At the life Edge [الأرشيف]

Arsene Lupin

13-05-2003, 03:10 AM

سلام...

تمر احيانا على الإنسان لحظات.. يحس انه كان على حافة الحياة... شيء بسيط لو حدث لأنهى حياته (@)

ولكن لأن الله لم يكتب له أن يموت في تلك اللحظه... تعدي على خير ولله الحمد...

هذي بعض اللحظات الي صارت لي... و الحمد لله الي عدت على خير... تلاحظون ان اغلبها ان لم يكن كلها... داخل السيارة :":

أبذكر في هالرد ارعب موقفين صاروا لي... و كلهم هنا في امريكا...

The legend driver

يا شين الضيعه...

أنا و اثنين من اخوياي كنا طالعين لمدينه جنب مدينتنا بسيارة واحد منهم... و كنا نبي نقابل واحد فيها...

المهم منا و منا و تلخطبنا مع الوصف و ضيعنا شوي... الطريق منا لا منا...

المهم مره وقفنا عند اشاره... و طبعا اغلب شوارع امريكا.. السيدين ما بينهم رصيف... كلها اللهم خط اصفر و قظينا....

وقفنا عند الاشاره... و تصنف مع راس خوينا الي يسوق ان طريقنا غلط...

و طبعا اشاراتهم ما فيها مديوره... فلازم اذا بتعكس تلف مع الاشاره ثم تدخل في محطه ثم ترجع... يعني انواع المشاوير...

أصدر قرار في لحظه إنه بيدخل على السيد الجاي و يديور على طول!!... شغل السعوديه...

حبيبنا يوم دخل على السيد الثاني... ما قدر يكمل المديوره... وصل الرصيف... فصار لازم يرجع ريوس شوي... ثم يمشي في السيد زي الناس... التفت عشان يرجع طبعا...

لكن المصيبه هنا.... ان الاشارة حقت السيد الجاي كانت مفتوحه :)

انا كنت في المقعد الخلفي (النقطه الزرقا في الصورة التوضيحيه الي في الاخير)...

و اشوف مع دريشتي وجه جمس احمر مستعجل يبي يعطيني قبله :# (اعداه ملصي)

جيت ابعطيه القبله لكن خوينا أبى الا ان يتم شرع الله... و لا تحدث مثل هذه العلاقات الغير شرعيه... و دعس بالبنزين و رقا شوي على الرصيف و عدت السالفه كلها على خير...

و هذا صورة ملتقطه من قمر صناعي للحدث...حتى تشوفون الخطوط الصفرا الي تفصل السيدين واضحه في الصورة... و حتى سهم توضيحي طلع في الصورة :6

(الموقف الثاني ابكتبه الحين... و الباقي في ردود قادمه انشالله)

Arsene Lupin

13-05-2003, 03:22 AM

الموقف الثاني...

في نفس هذي الطلعه...

بعد ما تخرعنا و شفنا الموت... تحمس خوينا و قال اذا وصلت لهالدرجه فهي خربانه خربانه...

كان فيه جسر هاي وي... زي جسر الخليج في الرياض... و ضيعتنا سببها انا ما عرفنا من وين ندخل على هالجسر :6

هي فعلا ضيعه... تصميم المدينه مدري وش يبي...

سائقنا الخرافي هذا.. من الصبح و هو يستشيرنا... أعكس ولا لا؟..أعكس ولا لا؟

و انا مدري وش كان يبي بالظبط... حسبته بيعكس طريق حاره one way ولا شي زي كذا...

تحمس عقب الي صار تو و قلت له قدام...

ما دريت الا و الرجال يجي لم أحد مخارج الجسر الي تنزل منه... و يقوم يدخل معه... و طول الطريق يضرب بوري على القدامه و يكبس عليهم و هم يبادلونه المشاعر...

الين خلص المخرج (الي خلاه مدخل) و وصل فوق الكبري... لف و سد على كل الي جايين... الي اغمى عليه... و الي يسب و يلعن... و الي قرر يرجع للبيت يجيب عصا البيسبول...

و أنا حياتي أشوفها فلاش باك قدامي... تذكرت أهم الأشخاص الي مروا في حياتي... قعدت أفكر أنا صليت العصر ولا لا... صرت أناظر الأحداث الي تصير قدامي بابتسامه خفيفه و كأن حياتي خلاص انتهت....

وط ايفر (&)

المهم في الاخير مرت بسلام الحمد لله... و مشى على الكبري زي الناس...

طبعا كانت في العصر في ساعة زحمه...

عشان تتصور هالموقف... تخيل انك تدخل على جسر الخليج مع أحد مخارجه!!!...

=========

باقي المواقف انشالله راح اذكرها في ردود قادمه... و الي عنده مواقف ايضا يتفضل (S)

Haruno Sakura

13-05-2003, 04:56 AM

مرحباااا
Arsene Lupin
حوادثك تخوف لاتركب مرة ثانية مع صديقك خاف على حالك:":
...

king_kubaj

ماشاءالله عليك يعني كله من ولد الجيران حرم الملاعب من ابداعاتك يعني لو ماعندك اصابه كنت الحين أفضل من زيدان :D

.....

قصتي كانت في أحد العزائم طبعا توني صغيرة فيه مجموعتين
مجموعة البنات ومجموعة الاولد :غضب: :D الاولد دخلوا الغرفة حقة البنات
وانا يالبنات نبي نفتح الباب وكانوا البنات يدفون الباب يبون يفتحونه والعياليبون يقفلونه المهم الاولد قفلوه ويوم قفلوه قفلوا على اصبعي :" :" :" وانا بكي واصايح وهم مايفتحونه جت الماما وعمتي يقولولهم افتحوه ومافتحوه وبعدين فهموا الاغبياء:" ان اصبعي انقفل عليه الباب وفتحوه وانا شفت شكل اصبعي طحت وما ادري الا وانا في المستشفى :" :" وما اعرف شو عملوا في اصبعي المهم انه الان رجع للعمل مرة اخرى :D

مع تحياتي
http://lina2001.jeeran.com/1.gif

Touya

13-05-2003, 05:16 AM

حمدلله على السلامة شباب ^^

بالنسبة لي مرة يوم كنت في ؤرابع ابتدائي.. كنت نايم في امان الله وتحيني أزمة تنفس (التهاب حاد في الرئة اليسرى وقته قالوا لي)

قمت ارفس ارفس وعجزت اتنسم.... ماتذكر إلا أنهم يشيلوني واللمبات مال الشارع تروح وتجي... بعدين قالوا لي انهم عطوني ثلاث ابر في المستشفى وأنا آخر من يعلم?:

بس احساس كان مخيف... كنت في الأصل تجيني نوبات أحس زي الأبرة في صدري لاستنشقت.. بس ذاك اليوم.... بغت تطلع روحي:": الحمدلله على العافية:)

وبعدين مرة بغينا نروح شيش كباب في خط الحسا الظهران @@ كنا ماشيين في امان الله زي العلم والناس وعلى يسار الخط... وطلعوا الحبيبين مال صيانة الطرق حاطين مطبة محترمة في الطريق..... والعالم كلها دقت بربكات فجاءة @@

وحنا وراهم ونشوف الفورد اللي قدامنا دق بريق وحذف... وماندري ولا واحد من جد حمار حاذف علينا من السيد اليمين... راعي جيب لكسز اسود.... السواق طلعت قرونه لحظه انه داس بريك وحذف جلد واول مادق بريك كان على الأزفلت... ولا مندينا صايرين فلم امريكي... خويي ماكان معصب من الناس اللي دقوا بريك.. هو طرطع بسبة الدلخ اللي حذف علينا... ولاحظوا وش صار... بعد ثلاثة ايام في الخبر مادرينا ولا نس راعي الجيب يكبس ورانا يبغى يطوف... دنيا صغيرة والله... اوشى أن خوينا مو حقود ولا انتقامي... :6

بس الحمدلله حت سليمة@@

QaHir

13-05-2003, 09:30 AM

الحمد لله على السلامة ..

