المساعد الشخصي الرقمي

مشاهدة النسخة كاملة : حماية المستهلك !! .. والطبغرافيه الكونيه !؟


HArb200
20-03-2003, 09:30 AM
السلااااااام


لاتسألون عن حالي .. ان الأيام شتتن بالي :p


وش شعورك بعد ماتاكل أو تشرب .. شي خرباااان .. والمشكله طعمه عادي وحلو .. لا وببسي بعد

المهم .. اليوم مطفر (كالعاده) .. وجاي بعد مشاوير وروحات وجيات .. المهم .. واشوف لكم ذاك المطعم .. هبمرجر وخلافه .. اثنين هبمرجر دجاج بالله .. وكثر الزلطه .. واثنين ببسي .. طبعا عشاني فقدت وزني بعد القلق اليوم ..

وانا أصلا شاك من البدايه بتاريخ انتهاء هالببسي .. لانها من النوع القدييم .. قبل حق الكوره ذا .. طبعا حاولت ادور التاريخ .. محاولة بائسه .. جوعان ..وش بتنتظرون منه ؟؟ .. المهم .. بعد ماتعشيت .. وعيّنت خير بعد هالببسي .. قمت أفكر خلني اشوف التاريخ .. وعلطول طبت عيني عليه .. اوه ماي بيبي ?:


منتهي من شهر !؟؟ .. رحنا وطي .. وانا اللي يفزع عندي ابليس .. وأفكر ابلغ عن هالمطعم .. لانه وللأسف كل قوارير الببسي عنده من هالنوع !! .. يعني اي شاب يافع يشتري من عندهم احد هالقوارير .. قد يكون عرضه للتسمم .. لكن جانب الرحمه واللطف بهؤلاء الهنود الدلوخ .. خلاني اغير رايي .. طبعا مؤقتا ..الين تظهر اعراض التسمم (لاقدر الله) ..

المهم .. بالله متى تنتهي هالحاله .. مره كنت بأحد المطاعم (لاتدققون ترا كلها من نوع همبرجر وطقته ) وايضا كليت من عندهم ذيك الأكله .. الله لايوريكم .. قولوا كش برا وبعيد !!

جتني حمى وصداع .. لكن الحمدلله .. المناعه قويه .. ففالتو واللحظه .. راحت هالحمى بدون ادنى مشكله .

الزبده .. الى متى؟؟ .. خاصتن بمطاعم الشاورما والتسالي .. والبهلله هذي .. كل يوم مقفلين احدها بالشمع الاحمر والاخضر ..ووزارة الداخليه اذ تعلن انها ضد مخالفي نظام الاقامة والعمل .. ومن هالخرط الفاضي .. والمشكله لو تمر على المحل بعد يومين تلقا الشمع الاحمر في خبر كان .. والمطعم رجع مثل اول واحسن !!

.. وطبعا العزوبيه .. وزباين المطاعم ذي .. هم أول المتظررين .

ماودي أخش بتجاربي مع المطاعم .. لاني وبكل برودة دم اقولها .. ممكن أخليكم تنصرعون في التو واللحظه ..

لكن للأسف حماية المستهلك كالعاده هي آخر اهتمامات وزارة الصحه .. مع اني سمعت قبل كم يوم .. انهم أنشئوا هيئه لحماية المستهلك .. او شي زي كذا .

المهم .. نبي اعمال واقعيه .. وميدانيه .. مهوب كلام جرايد !!

وبعدين نصيحه لوجه الله .. بعد ماتقرون موضوعي ذا .. اتمنى تاخذون العضه والعبره من تجربتي .. واي شي تشرونه .. حتى ولو كان .. مناديل .. تتأكدون من الصلاحيه ..

واللي حصل له موقف مثلي .. ياليت يزرعه مع اخوياه .. عشان نفيد ونستفيد ..



