طفلتنا المدلله......... أمريكا

[جرح العيون]

طفلتنا المدلله امريكا .... مضت سنين على ولادتك بهالعالم بعد وفاة والدتك الاتحاد السوفيتي .... واصحبتي طفلتنا المدلله.... وبدينا نحقق لك كل شي ممكن شهيتك المفتوحه تحلم فيه

طفلتنا المدلله حبيت اليوم اخذك عشان اقول لك هالكلمات ... حاولي تفهميني وتفهمينها .. وانتي حره

جمالك .... شعرك الاشقر .... لونك الابيض ..... كلها اشياء تحببنا فيك

لكن دلالك الزايد وانتي تحاولين تكسرين اخر لعباتك صار شي ماينطاق وكرهنا كل شي ممكن انه يكون جميل فيك

كل هالاناانيه واللامبالاه والغرور ماجا الا بسبب دلالنا لك في السنين اللي فاتت وبالنهايه
وش كانت النتيجه ياطفلتنا ؟؟؟

لعبة افغانستان ولعبة ليبيا ولعبة البوسنه ولعبة فلسطين كلها كسرت بين اياديك
ورحتي تتباهين بين الاطفال وكأن كسر لعباتك صار عشقك الدائم

صدقيني لعبة العراق بتكون اخر لعبه لك ... لو كسرتيها راح تجرح ايديك الطويله و مخالبك الشرسه بتبدى تهرش بجسمك لانه ماراح يبقى لك لعب
وراح تموتين مثل ما ماتوا باقي الاطفال اللي ما سمعوا الكلام

طفلتنا المدلله صدقيني كل هاللي حولك من اطفال يتمنون مكانه مثل مكانتك واذا خذوها راح يحتفظون فيها ولا راح يكثرون بالطلبات مثلك
لانهم ذاقوا الظلم من بعد دلالنا لك ولا راح يخلون غيرهم يذوقه ولا راح يتخلون عن مكانتهم بقلوبنا

وهذا انا اقولها لك وللمره الاخيره
انتبهي .... انتبهي ..... انتبهي
لعبة العراق راح تكون اخر لعباتك !!!