اينجل في الـ HCT .. !!

[Angel whisper]

مساكم الله بالخير ..
اشحااالكم؟؟
وشخبااااركم ؟؟

الزبدة :6

اليوم سرت الكلية .. عشان امتحن تحديد المستوى في العنقلش ..

المهم ..

تجمعنا عند البوابة عشان يدخلونا الامتحان ..

وحاطيلنا واحد بريطاني ..

دب وفيه كرشة وشعره احمر وفي النص قرعة جميلة لامعة (&) ..
لكنه رجل لطيف ..

وعقب يانا استاذ .. البنات تخبلن يوم شافنه ..

عيونه مثل عيون Darren Hayse .. لا والله احلى بعد (&) ..

عقب سرت عشان آخذ اوراقي ..

وكان باقي عن الامتحان حوالي النص ساعة ..

فنصحوني ان اتمشى قبل ما ادخل ..

فمشيت ومشيت ومشيت ..وبعدين مشيت ومشيت ومشيت .. :p

وعقب لقيتلي مدرستين استراليات .. ويلست اسولف وياهن :p

ولما شفت انه مب باقي شي عن يبدا الامتحان ..

دخلت القاعة ..

كان مكاني الطاولة رقم ثمنطعش ...

وكل اللي في القاعة نفس اسمي :p

فاتفقنا على انه ننادي بعضنا على حسب الرقم ..

يعني انا * * * * * 18 :6

كان مراقبنا واحد زول رهيب ... :p

ووحدة بريطانية كتكوته ^^

اول ما دخلنا كان لازم يشوفون اذا احنا حاطين سماعات موبايل ولا لا ...

فكانت البريطانية تقول .. come on ladies .. show me your beautiful ears ^^

ولحظتها اكتشفت ان اللي وياي ميح في الانقلش -_- ..

لانهم وبكل ذكاء خارق ..

كانوا يظنون انها تتطنز عليهم يوم تقوللهم جيه -_-

فقامت وحدة وقالتلها بالعربي هييه انتي تتحرينا اغبيا تيلسين تتطنزين علينا ؟؟

فردت عليها وقالت ..

نو هبيبي .. هادا موبايل ايدن هراام :واو: !!

طبعا قصدها انه ممنوع :6

وعقب كلمونا عن الامتحان ..

وانه اسئلته كثيرة ولازم نخلص بسرعة ويعني من هالكلام ..

لكنه كان في قمة التفاهة -_-

خلصته في ساعة الا ربع تقريبا ..

وانا عموما اول وحدة خلصت ..

فقلت للاستاذ اني بسلم ورقتي ..

وخذاها عني وشيك على البيانات ومادري كيف ..

وقالي خذي كل شي وياج ..

قلتله .. حتى البطاقة ؟! (((هاذي بطاقة عليها الـ ID number حق الامتحان)))

فرد وقال ..

ليش اخذها .. تبغيني احتفظ فيها لنفسي يعني -_- .. ؟؟

انا : :": .. تيب وورقة الcepa ??

هو : ما نحتاجها ..

انا : تيب .. وطلعت ..

ويلست عقب ادور في الممرات الين ما طردني واحد من الاساتذة :p

وكملت لف ودوران برا ..

وفجأة .. يلست ربيعتي تناديني ..

انا :ها اشفيج ؟؟

هي :انجيلوه يالهبلة ليش خذيتي الورقة وياج ؟؟

انا :يؤ !! الاستاذ قالي آخذها !!

هي : قومي عطيهم اياها الحين ولا بيعتبرونج ما امتحنتي !!

انا لحظتها .. كنت في ابعد مكان عن القاعة ..

فما كان في الا حل واحد ..

رفعت العباة .. والتنورة .. وهاتك ركض الين القاعة :6

ويوم وصلت وقفني نفس الاستاذ اللي طردني قبل ..

هو : hey you .. I told you that you can't walk in here !!

انا : me .. paper .. give .. inside ..
((كنت مب قادرة اتكلم من التعب -_-))

فاشفق علي الاخ ودخلني ..