التهور بالقيادة :p ههههههه

الموهم لوبين ماشاء الله كل حوادثك بالسياراة .. :p

مثكور وماقثرت زيد من الحوادث لعلنا نعتبر منها ^_^

___________________

والله عدة حوادث صارت لي لكن اخطرها اني كنت باموت بعملية جراحية بظهري .. أذكر اني خلاص :": لولا انهم ساعدوني .. حتى الان مجري 4 عمليات بنفس المنطقة والله مايسوى علي اللعب :": .. الحمد لله الحين انا اتحسن وارجع للملاعب مرة اخرى .. :( وأنشاء الله خير ..

;)

I`m HeRe

13-05-2003, 10:14 AM

التهور خطر متطور :o
والحمد لله على السلامه

خوباج
قد صاري نفس الشي :":
كانت حاله عصيبه
واللي زاد الطين بله أن اللي عندي كانو يضحكون :غضب:

ورد

13-05-2003, 10:42 AM

الحمدلله على سلامتك ...^_^

نص الشرح والتفاصيل ما فهمتها ...:-)

بس حاولت اتخيل الاحداث ...

ربك ستر...^_^

HArb200

13-05-2003, 08:35 PM

الحمدلله على السلامه ..

بالنسبة للمواقف .. بصراحه هي كثيره .. لكن اسلوبي مايساعد ,,

لكن مثل ماقلت انت .. اغلبها بالسياره .. وخاصة لاصرت راكب مع سواق عليمي :-)

aoks

13-05-2003, 09:16 PM

الرسالة الأصلية كتبت بواسطة Iam here
التهور خطر متطور :o
والحمد لله على السلامه

خوباج
قد صاري نفس الشي :":
كانت حاله عصيبه
واللي زاد الطين بله أن اللي عندي كانو يضحكون :غضب:

انا دايم تصير لي...لما يجي واحد ماادري وش يبي وعلى باله يمزح

ويضرب بكل ما يملكه من قوة على ظهري:"

D0WN~T0WN

13-05-2003, 09:31 PM

والله حدكم سياكل هناك يارجال لو قفطوكم بحركتكم ذي كان الحين انتم في غوانتانامو

اهم شي عدت على خير

الا ماشفت اخوي هناك تراه في امريكا>>>والله لو انها البحرين الحين

القــعـقـاع

13-05-2003, 09:49 PM

يوزم تلتهب علي الزائدة الدوديةhttp://www.montada.com/images/icons/icon13.gif

كنت في رابع ابتدائي ساعتها... لا و في وسط المدرسة:o قضيت بقية اليوم و انا على الوضعية من شدة الالم:(

عاد تسمع ذا العالم يقولون.. كله من الفصفص قايلن لك لا تاكل فصفص بس ما تسمع الكلامhttp://www.montada.com/images/icons/icon13.gif

موقف ثاني: يوم تنقلب الايسوزو قدامي...

MoaeD

13-05-2003, 10:58 PM

هههههههههه الحمد لله على سلامتك :)

انا كنت في مخيم وكنت اسوق دباب

سويت ذكي ودرت من ورى المخيم

كان فيه زي السيم رفيه وما ينقطع عشان السيارات ما تدخل من ورى المخيمات

وصقعت بالسيم وشقلبتين بالهوا وهبطت على راسي

بس المشكله اني قمت وانا ما اتنفس

وزياده على كذا جا الدباب ورقى علي

وفجأه رجعلي النفس واغمى علي

يوم قمت تشوف الجروح بكل مكان تقل مصاب من انفجار :6

RPG_master

14-05-2003, 01:52 AM

الحمدلله على سلامه الجميع..

