مشاهدة النسخة كاملة : نقاش الرسامين This is getting REALLY ANNOYING
Ranma Saotome
30-04-2003, 05:23 PM
السلام عليكم جميعا..
بصراحه فكرت طول اليوم ان افتح هالموضوع لكن كنت متردد
لكن قلت لازم افتحه عشان كلنا نضع حد للي يحصل..
اكيد مستغربين تقولون عن شنو يتكلم رانما...
انا أقول لكم..
يمكن لاحظتوا ان في عدة اعضاء نحبهم وقراب منا اختفوا من المنتدى مرة وحده....
مممم.. يمكن عشان الامتحانات؟ مشغولين؟
بعض الاعضاء مختفين لهالاسباب.. لكن....
في اعضاء ومن غير ذكر اسماء زهقوا وملّوا من المنتدى وقرروا يتركونه لأن بصراحه ماقدروا يتحملون المكتوب في منتدى السياسة..
صحيح ان منتدى السياسة بعيد عن منتدى الرسم..
لكن اعتقد ان معظم الاعضاء اخذ له لفة هناك وشاف المواضيع الجارحة لكل الجنسيات و الفئات..
بصراحة انا ماقدرت اسكت اكثر من جذيه على هالوضع الحالي.. اعضاء لهم وزنهم في المنتدى يتركونه بسبب منتدى السياسة ومشاكلة..
و العدد في تزايد للأسف.. و أنا ماقول هالكلام من فراغ ومافتحت هالموضوع من مجرد اشاعه سمعتها.. فتحته على حقيقة شفتها وسمعتها بنفسي..
و أتمنى ان هالشي مايأثر علي ويمكن المفروض ماقول هالشي.... ولا لا المفروض اسكت احسن..
اتمنى ان نشوف حل لهالوضع.. و مو بس في منتدى الرسم.. في عدة اقسام يشتكون من قسم السياسة..
ياريت لو اي عضو يعرف احد الاعضاء اللي تمسّه هالسالفة ان يشجعه ويحاول ان يرجعه معانا المنتدى.. و إلا هالفئة اللي طلعت اليوم يمكن يكون وراها فئة ثانية بعد مايتحول منتدى السياسة الى شعب اخر يجرحه..
نقطة اخيرة.. مافتحت هالموضوع عشان ينقلب خناقة في الاخير بين الاعضاء.. يعني يمكن هالشي يحدث، لكن فتحته عشان نرجع عالاعضاء ومانفقدهم..
واسمحوا لي على الاطالة او الصراحة.. لكن اعتقد ان مافي حد هنيه من اللي يهمهم هالمنتدى ويعز عليهم يبي يشوف هالشي يصير لأي عضو من احبائنا..
و السلام عليكم ورحمة الله
معاك حق أخ رانما بكل اللي تقوله!!
وأحسنت لأنك فتحت هالموضوع ^^
المنتدى السياسي فعلا مأثر عالاقسام الثانية ...
وأتمنى من أي عضو من منتديات الرسوم أنه يعتبره ببساطه موقع آخر مستقل!! ماله علاقة بكل اللي يستوي بالقسم السياسي ...
واللي ابتعد عن المنتدى لهالسبب !! أتمنى أنه يرجع بسرعة اذا الا اذا كان مشغول طبعا ...
والسلام ..
فيجا الكبير
30-04-2003, 08:56 PM
:-) كفوا والله رانما ... قدها وقدود اللي فتحت مثل هالموضوع هذا ..
:6 على ما أظن انك كنت تقصدني :D لاني مادخلت المنتدى من يومين صح ... هههههههههه :6 .... :o لا بس والله كلامك صح المفروض ان هذا الشيء ما يحصل .. ?: والله مدري شنهي السالفه ولا ادري شصار في منتدى السياسه بس انا على طووووووووووووول وياك يارانما وانت تعرفني زين :D ..
المهم :غضب: وينك ما رديت على المسج اللي ارسلته لك ....
ترى والله اعلم الامبرطور ... :أفكر: ايه الله يرحمه .. اقصد :o الله يوفقه ..
المهم رد على المسج اللي طرشته لك قبل 4 ايام ...
:D قبل 4 ايام . هههههههههههههه
Rewayah
30-04-2003, 09:50 PM
مشكووووور يا رانما ويزاك الله ألف ألف خير!!! http://www.handykult.de/plaudersmilies.de/happy/xyxthumbs.gif
أنا مثل هالمواضيع وايد تهمني, زين يوم نبهتني لذلك.