وشكرا,,
SNOoOP
20-03-2003, 10:11 AM
والله انك صادق

أخر اهتمامات وزارة الصحة وحماية المستهلك


حماية المستهلك


الظاهر انكم قريتوا عن الكيك المتعفن وجابوه كم مره في الجريدة

ولكن لا حياة لمن تنادي؟؟

طبعا غير البسكوت بالزجاج <<<<<<<ياللهول زجاج:p

والفلافل بالجراد

والشاورما بال...................وووو.....الخ...


على العموم سلمات هارب ماتشوف شر
RPG_master
20-03-2003, 10:23 AM
وانت يالنكبه ورا ما نبهت الهنود على الأقل علشان يغيرونه:غضب: !ّ


على العموم بغيتك بكم سالفه حول المودم بتاع البي اس 2 وحماية المستهلك(علشان ما نطلع عن اطار الموضوع)


نرجع للموضوع,,



انا جاني تسمم مدري مرض لازمني اسبوعان وأكثر من المعاناه..


بسبب مجهول..ومحصور بين : شاورما,,وحلاو caprice الي بميد:6


وينكم يا حمايه المستهلك:"
HArb200
20-03-2003, 10:46 AM
سنوب ,,

الشر مايجيك يالغالي ..

اما البسكوت بالقزاز .. هذي تحفه

يعني أنت مالك تجربه حساسه بمثل هالموضوع .. اعتبر انك محظوظ صراحه .. ماشاء الله ! ..

اربيجي ,,

لو علمتهم .. بيجحدون .. وبالعربي مهوب نافع فيهم .

على فكره .. لاتنسى تجيب معك زعتوره وفطيرة عش البلبل .. وحبة جبن .. وارسلها على الايميل !!

وشكرا ,,
memy
20-03-2003, 11:01 AM
عادي انا اكلت جبنه .... http://www.webpost.net/me/memy/19.GIF

يوم مصمصت اصبعي :6

لقيت الجبنه خضرا http://www.webpost.net/me/memy/18.gif

و ماصار لي شي :cool: ..... بس نمت بالمستشفى :o
mohammed111
20-03-2003, 11:38 AM
زين اذا جت على انتهاء الصلاحية..:أفكر:

احد المطاعم كفشو عماله وهم يخلطون البول مع الرز البخاري:": :": :غضب:
Angel whisper
20-03-2003, 08:26 PM
يا شيخ ما في شي يتعدى كنتاكي في هالبلاوي ..

كلما آكل شي من عندهم .. امرض .. -_-

وما تشوف شر ..
عماد 18
20-03-2003, 08:47 PM
ما عمري تسممت و لله الحمد ..
لكن اعرف واحد توفي بعد ما اكل من كنتاكي ..
ما زال سبب وفاته غامض ..
بعدين وش فيك تتكلم مثل الصحف ..
بدون اشارة لاسماء المطاعم المخالفة ؟؟
يعني يجيبون لك تحقيق عشرة متر ..
و انواع البلاوي ..
و اخرتها ما يقولون اسماء المطاعم !!
ما ادري وش الفايدة منه ..
العمدا
20-03-2003, 09:45 PM
انا صراحتن ما ادقق في التاريخ الا في كم شي..

مثل البيض والحليب ومشتقاته

اما الباقيين فاحس انه ما به مشكله اذا اكلته وهو منتهي ?:


كلما آكل شي من عندهم .. امرض .. -_-

في حياتي ما قد اكلت من كنتاكي الا مرتين :6 (لا تدققون )

مره جربت التويستر ومره البوب كورن ..

ويا ليتني ما جربتهن :"
Y a z e e d
20-03-2003, 10:10 PM
يازين كودو بس :D
ولا رز من عمايل ست الحبايب
والباقي اجحّد :D
MetalGear
20-03-2003, 10:15 PM
زيها ( حماية المستهلك ) زي حق المتسولين مدري وش اسمها ?: ..