بالنسبه للسياره..

ما صارلي الا حادث واحد صدقي مع السواق..وطبعا ما حسيت بموت ولا شي لاني كنت مسرح والصدمه موب ذاك القوه:6

السياره كانت متوجهه شمال وفجأه صارت جنوب من الصدمه:p ..

هذي من خمس سنوات يمكن..

غير كذا..مره طحت من فوق الملحق:#

بس ما حسيت بشي..كانت على..احم..my backhttp://www.webpost.net/ku/kubaj/smile14.gif

ومره قمت من النوم وعجزت اتنفس..الظاهر مكثر اكل في العشاء..هذا من عشر سنوات:6

بس فعلا كرهت نفسي وقتها..قعدت وقت طويل ماقدرت اتنفس..

على العموم "الحمدلله" ما صارتلي مواقف خطيره في حياتي

S-Python

14-05-2003, 03:47 AM

ارسين سلمني على خويك .. !

بالنسبه للموقف ..

اذكر كنت طالع انا واحد من الزملاء ..

في طريق النهضه ..

فجاه لقينا قدامنا تفتيش !!!

عاد خوينا مسكين عنده حساسيه من ( شيء اسمه تفتيش ) !

بحركات لا اراديه .. !

دخل مع احدى الملفات .. !

قلنا الحين زال الرعب .. !

لكن سرعان ما تغيرت الاحوال .. !

فجاه مره ثانيه .. !!! نلقى تفتيش !!

عاد هالمره ما فيه نحشه !!

وقفنا على جنب نتدارس الامور .. !

فعطيته من هالرخيص .. واقنعته بالمرور من عندهم !!

وقفنا عندهم ..

الرخصه والاستماره لو سمحت .. !!

هاه ؟

هلااااااا فلان .. كيف الحال .. طيب .. !

سوبحان الله طلع واحد من حقين الدوريات يعرف خوينا .. !

وانتهت الستوري :D .

يقولك ... ربما صدفه أفضل من الف مقال .. :6 !!! >> http://209.51.132.226/~admin1/forum/html/emoticons/dry.gif

عماد 18

16-05-2003, 02:16 AM

اخطر موقف مر علي ..
لما كنت رايح لمكة عشان الحج قبل سنتين ..
كنت رايح انا و الوالد و صديقه و اخواني ..
التوقيت العصر ..
المكان خط مكة ..
الموقف انا اللي اسوق و البقية نايمين ..
اداة الجريمة اقصد السيارة <== خش جو :6 - باترول موديل 95 ..
المهم كنت اسوق في امان الله ..
و الرجل على الطبلون مسوي ثقة ..
فجاة ..
انفجر الاطار الامامي على اليسار ..
طبعا اللي يعرفون الجيب ..
يعرفون انه اخطر شي لما ينفجر احد الاطارات الامامية و انت مسرع ..
في هالموقف ..
صار لي مثل الافلام ..
الزمن صار بطيء ..
و تذكرت مرة ابوي جلس يكلمني عن كيف اتصرف اذا انفجر اطار و انا مسرع و انه لازم ما ادوس فرامل مهما صار الا بعد ما تنخفض السرعة بشكل كبير ..
ثم رجعت للموقف و حاولت اعدل السيارة لانها انحرفت بقوة لليسار ..
المشكلة على حظي ان الاطار انفجر تحديدا بالقرب من جسر ..
يعني لما انحرفت كانت تتجه نحو الدعامة الخرسانية للجسر http://www.webpost.net/sp/spikeyman/dog.gif ..
بالعربي كنا نبي نروح في خرايطها و انا كنت متعلق في الدركسون احاول اعدل السيارة ..
لكن الحمدلله صديق الوالد تدارك الموقف و ساعدني على تعديل السيارة و عدت بسلام ..