أنا ما أعرف السالفة, بس بروح بلقي نظرة على المنتدى السياسي, إن شاء الله خير. :)
وبنحاول نطلع حل للمشكلة قدر المستطاع (بعد ما أطلع عليها!). :)
مشكور وما قصرت على إهتمامك النبيل. ;-)
حياكم.
CUTE NURIKO
30-04-2003, 10:11 PM
شكرا لك اخ رانما...
وفعلا انا تابعت اللي يصير هناك...شي غير طبيعي بالمرررره..
واحنا خصوصا في هالمنتدى ...تعودنا دايما نكون اسره وحده...(الظاهر حسدونا :" )
لكن ماتوقعت ان حد من منتدانا يتأثر باللي صاير هناك...وهذا شي وايد محزن ...وفي اعضاء اعرفهم قالوا انهم بيتركون المنتدى... :" ...مب كفايه الحاله اللي يمر فيها المنتدى...
وانا بصراحه اعذرهم ...لان اللي يصير هناك ابدا مب كلام عقلاء...واتمنى انهم مايدخلون هناك ابدا... ولايردون على اللي صاير ...يهمنا واااااايد انهم يتواجدون معانا هنا في هالمنتدى اللي هو منتداهم...
اتمنى انهم يرجعوووون ...:)
هـداف
30-04-2003, 10:19 PM
همممممممممممممممممم....
رائع يا رانما.......فعلا أنت رجل والرجال قليل...كنت بفتح هالموضوع لكن قلت يمكن أحلها بالخفاء بكون أفضل...لكن السالفه اكبرت..وشكرا على هالموضوع الرائع;)
انا حاولت مع الأعضاء.....بعضهم رجع وبعضهم والبعض رفض ..... انا عن نفسي كلمت المشرف أودين,,,,وهو جزاه الله خير مارفض لي طلب للحين;) وفعلا..انمسحت ردود ومواضيع في المنتدى السياسي.....لكن الأعضاء ماوقفوا.....وفتحوا مواضيع ثانيه.....عاد انا اهني ناقدرت أكلم أودين .....مصختها^^.....وهاي الي خل الأعضاء يرجعون عن قرار العوده!!
أتمنى من المراقبين هنا بذل جميع الجهود الممكنه...وانشاءالله علينا توصيل الرساله للأعضاء ;)
Ranma Saotome
30-04-2003, 10:52 PM
مشكووووريييين على ردودكم كلكم..
ردودكم فرحتني.. وانشالله الفرحة بتكبر لما نشوف الاعضاء المعنيين راجعين للمنتدى..
نوريكو.. ايه.. دايما تدخلين على قسم السياسة ;) واكيد لاحظتي هالشي..
انشالله مع بعض ننهي هالمشكلة ونقول لاخوانا الاعضاء ان يرجعون لمنتداهم ومايعبرون منتدى السياسة..
و انشالله بعد مايطلع استاذنا رواية على الموضوع نعرف منا اخر التطورات :)
ياريت الاعضاء اللي يمسهم الموضوع يشراكون معانا.. او انشالله نشوفهم راجعين للمنتدى في القريب العاجل..
مع السلامة
mirage
30-04-2003, 11:38 PM
ان شاء الله يارب ايردون المنتدى ..:(
احنا كلنا اهني ربع واخوان..
اللي في المنتدى السياسي ما بيهمهم اذا هالعضو ترك المنتدى او لا وهالشئ ما بيأثر عليهم..
بس احنا اللي بنفتقده وبنفتقد مشاركاته ووجوده معانا..
والاهم ان احنا بنخسر اخو وصديق عزيز وغالي علينا..
سمعتوا ردوا المنتدى .. كلنا اهني ننتظركم اتردون;-)
ومشكور رانما على هالموضوع..تسلم ما تقصر اخوي..:)
Touya
30-04-2003, 11:48 PM
السلام عليكم ^^
رانما... فتحت صندوق باندورا اللي ماتجرء احد يفتحه:D
صج هالسالفة كبرت زيادة عن حدها ووضع المنتدى متئزم... أنا ماقدر الوم اللي ودهم يطلعون بسبة المنتدى السياسي... بس اقول السالفة ماتستاهل خصوصاً للأعضاء اللي مالهم علاقة بذاك القسم... بس انا اعتب على الإدارة.... صراحة انا عندي كم اقتراح بالنسبة لذاك المنتدى..
*فتح المواضيع يكون في فترات محددة تعلن عنها الإدارة.
*معاينة المواضيع من قبل الإدارة قبل نشرها
أو حتى تغيير طريقة بدء المواضيع..
مثلاُ تحديد مجموعة من الأعضاء ترسل لهم المواضيع عن طريق الخاص... وهم يفتحونها في المنتدى السياسي بصلاحيات مسبقة لهم..