كل ما اتذكر واحد من هذولا اتذكر حلقة طاش ما طاش :أفكر:
cubelover
21-03-2003, 01:24 AM
أول شي الحمد لله على السلامه


مره طالع أنا وخوياي نتعشا الكل وعععععععععع

من جد وع ماكملنا ولا لقمه من أحد مطاعم الرياض طلعنا الحمد لله أن البيت كان قريب كل واحد أحتل ونتم بالكرامه حمام

طلع أنه ماغير صاج الشورما له شهر
Justine
21-03-2003, 01:31 AM
انتوا من مطاعم تتسمموا :":

يا حليلكم :"


احنا في مدرستنا :6

كم من مرة لقينا صرصار في همبرجر

و كم من مرة لقينا عيش معفن ...

و كم من مرة طالبنا بتغغير المتعهد ....
و لكن الادارة تصرح بانه لا تعليق ...


اللي قاهرني اني متوسط لكوفي بن عنان عشان يساعدنا لكن النذل يعمل انه مشغول بالعراق :غضب:
HArb200
21-03-2003, 02:56 AM
ميمي ,,
ليه ماتشوفين انتي ؟؟ .. ولا تاكلين وانتي نايمه !؟
وشلون ماشفتيها من البدايه ..

وشكرا على الرد ,,


محمد 111 ,,
:": .. وصخين ذولا .. على فكره .. من كم سنه .. جابو تقرير عن مطعم فول وفلافل .. المهم .. جايبين جرة الفول وحاطينها بالحمام (وانتم بكرامه) .. والعامل قاعد عليها .. ?:
ذاك المنظر مستحيل انساه ..

اينجل ,,
الشر مايجيك .. كنتاكي صراحه خايس .. لامن شريتي منهم وجبه .. شمي ريحة اللحم من داخل .. اشفطيها شفط .. والله ريحة مابعدها ريحه :":


عماد ,,
شفت اشلون .. عشان لامن فتح المطعم مره ثانيه .. محد يقول شي ;)
المشكله مااعرف اسمه .. اصلا المحل ماله سجل تجاري الظاهر .. لانه مسمى باسم صاحبه على مااعتقد .
على طاري كنتاكي مره ثانيه .. لهم فرع بمكه .. قريب من الحرم .. اكيد جاستن يعرفه .. او اي واحد راح هناك .. بايام رمضان .. ادخل وتفرج بس .. شف انواع الحوسه .. حتى داجن بعد اللي جنبه اطقع منه .. يعني مثل هالاماكن .. المفروض كل اللي كلوا تسمموا !!


يتبع ...
HArb200
21-03-2003, 03:08 AM
العمدا ,,
لا يبيلك بعد اليوم تدقق بكل شي .. يعني تاكل زبادي خربان .. !!؟


زيدان ,,
كودو منتاز .. بس جرب مره تشوف الطماط ولا الخضره اللي يحطونها .. دقق فيها شوي .. وشف :أفكر: ,,


ميتل جير ,,
عليك ربط .. وش دخل المتسولين !؟

لوسي ,,
ليه وش فيها خدامتكم .. !؟


كيوب ,,
الله يسلمك ..
والله الشاورما مشكله .. لو تسوي احصائيه .. تلقى الشعب السعودي كله تعرض لتسمم اما حاد او خفيف منها .. ومشكور على ردك ,,


جاستن ,,
يوه قلق .. طيب ورا ماتشترون من برا .. وتدخلونه معكم .. احسن ..
ومشكور على ردك ,,


وشكرا ..
memy
21-03-2003, 04:58 AM
الرسالة الأصلية كتبت بواسطة HArb200
ميمي ,,
ليه ماتشوفين انتي ؟؟ .. ولا تاكلين وانتي نايمه !؟
وشلون ماشفتيها من البدايه ..

