قيــــــــــــــــــــــــــــــــــــــــــــــــــــــاس

[BiN-3Li]

السلام عليكم


ايش رايكم كل واحد يكتب عن تجربته هذا الاختبار

[salih555]

اختبار متوسط الصعوبه والوقت لايكفي ابدا

[dr_fmb]

غالبية أسئلة الاختبار عادية
عدا بعض الأسئلة صعبة جدا
وخصوصا في القسم اللغوي
(( علما بأني اختبرت اختبار التخصصات العلمية ))
أما بالنسبة للوقت كان كافيا جدا

[THE END]

السلام عليكم ورحمة الله وبركاته
معليش بنطول عليكم شوي بس هذي معناتي وش اسوي مقدر ومكتوب
انا بقص عليكم معاناتي ... اقصد تجربتي مع اختبار قياس انا اختبرت في منطقة تبوك لاني من سكانها المهم كان يوم الخميس الفتره المسائيه رحت مع واحد من الشباب آخر العصر لقينا امة لا اله الا الله متجمعه قابلت الشباب اللي في المدرسه سألتهم متى ندخل قالو ببعد المغرب بنص ساعه المهم اذن المغرب ونبي نروح نصلي الا وواحد من الشباب جانا يمشي ست الاف قلنا وش فيه قال طالبين تعريف من المدرسه اوشهادة النصف الاول ويابلشه حنا قلنا انه ما يمدينا نروح للمدرسه ونرجع والاختبار لسا ما بدا وقلنا يمكن المدرسه تكون مقفله المهم انا و صاحبي اخذنا اسامي الشباب اللي يبو تعاريف و على طول عالمدرسه ومن حسن حظنا ان المدرسه عندنا يبو يسووا حفل يوم السبت لقيت المدير سلام عليك السلام بالله يابو عاصم نبي تعاريف عشان اختبار ياس قال لا ما لها داعي قلت له هم طالبين المهم اعطانا تعاريف بالكلام هذا ما بقى غير عشر دقايق على نص الساعه اللي بعد الصلاه المهم ماشين ست الاف ونوصل هناك ولا احد دخل ولا شي ....ويا ليل ما اطولك جالسين بس كذا من زين وجيهنا عاد على الرصيف جالسين شوي سمعنا واحد من الطلاب يقول طوابير وننقز طوابير طوابير وش ورانا صارت صراف مي اختبار ... والله الطابور طويل شوي ويوصل للمكتبه العامه بس المكتبه قريبه شوي المهم طولوها الشباب واقفين ما نتحرك اللي جوا المدرسه قفلو الباب وواحد منهم طلع على الباب ويقول يا شباب والله كلكو راح تدخلو والبشريه ما حد معبره المسكين انبح صوته ...طاحو العيال فيه تريقه ....احنا اللي ما خلانا نرجع على بالنا ان الكراسي محدوده واللي ما يلقى مكان يقلب وجهه يوم شفناها طالت واحنا نطلع من الطابور والعالم كلها تفرقت ...اذن العشا واحنا لسا ما دخلنا رحنى صلينا ورجعنا والوضع زي ماهو شوي شوي خفت الزحمه...... قبل ما ندخل الا وهذا واحد من الشباب قافله معه وش فيه يامحمد قال يقولون ان بياناته ماهي مسجله وراجع الكمبيوتر وما لقى شي المسكين قافله معه من جد ...... دخلنا بعد ما خفت الزحمه لقيت اسمي اعطاني كيس ما ادري ايش اسوي فيه دخلت لقيت الشباب يحطوا اوراقهم بالكيس وانا مع الخيل يا شقرا شوي واحد من المراقبين يقول ......يا شباب الكيس للمداس (الحذيان) وانتو بكرامه مو للاوراق عشان الختبار بيكون في المصلى والصاله الرياضيه والمصلى مفروش عاد دور وجهي طاااااااح ادور خشمي ادور ادور يالله يالله لقيته....المهم دخلنا انا واثنين من اخوياي جلسنا قريبين من بعض كذا الساعه حوالي عشره الا ربع اكتمل العدد عشره بدو يزوعو المسودات والشغلات هذي والمويه اعطونا نمذوج الاجابه عبينا البيانات وبدأ الختبار الساعه 11 بالليل تخيل من الساعه سته بالعصر الى 11 بلليل وانت ملطوع ياااااااا حبيبي ادهرنا في الاختبار القسم الاول جاني 31 سؤال وصلت للسؤال 17 والافدغ هذاك يقول بقي خمس دقائق على انتهاء القسم الاول وانا انبلش كيف اخلص وخبط لزق بس مشي حالك... حالك تمشي وننهي القسم الاول والثاني بدينا فيه انا من زود الدلاخه حاط يدي على المنطقه اللي فيها اجابة القسم الثاني و شغال الون في القسم الثالث ما ادري كيف انتبهت وامسح امسح وعدل ويروح الوقت وطلال شغال يمسح ويلون حشا صارت حصة فنيه القسام الباقيه مشت غير بعض الاسئله اللي تفتت المخ وتجيب للواحد الشلل النصفي والاعاقه المزمنه والشغلات هذي اللي تجيب الهم لال والبلشه اناظر في الللي بجنبي واشوفه حاط القلم ومخلص انا قلت شكل انشتاين العرب بجنبي وانا ماني داري يخرب بيته المجموعه ما تاخذ معه سبع دقايق انا الصراحه مليت آخر شي ..... في المجموعه الخامسه رفعت راسي واشوف كذا حاجات سود انعميت ما اشوف الدرب وجيعان ومتواعدين مع الشباب نطلع ولما خلص الاختبار الساعه ثنتين بالليل وانا طاااااااااافي خلااااااااااص مافيه شدهالتفت علي صاحبي يقول لازم تلون زين ........ياااااااااحلاوه وارجع الون بسرعه ويجي المراقب ويقش الورقه والدموع في عيني (لالا عاد صيغة مبالغه هذي ) عاد خربت الطلعه وروحت البت ونمت لما طلعت النتيجه طلعت ماخذ 79 ولله الحمد وابنشتاين ماخذ 59
من وقتها عرفت انه افدغ
وهذي معاناتي من الى .........وآسف على الاطاله
لكن اعجبتني فكرة الموضوع وحبيت اشارك عموما الختبار سهل الافي بعض السئله والوقت ما يساعد
وثااااااااااااانكس

[سهم الغدر]

انا كمان تمرمطت روحت من العصرية للحوية (في الطائف) و لما رحت مقر الاختبار قالوا يبدأ المغرب قلنا نستنى و لما جا المغرب و بعد الصلاة صفينا طابورين شيوية الا و يقولون لنا اللي ما معا الشهادة حقت الترم الاول او حقت ثاني ثانوي يروح يدفع خمسين بعدين يجي ، اخوكم ساكن في الهدا هي ايش يوديني ، رجعت المدرسة حقتي صاروخ و بسرعة جنونية ( ثانوية هوازن) ادور للوكيل ما هو في .....
ما بطول عليكم المهم رجعت و كلمت العميد قلي روح ادخل ما عيك منهم و ادخل العشاء و لم اخرج الا الساعه 2 (اول يوم و كان السبت)و نمت الساعة 3 ( تعرفون الين ما رحت تعشيت و الين وصلت الهدا) طبعا ما رحت المدرسة اليوم الثاني.
و الحمد لله اخذت 88% و الحمد لله اعلى نسبة في المدرسة:cool:

[ابو ذعار]

السلام عليكم انا اكبر منكم مشكله انا رايح هناك ولا سجلت ابد جاي وجايب معي القلم بس خخخخخخخخ اقولكم رحت اسجل قالو لازم من البنك كلمت عميد الجامعه قالي اقلب وجهك قلت شكرا هذا العصر وصبر وحاول شوي لقيت سكرتي قالي ما عليك اجلس ويدخلونك قلت خلاص ابجلس وش عندي ولله وجي المغرب ومحد تحرك بعد المغرب (على فكره انا في الرياض ورحت لجامعة الامام :) ) اقولكم بعد المغرب صفو طوابير وبدو يدخلون ونتضر ونتضر ولله ودخلو العالم باقي الناس الي مسجلين في البنك بس ماسجلو المقاعد وبدو يدخلون رحت للعميد يوم شافني قالي ما رحت للبنك قلت لا قال .......... (مشفر ) اقولكم بعدها دخلو وبقيت انا وثنين جايين هم بدون اقلام وانا جاي ومعاي قلم يعني ازينهم على بالي مادريت انهم بيعطونا اقلام اقولكم بعدها دخلنا العميد و اخذ منا تعهد اننا ما نكرها بس اخوكم الى الحين ما سجل خخخخخخخخخخخخخ

الــــــــــــــــــنـــــــــــــــــهــــــــــــا يـــــــــــــــــــــــــــــــــــــــه


تحياتي،،،