المساعد الشخصي الرقمي

مشاهدة النسخة كاملة : مناوشة وعراك بين اخوين تنتهي بدموع الفرح


QaHir
08-05-2003, 08:26 PM
بسم الله الرحمن الرحيم ..

ترن ترن : الهاتف يرن ..
ترن ترن : مين يحن ..

أقول صارت اغنية الموهم اتصل فيني واحد من الفجر .. http://www.forumplanet.com/iconcommon/default/sets/smile/58_40.gif أخ من ذي الساعة 3 ونص الصبح توني نايم ..

أنا : الو .. السلام عليكم ..

صديق لي : هلا حمود قوم لعب بنروح نلعب كورة ..

أنا : والله فراغة .. شنهو كورة http://www.smilies.org/basesmilies3/1050698056.gif

<== ماصدق مسكين عاد توه لاعب الساعة 9 مباراة مع النادي ..

وبدلت .. ورحت مع الربع .. يالله شباب ننطر الصلاة .. وصلينا .. وبعدها شغلنا الكشافات .. يالله وبدأنا اللعب ..

أنقسمنا الى قسمين .. يتراس القسم الاول انا والثاني صديق لي وجرت القرعة بان يكون شقيق الكابتن الاخر بفريقي ..

لعبنا ولعبنا لين ماظهرت الشمس تقريبا يعني شروق جميل مع جو حلو .. لكن شفنا اللعب صار خشن شوية وخاصة بين الاخوين .. لين ماوصلت الكرة عند الكابتن وترك الكرة وقام ورفس اخوه !!

هني انا ركضت بسرعة لانهم بداو بالعارك القوي وأمام عيني .. هم اقرباء لي ( اخوهم العود متزوج اختي ) انساب .. وبعدتهم عن بعض يعني كنت اشوف نضرة الاحتقار بينهم .. حيث توقعنا بانها ستكون بداية للانفصال بين الاصدقاء ..

بعد ما ابعدناهم وضعنا احدهم بالقرب من المرمى والاخرى بالجهة الاخرى اي بالمرمى الاخر .. لكن دون علمنا فلت الاثنان !! ونحن ننضر اليهما وهما يقتربان من بعضهما في منتصف الملعب .. :واو: أنا قلت خلاص رايح يذبح احدهم الاخر الاثنين يشاهدان بعض بصورة مريبة ونحن عاجزين عن الحراك ما ادري ليش ماقمنا فقط جزء منا عند المرمى الاول والاخر في المرمى الثاني فقط هم الاثنين ..

الا ان وصلا جنب بعض ووو سبحان مغير الاحوال .. التما على بعض وبدأ بينهما حضان عمييييق .. وسط دهشة ممزوجة بدموع الفرح .. وبعدها صفقنا لهما بحرارة على الروح الكبيرة بينهما .. فعلا هم اخوين لايفرق بينهما الشيطان .. ولو حاول بطريقة ما ..

بعض اللقطات امضحكة باللعب :
- جاؤا هنود كانوا يشتغلون بالبيت الي جنب الملعب .. ودخلوا الملعب وقالوا لنا يالله نبغي نلعب !! هههههه وين تلعبون انتوا الله يهديكم .. قلنا لهم يالله نشوف لعبكم .. قلت لربعي انا باقعد اشوفكم باريح شوية .. <== لاني شوية للحين في العلاج الطبيعي .. لا والله الهنود خذوا الكرة ولعبات وتفر ومهارة وجول !! ياه :": أقول باي .. بس انت الحين روح باجر نلعب بالعصر بعد .. قال الهندي اوكيه .. وخذ ربعه وقال لنا يالله انا يجي بالعصر ..

- تم اضاعة 6ركلات جزاء علينا :": بالمقابل سجلت اثنتين عليهم .. وهدفين عاديين ..

- انتهاء المباراة 5-5 كنا نبي نلعب بلنتيات لكن الكرة انبطت خخخخ ..

بعد ما خلصنا المباراة والجو الجميل كل واحد راح المنزل .. ورحت اتسبح .. وانبطحت قليلا على السرير .. وشفت اخوي وهو نائم .. ايه ما ادري لو حدث هالشي بيني وبين اخوي بيكون ردة فعله مثل ما حصل اليوم .. الذكرى بائته .. فاللحظات كانت رائعة .. والشمس واضحة ..

وشوكرا :)
MetalGear
08-05-2003, 08:35 PM
قصة حلوة ..:)

بس ماشالله عليكم تنزلوا تلعبوا الساعة 3 الصبح :": ..
D0WN~T0WN
08-05-2003, 08:59 PM
والله انك راااااايق

وش المزاج ذا اللي خلاكم تلعبون الفجر والا لكم ابعاد سياسية؟
QaHir
08-05-2003, 10:34 PM
MetalGear
العفو وردك الاحلى .. ايه والله وناسة جرب والعب بالفجر :) الجو روعة ..

D0WN~T0WN
!! أبعاد سياسية ( توضيح ) :p الموهم تشكر على الرد .. ;)
acer2
08-05-2003, 11:14 PM
انا حتى لو اكون شبعان نوم ما اقعد من النوم

تقولي اقعد الساعه 3 ونص الفيير :D :D :D

والله ضحكتني :D :D :D


الا في سؤال يدور براسي ودي اعرف

جم عمرك ؟ ؟ :D
Moon Boy
08-05-2003, 11:57 PM
احسن مافيك إنك تحب الكورة":"
QaHir
09-05-2003, 10:58 AM
acer2

لا والله لما تناديني الكرة مستحيل ما البي الطلب .. انا أمس لاعب مبارتين وحدة مع النادي وحدة مع الربع وبعد في العصر لعبنا ..

عمري 35 سنه .. :":









هههههههه 18 سنه :p

Moon Boy

توشكر .. فعلا الكرة تريح البال .. وخاصة لما تجيك عند ريلك .. ووووووف .. أفكر بالف شي .. ;)
Final Fantasy 7
09-05-2003, 11:39 AM
الساعه 3 الفجر تروحون و تلعبون كورة ?:








أنا لو اتصل علي أحد و أنا نايم الساعه 11 الصبح و قال لي خل نروح نلعب الكورة أرتكب فيه جريمة .. هالمره شلون الساعه 3 الفجر :6






فعلا عليك أعصاب باردة يا محمد :D





أما بالنسبة عن العراك بين الأخوه يالي حصل .. فللأسف أنا فتحت عيني على الدنيا و أخواني متزوجين .. يعني أبد ما اختبرت هذا الشعور :"




بس أظن أني حسيت بهالشعور لأني كم مرة اختلفت مع ولد خالتي يالي اسمه محمد و عمره 18 سنه و ساكن بمدينة عرادة في البحرين ( و اسمه بالمنتدى قاهر كل الألعاب :6 ) و بعد الخلاف تصالحنا بطريقة عفوية مثل برائة الأطفال و حسيت بعدها بشعور رائع .. الحين فهمت و أظن أنه كان مثل الشعور يالي حسوا فيه الأخوان يالي تضاربوا في الملعب و بعدين تصالحوا :)




و ننتظر المزيد من مغامراتك الشيقه ( و يالي راح أنضم لها معاك بعد شهر و شوي في العطله الصيفية ":" )




سلاااااااااااااااااااام ;)
QaHir
09-05-2003, 07:57 PM
الرسالة الأصلية كتبت بواسطة Final Fantasy 7
الساعه 3 الفجر تروحون و تلعبون كورة ?:



أكيد هذا رائع ^_^




أنا لو اتصل علي أحد و أنا نايم الساعه 11 الصبح و قال لي خل نروح نلعب الكورة أرتكب فيه جريمة .. هالمره شلون الساعه 3 الفجر :6



أقول ماراح اتصل فيك ابد .. >_<


فعلا عليك أعصاب باردة يا محمد :D


فعلا اعصابي بارده لكن وقت الجد خخخخخخ وخر عني .. وانت ادرى ..


أما بالنسبة عن العراك بين الأخوه يالي حصل .. فللأسف أنا فتحت عيني على الدنيا و أخواني متزوجين .. يعني أبد ما اختبرت هذا الشعور :"

..... أحسن لك ..


بس أظن أني حسيت بهالشعور لأني كم مرة اختلفت مع ولد خالتي يالي اسمه محمد و عمره 18 سنه و ساكن بمدينة عرادة في البحرين ( و اسمه بالمنتدى قاهر كل الألعاب :6 ) و بعد الخلاف تصالحنا بطريقة عفوية مثل برائة الأطفال و حسيت بعدها بشعور رائع .. الحين فهمت و أظن أنه كان مثل الشعور يالي حسوا فيه الأخوان يالي تضاربوا في الملعب و بعدين تصالحوا :)

أقول بلا فضايح .. هههه تذكر ذلك اليوم لقنتك درس .. ضربتك ضرب ^_^


و ننتظر المزيد من مغامراتك الشيقه ( و يالي راح أنضم لها معاك بعد شهر و شوي في العطله الصيفية ":" )

وانا وياك انا للحين مارجعت رسميا للمنتدى ماتشوفني مو موجود فيه 24 ساعة >_<


سلاااااااااااااااااااام ;)

وشوكرا على المشاركة ;)
moon girl
09-05-2003, 09:06 PM
حلوه القصه :)

ومشكور :)
QaHir
09-05-2003, 10:14 PM
لوسي

أكيد احنا شباب ":" والملعب مال النادي وانا عندي المفاتيح يعني على راحتنا ..

moon girl

صارت قصة :p والعفو وهذا من واجبي :6 ثانكس ;)
Mesharey
10-05-2003, 01:40 AM
الساعة ثلاث الفجر..وكورة :أفكر: ...
فعلا فاضي محمد http://bigmsm2.jeeran.com/u.gif !
وهذول اشفيهم تغيروا على طول بوقت قياسي :p ؟!
سبحان الله ..!

مشكور .. وزيد هالنوعية من المواضيع ":" !!
QaHir
10-05-2003, 08:59 AM
الرسالة الأصلية كتبت بواسطة Mesharey
الساعة ثلاث الفجر..وكورة :أفكر: ...
فعلا فاضي محمد http://bigmsm2.jeeran.com/u.gif !
وهذول اشفيهم تغيروا على طول بوقت قياسي :p ؟!
سبحان الله ..!

مشكور .. وزيد هالنوعية من المواضيع ":" !!

والله فاضي ماعندي شي :p

سبحان مغير الاحوال

:p أنشاء الله اكثرها :6

تشكر على المشاركة :)
DeadLy_
10-05-2003, 10:24 AM
عادي مافيها شيء الساعة 3 .. :6
انا اروح اسبح في البحر الساعة 3 الفجر :D
المووهم مشكور Qahir على الموضوع ;)
QaHir
10-05-2003, 03:06 PM
الرسالة الأصلية كتبت بواسطة sonykid
عادي مافيها شيء الساعة 3 .. :6
انا اروح اسبح في البحر الساعة 3 الفجر :D
المووهم مشكور Qahir على الموضوع ;)

:6 أنشاء الله ايي اسبح معاك :p

أحسن وقت الفجر .. تحس انك في نشاط غير طبيعي ;)
NOORY
11-05-2003, 10:10 PM
أحلى شي تلعب قبل الفجر عشان الجيران
يزفوك إلى السجن:D
DeadLy_
11-05-2003, 10:15 PM
الرسالة الأصلية كتبت بواسطة قاهر كل الألعاب


:6 أنشاء الله ايي اسبح معاك :p

أحسن وقت الفجر .. تحس انك في نشاط غير طبيعي ;)

انا بروح نادي المنتدى :6 يقولون فيه بركة طولها 1200 متر .. --> ما صارت بركة هذه :D
QaHir
12-05-2003, 07:26 AM
NOORY

نلعب بالنادي لا بيوت ولا شي .. مافيه الا بيت واحد يبنونه !!

sonykid

صغيرة وايد :o أقول وين ذي نادي المنتدى :6
ريزدنت ايفل
14-05-2003, 05:46 PM
:أفكر: أنا متعارك مع اخوي قبل يومين وهو يعرف نفسه زوين .. :أفكر:
QaHir
15-05-2003, 01:08 PM
الرسالة الأصلية كتبت بواسطة ريزدنت ايفل
:أفكر: أنا متعارك مع اخوي قبل يومين وهو يعرف نفسه زوين .. :أفكر:

:واو: تنشق اللارض وتاخذك انشاء الله :p من وين طلعت بهالعضوية !!

?: الا وين عضويتك المميزة !! ":"

ولا تغير جو :p