وجهة نظر (ديد تو رايتس) ..

[عماد 18]

السلام عليكم ..
نظرا لان بعض الالعاب الواحد صار يحتار يشتريها و الا لا ..
و احيانا تكون ماخذة تقديرات مرتفعة لكنها ما تعجبه ..
او العكس ..
فخطرت لي فكرة باننا نسوي موضوع اسبوعي لكل لعبة ..
كل واحد يذكر مميزاتها و عيوبها بالنسبة له ..
يعني نبغى اراء منطقية ..
مو يجي الواحد و يقول هذه اللعبة فاشلة و الا هذه اللعبة ناجحة و يسكت ..
لازم يذكر الاسباب اللي خلته يعطيها هالراي ..
بداية راح اختار اللعبة اللي نتكلم عنها هالاسبوع ..
ثم اللي حاب يطرح لعبة للنقاش يرسل لي رسالة خاصة ..
حتى نحطها في الموضوع الجاي و نثبت الموضوع حتى تعم الفائدة ..
و راح اختار الرسايل حسب الاسبقية ..
الا اذا كان سبق و ان تعرضنا لها اللعبة ..
و راح يثبت الموضوع باسم صاحب اللعبة اللي اختيرت ..
لعبة هالاسبوع هي :
ديد تو رايتس
نوع اللعبة : كل ما تحمله كلمة اكشن من معنى ..
الشركة : نامكو ..
اللعبة تتكلم عن شخصية جاك سليت شرطي فوجيء بقتل والده لسبب ما ..
فمهمته في اللعبة هو كشف هذا السبب ..
يتعرض خلالها للخيانة و السجن و العديد من الاحداث ..
اللعبة طويلة نوعا ما ..
مميزاتها :
- اسلوبها بسيط و ما فيه اي تعقيد ..
- افكار جديدة مثل خاصية امساك العدو اذا كنت اعزل و اخذ السلاح منه و قتله و مثل انك تخليه درع لك ..
- الجرافيك جيد لكن مو بالقوة المتوقعة ..
- تنوع اساليب اللعب فاحيانا تجد ان مهمتك هي التغلب على احد المساجين بالملاكمة او مصارعة اليد و مهمات تعطيل القنابل و القضاء على بعض الزعماء بطريقة معينة ..
مثلا لما تقاتل الزعيم الاخير – ماراح اقول اسمه حتى ما اخرب عليكم القصة- لازم اولا انك تخليه يقترب من بركة المياه لان معه درع كهربائي و ما تقدر تإذيه الا بعد ما تعطل هذا الدرع عن طريق جعله يدخل في بركة المياه ..
و بعد ما تتخلص من الدرع تنتقل المعركة بينك و بينه في محرقة ..
فاذا اردت القضاء عليه بسرعة تقدر انك تخليه يتجه لتنور النار و ترميه داخله ..
هالشي راح يخلي طاقته تنقص بسرعة ..
عيوبها :
- احتوائها على بعض الاشياء اللي ما لها لزوم – ما في داعي لذكرها - ..
- بعض الاحيان راح تمل لانك جالس تقتل على الفاضي و المليان ..
- انك ما تقدر تسجمع الذخيرة بحيث انه اذا كان سلاحك فيه مخزون واحد ما تقدر تاخذ اي مخزون ثاني حتى ينتهي يعني هم ارادوا الواقعية ..
طيب هل من الواقعية انك لما تقاتل زعيم و ينتهي سلاحك تلقى في سلاح ظهر لك من العدم ؟!

وجهة نظري ان اللعبة حلوة و تستاهل التجربة و بصراحة اعتبرها افضل و احسن لعبة اكشن بعد ماكس بين على البلايستيشن 2 ..


في النهاية انتظر اراءكم اولا بخصوص فكرة الموضوع و هل تحبون نضيف اشياء فيها و هل يستاهل انه يستمر او العكس ؟؟
و ايضا لا تنسوا انكم تعلقون على اللعبة ..

شاكر لكم مشاركتكم و قراءتكم مقدما :) ..

[ash 90]

السلام عليكم

موضوع رائع و يستحق الشكر فعلا

و فكرته حلوه و مبتكر

لندخل في اعماق اللعبه :D :

الايجابيات :

1- قصه رائعه و غامضه من البداية حتى النهايه
2-التحكم بالكلب سيساعدك كثيرا
3-جعل الاعداء درعا
4-طول اللعبه
5-تعدد المهمات


السلبيات :

1-وجود اشياء مخالف لديننا الاسلامي
2- الرسوم ليست بتلك الجوده
3-اقتباس واضح من ما كس باين
4-الملل الي راح يصيبك من التكرار بالقتل
5-التحكم صعب قليلا و خصوصا بالاوقات الحرجه

هذا الي عندي ;)

و ارجو انه الموضوع يكتمل للافادة

[عاشق فيديو جيمز]

اللعبه بالبدايه رائعه ولكن باللعبه خلاعه طويله ":"


عندما تتقدم باللعبه ستشعر بالملل الحقيقي :(

[Snake-87]

ديد تو رايت من أحلى الألعاب إلي لعبتها
صراحة روعة
وأنا أمس خلصتها وكانت تماااااااام عجييييبة

[MagicBoy]

اللعبة جيدة وذلك الاكشن الكتير في اللعبة الايجابيات : الحركات القتالي لم يكون جاك اعزل ويريد اخد سلاحة مين احد الاعداء فانه يفعل اكشن راءعة جدآ بعض المراحلة التصويب السلبيات : وجود بعض الاشي المحرم في اللعبةغبة الالغاز في اللعبةالتكرار في المراحل اللعبة وذلك يصيب بي الملل والفكرة ممتاز جدآ واتمن ان تستمر بها;-)

[عماد 18]

اشكر جميع اللي ردوا ..
و الاسبوع الجاي راح يكون صاحب الموضوع هو اش 90 للعبة دارك كلاود 2 ..
حتى الان هو الوحيد الي تقدم بطلب ..
لذا ياليت موضوعك يكون منشور يوم الثلاثاء الجاي ..

