المساعد الشخصي الرقمي

مشاهدة النسخة كاملة : حديث بيني وبين طالب


BoJasem
06-04-2003, 05:19 PM
السلام عليكم ورحمة الله وبركاته :

طبعا لو تقرون اسم الموضوع تقولون شفيه دارك خربط تراه مو منتدى دراسي او عام ...

لكن انا اقول لكم خلوني اكمل واقروا القصة بين طق طق لسلام عليكو


المهم هذا الحوار حدث بيني وبين طالب معاي في صف الرياضيات طبعا الأخ ماله شغل في الأنرنت ولا ign ولا جيم سبوت و لا المبيعات لا في اليابان ولا امريكا ولا هم يحزنون يعني لاعب عادي من عامة الشعب :6 بعمنى اخر ما يهتم بكلام المواقع شاف اللعبة اعجبته او اصدقاءه نصحوه فيها يشتريها او قرأ عنها في مجلة ...الخ


المهم هذا نص الحوار


انا : خلصت المسالة ..؟

هو : لحظة اروح حق الأستاذ ((برب)) :6

انا : تيت

بعد لحظات .........

هو : هلا شتبي

انا : سلامتك

هو : اقول ذكرتني انت كم قبل يوم حاط اسمك في msn يااااااااهو شريت زلدا ونيد ويكر

انا : اي ليش

هو : لأ شريتها انا بعد

انا : مبروك لعبت فيها ..؟ عجبتك

هو : ايه مو وايد زينة

انا : ليش بالعكس المفروض انك تقول عجيبة روعة

هو : مو روعة عادية يعني حلوة

انا : ليش انت ما لعبت زلدا من اول ..؟

هو : بلى لعبت اللعبة الي على 64 ((ما يعرف اسمها)) وخلصتها وبعدين الجيم كيوب مو ذاك الزود يعني انا عندي البلايستيشن احلى

انا : ليش

هو : لأن الألعاب وايد

انا : لكن الكيوب العابه اسطورية

هو : ايه only for kids

انا : ها !!!!

هو : الالعاب الحلوة كلها على ps2 شوف الاكشن الدم

انا : خل اقول لك شيئ ............(((طق الجرس وقت الهدة ((نهاية الدوام )) )))

نمشي بنطلع

انا : يعني الحين هذة الالعاب مو تارسة عينك يعني gta حلوة وقوية لأنها بس للكبار

هو : ايه حلوة هذة عجيبة


وصلنا باب المدرسة .....

انا : بس زلدا اسطورة ومو شرط انها ماخذة E ((للجميع for every one )) يعني انها للأطفال اصلا جميع الألعاب الممتازة كلها E

هو : انزين لكن ps2 احسن وشفت الألعاب الرعب عليها ريسيدنت ايفل مثلا !!!

انا : لكن زلدا على فكرة يعني حصلت على المراكز وحتى الأن لا تزال ناجحة ومبيعتها فوق المليون الأن !!!

هو : gta وباقي الالعاب مبيعاتهم عدت المليونين وبعدين ريسيدنت ايفل احسن لعبة شفت الناس شلون يشترونها

انا : صح لكن زلدا بعد وعلى فكرة ريسيندت ايفل تنشنط اول الايام لكن تخمد لكن زلدا مبيعات مستمرة وفي زيادة بعد

هو : انزين مع السلامة

انا : مع السلامة


.................................................................................................... .....


المهم مثل ما تلاحظون طلاب عادي يحب الالعاب

وتشوفون بعد ان الأقبال على الالعاب الدموية والعنيفة يزايد ويحبها

واعتبار الألعاب اللتي للجميع انها للأطفال :أفكر:

المهم قصدي

الحين ما هم الشباب بزلدا ولا ماريو

يعني لو تصير زلدا دموية وعنيفة او جهاز الكيوب يصبح 17 وفوق يمكن ينجح عند بعض اراء الناس

طبعا تحسون ان الموضوع شخيف شوي لكن لو تقرونه بتمعن وتفهمونه عدل تكون رسالتي وصلت وشكرا
Grandizer
06-04-2003, 05:33 PM
ههههههههههههههههههههههههههههه


