المساعد الشخصي الرقمي

مشاهدة النسخة كاملة : يابنت ياللي بالحضاره تنادين


ابوتركي
27-04-2003, 01:03 AM
يابنت ياللي للحضارة تنـــــــــادين

................. ودك على الموضة أبرمج مســـاري

يابنت قولي وضحي وش تريـــــدين

.................. أفكارك السودا تثير انبهاري

يا بنت ليتك تفهمين وش تقولين

................. غروك واصبحت بجهلك تمــــــاري

تي شيرت وبلوزة وجنز وفساتين

..................وتنوره فيها غدى الساق عـــــاري

تنورة من ضيقها حيل تشكـــين

....................لبس تماريبه بقولة حضـــــــاري

وقصة فرنسية لشعرك تقصــين

....................متمنية لبوسي وفيفي تـــجاري

عاداتنا دستي عليها برجلــــــين

..................وعاداتهم صارت بعينك شعــاري

ياوخيتي لا يخدعك قاصر الـدين

..................انصحك واردد حذاري حــــــــــذاري

عن درب مريم طلبتك لاتحيديـن

...................عن الشرف والدين يابــنت داري

لاتخدعك قولة برستيج تــدرين

..................أعدائنا يبغوك مثل الجـــــــواري

قولي لهم تخسون مانتم بكفوين

.................من دوننا تاقف سباع الصحــــاري

من دوننا تاقف رجال ســــــلاطين

....................أرواحهم ترخص بيوم الطـــواري

بناتنا من نسل ذات النطاقين

................... حضنهن القرآن عن كل طــــــــاري

يا بنت ياللي للبداوة تنــادين

...................يحق لي أفخر بمثلك وأمــــــــــاري

قصيده اعجبتني فأحببت ان نقلها لكم
القــعـقـاع
27-04-2003, 01:10 AM
صح لسان القائل و شكرا على النقل:-)
2TGOOL
28-04-2003, 01:59 AM
الرسالة الأصلية كتبت بواسطة ابوتركي
..................انصحك واردد حذاري حــــــــــذاري



حذاري..?:


وش دعوه...الأخضر بالريش هو اللي قال القصيده.:6
ثريول
28-04-2003, 10:58 AM
الرسالة الأصلية كتبت بواسطة 2TGOOL


حذاري..?:


وش دعوه...الأخضر بالريش هو اللي قال القصيده.:6

هههههههههههههههههههههههههههههههههههه...

الله يقطع أبليسك..:D

حذاري من الهجمه البرازيلة...حذااااري..:)