وشكرا على الرد ,,


كنت اصيح و ما شفت :6
عماد 18
21-03-2003, 05:38 AM
الرسالة الأصلية كتبت بواسطة memy


كنت اصيح و ما شفت :6
اخبر اللي يكون زعلان ما يكون فاضي ياكل ..
مو ياكل و هو ما يدري وش جالس ياكل http://www.webpost.net/sp/spikeyman/dog.gif ..
Justine
21-03-2003, 05:48 AM
يوه قلق .. طيب ورا ماتشترون من برا .. وتدخلونه معكم .. احسن ..
اجيب لبن العصفور اسهل لي (&)


ممنوووووووع الخروج من المدرسة بعد ما تعتبها ?:

و بعدين الاكل المنزلي راح يخرب ريحة شونطتي الحبيبة ...
memy
21-03-2003, 05:58 AM
الرسالة الأصلية كتبت بواسطة عماد 18

اخبر اللي يكون زعلان ما يكون فاضي ياكل ..
مو ياكل و هو ما يدري وش جالس ياكل http://www.webpost.net/sp/spikeyman/dog.gif ..


انا لما اكتئب اشتهي اكل http://www.webpost.net/sp/spikeyman/dog.gif ...

و غرقت عنوني بدموع ولا شفت :6
SNOoOP
21-03-2003, 06:35 AM
الرسالة الأصلية كتبت بواسطة HArb200
سنوب ,,

الشر مايجيك يالغالي ..

اما البسكوت بالقزاز .. هذي تحفه

يعني أنت مالك تجربه حساسه بمثل هالموضوع .. اعتبر انك محظوظ صراحه .. ماشاء الله ! ..


عز الله رحت وطي <<<<<<<تراني أمزح:6


والله اتذكر جاني تسمم إثر تناولي لهرفي الروضة


والروضة بالتحديد

لكن ولله الحمد صار خير

بس الام بالبطن واسهال وشوية تطريش (((أعزكم الله)))

:6

واتذكر الدكتور المصري وش قال

خد الحبه دي للصداع
والحبه دي للطراش
والحبه دي للاسهال
وماتنساش السفن أب
والحبه دي لألام البطن
وماتنساش السفن أب
كولوا الا السفن أب<<<<<<<<<<<<<<مسوي اعلان ذا المصري:6

بس نصيحه كل من أي مطعم الا مطعم هرفي بالروضه

وسلامتكم
HArb200
21-03-2003, 10:16 AM
جاستن ,,
اجل ادع ربك يسقط عليهم صاروخ سكود .. خخخخخ


ميمي ,,
عليك تصريفات مدري وشلون تجي .. ههههه .. اتخيل شكلك الحين ..

تهي تهي .. يم يم .. تهي تهي

:p ..


سنوب ,,
شكله تسمم حاد .. على فكره ترا المايونيز اللي يستخدمونه ((معدّل وراثيا)) .. :واو:


والحمدلله على السلامه ,,

وشكرا ,,
Lena
21-03-2003, 10:33 AM
حمدلله على سلامتك هارب:(




المشكه اننا نحتد احيانا عليهم...هالفلافل والخرابيط ذي والله لها طعم اعوذ بالله


بس قهر انهم يستغلون احتياجنا ذا:o


طبعا المجال مفتوح

محلات صغيره ورخصيه وكلن يبيها ليه ما يلعبون......

انا مره قالي اخوي عن طرقه تسويه الفلافل .............لاعت كبدي:"


بس القهر اننا ما امتنعنا


وعن نهايه الصلاحيه

اجل وش تقول عن الي لقى صرصور داخل البيبسي والله قهر.....


بس وش الحل برايك........؟

اما البلديه فاغسل ايدك:6
memy
21-03-2003, 10:45 AM
الرسالة الأصلية كتبت بواسطة HArb200

ميمي ,,
عليك تصريفات مدري وشلون تجي .. ههههه .. اتخيل شكلك الحين ..

تهي تهي .. يم يم .. تهي تهي

:p ..


هههههههههههههههههه :D

و تراها مو تصريفه :6
HArb200
21-03-2003, 11:14 AM
لينا ,,

الله يسلمك ..

