كتاب منتدى المنظمات زودوها... وش رأيكم نحذف منتداهم؟

[مشرف المنتدى]

اعتقد ان الفائدة معدومة من منتدى المنظمات.. بل على العكس المسألة صارت سب و مسابب. اعتقد اننا راح نغلي المنتدى تماما (منتدى المنظمات) و نمنع كل المنظمات. و تبدا كلها من جديد. ولا يحق لأي أحد ان يكون منظمة الا بعد الموافقة عليه من قبلنا. بحيث يكون فيه شروط و قوانين لاقامة مثل هالمنظمات. او الخيار الثاني الغاءه تماما.

[لارا بنت سعـود]

الله واكبر اخيرا عقلت اشكررررررك احلى فكرة سويتها في حياتك

احسن لك تلغيييه مافيه فايده لانه وجع راس وسب وشتايم وتقليل من سمعة المنتدى

[الكوبرا]

الغــــــــــــــــــــــــــــــــاءه وحذفه تماما

[لارا بنت سعـود]

الغاءة لانه جرثومة المنتدى

الغيه وصدقني راح ترتاح من عوار الراس

الغيه الغيه الغيه الغيه الغيه الغيه الغيه الغيه الغيه

[لارا بنت سعـود]

مهما سويت من قوانين ولوائح وانظمة ماراح يتعدلوا بالمررره
بالعكس بيرجعوا زي الاول ويمكن اخس بعد
ريح عمرك ووسولهم كنسل:غضب:

[ibm]

قفلة ألأن بسرعة لأنة مالة فايدة كماأرى.

تكفا أسرع

[FSM]

انا اقول الغائها

بس لو تحط قوانين ونشوف ايش الي بيصير

اذا ما نفع خلاص شطب على المنتدى

واذا نفع خله لان احس ان بعض المنظمات يمكن فيها خير او

يمكن تنتج شي بس يبي لها مين ينظمها وحط قوانين علشان تمشي تمام


وهذا راي وانتم كيفكم

وشكرا

[sora]

ينلغي و نفتك

أخيرا بنرتاح

كل يوم هوشة

و لا منه فايدة

[FSM]

بس انا الى الان اشوف منظمه كونان3

وانت احكم بنفسك:)

[MEL C]

احذف

[BadGuy]

بما ان المشرف ترك للجميع حرية ابداء الرأي فمن رأيي :
ترك المنتدى و الغاء كل المنظمات واعادة تشكيلها من جديد بناء على اسس و قوانين :أفكر:

[Dark Angel]

انا ضدمنتدى المنظمات بالكامل ....لكن أيضا ضد انكم تحذفونه ...لأن اللي انت تكره غيرك يمكن يحبه...اللي أشوفه انكم تحطونه تحت شروط (صارمة جدا) وانكم تتعاملون معه بجدية شوي .. اذا انكم تشوفون أنكم ما تقدرون تلحقون ..أحسن أنكم تشيلونه...

[FSM]

انا اقول لا تحذفها وحط زياده مراقبين

علشان يقدرون يحافظون على المنتدى

بس لازم السب او غيره ما يسمح فيه

وشكرا

[Solid snake]

انا اقول انكم تشيلونه علشان تكفون الشر
وتخلصون من المشاكل?: ?: :p

[mr.nice guy]

لا لا ليش اتشيلونه
انا من راي مثل ما قال fsm نزيد المراقبين عليه حتى يمنعون الكلام القذر
وارجوا من ادمن انه ما يتسرع ويحذفه علشان بس في ناس ما تبيه لانه في ناس ايضا يحبونه ويكتبون مقالات مفيده وبعدين في منظمات اعتقد انها بتكون مفيده مثل منظمة فاينال فانتسي والزعيم والفاشيه تبون اتشيلونه بس علشان خاطر جم واحد ما يبيه ؟؟؟؟؟؟؟

[M.Master]

من راي تخلونه وتزيدون المراقبين عليه لان لو حذفت بتصير الزحمه في العام ... فكروا في هذا الامر :( :( :(

[STX]

أنا أعارض وبشدة له لو سكرتوه بتضاربون في منتدى ثاني عشان كذا خلوهم يسبون على كيفهم والا خلوني مشرف:) واعلمهم شلون كل واحد يمسك لسانه

[Austin Stunner]

إذا كنت بتخليه غير أسمه إلى منتدى السب والشتم أو أبنه من جديد أحسن.....الحمد لله هذا المشرف اللي أعرفه

[ارفين]

اغلاق المنتدى و الغاء كل المنظمات

مهما سويت ماراح ينفع معهم...الا شيء واحد وهو انتك تقفله:)

[Revolutions]

طيب يالمشرف انا منظمتي غير ومافي احد من الاعضلء كتب في منتدى المنظمات شي
حتى اني فاتحها في منتدى سماك داون عشان كيذا قلي وش يصير للمنظمه اذا اقفلت المنتدى :غضب:(

[alex]

يا مشرف ........ احسن حل ......... هو انك تحذف كل المواضيع الي فيه وتلغي كل المنظمات .... وما يسمح لأحد يحط منظمه من عنده ..... ويتم تقليل عددها إلى 4 بس ..... كل واحد يبي منظمه يكتب طلب ....بحيث انك تحدد وقت معين لتقديم الطلبات .... يعني فترة 10 أيام تكفي .... وبعدها تختار 4 منظمات .... طبعا يعتمد الاختيار على سيرة كل مقدم للطلب .... والامكانيات الي عنده .... ومدى اهليته لهذا المنصب ...... وكذا راح تبدأ 4 منظمات في نفس الوقت .... منافسه شديده .... ومحد احسن من احد .... جرب هالطريقه وشوف :cool: :cool: :cool:

[snorlax]

حذفه و فكنا من شره......

[Dr.Lucifer]

يا مشرفنا
شوف لا تقفله لأنك لو قفلته راح تجي كل الحوسة و الدوشة عندك هنا في العام و تبقى نفس المشكلة بس من رأي تشيل المنظمات و تعيدون تشكيلها من جديد و كل واحد يبغى يسوي منظمة يتقدم بطلب و إذا طلع طلبه هو نفس طلب منظمة ثانية تدمجونها أو تخلونه ينظم للمنظمة الموجودة و إذا كانت فكرة جديدة يسوي منظمتة و أي منظمة تخالف القوانين تنشطب و إذا خالف أي عضو فيها القوانين ينعطى تحذير أول مرة ( يتوقف كم يوم عن الكتابة و بعدين تردونه ) وإذا عادها ينطرد

[yosr]

ترك المنتدى والمنظمات.. مع تطبيق قوانين جديدة تقلل من الفوضى
او
ترك المنتدى و الغاء كل المنظمات واعادة تشكيلها من جديد بناء على اسس و قوانين

[METALLICA]

أنا برأيي
تختار أربع منظمات من الموجودين حاليا"
و تكون هاذي المنظمات الأربعة منظمات جيدة يعني على الأقل
أعضائها ما يسبون
و تخليهم في المنتدى أما المنظمات الأخرى إمنعها مثل ما سويت بالنازية :)

لأنك لو ألغيت كل المنظمات بتكون ظلمت المنظمات الجيدة و التي هي منظمات مسالمة و ما تغلط على أي أحد :)

[sora]

لو كان في تفاحة خربانة لازم تشيلها علشان ما تخرب باقي التفاح

(( ما عليه المثال شوي ......))

[داج2222]

بصراحه رايي زي راي yosr
يا اما ترك المنظمات و المنتدى مع تطبيق قوانين جديده و لا الغاء المنظمات و ترك المنتدى و اعادة تشكيل المنظمات و سلاااااااااامي

[العميد]

غلقوا المنظمات




بسررررررررررررررررعه

[الاميرة زيلدا]

اعادة تشكيلها مرة ثانية

عشان نانظلم المنظمات الكويسة(( اي مافيها لا سب ولا شتم))

[Seedoh]

انا هذا الي كنت ابه من زمااااااااااااااااااااااااان
والي علشانه وقفت الدخول للمنتدى والمشاركة
فيه
انا اريد اغلاق منتدى النظمات حالاً

[D0WN~T0WN]

أتمنى أنك توقف بعض المنظمات اللي هي سبب الفوضى والهواش

وأولهم time of the game

[yosr]

افضل شيء هو اعادته والسلام وتعييين مراقب دائم عليه

[سيلفي2065]

شيلوا المنظمات ومنتداها....وريحونا وارتاحوا :)

[الاعصار]

انا اقول يالمشرف ان الالغاء بيكون افضل......بس انت لو توقفه لفتره محدوده ..وتشوف؟؟ هل بيأثر على المنتدى؟؟ هل بتوصل المشاكل؟؟ ولا الكل بينسى؟؟ وبعدين تحكم بنفسك ( رأي شخصي )

[TOO COOL]

احسن شي إغلاقها وحذف كل المنظمات وعدم ظهورها مرة ثانيه

عشان المنتدى يصير مثل كل المنتديات مافيه هواش ولا شي والاعضاء يحبوا بعضهم
والي مو عاجبه يشوفله منتدى ثاني

[Uncharted]

الباب اللي يجيك منه ريح سده واستريح

[Twix King]

بدري !!

يا كثر الي اشتكوا وعارضوا المنظمات لكن اصر بعض الاعضاء عليها
والحين قاعدين تشتكوا???

اهم شي انكم صحيتوا ولو انها متاخرة

راي طبعا الغوا المنظمات ما راح يجي وراها الا المشاكل و اذا كان وراها فايدة او خير فهذا الخير لن يعم الا اعضاء المنظمة وبس

واذا كانت من ناحية الرقابة فكثرة المنظمات او وجودها بالاصح سيصعب العملية لانه بامكان اي عضو ان يسب و يشتم من دون ان يحس فيه احد

اول طالب الاعضاء الاعزاء بوجود منتديات غير منتدى البليستيشين والعام وغيرها من المنتديات وبالفعل قام المشرف باضافة منتديات تقتصر على لعبة واحدة فقط وبسببها بدات المشاكل ثم قام احد الاعضاء الله يستر علينا وعليه بموظة المنظمات واستمرت المشاكل واصبح المنتدى اسواء منتدى على الاطلاق

ملاحظة مهما شددت يا مشرف المشاكل ستستمر حتى تبدا بادارة جيدة و متابعة المنتدى بشكل افضل و



تطبيق الاوامر بدلا من كتابتها

شكرا

[php9]

بصراحة ...........
أنا أقوووووول نحذف كل منتدى المنظمات ............
عشين ممكن لو وضعنا قوانين يخالفوها
فلأفضل أن نحذفهم ......
;)

[EVIL NADER]

أنا ضد حذف منتدى المنظمات لأنه المنظمات فكرة حلوة لا وعرف أصحابه كيف يستغلونها لكن المنطمات الحالية ما تسوي شي غير السب والصياح أنا رأي نلغي كل المنظمات وإذا كانت في ممنظمة تبي تطلع لازم أتحدد مبادئها وأهدافها علشان نعرف إذا كانت فيها فايدة ولا لا.

[bigshow]

بسم الله الرحمن الرحيم
أولاً أحيي المشرف على اهتمامه بهذا الموضوع صراحة منتدى المنظمات بعد كل البعد عن الهدف الأساسي من انشائه بل أصبح وبال على المنتدى كله حيث ذهب ضحيته الكثير من الأعضاء الجيدين والذين أحسبهم كذلك يعني صراحة المنتدى يسبب الفرقة لا الإخوة لا يدعوا للأخلاق الفاضلة معضم مواضيعه سب وشتم ولكن الخطأ ليس منهم الخطأ منكم لأنكم لم تستطيعوا التحكم بالمنتدى بشكل جيد لو كنتوا من أول مافتحتوه وضعتوا شروط لكتابة المواضيع ووضعتوا لكل منضمة منتدى خاص والمشرف عليه رئيسهم حيث هو المراقب والمسؤول على منتداه لكان سهل عليكم إدارة هذا المنتدى بكل سهولة وتحقق من ورئه المنفعة للجميع والشيئ الذي أدهشني صراحة قضية إيقاف عضو هل معنى أنكم أوقفتوا اسمه لن يستطيع الكتابة؟؟؟؟؟؟
وأرجوا أن تتقبلوا كلامي بشكل رحب وهذا ما أتوسمه فيكم...

[FSM]

طيب ايش القرار

[عبد الرحمن219]

السلام عليكم ورحمة الله وبركاته
هذه مشكلة حقّا ويجب أخذ أجراءات جديدة.......................

يقع الشتم هنا بسهولة .............

