تحليل Analysis

[Ranma Saotome]

السلااااااام عليكم
احم.. كحح كح... عفوا

من حوالي اسبوع كنت ناوي افتح هالموضوع لكن الحين فضيت عشانه..
ومن الاسم.. هالموضوع عباره عن تحليل... تحليل!!! ل شنو بالضبط؟!

من خلال هالموضوع راح احاول اني احلل بعض قصص مسلسلات او افلام الانيمي التحليل المنطقي والصحيح لها.. واوضح بعض النقاط...

وقبل ما أبدا بغيت اقول ان يمكن ردودي تخرب على بعض الاعضاء اللي ماشافوا المسلسل او الفيلم المعين اللي راح اتكلم عنه...

وانشالله راح ابدأ في ردي القادم.. مع مسلسل.... Neon Genesis Evangelion

باي

*** ادري ان مكانه مو في هالقسم... لكن بغيت انه يلقى اهتمام ولو لبعض الوقت قبل مايفكرون المراقبين انه ينقلونه لقسم المانجا او قسم المنوعات*** شكرا

[Ranma Saotome]

اليوم راح اتكلم عن المسلسل المشهور.. وخل اقول الاسطوري إيفانجليون.. اللي يعتبره الكثير من النقاد والمحللين انه افضل مسلسل انيمي على الاطلاق..
اللي ماشاف المسلسل انصحه انه مايقرا الكلام لأنه راح يخرب عليه.. راح انشالله اشرح بعض النقاط عشان تكون قصة المسلسل اوضح بالنسبه للاشخاص اللي مافهموه....
ملاحظه: كلامي غير منسوخ من اي موقع او مصدر آخر.

نبدأ:

مسلسل إيفانجليون والفيلمين التابعين له مكملين لبعض..
يحكي المسلسل قصة "شنجي" ابن الدكتور "إيكاري" وهو مدير شركة "NERV" المنبثقه من "SEELE"..
the 2nd impact حدث بفعل البشر في الحقيقه.. وحسب ماذكر في المسلسل ان SEELE هم اللي احدثوا الimpact لأنه راح تكون اضراره اقل مقارنة باللي ممكن يكون لو ان الانجيل اللي شافوه في القطب الشمالي تم ايقاضه.. ومهمة NERV ومن فيها انهم يحمون طوكيو 3 ويمنعون حدوث the 3rd impact كما هو مسجل في سجلات SEELE التاريخيه..

انا متأكد ان الكثير مستغرب كيف ان الدكتور ايكاري يعرف كل هالمعلومات عن الانجيلز واللي ممكن يصير في المستقبل.. طبعا لأنه قائد NERV فهو على علم بما تحتويه سجلات SEELE التاريخيه.. ويعرف بالضبط ماذا حدث في ال 2nd impact.. دكتور إيكاري قام بكلللل اللي قام به عشان يكمل الحلم اللي كانت تبي تحققه زوجته الدكتوه إيكاري.. ودكتور ايكاري كان على علم بكللل شي راح يحدث في المستقبل.. حتى لو لاحظتوا ان مساعده في بعض المشاهد يقول له: this is wasn't in out plan.. ان هذا ماكان ضمن مخططاتنا.. ببساطه اشرح وضع الدكتور ايكاري بالحكمه الغربيه اللي تقول: "الظروف لاتصنع الرجال، الرجال هم اللذين يصنعون الظروف".. فالدكتور ايكاري كان مخطط لكل صغيره وكبيره عشان في الاخير يحقق ماكانت تتمناه زوجته الدكتوره ايكاري.. كل تصرفاته توضح هالشي.. وراح اقول لكم شنو حلم دكتورة ايكاري في نقطة قادمه..

شنجي.. هذا الولد.. ابن الدكتور ايكاري الوحيد.. طول المسلسل وهو يعتقد ان الكل يكرهه.. او ان الكل مايهتم فيه.. حتى انه ماكان يعرف ليش يقوم بقايدة الايفا.. لكن في الاخير قال انه يقود الايفا عشان يثبت وجوده في الحياه.. لأنه كان يعتقد ان محد ينتبه له الا لما يقود الايفا.. مافي احد يهتم فيه او يمدحه الا لما يقود الايفا.. كل تصرف يحدث حوله يفسره بطريقته الخاصه الا وهي ان الناس مايهتمون فيه.. وانه مهمل.. حتى لما استدعاه ابوه كان بسبب انه محتاجه.. ولكن...... كل هذا خطأ.. في الحلقتين الاخيرتين من إيفانجليون المسلسل يتم التركيز على شخصية شنجي.. والله عورني راسي وانا اركز على الكلام اللي يقولونه.. شنجي كان يتخيل العالم على الشكل اللي هو يبغيه.. نظرته للحياه كانت غلط×غلط... كان مايهتم لو مات او عاش.. لكن كان ممكن تكون حياته مختلفه تماما.. لو غير طريقة نظرته للحياه.. وهذا ماتم شرحه في الحلقة الاخيره من المسلسل..

البنت راي.. هذي البنت نقدر نقول انها اساس المسلسل.. هذي البنت ليست طبيعيه.. وانما تم تهجينها او ممممم نقدر نقول صناعتها.. ولكنها بشريه.. راي تم داخلها زراعة الdummy system التابع للإيفا.. وذكر في المسلسل ان داخل كل إيفا في مثل راي داخله.. داخل الكور ماله.. حتى لما الدكتورة "رتسوكو" دمرت المكان اللي فيه نسخ راي.. هذا يعني ان NERV ماتقدر تتحكم في الايفا او تحويله الى الdummy system.. عشان جذيه كان راي هي اهم وحده بالنسبه لدكتور إيكاري.. وفي المسلسل كان هناك 3 راي.. كل ما ماتت وحده طلعت وحده ثانيه.. وحده ماتت لما خنقتها ام الدكتورة رتسوكو.. والثانيه ماتت لما فجرت الايفا وهي داخله عشان تدمر الانجيل.. والثالثه طلعت بعد موت الثانيه.. وكل مره تطلع وحده تكون مدركه لما حولها اكثر وتكون قادره على التخلص من تحكم الدكتور ايكاري فيها اكثر.. حتى لما طلب الدكتور ايكاري من راي 3 انها تنفذ اللي يبيه في الحلقه الاخيره في الفيلم end of evangelion رفضت.. وسوت اللي هي تبيه.. اهمية راي تبان في الفيلمين التابعين للمسلسل..

خل نتكلم الحين عن سبب كلللللل هالقصه.. السبب وراء وجود كل هالشخصيات انهم مايبون للجنس البشري انه ينتهي.. شلون؟ لو حدث اتحاد بين Adam وهو الانجيل الاول وبين اي انجيل ثاني.. هالشي راح يؤدي لهلاك البشرية.. عشان جذيه تم احداث the 2nd impact لأنه كان ممكن ان انجيل يتحد مع Adam.. وعلى الاقل الانفجار ما أدى الى هلاك البشريه.. والحين يحاولون ان يمنعون حدوث 3rd impact..
المخلوق اللي كان موجود في شركة NERV اللي مصلوب كانوا يعتقدون انه آدم.. حتى لما تم ارسال الولد الخامس اللي في الحقيقه كان انجيل وتم ارساله من SEELE كانت مهمته انه ياخذ Adam الى SEELE لكنه اكتشف ان هالمخلوق مو Adam.. هو Lilith (والله ايكاري لاعب عليهم) هو مقتبس من آدم.. عشان جذيه طلب الولد الخامس من شنجي انه يذبحه وينهيه.. ليش SEELE طرشت هالانجل.. لأنها ماكانت واثقه من مبتغى الدكتور إيكاري.. كانت تبي تحصل على Adam الانجيل الاول عشان تمنع بنفسها ال3rd impact..
دكتور ايكاري كان واثق كل الثقه هو ومساعده الدكتور Fuyutski ان الامباكت الثالث واقع لا محاله.. تم انتاج الايفا لأنه الوحيد اللي يقدر يتصدى للانجيلز... وسبب ثاني مهم جدا... انه الوحيد اللي يقدر يتحمل ال3rd impact...:واو: عشان جذيه كان هو و الدكتور فويوتسكي طول الوقت هادئين..
لما تم في النهاية.. في فيلم end of evangelion.. القضاء على مؤسسة NERV.. وامساك إيافا 01 ومعاها شنجي.. وظهر Lilith اللي اتحدت معاه راي واتخذ شكلها.. حدث ال3rd impact.. حتى الدكتور ايكاري قال لراي.. "هذا ماكنا ننتظره".. لكن راي راحت عشان تساعد شنجي.. وطبعا في النهايه حدث ال3rd impact وكان ممكن تكون نهاية العالم.. كان القرار في يد شنجي.. لأنه هو اللي اتحد مع Lilith او نقدر نعتبره 1st angel... طبعا حدث ال3rd impact لأن الايفا في الاصل انجيل (كما ذكر وتم شرحه في المسلسل.. ماراح اتطرق له الحين).. وتم اتحاد ايفا01 التابع لشنجي مع ال1st angel اللي اتخذ شكل راي.. الحين القرار كان في يد.. هل ينهي البشرية.. العالم اللي يكرهه.. اللي مايهتم فيه.. مو مهم القرار اللي اتخذه.. المهم الكلام اللي انذكر خلال هذه اللحظات... وهو ماقالته الدكتورة ايكاري..
"انا قمت بصناعة الايفا لكي اثبت وجود البشريه.. لأنه عند حدوث 3rd impact لن يعيش اي بشري على الارض.. إلا الايفا.. لكي اثبت ان البشريه في يوم من الايام كانت موجوده.. وستبقى الى الابد"..
الحين عرفتوا ليش تم صناعة الايفا :)..
شي اخير.. لماذا الانجيلز كانوا ينزلون للأرض ويبون يدمرون البشر؟!!
العلم يتطور بسرعه.. والبشر مهما كان دايما يبون يوصلون لتكنولوجيا وعلم متطور اكثر.. لدرجة ان العلم يتطور لدرجة كبيره ان بعض العلماء المختلين يحاولون يستخدمون قدرة العلم الهااائلة في فعل اشياء لايستطيع حسب اعتقادهم إلى "الإله" انه يفعلها.. والعلماء دايما يحاولون انهم يصنعون اشياء تفوق قدرة "الإله".. او كما يقولون "تتحدى قدرة وارادة الإله".. لذلك ايضا تم صنع الايفا لكي يثبت ان الانسان كان موجود ومهما حصل لن يختفي اثره.. وهذا ماكان يريدة "الإله" ان يمحي وجود البشريه لكي لاتصل لمستوى علمي يفوق التوقعات.. لهالسبب كان يتم الهجوم من قبل الانجيلز.. ليدمروا البشرية.. ويمسحون وجودها.. وعشان جذيه NERV او نقول العبقرية الدكتورة ايكاري قررت انها تصنع الإيفا لكي تتحدى "ارادة اللإله" وتثبت وجود البشريه..


