المساعد الشخصي الرقمي

مشاهدة النسخة كاملة : قيادة السيارة


AL_7RBY
21-02-2003, 11:20 AM
طبعا كلكم جربتم تسوقون سيارة شباب وبنات بالبر او في الشارع او حوش بيتكم :6

المهم هو ان السواقة حلوة والكل يعرتف بهذا الشي ومهما كنت تسوي بالسيارة تقحص او تفحط (نفس الشي) يعني ان السيارة اختراع رائع ومهم فلولا السيارة ماكنتم تداومون بمناطق تبعد عن بيتكم 20 ك واكثر يعني السيارة مهمة جدا بحياتنا الأن وهي شئ لا نستطيع الاستغناء عنه وان استغنينا عنه فلدينا الجمال والخيول :"

هذه فوائد السيارة اما سلبياتها او بلاويها واحد : اذا خربت عليك بنص الطريق . ثنين : اذا كنت تسلم مفاتيح السيارة لهندي ما يرعف يسوق (السواق) . ثلاثة اذا خليت امرأة تسوق .

تفصيل السلبيات :

1 / تخرب عليك بنص الطرق .

قمة الاحراج هو انك تكون متكشخ مرة وحدة و الي يشوفك يقول ان اليوم عرسك وفجأة وانت مستانس توقف عليك السيارة بنص الطريق بالظبط والطريق زحمة :" تنزل من السيارة وانت منصدم من هذه المصادفة الحلوة بس يله شد حيلك بسرعة ابعد السيارة عن الطريق وانتظر الى ان يجي واحد من عيال الحلال يوقف سيارته ويجي يساعدك وانتظر مرة ثانية الى ان تتصل على اخوك او احد تعرفه علشان يجيك ............ والباقي تعرفونه .

2 / تسلم مفاتيح السيارة لهندي مايعرف يسوق (السواق)

هذي اكبر بلوه عند كثير من الناس اذا كنت جايب هندي توه مايعرف يسوق كثير بس مهما علمته ويوريك قدامك انه يعرف يسوق بس من وراك اعوذ بالله منه ومن وجهه سواقة زفت ونفسية زفت يسرع لدرجة كبيرة او يمسك بريك حيل بس المعروف عند الهنود انه مهما عرف يسوق فلازم في شي مايعرف يسويه بالسيارة يعني اذا يعرف يسوق مضبوط فيطلعلك انه مايرعف يبدل التاير الأحتياطي واحب شي عندهم هو انهم يسون فيك حادث هذا الشي هم يعشقونه هذول هم الهنود .

3 / اذا خليت حرمة تسوق .

هذا الشي مو موجود بالسعودية وهي اقسم بالله انها نعمة لكم ترى سواقة الحريم تجيب المرض يعني تخيل نفسك على الطريق السريع وانت تمشي بسرعة عادي الى الان فجأة انت تخفف وتكبس للسيارة الى القدامك وراعي السيارة مايتحرك باأبن الحلال ابعد مستعجل بسرعة وتحاول وتحاول ماينفع وتنطر تشوف في مجال على الجنب وتطلع وتبي تشوف من في السيارة ولا تطلع حرمة تتكلم بالجوال :" وهي نفس الشي تقعد تناظرك بحقد مفكرة انك تبي تغازلها :p وهي كبر جدتك والشي الثاني هو اذا صدمت حرمة وهي الغلطانة تقعد تتبلى عليك وتقول انك تلحقها وتتحرش فيها ومن هذا الكلام علشان ماتنسجل عليها قضية .

