تسجيل الدخول

مشاهدة النسخة كاملة : هل سيدخل النصر المربع ام لا ؟؟؟!!


THE_YET_IS_T
25-04-2003, 02:21 PM
من شاهد مستوى النصر وتأثره بنقص 6 لاعبين ..

امام الهلال ..

سيقول ان النصر لن يدخل المربع .. والعلم عند الله قبل كل شي ..

مستوى هزيل برود غريب من اللاعبين .. وعدم القتاليه على الكره .. واعتقد لو كان فريق آخر غير الهلال .. لكان من الممكن ان يفوز بأكثر من هدفين .. ثلاثه او اكثر ..

الداؤود هو الوحيد الذي كان يدافع اما البقيّه تكملة عدد ..

سيزار .. اعتقد انه من الظلم ابقاء لاعبين صغار احتياطيين او خرج التشكيله على حسابه .. لاعب ثقيل دون فاعليه ..

اين سعد الزهراني .. وليد العلياني او عبدالله القرني ؟؟!! ولا عبين كثر .. لكن للأسف ..

الجهوي .. لاعب حواري .. وين الثقفي ؟؟!

ياجماهير النصر .. اذا هذا هو المستوى .. فأعتقد ان النصر لن يتأهل ..


ابو خالد :D خلاص فكّنا من شرّك .. الله يعطيك العافيه انت الرمز وانت احسن رئيس مرّ على النادي .. بس فكّنا ..
وين بنجيب بطوله وانت مدعي عليك .. ودعاة المظلوم مستجابه ..

الله يذكرك بالخير يافيصل بن عبد الرحمن :أفكر: رئيس ذهبي ..من بطوله لبطوله .. بطوله اسيويه ومن ثم سوبر اسيويّه ايضا ومن ثم مشاركه عالميه .. واول مشاركه عن اكبر قاره في العالم ..

وبعد كأس العالم للأنديه .. تدخل الرمز :غضب: وحاس النادي .. ولا بطوله الى الآن .. ولو كان ماتدخل .. كان النصر بنسبه كبيره هو المرشح لبطولة الدوري والكأس .. والعلم عند الله قبل كل شي .. لكن دعاة المظلوم مستجابه ..

والله يعينكم ياجماهير النصر .. او انه جمهور غيركم كان تارك النادي من زمان .. بالفعل مخلصين ..

وياليت هالهزيمه تصحّيهم .. بس ماأظن !!!!!!!!!
DE NILSON
25-04-2003, 02:27 PM
النصر بالراحة في المربع

بيلعب مع متذيل التريب الرائد وفي الرياض


اما الهلال بيلعب مع المتصدر الذي لن يرضى بالهزيمة من الهلال
THE_YET_IS_T
25-04-2003, 02:31 PM
اللي الله كاتب له التأهل بيتأهل ..
(العازف)
25-04-2003, 04:15 PM
الرسالة الأصلية كتبت بواسطة THE_YET_IS_T
اللي الله كاتب له التأهل بيتأهل ..

0000000000000000000000
شي اكيد راح يكون زعيم الزعماء فريق النصر

تحياتي;) ;)
mohammed111
25-04-2003, 05:22 PM
من زمان و انا اقول انه مادام (الرمز)
موجود مافيه بطولات
واتمنى انه يترك النادي
وبالتوفيق للنصر
ستاكهاوس
25-04-2003, 05:23 PM
لاتخافون يانصراوية راح تتأهلون لأنكم راح تقابلون الرائد اما الهلال راح يقابل الاتحاد .... وماعليكم راح نوقف الهلال ونعرقل مسيرته عشان تتأهلون ياحبايبنا ...... بلاهلال بلاقرف:غضب:
DE NILSON
25-04-2003, 05:28 PM
الرسالة الأصلية كتبت بواسطة ستاكهاوس
...... بلاهلال بلاقرف:غضب:



الخـــــــــــــــــــــــــــــوف





ياهلال يامعقدهم يامرعبهم



يامهجدهم
ستاكهاوس
25-04-2003, 06:07 PM
الرسالة الأصلية كتبت بواسطة DE NILSON




الخـــــــــــــــــــــــــــــوف





ياهلال يامعقدهم يامرعبهم



يامهجدهم


خوف ضحكتني لاتنسى يبو الشباب اننا هزمناكم بجدة واخذنا الكاس وين الخوف
DE NILSON
25-04-2003, 06:57 PM
الرسالة الأصلية كتبت بواسطة ستاكهاوس



خوف ضحكتني لاتنسى يبو الشباب اننا هزمناكم بجدة واخذنا الكاس وين الخوف



مين هزمنا في جده:D :D :D :D

ياشيخ اش قاعد تقول انت


لايكون تقصد الاتحاد

الاتحاد احنا هازمينه في جده على النهائي مو انتم
وهزمناكم قبل 3 اسابيع في الرياض


ولايكون قاعد تتكلم على قبل 5 سنوات:D :D
ستاكهاوس
25-04-2003, 06:59 PM
الرسالة الأصلية كتبت بواسطة DE NILSON






ولايكون قاعد تتكلم على قبل 5 سنوات:D :D



لاقبل 6 سنين يوم كنت ورع تلعب في حوش بيتكم:D
THE_YET_IS_T
26-04-2003, 12:19 AM
اشكر جميع الأخوان على المشاركه ..

ويمكن هالخساره تكون فال خير للنصر ان شاء الله ..

(( وعسى ان تكرهوا شيئا وهو خير لكم )) ..

الحمد لله على كل حال ..



دينلسون ,, و ,, ستاكهاوس
:D:p:D:p:D
ماشاء الله عليكم ماتخشون في موضوع انتم الأثنين الى تقلبونها شات بينكم :0) :6
ستاكهاوس
26-04-2003, 12:28 AM
الرسالة الأصلية كتبت بواسطة THE_YET_IS_T

دينلسون ,, و ,, ستاكهاوس
:D:p:D:p:D
ماشاء الله عليكم ماتخشون في موضوع انتم الأثنين الى تقلبونها شات بينكم :0) :6


انا داري عنه مهو داري فين الله حاطه:D :6
THE_YET_IS_T
26-04-2003, 12:51 AM
المشكله اني خشيت في منتدى الرياضه العالميه ولقيتكم فيها بعد :D وفي موضوع واحد :p
( الآزوري 10 )
26-04-2003, 01:41 AM
بندر تميم ليش مايحطه اساسي..

اعتقد انه من افضل اللاعبين الصاعدين..
THE_YET_IS_T
26-04-2003, 01:44 AM
كل مدرّب وله فلسفته !!!!
BLACK TIGER
26-04-2003, 03:32 AM
واعتقد لو كان فريق آخر غير الهلال .. لكان من الممكن ان يفوز بأكثر من هدفين .. ثلاثه او اكثر ..
اقول لو انا مكانك تلقاني اسجد ركعتين شكر لله:) ..

ياخي احمد ربك اننا جبنا فيكم هدفين .. ولك وجه ترد وتنتقد؟!

والله حتى 6 قليله فيكم:أفكر:
بروسلي
26-04-2003, 07:19 AM
بيدخل بالراحة بإذن الله لكن قبل المباراة تصريحات الجميع من الصحفيين و المشجعين أنه النصر بفوز على الهلال لغياب نجوم الهلال مثل نواف و الشلهوب ) كبر راس لاعبين النصر حتى انهم ما سوى شيء في المباراة ماعدا الداوود و تميم :6 :#
THE_YET_IS_T
26-04-2003, 02:04 PM
الرسالة الأصلية كتبت بواسطة BLACK TIGER

اقول لو انا مكانك تلقاني اسجد ركعتين شكر لله:) ..

ياخي احمد ربك اننا جبنا فيكم هدفين .. ولك وجه ترد وتنتقد؟!

والله حتى 6 قليله فيكم:أفكر:

الحمدلله على كل حال .. طيب ابي اسألك .. ليش ماجبتوا 6 ؟؟

اما لي وجه او لا .. وش مسوّي انا ؟؟ :D

من قبل لاتبدء المباراه وانا عندي احساس ان الهلال اللي بيفوز ..

النصر دون دفاع ودون محاور !!
THE_YET_IS_T
26-04-2003, 02:08 PM
الأخ بروسلي ..

المشكله ان لاعبينا نسوا نهم ناقصين 6 لاعبين .. والشوط الأول ماقصّروا بس الشوط الثاني صاروا معطين لاعبي الهلال الفرصه انه يعدّي ويحاور ويفكّر كيف يلعبها دون الضغط عليه !!!!!! وهذي مشكلة النصر من زمااان وهو اعطاء اللاعب الخصم الفرصه دون الضغط عليه ..

وان شاء الله يتأهل للمربع ..
بروسلي
27-04-2003, 05:19 AM
الرسالة الأصلية كتبت بواسطة THE_YET_IS_T
الأخ بروسلي ..

المشكله ان لاعبينا نسوا نهم ناقصين 6 لاعبين .. والشوط الأول ماقصّروا بس الشوط الثاني صاروا معطين لاعبي الهلال الفرصه انه يعدّي ويحاور ويفكّر كيف يلعبها دون الضغط عليه !!!!!! وهذي مشكلة النصر من زمااان وهو اعطاء اللاعب الخصم الفرصه دون الضغط عليه ..

وان شاء الله يتأهل للمربع ..
إن شاء الله بيتأهل لأنه أي فريق يقابل النصر تصير المباراة لها مستواء و لا تنسى يا اخوي انه أفضل و أقوى مباريات هذا الموسم كان طرف فيها النصر ( الأتحاد - النصر ) و ( الهلال - النصر ) .
بنسبة للنقص أنا اشوف أنه بدر الحقباني أكبر خسارة في المباراة , أنا إلى الحين مستغرب ليه خلوا سيزار يشارك رغم أنه عنده أصابة:! :! المفروض يخلونه يتعافى عشان يلعب في المربع اللي هو الأهم ....والا وش رأيكم !!!!:!
BLACK TIGER
27-04-2003, 05:32 AM
الحمدلله على كل حال .. طيب ابي اسألك .. ليش ماجبتوا 6 ؟؟
المهاجمين كانوا مستهترين .. والدليل .. كانوا يدخلون منطقة الـ 18 بدون مايسددون على المرمى ..

امثال صوفو والجمعان ..
العمدا
27-04-2003, 02:47 PM
النصر عكس الصوره الرائعه جدا الي قدمها طوال الموسم هذا في مباراته الاخيره مع الهلال !!

وبالتوفيق للجميع ..

وباذن الله ما بيدخل المربع الا الي يستحقه ..

سواء الهلال او النصر ;)

مشكور اخوي ..
THE_YET_IS_T
27-04-2003, 04:20 PM
الأخ بلاك تايقر ..

الجمعان له الإنفراده اللي اخذها شريفي منه والرأسيّه اللي في بداية المباراه .. وسوفو له التسديده الأرضيّه بعد نزوله .. هذا اللي اذكره ..

والشوط الثاني النصر انهار تماما وخاصة الدفاع والوسط !!

واشكرك على المشاركه ..


العمدا ..

مباراة الهلال هي المباراه الوحيده هذا الموسم للنصر التي قدّم فيها مستوى سيء للغايه وبرود غريب ..

وبالنسبه للمربع .. مثل ماقلت .. اللي بيتأهل يستاهل ..

واشكرك على المشاركه ..