{السُمنَة...والمَطاعِم الأمريْكية..وزِنجَر سوبريم..وأبوجَهْلٍ}

[ثريول]

السلام عليكم ورحمة الله.....

موضوع جديد لي أتمنى أنه يعجبكم...

وهو عن السمنة والمطاعم...

قد تستغرب من العنوان...فهو عن موضوع مهم ...

لذلك فقد خصيته بموضوع.... بسم الله نبدأ...


لقد أبتليت أمتنا بما يسمى بالفاست فود..!!

وهو أسم إفرنجي يدل على الأكل الذي يزيد من سرعة الطريق إلى السمنة ثم التخمة ثم الانتفاخ ثم الانفجار ثم إلى القبر...


وله أسم ثاني (( take away ))يعني خذ أكلك وروح معه في ستين داهية..أقصد إلى البيت..

حتى صار حال بعض شبابنا ((وهم ربع لنا وحبايب..لكن الحق يقال ))كالبراميل التي تمشي ببطء..وتتحرك أعضاء الجسد بحركةٍ عشوائيةٍ تجعلك تضحك وتضحك...ثم تستغفر ربك وتقول.{.الله لايبلينا }..ثم تحمد ربك مرة أخرى..ثم تتساءل:كيف صاروا إلى هذه الدرجة؟
الجواب على قسمين:

1_جلسة البيت بدون شغله...من القعده جدام النت... وبعدها يرمي لحمه وشحمه على الكنب ليشاهد مسلسل
(friends )..أو فيلم (اللمبي )الفاشل...أو لعب لعبة( تنشو..وارث أوف هافين ).أو حتى(جلتي جير أكس )...

ولازم معى هالمشاهدة أو اللعب علبة ذره(فشار)... أو مكسرات يابانية...وما يتعب نفسه أبد...لا رياضه ...لاكوره...من البيت
إلى الفراش....ومن الفراش إلى الكنب...(ربنا كما خلقتنا )..:D

2_الأكل والأكل...والأكل مرة أخرى...من غدا في كنتاكي إلى عشا في هارديز...ومن مندي إلى بخاري....

الله يعينهم ويعطيهم الصحة "والرشاقه"...

وقد ذكر التاريخ عظماء متان مثل:

1-أبو جهل :لا أعرف إن كان حقاً سمين أم لا...لكن الأفلام المصرية تبين لنا أبو جهل بأنه ذاك السمين اللي عرض حواجبه 7 سنتيمتر...:D ودايماً يضحك ضحكة الخبث...وهو كائن غريب يحب الكفر والكفار...يموت على اللات والعزى..ورفيجه فرعون...في النار..

2-يوكوزونا :أدري أنه مب عظيم ولا بطيخ لكن حطيته لزيادة العدد... ما عندي وقت أدور..:D


ومن أهم الأسباب لهذي الحالة المطاعم الأمريكية....

المطاعم الأمريكية

هي مطاعم تقدم أكلاً شهياً....جداً...جداً...يخلونك تركض اليهم...وخاصة بدعاياتهم...

ويخلونك تخلص فلوسك في سندوتشات((زنجر سوبريم أو بيج ماك ))...مع الشبس..

لكن والحمد لله المقاطعه لعبت فيهم وخلتهم يفلسون...ويسكرون بعض مطاعمهم...

لكن لو فكرت بتلقى أن أكلهم يكون في ثلاث أصناف لارابع لهما...وهي..

1-.السندوتش ..وهو شيئ غريب لم يكن معروفاً قبل 300 سنه((معلومة صحيحه))بل أخترعه واحد أنجليزي
فاضي..:D لكن موبوتو سيسي سيكو يقول في كتابه(أصول التكارنه )..:{{ لقد عرف التكارنه الهمبورجر من حوالي خمسة عشر ألف سنة}}...ملحوضة:التكارنه قبيلة أفريقية تلقى أكثر أبناء شعبها يبيعون حب أو حنا بالقرب من الحرم المكي...:D

ما علينا...نتكلم في الوصف..

وهو عبارة عن قطعة لحمٍ...أو بالأحرى بقايا لحم دائرية الشكل...حاطينها وسط قطعتين من الخبز...
من تأمل فيها أيقن بالمؤامره بين الخبزتين...لذبح اللحمه خنقاً...:D
مع كم ورقة خس لونها طحلبي ....من حرارة اللحم..وقليل من الكتشب الأحمر الفاتح.....واللي خلاه فاتح هو كثرة نسبة الماء عشان التوفير...مع جبنه ذايبة..ولذيذه...وطماطم..
قال الشاعر:

إليكَ عني إليكَ عني يافَتى***إذهب معي لنأكل الهمبورجرِ
فإلى الله إلى الله المشتكى***فلقد تعبت من الجرجير الأخضر
ِ
وهو الأهم في الوجبه....والأطيب..