بالنسبة للفلافل .. انا لاشفت السوداني يسويها .. غسلت يدي منه .. ونشفتها بعد .. بس المشكله مايضبطها الا الزول عوصمان ,,

الحل .. سووه .. اللي هي هيئه حماية المستهلك .. لكن عاد متى بيشتغلون .. وبعدين ترا ماذابحنا الا الواسطات .. هي المصيبه !


ميمي ,,

بصراحه ماخشت مخي .. بس يمكن ليش لا ?:


وشكرا..
عماد 18
21-03-2003, 11:19 AM
الحرب العالمية الثانية
الا فيه ناس اذا اكتأبوا اكلوا ..
لكن ما سمعت عن ناس و هم يصيحون ياكلون http://www.webpost.net/sp/spikeyman/dog.gif ..
يمكن لانها صايرة قلم رصاص ..
فعقلها الباطن يستغل اي فرصة للزعل و يخليها تشتهي الاكل :6 ..
HArb200
21-03-2003, 11:29 AM
الحرب العالميه الأولى
شف هي وحده من اثنين ..
ياانهم (والضمير يعود على اللا شيء) جلدوها عشان تاكل من زود الضعف ..
او انها كانت جايعه مره من الرجيم(مهوب ابليس) القاسي .. فيوم شافت الاكل ماصدقت وقامت تصيح .. وكلت ولا انتبهت ..
Lena
21-03-2003, 11:46 AM
الرسالة الأصلية كتبت بواسطة HArb200
لينا ,,

الله يسلمك ..

بالنسبة للفلافل .. انا لاشفت السوداني يسويها .. غسلت يدي منه .. ونشفتها بعد .. بس المشكله مايضبطها الا الزول عوصمان ,,

الحل .. سووه .. اللي هي هيئه حماية المستهلك .. لكن عاد متى بيشتغلون .. وبعدين ترا ماذابحنا الا الواسطات .. هي المصيبه !
\

ههههههههههههههههههه حلوة الزول عصمان:p


بس اي واسطات تقصد ما فهمت...........؟
عماد 18
21-03-2003, 11:59 AM
الرسالة الأصلية كتبت بواسطة HArb200
او انها كانت جايعه مره من الرجيم(مهوب ابليس) القاسي .. فيوم شافت الاكل ماصدقت وقامت تصيح .. وكلت ولا انتبهت ..
خخخخخخخخخخخخخخخخخخخخخخخخ:D
اتفق معك :6 ..
بعدين انا مو حاط هارب100 عشان تقلب اللقب علي http://www.webpost.net/sp/spikeyman/dog.gif ..
HArb200
21-03-2003, 12:25 PM
لينا ,,

يعني واسطات .. ان المحل المخالف .. بعد مايقفل بالشمع الاحمر .. يروح صاحب المحل .. او المطعم..لخويه في وزارة التجاره او الصحه .. ومن بكره تلقين المحل فتح من جديد .. بس باسم ثاني .. او يمكن بنفس الاسم .
الواسطات زينه .. بس مهوب بكل شي !!


عماد ,,

اجل وشلون صرت أنا حرب عالميه .. ?:




وشكرا ,,
Lucky guy
21-03-2003, 12:27 PM
يا حليلكم http://www.webpost.net/sp/spikeyman/dog.gif ..

مرة أكلت فطيرة ام ريال http://www.webpost.net/sp/spikeyman/dog.gif بالجبن طلعت منتهيه لها ثلاث شهور

وتسممت تسمم :) على كيف كيفكم

قعدت بلهوسبتل :6 ثلاث أسابيع وشغل فيني مرة غسيل معدة ومرة أبر الله لا يوريكم بس ..
عماد 18
21-03-2003, 01:11 PM
انت اسمك هرب بالانجليزي ..
و اقرب كلمة لها بالعربي هي حرب ..
و في رقم 200 ..
لذا بطريقة او باخرى تعني الرقم اثنين ..
لذا حرب و اثنين ..
تعني الحرب العالمية الثانية :أفكر: ..
flarestar
21-03-2003, 01:20 PM
الحمد لله ماعمري تسممت<===تبي تحسد روحها:6



بس اذكر يوم بالقصيم اثنين من قرايبنا تسمموا وحالتهم حالة:أفكر:
HArb200
21-03-2003, 01:36 PM
ذا لكي ,,
الحمدلله على السلامه .. وش ذا !! .. ذي شكله قنبله مهيب فطيره ..
اجل بعد اليوم لا للفطاير والزعتر (&) ,,

عماد ,,
:p عليك تحليل .. طيب ليش ماتقراه بطريقه عاديه .. بيطلع (هارب) ..
وال200 .. هذي سيارتي على قولتك (@) ..

فلير ,,
ماشاء الله :واو:
القصيم .. مشكلتهم مشكله .. بس وش نقول ..
flarestar
21-03-2003, 01:41 PM
الرسالة الأصلية كتبت بواسطة HArb200
فلير ,,
ماشاء الله :واو:
القصيم .. مشكلتهم مشكله .. بس وش نقول ..


ذا بروبلم از انهم من الرياض مدري وش خلاهم ياكلون:6
عماد 18
21-03-2003, 01:55 PM
لا ما نفع التحليل هذاك ..
بعدين ما ادى غرضه ..
الغرض من التسمية هي الاستفزاز ":" ..
بعدين اكتشفت انك اندر ايج يعني ما تسوق :6 ..
HArb200
21-03-2003, 02:00 PM
فلير ,,
من الرياض وياكلون من القصيم .. سبحان الله !!



عماد ,,
وشلون تجي ذي ..

يله نمشي معك لين بابك .. وشلون صارت ؟؟
عماد 18
21-03-2003, 02:03 PM
وش اللي شلون صارت ؟؟
HArb200
21-03-2003, 02:07 PM
مدري عنك

الزبده أني أسوق .. وبالنسبه للعمر .. حركه حلوة .. لكن جرب مرة اخرى ":"
عماد 18
21-03-2003, 02:09 PM
اسمها حاول مرة اخرى :6 ..
و بالنسبة لانك تسوق ..
مو مشكلة ..
في اندر ايج كثير يسوقون ..
وش اللي يمنع انك ما تكون منهم ؟؟
انا لما مسكت السيارة كان عمري 16 سنة :6 ..
flarestar
21-03-2003, 02:13 PM
الرسالة الأصلية كتبت بواسطة HArb200
فلير ,,
من الرياض وياكلون من القصيم .. سبحان الله !!




قصدي انهم من اهل الرياض و كانوا جايين للقصيم :6
HArb200
21-03-2003, 02:19 PM
عماد المعاند ,,
جايز .. وفيه ناس يسوقون وهم كبار بعد ..

كلا الاحتمالين جائز .. او احدهم خاطيء .. ولكن كل الطرق تؤدي الى بغداد !

فلير ,,
اشوا ان الدعوى كذا .. ولا كلامك كان خرطي (سابقا) ,,
RPG_master
21-03-2003, 03:29 PM
هارب,,

ما ودك تغير الكلام الي بتوقيعك؟

لأني ما أخبر عيد قريب..


عماد,,

تراه ما يعرف وش معنى أندر أيج..يعني لا تتعب حالك
HArb200
24-03-2003, 04:53 AM
كيف الحال ؟


ترا الموضوع بأول صفحه ..
Angel whisper
24-03-2003, 05:00 AM
شفت الاسرى الامريكان ؟ّ
HArb200
24-03-2003, 05:19 AM
لا .. ماشفتهم .. ليه
Angel whisper
24-03-2003, 05:22 AM
الرسالة الأصلية كتبت بواسطة HArb200
لا .. ماشفتهم .. ليه
بس استفسر ..
HArb200
24-03-2003, 05:32 AM
ههههههه .. توني دخلت موقع الجزيره .. قريت عن الشي ذا .

