مبروووك فوزج يا أمريكا

[قوت القلوب83]

حبيت أبارك حق أمريكا بفوزها وياليت لو تباركون لها معاي

تدرون ليش أمريكا فازت ؟؟؟ وبشنو فازت؟؟




























أنا أقول لكم



هي فازت لما شتت العرب والمسلمين

هي فازت لما خلتكم تنشغلون بصراعات بينكم وبين أنفسكم

هي فازت لما خلتكم تهاجمون أخوانكم

هي فازت لما زرعت الكراهية بين الشعوب

وهذا الدليل على كلامي

الكل يكره الكويت ،، والكل يتهجم على الكويت ،، والكل ينبذ الكويت ...

اليوم إنتوا تكرهون الكويت وبكرة الله أعلم من راح تكرهون

مبروك فوزج يا أمريكا قدرتي تشتتين العرب وتزرعين الفتنة بينهم

مبروك فوزج يا أمريكا

:" :" والسلام خير ختام:" :"

[سود الليالي]

مع انج رديتي على برد غير مؤدب بموضوعج الاول

لكن معليش سماااااااااااااااااااح

اكيد امريكا بتفرح بخلافاتنا

بس لاتنسين انكم اول من يساعدها بهذا المخطط وشكرا لج

[قوت القلوب83]

العفو

بس أنا عمري ما غلطت على أحد وعمري ماقليت أدبي على أحد

وإذا كنت تعتبر الرد إللي قلته لك قلة أدب أجل شنو تسمي الكلام إللي إنت وإللي معاك تقولونه عنا؟؟ شنو تسمي السب والشتائم إللي قاعدين تحذفونها علينا من كل صوب؟؟ شنو تسمي الأكاذيب والإشاعات إللي قاعدين تقولونها عنا وتنشرونها بينكم؟؟؟

هل هذا يسمى قمة في الأدب؟؟ إذا كان كلامي فيه قلة أدب وكلامكم إنتوا هو قمة في الأدب في نظركم فهذا معناه إن الكلام معاكم ضايع

وأنا الصراحة تعبت منكم وتعبت من الكلام معاكم لأن الظاهر إن الحسد والغل والكراهية تارسة قلوبكم

حاولت على قد ما أقدر إني أدافع عن نفسي وأدافع عن الديرة إللي تربيت فيها إللي وكلتني من خير رب العالمين وخيرها

لكن راح أصبر عليكم وراح أصبر على حسدكم وغلكم

وراح أتم أدافع عن الكويت وأهل الكويت لآخر لحظة في حياتي

و لا راح أسمح سواء لك أو لغيرك إنكم تشوهون صورة الكويت أو شعب الكويت

والسلام خير ختام

[سود الليالي]

حقد ::: حقد ::: انتم ماتعرفون غير هالكلمه

نحقد حق شنو ::: ليه قالولك يوعانين ولا شنو

انتم اذا عيزتو عن الرد قلتو حقد

نحقد حق تعري البعض من بناتكم ولا على فعايلهم بدبي وغيرها :أفكر:

[( الآزوري 10 )]

فازت امريكا؟؟؟؟؟ كم النتيجة:D :D :D

[DE NILSON]

الرسالة الأصلية كتبت بواسطة ( الآزوري 10 )
فازت امريكا؟؟؟؟؟ كم النتيجة:D :D :D


5-4 بركلات الترجيح لأمريكا

[ولد العرب]

قوت القلوب

موضوعج حلو بالفعل..ونبهتينا لشي كنا غفلانين عنه....وبالفعل امريكا نجحت انها تخليكم منبوذين..تدرين ليش؟؟لأنكم اول من ساعدها
يعني تبونا نشوفكم وانتو تبنون القواعد العسكريه ونصفق لكم؟؟
وتعلنون بكل وقاحه انكم مستمرين في جلب اكبر عدد ممكن من المرتزقة الأمريكان والبريطانيين ونشيد بأعمالكم البطوليه؟؟؟
تبونا نشوفكم تطلعون بمظاهرات وتؤيدون الحرب وتكتبون على اللوحات
(THANK U AMERICA AND UK) وما تبون الناس يكرهونكم؟؟

