اي سؤال في بوكيمون:جولد&سلفر&كريستال&يلو.....انا حاضر‍‍ [الأرشيف]

الرهـــــــــيب

31-03-2003, 02:06 PM

الرسالة الأصلية كتبت بواسطة SUICUNE
يله يا شباب اي سؤال اي استفسار اي واحد يبي يختبرني انا حاضر

طبعا انا مخلصهم كلهم و حافظهم :D

يله يا شباب انا جاهز

أحم....أحم....

أخوي في واحد مسوي زي هذا الموضوع من قبلك والموضوع له الى الأن 5 صفحات وهو موضوع الأخ كنفورو أظـــغـــط هـــنـــا لــزيـــارة الــمــوضـــوع (http://montada.com/games4arab/showthread.php?threadid=181546)

وفوق هذا اربعه سألوا ولا رديت عليهم:أفكر:

رماح المدرع

31-03-2003, 11:01 PM

سيوكن فينك

SUICUNE

01-04-2003, 02:29 PM

انا هنا يا شباب اسف على التأخر

يا الرهيب يمكنه هو ياخذه من موقع لاكني انا مخلصهم كلهم و حافظهم حفظ ;-)

جيم ماستر :لازم تصيد الأسود الثلاثه الي هم : انتي رايكو و سيوكن و بعدين تروح جزيرة كانتو و تروح مدينه وسام الوان الطيف و روح كلم واحد في المستشفى.

رماح المدرع: روح الكهف الي موجود فيه لوغيا ;-)

staross:
الوسام الثامن موجود بعد ما تخلص مبنى الراديو اذا خذيت وسام الجليد روح الى مبنى الراديو و خلصه من العصابه و ارجع لمدينه الوسام الجليدي و اهب الى شرقها و كمل طريقك في نهايه الطريق راح تلاقي النادي ;-)

staross

01-04-2003, 04:38 PM

مششششكووور

وانا الان في الدوري(صعب):" :غضب:

و شكرا مرة اخرى

staross;-)

رماح المدرع

01-04-2003, 09:55 PM

مشكور

SUICUNE

02-04-2003, 01:20 PM

العفوو يا شباب

و اي سؤال حطوه هنا و انشاء الله راح اجاوب عليه ;-)

خالد 333

02-04-2003, 01:36 PM

أخوي SUICUNE وين ألقى البوكيمون لوجيا في جولد

ومشكور على الموضوع.

سلام :cool: :cool: :cool:

SUICUNE

02-04-2003, 01:45 PM

تلاقيه في الكهف حقه

;-)

و اذا تبغى مكان الكهف اول شي روح للميناء الي فيه السفينه و وسام الفولاذ

روح غرب المدينه ثم جنوبها في البحر

المهم خلك باتل سيده راح تلاقي اربعه كهوف

الكهف الي فوق على اليسار هو كهف لوجيا ;-)

ملاحظه : ما راح تلاقيه الا اذا خذيت سلفر وينج

و هذي تاخذها من عجوز في مدينه بروك الوسام الصخري ;-)

خالد 333

02-04-2003, 01:48 PM

مشكور أخوي SUICUNE وماقصرت والله يعطيك ألف عافة أنا ألحية بجربها

سلام
:0) :0) :0) :0)

SUICUNE

02-04-2003, 01:54 PM

العففووو:D

SkaveN

02-04-2003, 02:11 PM

بسلفر كيف اصيد هو اوه

و كيف اروح لاش...اخوي راح له بجولد
اما انا ما عرفت في واحد يسد طريق السيلفر كيف

SUPER TAILS

02-04-2003, 05:25 PM

الناس الحين تطوروا.....قاموا يلعبون نسخت روبي/ وسافير.....:D :D :D

وانتوا لين الحين.......

بس في شيئ ممكن يخليني اللعب بالقديم......

لو كان بأمكاني نقل البوكيمونات القديمه الى النسخه الجديده...