و ما زلنا ننتظر تفاعل الاعضاء ..

[BiN-3Li]

اقترح جن سرفايفور
لانها جديدة

[عماد 18]

اللي يقترح لعبة يكون مسؤول عن كتابة الموضوع الجاي :) ..
لكن للاسف ما اشوف في تفاعل مثل ما كان متوقع ..
لذا يمكن نلغي الفكرة ..

[Mesharey]

بصراحة بكتب عن اللعبة ..بس الحين ماعندي وقت :( ..

المهم الأعضاء ما قصروا بس أحب اذكر عيبها الوحيد :) ..
وهو التكرار ..والشعور السريع بالملل :o ..هذا غير النهاية التافهة :أفكر: !

أما الباقي فهي لعبة رائعة ..وخصوصا بفكرة عدم استعمال الأسلحة احيانا :) ..

ومشكور عماد على الفكرة الجديدة :) ..إذا ماكان في موضوع يوم الثلاثاء..راح اقوم بنشره وهو عن دارك كلاود 2 ^_- OK?

[المتصفح]

لعبه سيئه جدا

احلا مافيها العرض في البدايه

[MagicBoy]

انا حتي ساكتب موضوعآ عني سوكوم و مارك اوف كاري لكن متي يمكن ذلك لي مع تحيات اخوكم ماجيك بوي:)

[yugo the wolf]

اللعبة حلوة وخاصة التحكم بالكلب لكن الرسومات كأنك تلعب PS 1 :-)


لكن في لقطات لقطات مخالفة لديننا الإسلامي في اللعبة :o

[Hwoarang]

أنت لساتك عايش :D


مممممممم
اللعبة مو عجبتني لذيك الدرجة وقد يكون السبب أنها تحت أيادي أمريكية بالدرجة الأولى وليست أيادي يابانية كما كنت أعتقد.

وأهم عيب بها "كلعبة" هو أنها تملك أسلوب واحد من البداية للنهاية .....
حتى أنها بالبداية تحوي على بعض الأمور لا توجد بمنتصف ونهاية اللعبة.




والله يطولك عمرك

[النسر الأسود]

والله موضوعك جيد جدا أخوي عماد ;-)
بالنسبة لديد تور رايتس فأنا أول ما وضعت اللعبة عجبتني وكان لا بأس بها ولكن تفاجأت فيما بعد بما تحتويه من أمور مخالفة لديننا وايضا اللعبة تصبح مملة فبصراحة هذي أكثر لعبة أشعرتني بالممل بحياتي لأن أسلوبها مكرر جدا .
وشكرا :-)

[mad_dog]

السلام عليكم.....

الموضوع طبعا جميل جدا ولو يكون في اخر كل موضوع تقييم نهائي للعبه:D


ولعبة ديد تو ريتس اللي خلاها تفشل تكرارها لطريقة ماكس بين بس !!:D

[عماد 18]

مشكورين على تفاعلكم ..
و ايه يا هاورانج لساتي عايش :) ..
على العموم قررت ان الفترة راح تكو 4 ايام ..
لذا اخوي اش تقدر تكتب موضوعك عن لعبة دارك كلاود 2 ..
و راح اثبت لك موضوعك ان شاء الله ..

[Neo Cid]

مشكور يا عماد على رأيك و يعطيك الله العافية ..

بالنسبة لكلامك :

وجهة نظري ان اللعبة حلوة و تستاهل التجربة و بصراحة اعتبرها افضل و احسن لعبة اكشن بعد ماكس بين على البلايستيشن 2 ..

والله انا اعتبر ماكس بين بالمركز الأول .. و للحين لأني مو مجرب سبلنتر سبيل ..

لكن فيه ناس يقولون أنه أحلى من ماكس بين .. هل انت مجرب سبلينتر سبيل ؟ ..

لأني بشتري ألعاب اكشن بهذي الفترة و أبي نصيحة ..

و شكرا .. ;)

[FARES360]

:) المهم ..

;-) فعلا لعةب dead 2 rights حلوووه ^^ من أفضل الألعاب .. الأكشن

ماكس بين حلوه .. بس انا احس انه ديد تور رايتس مركزه شويه بالتحكم
واللعبتين في النهايه :6 للكبار ^^


:) انا عندي ياها على الأكس .. همم اللعبة روووعه:واو: بكل ما لها معنية هذه الكلمه (جاسوسيه ) .. :6


;-) لا تفوتكم .. :": بس صعبة حيل ..

[FARES360]

انا عندي ياها على الأكس .. همم اللعبة روووعه بكل ما لها معنية هذه الكلمه (جاسوسيه ) ..


:أفكر: أقصد .. سبلنتر سيل ..

[عماد 18]

سبلنتر سيل جاسوسية و ما لها علاقة باسلوب ديد تو رايتس ..
لكن على حسب الكلام اللي سمعناه ..
انها وصلت لمستوى ميتل جير و تفوقت عليها ..
ننتظر و نشوف ..
و مشكورين على مشاركتكم ..