ويوم دخلت قاعة الامتحان .. طردتني المراقبة :p

بس عطيتها الورقة ومشيت بكرامتي ..

وروحت بيتنا ..

بعض المشاهدات :

وكالعادة لازم اشوف اشكال غريبة عجيبة -_-

مثلا بنات لابسات عبايا بلا شيل ..

وبنت لابسة تنورة مفتوحة الي ما فوق الركبة ..

وبنت فكت عمرها من عوار الراس ولبست ميني سكيرت وهكزا ..

مع العلم بانه المتقدمات لهالامتحان اماراتيات فقط ..

والبنات ماتو عالاستاذ اللي عيونه مثل عيون دارين :p

وعورتهم السنتهم من كثر ما حشوا في الاستاذ بو كرشة ..

معظم المدرسات هناك طولهن 180 سم عالاقل -_-

تنورتي لفت 180 درجة وانا اركض :6

واخيرا ..

اكتشفت انه في بنات ما يعرفون شو معنى مساحة بالعنقلش -_- ..

وسلامتكم :6

وصح .. حلو توقيعي :": ؟!

[Angel whisper]

الرسالة الأصلية كتبت بواسطة ODIN
الله يعين ..انا بعد .. اختبار القدرات باقي عليه شهر من الحين... ادعولي ×_×
مرة واحد خلاني اشوف نموذج للاختبار .. وايد تافه بصراحة .. يعني خلصت اغلبه في اقل من نص ساعة ?:

فلا تشيل هم ... والله يوفقك :)

[{gaia_girl}]

دارين هايز ، أجل؟ x__x


نو هبيبي .. هادا موبايل ايدن هراام
ههههههههههههههههههههه :p رهيبة دي الست :6


أقول أنجولة ايم قلاد انو الأمتحان جاء حلو ^_^

بس مو هو الـTOEFL؟؟

أنا امتحنته لما كنت تانية ثانوي كان حلو الأمتحان ^_^


تنورتي لفت 180 درجة وانا اركض
عادي.. عااادي.. تحصللي كل أحد و ثلاثاء اثناء الركض لمحاضرة الساعة 8 http://webpost.net/ga/gaia/dog.gif

قرقورة عالموضوع حوبة ^___^

[Mesharey]

بصراحة هذا اليوم عندج إينجل حلو :p ..

مو نفس حالاتي..:6 قاعد اليوم على صوت انفجار صاروخ *_*


ODIN
بالتوفيق إنشاءلله ..والله يوفقك :) ...

ومشكورة على اليوميات الحلوة ^^..حركتي فيها المنتدى النايم شوي ^_^


اي صح بالنسبة للتوقيع :6 ..كالعادة :أفكر: ..:o




رائع http://www.montada.com/images/icons/icon14.gif:D ..خصوصا الخط ^_^
مو نفس توقيعي >_<

ثانكس اقين إينجل :) ...

[عماد 18]

اكيد ابدعتي لانك جلستي في طاولة رقم 18 ":" ..

[Mesharey]

الرسالة الأصلية كتبت بواسطة عماد 18
اكيد ابدعتي لانك جلستي في طاولة رقم 18 ":" ..

:D:D:D...

[{gaia_girl}]

الرسالة الأصلية كتبت بواسطة عماد 18
اكيد ابدعتي لانك جلستي في طاولة رقم 18 ":" ..


و الله كنت حاسة انه حيقولها http://webpost.net/ga/gaia/dog.gif

[Angel whisper]

جايوتا :
احلىمنه بعد (L)
خلاص الحين ما احب استاذ ارسين (&) ..
وهالامتحان .. تقدرين تقولين انه توفيل اماراتي :6
وشكلي بشتريلي مليون بنطلون من عقب سالفة التنورة هاذي -_-

لوسي :
ههههههههههه
عاد حشى .. كل امتحان بيطالعون اذني :6
عاد ليش شباك :p
الاساتذة والمدرسات هناك نايس ..
هههه
بس تصدقين انهم اخروا الامتحان بدون ما يقولون لنا الين الساعة 10 -_- ؟

مشاري :
هو يا اخوي حلو ومب حلو :6
لاني انتظرت انه يبدا الامتحان ساعتين تقريبا :o
والعفو حبووب ^^
وشكرا على رايك :)

عماد 18 :
تصدق من يلست عند الرقم 18 حسيت اني برقد (&) ..
ويتني حالة حول خلتني اكرر اجابة وحدة 3 مرات -_-
<<< تبغي تكرهه في رقم 18 :6

[Angel whisper]

الرسالة الأصلية كتبت بواسطة ODIN



الي شفتيه هذا عينه من الاختبار :)

الاختبار الحقيقي .. 60 سؤال في نص ساعه لكل قسم...الظاهر الي شفتيه ابو 20 سؤال والا ؟
والله ما ادري كم سؤال ..

بس الاسئلة كانت سهلة ..

حتى اسئلة الرياضيات .. بالنظر قدرت احلها ..

انا خذت فيها اقل من نص ساعة وانا اسولف ويا 5 عالماسنجر :p

يعني صدقني سهل .. :)

مادري .. حاستنك مب راضي تقتنع انه سهل :":

[snorlax]

لوووووووووووووووووول @ haram
وانشالله تكوني توفقتي

:D
رفعت العباة .. والتنورة .. وهاتك ركض الين القاعة

[Jin Kazama]

ذكرتيني بالكليه


الاسئله كانت سهله وانا حليت بدون تركيز وانا مغمض:cool:


والنتائج كانت مذهله ونجحت بامتياز :p


شدو حيلكم والله يوفقكم


اول سنه سهله السنوات الثانيه مدري عنها لاني ما جربت :6

[Auron]

خخخخخخخخ



ولحظتها اكتشفت ان اللي وياي ميح في الانقلش -_- ..


والله ما شفتي شي:6
عندنا لازم يخلون الاستاذ يقرا الاسئله ويشرحها?:
طحوش ولا يعرفون مبادئ الانجليزي كيف وصلوا ثاني ثانوي http://www.webpost.net/sp/spikeyman/dog.gif



والبنات ماتو عالاستاذ اللي عيونه مثل عيون دارين
لو تشوفون عيوني اجل":"

[RPG_master]

ودي ارد بس قاعد آكلhttp://www.webpost.net/sp/spikeyman/dog.gif


سندوتش بيد وكيبورد بيد..لذلك:6


مبروك على الأختبار وان شاء الله تنجحين بـ"تفنوق"



هم همhttp://www.mybiznas.com/up2her/cat.gif

[alex]

مبرووووووووك http://www.abunawaf.ws/forum/html/emoticons/happy.gif



ما فيه مثل اختبار قبول الطب ... 140 سؤال ... وييييين http://www.abunawaf.ws/forum/html/emoticons/pinch.gif

[العمدا]

هع لا تكدرون علينا الى وقت السنه الجايه ":"

وبالتوفيق انجل :)

[Musou]

اختبارات ها؟!:6
اقول احمدي ربك!:6
صار تحديد القدرات عندنا بالTutorials والGroup Discussions:"
I never thought I'd be saying this...but I think I'm gonna miss the good ol' exams..! :":

[عماد 18]

لان 18 ما يمشي الا مع الناس النشيطة ":" ..
الكسلانين يتفاعل معهم بالعكس و يزيدهم كسل :6 ..

[lita2008]

الرسالة الأصلية كتبت بواسطة عماد 18
اكيد ابدعتي لانك جلستي في طاولة رقم 18 ":" ..


ماشاء الله الرقم محضوض;-) ;-)

[Shin Kyo]

مبروووك..
و بالتوفيق انجل ...

و عقبال ما تحضري للدكتوراه ....:6








بالنسبة للتوقيع وايد حلو
حقيقتا أطلت و انا انظر له
مرة كووول...:)

[Neo Cid]

بالتوفيق ان شاء الله ..

ذكرتيني بأني عندي امتحان قبول الجامعة بعد 10 أيام .. مسجل و توه يذكر .. :":

ادعونا لنا بالتوفيق تحصلون أجر .. :D

و عقبال معاش التقاعد .. ":"

[Neo Cid]

الرسالة الأصلية كتبت بواسطة BOY_THING

بالنسبة للتوقيع .. مو حلو .. !!! لأن مافيه فريدو :6 ...