بس للاسف مايصير...(يقولون يمكن يصير بستاديوم 3)

وهذا الشيء الي خلاني اكره اللعب ب(ريد وبلو ويلو وجولد وسيلفر وكريستال).......;-)
================================
على فكره انا خلصت الاجزاء القديمه بس باقيلي روبي....
================================
وشكرا اخوي سيكون على الموضوع......:0)
================================
super tails
= = = = =

SkaveN

02-04-2003, 06:34 PM

على ما اظن روبي ممنوعة بالسعودية:p

العميل السري7

03-04-2003, 05:53 AM

سؤال في بوكمون كريستال

انا احين في المدينه الي فيها الوسام 5 يطلبون مني اني اسبح وانا علمت بوكمون السباحه لاكن الكود الي علمته اياه يمكن غلط عشان كذا قولي شو الكود والحل

staross

03-04-2003, 03:02 PM

بعد الدوري في بوكيمون كريستال :6

كيف ارجع سابرينا للنادي:" :" :"

staross;-)

SUICUNE

03-04-2003, 07:56 PM

شوي شوي يا شباب واحد واحد :D

KeNzA: تلقاه في نفس محله شمال مدينه الأشباح ((وسام الأشباح))

العميل السري7:ما فهمت سؤالك وضح

staross:

?: ?: ما فهمت وضحلي?: ?:

العميل السري7

03-04-2003, 08:11 PM

انه رئيس النادي الخامس اعطاني خاصيهHM4 لاكن المشكله انهم يطلبون مني السباحه وانا معلم بوكموني ومايسبح ليش

SUICUNE

04-04-2003, 07:35 AM

اهاااااا

الحين فهمت

لان فيه نادي لازم تخلصه

اعتقد انك شقحت نادي و ما خذيت وسامه

روح دور هذا النادي و اذا خذيت الوسام راح يسبح بوكيمونك ;-)

العميل السري7

04-04-2003, 08:06 AM

لاكن رئيس النادي ناديه فاضي ماينلعب فيه

وهو اعطاني الخاصيه (HM4) ومايسبح

SUICUNE

04-04-2003, 05:09 PM

انت قولي اي نادي فاضي

وين مكان النادي؟؟

اي وسام؟؟

و انا اقدر اشرحلك ;)

العميل السري7

05-04-2003, 03:47 PM

أخوي انا خلصت هذا المكان واخذت الوسام السابع لاكن المسكله يقولي طوف وكهف عشان توصل لمدينه رقم 8 وتاخذ الوسام 8 ممكن تقولي يقصدون بأي كهف

SUICUNE

06-04-2003, 02:40 PM

كهف الجليد

لما تحرر مبنى الراديو من العصابه و بعد ما تاخذ وسام الجليد

روح يمين المدينه و كمل طريقك

في نهايه الطريق راح تلاقي كه اسمه كهف الجليد

اعبر الكهف و راح يوصلك الى مدينه التنين الوسام الثامن و الأخير ;-)

الصاعق2004

10-04-2003, 11:33 AM

السلام عليكم

اناخذيت الوسام الاول في بوكيمون جولد يوم رحت حصلت شجره
هذي صورة الشجرة
http://game4u.jeeran.com/pokemon%20gold.png
أبي الحل

ضروووووووووووووووووووووووووووووووووووووووورري

العميل السري7

10-04-2003, 11:37 AM

شوف انت ارجع ورا شوي بتحصل بيت قدامه سجاده ادخله واطلع من بابه الثاني وبعدين انت كمل وشوف

الصاعق2004

10-04-2003, 12:00 PM

مشكوووووووووووووور

الصاعق2004

10-04-2003, 03:02 PM

سلام عليكم انا خذيت الوسام الرابع ورحت المدينه ألي فيها النادي الخامس في رجال واقف عند الباب رحت بيت ولقيت رجال وكلمته وفتحلي درج ودخلته وما عرفت شا سوي
وهذي الصور
الرجال
والنادي

الصاعق2004

10-04-2003, 03:03 PM

وهذي صورة الدرج

الصاعق2004

10-04-2003, 03:10 PM

وهذي صورة البيت ألي موجود به الدرج

العميل السري7

10-04-2003, 03:13 PM

اخوي راويني شو الي في الدرج يمكن اقدر اساعدك

الصاعق2004

10-04-2003, 03:56 PM

أخوي العميل السري هذي صورة الدرج من داخل
بس ماقلت لي شلون أخلي الرجال يقوم من عند باب النادي الخامس