اتمنى اني قدرت اشرح بعض النقاط الغير مفهومه... ادري ان هناك نقاط ثانيه غيرها للحين مو مفهومه.. وانشالله باذن الله في القريب العاجل راح احاول اشرحها واحللها تحليل مثل المكتوب في الاعلى..

اتمنى ان يتم فتح نقاش في النقاط المذكوره عشان نفهم المسلسل اذكر..

واتمنى ان مايدخل عضو ويقول: "انا اكره ايفانجليون" - "هالمسلسل فاشل".. هالنوع من الاعضاء اتمنى انه مايخرب علينا الموضوع..

وارحب بأي تحليل لمسلسل افانجليون هنا.. وانشالله اشوف ردودكم ونتناقش كلنا عن هالمسلسل الاسطوري..

واعذروني عالاطاله..
باي:)

[MeMe CHaaN]

هلا والله Ranma Saotome ... :D

حلووو وايد موضوعك..
بس للأسف ما بروم أدشه شكلي :": لأن مثل ما قلت:

وقبل ما أبدا بغيت اقول ان يمكن ردودي تخرب على بعض الاعضاء اللي ماشافوا المسلسل او الفيلم المعين اللي راح اتكلم عنه

و أنا من النوع الي ما يحب يعرف شو بيصير ..:6
و عادي لو عرفت ما أشوفه.. لوول

المهم ..
بالتوفيق لموضوعك..:-)

باي باي ":"

[لوجــــــين]

سلالالالالالالالالالالالالالالالالالالالالالالالالالالالالالالالالالالالالالالالالالالالالالالالالال الالالالالالالالالالالالالالالالالالالالالالالالالالالالالالالالالالالالام ^^

اشلونك رانما :cool:

مع اني ما عندي فكره عن هل مسلسل إلا اني اعجبت بطريقه تحليلك:6

شوقتني على شان أشوف هل مسلسل

خاصه شخصيه شنجي :6 واضح انها شخصيه لها سمات مميزه ;)

[orange road]

?: ما كنت عارفة هالاشياء اللي ذكرتها رانما...

هالمسلسل بالذات لازم الواحد يجوفه اكثر من مرة علشان يجمع القصة عدل...
والمشكلة اني ما جفت الأفلام.. علشان جذي النهايات مب عارفتها...

حبيت اضيف شي.. يمكن يكون بسيط وتافه في هالتحليل حق المسلسل..

كانوا دايما يقولون ال second impact واللي وصلهم فيه آدم..
طيب شنو هو ال fisrt impact؟؟ هو اللي قضى على الديناصورات قبل لا البشر يوجدون على الارض ;)
(أدري تفاهة.. بس لأني لما كنت اجوف المسلسل كنت ابي اعرف شنهو الفيرست ايمباكت)

الحين انت تقول ان الحلقة الاخيرة في المسلسل كانت تراوينا ان لو كان شينجي بشخصية مختلفة وطريقة تفكير غير كانت حياته بتتغير...
بس هل هاي هي النهاية خلاص.. والفيلمين كانوا يوضحون نهاية كل واحد منهم؟؟؟
ممكن تتكلم اكثر عن النهاية يا رانما... (مشكلة اذا الواحد ما جاف الفيلمين الباقين)

كمل التحليل... شكلك لميت بجوانب القصة ^^ واذا كانت عندي اسألة ثانية باسأل...

[Ranma Saotome]

هااالوووووووو إيفري وننننن..

مشكورييين على الردود..

اجابة على كلامج خلود..


اول شي مادري عن الfirst impact.. يمكن له دخل بالديناصورات او شي.. لكن صج ماتذكر ان ذكروا اي شي عن الامباكت الاول..
انشالله انا ناوي اكمل المسلسل مره ثانيه على نهاية الويك اند عشان افهم اكثر بعد..

وعن النهايه:
المسلسل 26 حلقه.. الحلقه الاخيره من المسلسل تذكر عن شنجي.. بالضبط انه في حلم يراويه شلون ممكن تكون حياته.. another possibility of his life مثل ماقالوا.. حتى بعدين لما توقظه Asuka من النوم وانهم يروحون المدرسه.. بعد هذي يظهر احتمال ثاني كان ممكن تكون حياته جذيه..
بعدين تنتهي الحلقه :! انا استغربت.. مايصير.. هذي هي النهايه.. لااااااااع:"

لــــــــــــــــكــــــــــــــن... الفيلم الاول Death and Rebearth وبعد الفيلم الثاني End of Evangelion كل واحد مقسم جزئين..
القسم الاول من الفيلم الاول يحكي مختصر لأحداث المسلسل من الحلقه الاولى لين الحلقات الاخيره (حسب ماتذكر).. والقسم الثاني هو الحلقه 27;) اللي بعدين تكمل احداث المسلسل لما SEELE اهجموا على NERV.. مابي اقول لج شنو صار بالضبط.. شوفي الفيلم احسن..
ويمكن اذكر الاحداث لكن في ردود قادمه عشان اوضح بعض النقاط:)

القسم الاول من الفيلم الثاني يحكي بالترتيب اختصار لقصة كل واحد من شخصيات المسلسل.. والقسم الثاني هو الحلقة 28;) وفيها نهاااااية سلسلة إيفانجليون.. وتكمل قصة الهجوم على SEELE وغيره من الاحداث

لازم اللي شاف المسلسل لاااازم يشوف الفيلمين لأن فيهم نهاية القصه..
:)
انشالله في القريب العاجل بحاول اشرح بعض الاشياء الثانيه بعد
بااااي

[mirage]

هاااااي رانما:D

شكرا على الموضوع الراااااااااااااااااااااااااااااااااااااااائع..

شكلك تعبت وانت تكتب هالموضوع...

الله يعطيك العافية اخوي..

:)

[Neo Cid]

موضوع رائع و ممتاز و ايفري ثنج .. :D

يعطيك العافية ..

الباين انه ان شاء الله موضوع كبير و رائع ..

بالتوفيق رانما ..

أنا عقدتي الايفانجاليون .. :":

[Madoka]

سلاااااااام ^_^

رانما حلوو موضوعك ;) حلوو انك راح تتكلم عن الانيمي اهني ^^ لان اغلبيتنا نحب الانيمي :) و مالنا خلق نمشي درب طويل على ما نوصل منتدى الانيمي هههههه اتغشمر ^^

اول مسلسل اخترته علشان تتكلم عنه :! Evangelion ماااااااااا ادانيه >_< سوري للي يحبونه .. بس انا ما قدرت احبه ?: .. مو عاجبني الرسم بالمره >_< .. و مادري ... :)

انتظر تتكلم عن مسلسلات احلى مثل مسلسل رانما ;-) .. و غيره ^.^

باي باي

[Ranma Saotome]

ميراااج نيو سيييد مادووكااا مشكورين على الردود :)

مادوكا انا بديت بإيفانجليون لأن الكثير شافوه.. وفي ناس وايد مافهموا منه الكثيييير من النقاط... والبعض حتى مافهم شي ?: عشان جذيه قلت بتكلم عنه..
ولأن معظم اللي مافهموه.. ماحبوه.. ومعظم اللي ماحبوه لأنهم مافهموه
فحبيت اوضح هذي النقاط عشان ابيّن الروعه وراء هالقصه العجيبه..