انا معاك بهذي النقطة .. :D

[Justine]

دارين هايس ها :p

لا من جد رهيبة ذي :D

طيب صوته ما يشبهه .... طيب شعره زيه و لا لااااع ... أنا احلى شي يعجبني فيه الانات اللي يطلعها .... أحس انها ********
فكرتيني أدور عن النذل اللي فشخ مني الشريط :(

و دعواتي لك بأعلى الدرجات اينجل :)

------------------------------

ODIN :

من جد الله يعيننا -_-

بس الامتحان 4 ساعات كااااملة ?:

و أعتقد في وقت كافي .... أنا اختبرت اختبار النت التجريبي و جبت 18 من 20 :":

أغلاطي كانت في الاسئلة الرياضية كالعادة

[Angel whisper]

سنور :
ايه تطنز انت علي :p

اودين :
ياخي انت شد حيلك .. وان شاء الله بتتوفق .. :)
يعني خذني انا كمثال ...
الامتحان فيه اكثر من 100 سؤال ..
بالاضافة لـ composition من اكثر من 200 كلمة .. ومدة الامتحان بس ساعتين ونص ..
وقدرت اخلص الامتحان في 45 دقيقة ..
:)

جين :
تؤ تؤ تؤ ..
انزين ليش ماكملت :6 ؟!

اورن :
خخخخخخخخخ
لا لا ما نقدر نشوف عيونك ..
اخاف يصيرلنا شي بعدين :واو:

شوشة :
الله يبارك بعمرك و ينجحك بـتفنوق :":

اليكس :
تيب هالامتحان كان فيه فوق المية سؤال وخلصته في 45 دقيقة :6
والله يبارك في عمرك :)

العمدا :
هههههه الظاهر انك خلاص بتتعقد من موضوعي :p

داركي :
poor you (&)

محمد :
يا لئيم يا سادي لا تتطنز علي :": اكرهك :": ..
تييب انا ما احب فرودو (6)

بوب :
الله يبارك في عمرك :)

عماد 18 :
لا وانت الصادق عندنا حساسية من هالرقم (&) ..

كيو :
الله يبااارك في عمرك ويوفقك :)
وبلا دكتوراه بلا هم .. انا بس باخذ البكالوريوس وبعدين بتزوج (@)
وزين ان التوقيع طلع حلو :":

سيد :
والله يوفقك :)
وما احب فروودوو (6)

لوسي :
امتحان الرياضيات بيكون في 18 - 5 ..
وها قوليلي .. شو الاسئلة اللي فيه ..وسهل ولا لا ؟؟

جاستاين :
شعره اسود ناعم ومخلنه سبايكي ويلبس اسود وهو ابيض ابيض يا ربيييه يجنن (L)

[alamal13]

انجوله والله لما قريت في العنوان HCT توقف قلبي عن الخفقان لثواني وبعدين رجع يدق....ياااااه ذكرتني قصتج بالذي مضى وايام الكليه اللي ما تنسى. انا عن نفسي لما يكون عندنا امتحان في قاعه لازم ارابط من الصبح علشان ادخل اول وحده ( مسويه فيها مجتهده).

ويحليلكم يفتشون عن السماعات قلتي...لووول على ايامي ما كان في شذي...انا دفعت 2000 على فكرة. بس احلى شيء في الكليه كان تدليعهم لبنات الاعلام...يعني عدنا بطاقات خاصه ندخل ونطلع على كيفنا والبحر ولابريوش. :" :" بس كفايه مش قادرة اكمل قلبي عورني.


اوه نسيت الله يوفقج ونشوف الشهاده كلها A+

[انجلينا17]

خخخخخخخخخخ :6

الحمد لله جاء حلو الامتحان مبرررروك كوخه


رفعت العباة .. والتنورة .. وهاتك ركض الين القاعة

واعيباااه :":

اما التوقييييع فرهيب حلووو مره :cool:

[{Shy^Guy}]

الرسالة الأصلية كتبت بواسطة Angel whisper


انجيلوه يالهبلة ليش خذيتي الورقة وياج ؟؟


اخيرا لقيت احد .. يتفق معي على النقظه هذي :أفكر:




الرسالة الأصلية كتبت بواسطة Angel whisper


رفعت العباة .. والتنورة .. وهاتك ركض الين القاعة


يا للأفس الأفيس .. جلست تراكض .. :":

[cubelover]

أمتحنات ومتحانات ومتحانات



الواحد يكون داج يأيام الدراسه العاديه وذا جت المتحنات توهق:o >>>مسوي دافور



مسكين أبو كرشه قطعو فيه الى أن قالو آآآآمين


بالتوفيق للجميع

[..daredevil..]

وصح .. حلو توقيعي
:o

نعم نعم ... انه جميل.. ولا اقول .. لا مو حلو ... طيب حلو...لا مو حلو...خلاص حلو !؟ :":

ومبروك وعقبال ما تصيري مهندسه أد الدنيا...


أغلاطي كانت في الاسئلة الرياضية
كالعاده... وعظم الله اجرك حبيبي..

[..daredevil..]

عيونه مثل عيون Darren Hayse .. لا والله احلى بعد (&)

قولي له عيرول يحوبك :":

طيب..يعرف يغني زيه...عنده زي شعر دارين...انيق مثله..؟؟؟؟؟؟؟؟؟ :أفكر:

[Lucky guy]

هههههههههههههههههههههه (&) .. حالتك حاله يا اينجل

اما ركضتي :6 عاد يمكن جبتي رقم قياسي -_-

المهم مبرررررررروك على القبول ^_^

[RPGgirl]

ههههههه والله مسكينه احنا على الاقل الحرمة اللي كانت هناك بس اكتفت وقالك صكوا الموبايلات وخذت الشنط اللي عندنا بس الامتحان بشكل عام سهل وان شاء الله تجيبين اعلى مستوى :)

[Angel whisper]

الامل :
ليش 2000 ؟
هههههه
امووت عالدلع انا يا بنات الاعلام :6
انا في تقنية المعلومات (&) ..
عاد مادري اذا بيدلعونا ولا لا (&) ..

انجي :
عادي عادي يوم كنت اركض محد شافني غير البنات :p
احتشمت قبل لا اكلم الاستاذ :#
والله يبارك في عمرج :)

شاهي :
انت انطم (&) ..
وايه يلست اركض يحليلي شسوي .. السالفة فيها ان الامتحان ينحط عليه زيرو :": ..

لوسي :
يكفيني هذا (L)

كيوب :
على فكرة هو يعرف عربي ..
يعني فهم كل شي انقال عنه :6

دير ديفل :
الله يبارك فيك ..
وهو احلى عن دارين .. بس طبعا دارين صوته احلى :6
وهو انيق بعد .. يجنن (L)

لاكي :
الله يبارك في عمرك محمد ..
وبسكم طنازة على سالفة الركض :":

ار بي جي :
الله يوفقج :)

[Anime-Girl]

ماشاء الله,حركات يانقيب ..مين قدك :D ,من جد شئ يضحك ودني اني شفتك يوم تركضين :6 ,زين انك كنتي تسوين التمارين اللي قلت لك عنها>>ماخذه في نفسها مقلب :6,على العموم الله يسهل عليك اختي وبالتوفيق ان شاء الله :)
اوه عماد ماخذ في نفسك مقلب انت ورقم 18 :6

[MoaeD]

انشاء الله تكون الدرجه زينه :)



ونشوفك بالكليه زينا تسحبين على المحاضرات خخخخخخ:D



<--- هذا همه :6

[Angel whisper]

انمي :
صدقيني ما تبغين تشوفيني وانا اركض :p
وايه ايه سويت التمارين ":" .. << ما تدري شو السالفة -_-
والله يسهل على الجميع ويوفقهم .. :)

مؤيد :
وييين اسحب عليهم ..
هاذيلا عندهم التأخير عن الكلاس خمس دقايق جريمة لا تغتفر :":