زبدت الموضوع هو اني انا دايم اتعذب وانا اسوق وما معاي رخصة لأني توني مااخذتها :6 بس اليوم عذاب غير شكل لأني مرت على هذي الانواع الثلاثة انا واخوي ":"

المهم اذا عندكم قصص حلوة مع السيارة فقولوها يعني وش سويت اول ماشريت سيارة وكم مرة صدمت عليها .


http://www.eijsbroekcourant.com/artikelen/vlietstra/7.%20vlietstra%20car%20accident%204-27-1912.jpg



:-)
التنين الاسود 3
21-02-2003, 12:07 PM
3 / اذا خليت حرمة تسوق

:p ههههههههههه


الله يخلي ...مفتاح السياره في جيب ابوي ....وبوي نايم ...والثوب معلق في الصالون


ويخلي الكفوف الي بعدها :p
Sparta Ghost
21-02-2003, 12:31 PM
1- .....فعلا مشكلة كبيرة ...هههههههههه تفشل ....
2- .....الحمد لله ما عندنا هنود يسوقون .....
3- ..الحمدلله الحريم ما يسوقون في السعودية .....


.....ترى أنا توني سايق ...بس .....!!


أقلك ...حادث صار لي ...

....من أول الأيام اللي سقت فيها ..رحت بيت جدي بالسيارة ..والطريق ضيق شوي ..وفي لفة ....بعد ....قلت أخذها أخذها .....وأخذها في الطوف مال المسجد مره وحده .....المسجد اللي جنب بيت جدي :6 :6 .......وأدق الريوس .....وما بقى شئ ....إلا على الطوف إلا ورى .....وبعده حصلنا كم ...مسخره ......من العائلة كلها ":" ...ههه

...مو تفكر ...أنا كبير وعمرى ..وايد ...وعندي رخصة أنا عمري 16 ...وما عندي رخصة ..;-) :6
Better Days
21-02-2003, 12:38 PM
:" انا ممنوع من السواقة لين ما اخلص ثالثة:"
اطول مسافة سقتها على طريق المطار في الطايف(هذا الوصف للي يعرف الطايف)
من اول كوبري الصيانة لين فندق الانتركونتيننتل
كنت ماشي 140 على حظي ماكان هناك تفتيش على الخط:D
الكسندر قويحص
21-02-2003, 01:05 PM
احلى شي بموضعك الحلو كلمة تقحص وياعمري
AL_7RBY
21-02-2003, 01:06 PM
التنين الاسود 3 ...... عيب يا واد ":"


الجني الرسام ...... نفس حالتي والله مشكلة السواقة قبل لاتاخذ الرخصة :"


deadman9002 ..... انت مو ممنوع الا علشانك مسوي شي مش كويس :-)

الكسندر قويحص .... العفو اخوي :-)
Better Days
21-02-2003, 01:15 PM
الرسالة الأصلية كتبت بواسطة AL_7RBY
deadman9002 ..... انت مو ممنوع الا علشانك مسوي شي مش كويس :-) [/B]
ما سويت ولا شي:" بس يقولون انها تأثر على الدراسة:D
RPG_master
21-02-2003, 01:44 PM
ودي يسمحون بالسواقه للحريم بالسعودية..

ابي اشوف مريم وخيرية الشغالات يسوقونhttp://www.webpost.net/sp/spikeyman/dog.gif


الا هم عندكم يسوقون الشغالات بعد:6؟
Auron
21-02-2003, 01:52 PM
العن شي لما يضرب الكفر في طريق الثمامه وتكون تلفلف جوا البر قبل منتزه الواحهhttp://www.webpost.net/sp/spikeyman/dog.gif







بس الهنود صدق
يوم انفقع الكفر علينا قبل الواحه:":
انا قمت وعيال خوالي نركب الاستبنه والهندي حاشر نفسه :6
واخرتها انكسر راس وحده من الحديد الي في الجمس

تعرفون عدة الجمس بلاوي وحدايد وخرابيط:6

واخرتها نجونا من هزه المصيبهhttp://www.webpost.net/sp/spikeyman/dog.gif
Better Days
21-02-2003, 01:59 PM
الرسالة الأصلية كتبت بواسطة Auron
العن شي لما يضرب الكفر في طريق الثمامه وتكون تلفلف جوا البر قبل منتزه الواحهhttp://www.webpost.net/sp/spikeyman/dog.gif







بس الهنود صدق
يوم انفقع الكفر علينا قبل الواحه:":
انا قمت وعيال خوالي نركب الاستبنه والهندي حاشر نفسه :6
واخرتها انكسر راس وحده من الحديد الي في الجمس