على فكره .. شفتي البنت العراقيه اللي أمس .. بالجزيره
Angel whisper
24-03-2003, 05:42 AM
الرسالة الأصلية كتبت بواسطة HArb200
ههههههه .. توني دخلت موقع الجزيره .. قريت عن الشي ذا .

على فكره .. شفتي البنت العراقيه اللي أمس .. بالجزيره
يااخي لو تشوفهم كيف يتنافضون .. تقول سمك مطلعينه من الماي ...

واي بنت اللي تتكلم عنها ؟
HArb200
24-03-2003, 05:51 AM
ترا الصوره قويه شوي .. ومؤلمه جدا ..





















http://www.aljazeera.net/mritems/images/2003/3/23/1_145858_1_6.jpg

لقد تكسر رأسها .. بسبب القنابل العنقوديه اللتي تقذفها الطائرات الأمريكيه .. لاحول ولا قوة الا بالله ..
Angel whisper
24-03-2003, 05:55 AM
............
Moon Boy
24-03-2003, 09:21 AM
وشكرا,,

عفواً:6
HArb200
25-03-2003, 06:07 AM
مون بوي ,,

غير اسمك وبعدين اتفاهم معك ;) .. وشكرا ,,
HArb200
25-03-2003, 06:38 AM
مافيه شي .. بس احس انه ماينطبق عليه :6
HArb200
25-03-2003, 08:33 AM
أي رقابه الله يصلحك http://www.montada.com/montada/images/icons/icon5.gif

انا كنت مميز .. وكان فعل ماضي يفيد الاستظراف ,,
HArb200
25-03-2003, 09:06 AM
ابشر ,,
HArb200
25-03-2003, 11:36 AM
بوي ثينج ,,

هههه .. اكيد خاصه في السفر .. الاكل عندهم مخيس من مده ..

مشكور على ردك ,,
memy
25-03-2003, 11:52 AM
الا فيه ناس اذا اكتأبوا اكلوا ..
لكن ما سمعت عن ناس و هم يصيحون ياكلون ..
يمكن لانها صايرة قلم رصاص ..
فعقلها الباطن يستغل اي فرصة للزعل و يخليها تشتهي الاكل ..


لا اله الا الله :o

اجل عقلي الباطن استغل الفرصه :6

ههههههههههههههه عليك تحليل مدري وش يبي :D


شف هي وحده من اثنين ..
ياانهم (والضمير يعود على اللا شيء) جلدوها عشان تاكل من زود الضعف ..
او انها كانت جايعه مره من الرجيم(مهوب ابليس) القاسي .. فيوم شافت الاكل ماصدقت وقامت تصيح .. وكلت ولا انتبهت ..


ههههههههههههههههههههههههههههه احلى تحليل صراحه :D

انا كنت اصيح مو عشان ضرب ( حمد الله اهلي مو من النوع اللى يتعامل بالضرب :6 ) ولا عشان اني شفت الاكل و ما صدقت و قعدت اصيح :D

بس حلوه تحليلاتكم :D
{gaia_girl}
25-03-2003, 11:43 PM
ثانكي هارب عالموضوع :6

المهم..

بسيطة لو جات من محل صغير أو فاست فود..

بس من الموكا حقة ستار بكس (@)

-____- ألم معدة لن أنساه..

و الوالد تسمم من سلطة بيتزا هت أيام ما كان هو في الجامعة.. (&)

آه و بمناسبة الجامعة.. طبعا مو لازم اتكلم عن الكيك اللي مدري من كم سنة مبيت عندهم -___-
HArb200
26-03-2003, 07:13 PM
ميمي ,,

بس صراحه قصتك تثير الدهشه, لذلك .. طلعت عليك اشاعات ,,


قايا قيرل ,,

خخخخخ .. شلطه مهيب سلطه .. ياشين بيتزا هت و المصاريه اللي فيها .. خاصه الصلصات حقتهم .. مدري من وين جايبينها صراحه !!


والعفو ,,


وشكرا ,,