2-.الشبس أو البطاطا المقليه ...وهي عبارة عن بطاطا مقطعه إلى قطع مستقيمة..تشبه عصاقيل عجوز عمرها خمسه وثمانين سنه...:D ومشبعه بالدهن الضار بشكل رهيب..ولازم تاكلها مع الكتشب...وتنحط أحياناً داخل السندوتش...

3-البيبسي ....وقد وصفته في موضوع لحاله...على الرابط التالي..http://www.montada.com/showthread.php?s=&postid=1763898 (هنــــا)

ومع ذلك فالمطاعم الأمريكية..هي الأكبر في عالم المطاعم والوجبات...

دعاياتهم

وربحهم يكون من حملاتهم الدعائيه الرهيبة..

أمش في الشارع...لازم تمر على دعاية ماكدونالد أو برجركنج.....

روح وأشتر جريدة...وطالع الدعايات...كذلك التلفزيون...

شفتوا في الكم يوم الي مرت حملة سندوتش ماك أريبيا ..في الشوارع...الصحف ..التلفزيون..حمله واسعة ودعائية...وكذلك شفتوا حملة كنتاكي...أشتر وجبه بعشره ريال وأحصل معه على فيلم فيديو...سعره خمسين ريال..لا والمشكله أنها أفلام جديده جداً...

لو شغلت اللي في راسك..لأيقنت بأن فكرتهم هي كسر المقاطعة الشعبية للمنتجات الأمريكية..

وبتكلم عن بعض أنواع هالمطاعم...

1-ماكدونلدز ...
أكبر سلسلة مطاعم في العالم...ومنتشره في العالم كله..

.روح هونولولو...بتلقى مطعم ماكدونالد..روح الواق واق(1)كذلك بتلقى مطعمهم هناك...

...وهو مطعم يسمى عند الأمريكان...ماك دولار...بسبب غلاء أكله وطعمه السيئ..

وبعد راعي المطعم يهودي أمريكي...وأكله مب ذاك الزين ..إلا الأسكريم...ويقال في المثل البنغالي:

((فيه يشرب بيبسي..ياكل ماكدونالد..دخن سجاره مالبورو....أهسن شيئ))..:D

اللهم لاتمسخني بنغالياً..
<><><><>
(1)الواق واق:مكان خرافي تخيله الرحاله والكتّاب..على أساس أنه ورى أدونيسيا...وسمي بهذا الأسم لوجود نبات به ثمره يصيح..{.واق....واق}.:D ..
وبه طيور طولها عشره متر....وخرابيط كثيره..

_-_-_-_-_-_-_-_-_-_-_-_-_-_-_-_-_-
2-برجركنج :وهو مطعم واسع الإنتشار كذلك...بس أقل مستوى ...تخصص همبورجر لحم..

وقيل بأنه فتح مطعم له..أيام الجاهليه..في مظارب بني تغلب..حتى أن الزير سالم...وقف الحرب عشان يرجعون ويجربون الأكل الغربي...على خبركم..متعودين..{{ هريس..مشبوس لحم..عصيدة}}:D .... قالو خلنا ننوع...وورد أن الزير صرخ صرخةً أرتج لها المطعم قائلا:

((ألا أينك يا كُليباً ياأخي***لتأكلَ من هذا الطعام العجيبِ ))..

.ومن بعدها ما صار يروح البار....لقى بديل...:D


3-كنتاكي...وهو مطعم دجاج...بس عيبه أنه يجيب وجع البطن والقولون...

وخاصة...سندوتش زنجر سوبريم..اللي لازم يخليك...في حالة طوارئ 12 ساعة على الأقل..:D .ومرة واحد من ربعي صاده تسمم غذائي...من كنتاكي...

وعلى قولتهم خلطة سريه....بس كل الناس يعرفونها...

ومن علامات المطعم ذاك الشايب اللي أسس المطعم...في الثلاثينات..وسمي "كنتاكي"عشان أنه طلع في ولاية كنتاكي..

4-هارديز...وهو مطعم من الشله...

بس هو الأسوأ...وإذا بغيت توصف واحد بالسمنة الشديده تقول(بصوت يشبه صوت بافاروتي راعي الأوبرا المجنون:D :"هذا من شلة هااردييزووو "...

5-بيتزاهت...مطعم قد يكون الأقدم في المنطقه...