العميل السري7

10-04-2003, 04:00 PM

اخوي هذي شرحها شوي طويل ضيفني عندك بقولكmo12a@hotmail.com

اتاوي الغربية

10-04-2003, 09:54 PM

عندي سؤالين وأرجو الأجابة عليها
1- هل يوجد لوغيا في كرستال مع التضيح على مكانه بالصور أرجو منك فعل ذلك
2- يوجد كم بيضة(( egg)) في بوكيمون كرستال واحدة أو أكثر

وشكراً:0) :0) :0) :0) :0) :D :0) :D :0) :cool: :cool: :cool: :cool:

الصاعق2004

11-04-2003, 01:53 PM

شباب أبي مساعدتكم انا في مدينة OLIVINE CITY فيها نادي فاضي

هذي صورة النادي من الخارج

الصاعق2004

11-04-2003, 01:54 PM

وهذي صورته من الداخل

الصاعق2004

11-04-2003, 01:55 PM

وهذي من الداخل (((((2)))))

SUICUNE

11-04-2003, 04:26 PM

اتاوي الغربية:
1- ايه فيه لوقيا في بوكيمون كريستال و هو موجود في نفس مكانه ;-) في الكهف

2- يوجد بيضتين اساسيتين بيضه توجبي و بيضه يعطيك اياها مربي البوكيمون و تستطيع ان تاخذ بيوض كل ما حطيت عدد معين من البوكيمونات عند المربي ;-)

الصاعق2004 :

روح شرق المدينه و راح تلقى مبنى كبييير ادخله و لازم توصل الى اخر دور راح تلقى رئيسه النادي و تقولك اناها تبغى علاج لبوكيموناها

h+m

14-04-2003, 12:44 PM

هلا لو سمحت ممكن سؤال؟
هل أقدر أطلع لوجيا وجولد وكريستال في شريط واحد يعني مثلاُ في شريط جولد

وإذا أقدر ممكن الطريقة؟

SUICUNE

14-04-2003, 04:33 PM

ما فهمت سؤالك

اشرحلي

رماح المدرع

14-04-2003, 06:34 PM

الرسالة الأصلية كتبت بواسطة SUICUNE
ما فهمت سؤالك

اشرحلي

يعني قصده هل يستطيع ان يمسك لوجيا وهوهو (جولد) وكريستال

الثلاثة في شريط واحد مثلاً جولد هل يستطيع ان يمسك الثلاثة بنفس الشريط

وشكراً;-)

Triple HHH

15-04-2003, 01:32 PM

بسال سؤال اضيف للعبة جولد شفرات او افضل اني ما اضيف شفرات؟

وبسال سؤال كيف اخل البوكيمون الي على شكل شجرة يتحرك من وين اخذ الاداة؟

وشكرا

SUICUNE

15-04-2003, 05:31 PM

طبعا يقدر يمسكهم كلهم في شريط واحد
;-)

Triple HHH:

سؤالك الأول ما فهمته

اذا كنت تقصد شفرات الجيم شارك انت بكيفك تبغى تضيفها ضيفها انت حر

و سؤالك الثاني

قولي وش اسم الشريط الي تلعب فيه

لان الطريقه تختلف من شريط الى اخر

;-)

فارس الخير

18-04-2003, 04:49 PM

شباب أنا أحتاج المساعدة في بوكيمون بلو أنا وصلت مدينة الوسام الخامس وهزمت قائد النادي و هذه صورة للنادي من الداخل و هذا هو قائد النادي

فارس الخير

18-04-2003, 04:57 PM

أنا أريد الذهاب إلى مدينة الوسام السادس فكيف أذهب إلى هناك
ملاحظة:أنا هزمت قائد النادي و علمت بوكيموني السباحة و هو يسبح أنا أريد الذهاب إلى مدينة الوسام السادس و مع العلم أن قائدة النادي هي سابرينا قائدة النادي السادس الذي أريد الزهاب إليه

أرجوا منكم المساعدة;-)

SUICUNE

18-04-2003, 07:23 PM

طيب انا راح اعلمك

روح المدينه الي فيها نادي الوان الطيف

و بالتحديد المبنى الكبير الي يبيع كل شي (((السوبر ماركت الكبير)))

تلقاه في شمال غربي المدينه

المهم

روح الدور الي قبل الأخير و راح تلقى بردات

اشتر علبه الماء

و بعد ما تشتريها اطلع من المبنى

و روح شرقها

يعني توجه لمدينه سابرينا

كلم الحارس و اعطه زجاجه الماء (((راح يكون الحارس عطشان)))

و طبعا عرباّّ عن شكره راح يدخلك المدينه

و الله يعينك هناك خاصه المبنى الكبير كله فيه عصابه الرداء الأبيض :D

و انصحك تروح تمسك زابدوس و ارتكينو الحين قبل ما تروح المدينه ;) ;-)

الحاير الولهات

19-04-2003, 09:42 PM

الظاهر إني بساعدكم عشان أنا عديت كل هذه المناطق ووصلت الجزيرة

الثانية وخلصت فيها 4 أوسمة لكن شلون أقعد سنورلاكس من نومه

يعني وين مزمار البوكيمون في بوكيمن سلفر

The Legendry Hero

20-04-2003, 01:29 PM

هل في بوكيمون كرستال أستطيع أن أمسك هوهو ولوجيا معا

وإذا في ممكن تخبروني المكان بالتفصيل

Tom Cruise

21-04-2003, 06:53 PM

كيف آخذ الوسام الرابع في سيلفر كل ما أدخل قاعة الوسام أطيح في الحفره:"

أرجو الردالسريع

رماح المدرع

21-04-2003, 10:40 PM

الرسالة الأصلية كتبت بواسطة محترف البوكيمون
هل في بوكيمون كرستال أستطيع أن أمسك هوهو ولوجيا معا

وإذا في ممكن تخبروني المكان بالتفصيل

اخويا تم الأجابة عن هذا السؤال من قبل;-)

رماح المدرع

21-04-2003, 10:41 PM

الرسالة الأصلية كتبت بواسطة أسير الملاعب
كيف آخذ الوسام الرابع في سيلفر كل ما أدخل قاعة الوسام أطيح في الحفره:"

أرجو الردالسريع

شوف انت لازم تمشي على طريق مستقيم اول ما تدخل امشي يمين على طريق مستقيم واطلع ويسار مستقيم الين ما توصل للزعيم

وان شاء الله انك تكون فهمت

اخوك رماح المدرع

رماح المدرع

21-04-2003, 10:43 PM

انت لازم تمشي مستقيم على الشي الأسود يمين واطلع خطوة ويسار واطلع خطوة وهكذا

star dragon

22-04-2003, 08:05 PM

هل يمديك تحط العاب بوكيمون جولد وسيلفر وكريستال ابغى احملهم عشان عندي لعبه جولد وسلفر بس السيف كل مره ينمسح

المبرمج الصغير

25-04-2003, 04:53 PM

إذا كملت جمع كل الأوسمة وكملت دوري الجوتو وذهبت بالسفينة إلى مكان آخر.......

رأيت كهفاً لكن هناك البوكيمون(سنورلاكس)على الكهف فكيف استطيع ان اوقظه وأعبر إلى الكهف؟؟

star dragon

26-04-2003, 09:27 PM

محد بيجيبلي ذيك الالعاب

Lunar Poet

27-04-2003, 06:58 PM

كيف أخلي بطلة الوسام السادس تطلع من الـــLighthouse؟

و شكرا

Tom Cruise

07-05-2003, 09:22 PM

أشتريت أدفانس بس علشان البوكيمون كريستال و شفته تافه أتغامر ببيكاتشو هل أستطيع أغامر بآش أرجو الرد السريع:غضب:

SNK

10-05-2003, 09:14 PM

اريد اسرار لجولد وسيفر وكريستل

SUICUNE

11-05-2003, 01:12 PM

والله انا ما عندي اي سر فيهم للأسف :"

بس اسألنب اي سؤال و انا راح اجاوبك ;-)

القط الوردي

05-08-2003, 04:55 PM

أين أجد هجمة الشعاع الضوئي solarbeam Attack الخاصة بالبوكيمونات النباتية في بوكيمون سيلفر ؟

logia

05-08-2003, 06:39 PM

أين أجد هجمة الشعاع الضوئي solarbeam Attack الخاصة بالبوكيمونات النباتية في بوكيمون سيلفر ؟
من الطريق 27 ;-)

SUICUNE

06-08-2003, 10:02 PM

شكرا على رد يا logia

القط الوردي

08-08-2003, 08:21 PM

من أين أحصل على moon stone في بوكيمون سيلفر؟ أين أجد إيفيEEVEE وكيف أستطيع تطويره إلى إيسبيون ESPEON أو إلى أمبريون UMBREON ?

hmood_00746

09-08-2003, 12:08 PM

يا ناس يا عالم محد عنده لعبه لبوكيمون لجولد او سلفر ارجوووووكم ساعدوني :" :" :" :" :"

Lunar Poet

09-08-2003, 09:26 PM

الرسالة الأصلية كتبت بواسطة القط الوردي
من أين أحصل على moon stone في بوكيمون سيلفر؟ أين أجد إيفيEEVEE وكيف أستطيع تطويره إلى إيسبيون ESPEON أو إلى أمبريون UMBREON ?

تلقاه في مدينة الوسام الثالث بتلقى رجال يعطيك اياه
اما عن التطوير لازم تخليه يحس انك تحبه يعني لازم دايما تلعب فيه و تعالجه من اي سم او اي شلل باقصى سرعة و تكثر من اعطائه الايتيمات

اذا كنت في الليل يصير UMBREON
و اذا كنت في النهار يصير ESPEON

تحياتي;-)

Lunar Poet

09-08-2003, 09:37 PM

في بوكيمون كريستال النسخة اليابانية وين نلقى سليبي و شلون نطلعه؟

القط الوردي

09-08-2003, 10:06 PM

شكرا يا Rayman Advance ولكن أين أجد البوكيمون كليفري ؟ أين أجد أداة حجر القمر moon stone اللازمة لتطوير كليفري ؟ أين أجد البوكيمون مستر ماين ؟ ومعليش على الإزعاج

المجنون2002

11-08-2003, 01:35 PM

في بوكيمون كريستال وصلت عند الزعيم اظني الخامس المهم اني ادخل القاعه القى شخص اضارب معاه وبعدين القى ارضيه سوده امشيء عليها يطلع لي شيء ابيض وارجع من اول القاعه .

مع العلم انه عندي بوكيمون شبح وهو جاسلي .

وابغي اسبح عشان اوصل الجزيره واحضر الدواء من الجزيره .

اوظني الحركة هي surf وهي تحتاج وسام من وين احصل على الوسام .

من رئيس القاعه الخامسه .

وارجو المساعده لو سمحتم .

شو اسوي عشان اتحدى رئيس القاعه .

واكون لك من الشاكرين .

MAX_SHADOW

12-08-2003, 05:56 PM

لو سمحت ابي اعرف شلون احصل على
suicune , entei ,Mew, Mew2 , bulbasaur , charmander , squrtel

المجنون2002

12-08-2003, 09:52 PM

اخوي وينك ما رديت على ارجوك اخوي حاول ترد علي في اقرب وقت .

والسلام عليكم ورحمة الله وبركاته.

زعيم الهكرز

13-08-2003, 05:53 AM

انا فزت على ميستي وبروك ورحت لمدينة بعدها المدينة يوجد بها سفينة لا زم أهزم الي في السفينة هزمتهم بس ما عرفت اكمل ياليت لو تعلمني كيف اكمل تكفاااااااااااااااااااا:# احب رجلك بس ساعدني

وإذا في اسررار للبكيمون يلو لاتبخل علينا

أرجو الرد في اسرع وقت ممكن ;-)

فيه ملف مرفق

المجنون2002

13-08-2003, 11:47 PM

ياخوي وينك ما رديت علي صار كم يوم شباب وينكم محد يعرف حل لمشكلتي ز

استغفر الله العظيم .

المجنون2002

14-08-2003, 12:55 PM

شو وينك ليش ما ترد علي شو ها مب معبرنى .

hmood_00746

14-08-2003, 01:55 PM

شباب ابي اعرف انا فى المدينه الثالثه كيف اروح المدينه الرابعه :" :" :" :"

N E O

14-08-2003, 04:32 PM

حياكم
لو سمحت اريد ان اعرف كيف استطيع الحصول على الاسطوريين
entaiوrakio في بوكيمون كريستال علما انني العب على البي سي
ومشكووووووووور:0) :0) :0)

MUSTANG_2004

23-08-2003, 01:24 PM

ممكن الحل الكامل لبوكيمون كريستال لو سمحتوا اخواني

SUICUNE

25-08-2003, 01:13 AM

http://www.pokemonelite2000.com/gbc005.gif http://www.pokemonelite2000.com/gbc054.gif http://www.pokemonelite2000.com/gbc120.gif http://www.pokemonelite2000.com/gbc007.gif http://www.pokemonelite2000.com/gbc025.gif http://www.pokemonelite2000.com/gbc149.gif

للحصول الأسود المتبقيه انصحك بأستخدام Reple

في العشب و راح يطلعلك بنسبه 90%

.::RaK_BoY::.

