الأخ ولد البوكواره

[AL_Mountain]

مرحبا أخوووي .. الصراحه قريت موضوعك ولا ينقصه إقصور كامل والكامل الله
بس لو سمحت أخووي ممكن إتوضّحلي نقطه أنا مافهميتها واللي إنت قلت فيها :
---------------
طبعآ اللي يبي يصمم لازم يكون الحجم لايزيد عن حجم الأصليه ولازم يكون حجم التصميم 640×512 بعدها تقص 512×512 وتحطها بالكبير والجزء الباقي تحطه بالجزء الصغير وبكذا نكون خلصنا درس شاشة البدايه اتمنى ومن كل قلبي والله ان يكون في ناس استفادوا من الشرح هذا واتمنى بنفس الوقت ان شرحي قدر يلبي المطلوب والدرس القادم هو تبديل الأغاني بس حبيت انوه ان تصميم الخلفيات نفس الشئ بالضبط بس الفرق انك راح تختار ملفات ثانيه بالـAFSExplorer
-------
ممكن تشرحه بالصور شكل ماشرحت اللي قبله
وسمحلي إذا غثّيتك يالطيب
أخوك الماونتيــــن _ Al_Mountain

[QataR NighTMarE]

هلا اخوي ولا يهمك من عيوني ان شاء الله ان الله احيانا تشوفه بكره في موضوعي او اليوم بالليل

[AL_Mountain]

مرحبا ولد البـكواره
تسلم الغالي على الرد الحلو .. إنشالله بترياك وبدخل ,, بس أقول شو معنى أسمك لو سمحت :D
أخووك الماونتين

[QataR NighTMarE]

هلا اخوي الله يسلمك

اخوي انا من قطر وفي قطر عندنا عيله اسمها الكواري وموجوده بعد في البحرين فأنا شاب فكتبت ولد
والبوكواره عيلتي لأن انا اسمي
محمد الكواري وعيلتي الكواري
وجمعها البوكواره
فعلى شان جذي اسمي ولد البوكواره


ها بشر فهمت شئ:p او لا

[AL_Mountain]

هلا بالغالي
والنعم فيك وف أهلك كلهم :) أقوول شو يستويلج الآعب إممم ماعرف أسمع بالضبط بس هوووه كواري في المنتخب القطري
.. أما بخصوص الموضوع يالس أسوّيييه بس باجي الدمج .. كيف أسوّييه بالضبط :( ?:

[QataR NighTMarE]

هلا اخوي الله ينعم بحالك لا لعيبة قطر مايقربون لي بشئ هو كواري وانا كواري فقط نفس العيله بس هو اكيد يقرب لي بس من بعيييييييييد

وبخصوص المدج شنو قصدك؟

انت تبي شرح لتصميم شاشة البدايه صحيح؟

[AL_Mountain]

سلامي عليك
ماشالله عليك ولد البوكواره إترد علي أول إب أوّل .. مشكوور يالطيب على الرد السريع
تدري إنت وصلت إلبيت القصيــد شكل مايقولون ..
الصراحه
أنا سوّيت صورة البدايه وكل شي كان أوكيييه .. لين ماوصلت تحديث الصوره قالي : إن الصوره وايد كبيره وما بتقدر إتسوي إكسبورت للافايل ,, وملّيت وتركت السالفه واليوم لقيت الباتش اليديد قلت بسوّييه والحمدالله ماشي فييه أوكييه لين الحين .. قدرت أسوّي ريجناريت ,, وبس وقّفت عند هاي المرحله ,, أمّا موضوعك فخلآني أرجع مره ثانيه يعني شكل ماتقول أحيا الأمل اللي عندي مره ثانيه .. حلوه هاي صح ؟
فحبّيت منّك إتفهّمني نقطه نقطه عسب ماتّيني نفس المشكله الأوليه
صورة البدايه عندي إذا تبيني أطرشها لك عسب إتشوفها .. ونا سوّيتها أصغر من الصوره الأصليه عسب ما اتعرقل بعدين ,, أتمنّى أنّك تفهمني أخوووي أتريا ردك
أخووك الماونتيــن

[QataR NighTMarE]

هلا اخوي انت قصدك تبي تتأكد اذا هي تصلح للوضع في اللعبه ام لا اقل حطها لي وانا بجرب لك واذا اصلحت بحطها لك اهني لى صيغة BIN يعني ماعليك الا تركبها ولو اني انصحك بالجاهز لأن مضمون وافضل وانا على فكره اركب جاهز

[AL_Mountain]

إسكت ياريّال مادري الصوره وين ,, دوّرتها إدواره يا ولد البوكواره مادري وين إختفت الصوره . يعني مافي إلآ أنّي أسوي وحده ثانيه :(
عيل تدري كيف ,, ممكن إذا عندك صوره للبرازيل فيها روبرتو كارلوس - رونالدو - ريفالدو ,, وبعدين أنا عندي لوجو صغير حج نادي الشارجه أضيفها على الصوره وكتب توقيعي على الصوره ,, هل فيها مشكله ,,

[QataR NighTMarE]

هلا اخوي السموحه والله انا في التصميم داق حدي ماتشوفني استخدم الجاهز:# من الظروف ياريال شسوي ماعرف شئ في التصميم الا قليل القليل يعني لوتقدر تسويها وتحطها وانا اظبطها لك مافي مشكله

[toti_10]

هذي صور للملف المرفق

http://members.lycos.co.uk/shivydee123/3.jpg

http://members.lycos.co.uk/shivydee123/1.jpg

و معاهم صورة لونالدو لشاشة المقدمة


ما عليك الا انك تستبدل الملف بالAFSExplorer:0) ;-)

[QataR NighTMarE]

هلا توتي تسلم والله الصور روووووووووووووووووووعه من قلب والله

اقول ممكن طلب لو عندك زياده لا تبخل علينا ماعليك امر

[toti_10]

العفو اخوي:)

بس اقول اخوي ما تعرف كيف نغير علامة الLOADING مثل ما غيروها في الWEDOIT و وين الملف الخاص به:::

[QataR NighTMarE]

افا عليك اخوي انا بدلتها على فكره اذا تبي شرح بالصور حط لي طلب في موضوعي:6

[toti_10]

اي موضوع بس قولي عشان احط الطلب:0) ;-)

و مشكور مقدما:0) ;-) ;-)

[QataR NighTMarE]

هلا اخوي الموضوع موجود في توقيعي

[AL_Mountain]

مرحبا جميع الأعضار ,, كيف حالكم
حبّيت أشكر توتّي على الأفكار الحلوه اللي عنده ,, بس يا أخووي توتّي .. الحين إذا حبيت أغير صورة المقدمه شو علي أسوي ممكن إتخبرني ,, يعني هل يحتاج أسويّ إكسبورت بي إم بي ,, ثم تايتل إكسبورت ,, ولآ الشو بالضبط ..
لو سمحت
---------
ولد البوكواره بعدني مانسيتك :) ونته بعد أتمنّا أنك مانسيتني .. تراك قلت بتشرحلي اليوم مع الصور ;-)
أنا ................. بنتزاااااااارك
أخووكم الماونتيـــــن ":"

[QataR NighTMarE]

اخوي انت تبي شرح تركيب الصوره على الفايل داتا صح؟ على شان اتأكد مو احط درس يطلع غبر اللي انت تبيه

[AL_Mountain]

عاش من شافك يالحبيب
إشحالك وشحال هل البوكواره كلهم ؟
أقول الغالي إف نفس الموضوع الأخ توتي يزاه الله خير ماقصّر عرف شو أبي ;) وطرش صورتين أعتقد شفتهن صح ؟
إنزين خبرني هالصورتين تي إكس إس
كيف أعملهم تحديث وخليهم في الويننج .. يعني كيف أنسخهم وخلّي السي اليديد مالي إتكون بدايه الصوره اللي رفقها الأخ توتي ؟
إنشالله فهمتني يا ولد البوكواره
الماونتيـــن

[toti_10]

يعني هل يحتاج أسويّ إكسبورت بي إم بي ,, ثم تايتل إكسبورت ,, ولآ الشو بالضبط

ما عليك الا انك تروح على asf explorer و تسو import للملف مثل select او غيره مثل title ::::و هذي الملفات موجود جاهزة عندك ماعليك الا انك import و بس:0) ;-) :::0) ;-)

[AL_Mountain]

مرحبا توتّي
تسلم يالحبيب وسمحلي أنّي ماردّيت عليك ,, كنت بيت الأهل وكنّا نلعب الفاينل إفولوشن :)
إسكت مادري إشبلايه اليوم مب عارف ألعب عدل ويالله يالله فزت مبارتين من بين 6 إمباريات :"
المهم يالغالي أنا برووح أسوّي اللي كتبته لي أوووكيييه ;-)
مب تظهر عسب أرد عليك إن إستوى ولآ لا

[AL_Mountain]

توتّي عطاني رساله يوم ييت بسوّي إمبورت :"
إقرا شو كتبلي
File is smaller than allowed .padding with zeroeswill be done
ممكن إتفهّمني شو معناته هذا ,, وهل بمكاني أكمّل ولآ ,, بس المشكله إجباري أضغط أوكييه يعني ماشي إختيار ثاني لازم أوافق .. توتّي :واو:

[QataR NighTMarE]

هلا الماونتين والله توتي ماقصر يعطيك العافيه يا توتي

بخصوص الرساله عادي خلاص راح تظهر باللعبه:) الرساله بس تقل انه حجمه اقل فقط وهذا عادي

[AL_Mountain]

الســـلام عليكم
ولد البوكواره كيف الحال .. ماشالله عليك إشكثر إشتراكاتك وايده ومفيده ياخي ,, الصراحه كنت أقرا المواضيع السابقه وقريت لك مواهب والله .. ماشالله عليك ,, عفون ولد البوكواره شو الفرق بين wedoit.1 والثاني wedoit2.0 .. وذا سوّيت دمج إلهم قبل ما أنسخ السي دي أقدر بعد أغير الصور أو إغنية البدايه إذا حبيت وبعدين أنسخ السي دي ؟
والله إوفّقك دوووم ودوووم
أخووك الماونتين

[QataR NighTMarE]

وعليكم السلام
انا الحمدلله بخير الله يسلمك

اخوي مافي فرق هذا باتش وهذا باتش بس الثاني في اضافات كثيره بس للأسف انا ماجربته ومافي فايده تدمجهم مع بعض لأن ان دمجت ويديوت1 ومن ثم ويديوت 2 بس بيطلع لك ويديوت2 لأن ويديوت 2 اكبر يعني ريح نفسك وادمج ويديوت2 بس وعادي اي تقدر تبدل الصور مافي مشكله

ملاحظه:ويديوت2 لغته ايطاليه لكن تقدر تركب الملف اللي وضعه عبدالله1 في موضوع من كم يوم بس للأسف ماذكر وينه يمكن تحصله بالصفحه الثانيه

[AL_Mountain]

مرحبا ولد البوكواره
ماقصرت أخووي
أقوول يالغالي إنت إف أي منتخب إتحب تلعب في الفاينل أفولوشن ؟

[QataR NighTMarE]

هلا اخوي

العب على حسب المزاج:p

بس المنتخب رقم واحد عندي هو انجلترا

[AL_Mountain]

مراااحب ولد البوكواره
عيل إنت عكسي مره ,, أنا ما أقدر أغيّر البرازيل أبدا أبدا
هل لعبت بالمنتخب البرازيلي ’,,, وذا لعبت ممكن تعطيني حركات أييب منها أهداف مثلن من الكورنار ,, كيف أييب منها أهداف ومن هو الآعب الرفّيع اللي يرفع أوكييه ,, هل أستطيع أن أتحكّم في الآعب الذي أريده أن يضرب الكوره الآتيه من الرفعه لإلقائها في المرمى ؟
مع الشكـــر
الماونتيــن

[QataR NighTMarE]

اخوي والله اخاف تتفاجأ:( انا صج والحمدلله يعني في الباتش الله موفقني بس باللعب تراني مو ذاك الزود في الفاينل ايفليوشون

لعبي مو ذاك الزود بس لو في الوننج6 هناك كلام ثاني:D

اخوي تفضل هاذي كل حركات الوننج ايلفين 6 فاينل ايفلوشون
يمكن تفيدك

[AL_Mountain]

مشكووور وايد عالحركات ,, بس تعال خبرني إنت تقصد أنها الحركات في الويننج 6 غير عنها في الفاينل ؟؟؟؟؟
قول والله إنت بس :"
ونا قوول ليش ماتستوي بعض الحركات

[AL_Mountain]

مرحبا أخوووي ولد البواكره
نزّلت الملف اللي عطيتني إيّاه ?:
بس الرموز اللي فييه متلخبطه يمين ويسار وماقدرت أركّز من وين أبدأ ,,أعتقد أنّك يوم إتحوّل اللغه عربي إنجليزي تتلخبط الحروف ممكن إتسوييه في ال WORD ,, بيكون أحسن من NotPad
وطرشه مره ثانيه لي لو سمحت

[QataR NighTMarE]

اخوي انا عندي واضحه ومافيها شئ