يعني بالعربي زي اللي يسوونه حكوماتنا... التحكم ^^ وأعتقد انه انا مالومهم انهم يراقبون ويقطعون ويصادرون... بس كل شي بعقلانية... انت المفروض تلعب بالحبل... تشد وترخي;-)
وأعتقد أن حرية الرأي ومفهوم الحرية بشكل عام مامعناه الحرية المطلقة في السب والشتم... الحرية في حدود المعقول.. وهذا المفترض... أما اقفال المنتدى السياسي فلا اعتقد انه حل
fatoom
01-05-2003, 12:40 AM
السلاااااااااااام
انا بعد هالموضوع مضايقني :غضب:
يعني إلي يصير هناك ماله خص بهنيييييييي !!
و صراحه اتمنى لو ينحذف ذاك المنتدى لأنه يسبب بلاوي
مالها معنى ............ هاي الصج :o
و هاي رايي :o
يعني كفايه ناس احبهم يختفون :"
Shadow Cat
01-05-2003, 01:00 AM
عاشت fatoomعاشت:D
im with you !!!!
...
والله الصراحه الموضوع اثر فيني بشكل كبير....
i wanna cry:": ....
i mean ..i know im a little new around here
but i used to visit this website befor i even joined...
i saw many users....and lots galleries and all that ....
i can even remember some of thoes members.....
who....dont show any more as you say ...~_~
too sad....
i mean ,,,,its not worth it ....you know
politics trouble...and evil...
(احين بتقولون ..شادو قامت تتفلسف):6
بس لا والله صدق:( ....
اصلا ان ولا عمري من اول ما دخلت المنتدى..ولا فكرت اتطلع على قسم السياسة...
الناس مو ناقصه هم و مشاكل!!!!
و اصلا المنتدى مسواي لتكوين صداقات حلوة...و خاصة للذكرى...:":
و....بس...يعني انا حبيت اشاركم...
to share this moment with you my friends
:) اتمنى ...ان الاعضاء اللي مختفيين يرجعون...
...و يردون الروح للمنتدى
PEACE ya all....:أفكر:
Madoka
01-05-2003, 01:31 AM
سلام
سارلي ساعه فاتحه خانه الرد و ما كتبت شي :": .. شكلي نسيت اشلون اكتب ردود هههههه :-)
الصراحه ماني لاقيه الكلمات اللي اقدر اعبر فيها عن كل اللي في قلبي :" ... مشكوووورين واااااايد يا أعضاء منتدى الرسم على كل شي ... مهما شكرتكم ما راح يكون كفايه
احس شوي بتأنيب الضمير لاني كبرت السالفه و ضايقت غيري فيها >_< ..... و سامحوني اذا كنت في يوم غلطت على واحد منكم او جرحت واحد منكم ...
و جزاكم الله الف الف خير يا أحلى و اغلى أعضاء ... صداقتكم عزيزه علي وايد و ماقدر افرط فيها و اترككم
و آسفه اذا كان كلامي غير كافي ... بس انا من النوع اللي ماعرف اعبر عن حبي حق اللي اعزهم .. سوري اذا قصرت بحقكم ..
و مشكورين
Ranma Saotome
01-05-2003, 01:59 AM
ويلكم باااااااااااااااااااااك مادووووكااااااا
اشوف مره وحده ضوء قوي بط عيني طلع من المنتدى
ترى طلع رد مادوكا :D
لاتشكرينا ولا شي مادوكا.. انتي عضوه في منتدى الرسم.. انتي اخوان وكلنا نهتم ببعض..
انا ماعرف بعد شنو اكتب :o
بس خلينا ننسى كل اللي صار ولا كأن صار شي.. ونشوف انشالله ردودج المميزة مره ثانية مالية المنتدى..
سلاااااااااام :D
ايه مانسى.. في اعضاء ثانيين عارفين نفسهم :غضب: ارجعوا بسرعه اوكييييييي ;-)
مااعتقد ان الضغط على زر (بلغ المشرف عن هذه المشاركه ) او ارسال رساله خاصه لي انا على الاقل والتبليغ عن المواضيع الي فيها تعدي على الشعوب تاخذ الكثير من وقتكم .. :)
السلام عليكم
مشكور اخوي رانما على الموضوع الهادف
و عجبني جدا كلا خوي لما قال Touya
الرسالة الأصلية كتبت بواسطة Touya
السلام عليكم ^^
رانما... فتحت صندوق باندورا اللي ماتجرء احد يفتحه:D
صج هالسالفة كبرت زيادة عن حدها ووضع المنتدى متئزم... أنا ماقدر الوم اللي ودهم يطلعون بسبة المنتدى السياسي... بس اقول السالفة ماتستاهل خصوصاً للأعضاء اللي مالهم علاقة بذاك القسم... بس انا اعتب على الإدارة.... صراحة انا عندي كم اقتراح بالنسبة لذاك المنتدى..
*فتح المواضيع يكون في فترات محددة تعلن عنها الإدارة.
*معاينة المواضيع من قبل الإدارة قبل نشرها
أو حتى تغيير طريقة بدء المواضيع..
مثلاُ تحديد مجموعة من الأعضاء ترسل لهم المواضيع عن طريق الخاص... وهم يفتحونها في المنتدى السياسي بصلاحيات مسبقة لهم..
يعني بالعربي زي اللي يسوونه حكوماتنا... التحكم ^^ وأعتقد انه انا مالومهم انهم يراقبون ويقطعون ويصادرون... بس كل شي بعقلانية... انت المفروض تلعب بالحبل... تشد وترخي;-)
وأعتقد أن حرية الرأي ومفهوم الحرية بشكل عام مامعناه الحرية المطلقة في السب والشتم... الحرية في حدود المعقول.. وهذا المفترض... أما اقفال المنتدى السياسي فلا اعتقد انه حل
ما شاء الله اسلوب رائع بالكلام و بطرح الرأي و الحل ... تسلم اخوي ما اقول غير صح لسانك برأيك السديد و رايي من رايك و مؤيد لك و اضن الجميع معاي لإن هذا هو عين العقل
انا لا اعتب غير على الإداره و لا ألوم الأعضاء اللي تركو المنتدى لإنهم بأغلب الحالات انهانو و تقللت قيمتهم و إحترامهم بشكل واضح
اخوي اودين
الأعضاء يتكلمون عن قسم كامل اصبح اغلبه عجيب غريب و فاسد و يفرق بين الأخوان من الجنسيات المختلفه و كإنهم نسو اننا مسلمين
اتمنى بكل صراحه انكم تحطون مراقبين اكثر على القسم
و انك مع باقي المراقبين تقتدون بالمراقبين اللي اكثر منكم خبره و حكمه بالرأي السديد و العمل مثل أخوي شاهين و اختي فطوم و اختي خلود و غيرهم كثير نفتخر فيهم قادرين يحققون الإستقرار للكل
و لا تلوم الاعضاء لوم المراقبين اللي داخل هذا القسم كيف ما قدرو يصلحون الحال
و غالبيه كثير من الاعضاء اللي طورو و غيرو و وقفو المنتدى و رفعوه للقمه تركو المنتدى بسبت سوء التنظيم الاخير
ما تحس ان فيه علامة استفهام كبيره تفرض نفسها على الكل
حطو مراقبين كفو على هذا القسم يساندون اخوي مشرف قسم السياسه
مو معقوله بس مراقب واحد رسمي على هذا القسم
و خل المراقبين الزوار اللي بالقسم يتعلمون اصول الرقابه مو معقول الاعضاء صارو اكثر حكمه من المراقبين !!
حنا اعضاء و نطالب بها الحق و انتو مراقبين من واجبكم تحققون الصلاح
ما ابي اقول اتمنى ان حال ها القسم يتعدل لإننا ملينا من كثر ما نتمنى ابدو بالعمل و الفعل بالتغيير
تبون مراقبين ؟ قولو لي و انا احط موضوع انتقي لكم فيه احسن و أذكى و اكثر الاعضاء صلاحيه لها المناصب و لها القسم بترشيح من الكل كله على شان ها النقطه السودا اللي بصدر المنتدى تنمسح
عيب و الله قبل يضرب فينا المثل بحسن تنظيمنا و الحين صرنا شماته للمنتيات الثانيه
لا بارك الله بالقسم اللي فيه فلان جنسيته جذي و فلان مو زين هذا جنيسته جذي و جذي هذا يهودي و هذا عميل
عييب و قبل ما يكون عيب هذا حرام شرعاً تفرقت المسلمين حراااااام يا بشر
لو سويتو حمله لإصلاح حال ها القسم انا اول المتطوعين لكن يا ليت محد يعتبرني عضو لإني من اليوم انا زائر و لا ابي اكون أكثر من جذي
مع السلامه و بالتوفيق للجميع و خلونا نبدا بالفعل
Neo Cid
01-05-2003, 09:35 AM
الرسالة الأصلية كتبت بواسطة MZM
السلام عليكم
مشكور اخوي رانما على الموضوع الهادف
و عجبني جدا كلا خوي لما قال Touya
ما شاء الله اسلوب رائع بالكلام و بطرح الرأي و الحل ... تسلم اخوي ما اقول غير صح لسانك برأيك السديد و رايي من رايك و مؤيد لك و اضن الجميع معاي لإن هذا هو عين العقل
انا لا اعتب غير على الإداره و لا ألوم الأعضاء اللي تركو المنتدى لإنهم بأغلب الحالات انهانو و تقللت قيمتهم و إحترامهم بشكل واضح
اخوي اودين
الأعضاء يتكلمون عن قسم كامل اصبح اغلبه عجيب غريب و فاسد و يفرق بين الأخوان من الجنسيات المختلفه و كإنهم نسو اننا مسلمين
مو معقوله مشرف ما يحس بوجود خطأ حس فيه اكثر من ثلاث أرباع اعضاء المنتدى
اتمنى بكل صراحه انكم تحطون مراقبين اكثر على القسم
و انك مع باقي المراقبين تقتدون بالمراقبين اللي اكثر منكم خبره و حكمه بالرأي السديد و العمل مثل أخوي شاهين و اختي فطوم و اختي خلود و غيرهم كثير نفتخر فيهم قادرين يحققون الإستقرار للكل
و لا تلوم الاعضاء لوم المراقبين اللي داخل هذا القسم كيف ما قدرو يصلحون الحال
و غالبيه كثير من الاعضاء اللي طورو و غيرو و وقفو المنتدى و رفعوه للقمه تركو المنتدى بسبت سوء التنظيم الاخير
ما تحس ان فيه علامة استفهام كبيره تفرض نفسها على الكل
حطو مراقبين كفو على هذا القسم يساندون اخوي مشرف قسم السياسه
مو معقوله بس مراقب واحد رسمي على هذا القسم
و خل المراقبين الزوار اللي بالقسم يتعلمون اصول الرقابه مو معقول الاعضاء صارو اكثر حكمه من المراقبين !!
حنا اعضاء و نطالب بها الحق و انتو مراقبين من واجبكم تحققون الصلاح
ما ابي اقول اتمنى ان حال ها القسم يتعدل لإننا ملينا من كثر ما نتمنى ابدو بالعمل و الفعل بالتغيير
تبون مراقبين ؟ قولو لي و انا احط موضوع انتقي لكم فيه احسن و أذكى و اكثر الاعضاء صلاحيه لها المناصب و لها القسم بترشيح من الكل كله على شان ها النقطه السودا اللي بصدر المنتدى تنمسح
عيب و الله قبل يضرب فينا المثل بحسن تنظيمنا و الحين صرنا شماته للمنتيات الثانيه
لا بارك الله بالقسم اللي فيه فلان جنسيته جذي و فلان مو زين هذا جنيسته جذي و جذي هذا يهودي و هذا عميل
عييب و قبل ما يكون عيب هذا حرام شرعاً تفرقت المسلمين حراااااام يا بشر
لو سويتو حمله لإصلاح حال ها القسم انا اول المتطوعين لكن يا ليت محد يعتبرني عضو لإني من اليوم انا زائر و لا ابي اكون أكثر من جذي
مع السلامه و بالتوفيق للجميع و خلونا نبدا بالفعل
http://www.montada.com/images/icons/icon14.gif
Rewayah
01-05-2003, 10:41 AM
الرسالة الأصلية كتبت بواسطة mirage
ان شاء الله يارب ايردون المنتدى ..:(
احنا كلنا اهني ربع واخوان..
بالضبط. :)
يا جماعة نحنا ما نبغي هرج وايد ما له لزمة. :)
كل اللي نبغيه, إنه الأعضاء اللي راحوا يردون لنا بسرعة لأنا مالنا غنا عنهم ومشاركاتهم.
أبيهم ما يتأثرون بهالخرابيط اللي بالمنتدى السياسي إذا لم يتغر حالة, وأنا متأكد إنه المشرفين إن شاء الله بيتخذون الإجراءات الضرورية. :)
منهم كاهوا مشرفنا أودين, ومثل ما قال, طرشوا وأبلغوهم بأي موضوع مشكوك فيه أو يسيء للآخرين, وعندكم بعد المشرفين الأخرين, راسلوهم. :)
وإن شاء الله بيستجيبون لنا بسرعة. :)
وأنا مع فكرة وضع مراقبين إضافيين لذاك القسم. ^^
Touya
01-05-2003, 11:28 AM
صاجين شباب.. أهم شي اللحين يردون الأعضاء العزيزين علينا..
المنتدى السياسي أصلا كل مادشيته يجيبلي المرض... رفع ضغط ودم وسكري وبس...
خلوكم معانا ولايهمكم اللي صاير هناك... اصلاً اللي يسببون المشاكل هناك مايسئيون لحد غير انفسهم.. ما أعتقد ان دولة او شعب بينزعج من ناس السنتهم طويلة وافعالهم قليلة:)
Neo Cid
01-05-2003, 11:39 AM
الرسالة الأصلية كتبت بواسطة Rewayah
بالضبط. :)
يا جماعة نحنا ما نبغي هرج وايد ما له لزمة. :)
كل اللي نبغيه, إنه الأعضاء اللي راحوا يردون لنا بسرعة لأنا مالنا غنا عنهم ومشاركاتهم.
أبيهم ما يتأثرون بهالخرابيط اللي بالمنتدى السياسي إذا لم يتغر حالة, وأنا متأكد إنه المشرفين إن شاء الله بيتخذون الإجراءات الضرورية. :)
منهم كاهوا مشرفنا أودين, ومثل ما قال, طرشوا وأبلغوهم بأي موضوع مشكوك فيه أو يسيء للآخرين, وعندكم بعد المشرفين الأخرين, راسلوهم. :)
وإن شاء الله بيستجيبون لنا بسرعة. :)
وأنا مع فكرة وضع مراقبين إضافيين لذاك القسم. ^^
المشكلة أن لوجين مطرودة الحين ..
و فيه أعضاء بعد تاركين المنتدى بسبب السياسي هذا ..
و لو تشوفون رد مادوكا .. فيه شوي من الوداع ..
:أفكر:
Ranma Saotome
01-05-2003, 02:33 PM
السلام علييكم
اهم شي ان الاعضاء اللي ابتعدوا عن منتدى الرسم بسبب ماله دخل به ان يرجعون..
الحمدلله مادوكا رجعت لنا وانشالله ماتبتعد مره ثانية..
لوجين :(.... اتمنى ان تنحل مشكلتها في اقرب وقت..
و الفنان الكبير mzm هالموضوع لكم انتوا.. نبيكم ترجعون لنا.. مانبي نخسر اي منكم وانت من اهم الاعضاء في المنتدى والكل هنيه يقدرك ويحترمك ومايبيك تبعد عنا واحنا قسم الرسم مالنا دخل بقسم السياسة
اعتبر قسم السياسة موقع مستقل بذاته وقسم الرسم موقع مستقل بذاته.. مالهم دخل في بعض..
مابي اطول في الكلام.. اتمنى ان نشوف ردودكم في المنتدى مره ثانية...
هاه مزمز.. ارفع جاليريك؟ ;)
orange road
01-05-2003, 02:42 PM
مثل ما قالوا الاخوان...
هالمنتدى اعتبروه منفصل عن المنتدى السياسي ولا لا علاقة فيه...
وكفوا حد يدخل هالمنتدى ويغلط على الاعضاء..
بصراحة.. انتوا هني اعتبركم كلكم اخواني وخواتي .. وما ابي يي يوم وادخل المنتدى وما اجوف اي ردود منكم :(
انتوا اللي ماعطين المنتدى طعم...
الحمدلله ان مادوكا اقتنعت وبرتجع لنا ^^
وانشاءالله لوجين بترجع لنا بعد..
مزمز... لا تقول هالكلام ارجوك.. :غضب: انت عضو في هالمنتدى وبتم عضو فيه (والا باطلع لك في كوابيسك كل يوم)
اعتبروا المنتدى السياسي ما له وجود..
عاد تصدقون.. على طول هالايام اللي قضيتها هين عمري ما فكرت ادخل المنتدى السياسي.. ولما فكرت امس ادخله علشان اجوف اللي مضايق الاعضاء منه ولا عرفت شنو ابتدي فيه.. بس قريت العناوين ولاعت جبدي وطلعت...
يا اعضاء المنتدى الكرام (تأثرت بالمنتدى السياسي اللي دخلته دقيقة وصارت لنا الحين الصحاف :6 )
هالمنتدى لكم.. تبون تناقشون فيه اي شي ناقشوه هني... ^^
ما عندنا مانع.. بالعكس... احس منتدانا مرن اكثر من اي مكان ثاني..
هـداف
01-05-2003, 11:39 PM
أودين^^
كلامك صح يا أودين....لازم نسوي إعلام المراقب....لكن.....لو علمنا المراقب على المشاركات....ولا المواضيع...بتطلع لنا مواضيع مشاركات ثانيه في شتم وكل شي....فمب معقول ان كل يوم ناخذ فره ونشوف الردود والبلاوي!!
مثلا ... تذكر لما كلمتك.....انت جزاك الله خير..ماقصرت.....لكن شوف .... المواضيع الي انحذفت سووها أصحابها مره ثانيه....يعني ولا جننا سوينا شي.....لأن مافي شي يردعهم....;-)
لازم يكون في مراقبين أكثر على المنتدى السياسي...والمنتدى السياسي بالذات;-)
**العقـ222ـرب**
01-05-2003, 11:51 PM
.. السلام عليكم ^_____________^
كيف الحال ...
اولا انا احسدكم بصراحه على هالأعضاء الي كل منتدى يتمنى انهم ينتسبون اليهم ..
..
و لكن بهالمنتدى احس ان المنتدى السياسي يبي الفكه منهم !!!
..
واضح من المنتدى السياسي انه فرق بين ناس وناس .؟؟
و بصررررررراحه .. احسن الأعضاء الي بالمنتدى .. بدو يتركونه !!
alucardracula
03-05-2003, 12:16 AM
السلام عليكم و رحمة الله و بركاته
أولاً ما انتبهت لهذا الموضوع من قبل للأسف..
ثانياً و بكل صراحة من أوّل يوم دخلت المنتدى شفت اللي يؤسفني من هذي الناحية و لو حطّيت بخاطري اللي يصير هناك كان طلعت من زمان لكن ما خلطت بين اللي يصير هنا و هناك و اهتمامي و تركيزي الوحيد هو على الأعضاء اللي في منتدى الرسم..
هذا مو معناه أني ألوم اللي طلعو ..أبداً ما ألومهم أنا وضعي مثلهم بالضبط و أعتقد كلنا معرضين لترك هذا المنتدى لأسبابنا الخاصة..
على العموم أحب أقول شي أخير..أي شخص من حقّه الحفاظ على كرامته و حريّته الشخصيّة و لكن مو من حق أي أحد أنه يهين كرامته أو ياخذ حريّته الشخصيّة منه..
بالتوفيق يا شباب..
GM Head
03-05-2003, 12:20 AM
this is one sad ending for our forum members:":
:"
Bu Laban
03-05-2003, 10:55 AM
السلام عليكم جميعا :)
مشكور جدا رانما على الموضوع .... أنا ما رديت على الموضوع عشان الويك إند عموما أنا ما أدخل النت بكبره :D
بس الموضوع قوي جدا و الأعضاء اللي راحوا هناك عددهم غير بسيط ... عندك من الأعضاء اللي لما شفت ردودهم و تحطمت منها كانت وايلد كيتي :( .. هذي العضوة اللي كانت مشاركاتها دايما مغطية منتدى الرسم و اللحين راحت المنتدى السياسي و ضاعت هناك :"
أنا ما أبي الأعضاء يصيرون و يسوون مثل ما سوت :( ... و أتمنى أنها ما تترك المنتدى بسبب قسم السياسة و أدعوا من لم يدخل ذاك القسم أنه ما يفكر فيه من الأساس :)
هذي رسالة يا ليتها توصل لها و لكم يا أخواني
(و أنتم فعلا أخواني :) )
وانا معك من هذه الناحية يا اخوي رانما
المنتدى السياسي مأثر على الكل هنا
لقيت الكثير من الكلام الذي يجرح اخواننا الكويتيين بشكل خاص ويجرحنا نحن المسلمون والعرب بشكل عام
وكثير من الاعضاء انسحبوا واعتزلوا وحتى انطردوا من المنتدى بسبب المنتدى السياسي وبلاويه
المهم
انا اتمنى منهم العودة وعدم الاكتراث لما تحصل من خزعبلات المنتدى السياسي وحتى لو اهانوكم فأنتم وخليكم على المثل القائل (بعد فرض الرقابة والتعديل :D )
"هوهو" يعوي والقافلة تسيـــــــــــــــــــــر
wildkitty
05-05-2003, 09:55 PM
اي والله معاكم حق
انا ما قمت ادخل اله منتدى السياسه
هههههههههههههههه كله هناك نجره :6
اذا ابي اضحك وله اتخانق ادل الطريج":"
بس صج احتريت يوم درين انه طاردين لوجين
ومادوكا طلعت ومزمز طلع انا معاهم بعد انشاله
من خبرتي
ما عدت لا ادخل اي منتدى له علاقة بالسياسية ولا بالدين ( اقصد منتديات التي لا تجيد التحدث سوى في دائرة سنة و شيعة ).. لان كل شي جميل في هذه المنتديات لازم يشككون فيها ما في شخص نزيه بنظرهم والجميع لازم يكون ثوبه ملوث
^_^ والحمد لله اول ما دخلت المنتدى رغم اني ممن لا يستطيعون العيش اذا لم اتحدث في السياسة :D لم ادخل منتدى السياسة حتى الان ولن ادخله ان شاء الله
هناك نقطة ثانية .. في بعض الاحيان قد تستفزك بعض الردود ذات التعليقات والتلميحات السياسية .. لكن قبل ان تفكر في الرد عليها .. وازن بين ما ستكتبه من رد و ما سيحمله من اثر بينك وبين العضو المتلقى .. فاذا وجدت نفسك حطمت بردك حقيقة " امة واحدة " فانا ارجوك ان تتنحى عنه .. هذه طريقة اتبعتها حديثا في تجاوبي مع الاوضاع هنا وهناك ووجدتها افضل حل لعقليتي العنصرية الفلسطينية :D .. لن اخسر اخت مسلمة لي من اي بلد كانت مقابل جملة قد تشفي غليلي
اخيرا اتمنى على باقي الاعضاء العودة .. وكما قال الجميع اعتبروا منتدى الرسم مستقل عن باقي المنتديات الاخرى
Touya
05-05-2003, 11:31 PM
أنا شخصياً اعتقد أصلاً انه هذا المنتدى معزول عن المنتديات الأخرى^^
فبالكاد تجد اعضاء المنتديات الأخرى هنا... بل من الغريب ان تجدهم يردون هنا ^^
والقليل من اعضائنا يشاركون في بعض الأقسام الأخرى ايضاً... هذا القسم من المنتدى اعتبره منتدى كامل منعزل عن اي المنتديات الأخرى ^^
Rewayah
21-05-2003, 08:26 PM
شيعة وسنّة؟ (http://www.montada.com/showthread.php?s=&postid=1939588#post1939588) :) <== إظغط.
...
-][HaNa Sun][-
17-06-2003, 11:29 PM
موضوع خطير جدا":! تسلم على هذا الموضوع المهم رانما:-)
بس مثل ما قالوا الاخوان..منتدانا منفصل عن كل المنتديات..و الله أنا من دخلت منتدى الرسم بعمري مافكرت أدخل منتدى ثاني و لا بفكر:واو: فعشان جيه لا تخلون من مثل هذا المنتدى يأثر فيكم ..إنسوا إنا فيه المنتدى السياسي
إنشاالله تنحل المشكله بسرعه و يردون الاعضاء اللي طلعوا:أفكر:
ديابلوس
18-06-2003, 12:03 AM
موضوع جميل و مهم لكل اعضاء المنتدى... ^^
بصراحة... انا ما ادخل هناك و اقرى المواضيح الا عشان اضحك على اصحاب العقول الخفيفة...
لأن كلامهم لا يأخذ على محمل الجد.. تعرفون ليش؟؟ لأن معظم اللي يكتبون هناك اطفال
المنتدى هذاك المفروض ما يتسمى منتدى سياسي .. لأن السياسة مفهومها غير عن اللي يقولونه هم
المفروض يسمونه منتدى الصرقعة ((2))... حق اللي يبون يسبون في بعض.. و يفضل يكون منتدى سري و مقتصر عليهم فقط يعني محد يشوف منتداهم هههههههههههههه
بيني و بينكم انا ما بترك المنتدى على مثل هالاسباب.. ما بخلي شوية يهالوه يجبروني اني اطلع من المنتدى..
و في حكمة جديدة حتى نزلوها في شريط محمد المازم الجديد تقول (( طنش تعش تنتعش كلش هههههههههههههههههههههه))
و سوري عالاطالة
Miss_kimino
18-06-2003, 12:34 AM
لووووووووووووووووووووووووووووووووووووووووووول
معاك حق يا ديابلوس ههههههههههههههههههه;-)
-][HaNa Sun][-
19-06-2003, 10:22 PM
في لخبطه?: أنا قلت منتدى الرسم بدال ما أقول المنتدى السياسي:غضب: ..والله حارقين أعصابنا و حاسدينا على منتدانا:"
Rewayah
20-06-2003, 06:50 PM
الرسالة الأصلية كتبت بواسطة ديابلوس
المنتدى هذاك المفروض ما يتسمى منتدى سياسي .. لأن السياسة مفهومها غير عن اللي يقولونه هم
المفروض يسمونه منتدى الصرقعة ((2))...
ههههههههههههههههههه... :D
أتصدق... ما فكرت بها من هالمنظور!! :D
يعني أطفال عيل ها؟ :6
أيه تصدق, تفسير منطقي! :p
wildkitty
21-06-2003, 03:12 AM
لأن كلامهم لا يأخذ على محمل الجد.. تعرفون ليش؟؟ لأن معظم اللي يكتبون هناك اطفال
اي اي
سح سح
ماتشوفني اتناشب معاهم :0)
orange road
21-06-2003, 08:50 AM
ماتشوفني اتناشب معاهم
سح ماما بتشا :o
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .