المساعد الشخصي الرقمي

مشاهدة النسخة كاملة : ذا ويند ويكر وصلت لي من مركز النسر<=== التفاصيل بالداخل ^_^


wario2002
27-03-2003, 11:34 PM
السلام عليكم...

أخيرا اللعبه الي انتظرناها 3 شهور ونص وصلت الرياض اليوم الخميس قبل المغرب.......

انا كنت ناوي اشتريها يوم السبت بس الحمدلله دخلت المنتدى وشفت موضوع اوكس انه شراها من مركز النسر وعلى طول خذت فلوسي.....

بس المشكله مافي احد يوديني بعدين قلت خلني اشوف اخوي يوديني........

اخوي مايبغى يوديني مابقالي الا السواق والسواق مع اهلي..... قعدت انتظر حتى الساعه 9 وطلعت من البيت...

وصلت لمركز النسر الي بالسليمانيه وقالي اني لازم ادفعله عربون( بغيت اشوته ذا السوداني) وانا بغيت انجن:واو: بعدين قالي لحظه لحظه ودق على مركز النسر الي بالتخصصي وقاله ترى بيجيك واحد اسمه فلان بن فلان الفلان( ياهو يافلان) عطه زيلدا ذا ويند ويكر....

والحمدلله ذا السوداني عجبني وقالي رح للتخصصي وخذ الشريط قلتله طيب....

وانا ماعرف وين المحل ولا قد رحت له وقمت ادور وصارت الساعه 10 ونص وبعدين الله يخلي اخوي الصغير ، شاف اسم مركز النسر وقالي وقف هذا هو ورانا ارجع.......... قلتله طيب..... وارجع( قصة حياتي ذي والله ماصارت)

وارجع والقاه مركز النسر صدق وانزل من السياره وابتسامتي تشرق كالشمس وادخل واقول....... السلام عليكم

انا الي قالك السوداني الي في فرعكم الثاني عطه ليجند اوف زيلدا ذا ويند ويكر وقالي: ايوه موجود زيلدا بـ 270 ريال واعطيه واطلع من المحل فرحااااان

واقرا الكتاب حق زيلدا واليوم وصلت البيت زي الصاروخ على الجيم كيوب ابغى العب واشغله...

القصه مافي احسن منها.......... الرسوم مافي احلى منها............. التحكم وكل شي في اللعبه مافي احسن منه.....

وانا لعبت كثير وماقدر اذكر كل شي علشان اشياء كثير صارت لي..........

المهم ابقولكم واذا بغيتوا زياده قولولي..... بعد القصص الرهيبه والطويله نجي في المهم.........

عيد ميلاد لينك بيكون في اليوم الي انت بتلعب فيه وبتروح لجدة لينك وبتعطيك الملابس وبتروح لأخته وتعطيك منظار بعدين تقوله اخته طالع فوق يالينك وتطالع فوق وتقى طير كبير في رجله ولد بعدين يجون بحاره ويرمون حصا( حجاره) على الطير وبعدين بيطيح الولد في غابه ، بعدين تروحلها وتلقى الولد بعدين وانت راجع تنخطف اخت لينك وبعدي وبعد القصص الكثيره والرهيبه ، لينك يقول لليحاره ابغى اروح معكم علشان يساعدون اخته ، وبعدين تروح للسفينه وتسوي اشياء فيها بعدين توصل لمكان كبير وهنا تبدا مغامرة لينك بعدين لينك يدخل داخل برميل ويطلقونه البحاره علشان يطيح في هذا المكان.....

والمكان عليه حراسه مشدده علشان كذا تتجسس وتدخل داخل براميل وانا خزنت اللعبه هنا علشان جاني النوم ودخلت من دقة المشوار....

وفي النهايه اقولكم لحد يتردد في شراء هذي اللعبه........... اللعبه اعطيها 100% وانصحك تشتريها اليوم قبل بكرا....... اي واحد يبغى تفاصيل يقولي وشكرا لكم:).
kirby64
28-03-2003, 12:23 AM
مبروك عليك..:) !

ودي اشتريها لكن المشكله اني مفلسه :6

ما ادري ليش ما لقيت افلس الا الحين :أفكر: !
MandN
28-03-2003, 04:56 AM
وانا كمان مفلس تدري وش سويت اليوم كل الناس قاعدة تشتري ويند وكر وانا اليوم رحت اشتريت شريط ثاني :D
aoks
28-03-2003, 06:49 AM
ههه مسكين واريو:D

انا مرابط عند المحل من صرة العصر اتحياطا":" وكنت من اوائل الي اخذوها:D

على العموم مبروك
wario2002
28-03-2003, 02:46 PM
الرسالة الأصلية كتبت بواسطة aoks
ههه مسكين واريو:D

انا مرابط عند المحل من صرة العصر اتحياطا":" وكنت من اوائل الي اخذوها:D

على العموم مبروك

انا اصلن ماقد رحت للمحل ابد:) بس هذي المره والسبب اني دخلت المنتدى:) ولقيت موضوعك الي انت كاتب فيه: شريت زيلدا من مركز النسر

قلت خلني ادخل واشوف واستغربت انه طلع الخميس انا احسبه بيطلع السبت وماقدر اصبر وشريته:) والحمدلله انك كتبت الموضوع ياaoks لولا الله ثم موضوعك كان ماشريته...

والله يبارك فيك:) وانا الحين وصلت للتيمبل الأول حق النار وماودي اخلص اللعبه بسرعه:أفكر: ودي العب اكثر..... وشكرا على ردودكم:).
Tomb raider
28-03-2003, 03:16 PM
اما انا بشتريها بعد صدور تومب ريدر 6 للبلاي ستيشن 2 وبعدها بشتري زيلدا ان شا الله :D
Golden_Sun
28-03-2003, 04:02 PM
مبرووك :D
وعقبالي .. على حسب اللي سمعته إنها خلصت من الرحاب :"
aoks
28-03-2003, 05:49 PM
وش ذا:"

اليوم الصبح قعدت العب والعب والعب

خلصت التمبل الاول والثاني

شكلها سهلة مرة:"
العراقي17
28-03-2003, 07:09 PM
aoks

اتوقع فيه اشياء فرعية كثيرة باللعبة حاول تشغل وقتك فيها ولا تركز على انهاء اللعبة وحاول ان تستكشف اشياء اكثر واماكن سرية..
SkaveN
28-03-2003, 07:45 PM
لا تكون قصيرة عاد...
زيلدا و قصيرة لالالا ما يسير
طيب كم تيمبل فيه تتوقعون؟
جاندورف
28-03-2003, 08:42 PM
مبروك عليك يا واريو:D
wario2002
29-03-2003, 01:22 PM
الرسالة الأصلية كتبت بواسطة جاندورف
مبروك عليك يا واريو:D
الله يبارك فيك.... وشكرا على ردودكم....

KeNzA زيلدا فيه 4 تيمبل غير الأشياء الجانبيه واتوقع في 4 تيمبل غيرهم.


اوكس

خلصت التمبل الاول والثاني
انا مثلك ، ودي ان اللعبه تطول وتصير مثل دارك كلاود...... علشان اللعبه رهيبه واذا لعبت في اليوم 4 ساعات بتنهي اللعبه بأسبوع:" انا ابحاول اسوي كل المهام الجانبيه.
cubelover
29-03-2003, 02:40 PM
مـــــــــــــــــــــــــــــــــــــــــــــــــــــــــــــــــــــــــــــــغوك
wario2002
29-03-2003, 06:42 PM
الرسالة الأصلية كتبت بواسطة cubelover
مـــــــــــــــــــــــــــــــــــــــــــــــــــــــــــــــــــــــــــــــغوك
?: ?: ?: وش تقول انت؟؟؟؟ المهم الله يبارك فيك:D.