الهلال يخسر امام العين .. والتاريخ يعيد نفسه !!

[العمدا]

خسر فريق الهلال لقاءه الاول في تصفيات مربع غرب اسيا للمجموعه المدري كم .. بنتيجه اعتبرها ثقيله 1-0

لعب للهلال

الدعيع

خليل - الشريده - سليمان - الدوخي

الخثران - التمياط - الغامدي - كانشلكس - التمياط

الجمعان وحيداً

بدات المباراه هادئه ..

وحذره من الطرفين ..

ولكن وبدون اى تبرير يحط الحكم العراقي الجنسيه بلنتي للعين .. ليه وعلى مين ما ادري .. لا وفيه لاعب هلالي اخذ كرت ..

تقدم للبلنتي اللاعب ( غريب ) وحطها قول وسط سكون من الدعيع !!

طبعاً ضربه الجزاء الغير صحيحه قصت ظهر زعيمنا .. ومن بعدها بدأ مسلسل الظلم ..

فهذا اللاعب يصك التمياط برجله في وجهه داخل منطقه الجزاء .. والحكم يالله لك الخيره !!

وقول من التمياط .. ينلغي بحجه التسلل .. اذا السعوديه الثالثه جابوا الصوره ووضحوا .. وش بتقول القنوات المتطوره .. لله درك يا حكم !!

الجمعان ينطق داخل المنطقه .. والحكم الظاهر باله مشغول بالحرب !!

الله يعين ..

بس بغيت اقول .. ان ادمز غير 3 تغييرات ..

الاول الى عليه ميه علامه استفهام الى هو خروج الخثران ودخول المطيري (20) هو صحيح الخثران انطق قبلها في وجهه .. بس ما اعتقد انه تغير عشان الاصابه .. ادمز وش سويت !!الخثران احد افضل نجوم الهلال .. عموماً حصل خير ..

التغيير الثاني خرج كانشلكس ودخل سوفو .. تغيير جيد نسبياً لان اندريه قدم الى عنده .. مشكور وما يقصر ..

الثالث دخل حسين العلي بدال الشلهوب .. نفس الشي تغيير ما عليه ..

--

الهلال لعب مباراه جميله .. واعتقد لو كان فيه حكم صاحي كان الفوز حليفه .. ( موب من عادتي احتج على التحكيم .. لكن الصبر له حدود )

برز من الهلال التمياط وخليل ..

اسلوب انك تلعب بمهاجم واحد ما ينفع .. خاصه اذا كان واحد ثقيل مثل الجمعان ..

اكيد بنرقع ونقول ان هذه المباراه اول مباراه لادمز مع الهلال ..

لكن الهلال ما قدم لنا شي قبل البطوله عشان ندافع عنه !!

الامل موجود .. ولكنه مثل امل دخول الهلال للمربع .. ( كلن يحسبها بكيفه ) ..

وسلام عليكم ..

[العيناوي]

هاردلك لكم يالعمدة على الخسارة


لكن مب انتوا فقط انظلمتوا حتى نحنا

7 انذارات في مباراة وحدة ولفريق واحد !!!


وأقولها بكل صراحة الحكم فاشل 100%

[ستاكهاوس]

مبروك للعين الفوز .

وهاردلك يالهلال ......... بصراحة يالعمدا التمياط هذا اي لمسة او احتكاك يطيح على الارض ماصارت هذه كيف لو يحترف في الخارج من اول مباراة يفنشونه وقالوها كثير وابرزهم الحكم المغربي سعيد بلقولة الله يرحمه .

وعلى فكرة الحكم كويتي

[DSL]

لا يشيخ وحار العين الي كل شوي يتسدح ...؟؟:غضب:

[DSL]

اقصد حارس العين ..

[Kubaj]

الرسالة الأصلية كتبت بواسطة DSL
اقصد حارس العين ..



ههههه يحليلك طيب يمديك تحرر الرد

على العموم ..

مستوى جيد نسبيا للهلال خصوصا عندما نأتي على ذكر

انه العين يلعب على ارضه وبين جماهيره

الهلال قلب المباراه بالشوط الثاني الى

لعبه كنا نلعبها زمان بالحاره وهي (باب واحد )

والحارس العيناوي ابدع وتجندل وهو يحاول

الذود عن مرماه صراحه ما الومه

يضيع وقته الجمعان مغطه تمغيط على كيف كيفك :6

[النصراوي51]

سلام عليكم
ياخي فريق الهلال خلالالالاص رايح فيها
وخليهم يبنوا لهم فريق من جديد ولاعندهم
قاعدة اصلا علشان يكون لهم مستقبل العالمي
من هذي السنه ورايح راح يحتكر البطولات ولميدان ياحميدان.

[Milany 10]

بصراحة اخواني الهلال ابدع في المباراة

مع اني ماشفت الا الشوط الاول مباشر .... لكن الهلال منذ فترة طويلة لم نراه يلعب مثل مستواه في الامس .....

وبلنتي العين اشوف انه صحيح 100% .. مع اني هلالي متعصب .... ولكن الحق يقال ... بس هدف الهلال الملغي الى الان ماعرف سبب الغاءه .. لان الكورة ليست تسلل ....

اما بالنسبة للتمياط وكلام الاخ ستاكهاوس انه كل شوي يطيح في الملعب ... هذا بالفعل عيب اللاعب العربي ... لكن بالنسبة لنواف وخاصة في مباراة الامس ... تعرض لضرب خيااااالي .... والحكم حاول ايقاف هذا الضرب بالكروت الصفر ....

بس اكثر ماعجبني في الهلال امس لعبهم الجماعي ... وروحهم الي بدت ترجع .......

وياليت يفوز السد يوم الاربعاء على العين ونفوز على الاسنقلال .... علشان يرجع الامل للهلال .... وتحلو الجولة الاخيرة



تحياتي

[DSL]

الرسالة الأصلية كتبت بواسطة النصراوي51
سلام عليكم
ياخي فريق الهلال خلالالالاص رايح فيها
وخليهم يبنوا لهم فريق من جديد ولاعندهم
قاعدة اصلا علشان يكون لهم مستقبل العالمي
من هذي السنه ورايح راح يحتكر البطولات ولميدان ياحميدان.
انتم صيروا مثل الزعماء فوق الـ40 بطوله ... بعدين تعالوا تكلموا يالنصراويه

[العمدا]

مشكورين على ردودكم ..

وهارد لك للزعيم .. حظ اوفر في المبارايات الجايه انشالله ..


7 انذارات في مباراة وحدة ولفريق واحد !!!
بس يا اخي لاعبينكم ماشالله ما بقوا عظمه سليمه في حقينا !!


التمياط هذا اي لمسة او احتكاك يطيح على الارض ماصارت هذه
لامن ينطق واحد من اللاعبين الاوربين مثل هالطق بتشوف انواع التسدح ..


وعلى فكرة الحكم كويتي
مدري والله هقوتي انه عراقي .. بس الى متأكد منه ان الحكم المساعد عراقي .. والثاني سنغافوري ..


لا يشيخ وحارس العين الي كل شوي يتسدح ...؟؟
الى تغلب به العب به ;)
وبعدين من حقه .. كون الهلال ضاغط وهو يبي يضيع الوقت ..


مستوى جيد نسبيا للهلال
انا اشوف انه اكثر من ممتاز .. كونه جاي بعد تخبط في الدوري السعودى وعشوائيه في اللعب .. وقدم مستوى جيد .. عموماً بنشوف انشالله مستويات ازين ..


النصراوي51
فعلاً فعلاً ..


وبلنتي العين اشوف انه صحيح 100%
عاد انا ما اشوف ان فيه اعاقه .. وبعدين اذا حسب هذه .. وشوله ما حسب يوم غريب يصك التمياط في وجهه .. والا يوم المدافع يقول بالجمعان على الارض !!
والله يسمع منك ..

--

بس السؤال الى ما لقيتله اجابه ..

وش سبب تغيير المدرب للخثران ؟؟

انا براي ان بقاء الخثران ازين من دخول المطيري ..

كون الخثران يجيد الادوار الدفاعيه والهجوميه بشكل رائع ..

وبالتوفيق ..

[العيناوي]

خلاص يا شباب المباراة انتهت

مبروك للعين وهاردلك للهلال

وحلوة منك يا العمدا
ماشالله ما بقوا عظمه سليمه في حقينا !!

وحارس العين وليد كان نجم العين الأول

وبالتوفيق للعين

[( الزعيم )]

اول شىء احب ابارك للعيناويين هدا الفوز و المستوى الجميل اللي قدموه مع اشقاءهم لاعبي الهلال ...

بصراحة الحكم كانت له قرارت غريبة نوعا ما ...

مثل الغاءه لهدف نواف .......:أفكر:

اما بالنسبة لضربة الجزاء فأعتقد انها صحيحة حسب ما رأيته ...

و بالتوفيق للزعيمين في لقاءاتهما القادمة ...

تحياتي لك اخوي العمدا ,,:)

[Grandia]

الكل قال ان البلنتي صحيح والبعض قاللزم طرد المعرقل

الهلال لعب لعب مغاير عن لعبه في الدوري نتمنى لهم التةفيق في المباريات المقبله

[العمدا]

يا جماعه الشرديه تكرفس من قدم لاعب العين .. واللاعب طاح .. والحكم على طول حطها بلنتي ..

وين الخطأ هنا !!

عموماً ..

المباراه انتهت ..

ومبروك للكيان العيناوي ..

وهارد لك للزعيم ..

[Grandia]

الشريده حط رجله بين رجل سانقو المعترف العيناوي قبل تسديده وتعثر عليها سانقو بقصدية الشريده لذلك

تحليلي لها :) طبعا في رأيي

[الرهـــيـــب]

فريق الحكام من اوكاد للكويتي هذا :غضب:

[الشاب الحزين]

أخوي الغالي العمدا ...

الف شكر لك على هالموضوع ...

وبكل صراحة الهلال ابدع في مباراته امام نادي العين الاماراتي ...

ولكن الحظ وقف له بالمرصاد ...

ومثل ما تعرفون ان هدف نواف التمياط الملغى اعترف به الحكم الدولي المصري جمال الغندور انه صحيح ولا غبار عليه ...

وما عليه الف مبروك للعين وهاردلك يالزعيم

تحياتي

الشاب الحزين

[بحـــ الشوق ـــور]

السوء في التحكيم :(

[DE NILSON]

اولا مبروك للعين




الهلال لعب مباراة جيدة ومنذ فترة لم نرى الهلال بهذا اللعب
الجماعي وعودة الروح

لكن الحكم وآآآآه يالتحكيم

هدف صريخ 1000000% من قدم نواف للمرمى ومافيها اي تسلل
بشهادة جمال الغندور وكل المحللين
ماعدا المتعصب محمد نجيب(مذيع ابوظبي الرياضية) الذي يحاول اخفاء الحقائق واستفزاز النعيمة)


العيناوي:
تقول ك7 كروت صفراء
هل تنكر انها كلها صحيحة وكلها ضرب من الخلف وركل
وغير كذا في وحدة في اول المباراة لما واحد شات وجه عبدالعزيز الخثران الحكم ماانذره ومشاها المفروض تحمد ربك انها ماصارت 8 كروت



وبعدين العين ماسوا شي في المباراة اللا الهدف البلنتي ورأسية سونجو التي صدها الدعيع

والباقي كله دفاع والاعتماد على محاورات سونجو




اما الهلال كان مسيطر وهجماته اخطر والغي هدف لاغبار عليه كان سيحول مسار اللقاء



باختصار

الهلال كسب الاداء والعين كسب النتيجة


والف مبروك للعين

[العمدا]

شكراً على ردودكم ..



وحارس العين وليد كان نجم العين الأول
فعلاً ابدع الحارس ..
اضافه الى ابداع القائم ورايه حكم الخط ( تراها كزحه لا تشيل علي ;) ) ..


بصراحة الحكم كانت له قرارت غريبة نوعا ما ...
غريبه وبس !!
في نقطه حبيت اذكرها ..
حنا جمهور الهلال ولله الحمد جمهور واعي ومثقف ..
اذا فريقنا انهزم بجداره المنافس له اعترفنا وبحثنا على الاخطاء ..
واذا فاز بجداره ومستوى رائع باركنا فيما بيننا وهنأنا بالمستوى الجميل ..
واذا فاز بسمتوى هزيل اعترفنا .. وبحثنا عن الافضل ..
لكن اذا لعب واستبسل في اللعب لكن وبأخطاء تحكيميه فادحه ( لا اقول متعمده ) يخسر الهلال .. فمن حقنا ان ندافع ..
اعتقد ان كلامي منطقي ..
وهذا الى يقوله المنطق والعقل ..

الشريده حط رجله بين رجل سانقو المعترف العيناوي قبل تسديده وتعثر عليها سانقو بقصدية الشريده
راجع شريط المباراه وتأكد ..
الشريده وقع من قدم المهاجم ..
والمهاجم رمى نفسه ..
والحكم ما صدق خبر !!


ولكن الحظ وقف له بالمرصاد ...
فعلاً نقطه مهمه ..
وباذن الله التاهل من نصيب الزعيم ..


DE NILSON
اعلق على ايه واخلي ايه ..
ردك كافي ووافي ..
تسلم اخوي ..

[Rivaldooo 11]

الحكم حب يغطي عدم احتساب البلنتي بالانذارات

[-Cheetah-]

السلام عليكم ورحمة الله وبركاته

مشاركة متأخة صح.؟؟.. بس حبيت أنوه ...

بالنسبة لحارس لبعين الي " كل شوي وهو متسدح" سبب التسديح هذا إصابة في ظهره أتمت الآن الستة شهور بعد العام من عمرها


أما بالنسبة لضغط الهلال طوال المباراة ...
كل فريق كرة قدم بيدافع وبيهاجم صح ولا لأ؟؟
شو رأيك بدفاع استحمل هجوم متكرر لمدة زادت على 45 دقيقة متواصلة إلا ما قطعها من صفارات ؟؟؟

وللعلم أنا من مشجعين الهلال في الإمارات :)

[sari al-lil]

haaaaaaaaaaaard luckkkkkkkkk


هاردلك للازرق وانشوفه انشاء الله افضل في الجايات ونشوف الكاس معه

[MandN]

هارد لك للزعيم :(