قطري
18-02-2003, 01:59 PM
مقدمة
الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.
الموضوع
وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يدور بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .
تساؤلات
س) هل البنت يوم تتعرف على واحد بينتهي هذا التعارف او الحب الى الزواج؟؟؟
أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب (هذا الشيء يتكون داخل نفسية الريال ولو بين او مثل بالظاهر عكس هذا) وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها, اصلا حتى اغلب المخطوبين بشكل رسمي الرجال ما يعرض على خطيبته انه يطلع وياها او يسوي معاها شيء غلط قبل الزواج.
وأنا عمري ما سمعت ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).
--------------------------------------------------------------------------------س) زين ليش الشاب يوهم البنت بالزواج ويعيشها في عالم الحب؟؟؟
لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مش زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي اصلا تبغي هذا الشيء وهو اذا ضيع هذي الفرصة بتروح عند غيره، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.
--------------------------------------------------------------------------------
س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل الشباب اللي تسمع عنهم او تقرأ قصصهم في المجلات***؟
ملاحظة: هذا السبب الي ضيع الكثير من البنات هذي الثقة لشخص غريب محرّم عليهم لانه مش معقولة وحدة تعمل شيء غلط مع واحد وهي مش مقتنعة بأنه هذا الشخص يحبها وبيزوجها.
هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافهن لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي انخدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدجة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.
والكثير من البنات مشوا في الطريق الخطأ ولا يحذروا صديقاتهم من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.
هذي حالة نفسية في كل شخص ماشي في طريق غلط او بطريقة غلط غير الطريقة المعروفة والشرعية يحاول يخرب غيره عشان يستوي مثله وما يكون في طريق الغلط لواحد
--------------------------------------------------------------------------------
س) وهل من المعقول ان واحد يبروح عند اهله ويقولهم انا أريد ازوج وحدة تعرفت عليها أو شفتها في مكان وعجبتني وابغي ازوجها؟؟
أكيد أهل الولد ما بيرضون بيقولون تبغي تتزوج وحده ما أدري من وين محصلنها أو متعرف عليها أو يجولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون البنت اللي متعرف عليها بأنها تريد تخدع الولد وهي بنت حرام، وتريد ترمي بلاها على الولد... الخ.
ملاحظة: حتى لو كانت البنت تقول انا بنت حلال وبنت من عايلة معروفة وسمعتي ما عليها كلام, بيكون هذا الرأي حتى لو كان حقيقة مقتصر عليها وعلى اللي حوليها, بس اهل الولد ما يعرفون هذا الشيء وحتى ما بيفهمون هذا الشيء, مثلا يعني لو احد المسؤولين الكبار عين احد الشخاص مدير بنك, هل تستطيع تعترض؟ هل تستطيع تروح عند هذا المسؤول الكبير وتقول له انا استحق هذا المنصب (مدير بنك) وانا اولى منه وانا لي رغبة شديدة بأني انا اكون مدير بنك مع انك تملك نفس القدرات ويمكن احسن وتشوف نفسك احسن؟ بس المشكلة هل المسؤول يعرفك قبل وكيف بتعرفه على نفسك؟ وكيف بتطلب منه هذا الطلب وبأي وجه بتروح تقابله؟
--------------------------------------------------------------------------------
س) شو تفكير الشباب ورايهم يوم يعرفون انه واحد متعرف على وحدة ؟؟
والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يجولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.
والله زين ( ***لا اختك ولا حرمتك ولا من اهلك ولاتقرب لك***)!!!!!.
وهذي بعض الدلإئل والإشارات التي تدل على الواحد ماراح يتزوج وحدة متعرف عليها من قبل!!؟ إذا البنت كلمت الشاب، وطلعت معاه، وعطته الي يباه، واختلى بها او يعني استوا بينهم شيء غلط.
بس خلاص بعد ليش يزوجها يوم انه حصل وحده (فري) وعطته الي يباه ليش يزوجها وهذا الي يباه منها خلاص خذاه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تجول وتلح على هذا الشاب اللي خدعها انت لازم تتزوجني، يأنه يعمل معاها مشكلة ويختفي او يهرب منها او بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.
-------------------------------------------------------------------------------
ومن الدلائل او الاشارات التي تدل على ان الواحد ما بيزوج وحدة متعرف عليها، اذا عرف ان هذي البنت كانت لها علاقة مع واحد (( طبعا العلاقة مع واحد ثاني ما اقصد فيها الزوج السابق او الخطيب (الخطيب الرسمي) السابق.
السبب : يخاف او بيفكر بنقطة معينة بأن هذي البنت أكيد او يمكن حصل بينها وبينه شيء مب زين، وبعد ما شبع منها تركها او خلها.
وبتكون ذريعة الشاب لنفسه لخداع هذي البنت وهو بعد : بأن هذي البنت متعرفة على واحد قبل يعني وحدة لها سوابق وبيقول اكيد هو شبع منها وسابها ومب مشكلة اذا كملت الي بدأة غيري او اذا كملت عليها واذا انا ما استغليها في الف غيري بيستغلونها وهي اكيد في اي وقت تريدة بتتعرف على واحد ثاني وهذا الثاني بيستغلها وانا اولى من غيري.
ملاحظة: وفي الكثير من القصص التي حصلت تدل على صحة هذا الكلام ومن هذي القصص ان واحد يقول لزوجته او خطيبته انا كنت احب وتعرفت على وحدة من قبل (يمكن قصده من هذا الاعتراف يريد التأكد من خطيبته, فالبنت يمكن تقول مدام هو اعترف خليني انا اعترف بعد ونطلع كل الخبايا ونكون صريحين مع بعض من البداية فالبنت تعترف اذا كانت عندها علاقة وبعدين خطيبها يزعل ويعصب وتستوي مشكلة كبيرة بينهم واغلب الاحوال يتفرقون, فنصيحة لكل بنت كانت لها علاقة مع واحد من قبل انها ما تفكر تعترف لخطيبها او زوجها مهما كانت الاحوال.
-------------------------------------------------------------------------------وفي طريقة سهلة وبسيط دوم يستخدمونها الشباب عشان يستدرجون البنت يقول للبنت ابغي اطلع معاك عشان أشوفك ونتعرف على بعض اكثر ...
ونصيحه اخويه للبنات اي بنت تبغي تحافض على عمرها تحافظ على أوامر الله تعالى لين ما يكتبلها الله تعالى الزواج . قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم
((قال عثمان رضي الله عنه: قال ودت الزانيه لو زنت النساء كلهم))
مع تحياتي لكم ,,,
الحب إدعاء وخداع ووسيلة اصطياد لإقامة علاقة سيئة مغلفة بالحب تتدرج على خطوات كل خطوة في هذه العلاقة تجر وتجعل ذلك المحبوب رهينة لخطوة أكبر منها تحت سلاح الإغراء او التهديد بالفضيحة الى ان يجره الى الكارثة, وهذا الشخص كالشيطان يغري الانسان بالكفر حتى يقع فإذا وقع تخلى عنه وتبرأ منه, قال الله تعالى(...كمثل الشيطان إذ قال للانسان أكفر فلما كفر قال اني بريء منك اني أخاف الله رب العالمين) صدق الله العظيم.
الموضوع
وانا الحين بشرح وبتكلم بنفس اللي يكون على لسان الشباب واللي يحدث بينهم لأني أعرف الشباب واللي يدور في بالهم وأنفسهم لأني أنا واحد منهم وأعرف أكيد أكثر من أي وحدة باللي يدور بينهم، واللي يفكرون فيه، وبتكلم بكل صراحة وبدون أي تكلف حتى توصل ان شاء الله الحقيقة اللي أكثر البنات ما يعرفونها .
تساؤلات
س) هل البنت يوم تتعرف على واحد بينتهي هذا التعارف او الحب الى الزواج؟؟؟
أكيد مستحيل لأن البنت يوم تتعرف على واحد وتكلمه وتطلع معاه، تصغر في عين هذا الشاب (هذا الشيء يتكون داخل نفسية الريال ولو بين او مثل بالظاهر عكس هذا) وهذا الشي أكيد وطبيعي لأنها تخلت عن شرفها وعفافها وقبلت ان تطلع مع واحد غريب فكيف يزوجها, اصلا حتى اغلب المخطوبين بشكل رسمي الرجال ما يعرض على خطيبته انه يطلع وياها او يسوي معاها شيء غلط قبل الزواج.
وأنا عمري ما سمعت ان وحدة تعرفت على واحد وتزوجها، واللي اعرفه ان هو يخدع البنت ويختلي بها ويخربها وهذا اللي يحصل، وما في شيء اسمه زواج عن طريق التعارف، واللي حصل لهم واتزوجوا لأن البنت حملت واكتشفوا اهلها الموضوع (الفضيحة) ورفعوا قضية على هذا الشخص وزوجوه هذي البنت بالغصب؛ لأنه ما يريد يتزوج وحده مثل هذي البنت اللي تنازلت عن عفافها بطريقة غير شرعية (بدون أو قبل زواج).
--------------------------------------------------------------------------------س) زين ليش الشاب يوهم البنت بالزواج ويعيشها في عالم الحب؟؟؟
لأن الشاب يفكر في البنت تفكير جنسي, وتسلية في شرفها وعرضها، لين ما يحصل البنت الي ما شاف عليها الغلط ويزوجها، حتى لو كانت وحدة مش زينة مدام هو ما شاف عليها الغلط خلاص عادي، وكل الشباب يقولون ان اللي ترضى انها تطلع معاهم هذي وحدة صايعة، وهي اصلا تبغي هذا الشيء وهو اذا ضيع هذي الفرصة بتروح عند غيره، وهي تستاهل اللي يجيها من الشباب، لهذا السبب يستحلون فيها أي شيء على أساس ان اللي تبغي تحافظ على عمرها ما تطلع مثل هذي البنت اللي فكرت بالحب بطريقة غير شرعية وسارت في طريق الغلط.
--------------------------------------------------------------------------------
س) وفي بنات يفكرون (يوهمون انفسهم) ويقتنعون بان الشخص اللي تكلمه او تحبه وما في مثله وهو غير عن كل الشباب اللي تسمع عنهم او تقرأ قصصهم في المجلات***؟
ملاحظة: هذا السبب الي ضيع الكثير من البنات هذي الثقة لشخص غريب محرّم عليهم لانه مش معقولة وحدة تعمل شيء غلط مع واحد وهي مش مقتنعة بأنه هذا الشخص يحبها وبيزوجها.
هذا السبب القوي في نفسية البنت ,واللي يخلي وخلا الكثير من البنات انهن يتنازلن عن شرفهن وعفافهن لأن البنت تشوف هذا الي تعرفت عليه غير عن كل الشباب، هذا لأنها حبته ووثقت فيه وسلمت عمرها له، ويوم سلمت عمرها الي هذا الشخص الغريب (أصبحت مثل بنات الشوارع في نظر هذا الشاب و ونظر الناس) على أمل والوعد بالزواج، وللأسف والله الكثير من البنات اللي انخدعن وهذا سمعته على لسان واحد من الشباب يقول وهو يضحك انه ينام مع البنت متى ما يريد على أساس انه اقنعها انه بيتزوجها، وهي مصدجة ومقتنعة وحاطة امل كبير فيه، وتقول خلاص يوم هو غلط معاي يعني أكيد هو بيصلح غلطته وبيتزوجني وهذا تفكير الجاهلات.
والكثير من البنات مشوا في الطريق الخطأ ولا يحذروا صديقاتهم من هذا الطريق، بل بالعكس تساعدها على انها تتعرف وتشجعها على الانحراف وتزينلها التعارف والحب وغيرذلك وطبعا هذا الشيء يكون بطريقة مباشرة وغير مباشرة والأخطر الغير مباشرة بدون ما تذكر لها مخاطر هذي العلاقة المحرمة.
هذي حالة نفسية في كل شخص ماشي في طريق غلط او بطريقة غلط غير الطريقة المعروفة والشرعية يحاول يخرب غيره عشان يستوي مثله وما يكون في طريق الغلط لواحد
--------------------------------------------------------------------------------
س) وهل من المعقول ان واحد يبروح عند اهله ويقولهم انا أريد ازوج وحدة تعرفت عليها أو شفتها في مكان وعجبتني وابغي ازوجها؟؟
أكيد أهل الولد ما بيرضون بيقولون تبغي تتزوج وحده ما أدري من وين محصلنها أو متعرف عليها أو يجولون تبغي تتزوج بنت من بنات المراكز والشوارع. طبعا الولد مستحيل يسوي هذا الشي ويحط نفسه في هذا الموقف الي بدايته ونهايته معروفة. لا بالعكس بعد إذا قال لأهله بيتهمون البنت اللي متعرف عليها بأنها تريد تخدع الولد وهي بنت حرام، وتريد ترمي بلاها على الولد... الخ.
ملاحظة: حتى لو كانت البنت تقول انا بنت حلال وبنت من عايلة معروفة وسمعتي ما عليها كلام, بيكون هذا الرأي حتى لو كان حقيقة مقتصر عليها وعلى اللي حوليها, بس اهل الولد ما يعرفون هذا الشيء وحتى ما بيفهمون هذا الشيء, مثلا يعني لو احد المسؤولين الكبار عين احد الشخاص مدير بنك, هل تستطيع تعترض؟ هل تستطيع تروح عند هذا المسؤول الكبير وتقول له انا استحق هذا المنصب (مدير بنك) وانا اولى منه وانا لي رغبة شديدة بأني انا اكون مدير بنك مع انك تملك نفس القدرات ويمكن احسن وتشوف نفسك احسن؟ بس المشكلة هل المسؤول يعرفك قبل وكيف بتعرفه على نفسك؟ وكيف بتطلب منه هذا الطلب وبأي وجه بتروح تقابله؟
--------------------------------------------------------------------------------
س) شو تفكير الشباب ورايهم يوم يعرفون انه واحد متعرف على وحدة ؟؟
والله للأسف ان أغلبية الشباب يشجعون بعضهم البعض على الرذيلة وكل واحد يتمنى ان يتعرف ويسوي نفس الشيء مع هذي البنت لأنهم يجولون ويفكرون بأنه هذي البنت لا اختك ولا من اهلك ولاتقرب لك عشان هذا يسون فيها اللي يبغونه وهذي قاعدة لازم كل وحدة تعرفها.
والله زين ( ***لا اختك ولا حرمتك ولا من اهلك ولاتقرب لك***)!!!!!.
وهذي بعض الدلإئل والإشارات التي تدل على الواحد ماراح يتزوج وحدة متعرف عليها من قبل!!؟ إذا البنت كلمت الشاب، وطلعت معاه، وعطته الي يباه، واختلى بها او يعني استوا بينهم شيء غلط.
بس خلاص بعد ليش يزوجها يوم انه حصل وحده (فري) وعطته الي يباه ليش يزوجها وهذا الي يباه منها خلاص خذاه وبرضها، وعلى فكرة يوم البنت تكتشف بعد فوات الاوان انها انخدعت وتبدأ تجول وتلح على هذا الشاب اللي خدعها انت لازم تتزوجني، يأنه يعمل معاها مشكلة ويختفي او يهرب منها او بيرد عليها هذا الشاب بكل صراحة وبيقولها انتي عطيتني برضاك وما في احد غصبك على شيء، وهذا الرد الي اسمعه دوم من أهل التجارب واللي يردودنه الشباب.
-------------------------------------------------------------------------------
ومن الدلائل او الاشارات التي تدل على ان الواحد ما بيزوج وحدة متعرف عليها، اذا عرف ان هذي البنت كانت لها علاقة مع واحد (( طبعا العلاقة مع واحد ثاني ما اقصد فيها الزوج السابق او الخطيب (الخطيب الرسمي) السابق.
السبب : يخاف او بيفكر بنقطة معينة بأن هذي البنت أكيد او يمكن حصل بينها وبينه شيء مب زين، وبعد ما شبع منها تركها او خلها.
وبتكون ذريعة الشاب لنفسه لخداع هذي البنت وهو بعد : بأن هذي البنت متعرفة على واحد قبل يعني وحدة لها سوابق وبيقول اكيد هو شبع منها وسابها ومب مشكلة اذا كملت الي بدأة غيري او اذا كملت عليها واذا انا ما استغليها في الف غيري بيستغلونها وهي اكيد في اي وقت تريدة بتتعرف على واحد ثاني وهذا الثاني بيستغلها وانا اولى من غيري.
ملاحظة: وفي الكثير من القصص التي حصلت تدل على صحة هذا الكلام ومن هذي القصص ان واحد يقول لزوجته او خطيبته انا كنت احب وتعرفت على وحدة من قبل (يمكن قصده من هذا الاعتراف يريد التأكد من خطيبته, فالبنت يمكن تقول مدام هو اعترف خليني انا اعترف بعد ونطلع كل الخبايا ونكون صريحين مع بعض من البداية فالبنت تعترف اذا كانت عندها علاقة وبعدين خطيبها يزعل ويعصب وتستوي مشكلة كبيرة بينهم واغلب الاحوال يتفرقون, فنصيحة لكل بنت كانت لها علاقة مع واحد من قبل انها ما تفكر تعترف لخطيبها او زوجها مهما كانت الاحوال.
-------------------------------------------------------------------------------وفي طريقة سهلة وبسيط دوم يستخدمونها الشباب عشان يستدرجون البنت يقول للبنت ابغي اطلع معاك عشان أشوفك ونتعرف على بعض اكثر ...
ونصيحه اخويه للبنات اي بنت تبغي تحافض على عمرها تحافظ على أوامر الله تعالى لين ما يكتبلها الله تعالى الزواج . قال الله تعالى (وليستعفف الذين لا يرجون نكاحا حتى يغنيهم الله من فضله) صدق الله العظيم
((قال عثمان رضي الله عنه: قال ودت الزانيه لو زنت النساء كلهم))
مع تحياتي لكم ,,,