزلين الفن:6 ، حتى لو هديتيه لفترة بتردين في وقت وبترسمين:D

نكاتّا،اخليج الحين..
سلام;-)

Taja

01-08-2003, 11:27 AM

:0) :0) هابي بيرث دي ساكورا عئبال مليار سنه
:# :# :# توني ادري انه عيد ميلادج
:غضب: :غضب: :غضب:
انا معصبه علييج واااااااااااااااااااااااااايد ((ليش تركتي الرسم؟؟؟)"")
رسمج مو حلو؟؟؟!!!
:غضب: ؟؟؟!!!
:غضب:

X-kitsune

02-08-2003, 04:57 AM

السلام عليكم اختي
تشوفين العنوان
خوش عيل
لا تفشليني انا داش اطلب طلب:D
ما اطلع من الجالري الى ان تردين ترسمين (والله قوي :D )

تطويرالموهبة اختي شي مطالب به الانسان ما يجوز تهملين ما وهبه الله تعالى لج وتتناسينه او اذا انتي تناسيتيه لا يكون عبالك اعضاء المنتدى بينسونه ولا يبون يخلونج عاد لا لا لا لا لا لا لا لا :D

ان شاء الله نرى رد سريع منج ولا الاعضاء يزعلون ترى
( نبي دعم منكم اعضاء مو تفشلوني انا داش بقوة وايد اليوم :D )

وكما قلت في البداية اني باعث الامل في نفوس اليائسين
لكني لا اقول انك يائسة ربما على عتبات الياس فقط
جدي واجتهدي وان شاء الله بالمثابرة والاهتمام تصلين الى المطلوب
ما دامت لديك الجراة على امساك القلم
الجراة على تشكيل الخطوط
الجراة على
لديك القدرة على الرسم
.
القوي جدا اليوم :D
.
X-kitsune
.
.
.
ولا زيادة ?:

sakura wakky

02-08-2003, 08:47 AM

شالسالفة شصاير هني...

:!

كل هذا علشاني ؟؟؟

مشكوريييييييييييييييييييييييييييييين:"

مشكورين كلكم ^^...

شادو كات و هداف و تاجا و X-kitsune :"

مشكورين و أشكركم من كل قلبي^^

ما كنت متوقعة هذي الردود و هذا التشجيع منكم :#

ما تدرون شكثر أنا مستانسة :"

أول مرة احد يهتم فيني هالكثر^^

و الله انا علشانكم بحاول أرسم><

بس ما عندي أفكار ...و لا عندي وقت ><

ما ادري متى اقدر أرسم ^^

بس بحاول علشانكم و ما يصير خاطركم الا طيب

و مشكورين على مروركم الكريم ^^

سي يو ;-)