ولكن أستغرب عمليات الشتم تلك التي تجري بين المنظمات.....
هذه سخافة وكأن لكل واحد منهم يصنع وينشأ جيشا بدلا من أنشاء منظمة....في حرب عالمية والكل يريد الأستيلاء على بقع الأراضي الأكثر......غريبة إذا كان فل الكل الذين يشتركون في العمليات البذيئة أن يظهروا عناوينهم والوقت وتجهيز الأسلحة للقتال....

[sora]

ديجيتال من وين طلعت فلفسة ؟؟:D (أمزح)

[GLADIATOR__mx]

قفلها يا مشرف الألعاب وريح نفسك من المشاكل
كل يوم تطلع مشكله وتنتهي بطرد أحد الأعضاء وتوقيفه

وإذا أنت محتار
عطهم فرصة وإذا صار فيه مشاكل واستمرت، لاتشاور أحد وإمسحه وريح نفسك

[مشرف المنتدى]

من اللي حاط اغنية بتوقيعه؟

اللي حاطها يشيله.

[LanD ShArK]

ادمين بالعكس انت كذا قطيتنا بعيد عن باقي المنتديات في منتدى
مشاكلنا هناك واللي مو عاجبه زي سوليد سنيك اللي مدري من وين جاي له وجه يتفلسف
محد غصبه يجي يخش جوا ويتفرج ما عليكم منه ذا حاول يسوي فيلسوف بس ما قدر يجي من جمبها حتى
المهم .. اذا انت الغيت المنظمات بيصير زي زمان المنظمات بتنتشر بباقي المنتديات
زي ما كان زمان والحين حنا نشاطنا مقتصر على منتدى واحد شرنا وخيرنا كله فيه
وحنا صحيح قاعدين نتهاوش فيه وانت وفيك ومدري كيف بس هذا الواحد يطلع حره هنا او بالاصح
يسوي قوي هناك ومسوي شدة وازعاج ونا ابو شكيم وانت ابو عنتر لكن بالاخير حنا حبايب واخوان .. يعني هناك كلام فاضي بس :) بس يعني زي ما انت شايف
فيه تطور
منظمتي مثلا بيكون لها اهداف حلوة وبنعلن عنها بالوقت المناسب وبتكون بعيدة عن الريادة والسب والشتم والكلام اللي ماله داعي وبعملك عليها بعدين او على الخاص اذا تحب

والحين كمان بدأنا نطور حلف S-T-R اللي بيكون باذن الله حلف يحتذى به بكل المنظمات

والسلام خير ختام

[( الزعيم )]

:غضب: :غضب: :غضب: :غضب: :غضب:
باٍختصار ...
حذف المنظمات السيئة وعديمة الفائدة ..
وترك اربع او خمس او ست منظمات نشيطة و مفيدة ومحترمة ...
مع وضع شروط للمنظمات ...
ومن رأيي :
1/ عشر منظمات في المنتدى .
2/ كل منظمة تتكون من 13 عضو .( منعا للفوضى التي حاصلة الآن )
3/ توزيع مناصب معينة :
رئيس - نائب - مشرف عام - المدافع العام - المدافع الخاص - رئيس قسم الالعاب - والبقية يكونون اعضاء .
مع العلم بأن يكون رئيس قسم الالعاب معه مساعدون ثلاثة على الاقل .
اعتقد انه يكون افضل ...:) :( :o

[عبد الرحمن219]

ما بك ديجيتال.....

أي فلسفة هذه........ومن سيربح المليون؟؟!!؟

[Al_3randass]

مرحبا يامشرف الالعاب

اول شي انا ما لي زمان عندكم بالمنتدى وما ادري مين اقترح عليكم

تحطوا المنظمات يعني انتوا اول منتدى يسوي هذا الشي

يعني انا اول ما دخلت مافهمت وش القصه يعني زي الاهبل

على العموم الاخوان الله يجزاهم خير شرحولي كل شي

وكل ما سألك واحد ايش الفايده منها قال ولا شي من يوم ما حطوا المنظمات

جا الخراب خرب المنتدى يعني يقولوا اول كان رهيب بس لما جت المنظمات

خرب المنتدى وفيه ناس كويسه راحت بسبب المظمات الي جت

يعني كلها بلا في بلا واقترح انك تشيلها او انك تكنسلها جميعا دون اثتسناء

يعني لا وحده ولا ثنتين ولا خمس ولا عشر يعني لو اخترت مثلا

عشر منظمات كل واحد يرسل لك رساله ويقولك منظمتي وزي كذا

يعني وجع راس لك وقلت حيا هذا كله غير الكلام الي ماله داعي

زي ما سعت لاني ولا مره رحت هناك إلا لما دخلت هذا شي

الشي الثاني الشباب يقولوا بيصير زحمه بالعام طيب كويس

يعني الحين لما واحد يكتب موضوع في معلومه ولا شي من هذا

ما احد يشارك معاه اما عن لعبه تشالنجر ماشاءاللع عليكم مليون رد للحين

اما عن مواضيع المفيده اشوف القليل الي يشارك فيها

تحياتي لكم بالتوفيق والنجاح

أعيد واكرر يا مشرف الالعاب اتمنى انك تحذف ابوها طير المنتدى كامل

وشكراا على إهتمامك بالمنتديات

[المغترب]

عزيزى مشرف الالعاب :
اعتقد إنك توافقنى على حرمة ظلم منظمه من اجل اخرى , صح ؟
يا اخى المظمات التى تثير الفوضى إحجبها بكل بساطه .
و لا تدعها تمنع المنظمات الاخرى التى لم تنشاء لنفس هدفها من تحقيق اهدافها وهى ( مساعدة الآخرين ) .
كل ما عليك هو تنقية المنتدى من الشوائب وذلك بوقف المنظمات التى تتبادل السب
والشتم مع بعضها البعض , وترك المنظمات التى هى فعلا تسعى من اجل تحقيق اهدافها .
هذا رأيى الشخصى واعتقد بأن رأيى عادل , فكيف تراه انت ؟

[|*|The Ruler|*|]

يا مشرف انا من راي ان المنتدى يبقى على ما هو عليه وان النضمات تحذف نهائيا

[FF8 R]

شباب انا اقول والله تلغيها ولا تخليها من بة خصلة ما يخليها

[HUNTER THE PAIN]

الى المشرف انا لااسب أنمى ادخل روح المرح في مواضيعي
وأنما منظمتي منظمة TIME OF THE GAME هي أحسن منظمة
وارجوا أن يكون المنتدى تحت قوانين صارمه وشكراً
والى يقول ألغاء أكيد ما جرب حلاوة الكتابة فيه
وكيف هو جميل أن تكون في احد المنظمات
وأرجوا ان تفهم كلامي زززززززززززززززززيييييييييييننننننن

[Al_3randass]

وش قال المشرف للحين ما قلت وش قرارك

يعني لو تقول ايش قررت او انك تبي المزيد من الاعضاء يبدوا اراءهم

[حسين-911]

سكرهم كلهم كلهم كلهم
والغي المنظات لانه الي يدش يقول شنو لعب يهال مو منتدى العاب عربي والرقم 1 بين ك منتديات الالعاب

[علوش]

انا اقووووووووووووووووووووووول


الممنظمه الي مالها موقع و منتديااات


تتقلع من المنتدى ذااا


و الي يسبووون يحقلهم اذا مافيه مرااااقبين


و اذا سويت زي ما قالوا الشباب و رشحت 4


منظمات البقيه بعفس المنتدى فوووق حدر


انا اقول تقفله بعد اعلان انك راح تقفله بعد 10 ايااام


عشااان كل منظمه تجمع اعضااائها و تروووح تماااارس


نشاااطاااتها في المنتدى حق المنظمه نفسهاااااااااااااااااااااااااااا


و اي عضو يفتح موضوع منظمه اوووووووت تطرده


انا ما اشوووف الا منظمه القرش و وننج اليفين الي مبدعين و الباااقي


مش و لا بد .....................................

[قرداحي]

الى اخي /المشرف00000000000
تحيه وبعد:
بما ان حرية الراي مفتوحه وحيث ان الاستفتاء الذي وضعتموه
يشير ان كل الاخوه والاخوات صوتوا بحذفه ولما جاء به من الكلام الذي
لا يليق بالمنتدي ولا بجميع المشاركين فان من حسن الراي اتباع راي الاغلبيه0000تمنياتي لكم بالتوفيق0000
ولكم مني ومن الاخوه والاخوات مليون مشاركه ومرحبا

[حسين-911]

اقوول احنا مو منظمة "وننج الفن " احنا رابطة وننج الفن وهناك فرق

[الاميرة زيلدا]

لا لا تحذفون المنتدى حطو قوانين للمنظمات وخلاص

والمنظمة الي متنفذ القوانين احذفوها مرة وحدة























عندي احساس ان المنتدى لو انحذف تتنتشر المنظمات في كل المنتديات زي اول او اسوء

[php9]

و الله
أنا ما عد أعرف و يش الحل؟
الناس حيروني

[nethel]

اتركو المنتدى ذا
حطو شروط وبس

[mr.nice guy]

لا لا يا جماعه لا تقولون للمشرف يسكر النتدى ويطرد الاعضاء
تراه ما يصدق ويسويها عاد ياحبه للطرد

بعدين المنتدى هذا سووا للمشاكل ولا يعنى حاطين منتدى منظمات
وما تبون هواش وسب ?: ?: ?:

انا عندى حل حلو للي ما يبون يشوفون الهواش والسب بالمنتدى
انكم ما تدشونه من الاساس بكل سهوله

تحيا المنظمه الفاشيه

[THE~MEXICAN]

اي والله يا نايس

بعدين اذا وقفتوا المنتدى راح يتوزع الاعضاء على باقي المنتديات
ويصير الهواش علني وتطيح على راسكم

على فكره ترى مشرفنا توهق لما كتب المقال لان في ناس كثيره
ردت عليه وهو مضطر يقرا كل الردود وبالتالي يقل عدد ساعات
نومه :o :o :o :o :o :o :o

ارجوا من المشرف الا يمارس هوايته المفضله ويطردني

تحيا الفاشيه

[المحقق كونان3]

والله انا بعد ما قعدت اقرى منتدى المنظمات مع هذا القرار

وانا بصفتي رئيس منظمة المحقق كونان3

اطلب وبجدية فصل السيد hitman على مواضيعة المميزة المنافية للاخلاق


وشكرا

[واو]

و السبب ان فايروس المشاكل محاصر في منتدى المنظمات فان انت بطيته اقصد حذفته سينتقل الوباء الى كل المنتديات .
و لا حظ انك عند انشاء المنتدى اي المنظمات اختفت المشاكل من كل المنتديات وتجمعت في منتدى المنظمات .
لذا لا انصح الا بوضع قوانين للتنظيم.
ويمكنك ممارست هوايت الحذف على اعضاء بدل المنتديات ( امزح) :)

[leopard_1]

قرار نهائي















حذف النتديات بسما احد يزعل لان المنظمات تسوي مشاكل وما اقدر اذكرها
احم احم احم احم

[police_911]

والله العظيم انا بطلع اذا حذفتو المنتدى المنظمات

[Al_3randass]

وين المشرف كتب الموضوع بعدين طنش ما صار يرد

ياخي قول وش قررت

[THE~MEXICAN]

المشرف تعب من النوم

وهو الحين يبي يرتاح فراح نام

:D +) +) :D

تحيا الفاشيه

[Zahif3100]

ما عندي أي مانع على التصويت

[police_911]

تصبح على خير يامشرف

[THE~MEXICAN]

النوم سلطان النوم سلطان

تحيا الفاشيه

[police_911]

نومة العافية

لا فوق هذا
معطني تحذير

[THE~MEXICAN]

احلام الهنا

تعرفون مشرفنا شنو اكثر فندق يكرها

فندق صح النوم

:o :o :o :o :o :o

تحيا الفاشيه

[ash2001]

بس خلاص شو فيكم كلكم على المشرف

[police_911]

نومة العافية يا مشرف
انشالله السرير مرتب ولا تبي يسر ترتبة لك ولا انا

[المحقق كونان3]

الحين وش فيكم على المشرف يعني هو فاضيلكم وما عندة غيركم المفترض انكم تصوتو وخلاص وتحطو اسبابكم مو تقعدو تتتريقو عليه ولو اصدر قرار تسمعوه وتبدو ارائكم

مو نايم وصاحي

عيب يا شباب


وسلام

[police_911]

المفروض من المشرف ان يتفاعل معنا

[dungeon]

شيل المنظمات وقفل المنتدى

ابرك