المساعد الشخصي الرقمي

مشاهدة النسخة كاملة : استفسار عن xbox live


Sweet-Flower
19-04-2003, 11:53 AM
مرحبا

ارجو أن تقبلوني عضوة جديده لديكم

وعندي استفسار لو سمحتوا ..

شلون استعمل xbox live ?

مع العلم اني شريت جهاز xbox ويقول راعي المحل انه مطور وما يحتاج حق شي يعني على طول أقدر ألعب لايف !

بس مادري شلون أركبه !

وهل الخدمه مجانيه ! علماً ان عندي اشتراك DSL .

وشكرا :)
ninja
19-04-2003, 12:41 PM
اهلا فيكي في عالم الاكس بوكس ....

كيف يعني الجهاز جاهز مطور ؟؟؟ اهم سؤال هم تستطيعن ان تلعبين الالعاب الكوبي او لا ... يعني هل فيه chip حتى يشغل الكوبي ؟ اذا فيه ما بتقدرين تلعبين اون لاين ...


ثاني شي هو (اX live kit) هو يتكون من سي دي به تطوير للاكس بوكس مع اشتراك في سبكه الاكس لايف لمده سنه مع وصله مايكفرفون وسماعه خاصه للمحادثه الصوتيه

ثالثا ما نوع المودم اللي عندك ؟ هل هو من نوع USB ؟ او من نوع RJ 45 ؟
Sweet-Flower
19-04-2003, 01:24 PM
مشكور ninja على الرد

بس شوي شوي علي ترى توني جديده :) يعني حبه حبه

اول شي الجهاز اللي عندي يشغل كوبي

ثاني شي من وين أشتري ال x live kit ? وجم سعره ؟

ثالثاً شنو نوع المودم مادري ! شلون أعرف ؟
DeadLy_
19-04-2003, 01:29 PM
الرسالة الأصلية كتبت بواسطة Sweet-Flower
مشكور ninja على الرد

بس شوي شوي علي ترى توني جديده :) يعني حبه حبه

اول شي الجهاز اللي عندي يشغل كوبي

ثاني شي من وين أشتري ال x live kit ? وجم سعره ؟

ثالثاً شنو نوع المودم مادري ! شلون أعرف ؟

من اي محل العاب .. السعر تقريبا 20 دينار .. المودم adsl السرعة فوق 128 كيلوبايت
Sweet-Flower
19-04-2003, 01:33 PM
Thanx sonykid

بس آنا يوم شريت الجهاز قال لي صاحب المحل ان الجهاز جاهز حق اللايف بس مجرد اني أشبك على النت ؟؟
DeadLy_
19-04-2003, 01:40 PM
الرسالة الأصلية كتبت بواسطة Sweet-Flower
Thanx sonykid

بس آنا يوم شريت الجهاز قال لي صاحب المحل ان الجهاز جاهز حق اللايف بس مجرد اني أشبك على النت ؟؟

نصاب لازم اللايف و الدي اس ال ;) لا يقص عليج هذا .. ;)
Sweet-Flower
19-04-2003, 01:45 PM
أمبيه عيل قص علي :(

زاد علي سعر الجهاز 24 دينار قال لي لانه فيه اللايف !

بس ما اخليه اروح أطلع فلوسي من عيونه :)
ninja
19-04-2003, 02:16 PM
سوري على المطلحات الصعبه شوي ....


للاسف الجهاز المطور اللي يشغل كوبي ما تقدرين تلعبين به اون لاين لانه اذا كشفكي سيرفر ميكروسفت انكي مركبه شب يمنعوكي من اللعب اون لاين ابدا بجهاز الاكس بوكس .... فالحل انكي تفصلين التطويره او chip من الجهاز قبل الدخول اون لاين ... يقولون انه في طريقه ان تضعي مفتاح ON/OFF للشب فعندما تدخلين اون لاين تضعي الشب على OFF وعند اللعب بالكوبي تضعي على ON

- بالنسبه للسعر live kit هو 49 $ ممكن يكون سعره بالدينار ما يقارب 20 ويكون فيه اشتراك لمده سنه في كل الالعاب الاون لاين مجانا*

- وبالنسبه للمودم انا اقصد شو نوع توصيله الواير كيف موصل المودم مع الكيبيوتر عندك هل من خلال وصله USB او من خلال وصله تشبه وصله الهاتف تقريبا لكنها اكبر شوي ؟

نصيحتي انا انه جهاز الاكس بوكس من افضل الاجهزه للدخول اون لاين فما يحتاج انكي تلعبي كوبي به ... العاب السوني الكوبي تكفي
إجحطة
19-04-2003, 02:25 PM
ادري ان عندج DSL بس جربي طريقة الADSL من نوع الUSB يمكن يصير ,تفضلي هذه الوصلة (http://www.montada.com/showthread.php?s=&threadid=194730) عن كيفية تركيب الاكس بوكس لايف و اذا كان جهازج يشغل اشرطة الكوبي لا اتركبين الاكس بوكس لايف , شيلي قطعة الكوبي من جهازج ( ممكن اي محل يبيع الاكس بوكس يقدر يشيل قطعة الكوبي ) بعدين ركبي الاكس بوكس لايف و لازم يكون عندج شريط يقبل اللعب في الاكس بوكس لايف و يكون عندج Xbox Live Kit ( هو شريط يسوي update حق الاكس بوكس علشان تقدرين اتلعبين على اللايف) و تقريباً سعره 28 دينار بحريني يعني فوق 22 دينار كويتي على ما اظن , باقي الاشية الي يحتاجها الاكس بوكس لايف موجودة في الوصلة اول شي , خدمة الاكس بوكس لايف مجاناً سنة كاملة , حياج الله في المنتدى.
Sweet-Flower
19-04-2003, 02:31 PM
(للاسف الجهاز المطور اللي يشغل كوبي ما تقدرين تلعبين به اون لاين)



يعني ماراح أقدر العب اون لاين !!

انزين يصير حتى لو الجهاز مطور ويشغل الكوبي بس ما استخدم الكوبي ! يعني استخدم العاب أصليه أون لاين ؟
Sweet-Flower
19-04-2003, 02:36 PM
السيد اجحطه شكراً على الرد

آنا عندي USB ADSL Modem

بس ما في حل ثاني غير اني أشيل قطعة الكوبي !
إجحطة
19-04-2003, 02:38 PM
هذا هو الحل الوحيد , عفواً
Sweet-Flower
19-04-2003, 02:50 PM
شكراً اجحطه :)
DeadLy_
20-04-2003, 01:09 PM
الرسالة الأصلية كتبت بواسطة Sweet-Flower
(للاسف الجهاز المطور اللي يشغل كوبي ما تقدرين تلعبين به اون لاين)



يعني ماراح أقدر العب اون لاين !!

انزين يصير حتى لو الجهاز مطور ويشغل الكوبي بس ما استخدم الكوبي ! يعني استخدم العاب أصليه أون لاين ؟

ما يصير no WaY