مطعم بيتزا والبيتزا مالته زينه...ولذيذه...لكنهم أخذوا فكرة إيطالية..وهي البيتزا...بس هناك أشاعه قويه منتشرة عند البتان (1)بأن البيتزا أصلها بتاني حيث تقول الأسطوره:

"لما فتح خان الأعظم(2) أفغانستان.أخذ له خبز تميس..وبالصدفة وضع إبنه الصغير قليلاً من الجبن اللذيذ على التميس...فلما تذوق خان الأعظم التميس...أعجبه...وأمر الخدم بأن يضعوا عليه فطراً.. وقليلاً من الفلفل الأخضر ...والطماطم الناضج:D ...وأولم وليمة لمندوب روما..الذي كان في مهمةٍ رسميةٍ هناك...فأعجبه كذلك..وأخذ قليلا الهرقل الذي أشاعه بين عامة شعبه الكافر.. ."...أنتهت الأسطوره البتانية...
_________________
(1)البتان:هم شعب الأفغان تجدهم ماسكين ورور أو شيول..ويحفرون في الشارع..أو يقودون شاحنة أو بوكلين..:D

(2)خان الأعظم:ببساطه ماأعرفه ولاأبغي أعرفه...

<><><><><><>

الخلاصة...

بأننا وصلنا لدرجة صار فيها المطعم شيئ أساسي في الحياه...مثله مثل الهواء....وهو أصلاً شيئ من الكماليت....لكن الله المستعان...

وما أقول إلا"بصوت فض غليظ يشبه صوت أبو جهل":

{نحن قومٌ....إذا أكلنا لم نشبَع....وإذا شَبِعنا....أكَلنا مِنَ الحُلوِ والطَيبِ...ثمَ نذهبُ لننام...ثُم نستيقظ...ثُمَ نأكلُ مرةً أُخرى }...:D

ودمتم سالمين.... أخوكم المحب لكم...ثريول

عطوني رايكم ياشباب...

[hitler is back]

شكرا على الموضوع

زنجر اول مره اجربه امس اعجبني والقاك كاتبه بالعنوان :أفكر:

وعلى فكره, الهمبرجر على ماعتقد مشتق من مدينه المانيه تسمى (هامبورج) فاشتقوا اسم سندويش بلحم الخنزير اخترعوه في المانيا باسم هذه المدينه

[ثريول]

رحت صليت ورجعت...:D

hitler is back



شكرا على الموضوع

زنجر اول مره اجربه امس اعجبني والقاك كاتبه بالعنوان

وعلى فكره, الهمبرجر على ماعتقد مشتق من مدينه المانيه تسمى (هامبورج) فاشتقوا اسم سندويش بلحم الخنزير اخترعوه في المانيا باسم هذه المدينه

الله يعينك على عوار البطن:D

وشكور أخوي على هالمعلومه...أعرف بأن الهمبورجر للحم الخنازير..والبيف اللبقري..لكن هالمعلومه جديده علي...

مشكوورأخوي على ردك...;)

ODIN
طيب والي ياكل وما يسمن .. وش سالفته هذا ...

هذ أنا وأنت....:D .....تقبل تحياتي

لوسي

مواضيعك لها (طعم) خاص..

بس الغريب انك تقول هارديز هو الأسوأ

بالعكس..هو أحسن من غيره

و الفاست فود متعة من متع الحياة

يعني ما أقدر أستغني عنه..

أمس تغديت من هارديز وتعشيت من ماكدونالدز..

يظل أحسن من طبخ البيت

هازا من زوئك....:D

هذا رأيي....الصراحه مايعجبني...

أحسن من أكل البيت شيئ أكيد....":"

والعفو مره ثانيه...

[alex]

الله يخلي سب واي http://www.abunawaf.ws/forum/html/emoticons/rolleyes.gif

[Lena]

حلو مواضيعك ثريول احس تتعب فيها من قلب مشكور والله^_^

وقريت موضوع البيبسي صراح رهيب وخفه دم طعمه:p


وذا الموضوع ياخي يقهر:": اكلهم لذي وش نسيو


بس ينفخ:!



ماكدونالدز يع صارت تحوم كبدي منه:6


بس زنجر زنجر لذيذه صعب الواحد يتركها وخاصه سوبريم.......



بس الحين طحت باكله رهيبه اذا انتم من اهل الدمام تعرفون مطعم اسمه زاكي


يشبه طريقه كودو بس الذ منه بالفين مره


يبيع سندويش تركي خيال":" ادمنتها وخليت الاهل يدمنونها من لذتها


واخيرا هي صحيه مافيها مقالي.....




شكرا عالموضوع مرتون اوخرى:p

[احمـ 9000 ـد]

انا احلى وجبة فاست فود كليتها في البر

قعدنا نشوي الهامبرغر والسجق والتكة وحط الكاتشب الحار واكل والطعم ولا اروع (يقولون حق الصحة افضل من المقلي )
..

[ثريول]

السلام عليكم.....

alex

الله يخلي سب واي

تصدق هو أحسن مطعم بينهم....بعض الأحيان آكل سندوتش بو30 سنتيمتر.....

تقبل تحياتي...ثريول..

king_kubaj




تتكلم عن الفاست اوكي معك حق وكل شي صح تقوله

وقديمه وملينا منها وحفظناها

مضره ما منها فايده ..بس سبحان الله محد يكسب الا هم ..

اصلا اللي يقوللي فيه اكل صحي هذا ماعنده سالفه

حتى سب واي يحطون مايونيز وهت دوق والخ ..

والشاورما مضره والبروستد مضر ..المشوي اقل ضرر دايما

مابي افتح محاضره عن الغذاء

لاني ما اهتم ..اهم شي اني اكل واستانس

معاك في كلامك هذا...لكن اللي ماعحبني منك...وأنت مراقب...والمفروض أنك تكون محترم ومُحترِم . غيرك...


يا "مريول"


وخلاك Wallpaper بايخ مثلك انت وصورتك

أفااااااااااااا:": :":

أول شيئ أحنا في منتدى محترم...عيب هالكلام...عيب..

يوم سجلت كان من ضمن الشوط:

2- يمنع إستخدام الألفاظ البذيئة من سب أو طعن أو تكفير.

6- إحترام الرأي الآخر وعدم التهجم على الأعضاء بإسلوب غير لائق.

وينك ووين الشروط...

خلك من هذا...قال تعالى:((ولاتنابزوا بالألقاب بئس الإسم الفسوق بعد الإيمان))....

ويوم أني تكلمت عن المتان كنت الله يسلمك آضحك ...مب جد..

وما تكلمت عن شخص معين....يعني عادي...لاسبيت أحد...

وترى إن كنت متين ..مب عيب ولاشي...رفيجي في الصف...إلى جنبي

أ‘عز من في الصف على قلبي...وهو متيييين...رويته الموضوع وتم يضحك

أخذ الموضوع غشمره...مب إهانه وماأعرف أيش,,

خل روحك رياضيه أخوي...;) ..واليوم طالع وشو بيسوي السد...في الهلال...

إن شالله يكون قصدك مزح بس آنا فهمت غلط....:)

[Jecht]

كلامك صحيح بس ساندويتش هارديز سانتافيه:6 تسيل لعابك


مع اني اكل بكثرة منها بس وزني عليه العوض
يادوب 5 كيلو من 5 سنين
الدكاترة يبوني للتشريح:"

[Dukefleed]

الحمد الله انا مب متين وايد لا تصدقون أحسن ;)
المهم اني آكل ال " فاست فود " :D وألذ شي ال " زينجر سوبريم " يمممم :p

المهم :


أو لعب لعبة( تنشو..وارث أوف هافين ).

انا شارنها يوم الخميس والعبها فهل يعني اني منتفخ وما اقدر اتحرك ؟ :6

[احمـ 9000 ـد]

خوباج ويــــــــــــن الرجيم ؟


عبالي ضعفت الحين

[ثريول]

لوسي


هع..وانا معكم

وزني ثابت على نفس الرقم من 5 سنوات^^

يعني مافيه شي يسمن..

بس بعض الناس لهم قابلية للسمنة أكثر من غيرهم..


الحين صرنا فرقة "الضعاف الثلاثه... أو النحاف الثلاثه... أو المب متان الثلاثه...:6

من يقول...آنا الرابع...:D

Lena


حلو مواضيعك ثريول احس تتعب فيها من قلب مشكور والله^_^

وقريت موضوع البيبسي صراح رهيب وخفه دم طعمه


وذا الموضوع ياخي يقهر اكلهم لذي وش نسيو


بس ينفخ



ماكدونالدز يع صارت تحوم كبدي منه


بس زنجر زنجر لذيذه صعب الواحد يتركها وخاصه سوبريم.......



بس الحين طحت باكله رهيبه اذا انتم من اهل الدمام تعرفون مطعم اسمه زاكي


يشبه طريقه كودو بس الذ منه بالفين مره


يبيع سندويش تركي خيال ادمنتها وخليت الاهل يدمنونها من لذتها


واخيرا هي صحيه مافيها مقالي.....




شكرا عالموضوع مرتون اوخرى

مشكوره أختي على رج الحلو..

إي ولله مكدونلد....?:

وعندنا مطعم شوارما توه فاتح....عجييييب...

والعفو مرتون أوخرى...:)


Jecht




كلامك صحيح بس ساندويتش هارديز سانتافيه تسيل لعابك


مع اني اكل بكثرة منها بس وزني عليه العوض
يادوب 5 كيلو من 5 سنين
الدكاترة يبوني للتشريح

والله أنه قديييييييم...ستنافيه ماكلته من ثلاث سنين تقريباً...

والله نفسي .....تقبل تحياتي....

خوباج...




وانت شايف اني قلبت الموضوع جد يعني ؟

وما استخدمت الفاظ بذيئه

وكل واحد حر برأيه وهذا رأيي

لكن أخوي رأيك بس مب هالشكل...

ODIN

أنت من الشله...معانا....يزين الرشاقه..:D

Super-Mario

تراني أنطرها للحين ما نزلت...عندنا..



كتب بواسطة......ثريول..

[alex]

الرسالة الأصلية كتبت بواسطة ODIN

بعكس الدب اذا نقز من الطابق الثاني .. صحيح راح يوصل للأرض اسرع من الضعيف ..



لو يدري عنك غاليليو ونيوتن والشله ذبحوك http://www.abunawaf.ws/forum/html/emoticons/tongue.gif ...




بيوصلون في نفس الوقت ... تسارع الجاذبيه ثابت لكل الاجسام صغير وكبير ... http://www.abunawaf.ws/forum/html/emoticons/happy.gif

[MandN]

أفضل من أكل البيت

[mohammed111]

غوزي ...وبس :6

[ثريول]

السلامو عليكم....

آسف أخوي أحمد9000 ..ماشفت ردك...

ولله ذكرتني بالبر...الحين حدنا خميس وجمعه....

في إجازه الربيع...خذ الوناسه....

حط فراشك في الموتر....ونتم بالخمس أيام...

وخاصه إذا رحنا حفر الباطن وما حولها...سفره رائعه...":"



خوباج..

أنت هلالي...؟

وشفت مباراة السد مع الهلال...لعبنا فيهم...

والله عبدالقادر كيتا لاعب عجييييب....له مستقبل..

بس ياليت لو أنه يكوّن ثنائي مع أبوبكر سنغو...مال العين..


SiLeNT DeviL

هازا مما لاشكَ فيه...:)

[ثريول]

لوسي

عظام مره وحده...:D

شكله الأسم مالي أحلى....((العضماء الثلاثه))..تحس أنك بطل..:6

يله عظام عظام...":"

ومبروووووك الفوز على الإستقلال....وعقبال الكاس,,,

معلومه:أول من خذ الكأس هو نادي السد...الكبير..;)

محمد


مافهمت أخوي؟؟؟

[HArb200]

احلى شي انك سمعت نصيحتي .. وحطيت الخلاصه ;)

[ثريول]

احلى شي انك سمعت نصيحتي .. وحطيت الخلاصه

تراني حاطها...عشانك...

;)

[ثريول]

الله يسمع منك^^
والسد..ما اطيقه


ليش شفيه نادي السد.....؟؟

[cubelover]

أنا لي مده مادخلت مطعم أمريكي مليت من الزنجر البق ماك وتويستر والفايف شتار ودبل وبر


ولا لا;)

[الكسندر قويحص]

الرسالة الأصلية كتبت بواسطة ثريول



ليش شفيه نادي السد.....؟؟

لا نادي السد قوي والدليل عيال البلد الي موجودين فيه كوني وكميل الثنائي الغير مجنس بس مشكلتهم انهم مايتحدثون العربيه الله يعين على عيال البلد:D

[Black Box]

الرسالة الأصلية كتبت بواسطة ODIN
طيب والي ياكل وما يسمن .. وش سالفته هذا ...

في بطنه دود :p

[Black Box]

الرسالة الأصلية كتبت بواسطة ODIN
طيب والي ياكل وما يسمن .. وش سالفته هذا ...

في بطنه دود :p

[ثريول]

..cubelover

شكراً رعلى الرد..

الكسندر..

أيه بس مب هم لعيبه؟؟...:D

كوني تقول جاي من هونولولو<~~:D

وكميل من الأتحاد...يعني إعاره...

مره شفت كوني في البقاله...ماعنه إلاhow mach.. :p

تحياتي....ثريول..

Black Box

دود الأسكارس..



:D مشكور أخوي..