المساعد الشخصي الرقمي

مشاهدة النسخة كاملة : شكشول ..... !!


S-Python
28-03-2003, 12:24 AM
الكشكول الاخباري يقدمه لكم أبوصويلح ..


جاءت عاصفه رمليه وعج قوي مره يوم الربوع في الظهر .. مما جعلني اعمل عمليه سحب لوحده من المحاضرات :) فرجعت للبيت فدقيتها نومه من 1 الى 8 العشاء :)

عمليه السحب :: مصطلح متعارف عليه لدى الطلاب ... وهو انك لا تحضر المحاضره وتطنش الدكتور ... .. .


---------

تعرض هايلوكسي ( عفوا قصدي الفياجرا حقتي ) الى دقشه خفيفه من قبل احد الافغانين .. .. اقولكم وش صار بالتفصيل :
كان يا يا زمان في حديث المكان .. كان فيه واحد معه هايلوكس .. لحق له افغاني معه سيد ريك في الاحدى الحارات ... المهم وهو يلاحقه شافه يسحب جلنط ثمن يلف .. وكل ما جاء ملف سحب جلنط ولف ولحيه الافغاني طالعه تهف هف مع الدريشه :) :).. استغرب ابوصلوح .. قال يمكن هذا شارب والا شيء ... المهم وهو ما شي .. سحب ذلك الجلنط .. الذي أعوذ بالله منه ... فجاه قدام ابوصلوح .. ابوصلوح تدارك الوضع وسحب جلنط زيه .. ثمن يجيك يلزق الصدام في سياره الافغاني ..... !!! ثمن يحول الافغاني وكان ما صار شيء .. دخل وحده من العماير التي تعمر .... وكان ما صار شيء.. !!؟

بعدين تحريت الامر .. لقيت الافغاني ما عنده فرامل:D :D


---------
بعد كم يوم بيطب علينا هم الاختبارات الي ما يخليك تنوم النهار ولاتقوم الليل :)..... لا والي يزيد الطين بله .. اني ما فتحت ولا كتاب الا الحين ... من زين شرح الدكتاره الحين ....... الله يقلع ابوهنود .. لا وبروفسورات بعد ... .. !!


وللكشكول بقيه ....... لكن في وقت بعدين :) :)

تحياتي للجميع ,,


,,;)
RPG_master
28-03-2003, 01:16 AM
في الاحدى الحارات ...


متأكد انك بالجامعه:6..؟



تشكر على الموضوع الحلو..




وكمل الله يهديك..
alex
28-03-2003, 01:20 AM
اجل افغاني ما عنده فرامل .. الله يهديك .. تحب اللقافه صاير http://www.abunawaf.ws/forum/html/emoticons/happy.gif




ياخي ... طف النت ورح ذاكر لك كلمتين .... ولا تكثر RPGs ... تمرض بعدين http://www.abunawaf.ws/forum/html/emoticons/sleep.gif





انت عمرك ذاكرت اصلا http://www.abunawaf.ws/forum/html/emoticons/sleep.gif




على طاري العج .... يا اني اكلتها ذاك اليوم ... صار صدري مكيف صحراوي ... كله غبااااااااار ... والله ما قدرت اتنفس ..

طبعا غبت .. على فكره .. كان اول يوم اغيب من بداية الترم http://www.abunawaf.ws/forum/html/emoticons/sleep.gif


كمل ...
S-Python
28-03-2003, 01:39 AM
RPG_master: خطا مطبعي الله يهديك ... لا تدقق مره عاد :)

وعفوا اخوي ..

alex : اقول لاتجيب طاري المذاكره تراي جايني زكمه منها :) ..

مره ثانيه لا تغيب ..


نكمل ..


العقال نعمه :: قصه مأساويه ..


كنت ماشي في الدائري بالهايلوكس .. كان معي بعض البزران .. .. كان معي ولد عمي صغير شكله حبيب .. لكنه اقشر ... المهم وانا ماشي في الطريق ... بدو يتهاوشون البزران ... وولد عمي معهم ... جيت على بالي ابسكتهم .. مديت يدي ورى .. ابطق واحد منهم .. وجت الطقه في ولد عمي........ وياليتني ما طقيته ... ويزعق ذيك الزعقه ... فقعت اذني وخشمي :) .. ثمن يتحول الى وحش ... قام يضرب راسي .... وانا قاعد اضحك ما قدرت امسك نفسي .. (( مجنون )) .. ومع الضرب المتوالي على الراس ... ضرب عقالي وكانت الدريشه مفتوحه ... فطار العقال ... وحلق في الهواء .. طايحا في الشارع .. مدعوسا تحت السيارات ...

الله يرحمك يا عقال ... والله انك عزيز على قلبي :)




عطيتكم وحده تكفي اليوم ... بعدين اكمل لانكم مزعجين ... عفووا قصدي تستاهلون ..


تحياتي لكم ..

..;)
S-Python
28-03-2003, 01:41 AM
BOY_THING: مشكور على ردك ...

معليش اليوم تعبت ... ولازم اروح اذاكر ... :6


تحياتي .
Justine
28-03-2003, 07:35 AM
.. طايحا في الشارع ..

وش ذي العربية :غضب:

الصحيح هو ( طائحاً في الشارع ) ":"
S-Python
28-03-2003, 01:18 PM
هلا جستن : هذي طال عمرك اللغه العربيه الحديثه ..:6



هاه تبون نكمل ..؟!

تحياتي ..
{gaia_girl}
28-03-2003, 02:11 PM
هههههههههه الله يعينك :6

كمل خلينا نشوف :6 و مشكور.. ^^


الرسالة الأصلية كتبت بواسطة Justine


وش ذي العربية :غضب:

الصحيح هو ( طائحاً في الشارع ) ":"

شوف مين يتكلم بس... http://webpost.net/ga/gaia/dog.gif
S-Python
28-03-2003, 02:15 PM
{gaia_girl : مشكوره على الرد .. وهذي التكمله ::



هذي الاخبار جاءتنا من مراسلنا ( صعيقر ) ..


اليوم الاخبار دسمه .. لذا ( سم بالله وكل بيمينك وكل مما يليك ) http://www.abunawaf.ws/forum/html/emoticons/wink.gif

على طاري الحرب .. الله ينصر اخواننا المسلين في العراق ...ويرد كيد الامريكان الجبناء الكفره في نحورهم .. اللهم امين ..

قريت مقال لاحد البريطانيين المحايدين .. يقول ان العراقيين من خططهم .. انهم يتركون الامريكان يتمشون و ( يطاعسون ) في البر .. وانواع التخلف والغباء في تخطيطهم العسكري وخاصه البري .. فاذا قربوا الامريكان للمدن دكوهم العراقيين ..



-----
======
وقفه مع المشايخ ...
قبل كم يوم كانت هناك كلمه للشيخ بدر المشاري ( أبو نادر ) .. امتلى المسجد تقريبا .. ..كان حديثه عن الحرب والاحداث الجاريه في العراق ... كان كلام الشيخ مؤثر جدا ..

-----

من الاخبار المبشره بالخير في هذه الايام .. خروج الداعيه الشيخ سعيد بن زعير من السجن ... بعد سجن دام 8 ستوات تقريبا ..
يقولون اول ما رجع للبيت الا العالم منكبه حول بيته ... حتى الساعه 1 في الليل ..

======
-----

http://www.abunawaf.ws/forum/html/emoticons/wink.gif


اخبار محليه ..
---------

صليت اليوم الجمعه في مسجد حول بيتنا .. المهم خطب بنا الشيخ المطلق .. بعد الصلاه قام الشيخ وتكلم .. وانواع التطبيل .. بعده جو افارقه ( يعني من أفريقيا :) ) حقين المنتدى الاسلامي للبيان ..... وخذ وهات من هالكلام ... انا عاد ماسك نفسي .. شوي وامسك الشيخ واكفنه في بشته http://www.abunawaf.ws/forum/html/emoticons/tongue.gif ...

---------
طموحات ::

ابشركم توي شاري كرسي دوار ... الكرسي مريح بشكل فظيع .... دوار على كيف كيفك .. تنوم وانت على اخر تكييفه :) .. اذا فيك مرض .. تعال اجلس .. تنسى نفسك ومرضك ...
يعني شي شي .... فكلما اركب الهايلوكس .. اتذكر الكرسي ودي اقعد عليه .. فجتني فكره .. قمت ركبت الكرسي الدوار في الهايلوكس !!!! حركه .... صح .. اذا بغيت تلتفت على الي وراك ابد ما يحتاج .. وتنزل وترفع على حسب الذوق .. :)

هذا مجرد تفكير ... ... لا تصدقون عاد .. تراي مطفر حدي كرسي بلاستيك ابو 10 ....


-----------

نكمل لاحقا ..


تحياتي ..
..;)
{Shy^Guy}
28-03-2003, 03:16 PM
الرسالة الأصلية كتبت بواسطة Sneak X


فقعت اذني وخشمي :)



صراحه بغيت تكسر خاطري .. لو انك ما ابتسمت :":






الرسالة الأصلية كتبت بواسطة Sneak X


الله يرحمك يا عقال ... والله انك عزيز على قلبي :)


و ابتسامه للعقال .. العزيز (&)
S-Python
28-03-2003, 06:03 PM
لوسي : الله يعيننا واياكم ..

Shy^Guy: مشكور ..


تحياتي ..

..;)