- المجـاملة ام الصراحة ..؟! -

[ورد]

السلام عليكم ورحمة الله وبركاته


كيف حالكم ...؟؟ ان شالله مبسوطين ...:)


أمس طرى ببالي اكتب موضوع ..وكتبته فعـلا ....بس حذفته ..

وكان اخر جملة بموضوعي ...جاملوني عاد ..


انا سألت نفسي وقلت ...

وش هي المجاملة ؟؟؟

وايش الافضل انك تجامل ام تصارح ؟؟

المجاملة نوع من انواع الكذب ؟؟

هل تستخدم المجاملة كثيرا ؟؟

متى تستخدم المجاملة ..؟؟

وما رايك بالمجاملة ؟؟؟ والصراحة ؟؟

يقول البعض ان الصراحة راحة ؟؟ والبعض الاخر يقول ان الصراحة جراحة ؟؟

فأنت توافق اي القولين ؟؟؟ وتعليقك على كل قول ..؟؟؟


وطرى ببالي مثالي وانا راجعة من الكلية ...( احب افكر وانا امشي :p )

لو شخص يسوي شي معين ...

او يعمل عمل معين ..وقد يبذل فيه جهد ...

بس ما يطلع شغله مضبوط ...

هل نصارحه بان عمله ماهو مضبوط ام نجامله وانقوله شغلك زين ؟؟

:) <== هذي الابتسامة تدل على المجاملة ؟؟

:o<== هذي تدل على الصراحة ؟؟

:p <== تحس انها تجمع بين الشيئين ...



مادري موضوع طرى ببالي ...وحبيت احطه ...

وبالاخير ...

هل انت صريح ام مجامل ؟؟؟ بطبيعة شخصيتك ..


وشوكرااااان ..

[Lena]

الرسالة الأصلية كتبت بواسطة ورد
وش هي المجاملة ؟؟؟
شي يمشون الناس فيه حالهم..

وايش الافضل انك تجامل ام تصارح ؟؟
اكيد اصارح ....وع اكره المجاملات الا في ظروف معينه


المجاملة نوع من انواع الكذب ؟؟
يعني موبدايم..مثلا اذا مدحتشي حق احد مو لدرجه اعجبني بس لانه مابي اكسر بخاطره

هذي موب كذب مراعاة:#


هل تستخدم المجاملة كثيرا ؟؟
لا..

متى تستخدم المجاملة ..؟؟
لما احد يكسر خاطري:#


وما رايك بالمجاملة ؟؟؟ والصراحة ؟؟
المجاملات بالمعاملات بين الناس وعشان هذا ولد فلان ولا هذا مركزه كذا ولاهالشي ما اطيقه

ما في اروع من الصرحه....



يقول البعض ان الصراحة راحة ؟؟ والبعض الاخر يقول ان الصراحة جراحة ؟؟

فأنت توافق اي القولين ؟؟؟ وتعليقك على كل قول ..؟؟؟

الصرحه لوة بحدود ايه اقول الي بقلبي بس ما اجرح الي قدامي
كل شي بحدود
يعني اذا رايك يجرح خلاص احتفظ فيه لنفسك"الا اذا ارغمتك الظروف على اخراجه"






لو شخص يسوي شي معين ...

او يعمل عمل معين ..وقد يبذل فيه جهد ...

بس ما يطلع شغله مضبوط ...

هل نصارحه بان عمله ماهو مضبوط ام نجامله وانقوله شغلك زين ؟؟

يعني اعطيه كلمة حلوة واقول لو تزبط كذا وكذا باسلوب...



:) <== هذي الابتسامة تدل على المجاملة ؟؟

(يعني احس كذا)

:o<== هذي تدل على الصراحة ؟؟
يس انديد...

:p <== تحس انها تجمع بين الشيئين ...
لا موب دايم تجمع بين الشيي احيانا ايه واحيانا لا.....




هل انت صريح ام مجامل ؟؟؟ بطبيعة شخصيتك ..
انا اكثر وحده صريحه بالكون ذا:#
وعلى قوله تيفا لي

الي بالقلب عالكيبورد على طول



يعني الي بقلبي على لساني دايم وفي كل مكان

على قوله واحد عزيز

هالشي يخليك اطيب نيه...

..


حلوو الموضوع شوكرن

[BiN-3Li]

الصراحة راحة:p

[cubelover]

على حسب الي أكلمه

[القــعـقـاع]

هذا الشي يعتمد على الموضوع و الشخص

و ممكن اسوي خلطة من الاثنين:6

[{Shy^Guy}]

الرسالة الأصلية كتبت بواسطة ورد




لو شخص يسوي شي معين ...

او يعمل عمل معين ..وقد يبذل فيه جهد ...

بس ما يطلع شغله مضبوط ...

هل نصارحه بان عمله ماهو مضبوط ام نجامله وانقوله شغلك زين ؟؟




لا تجامل .. لكن بالوقت نفسه لا تحطم !!
و حاول انك تبحث عن الجيد و تمدحه , و تذكر لسلبيات "مع الصنائح الممكنه في النهايه" :أفكر:



الرسالة الأصلية كتبت بواسطة ورد



وبالاخير ...

هل انت صريح ام مجامل ؟؟؟ بطبيعة شخصيتك ..




حقيقة .. لاحظت اني بالانترنت .. ما اجامل الا قليلا..

لكن بالنسبه لمحيطي بخارج الـ"ـغرفه" .. اجامل .. مجاملتي اكثر من النت







على طاري الوجوه و الابتسامات
الوجه هذا ~~~> :-) .. من اكره الوجوه عندي :S
ممكن لان خلف الوجه هذا .. علامات استفهام كثيره !!:":
و اعتق كثيرين يوافقوني ع الشيء هذا (&)

[Justine]

للاسف أنا صريح فوق اللزوم ...

و مجامل فوق اللزوم ....

باختصار ...

تعتمد انت مع مين عمال تتكلم :)


و مشكورة على الموضوع ...

[hitler is back]

موضوع جميل.........تختلف الحاله من شخص الى شخص.يعني المجامله لها وقتها وطريقتها واشخاصها والصراحه نفس الشي

احيانا تجامل الشخص لانك ماتمون عليه..فمصارحته صعبه من البدايه...واحيانا تجامل الشخص كي تستمر العلاقه..ولكن ببعض الاحيان تضطر لقول الصراحه حفاظا على المصلحه..والصراحه دوما تكون مع الاصدقاء ومن (يمونون) فتقدر تقول اي شي..لانه مأخوذ من باب المصارحه في الصداقه

وشكرا لك على الموضوع الجميل :)

[MetalGear]

شوفي

في أشياء ينفع المجاملة فيها واشياء مينفع ..

يعني مثلا ..

انا اشارك بمنتدى الفوتوشوب ..

لو واحد سوى تصميم سيء ،، اقوله سيء لأن كلامي هذا بينفعه

واما عاد اللي يفهمه بطريقة خطأ اهو الغلطان ..

وفي اشياء زي مثلا بالمنتدى هنا

واحد كتب موضوع وتعب فيه .. وانا ماعجبني ..

حرام اقوله موضوعك معفن ومو حلو وماينفع ..:)

لاني باحطمه ،، وفي نفس الوقت مايضر لو جاملته ..

لان شي ماهو مهم .. ولا هو مؤثر على مستفبلك في شيء ما ..

فزي كذا .. احيانا تنفع المجاملة .. واحيانا لازم تجامل .. واحيانا تظلم الشخص لو جاملته ;)

[انجلينا17]

وش هي المجاملة ؟؟؟

انك تكبر رأس اللي قدامك

وايش الافضل انك تجامل ام تصارح ؟؟

على حسب اللي قدامي

هل تستخدم المجاملة كثيرا ؟؟

لا

يقول البعض ان الصراحة راحة ؟؟ والبعض الاخر يقول ان الصراحة جراحة ؟؟
فأنت توافق اي القولين ؟؟؟ وتعليقك على كل قول ..؟؟؟

الشئ اذا زاد عن حده انقلب ضده بالنسبه للاثنين


هل نصارحه بان عمله ماهو مضبوط ام نجامله وانقوله شغلك زين ؟؟

اجامله

هل انت صريح ام مجامل ؟؟؟ بطبيعة شخصيتك ..

صريحه :":

[عماد 18]

اذا اللي قدامي يهمني ..
صارحته ..
لكن بطريقة منطقية مو كاني اسبه ..
اذا واحد ما اعرفه ..
ما اهتم اصلا ..

[FARES360]

وش هي المجاملة ؟؟؟
المجامله هي انك تكلم صديقك لكن بأسعاده وليس الحق ^^

وايش الافضل انك تجامل ام تصارح ؟؟
:p الصراحه راحه ..

المجاملة نوع من انواع الكذب ؟؟
نعم .. لكن بطريقة تجعل أنك تجعل صديقك يرتاح " إن كان لا يهتم بالصراحه .. مثل ما صار مع انابيلي الخروف واصدقاءه:p

هل تستخدم المجاملة كثيرا ؟؟
:p انا لأ .. دايم نكته الموسم ^^ :6

متى تستخدم المجاملة ..؟؟
هممم ... عند الغشمره " نكته ^^

وما رايك بالمجاملة ؟؟؟ والصراحة ؟؟
الصراحه شي جميل لكن ايضا لديه مشاكل .. ولا اقوولكم ... نفس ما قال اودن ;) صح لسانه

يقول البعض ان الصراحة راحة ؟؟ والبعض الاخر يقول ان الصراحة جراحة ؟؟
على حسب الوضع !

هل نصارحه بان عمله ماهو مضبوط ام نجامله وانقوله شغلك زين ؟؟
:6 أذا كان حساس ... اجامله .. واذا قلبه قوي وش ورانا نعطي كلمة الحق بالويه ^^


هل انت صريح ام مجامل ؟؟؟ بطبيعة شخصيتك ..
?: في الحقيقه انا ما اجامل ولا اقوول الصراحه ... (( متكسع+مصرقع+نكته:D )) = ما عنده كلام جد في الأثنين ..!

---------
:) = ابتسامه صديق
:o = صريح وموافق
:p = يسخر او مصرقع

[ستيف بورنسايد]

الرسالة الأصلية كتبت بواسطة BOY_THING
حسب الشخص و حسب الموقف ..

http://boything3.jeeran.com/wood1.jpg
:6 هلايام التواقيع عجيبة

[Anime-Girl]

همم..في الحقيقه انا الصراحه موقعتني في مشاكل احب دائم اقول الحقيقه ,للاسف بسببها الكل فاهمني غلط..احب اساعد الكل الخ ,وايضا اصارحهم من حبي لهم لكن مو اي صراحه ..بس للاسف الناس هالايام متغيره مو مثل اول..لذلك لو جاملت مو مجامله اي كلام..تقدرون تقولون للي ما اعرفهم او للي مايهموني..بديت اتحطم لان الناس مايحبون الصراحه..لكن مهما كان اذا الناس تغيروا انا ما راح اتغير ,لاني ادري اني صح :)

[Tidus]

امممممممم ... موضوع حساس ^^

انا قريت بكتاب علم نفس اجنبي سؤال حلو ... بترجمه :

لو كنت مخير بانك تعيش حياه من هالحياتين ...

الأولى ... حياه كلها كذبه و مجاملات بتخليك عايش فيها بجهل عن كل اللي يدور حواليك ... لكن عايش بسعاده و راحه لان المجاملات اللي تسمعها كانت ترفع من شانك ...

و الثانيه ... حياه صريحه لابعد الحدود ... لدرجة وجود كلمات صريحه كفيله بتحطيمك و تخييب املك ... معدومه من المجاملات ... ممكن تادي لانهيارك و عدم ثقتك بنفسك ... لكن بالمقابل تكون عايش حياه خاليه من الجذب و المجاملات ... عايش حياتك على اكمل وجه و عايشها كلها على بعضها كحقيقه !!!

صراحه هالسؤال عجبني :) من ناحيتي ... أفضل الصراحه ^^ من دون لف و دوران و مجاملات و جذب مرات ... الصراحه تقرب الناس من بعض و تخلي الشخص يفهم الثاني ... مع انها تجرح ... ثقيله شوي ... لكن بتضل هي الصراحه و هي الحقيقه ^^

وش هي المجاملة ؟؟؟
مجرد كذبه يستخدمها الشخص من خوفه انه يجرح شخص اخر

وايش الافضل انك تجامل ام تصارح ؟؟
الصراحه ^^ مع انها صعبه !!!

المجاملة نوع من انواع الكذب ؟؟
أكيد ... شي ما يختلف فيه إثنين ^^

هل تستخدم المجاملة كثيرا ؟؟
من ناحيتي في فرق بين النصيحه و المجامله ... المجامله انك تقول للشخص كلام مو موجود ... بالغالب يكون مدح ... و تسكت !!! اما النصيحه هي نصيحه للاحسن :) و بيتقبلها كل انسان ^^

متى تستخدم المجاملة ..؟؟
ما اعتقد ان استخدامي للمجامله اكثر من استخدامي للنصيحه :6

وما رايك بالمجاملة ؟؟؟ والصراحة ؟؟
ذكرت رايي بالاثنين فوق ^^

[babs bunny]

والله يا ورد على حسب الاشخاص والمواقف الي بنمرها .. والي يصارحني اصارحو والي يجاملني اجاملو .. زي عندي صحبة مررررررة صريحة انا ما اجاملها لانو خلاص اتعودنا على بعض ,, ^^

واعتقد انو الصراحة دي الايام ما تنفع ترى لانو البعض يفهم غلط .. فاحسلي اجامل ..

وشكرا على الموضوع الحلو ^^

تحياتي ,,

[ورد]

لينــا ...

مشكورة على الرد ...

انسانة صريحة ...ولكن تستخدم المجاملة احيانا ....

والمجاملة في نظرك مراعاة لشعور الغير ...:) <== أهذي دليل مجاملة لردك ؟؟؟


بن علي ..

اجل انت صريح ..

بس ما قلت رايك بالمجاملة ..



كوبي لافر & خوباج..

ما قلتوا رايكم بالمجاملة ...

ولا قلتوا وش طبيعة شخصيتكم تميل الى المصارحة ام المجاملة ..



القعقاع ...

بين وبين ...اي وسط ..



اودين ..

شكلك مريت بموقف يجبرك انك تستخدم المجاملة لتنقذك من بعض المشكلات ....

او شفت غيرك يصير له هالموقف ...



شاي قاي ..

..في النت صريح وفي الواقع ...اقل صراحة ..

:-) <== هذا يقهرني لاني احس به يستهزئ او وراه شي كبير ...:p



جاستن ..

تقول للأسف ...
هل يأسف الانسان لصراحته ....:)



هتلر ..

ردك مقنع ...:)



ميتل جير..


لو واحد سوى تصميم سيء ،، اقوله سيء لأن كلامي هذا بينفعه

واما عاد اللي يفهمه بطريقة خطأ اهو الغلطان


ولو اللي سوى التصميم وتعب عليه ...وبالاخير تقوله ..تصميم سيء..

انت تعطيه دافع والا تثبط معنوياته ....؟؟؟؟!!



انجلينا بيل ..

لو انا جاملتك انا اكبر راسك ...:)



عماد 18..

اذا يهمك تصارحه واذا لا ما تهتم تجامل ام تصارح ....؟؟

حاجة جميلة جدن ...:-)



فيرز ..<== اسمك صح كذا :":


مجاملتك تفرح اللي قدامك والا لا ؟؟؟ سالت نفسك هالسؤال ..



بوي ثينج & ستيف بورنسايد ..

شوفوا ردي على خوباج وكوبي لافر ..:)



لوسي ..

وان كان الشخص حساس ...؟؟؟ هم ما عنده سالفة ..



اينمي جيرل ..

انت مقتنعة بشي ...وتعرفين انه صح ..ليش تنظرين للي حولك ...:)


تيدوس ...

كلام معقول ...بس مثل رد هتلر ...الصراحة تعتريها صعوبات ...

ليس كل انسان يتسم بالصراحة او لديه قدرة الصراحة ..فيصارح الكل ..


بابس باني ...

تؤيد كلام اودين ....المواقف تجبرنا اننا نجامل على اننا نصارح ...





اراء مختــلفة ....


ناس عندها الصراحة اهي الشي الاول..

ومنهم اللي يعتقد ان المجاملة منقذ من بعض المشاكل ...

ومنهم يقول استخدم المجاملة للي ما اعرفهم ..

ومنهم اللي احبهم اصارحهم واللي ما اعرفهم ما يهموني ...


بس كيف يكون شعورك لما واحد يجاملك ؟؟؟

تتضايق ..

تفرح...

تزعل والا تقول في نفسك هذا يكذب ...؟؟؟