صدق ان ربيعك تايسون :6 :6 :6

مو مشكله لكن فهمه مره ثانيه ان GameCube احسن من الPS ماله علشان لو كانت PS احسن ما كانوا نزلو اي لعبه خربوط مرموط اي كلام بدون تفكير او ابداع مثل زيلدا و شكرا :D
BoJasem
06-04-2003, 05:38 PM
الرسالة الأصلية كتبت بواسطة Grandizer
ههههههههههههههههههههههههههههه


صدق ان ربيعك تايسون :6 :6 :6

مو مشكله لكن فهمه مره ثانيه ان GameCube احسن من الPS ماله علشان لو كانت PS احسن ما كانوا نزلو اي لعبه خربوط مرموط اي كلام بدون تفكير او ابداع مثل زيلدا و شكرا :D

اخوي شكلك ما فهمت فصدي

انا مو معصب عنه لكن لاحظ يعني هذا طالب ما يعرف لا منتدى ولا شيئ مو مثلنا

يعني تخيل شنو اللي مخلي نظرته جذي ..؟ وليش رايه هكذا ؟

فهمت قصدي ؟
RPGgirl
06-04-2003, 06:05 PM
مممممم انت قلتها هو من عامة الشعب يعني لاعب عادي فيمكن ماخذها على اساس إنه ننتندو ما تسوي اشياء دمويه مثل البلاي 2 ولي الحين محافظة على شكل العابها اللي تعودنا عليها والاخ الظاهر ما ياخذ على اساس القصة ابدا ولا جان ما قال هالشي

ببساطة وجهة نظر عادية بالنسبة لوايد ممكن ما كان متابع ننتندو او تابعها والحين شايف إنه مو صغير عشان يلعب فيها فبغى يتطور للاحسن فلقى الالعاب الدمويه هذي اللي مالها معنى ممممم حتى كلامه عن ريزدنت ايفل ترى حتى الكيوب فيها بس شكله غاسل ايده نهائيا منها

لكن ننتندو لو غيرت للي هو يبيه مثلا ما راح تظل ننتندو اللي نعرفها والعابها احلى وبتظل الاحلى ^_^


سايونارا
BoJasem
06-04-2003, 07:14 PM
الرسالة الأصلية كتبت بواسطة RPGgirl
مممممم انت قلتها هو من عامة الشعب يعني لاعب عادي فيمكن ماخذها على اساس إنه ننتندو ما تسوي اشياء دمويه مثل البلاي 2 ولي الحين محافظة على شكل العابها اللي تعودنا عليها والاخ الظاهر ما ياخذ على اساس القصة ابدا ولا جان ما قال هالشي

ببساطة وجهة نظر عادية بالنسبة لوايد ممكن ما كان متابع ننتندو او تابعها والحين شايف إنه مو صغير عشان يلعب فيها فبغى يتطور للاحسن فلقى الالعاب الدمويه هذي اللي مالها معنى ممممم حتى كلامه عن ريزدنت ايفل ترى حتى الكيوب فيها بس شكله غاسل ايده نهائيا منها

لكن ننتندو لو غيرت للي هو يبيه مثلا ما راح تظل ننتندو اللي نعرفها والعابها احلى وبتظل الاحلى ^_^


سايونارا

اولا اهو مو غاسل ايده من ريسيدنت ايفل للكيوب

يعني يحبها لكن ممعم الباقي على انه للاطفال ?:

يعني هل ارتباط اسم نيتندو او ماريو بالعاب عائلية او محترمة يجعلها للأطفال لازم تكون اباحية او دموية او عنيفة

فعلا يبدو كذلك في نظرهم

ويساعد ايضا توافر الكوبي للالعاب الدموية هذة

مثلا لو الكوبي مو موجود لgta يمكن والله العالم ان تنخفض المبيعات الى 50% ((قصدي عن العالم العربي ))

لأني الكوبي يشجع ويساعد على شراء هذة الالعاب


ما رايكم ..؟
RPGgirl
06-04-2003, 09:27 PM
الرسالة الأصلية كتبت بواسطة rk LINK@(|


اولا اهو مو غاسل ايده من ريسيدنت ايفل للكيوب

يعني يحبها لكن ممعم الباقي على انه للاطفال ?:

يعني هل ارتباط اسم نيتندو او ماريو بالعاب عائلية او محترمة يجعلها للأطفال لازم تكون اباحية او دموية او عنيفة

فعلا يبدو كذلك في نظرهم

ويساعد ايضا توافر الكوبي للالعاب الدموية هذة

مثلا لو الكوبي مو موجود لgta يمكن والله العالم ان تنخفض المبيعات الى 50% ((قصدي عن العالم العربي ))

لأني الكوبي يشجع ويساعد على شراء هذة الالعاب


ما رايكم ..؟

ايه انا كنت اقصد غاسل ايده من العاب الننتندو لانك مثل ما قلت ارتباط اسم ننتندو او ماريو بالعاب عائلية محترمة ومب اباحيه او دمويه وهذي الخاصية اللي تميز الننتندو وتفقدها بقية الالعاب وبنظره هذا اكبر عيب فيها ..

انا بعد قبل ما اشتري الجيم كيوب دار حوار بيني وبين اختي اصغر مني سالتني شو بشتري اول لعبه طبعا انا واختي الاكبر مني متفقين على إنه هي زيلدا اللي بنشتريها اما الصغيره ما عجبها الوضع قالت اخ شو زيلدا(قويه صح) :D

ببساطة الناس هذي تاخذ بالمظهر الخارجي دون الجوهر :)
SkaveN
06-04-2003, 09:43 PM
يمكنه ما جربها...بس بس عطه سن شاين و بتشوفه مغير رايه عن نينتندو و العابها و بعد ما ينتهي منها عطه زيلدا:6
و شوف وش بيقولك":"
Golden_Sun
06-04-2003, 10:59 PM
نينتندو قالتها .. الجيم كيوب خارج المنافسة :D

ما تقصد إنها مو شي .. او جهاز طفولي لأ .. هي تقصد إن الجيم كيوب له طريقة خاصة فيه لا يستخدمها جهاز سوني ولا جهاز مايكروسوفت ولا جهاز سيجا السابق .. ولا حتى أتاري :6

ألعاب نينتندو .. تعجب الصغار وتبهر ويعشقها الكبار .. يعني شنو ؟
ترضي الطرفين ^__________^

حاول تشرح هالفكرة لرفيجك ولا عطني إيميلية خل أشخلة :6 :p
bah
06-04-2003, 11:48 PM
بييييه....شكلك منقي نقوة:6

عالعموم...اهو شخص ولا رايه....وكل واحد بهالدنية له رايه الخاص....
يعني جرب تكلم واحد ثاني...واحتمال كبير انك تحصل راي ثاني....

على فكرة....شكلك بعد جم يوم بتدش كلية الاعلام...هالايام قمت تسوي لقاءات واحصاءات:6

نسيت اقولك...مشكور;-)
حاول تشرح هالفكرة لرفيجك ولا عطني إيميلية خل أشخلة
انا قايل من قبل...انت ما وراك الا الشر:6
Golden_Sun
07-04-2003, 10:15 PM
الرسالة الأصلية كتبت بواسطة bah
بييييه....شكلك منقي نقوة:6

عالعموم...اهو شخص ولا رايه....وكل واحد بهالدنية له رايه الخاص....
يعني جرب تكلم واحد ثاني...واحتمال كبير انك تحصل راي ثاني....

على فكرة....شكلك بعد جم يوم بتدش كلية الاعلام...هالايام قمت تسوي لقاءات واحصاءات:6

نسيت اقولك...مشكور;-)
انا قايل من قبل...انت ما وراك الا الشر:6

What can i do for u (real emotion:6)

Wait And See What's abood gonna do :D
Yoshi SD
08-04-2003, 02:20 PM
:( والله مشكلة الكاجوال جيمرز هذولا.

ما يدري أن RE 0 و RE 4 ستكون حصرية على الكيوب.

ومترويد من أروع الألعاب وأكثرها إثارة.

وبالنسبة لزيلدا شكله ما لعب فيها كثير علشان يحكم.

أصلاً الشيء الوحيد اللي ربح الـPS2 والـ PSX من قبله هو ألعاب الكوبي.