الا والله يكرهونكم ونص ولو انتو مو حاسين انكم سويتوا خطأ ماكنتوا تتشكون وتقولون ليش الكل يكرهنا

انا ادري انه اللي اطلعوا بالمظاهره ما يمثلون راي الكويتيين ككل ولكنهم بالنهايه سمثلون راي شريحة كبيره من المجتمع الكويتي..وما ابالغ اذا قلت يمثلون راي الشريحه الأكبر!!!!معناة هذا ان الاغلبيه عندكم يؤيدون الحرب!!!

بس في تنبيه ابي انهبج عليه

لما تحاورين اماراتيين حاولي تدورين لج شماعه ثانيه غير شماعة ((الحقد))اللي اغرقتونا فيها وكل ما انتقدكم واحد قلتوله حقد وحقد..تدرين ليش اقول لج دوري شماعه ثانيه..لأنه بكل بساطه احنا مو جعانيين ولا انتو قاعدين تصرفون علينا..والحمد لله الكل مدرك انه المعيشه عندنا افضل من مستوى المعيشه عندكم..والكل بما فيهم انتو يعرف هالشيء...فعلشان جذي دوريلج عذر ثاني نقدر ((نتغصبه))غير الحقد اللي ذليتونا فيه

ملاحظه:بعض الاعضاء الكويتيين يقولون لي ان كلامك هذا تكرر...وانا بدوري اقول كل ما اسمع كلمة حقد من الكويتيين راح ارد بهذا الكلام..لين ما تيوزون وتدورن لكم عذر ثاني غير ((الحقد))....

ويارت تكونون منطقيين وتدورون لكم ((منطق)) ثاني تتكلمون فيه او خلفيه اغزر من الخلفيه الظحله اللي تتكلمون على اساسها..
اخوكم ولد العرب

[الوسام العربي]

بس يقولون الحكم غشاش :D

الحكم معروف ميوله امريكيه
وكان رئيس رابطة مشجعي امريكا في الكويت:D

[الهدجان]

بسم الله الرحمن الرحيم
السلام عليكم ورحمة الله وبركاته

صدقتي يا قوت القلوب ما قلتيه عن التفرق والتشتت بين المسلمين والدليل هو :

ما حدث بينك وبين سود الليالي

لماذا لا تتصالحا؟

امن اجل رد او كلمة تتخاصمان.؟

فما بالكم اذا كنتم علينا ولاة امر ماذا تفعلون؟

يجب علينا ان نبدأ من انفسنا واصلاحها حتى يصلح المجتمع باسره

ولا حول ولا قوة الا بالله


http://baetak.com/uploader/pic/hadjaan5505.JPG

[Al-Snake]

انا بسأل كم سؤال.......لاي واحد يكره الكويتيين.........

لو كانت بلادكم او حكومتكم هي اللي تستقبل الجنود الامركيان وهي اللي تساعدها في حربها على العراق..............وانتوا موراضيين على هالشي ويحزنكم مثل ما انتم الحين............وفي نفس الوقت اخوانكم العرب يدخلون المنتديات و يكتبون اشياء مسيئه لدولتكم ولشعبكم.....مثل ماهو حاصل الحين

......................................ايش بيكون موقفكم .....؟؟

ماراح ترد على المواضيع اللي تكتب عنكم..؟؟
ماراح تفكر بأنك مظلوم ؟؟
ماراح تفكر بأن اخوانك العرب متوقعين ان هالشي يفرحك للاسف ؟؟
ماراح يخيب ضنك في اخوانك العرب (المفروض) ؟؟
ماراح تفكر بأن هالمواضيع ماله اي داعي غير ضيق النفس ؟؟
ماراح تفكر بأن كاتب هالمواضيع ما يشوف الا نفسه ؟؟

ترى الشعب الكويتي ماله دخل في الحرب وهم حبايبنا.........مثل ماانتوا مالكم دخل فيه وحبايبنا................

وعلى فكرة الدول العربيه جميعها تساعد امريكا بدون استثناء........والدليل ان هالدول لحد الان موجوده

[عبد الله سلطان]

اللى نعرفه مو بس الكويت فيها قواعد أمريكيه .أكبر دوله فى الخليج فيها قواعدمن مئات السنين . وأكبر القواعد بعد وهلى قريبه على العراق
ولا هذى القواعد ما تنشافى ولا احد سعرف عنه. سبحان الله .

[acer2]

الرسالة الأصلية كتبت بواسطة Al-Snake
انا بسأل كم سؤال.......لاي واحد يكره الكويتيين.........

لو كانت بلادكم او حكومتكم هي اللي تستقبل الجنود الامركيان وهي اللي تساعدها في حربها على العراق..............وانتوا موراضيين على هالشي ويحزنكم مثل ما انتم الحين............وفي نفس الوقت اخوانكم العرب يدخلون المنتديات و يكتبون اشياء مسيئه لدولتكم ولشعبكم.....مثل ماهو حاصل الحين

......................................ايش بيكون موقفكم .....؟؟

ماراح ترد على المواضيع اللي تكتب عنكم..؟؟
ماراح تفكر بأنك مظلوم ؟؟
ماراح تفكر بأن اخوانك العرب متوقعين ان هالشي يفرحك للاسف ؟؟
ماراح يخيب ضنك في اخوانك العرب (المفروض) ؟؟
ماراح تفكر بأن هالمواضيع ماله اي داعي غير ضيق النفس ؟؟
ماراح تفكر بأن كاتب هالمواضيع ما يشوف الا نفسه ؟؟

ترى الشعب الكويتي ماله دخل في الحرب وهم حبايبنا.........مثل ماانتوا مالكم دخل فيه وحبايبنا................

وعلى فكرة الدول العربيه جميعها تساعد امريكا بدون استثناء........والدليل ان هالدول لحد الان موجوده





ما اقدر اقول احسن من جذي

بس شيفهمهم :أفكر:

[ابو لطيفة]

و لا راح أسمح سواء لك أو لغيرك إنكم تشوهون صورة الكويت أو شعب الكويت



:D :D :D :D :D

ضحكتيني وانا ماودي اضحك ............ طيب وش تسمين يوم دعا الشيخ نبيل العوضي حفظه الله في احد مساجد الكويت على الامريكان ......... ورد المصلين وراءه اللهم اعز أمريكا ........... :!

والا أحد خطباء الجمعه يوم دعى على امريكا طلبوا منه الجماعه عدم الدعاء عليها ....... :!


اقول ريحينا بس ..........

على العموم نحن لسنا بصدد الحكم على الشعب ...... فهنالك الكثير من المتعاطفين مع الشعب العراقي وما يحصل له ........

ولكن الحكومة التي سهلت كل ما تحتاج إليه امريكا في عدوانها ضد اخواننا المسلمين في العراق .........

وآخر نكته ........ الامير الكويتي اللي مادري وش اسمه ولا اتشرف بمعرفة اسمه يوم انه اهدى المجنده الأمريكية سيارة كانت تحلم بها ........ الله على الكرم والأخلاق .........
?:

[قوت القلوب83]

سأعتبر نفسي لم أقرأ كلمة مما كتبت أخ سود الليالي

ــــــــــــــــــــــــــــــ

أخواني الآزوري ودينلسون والوسام العربي

لا ألومكم على التهريج في هذا الموضوع واستهزائكم به

لأن للأسف هذا هو حالنا نحن العرب إما نكره بعضنا البعض أو نقوم بالإستهزاء بآرارء الآخرين :(:(:(

ـــــــــــــــــــــــــــ

مشكور أخوي ولد العرب على هذه النصحية والتي سأقوم بنتفيذها

لن أقول أنكم تحقدون علينا أو أي شيء من هذا القبيل

لكن ممكن أسألك سؤال؟؟

منو ألحين جاب طاري الظروف المعيشية؟؟

إذا كنتم عايشين في خير ونعمة عسى الله يديم عليكم هذي النعمة ويزيدها ويبارك لكم فيها بعد

والحمدالله احنا بعد في خير ونعمة وكل واحد فينا راضي برزق رب العالمين

وأحب أوضح لك نقطة : الخير والنعمة إللي انتو عايشين فيها هذا مو عشان إنكم عايشين في الإمارات لا ولا النعمة إللي احنا عايشين فيها عايشين فيها عشان احنا عايشين في الكويت لا

الخير والنعمة إللي إنتو واحنا فيه هذي نعمة من رب العالمين

رب العالمين إللي بيده الأرزاق ويوزع الأرزاق كيفما يشاء

فهو الذي يرزق الطير وهو الذي إن أراد يعطي من غير حساب

عرفت ألحين الخير والنعمة منين الخير والنعمة من عند رب العالمين وحده وليست من أحد سواه

ــــــــــــــــــ

أخي الهدجان

لقد صدقت في كل كلمة قلتها ولكن لو كنت تتابع ردود الأخ سود الليالي منذ البداية ستعرف من الذي بدأ وأنا أحاول على قدر ما أستطيع أن أبقي على إحترام الأعضاء لي ،، وأكبر دليل على احترامي للأعضاء هو أني مازلت أخاطبهم وأناديهم بصفة أخي أو أختي في حين غابت هذه الكلمة عن ردودهم

فأنا لا أربد أن أقل أدبي مع أحد وإلى الآن أنا احترم كل عضو وعضوة في هذا المنتدى بالرغم من أن الأعضاء أنفسهم لا يحترموني

وإذا كان الأخ سود الليالي يريد الصلح فليس لدي أدنى مانع ولكن طالما أنه يتهجم علي بهذه الطريقة ولا يحترمني ولا يحترم رأي فكيف يكون الصلح؟؟

ـــــــــــــــــ

صدقت يا أبوي الغالي

الظاهر إن الأعضاء مايشوفون غير القواعد إللي في الكويت لكن باقي القواعد إللي في باقي دول الخليج مختفية عن الأنظار

ـــــــــــــــــــ

صدقت أخوي Al-Snake لكن للأسف هذه الحقيقة غائبة عن أعين الأغلبية من الأعضاء

ــــــــــــــــ

سلامتك أخوي أسير هم مافيهم إلا العافية

لكن هم قاعدين يتناقشون وودهم يبدون رايهم

ـــــــــــــــــ

أخ أبو لطيفة



والا أحد خطباء الجمعه يوم دعى على امريكا طلبوا منه الجماعه عدم الدعاء عليها .......

أعتقد إن الخبر وصل لك بعد ما أنضافت عليه بهارات كثيرة

وأنا أقول لك الخبر الصحيح

الخطيب إللي إنت تتكلم عنه هو نبيل العوضي وألقى خطبة عن حرمةقتل المسلم لأخيه المسلم ولم يتكلم عن أمريكا والعراق ولم ينطق بكلمة واحدة تدل أنه كان يعني بكلامه أمريكا أو العراق

لكن أحد المصلين لم يعجبه الوضع فقرر أن يشتكي على الشيخ نبيل العوضي وفعلا أوقف الشيخ عن الخطابة ولكن مؤقتا لحين النظر والتحقيق في الموضوع

وأنا متأكدة مليون بالمية أن الشيخ نبيل العوضي سيعود للخطابة بإذن الله الواحد الأحد

وإذا كنتم فعلا لستم بصدد الحكم على الشعب لماذ هذه الكراهية لنا؟؟؟

والسلام خير ختام

[][ النورس ][]

صدقيني ياقوت ما ادري شقول والا احكي ولكن



هناك امر هام للجميع ولبد من الانتباه اليه




ان جميع الدول العربيه وخاصه الخليجيه هي من



ساعدت امريكا في هذي الحرب وهذه الخلافات والمشاكل بيننا



احنا العرب فهذا مثال بسيط على هذه المشاكل والحقد والكره


والضغينه بينا


وهو اللي حصل بينك وبين كم عضو



ولكن ليس لي غير ان اعز نفسي وانتم على ما نحن عليه الان


واقول لا حول ولا قوة الا بالله العلي القدير


والله يمهل ولا يهمل


وحسبي الله على امريكا ومن ساعدها في هذه الحرب اللعينه



وبقولك شي
احنا ما كرهنا ولا راح نكره اهل الكويت


اهل الكويت هم اهلنا ومنا وفينا


ومشكوووره على الموضوع



النــــورس;-)

[ابو لطيفة]

طيب ما قلتي لنا وش رايك في هدية الأمير للمجندة الأمريكية .......... يوم عطاها السيارة الجديدة اللي تتمناها ............


سبحان الله .......... الم يعلم ان يديها لم تزل ملطخة بدماء إخواننا المسلمين في العراق ..........

[Chad]

أنا ما رح أبارك لأمريكا

لأنها بالعكس خلت العرب لأول مره في حياتهم يتوحدون ضد شي واحد

الأمريكان وحلفائهم

أما بالنسبه للكويتيين اللي ردوا وتكلموا عن الحقد وما أدراك

قلنالكم مليون مره بإننا ما نكره ونحقد ونحتقر إلا الكويتيين اللي يحبون الأمريكان زي اللي طلعوا في مظاهرات من أجل الإنتصارات الأمريكيه

أما اللي ما يحبونهم

فهم على عيننا وراسنا وبنعزهم أكثر من أبناء بلدنا

هذا لو تفهموا وتقروا الردود زين

لكن شكلكم ما تقروا غير أول كلمتين وبتستنتجوا الإستنتاج الخطير اللي مفاده إننا بنحقد عليكم

رغم إنكم إنتم نفسكم من يروج لقاعده إن كل الكويتيين يحبون أمريكا

مثلا فيه عضوه إسمها sora قالت وبالحرف الواحد ولو تبغون فتشوا مشاركاتها

إن كل الكويتيين اللي أعرفهم في الحياه وفي وسائل الأعلام مؤيدين للحرب

وبعدين يقولون لك ليش حاقدين علينا :-)

[samurai]

مبروك والف مبروك على الامريكان وعلى العراقين لفرحت التحرير

اجل نفخر اننا فى الكويت بداء من ارض الكويت عملية تحرير العراق من الطغاة نفخر باننا اول شعب قدم المساعدات للعراق والدولة الوحيدة الى فعلت افعال من غير كلام هى الكويت لكن الحقد وانا اكرر اجل انتم شعب حاقد تدرون ليش انتم حاقدين علينا فى نعمتنا حكامنا نحبهم واهم يحبوننا واسئلكم سوال كم معتقل فى دولكم للشعب وكم منبر حر فى الكويت فى كل بيت عربى تلقى جاسوس وفى كل بيت كويتى تلقى حرية الكلام

قوت صحيح كلامك الف فى المية ونحن فى الكويت نفخر ونفخر بان بداء التحرير من اراضينا سبحان الله دارة الدوائر قبل 12 سنة كانو العراقين يدخلون الى الكويت ليسرقو ويقتلو وينهبو وانتم كنتو تصفقون لهم

دخلو لقمع حرية الكويت ودار الزمن ومن ارضنا دخلو الامريكان لتحريرهم من القمع ونحن نفس الشعب الذى عذبة وقتلة ونهبة العراقين نساعد قاتلينا ونعالجهم و نرويهم فى الماء ونطعمهم

سوال واحد لما تعبر القوات الامريكية المسافات من موطنها الى قواعدها فى الكويت ما تمر على قناة السويس وتمر على البحر المتوسط وعلى البحر الاحمر وعلى الخليج العربى وكم من مطار تستخدم القوات الامريكية؟؟ وينكم عنها يا عرب الشرفاء!!!
نحن نقولها علنا نحن نستقبل القوات ولكن انتم تخفون الامر لماذا؟؟؟؟