وحتى الانيميات الجايه اللي انشالله ناوي اتكلم عنها راح تكون على وزن ايفانجليون.. او تكون مسلسلات فيها نقاط مبهمه وانشالله اوضحها..
عشان جذيه.. رانما مافيه شي اقدر اشرحه :" رانما شارح نفسه بنفسه..

اتمنى ان فهمتي نقطتي :)
وووو.. ايه اذا ماقريتي الكلام اللي كتبته.. اقريه يمكن يعجبج ايفانجليون بعده ماتقرين..

k.. c ya guuuuys
باي

[Sara Sama]

أولا المووووضووع أوكي... ;-)
بس أنا أتذاااااابح ويا أي حد يقووولي لو مقطع صغير من الفلم .. هههههههههه .. و أذا عرفت ... ما أشووووف الفلم كامل ...

المهم .. زين أنك أخترت Evangelion .... لأنه صح أحس ناس وااايد مش فاهمينا.... :0) ... ها ألي أسمعه ....

بس بيني و بينك .. أنا مثل مدووووكا . ما أدااااااااانيه ... :" .....
يا كم سووولي دعايا عليه ..و يابووولي أياااه و بااات الأنيمي عندي
و أكوووه مفروووور ..ما أحب جي قصص...خاصه لو فيه أليات ...

هممم أحب الغنيه مااااالته واااااااااااااااااايد ... :0)


هممممم ... شو بعد .. هي .. المهم ... حظا موفقا لك ..

بتتعب وااايد :":



:0) رووح سو نفس الموووضووع في منتدى ألأنمي... بيصيييحوووون ;-)

[Flashanime]

شكرا يا اخي ^ ^
فعلا اختيارك جاء موفق للايفا..فهو اكثر رسوم اعتقد انه يحتاج الى التحليل :6
و انا صراحة معجب كبير جدا بالايفا
و في فعلا اسئلة كانت عندي جاوبت عليها...بس باقي شوية ائلة بسيطة بجمعها و بسالها بعدين


بس ما انصحكم تحصرون الافلام :6
لاني كنت معجب في الايفا و شاهدت الفلم بالاول...و ظليت كئيب لمدة شهر كامل..في حالة نفسية صعبة جدا :"
و على طول رحت شريت المسلسل على دي في دي و حتى ما عندي جهاز دي في دي :6 هههههه شريت الPS2 مخصوص عشانه

بس صراحة ما شبعت منه ...ابي جزء ثاني بعد من المسلسل...

[BUBLE]

هاااااااي^^

رانما..مشكوووووور على هالشرح الحلو والكافي والوافي^^

عجبتني طريقة احداث الفلم..مثل ما قلتها..وبصراحة انا ما شفته..بس انشالله راح اشوفه..لان شكله حلوو

بس صج ان فيه احداث وااايد مخلبصة ...لكن شرحك كان حلو حقها

وانشالله ناطرين باجي الشرح بفارغ الصبر;-)

[xero]

شكرا اخوي رانما على الموضوع الحلو وانشالله المزيد من التحليلات قادمة


كنت اتمنى انه يكون لدينا موضوعا للنقاش عن الانمي والمانجا والحمدلله انه جاتك الفكرة


المهم


انا ايضا لدي تحليلات كثييييييييييرة عن الايفانجيليون ولو تلاحظون انه الرسول (صلى الله عليه وسلم) عندما ذكر ان طول سيدنا ادم يبلغ حوالي سبعون ذراعا!!!...ولاننسي ان السبعون ذراعا بالمقاييس الدولة تعادل حوالي العشرين مترا.....وان الملحوظ ان طول الاليات المعروفة كجندام والايفا طولهم يكون بحوالي العشرون مترا!!!!!!


الا تلاحظون انها مفارقة غريبة؟




وبعدين انشالله عندي تحليل نفسي وتحاليل على الايفانجيليون


وشكرا رانما لذكرك الايفانجيليون

[Rex]

موضوع أكثر من رائع أخ رانما ^^ ... الله يعطيك العافية على التحليل الرائع :)

عرفت معلومات أكثر عن المسلسل الآن ^^
والكلام اللي ذكره الأخ زيرو مثير جدا ... امممم :)


الشيء الوحيد اللي أكرهه بهالمسلسل أنه وايد تخطى الحدود ...
يعني آدم وملائكة والرب !!... :أفكر:

لكن يبقى هالمسلسل له ميزاته اللي يخليه منفرد عن باقي مسلسلات الأنمي :)


وانتظر المزيد من التحاليل ^^

[Ranma Saotome]

هاااللووووو

سارا ساما
ببل
مشكورين على ردودكم

فلاش انيمي.. مشكور اخوي على الرد..
هههه تصدق.. والله وانا اشوف ايفانجليون اكثر من مره جاتني الصيحه.. ماكنت مصدق اني اشوف ايفانجليون اخيرا :"

زيرو:
ملاحظتك عجيبه..
وهذا اللي انا ابيه.. ابي اشوف تحليلكم لقصة ايفانجليون.. عشان كلنا نفهم القصه اكثر.. وخاصه اني اشوفها اكثر قصة انيمي مثيرة.. اذا عندك تفسيرات وتحليلات ياريت ماتبخل علينا بها..
و أنا انشالله بواصل الكتابه عن ايفانجليون لين نهاية الويك اند.. انشالله احاول اغطي كل الجوانب على نهاية الويك اند.. او يوم السبت.. (اتوقع اكون مشغول في الويك اند)..

ريفليكس:
:" مو مصدق... استانست وااايد يوم شفت لك رد في موضوعي..
كلامك صحيح.. القصه وااايد مثيرة ومشوقه.. لكن مشكلتها انهم زودوها وتخطوا الحدود..
لكن بعد هذا اللي حاصل في العالم..
مثلا يحاول الواحد يطبق حال العالم وبعض العلماء الحاليين على قصة ايفانجليون.. راح يشوف ان في تشابه كبير..

و بعد المميز في ايفانجليون.. ان فيه احداث حزينه وغير متوقعه وايد.. مثل يوم ذبحوا كاجي.. وغيره وغيره من الشخصيات لما ماتوا.. والخسائر اللي تصيبهم والمشاكل.. نفسيات الشخصيات يعني كل شخصية لها قصة بروحها وحالتها الخاصه ومشاكلها ومخاوفها..
هالمسلسل يستحق انه يكون الافضل :)

الى ردود قادمه انشالله..
باي
(زيرو انتظر وجهة نظرك وكلامك عن ايفا في القريب العاجل;))

[xero]

في القريب العاجل اخوي وانشالله بكتب التفاصيل عن كل ايفا وتحليل اهم شخصيات الايفانجيليون ولو اي واحد عنده اسئلة او اي شئ ما يعرفه بالايفا يسأل واحنا انشالله ما بنقصر


وريفليكس....كلامك صحيح ومع انه الفلم من ناحية الرسوم رهييييببب والوانه نقية وجودته عالية بس تجاوز الحدود مثل ما قلت بخصوص المسائل الدينية

[Ranma Saotome]

سلاااام

رد على تسائل واحد من الشباب.. هيهي.. من قتل كاجي؟

كاجي يشتغل مع NERV.. وفي نفس الوقت مثل مايقول انه يشتغل لصالح الحكومة اليابانية.. لكن اشك في هالشي هو قال انه يعمل لصالح الحكومه لأن ميساتو صادته وهو يحاول يدخل الغرفة اللي فيها Lilith.. وطبعا محد مسموح يدخل هناك..
لكن كاجي.. في الاصل مايشتغل لحساب احد بالضبط... يمكن بس NERV لكن هدفه الحقيقي انه يعرف الحقيقه.. nothing but thr truth يبي يعرف حقيقة اهداف إيكاري و SEELE و NERV وEVA وكل شي..
و طبعا إيكاري هالانسان الداهيه كان يعرف عن كل حركه يسويها كاجي.. لكن قال مب مشكله.. خلنا نستخدمه ونستفيد منه لبعض الوقت..
وطبعا نعرف ان ميساتو تحب كاجي واللّزي منّه.. لكن المهم ان في الحلقه كأن 23 او 22.. تم توكيل مهمه اخيره لكاجي، وقال حتى في الحلقة this one seems like blood.. المشهد اللي بعده يطلع فيه مخابرات SEELE مع ميساتو ويقولون لها ان صارت مشاكل وايد والظاهر انه سببها كاجي، وبما ان انتي على علاقه معاه فلازم نخليج بعيد عنه.. مادري شنو بالضبط كانت مهمة كاجي.. لكن طلع بعدين داخل على الدكتور فيوتسكي (مساعد ايكاري).. وفكّ القيود عنه.. كان مقيّد لأنه كان تحت التحقيق من قبل SEELE وقال له يلاّ روح.. بعدين طلعوا مخابرات SEELE رجعوا حق ميساتو (لأنهم كانوا عازلينها في غرفه) ورجعوا لها بطاقتها و مسدسها وقالوا:"الحين كل شي اوكي خلاص".. وسألتهم: "وين كاجي؟". قالوا:"احنا مانعرف وين الحين".. بعدين طلع كاجي واقف وكأن في واحد جاه، وقال كاجي: "لقد تأخرت".. وبعدين سمعنا صوت اطلاق نار..
بعدها ميساتو داخله شقتها وهي حزينه وتكتشف ان في رسالة صوتيه على التلفون وكانت الرساله من كاجي ولما سمعتها بكت.
مادري ليش قلت كل هالقصه.. لكن في النهايـــــــــة..
الظاهر ان اللي قتل كاجي هم SEELE.. ومرات أشك انه إيكاري.. لأنه كاجي كان بمثابة مشكلة لإيكاري ولSEELE بعد لأنه كان وايد يبحث ويحقق بحثا عن الحقيقة اللي يبي يعرفها.. لكن اعتقد ان SEELE هم اللي ذبحوه هو الاحتمال الاكبر.