تعرفون عدة الجمس بلاوي وحدايد وخرابيط:6

واخرتها نجونا من هزه المصيبهhttp://www.webpost.net/sp/spikeyman/dog.gif
حمدالله على السلامة:)
Auron
21-02-2003, 02:35 PM
الله مير يسلمك:D
SNOoOP
21-02-2003, 02:49 PM
أنا حصلي موقف مره

ولا كنت شايل لا رخصة ولا الوالد يدري اني اسوق


المهم

كنت مستلم الجمس وطال عمرك عندنا جمس ولا جمس طراد مرقع من كل جنب

الين ذيك الساعة وانا ماشي بأدب وأخلاق السائق المحترم :6 <<<امحق:p

وجيت عند ذاك التقاطع مالقيت الا ذاك الوانيت الي مسرع طققق

على الواجهة كملت يعني :أفكر:

مالقيت الا راعي الوانيت حاط رجله ودعس

أنا تنحت :! ونسيت نفسي

وألحقه وصكيت الصدام بواجهته

ووقفته <<<<<<<<<<<<<<<يعني الحين كملت من جد الواجهة و الجوانب والصدام الي ورا :أفكر:

ونزل هندي قريح وصار فيه طقاق ولا فلم هندي :6 ودقيت على الشرطة

وأنا واثق ":" جت الشرطة وين الرخصة

اه اااااااااااا:! ناسيها يامال الخير:D دقيت على الوالد الله يسلمه

وتفاهم مع الوضع

وطبعا مالها داعي أتكلم عن التهزيء الي جاني

ودخل الجمس للصيانة :D

وخلصت قصة طويلة كان بطلها وانيت غمارة وجمس مرقع :6
Mahdee87
21-02-2003, 02:50 PM
امس لسه شايف حرمة تسوق سيارة :D

كانت تبي تلف لليسار

مدري وش اللي صاير لها

وقفت ومشيت شوي وقفت مرة ثانية وكان وراها تاكسي

كان رح يصدمها بس الله ستر

وبعد معانا قدرت تلف وراحت مشيت عادي بعدين":" ":"


ومشكور على الموضوع الحولو:cool:
tidusxxx
21-02-2003, 07:52 PM
الرسالة الأصلية كتبت بواسطة deadman9002
:" انا ممنوع من السواقة لين ما اخلص ثالثة:"
اطول مسافة سقتها على طريق المطار في الطايف(هذا الوصف للي يعرف الطايف)
من اول كوبري الصيانة لين فندق الانتركونتيننتل
كنت ماشي 140 على حظي ماكان هناك تفتيش على الخط:D
ممنوع ممنوع ممنوع:o غصبن عن خشمك:6 القانون الصادر عن الجهات العليا ينص على ذلك:o
ايه اذكر كان بقي شوي ونطير من السواقه الزينه:D وابوي يهاوش:6


1-هذي موشكله كبيرة جدا....بالذات اذا ما معك جوال?:
2-سواقنا الله يخليه اول ماجانا.....كان يمشي الطريق بالمقلوب?: واحنا ماشيين نشوف قفا الاشارة:p
3-بتجيك بلاوي اذا دخلوا البنات:!
AL_7RBY
21-02-2003, 10:45 PM
deadman9002 ..... تأثر اذا تاخذ السيارة علشان تروح المدرسة وبدال لاتروح المدرسة تاخذ لفة على اليمين لأقرب مطعم او تروح عند اصدقاء مو مداومين :6

RPG_master ....... ترى خيالك واسع لدرجة الشغالات مايسوقون ابد بس يركبون السيارة مع المدام والمدام ماتركبهم بالمقعد الامامي لازم بالخلفي (عنصرية الحريم) انت عمرك ماجيت الكويت :-)

Auron .... حمدلله على السلامة من هذه المصيبة والهنود ما يطلعون على حقيقتهم الا بالمواقف المحرجة والمصايب :p

SNOoOP .... شكلك كنت بايعها من جد في احد يسوي كذا بالجمس والله حرام بس والله انت من جد بايعها الجمس راح فيها منك :p

Mahdee87 .... اعوذ بالله الحريم سواقتهم تجيب المرض الحريم بلوة كبيرة :"

tidusxxx ..... العفو اخوي وانت شكلك ماشفت سواقت الحريم تقول اول مرة تسوق وهي لها عشر سنين تسوق ولا الحريم مايسوقون الا والجوال بيدهم ويتكلمون فيه ?:
Better Days
21-02-2003, 11:46 PM
الرسالة الأصلية كتبت بواسطة tidusxxx

ممنوع ممنوع ممنوع:o غصبن عن خشمك:6 القانون الصادر عن الجهات العليا ينص على ذلك:o
ايه اذكر كان بقي شوي ونطير من السواقه الزينه:D وابوي يهاوش:6


1-هذي موشكله كبيرة جدا....بالذات اذا ما معك جوال?:
2-سواقنا الله يخليه اول ماجانا.....كان يمشي الطريق بالمقلوب?: واحنا ماشيين نشوف قفا الاشارة:p
3-بتجيك بلاوي اذا دخلوا البنات:!
اقول بلا ابتزاز:"
SNOoOP
22-02-2003, 01:37 AM
أقول يالحربي


الحين الحريم عندكم لين ساقوا ووراهم عرس وش بيسوون :p


كل دقيقة خربت تسريحتي ولا مكياجي :p


ويسوون زحمة والشارع فاضي :6
Better Days
22-02-2003, 09:04 AM
الرسالة الأصلية كتبت بواسطة SNOoOP
أقول يالحربي


الحين الحريم عندكم لين ساقوا ووراهم عرس وش بيسوون :p


كل دقيقة خربت تسريحتي ولا مكياجي :p


ويسوون زحمة والشارع فاضي :6
ههههههههههههههههههههههههههههههههههه
هههههههههههههههههههههههههههههههههه
ما قد فكرت فيها:p :p
&الكويتي112&
23-02-2003, 03:54 AM
الي يبطون جبدك بالسواقه هم ثلاثه ...

الشايب ...

والمرا ..

والهندي ... هذولا البليه ...

مره كنت صافط قدام بيت واحد من الربع ... بيتهم على الشارع ... انا واقف بمكان ممنوع الوقوف ... انا داق اشارت الخطر لا يجيني من الملاقيف ونقفني ...

الوكاد .. اشوف بالمنظره ... والا ذاك .. السبرمان ...جايني من ورا موشم (مسرع ) وداق لي هرن ... طاااااااااااااااااااط والله ياجماعه بغت تنقفني (تدعمني) اول ماشفتها ... والكش القير بواحد ... وابتعد عنه ... اخر شي طلعت مره الي تسوق ... الله يعين من سواقت الحريم .. وسوالف ماتخلص ...

مشكور احمد على الموضوع ...
AL_7RBY
25-02-2003, 12:01 AM
لوسي .... اي حرمة تسوق لازم تسوي حادث بس الصراحة احسن شي بالحريم اذا ساقو سيارة ان السيارة تكون دايم نظيفة :-)

SNOoOP ... مشكلة عويصة بس اصلا مافي مرة تسوق وعرسها بليل بس عندها السياق او احد اهلها يوديها :6

&الكويتي112& .... والله انك ذكرتني بالشياب تصدق ان واحد من شياب العايلة له اكثر من عشر سنين ما يسوق بس مرة مدري وش طرى عليه ان وده يسوق ومايبي ياخذ احد معاه يسوق عنه بس يبي ياخذ السواق يجزره وهو كان توه طالع من عرس و دش الشارع بس دشه عكس السير وبعد اقل من خمس دقايق سوى حادث بس قام بالسلامة :-)

وعندك ولد خالتي تصادم مع شايب سكران جاي عكس السير وعياله يلحقونة يبون يرجعونه البيت كان متزاعل معاهم :-)

اسفين شباب على التأخير في الرد لأسباب قاهرة :6
Sparta Ghost
25-02-2003, 12:18 AM
الرسالة الأصلية كتبت بواسطة &الكويتي112&
الي يبطون جبدك بالسواقه هم ثلاثه ...

الشايب ...

والمرا ..

والهندي ... هذولا البليه ...

مره كنت صافط قدام بيت واحد من الربع ... بيتهم على الشارع ... انا واقف بمكان ممنوع الوقوف ... انا داق اشارت الخطر لا يجيني من الملاقيف ونقفني ...

الوكاد .. اشوف بالمنظره ... والا ذاك .. السبرمان ...جايني من ورا موشم (مسرع ) وداق لي هرن ... طاااااااااااااااااااط والله ياجماعه بغت تنقفني (تدعمني) اول ماشفتها ... والكش القير بواحد ... وابتعد عنه ... اخر شي طلعت مره الي تسوق ... الله يعين من سواقت الحريم .. وسوالف ماتخلص ...

مشكور احمد على الموضوع ...


فعلا ......زي ما قلت .....بس زي ما قلت ...السعودية ما فيها ..حريم..

أما الهندي ...فالهندود اللي في البلد ..ما يسوقون ....لأحد ...بس يشتغلون ....تاكسي:0) ..وما دري ويش ....بس .....الهنود بلدتنا معلمين :0)
أم حق هنود ...:6
أم الشايب هذا المشكلة الكبيرة ...............;-)

ناس وايد ....عندهم مشاكل .....وطرائف ....على السيارات ...ههههه مضحكين ..
AL_7RBY
25-02-2003, 01:50 AM
الجني الرسام .... اكبر بلوة الحريم بعدين الهنود بعدين الشياب والباقين يهونون :"
Musou
25-02-2003, 04:58 AM
ههههههههههههه موضوع حلو:p

ازيدكم من الشعر بيت....

(الوصف هذا للي يعرف ابها و خميس مشيط والأماكن اللي حولها)

قبل فترة كنت راجع من المدينة العسكرية باليل (كنت عند اهلي) و رايح البيت في ابها.... المهم قلت اروح مع خط المطار (اسرع و يغري بالسرعة ولا لا؟":" ) ... و كالعادة كنت مصفي الطبلون (200 بجراند ماركيز)... لا وكنت مشغل ان سينك بأعلى صوت... وفجأة......
.....
....
..
...
.....
..
....
.
..
.
.
...
.
.
.
......................
...


طلعتلي حفرة في الطريق ولا دريت الا والجنط اليمين ضارب فيها (طرررااااخ ... اووووووء اووووووء)......... بس ربكم ستر و الحمد لله حتى السيارة ما جاها شي...................


................و لكني لم اتعلم الدرس الى الآآآآآآآآآآآآآآآآآآآآن.................
AL_7RBY
25-02-2003, 11:40 AM
لوسي .... الحريم اكثر ناس يسون حوادث هم مع الهنود ":"

Dark 13 ..... والله مشكلة هذى انتم يا السعودين دايم تسرعون لدرجة كبيرة كل الي اعرفهم هناك يسرعون حيل :p
Sparta Ghost
25-02-2003, 11:08 PM
الرسالة الأصلية كتبت بواسطة لوسي


لأ..
أكثر أصحاب الحوادث هم الشباب المتهور:6
اما الحريم..أصحاب حكمة":"

صحيح أن الشباب متهورون بس خبرة ...":"
أما الحريم ...صحيح ما يسرعوا بس كل مرة حادث ...أعتقد ...بسبب ممكن ...المرأة كل ما تخترب تسريحة شعرها .....قامت تعدل فيها .....أو توقف ....تحط ...ماكياج :p :p :) .....وهكذا ...وإلا ما دري ...
Better Days
26-02-2003, 07:12 AM
الرسالة الأصلية كتبت بواسطة Dark 13
ههههههههههههه موضوع حلو:p

ازيدكم من الشعر بيت....

(الوصف هذا للي يعرف ابها و خميس مشيط والأماكن اللي حولها)

قبل فترة كنت راجع من المدينة العسكرية باليل (كنت عند اهلي) و رايح البيت في ابها.... المهم قلت اروح مع خط المطار (اسرع و يغري بالسرعة ولا لا؟":" ) ... و كالعادة كنت مصفي الطبلون (200 بجراند ماركيز)... لا وكنت مشغل ان سينك بأعلى صوت... وفجأة......
.....
....
..
...
.....
..
....
.
..
.
.
...
.
.
.
......................
...


طلعتلي حفرة في الطريق ولا دريت الا والجنط اليمين ضارب فيها (طرررااااخ ... اووووووء اووووووء)......... بس ربكم ستر و الحمد لله حتى السيارة ما جاها شي...................


................و لكني لم اتعلم الدرس الى الآآآآآآآآآآآآآآآآآآآآن.................

طريق المدينة العسكرية شي":"
بس ما لقيت تسرع الا في ثاني اخطر طريق في المملكة(بعد طريق الجنوب:D )
هذاك موب خط سريع ذاك جهاد اول مرة اشوف خط سريع فيه 5867540اشارة والشاحنات تمشي فيه ومسارين بس?:
وحمد الله على السلامة:)
Musou
26-02-2003, 07:25 AM
الرسالة الأصلية كتبت بواسطة deadman9002


طريق المدينة العسكرية شي":"
بس ما لقيت تسرع الا في ثاني اخطر طريق في المملكة(بعد طريق الجنوب:D )
هذاك موب خط سريع ذاك جهاد اول مرة اشوف خط سريع فيه 5867540اشارة والشاحنات تمشي فيه ومسارين بس?:
وحمد الله على السلامة:)

الله يسلمك اخوي:)

بس انا قصدي الخط اللى ورا المطار (اللي يوصلك المدينة العسكرية دايركت.... الظاهر عرفته... والكلام هذا قبل تغيير الاسفلت;) )

اما اللي تقولي عليه..... زي ما قلت.... جهاااااد و مووووت:" .... خاصة في الظهر على طلعة الطلبة و الجنود والعالم......:D

و احلى شي اذا جاك الواحد مشوت مع الخدمة وفجأة يكسر للمسار الأيسر........ ساحة معركة من جد:D :D :D
Better Days
26-02-2003, 07:59 AM
الرسالة الأصلية كتبت بواسطة Dark 13


الله يسلمك اخوي:)

بس انا قصدي الخط اللى ورا المطار (اللي يوصلك المدينة العسكرية دايركت.... الظاهر عرفته... والكلام هذا قبل تغيير الاسفلت;) )

اما اللي تقولي عليه..... زي ما قلت.... جهاااااد و مووووت:" .... خاصة في الظهر على طلعة الطلبة و الجنود والعالم......:D

و احلى شي اذا جاك الواحد مشوت مع الخدمة وفجأة يكسر للمسار الأيسر........ ساحة معركة من جد:D :D :D
اهاه:D كأني عرفته
كنت كل يوم في الصيفية قبل اللي قبل اللي فاتت(فهمتو:أفكر: :p ) اوصل خالتي يوم بدا دوام الموظفين كل يوم صرت اعرف تسعيرات الوايتات كلها :D
AL_7RBY
26-02-2003, 10:17 AM
بس يا عيال وبنات قلبتوا الموضوع شات :"


يا شباب المملكة في طريق يودي للطايف ناسي اسمه اذا كنت طالع من مكة رايح الطايف الطريق نزلة وصعدة بس الصراحة مرعب مرة وحدة اذا في احد يذكرني بأسم الطريق فأكون انا شاكر له :6
Better Days
28-02-2003, 12:59 AM
الرسالة الأصلية كتبت بواسطة AL_7RBY
بس يا عيال وبنات قلبتوا الموضوع شات :"


يا شباب المملكة في طريق يودي للطايف ناسي اسمه اذا كنت طالع من مكة رايح الطايف الطريق نزلة وصعدة بس الصراحة مرعب مرة وحدة اذا في احد يذكرني بأسم الطريق فأكون انا شاكر له :6

طريق الهدا يمكن؟:)
هذاك ولا شي قدام العقبات اللي في تهامة عسير
عقمة الصما وشعار وغيرها من العقبات المهلكة صدق تخوف?: