الكسندر قويحص
22-02-2003, 01:25 PM
طبعا اول شي بحيكم تحية اهل الجنه السلام عليكم ورحمة الله وحبيت انقل لكم بعض النقاط الي قاهرتني ورافعه ضغطي بس تابعوا معي
فاصل اعلاني
ام دحيم تعلن عن افتتاح مطاعمها الشعبيه لارقى
انواع المطاطيز والجريش والكبسه الكراثيه ولا تنسى تذوق السليق ولا
تنسى تزور ركن المرقوق والذي يعمل تحت شعار
(بالصيف بالشتاء نشبع مرقوق لا) للاتصال والطلبات الخارجيه والحفلات الرجاء الاتصال على 999 واذا مار د احد حاول تقلب الرقم وتجرب حظك ارضائكم هو هدفنا(اي هين اشوا ان الفلوس هدفنا)
انتهى الاعلان المدفوع الثمن(اجل وش ضنك ببلاش)
طبعا اكيد بعض الشباب والصبايل يحب يكمل دراسته الجامعيه واكيد انه يشوف المعدلات المطلوبه من الكليه المرغوب فيها واكيد انه راح يزور موقعهم على الانتر نت لتعرف على الشروط واوقات التقديم بس يفاجئ بقولهم(تفضل بزيارة الجامعه وسوف تجد من يساعدك) طيب بالله ليه مسوين موقع
مجموعه بريديه مشهوره جدا (قروب) اعضائها فوق 14 الف وعليها مسئولين شغلهم الشاغل كيف ينجحون القروب ويشهرونه وكيف يرسلون ايميلات صح للاعضاء (اقول هنا ممنوع تفهم غلط )هذولي ينحطون فوق الراس .
اما الي يفشل بالموضوع ان فيه قروب مسويه شخص واحد علشان ............ وماعنده هم الا فضايح ومسمي نفسه ابوها (الله يشفيه ولا يبلانا)الناس وكل همه الوصول للفتن وكل شغلته فروده بفروده (FORWARD) علشان تفتح الايميل تقعد نص ساعه تتخطى الرسائل القذره وياليت الياهو يحطون رقابه ويريحونا من الاشكال هذي
مرتن من المراير(ولاحظ كلمة مراير والله لو يدري عني سيبويه كان فقع وجهي) فكرت لو اننا نحط طابع مع كل ايميل نرسله كيف بيكون الوضع ومن وين بنجيب هذي الطوابع والي من جد عقدني كيف بنوفر النسبه الكافيه من السعابيل (معليش ادري شينه بس استحملو) الي بتكفي لعدد الطوابع المرسله بصراحه فكره مرعبه
في ناس يتعاملون مع النت والايميلات بتعامل خارج حدود الدين والحياء تدرون ليه لانه بعيد عن الرقابه رقابة مين اكيد رقابة الناس بس نسى انه دايم موجود تحت رقابة الله ليت كل الناس يتصرفون ويخافون من الله زي مايخافون من خلقه
بعض الشباب يقولون لي ليش كذا غيرت اسمك وتوقيعك القديم للحين موجود ومايدرون ان مافي بقاله او محل يغير محتواه بين ليله وضحاها
اخر شي سامحوني على الموضوع الي كله الوانXالوان
فاصل اعلاني
ام دحيم تعلن عن افتتاح مطاعمها الشعبيه لارقى
انواع المطاطيز والجريش والكبسه الكراثيه ولا تنسى تذوق السليق ولا
تنسى تزور ركن المرقوق والذي يعمل تحت شعار
(بالصيف بالشتاء نشبع مرقوق لا) للاتصال والطلبات الخارجيه والحفلات الرجاء الاتصال على 999 واذا مار د احد حاول تقلب الرقم وتجرب حظك ارضائكم هو هدفنا(اي هين اشوا ان الفلوس هدفنا)
انتهى الاعلان المدفوع الثمن(اجل وش ضنك ببلاش)
طبعا اكيد بعض الشباب والصبايل يحب يكمل دراسته الجامعيه واكيد انه يشوف المعدلات المطلوبه من الكليه المرغوب فيها واكيد انه راح يزور موقعهم على الانتر نت لتعرف على الشروط واوقات التقديم بس يفاجئ بقولهم(تفضل بزيارة الجامعه وسوف تجد من يساعدك) طيب بالله ليه مسوين موقع
مجموعه بريديه مشهوره جدا (قروب) اعضائها فوق 14 الف وعليها مسئولين شغلهم الشاغل كيف ينجحون القروب ويشهرونه وكيف يرسلون ايميلات صح للاعضاء (اقول هنا ممنوع تفهم غلط )هذولي ينحطون فوق الراس .
اما الي يفشل بالموضوع ان فيه قروب مسويه شخص واحد علشان ............ وماعنده هم الا فضايح ومسمي نفسه ابوها (الله يشفيه ولا يبلانا)الناس وكل همه الوصول للفتن وكل شغلته فروده بفروده (FORWARD) علشان تفتح الايميل تقعد نص ساعه تتخطى الرسائل القذره وياليت الياهو يحطون رقابه ويريحونا من الاشكال هذي
مرتن من المراير(ولاحظ كلمة مراير والله لو يدري عني سيبويه كان فقع وجهي) فكرت لو اننا نحط طابع مع كل ايميل نرسله كيف بيكون الوضع ومن وين بنجيب هذي الطوابع والي من جد عقدني كيف بنوفر النسبه الكافيه من السعابيل (معليش ادري شينه بس استحملو) الي بتكفي لعدد الطوابع المرسله بصراحه فكره مرعبه
في ناس يتعاملون مع النت والايميلات بتعامل خارج حدود الدين والحياء تدرون ليه لانه بعيد عن الرقابه رقابة مين اكيد رقابة الناس بس نسى انه دايم موجود تحت رقابة الله ليت كل الناس يتصرفون ويخافون من الله زي مايخافون من خلقه
بعض الشباب يقولون لي ليش كذا غيرت اسمك وتوقيعك القديم للحين موجود ومايدرون ان مافي بقاله او محل يغير محتواه بين ليله وضحاها
اخر شي سامحوني على الموضوع الي كله الوانXالوان