نقطة ثانيه:
هل قتل ايكاري زوجته الدكتورة يووي ايكاري؟
ايكاري من قبل مايتزوج من يووي كان يعمل لمصلحة SEELE.. وكان هو الثاني بعد عبقري.. لكن عبقريته خبيثه، والدكتور فيوتسكي لما تعرف على الدكتور ايكاري كان بعد الدكتور ايكاري في SEELE في هذا الوقت.. وكانت في شائعات وكلام وايد يطلع على هالمنظمه.. الدكتوره إيكاري عبقرية وذكية وايد.. يقولون ان الدكتور إيكاري تزوجها عشان يستغل ذكائها ومشاريعها لمصلحته وفي نفس الوقت مصلحة المنظمة SEELE.. لكن في نفس الوقت انا استغرب انه في كل مخططاته كان يذكر زوجته ويقول اني راح احقق اللي تبينه.. اللي انا وانتي كنا نبيه..
الدكتورة إيكاري ماتت خلال احدى تجارب تشغيل الايفا اللي فشلت نتيجة خطأ في الحسابات.. اعتقد كانت اول تجربه او من اوائل التجارب حيث كانت هالتجارب تفشل.. لكن في الصحف والكلام اللي طلع ان الدكتور إيكاري تسبب في مقتل زوجته.. لكن هل حقا تسبب في موت زوجته؟
هالانسان غريب جدا.. لكن ماعتقد انه راح يتسبب في موت زوجته.

[Ranma Saotome]

هاي

من النقاط اللي احب اشرحها ويمكن تخفى على البعض:

- في جزء من القصة الخاص بأم آسكا ماقدرت افهمه.. لكن فهمته اخيرا..
أم آسكا كانت تعمل في احد أفرع NERV في ألمانيا اوكي، وكانت من النوع اللي يعمل على طول على طول من غير مايرتاح..
ومن شدة ضغط العمل عليها.. افقدت الاتصال بالواقع.. من شدة الضغط والعمل صارت مريضة عقليا، عشان كذيه نشوفها في المسلسل قاعدة تكلم دمية على انها بنتها آسكا وحاطينها في مصحة خاصه، لين في الاخير انتحرت..
طفولة اسكا كانت قاسية وربتها جدتها وعملتها انها ماتبكي ابدا.. وهذا اللي في الاخير انتج آسكا القاسية العصبية.

- تعرفون شنو هو الAT Field?
من بداية المسلسل والفكرة اللي في بال الواحد ان الAT Field هو الحاجز اللي حول الانجليز و الايفانجليون ويحميه من الهجمات.. لكن في الحلقة ال24 لما يطلع ال5th child اللي في الاصل هو الانجيل الاخير ويتقاتل معاه شنجي.. يكتشف شنجي ان حول كاورو (الطفل الخامس) AT field ويسأله: شلون عندك AT فيلد؟؟ ويجاوب: انتوا يالبشر تسمونه AT فيلد لكن هو شي غير.. هالAT فيلد هو (((الروح))).. كل واحد عنده AT فيلد وقوّة الفيلد تعتمد على قوة روح الواحد..
وتوضيح لهالنقطه.. في فيلم إيفانجليون الاول، آسكا تخرج من قاع البحيرة و روحها القتالية من اعلى مايكون (لأنها حلمت بأمها وسالفة مافي داعي اشرحها) كان الAT فيلد عندها قوي وكانت تقاتل وتهجم بقوة لأنه روحها عالية وبالتالي واثقه ان الفيلد مالها راح يحميها.


انشالله يوم الاربعاء او الخميس انا في بالي رد راح يشرح محور مهم واساسي في القصة انشالله..
وفي نفس الوقت اشرح نهاية القصة المثيرة جدا والغامضة باذن الله..
لأن النقطتين مرتبطين ببعض.. وللأسف ماعندي وقت الحين لأن راح يكون رد طويل شوي..

اشوفكم قريبا :)
بااااااااي

[Flashanime]

وين ادم؟
ليش استنسخ ايكاري ليليث من ادم؟ اعتقد انه ليخدع الاينجل بس مافي داعي لانه ادم اختفى او مات او مهما الي الصارله في الصدمة الثانية...اذا ما في خطر من الاينجل
هل ادم هو الايفا المضيئ الي ظهرت لقطة سريعة له؟
سمعت انه زوجة ايكاري ذابت و اختفت في الايفا عند التجربة بعدها اكتشفوا انه الايفا لازم يقودهم اطفال ولدوا بعد الامباكت و بيهم مواصفات معينة...صحيح؟
ليش الاهتمام الكبير جدا جدا بالايفا 1؟

[xero]

وانا بعد عندي ملاحظات



لو تلاحظون انه موت زوجة هيكاري خلال الحادث كان صدفة!...بل ماتت من حادث مدبر لها من ام المبرمجة الخبيرة"نسيت اسمها" واللي كانت تحب هيكاري وبنفس الوقت تغار بشدة من زوجته.....ولأنه هيكاري بطبيعته لعوب كان على علاقة غير شرعية معاها وتركها مما تسبب الى الحقد والغيرة!!.....وتسبب هذا الامر بمقتل زوجته بالحادث.....وبعدين بعد ما اكتشف هيكاري انها هي اللي قتلت زوجها انتحرت


والحين على AT-FIELD

وهي اختصار لكلمة ABSOLUTE-TERROR FIELD وهي المجال الذي يحمي الانجيلز من الهجمات والاذى

والبشر بعد عندهم هالمجال ولكنه مستخدم بشكل محدود حيث انه يفصل كل فرد عن الاخر...لو تشوفون الفلم الاخير بتلاقون انه الايفا سيريس استعملوا حقل مضاد للAT فيلد والذي تسبب بفقدان الكائنات شكلها وتوحدها بداخل REI ليصبحوا جسدا واحدا


وبعدين في كل ايفا CORE وكلCORE يحتوي على روح بشرية

مثلا عندك ايفا00 :روح ام المبرمجة
ايفا 01 : روح ام شينيشي
02 :روح ام اسكا

والتفاصيل تأتي

[Ranma Saotome]

واااو تساؤلات جمييلة جدا
والله تحمسون الواحد..
مشكوووورين

فلاش انيمي.. انشالله راح احاول اجاوب على جميع اسئلتك بكره.. لأني ناوي اليوم وبكره اكمل ايفا للمرة الثانية.. باقي بس الفلمين :) ومعظم اسئلتك اجاباتها في هالفلمين..

xero اولا مشكور على الرد الجميل

كلامك بخصوص ام ريتسوكو صحيح.. وانا كنت شاك ان الحادث مدبّر.. لكن مادري ان أم ريتسوكو هي اللي سببته..
و ايكاري كان على علاقة مع ريتسوكو (جد استغلالي).. بس هل سبب انتحارها لأن ايكاري عرف عنها..
اعتقد انها انتحرت بسبة راي 1.. لأن راي قالت لها "old hag" و ان هالكلام يقوله الدكتور ايكاري وانه يقول ان مالها لزمه خلاص (ام رتسوكو يعني)..
وبعدين هجمت أم رتسوكو على راي 1 وماتت راي 1.. ولهاسبب اعتقد أم رتسوكو انتحرت..

وبخصوص الAT فيلد و والايفا في الفيلم الاخير هالنقطه مافهمتها عدل عشان جذيه ناوي اشوف اليوم الفيلم مره ثانيه واركز وافهمها..
ومشكووووور على شرح هالنقطه ماكنت فاهمها.. عيل عشان جذيه كل الناس اختفوا وتوحدوا في جسد راي.. مممممم

و النقطة الاخيرة كنت ناوي اذكرها المره الجايه لأني ناوي اشرح باقي قصة الايفا واللي انشالله بتجاوب على اسئلة فلاش انيمي.. الحين الاجابة موجودة في مخي لكن اليوم قلت باخذ اجازة :o..

انشالله المرة الجاية راح اتكلم عن آدم و ليلث و شلون يعمل الايفا والنقاط المتعلقه بها.. واشرح النهاية اللي هي (النهاية) تشرح معظم النقاط الغير مفهومه في القصة..:)

ماشالله عليك زيرو دام انك بعد محيط بكل جوانب القصة.. بغيتك تقول لي شنو اهداف منظمة SEELE.. أنا اعرف شنو يبي إيكاري.. لكن SEELE شنو اهدافهم وشنو السيناريو اللي كانوا مخططين له؟

* اااااه هذا اللي كنت ابي من فترة.. ان يكون في مثل هالموضوع واتناقش مع الناس في هالامور ونشرح حق بعض..

اشوفكم بكرة انشالله :D

[xero]

اهداف منظمة الـSEELE لم تكن واضحة خلال حلقات المسلسل الا عند الفلمين الاخيرين

وكانت اهدافهم هي تحقيق نبوءة قديمة تحلم بتحرير البشر من مشاكلهم ومصائبهم وتحريرهم من هذه الحياة التعيسة الى حياة ارقى

حياة بلا مشاكل او موت...

كانوا يريدون الخلود...

ولهذا كانوا مصممين على تحقيق هذه النبوءة

وبعدين اخوي رانما اذا احتجت الى اي شئ او اسئلة بخصوص الايفانجيليون انا حاضر

وانا ناطر اسئلة

[Ranma Saotome]

مشكور اخوي زيرو على توضيح هالنقطة

الحين تقريبا ماعندي اسئلة.. انشالله اليوم بسهر على الفيلمين.. واذا في شي مافهمته بطلب منك تشرحه لي انشالله..

لكن مو لازم تنتظر لين انا اسأل ;-).. إذا في بالك نقاط ودك تشرحها لنا للأعضاء قول.. يعني النقاط تحس ان محتاجه شرح وتوضيح..
او في نقاط انا ماوفّيت في شرحها او غيره.. كلنا آذان صاغيه..

من اكثر النقاط اللي شدة انتباهي.. الحلقة 23.. لما رتسوكو تتكلم عن الايفا والدمي سيستم.. هالمقطع كان من احلى المقاطع.. وخاصه مع الموسيقى.. اففف رووووووووعه.. ناوي اتكلم عن هالنقطه بعد ماشوف الفيلمين اليوم فالليل..

(حتى الموسيقى في ايفانجليون هي من اروووع مايكون)

[xero]

معك حق بخصوص الاغاني الخلفية والمصاحبة للمسلسل والفلمين
ولأفلام كثيرة بعد

وانا عندي هواية تجميع لهذي الاغاني بشكل جنوني:D

احب اسمعهم وايد


انا عندي الكثير لكن ما اعرف اشرحها الا اذا سألني واحد

لأني ما راح اعرف ابتدأ من وين اخوي :(


على العموم يعطيك العافية


باي

[هـداف]

اهلا رانما:p

موضوع حلو........خزنته علطوووول......زوبعدين بقراه انشاءالله.....المهم

انا توني شايف انيمي بلو سييد(blue seed).......ومادعرفت شسالفه....لأن اللغه كانت فرنسيه:D

بيسين غاه بوسوغييه بيسيغاه?:

مافهمت شي كلش

فااااا:6 ممكن تشرحلي شالسالفه;-)

مشكووووووووور ^_^

[Ranma Saotome]

هاي زيرو
انا ناوي اشتري الsound track مال ايفانجليون..:D
وو.. ههههه انا نفس الشي معظم الاوقات.. ماعرف اتكلم عن شي الا لما الواحد يسأل سؤال محدد.. يعني خاصه لو كان مجال الموضوع كبير وفيه نقاط وايد..
اوكي عيل.. بحاول اجهّز بعض الاسئلة المره الجاية..

شاعر
اخبااارك اخووي.. شلووونك.. وينك ماتبين يااخخخخخي..
المهم..
احم.. :# انا ماشفت Blue Seed.. كنت ناوي اطلبه لكن هوّنت.. يمكن المره الجايه اطلبه.. حتى تصدق ماقريت عنه وماعرف عنه اشياء وايد..
لكن اكيد لو شفته بالانجليزي بتفهمه.. شلون شفته فرنسي؟!!!

ايه بغيت اذكر..
انا قريت ايفانجليون المانجا لكن مو كامل.. لين يوم حادثة EVA 04 وماعندي الاعداد بعد هالجزء..
المانجا يركز على الشخصيات اكثر.. اما الانيمي فيركز على الايفا وسالفتهم اكثر.. يعني في بعض الاختلافات البسيطة
المانجا في شرح للمصطلحات وشرح للنقاط وغيره.. لكن ولامرة قريت هالجزء من المانجا ?:..

مذكور في المانجا ان من الافضل ان الواحد يقرأ المانجا اول بعدين يشوف المسلسل.. مذكور ان بهالطريقة الواحد ممكن يفهم القصة اكثر..

:)
باي

[Last_Angel]

سانكيوو رانما على كتابة الموضوع وعلى اختيار افانجليون بالذات وشرح اشياء حتى ما فكرت فيها!!



انا شفت المسلسل قبل سنه تقريبا ولمن وصلت الحلقه الاخيره ارتفع ضغطي وجاني انهيار عصبي (كأني بالغت شوي :p ) عشان النهايه الي مالها داعي (برأيي) .. بعدين اكتشفت ان الحلقتين الاخيرتين كانوا مضافه للنسخه الامريكيه والنهايه الحقيقيه كانت الفلمين >_<

وبعد انتظار دام سنه كامله.. اخيرا شريت الفلمين... وشفته.. وارتفع ضغطي جاني انهيار عصبي (:p ) بس هذي المره عشاني ما فهمت شي >_<


فهذا الموضوع جاء في وقته :D


عندي كم سؤال if you don't mind:

1- في المسلسل... في الحلقه اللي يفقدون السيطره على ايفا يونت 1 و يطلع ال beast الحقيقي اللي داخل الايفا و ... ياكل.... الاينجل بعدين ايش يصير؟ جت الحلقه اللي بعدها ولا كان صار شي :":

2- في الموفي.. ايش حكاية الايفي سيريز؟ اللي قاتلتهم اسكا؟

3-اذا احد فاضي... ممكن يشرح المقطع اللي ما ادري ايش صار بالضبط لللايفا يونت 1.. و ري كمان ما ادري وش صارلها (بطلت افهم وقتها)

4- وين ادم؟




شكرا ^^

[Ranma Saotome]

ااااااااااااخ اليوم كملت الفيلمين مره ثانيه..
والله راسي عورررررررني وانا اشوف..
مثل حالتي لما خلصته اول مره، قعدت باقي اليوم كله وجهي مكشّر وأفكّر في الاحداث و راسي احسه بينفجرررر..

الاجابات على كل اسئلتج موجودة... احم.. تقريبا..
لكن الحين ماقدر اسوي أي شي من بعد ماشفت الفيلم.. يبي لي فترة نقاهة...ممم يعني لين اليوم آخر الليل هيهي..

انشالله بكتب ردي اليوم..

باي

[Ranma Saotome]

السلاااام عليكم ورحمة الله
اخباركم.. انشالله بخير..

ببدأ على طول من غير مقدمات..

في الحلقة 22 او 23 بدأت SEELE تحقق مع NERV لأنهم بدأو يلاحظون بعض التغييرات في مخططاتهم.. والخساير كثرت..
فـــــ... طلبوا من إيكاري ان يحضر لهم قائد Eva 01 عشان يحققون معاه في اللي صار لما انفجر Eva 01.. لكن إيكاري رفض وخلاهم يسوون تحقيق مع رتسوكو بدل منها.. رتسوكو لما عرفت ان ايكاري اختارها مكان راي عصبت.. وقالت شلون هال(طووط) يحطني بدل من راي.. عقب كل الشسمه اللي بيني وبينه.. فاتصلت على شنجي وقالت له تعال اذا تبي تعرف حقيقة المخفي عنك.. وصادتهم ميساتو وقالت انا لازم اشوف بعد.. المهم اللي صار كالتالي:
دخلوا غرفة في اكثر من إيفا لكن كلهم غير صالحين وهو نفس المكان اللي ماتت في ام شنجي.. بعدين ادخلوا الغرفة اللي فيها أساس الdummy system.. ولما اضغطت على زر الا اشتغلت الانارة وطلع ان الغرفة مليااانة راي أيانامي :! شلوون.. شنو هذا..
قالت رتسوكو: هذيلا هم الcores للدمي سيستم.. هم اللي يخلون الدمي سيستم يشتغل. وكل هالاجسام مالت راي اللي في المكان هي مجرد أوعية.. و اجساد spare ل راي أيانامي.. (ركزوا الحين).. الانسان وجد إلة، والانسان حاول ان يتحكم في الإله ويخليه تحت سيطرته.. لهذا السبب تم معاقبة الانسان وهالشي حدث من 15 سنة (حسب تاريخ المسلسل).. والإله اللي وجده الانسان ضاع اختفى، لكن الانسان استمر في محاولة اعادة إحياء هالإله اللي هو Adam ومنه أراد الانسان ان يصنع انسان مثل الإلة نفسه.. وبالتالي طلعوا الEVAs..
يعني هل الايفا هم بشر؟!!!:واو: أيييوه بشر.. داخل كل واحد من الايفا توجد روح إنسان، يتم وضع داخل الايفا "mindless human souls" وهالروح تولد فقط داخل راي أيانامي هي الوحيدة اللي تقدر تحمل هذه الروح..
بعدين لأن رتسوكو كان معصبة كمّلت: هذي اللي هنيه في الغرفة مجرد اجساد من غير ارواح مايستحقون ان يعيشون.. وضغطت على زر ادى الى تحللهم (كانوا داخل سائل)..

واللي حصل لما فقدوا السيطرة على إيفا 01.. ذكرت رتسوكو انهم بشر.. وبعدين خلال هالحادثة قالت.. الوحش اللي داخل إيفا استيقظ... وان الحديد اللي حولة كان موجود عشان يقدرون NERV أن يتحكمون فيه.. لكن لما الانجيل اللي صارت معاه الحادثة كان بيدمر NERV وبيتخلص من إيفا 01، إيفا 01 استيقظ وتحرر من بعض القيود اللي كان حولة.. وتصرف مثل ماتصرف.. لكن لأنه ماتحرر من كل القيود فاستطاعوا ان يسيطرون عليه مره ثانيه :)
لكن ليش أكل الانجيل؟ بصراحه ماعرف.

يمكن من الشرح اللي ذكرته في هالرد عرفتوا بعض الاشياء عن آدم..
لكن وين راح آدم وشنو صار فيه؟
و شسالفة ليليث؟
شنو صار حق أيانامي؟
ليش الاهتمام الكبير جدا جدا ب إيفا 01؟
كللل هذي الاسئلة يجاوب عليها الفيلمين..
اللي المفروض ان اكتب عنهم اليوم.. لكن صدق: الوقت كالسيف ان لم تقطعه قطعك. و أنا الوقت قطّعني تقطّع..
بكره لااااااااازم :غضب: أنهي القصة لااااازم لأن مصختها بالتأجيل..

تحملوني معليش الوقت كله سابقني :#
الحين لازم اروح انام.. وراي دوام من الصبببح..

بااااي

[xero]

واللي اذكره انه لما اكل الاينجل صار له القدرة على التحرك وانتاج الطاقة من دون كيابل الطاقة!!!

لأنه الاينجلز بشكل عام يستعملون تقنية تسمي بالـs^2 وهي ترجع لـsole solenoid اي بالمعنى العام التحرك الذاتي


والايفا سيريس هم اصلا نسخ معدلة ومطورة من الايفا الاصليين....وتم انتاجهم اصلا لمحاربة الاينجلز ولكن تم استعمالهم كعوامل مساعدة لانتاج الصدمة الثالثة!!!...وكانوا يتمتعون بحقل مضاد للـAT FIELD والذي كان يستعمله ايضا الاينجلز

وكيف كانوا يتحركون؟.....وضع بداخلهم نظام برمجي على نفس موجات دماغ الطفل الاخير..او بالاصح الانجيل الاخير


وادم اصلا مزروع بيد هيكاري....شوف الخبث والدهاء لوين واصل فيه :6

[Ranma Saotome]

السلااام عليكم..
هذي يمكن تكون آخر مره اكتب عن إيفانجليون..
راح اشرح الفيلمين والنقاط اللي ذكرت فيهم.. وانشالله هالشرح راح يجاوب على أسئلتهم..

نبدأ... (نفس عميق)

SEELE هدفها تحقيق النبوءة.. عشان يتم هالشي لازم يستخدمون Adam و Spear of Longinus اللي كان موجود معلق في ليليث طول الوقت.. لكن المشكلة انه آدم و سبير اوف لونجينس غير موجودين.. فالطريقة الوحيدة هي استخدام EVA 01 ليش؟ لأنه هو اكثر unit مشابه لآدم. (عرفتوا الحين ليش EVA 01 مهم جدا)..
عشان يحصلون SEELE على الايفانجليون لازم ياخذونه من NERV وطبعا إيكاري ماراح يسمح بهالشي.. فحاولوا الهجوم على نظام الكمبيوتر في NERV لكن الدكتورة Ritsuko اوقفتهم، فانتقلوا للخطة الثانية وهي الهجوم بالقوة العسكرية، لكن أيضا تم إيقافهم عن طريق آسكا اللي استيقظت من حالتها بعد ماعرفت أن روح أمها موجودة في EVA 02.. بعدين قرروا أنهم يستخدمون الحل الاخير وهو استخدام سلسلة إيفا للتخلص من هالمشكلة والحصول على الايفا.. ودار القتال بين إيفا 02 و سلسلة الايفا..

في هذي الاثناء كان القتال دائر بين القوات اللي اقتحمت NERV واللي داخل NERV.. وكانت ميساتو تاخذ شنجي للإيفا 01.. وقالت له ايش اللي حصل في الصدمة الثانية. الصدمة الثانية سببها الانسان لأنها كانت الطريقة الوحيدة لتقليل الاضرار اللي ممكن تصير و صغّروا آدم بهالصدمة الثانية إلى مجرد بيضة أو بذرة بحيث ان مايقدر يسوي شي.

نرجع مرة ثانية لآسكا اللي قدرت تتخلص من جميع الايفا خلال الدقايق اللي تبقت لها بعد انقطاع الكيبل عنها. لكن قبل ماتخلص من الايفا الاخير، انطلق نحوها جسم وصدته بالحاجز، ولكن تحول هالشي الى.. Spear of Longinus مع انه اصلا الحين في الفضاء الخارجي لكن بطريقة ما SEELE هالمنظمة الغريبة سووا واحد ثاني.. واخترق حاجز إيفا 02 وامسك بها وتوقف إيفا 02 عن العمل. هنيه ارجعوا سلسلة الايفا للعمل مرة ثانيه بالرغم من ان إيفا 02 تخلص منهم وقاموا ينهشون في إيفا 02 حتى تم القضاء عليه نهائيا، وهنا طلع شنجي مع إيفا 01 ولما طلع، انطلق Spear of Longinus اللي كان موجود في الفضاء الخارجي وتوقف إيفا 01. امسكوا سلسلة الايفا بإيفا 01 لكي يسخدمونه بدل من آدم لتحقيق نبوءة SEELE.. هنا بدأ الThird Impact. تم تكوين علامات تسمى holy signs مثل العلامات اللي تستخدم عادة في السحر، تم وضع مثل هذه العلامات على EVA 01 وقامت سلسلة الايفا بتشغيل الS2 engine.
في هذه الاثناء كان إيكاري يطلب من أيانامي انه تطيع أوامره عشان يقدر يشوف زوجته مرة ثانية، شلون يشوفها؟ بطريقة وحده وهي عن طريق الاتحاد بين Adam و Lilith.. ومثل ماذكر صديقي زيرو ان ايكاري زرع آدم داخل يده..
لكن راي ماسمعت كلامه و دخلت راي أيانامي لوحدها داخل Lilith (اللي يعتبر 1st angel) واتخذ شكل راي ايانامي وبعدين راحت حق شنجي اللي كان مرتفع قريب من نهاية الغلاف الجوي.
وفي نفس الوقت بداية الصدمة الثالثة ظهرت و ظهر مايسمى بالGeofront من داخل الارض وهال"جيو فرونت" هي بيضة ليليث، المكان اللي ظهر منه ليليث و المصدر لجميع الحياة الانسانية، العودة اليها يعني نهاية الحياة لكن قرار العودة اليها او لأ يعود الان لLilith.
شنجي كان يشوف كل هذا مما أدى انه ممم.. نقدر نقول يجن.. وSEELE ذكروا انه من خلال تدمير نفسية قائد إيفا01 سوف تتحقق النبوؤة (اللي ذكرها زيرو).
بدأوا سلسلة الايفا بالالتحام مع راي (ليليث في هذه الحالة).. وأدى هالشي ان نفسية شنجي خلاص راح تدمر.
وبعدها دخل الSpear of Longinus داخل إيفا 01 وتكون مايسمى بـ شجرة الحياة ومعناها (هي الشجرة الموجودة في حديقة في الجنة من يأكل منها يعيش حياة خالدة) وهذا يثبت ماقاله اخوي زيرو عن أهداف SEELE..
المهم.. قال الدكتور فيوتسكي: " الانجيلز يحملون فاكهة الحياة، والبشر يحملون فاكهة الحكمة. الآن إيفا01 يحملهم جميعهم، وبالتالي اصبح كالإله. والان شجرة الحياة و الgeo-front مصدر جميع الحياة تم تكوينهم، هل سيكون هذا حماية للانسان من الصدمة الثالثة أم سيكون نهاية البشرية والعالم؟ الأمر الآن بيد إيفا 01 و شنجي" :واو: شنجي في يده مصير البشرية.

يتبع...... :)

[Ranma Saotome]

تابع للرد السابق.......

كما ذكرت ان الان المصير كله في يد شنجي.. هذا الولد اللي قصته قصه.. ويعتقد ان الناس يكرهونه وغيره وغيره.. الحين مصير البشرية في يده..
المهم..
الحين، إيفا01 يغطيها شجرة الحياة و أمامه الgeo-front و أيضا ليليث (راي).. يعني كل شي كامل.
تكلمت روح أم شنجي اللي داخل إيفا 01 تقول له أن راي اللي أمامك الحين هي تمثل قلبك، تمثل أحلامك و آمالك.
في هالفترة.. مازالوا يرتفعون في الفضاء لين ظهروا خارج الغلاف الجوي.. و بعدها الAnti AT-Field بدأ بالاتساع بدرجة كبيرة من ليليث لدرجة انه راح يغطي الكرة الارضية وبالتالي سيفقد الاشخاص اشكالهم.
الحيــــن......... البوابة لنهاية وبداية العالم فتحت.
بدأ الاشخاص يفقدون أشكالهم.. وكل شخص يشوف جدامه الشخص اللي يحبه او القريب من قلبه بعدين يفقد شلكه، إيكاري عاد من شاف؟ شاف زوجته، "أخيرا شفتج يا يووي.. أخيرا.. خذيني معاج وخلينا مع بعض للأبد"
و أخيرا ايكاري حقق اللي يبيه وشاف زوجته، وحتى قال الدكتور فيوتسكي: " did u sea Yui at last, Ikari" واختفى هو بعد..
احتفى جميع البشر.. التحم ليليث مع إيفا 01.. والحين المصير بيدك يا شنجي..
بدأ شنجي يتذكر بعض طفولته.. يتخيل بعض الامور.. بعد الاحلام.. الآمال.. يتخيل ويفكر.. البشر يكرهوني.. مافي أحد يحبني او يهتم فيني.. يعني المفروض كلهم يموتون.. ولا حد يعيش.. انا اصلا ليش عايش.....
(و الكثير من هالكلام).. ماراح اذكر كل الكلام اللي فكر فيه لكن كانت هذه من اروع المشاهد في السلسلة.. كلام جميل جدا وحوار شنجي مع نفسه ومع راي كان رووووعه..
ظهر بعدها شنجي و راي أيانامي في العالم الاخر حيث لايوجد AT-Field يفصل الناس عن بعض.. حيث يوجد ناس ولا يوجد ناس.. هذه هي حياة اخرى، لايوجد شي يفصل الناس..
لكن شنجي ماعجبه الوضع.. وقال انه هالشي خطأ.. فيه شي خطأ في الوضع هذا.. و أجابته راي ان تستطيع توقفه وتغيره لو تبي. لكن تبي تعيد ذاك العالم حيث الناس يفصلهم AT-Field والمشاعر ايضا. قال: ماعندي مانع.. وحلوة جملته لما قال : "I want to sea them again" :)
شنجي.. شنجي قرر الحياة للبشر.. قرر أن يعيش البشر مره ثانية ومايتم تدميرهم :" how touching.. احم..
بعدين وضحت راي له (ولنا) التالي:
مايحتويه قلب الشخص هو اللي يشكل جسمه.. القدرة على التخيل هي ان تستطيع تكوين وتحديد مستقبلك.. اذن يمكن للجميع ان يستعيدوا أجسادهم دام لديهم القدرة على تخيل انفسهم في قلبهم.
هنا في هذه اللحظه.......... انتهى الTHIRD IMPACT.. وخرج إيفا 01 من ليليث\راي.. وتحوّلت جميع أجساد الايفا اي صخر.. ولكنها مازات متخذه شكلها الاساسي طبعا.
وخرج شنجي من الايفا01.. انفصل شنجي عن أمه، روح أمه، اللي بقيت مع إيفا 01 سابحة في الفضاء، وعاد شنجي الى الارض.
وهذه بعض الكلمات المهمة ذكرتها أم شنجي:
" البشر لايمكنهم التواجد إلا على وجه الارض، ولكن الإيفانجليون يمكنهم التواجد للأبد، مع أرواح البشر التي بداخلهم (مثل روح أم شنجي في إيفا01). عندنا تختفي الشمس والارض والقمر، ستبقى الإيفا. صحيح انه هذا سيكون وحيدا، ولكن مادام هناك روح واحده لازات تعيش، سوف يكون اثبات أبدي أن الجنس البشري كان ولا زال موجود" :" كلام جمييييل جدا.

وفي نهاية الفيلم ظهر شنجي وبجانبه آسكا.. لكن لماذا هم اول من ظهروا؟؟ شنجي كان داخل إيفا 01 اللي كل هالحادثة صارت له.. لكن آسكا ليش كانت موجوده بعد؟ لأنها أيضا كانت داخل إيفا 02.. ولم تتأثر.

النـــــهــــــايـــــــــة.

اتمنى ان اكون جاوبت على جميع تسائلاتكم من خلال تحليلي لهامسلسل الاسطوري..
لو كان لديكم أي مزيد من الاسئلة تفضلوا و انشالله راح اجاوب عليها :)
و أتمنى من زميلي زيرو أن لو كان في بعض الاخطاء في كلامي او شيء ناقص يصلّح لي أو كان عنده أي اضافات :)

هذي نهاية كلامي عن Neon Genesis Evangelion..
الانيمي القادم اللي راح أتكلم عنه هو ان شاء الله:
Akira
لماذا اخترت أكيرا؟ لأن فيه بعد الكثير من الامور اللي في ناس مافهموها وهذا لاحظته من ردود بعض الاعضاء في منتدى الانيمي وايضا بعض الزملاء على المسنجر...

اتمنى ان ماكون ثقّلت عليكم في تحليلي.. ومشكورين على ردودكم :D
i really had soooooooo much fun writing all this about Evangelion
thank u alot
bye

[Flashanime]

لكن الحين ماقدر اسوي أي شي من بعد ماشفت الفيلم.. يبي لي فترة نقاهة...ممم يعني لين اليوم آخر الليل هيهي

ههههههههههههههههههههههههه:D
اعرف شعورك

ياسلام عليك ...
شرح جميل جدا منك
مشكور جدا...
ههههه ما زال هناك بعض الاسئلة لكنها بسيطة غير مهمة و لاداعي للتحدث عن الايفا اكثر من هذا...
و قد حان موعد فلم اخر...هههههههههه كنت اتسائل لا يوجد كرتون معقد اخر ليذكره و لكن كان اختيارك الثاني ايضا موفق لاكيرا...ممم بالنسبة لي اعتقد انه لايحتاج الى شرح كثير مثل الايفا ...ولكن فالنرى ما تحليلاتكم لنهاية الفم المقرفة :6 قد تساعد المانجا بفهم القصة اكثر
بالتوفيق

[Last_Angel]

اي.

راسي يعورني...
i think i read that too fast or something :P
احتاج مده الين ما استوعب كل اللي قريته..


بس عندي سؤال ثاني (ادري مصختها :": )
الحين قلت ان ايفا 01 هو اقرب شي لادم... طيب اذا قدروا يصنعونه، ليش ما طوروا هذا الشي للايفتين اللي بعده؟ (حقت اسكا و توجي)


و اخيرا:
domo ariganto goziamasu Ranma and Xero!!
وضحتولي اشياء كثيره حتى اني ما اذكر اني قريتها يوم شفت الفلمين!!



الانيمي القادم اللي راح أتكلم عنه هو ان شاء الله:
Akira
لماذا اخترت أكيرا؟ لأن فيه بعد الكثير من الامور اللي في ناس مافهموها وهذا لاحظته من ردود بعض الاعضاء في منتدى الانيمي وايضا بعض الزملاء على المسنجر...



ماينفع نحط فاصل بينهم؟ :":
يعني ايفانجليون وبعده على طول اكيرا!!
ما نقدر نحط بينهم شي خفيف زي...سلايرز او فروت باسكت مثلا :p
ah nevermind

وشكرا مره اخرى يا رانما على الموضوع ^^

[luna from moon]

سوووري يا Ranma.. ما رديك عليك إلا الحين ...

اول شي موضوعك حلو و مميز ..
بس في مشكله ...

مثل سارا و ميمي .. انا لازم أجوف الأمني كله .. و إذا سمعت عن مقطع منه من دون ما ابدا من أول حلقه .. عادي أفج الأنمي .. حتى لو كان أحلى إنمي

و لو ... موضوعك وااايد فنتكه.. أستمر أيها الناقد المميز;)

و سلمتوا

[Ranma Saotome]

مشكوورييييين على ردودكم

شكرا فلاش انيمي على ردك..
صحيح أكيرا مايحتاج كلام كثير مثل إيفانجليون (الحمدلله) هعهعهع
و اتمنى ان اقدر اشرحه بحيث ان الجميع يفهم الفيلم مثل ماهو مفروض ان يفهم..

لاست انجيل ثنننكس على ردودج..
اي والله صادقه.. ايفانجليون وبعدين على طول أكيرا :" صراحه تعقيد..
أنا اليوم حاولت أقرا أول جزء من مانجا Peach Girl لو تعرفينه.. مع أني قرأته من قبل مره وحده لكن اليوم لما حاولت أقراه حسيت ان مخي وقف.. مايقدر يفهم او يستوعب، وكل تفكيري في الايفا.. الايفا وبس..
ااااخ راسي..
و كنت افكر ان اكتب عن انيمي خفيف بينهم.. للحين ماقررت صراحة لأن انا بعد احتاج ارتاح شوي..
يمكن لو بتكلم عن شي قبل أكيرا.. اعتقد راح أختار كاري كانو His and Hers Circumstances.. شي حلو وخفيف والكل يحبه..
انشالله راح اقرر خلال يومين او 3.. هذا إذا قدرت افكر خلال هاليومين اصلا?:

لونا.. مشكوورة على ردج.. أنا كنت متوقع ان في بعض الاعضاء ماشافوا إيفانجليون.. لكن معظمهم شافوه.. واللي ماشافوه يقدرون يرجعون للموضوع لما يشوفونه، و أنا ماراح اوقف بس عند إيفا، راح اتكلم عن اكثر من انيمي.. وبالتأكيد مو أنا بس اللي راح اكتب، أحتاج مساعدة ومشاركة جميع الاعضاء عشان الكل يفهم اللي مافهمه ويشارك ويقول لنا اللي عجبه في الانيمي ويعتقد انه يميزه عن غيره :)

نقطة أخيرة.. بخصوص سؤالج لاست انجيل.. بصراحه مادري ليش بالضبط... لكن يمكن.. لأن إيفا 00 كان مجرد نسخه تجريبية او غير كاملة 100%.. وبعدين إيفا 01 أشرف عليه إيكاري بنفسه.. بعكس إيفا 02 اللي تم انتاجه في ألمانيا، ويمكن بعد لأن إيفا 01 يحتوي على روح أم شنجي (زوجة إيكاري) بالداخل.. لهاسبب إيكاري جعل إيفا 01 مميز عن الباقي.

و ايه بعد شي أخير..
فتحت مثل هالموضوع في نفس الوقت في منتدى الانيمي.. وكنت اكتب تقريبا نفس الردود.. يعني بعد يعتمد على الردود اللي كانت في الموضوع الثاني..
بصراحه التجاوب في منتدى الانيمي ماكان مثل التجاوب هنيه.. صحيح ان كان في ردود هناك.. لكن هنيه كان في اسئلة وتجاوب عجبني اكثر.. هناك كان في بعض الاسئلة أيضا، لكن لازال الموضوع هنا مشجّع اكثر..
الحين مادري اذا كان راح اكمل مع الموضوعين أو أكنسل اللي في منتدى الانيمي.. لكن اعتقد اني راح اكمل مع الموضوعين واشوف التجاوب مع تحليل الانيمي الثاني.. وبعدها أقرر

يا ريت لو تكتبون اراءكم واقتراحاتكم بخصوص الموضوع :)
أو بعض الانيمي اللي تبون ان اتكلم عنه، لكن المشكلة ان يمكن ماشفت الانيمي اللي تبونه.. لكن مو مشكله.. اللي يبي يقدر يكتب عن الانيمي اللي هو يبيه والاعضاء الاخرين اللي شافوه يردون عليه..
هذا مو موضوعي انا بس.. هذا موضوع الجميع ;)

سوري عالاطالة..
باااااي

[Madoka]

سلام ^_^

اشلوووونك اخوي رانما ؟^.^

خلصت تحليلك لايفا @@ ؟؟ و اخيرا :)

انا بانتظار تحليلك للمسلسل الجديد ^__________^
و يعطيك ألف عافيه على موضوعك ;)


سي يوو :-)

[Last_Angel]

هيلو ^^


يص قريت اول فوليومين من peach girl (ثانكس اجين تو اورنج رود فور هر ريكومندايشن ^^) بس ما طلبت الباقي ولمن سافرت ما لقيت اللا فوليوم 8 >_<
بس ان شاء الله بطلب الباقي!!


همم.. كاري كانو.. سامعه الكثير عنه بس لسا ما شفته.. بس اي ثينك انه في الطريق جاي ^^
ان شاء الله اشوفه و اتبعه بالتحليل الرانماوي مباشره :D


واما عن الموضوع في منتدى الانيمي: انا ادخل منتدى الانيمي كثير.. بس مدري ليش قررت ارد على الموضوع هنا مو هناك.. يمكن عشاني i frequent هذا المنتدى اكثر :o

بس كمله هناك.. وشوف ايش يصير.. اذا قعد على نفس الحاله.. كنسله وحط لينك لموضوعك هنا عشان اللي متابعينه هناك يجون هنا :D


waiting for the next analysis ^^

[Ranma Saotome]

ثنكس مادوكا :)
شرايج، أكتب عن أي انيمي؟
ودي اكتب عن انيمي انتي شفتيه عشان اشوف ردودج ورايج بعد :D


و لاست انجيل.. انا بعد اقول ثننننكس لأورنج رود لأنها هي اللي نصحتني فيه.. انا لقيت كل الاعداد لكن العدد الثاني كان out of stock لكن ما أثر وايد على القصة

شكلي بكتب عن كاري كانو.. لكن المشكلة ان الموجود عندي لين DVD3 والمشكلة ان الموقع اللي اطلب منه مانزل عنده للحين DVD4.. بينزل عندهم في الصيف ?:
الحين صج متوهق شسوي..
أخ لو عندي الحين Hellsing كان كتبت عنه.. لكن مو موجود عندي الحين..
لكن Hellsing من ضمن القائمة اللي ناوي اتكلم عنها بعد

هاه شرايكم؟ اكتب عن شنو :"

و أكيرا بعد القصة الكاملة موجوده في المانجا.. وأنا ماعندي المانجا كامل ?:
plzzzz help moi

[xero]

مياو

:D




اذا بغيتو اي اسئلة عن hellsing فاسئلوا الخبير هنا :D


انا عندي الـfull volume يا رانما مياااااوييييي

[Rex]

هالموضوع عاجبني جدا !!!
ولازم تكون فيه تحليلات دوم ...
على الأقل تحليلات مبسطه وبشكل عام :)


أخ زيرو حطلنا تحليلك عن Hellsing اذا تقدر...
أنا تابعته للحلقة السادسة ووقفت ... أبي أعرف اذا كانت الحلقات القادمة أكثر تشويقا ;)


اي عضو عنده تحليل يحطه :-) ...

[Last_Angel]

يش يش بليز اكتب عن هيلسينج!!

مره حلو الانيمي بس مره قصير >_<

[xero]

اولا


اول تحليل

قصة الاوفا بإختصار تتكلم عن قيام جماعة من النازيين الجدد بإختراع micro ship يحفز قدرات الفامبايرز لدى البشر العاديين ولكن لا تعطيهم حكمة الفامبايرز.
ومن هنا يبدأ الصراع معهم....

alucard : فامباير اصلي وليس هجين عمره غير معروف ولا حتى اي معلومات معينة وهو سلاح منظمة هيلسينج القوي ضد الفامبايرز.... يقال ان عمره يتجاوز الـ500 سنة!....ولا تعرف الاسباب التي جعلته يتحالف معهم...ولكنه يقال انه يفعل ذلك تكفيرا للأخطاء التي فعلها بالماضي او لسبب اخر....احب التحدي فقرر تحدي بني جنسه من الفامبايرز وهو لديه ارادة قوية جدا!! ....صعب الهزيمة في القتال!....تقريبا من المستحيل قهره!

ويقال عنه انه في الاصل vlad the aka 3 !!!!!

hellsing : هذي اسم العائلة لintegral wingates والتي هي بدورها وريثة عائلة هيلسينج والذين كانوا مشهورين بتصديهم ومطاردتهم لمصاصي الدماء والمخلوقات الغير بشرية لحماية بريطانيا و الملكة من اخطارهم
ومؤسس العائلة هو van hellsing الذي يعتبر اول من قاتل اللورد دراكيولا

ceras victoria :هذه الفتاة الصغيرة والتي قادها الحظ العاثر هي وفريقها لمواجهة الـghouls الذين هم اموات ويكونون اتباع للزومبيز ونتطرق الى الفرق بين الفامباير والghoul :

لكي يصبح الشخص فامباير يشرب فامباير اخر من دمه ولكن ليس كله ومن ثم يخلط دمه بدم الذي سيصبح فامباير

والـghoul هم اصلا قد ماتوا وتم ادخال جزء من دم فامباير ليصبحوا اتباعا له من دون وعي او ارادة

انا ودي لو تسألون مثلا اسئلة لأني مو لهناك بالشرح

وانشالله سأضع المزيد والشرح لكل حلقة

سلامو



اتوقع بعض الاسئلة منكم اوكيك