25-08-2003, 04:18 PM

كيف أحصل البوكيمون الإسطوري لبوكيمون كرستال

SUICUNE

26-08-2003, 05:04 PM

]http://www.pokemonelite2000.com/gbc005.gif http://www.pokemonelite2000.com/gbc054.gif http://www.pokemonelite2000.com/gbc120.gif http://www.pokemonelite2000.com/gbc007.gif http://www.pokemonelite2000.com/gbc025.gif http://www.pokemonelite2000.com/gbc149.gif

للحصول الأسود المتبقيه انصحك بأستخدام Reple

في العشب و راح يطلعلك بنسبه 90%

خالد 333

27-08-2003, 01:11 PM

أخوي سويكن آسف لأنني لم أشارك بالموضوع من زمان:":

المهم عندي سؤال وين مكان كرة الGS :أفكر:

ومشكور سلفا;-)

سلام:cool:

:naughty:

المجنون2002

02-09-2003, 01:21 AM

استفسارين اول استفسار انا بغيت البوكيمونات الاسطوريه وانت تقول لازم تكون واقف فوق مكان عشب

وتسو Reple وش يعني Reple .

السؤال الي بعده وهو.

اي احصل على اخر رئيس قاعه .رحت الكهف الي فيه الثلج وعبرته وكملت ووصلت الى القاعه والحين ما عارف شو اسوي وكيف احصل على بوكيمون النار magmrer.

انشاء الله ما اكون تقلت عليك.

وارجو الرد.

.::RaK_BoY::.

02-09-2003, 06:54 PM

1)حصلته لكن كيف أزخه 2) وين أحصل الأسد الثالث

الهنتر

03-09-2003, 11:36 AM

من وين أحصل هذي البوكيمونات

http://www.mewheart.com/icon/200.gif

http://www.mewheart.com/icon/197.gif

http://www.mewheart.com/icon/228.gif

وشكرا ;-) ;-)

sistek

04-09-2003, 12:18 AM

عندي معليش كم سؤال بس :

1- هل سليبي موجود في كريستال أو لا ووين مكانه إذا موجود http://www.pokemasters.net/images/games/ruby_sapphire/rs386.png

2-شلون أطور سايثر إلى سيزور http://www.pokemasters.net/images/games/ruby_sapphire/rs281.pngإلى http://www.pokemasters.net/images/games/ruby_sapphire/rs355.png

3- شلون أطور سيدرا إلى كنجدرا http://www.pokemasters.net/images/games/ruby_sapphire/rs185.png إلى http://www.pokemasters.net/images/games/ruby_sapphire/rs186.png

4- وين ألاقي الدارك أبريوكون

5- وين ألاقي حجر التطور الكهربائي ( ثندر ستون )

6- وين ألاقي هيتمونلي وهيتمونشان http://www.pokemasters.net/images/games/ruby_sapphire/rs274.png و http://www.pokemasters.net/images/games/ruby_sapphire/rs275.png

7- شلون أطور دراجونير إلى دراجونايت http://www.pokemasters.net/images/games/ruby_sapphire/rs303.png إلى http://www.pokemasters.net/images/games/ruby_sapphire/rs304.png

آمل إني ماطولت عليكم بس أتمنى إنكم تجاوبوني

تحياتي

.::RaK_BoY::.

06-09-2003, 12:33 PM

أرجو الجواب :vereymad:

sistek

07-09-2003, 10:32 PM

من وين أحصل هذي البوكيمونات

http://www.mewheart.com/icon/200.gif

http://www.mewheart.com/icon/197.gif

http://www.mewheart.com/icon/228.gif

وشكرا ;-) ;-)

الأول تلاقيه في كهف آش في سيلفر

الثاني تعطي إيفي pp up و hp وغيرها يعني تصادقه وفي الليل يتطول إليه

الثالث شوف في البوكي دكس هو موجود في الجزيرة الثانية

.::RaK_BoY::.

09-09-2003, 02:42 PM

لو سمحت بسرعة :mad: :motz:

sistek

09-09-2003, 08:23 PM

أخوي تلاقي الأسود الثلاثة بالصدفة

بس أحسن طريقة عشان تصيدهم وأنا مجربها أكثر من 3 مرات إنك :

تصيد رايكو بالمساتر بول ( لأنه سريع وبسرعة يهرب )

تصيد سيكون إذا كنت في كريستال بالألترا لأنه مايهرب وفي جولد وسلفر نومه ببوكيمون نباتي إلى أن يصير أحمر إرمي عليه كرة الشرك ( بفتح الشين ) وإسمها لير بول وبينصاد

إنتي نومه ببوكيمون مائي ( بولي وير أفضل حل ) حتى لو لفلك أقل وخليه أحمر وإذا قام نومه مرة ثانية لأنه مابيهرب

.::RaK_BoY::.

10-09-2003, 12:04 PM

أنا ما عندي لير بول

sistek

10-09-2003, 03:41 PM

خذ لك بلو أبريكون ( شجرة ) وروح مدينة أزيليا عند بيت كورت عطه بلو أبريكون وبعد يوم يعطيك لير بول

embrator مدريدي

08-11-2004, 04:12 PM

عندي سؤال بوكيمون جرين الي على الجيم بوي كولر
وصلت عند سنورلاكس مسكر الطريق في قبله سفينة بس راحت وين بروح أنا
معاي بس وسامين
ايش الحل:33:

اش كتشم 4

09-11-2004, 08:26 PM

عندي سؤالين في سلفر؟؟

1 وين احصلS.S. Ticket وRainbow Wing وRadio Card

2 وين احصل

Raikou,Entei,Suicune

يا ريت بالصور

اش كتشم 4

09-11-2004, 08:27 PM

و ياريت بعد اقول لي وين مكان الكلاب الثلاثة

THE BLUE DRAGON

09-11-2004, 10:33 PM

و ياريت بعد اقول لي وين مكان الكلاب الثلاثة
خوي
الكلاب الثلاثة يتنقلون يعني ما في مكان محدد

iSRT8

10-11-2004, 12:04 AM

السلام عليكم انا عندي مشكله في بوكيمون

من شهر ( سلفر ) أنا عندي 13 وسام

وحدي ما قدرت اطلع من المكان البايخ

تعبت والله يلا ابي مساعدتكم

تكفووووووووووووووووون قدري موقفي

:( :( :( :( :(

Sir Auron

09-12-2004, 09:53 PM

كيف احصل على كرة الGS في سلفر:cool:

-**ho-oh**-

10-12-2004, 11:35 AM

أخوي صالح .

وضح كلامك .

الأخ بو جاسم ، كرة الجي اس ما تطلع إلا بالجيم شارك .

تحياتي

SUPER TAILS

10-12-2004, 01:03 PM

كح كححح كححححححح...... :o

شهالموضوع الي يطلع اغبار :D

شنو بوكيمون جولد وسيلفر ؟؟!! :31: للحين ما انقرظو؟!!! :bigeyes:

-**ho-oh**-

12-12-2004, 02:24 PM

صحيح إنه شوية انقرضوا يا سوبر تيلز .

بس هم من أمتع أجزاء لبوكيمون اللي صدرت على الجيم بوي .

تحياتي

iSRT8

14-12-2004, 01:56 PM

باركولي أخوي -**ho-oh**- واخواني واخواتي

خذيت الوسام 16 ودشيت الكهف وذبحت

اش :mad: :mad: :mad: كان قوي والله

بس وين اروح تكف لاتردني لاني علقت

-**ho-oh**-

14-12-2004, 07:25 PM

هلا صالح .

مبروك على الفوز

بقى لك تجمع البوكيمونات كلها 252 بوكيمون .

وتحتاج لجيم شارك ، ولينك كيبل و..و..و.. الخ .

كل الأشياء اللازمة لجمعها .

تحياتي