المساعد الشخصي الرقمي

مشاهدة النسخة كاملة : يمه تراك بوسط القلب سكنتي .................


M.Master
21-06-2001, 03:48 PM
قصيده اعجبتني في الام



يمه تراك بوسط القلب سكنتي ..................... متمكنة وسط الحشا داخل الجوف
أنتي أعز الناس يا يمه وأنتي ..................... ما أظن ألقى لك مع الناس موصوف
الجود عنوانك وبالعطف زنتي ..................... والكل يشهد لك بطيب ومعروف
أفرح الى شفتك مع النور بنتي ..................... صوتك يناديني مع هزة كفوف
قم ما جنـيـني ولا أنت نمتي ..................... قم للصلاة اسرع قبل وقتها يطوف
ياما من هموم الليالي كتمتي ..................... أسرارنا عن كل حاسد وملقوف
وياما لحزني بالليالي حزنتي ..................... سهرانة بالليل والدمع مذروف
وياما وياما بآخر الليل قمتي ..................... تدعين ربٍّ يجلي الهم والخوف
الى مرضت أو صابني هم كنتي ..................... ادواي عن كل الصواديف والحوف
يمه يفز القلب لامن زهمتي ..................... واضم أنا الهاتف شفوق وملهوف
حق علينا ما بغيتيه نلتي ..................... لو تطلبين النفس والروح والشوف
لو تامرني فدوتك ما طلبتي ..................... من خاطر طيب ولا أقول لك أوف
أحلى قصيدة يالحبيبة لك أنتي ..................... سطرتها باجمل عبارات وحروف

broken_heart1ksa@hotmail.com
{Broken^Heart}
21-06-2001, 03:57 PM
?: ?:
قصيده حلوة وصح السانك
بس الي مخليني مستغرب ان هذي انا الي ناشرها حتى شف ايميلي بس مع الخبطه طلع الموضوع بسمك بس يفدااااك :)
ارفين
21-06-2001, 04:02 PM
حلوه القصيده بس من وين مشلحها:) ( سارقها)...
{Broken^Heart}
21-06-2001, 04:09 PM
تسلم وهذا من ذوقك
بس انا ماقلت انها قصيدتي عشان تقول اني سارقا انا قلت انها معجبتني :)
ارفين
21-06-2001, 04:18 PM
انا قصدي ماخذها من اي كتاب.... او سامعها من وين؟؟؟
العميد
21-06-2001, 11:45 PM
حلوه هالقصيده وتسلم عليها
M.Master
23-06-2001, 06:22 PM
شباب انا ام ماستر الحقيقي واحد داخل فيه واحط ايميل بروكن هارت
:غضب: :غضب: :غضب: :غضب: