المساعد الشخصي الرقمي

مشاهدة النسخة كاملة : ممكن خدمه



الكوبرا
18-06-2001, 12:55 AM
السلام عليكم
ودى اعرف هل رزينت ايفل لعبه تستحق انى العبها
خصوصا حسب ما قريت ان فيه اعضاء مثأثرين جدا
مع بعض الشخصيات اسمى واشترى العبه ولا شلون

ويسكر
18-06-2001, 01:21 AM
اخوى الكوبرا
العبه ممتــــــــازه للغايه وانصحك انك تشتريها بس ها
ترى العبه متسلسله يعنى لها اجزاء وما ادرى بالضبط كم
جزء .

فارس2000
18-06-2001, 01:49 AM
أفضل رزدينت إيفل بالنسبة لي الجزء الأول
وبعدين بدا ينزل مستواه بالأجزاء اللي بعده
تقريبا تكرار الأفكار وتغير المناظر
ما عدا أخر جزء

كلير3000
18-06-2001, 02:08 AM
بالله هذي تحتاج شؤال?: ?:

أكيييييييييييييييييد العبها:D وأنصحك بكل الأجزاء ماعدا الأول
العبها في الأخيرررررر

نينجا (فوكس)
18-06-2001, 03:05 AM
السلام عليكم

العبه مررررررره حلوه (بس مهيب احلى من ميتل جير)

وفيه شخصيات حلوه

مثل كريس وستيف وكلير طبعا ووسكر الخائن اهو اشين شخصية.

Tamaki_q8
18-06-2001, 04:17 AM
حرام ما لعبت ولا جزء رزدنت ايفل والله حرام انا اول لعبه شريتها مع بلاي استيشن 1 اذا تبي تلعبها :)

اول شيىء

تلعب رزدنت ايفل 1

و لما تخلصها

تلعب رزدنت ايفل 2 بشخصية ليون و كلير

و لما تخلصها

تلعب رزدنت ايفل 3

و لما تخلصها انصحك لا تلعب رزدنت ايفل سرفايفر الانها بايخة بشكل مو طبيعي

تلعب رزدنت ايفل كود فرنوكيا اما على دريم كاست او لما ينزل على بلاي استيشن 2 في شهر 7 :)

هذا كل شيىء :)

و شكراااااا

ويسكر
18-06-2001, 12:24 PM
مرسى على اخلاقك نينجا (فوكس);)

التل الصامت
18-06-2001, 01:10 PM
السلام عليكم
أنصحك أخوي تشتري كل أجزاء ريزدنت إيفل ؟؟؟ أحلى جزء /
1) الأول .
2) الثاني .
3) الثالث .
4) يعني مب الي هناك (( بس القصة حلوة )) .

أخوك
التل الصامت .

الكوبرا
18-06-2001, 01:34 PM
مشكورين
اجل راح نتوكل على الله ونشتريها ولى فيها فيهاا
من الحين راح اتخذ سياسة ربط الحزام و ؤوفر النجايح و المصروف بتاعى
واجيب قل الاشرطه بس ها ترى تعوضونى اذا ما كانت فى مستوى الي انا ابغاه;) :D

نينجا (فوكس)
18-06-2001, 08:12 PM
السلام عليكم ورحمة الله


احب اوضح ويسكر الي في المنتدى مهوب خاين بلا الي في اللعبه

واحب اقول لويسكر لا ميرسي على واجب.



وسلامتكم