RPG_master

16-05-2003, 02:23 AM

الرسالة الأصلية كتبت بواسطة عماد 18
و الرجل على الطبلون مسوي ثقة ..
فجاة ..
انفجر الاطار الامامي على اليسار ..

إهمال وطيشانhttp://www.montada.com/images/icons/icon13.gif

الحمدلله على السلامة..

العمدا

16-05-2003, 03:08 AM

خخخخخخخ من جد طعوس :6

يعني ما سويتها بديرتكم تسويها في ديرتهم :6

المهم اخطر موقف حصل لي من 8 سنوات تقريباً كنت مستلقي على السرير .. وكان معي نص ريال :6 المهم كنت العب بع واختار سيف ونخله ومدري وشهو .. شوي الا ومدري شلون الا هو في ثمي ?: او بالاخص وقف في حلقى ..

قمت ومدري وش سويت المهم انه طلع والحمد لله :cool:

موقف ثاني وبنفس اداه الجريمه لكن هالمره موب انا ولكن كان لي دور بارز .. انا احب اجمع قروش .. فمره اخوي الصغير " وقتها كان ابو 2 سنه :6" كان يلعب بواحد منهم شوى الا اختفى .. يوم سالته طلع في بطنه :-) !!

طبعاً قلت لامي المهم راح المستشفى ومنظار وحوسه المهم قال الكتور احتروا القرش في الحفاظه يومين اظن واذا ما طلع بنفك بطنه ..

للاسف اصعب مهمه كانت من نصيبي :"

افتش حفظاته :":

دقيقه .. فيه احد قاعد ياكل :6 ؟

بس الحمد لله طلع :-)

وللمعلوميه كنت البس قفازات والله :"

انجلينا17

16-05-2003, 09:38 AM

قبل ثلاث سنوات

في الشرقيه وعند شاطئ نصف البقر :6

شفت الجو حلو

وجنبنا عائلات وحريم يتسبحون

قلت حالي حالهم ابسبح :#

انا واختى الصغيره

واختى البزقه دخلت بزياده للبحر وغرقت

وبعدين انا رامبو قررت انى اطلعها :#

ياللله البلشه غرقت :"

لحقتها :6

قعدت اصارخ وابكي ولااحد يسمع ?:

وحسيت انى انتهيت خلاص ابموت واععععععععع يماااه

المهم ويجي ذاك ماادرى وين طلع منه .

واحد راكب دباب بحري طلعنى ووصلنى للشاطئ

ويخفف عنى ياحليله ... :6

وبث ...

RPG_master

16-05-2003, 07:49 PM

الرسالة الأصلية كتبت بواسطة انجلينا17

المهم ويجي ذاك ماادرى وين طلع منه .

واحد راكب دباب بحري طلعنى ووصلنى للشاطئ

ويخفف عنى ياحليله ... :6

وبث ...

فارس الأحلام":"

an angel out of nowhere:cool:

يا بختك:6

MoaeD

16-05-2003, 11:23 PM

الرسالة الأصلية كتبت بواسطة RPG_master

فارس الأحلام":"

an angel out of nowhere:cool:

يا بختك:6

خخخخخخخخخ اجل فارس الأحلام :D

لا يكون انت وتتلزق :6 ؟

tidusxxx

17-05-2003, 01:09 PM

حمد الله على السلامة للجميع:)
لي ثلاث مواقف من جد شفت الموت فيها :":
اول شي:يوم كنت صغير رحنا ابحر...دخلنا في البحر وابوي معانا وطبعا بالعوامات:p
الظاهر كانت عوامتي كبيرة شوي:": المهم ما دريت الا وانا في القاع وابوي مادرى عني:أفكر: كيف طلعت؟؟؟بقدرة الله رفست القاع برجلي وطلعت:!
ثاني مرة:ايضا في مسبح....وبسبب طولي يمديني اوقف في الماء...وماسك حافة المسبح...جيت ابي اتفلحن فلت ايدي ومددت كراعيني وطفشت انا ووجهي في الماء....المشكلة اهلي يتفرجون علي:أفكر:
يوم طلعت بنفس الطريقة السابقة...سألتهم:ما شفتوني اغرق؟؟:غضب:
امي:صدق؟نحسبك تسبح:!
انا:ومن متى وانا اعرف اسبح:"
ثالث مرة:من كم سنة كنا نتمشى بالسيارة وابوي هو اللي سايق...
وبسبب حقد ابوي على التفتيش...دخنا شورت كت انما ايه...توحفه...
دحديرة في جبل وجنبها وادي?:
المهم مشينا والا تريللا قدامنا.....
انا:يباه....ماكأن جاي علينا؟؟؟?:
ابوي:لا يتهيأ لك:6
مادرينا الا والتريللا مدحدرة علينا بكبرها:!
انا:واااااااااااااااااااااااااااااااااااااااااع يبااااااااااااااااااه ارجع ارجع:"
ابوي:بسسسسسسسسسسسسسس انطموااااااا:غضب:
المصيبة بغينا ندخل في الوادي?: بس ربي ستر وراعي التريللا دخل على الرصيف ووقف:-) واحنا ديورنا وشردنا:":

Lena

17-05-2003, 01:34 PM

ههههههههههههههههههههههههه اما القبلة...:6

اعجبني وصفك..

الرسالة الأصلية كتبت بواسطة Arsene Lupin
و أنا حياتي أشوفها فلاش باك قدامي... تذكرت أهم الأشخاص الي مروا في حياتي... قعدت أفكر أنا صليت العصر ولا لا... صرت أناظر الأحداث الي تصير قدامي بابتسامه خفيفه و كأن حياتي خلاص انتهت....

(S)

:# حلوة هالمشاعر...وصفك طالع حلو...خشيت جو وذع..

خاصه حقت الصلاة هذي كل ماجيت اصدم او بالاحرى السواق يصدم اتذكرها :" تخوف...

انا اكثر موقف كنت حاسة ان الموت فيه وصل عندي ..

مرة كنت بمتوسط..

رايحين للحساء يازين بركهم عادhttp://www.eebme.com/mix/ravioimages/smilies/wub.gif ..

البركة كانت عاديه موب غريقه على قدنا نحن البزارين(يقال لي بزر كنت)

المهم اخوي اكبر واحد قال لأ ..هذي لعب بزران موب زينه لازم نكثر المويه..

وحصلت مضاربه بيني وبينه لاني لا اريد ذالك..

فركضت مسرعه الى الماما لاخبرها بالجرم المشهود واقول لها عن مخطط اخوي الشرير..

قالت يلا يا بنيتي خل نشوف عمق البركة الحين كيف...؟

وانا ببراءه رحت للبركة اناقز ..

وفي هذي الاثناء كان اخوي قد شغل الماطور

والبركة امتلت

انا طبيت على اساس اوري امي العمق

وامي مشت وتركتني سفطوكيشن...

وانا...

اغرق واغرق

الموقف مرعب

رجولي وصلو لما ارض البركه هدوء وصوت المويه باذاني ولحالي داخل هالمويه العميقه...احس كل شي رجع لي كل مواقف الدنيا مروا في لحظه...وشعري كذا يرقى على فوق..وانا انزل ببطء..

يوم وصلت رجولي للارض ضغطت عليهم بقوة وحاولت انقز...

لقيت نفسي اطير فوق...

رفعت يدي واطلقت صرخه يماااااااه ساعديني

والله كل ماتذكر ابي اصيح:": ...

امي انهبلت اتذكر شكلها وهي تصارخ ساعدوا بنتي تهيء...من شكلها خفت اكثر:#

انقذوني اختي والشغاله

كل الي اذكره يوم طلعت قعدت اضم اختي واصيح:# ..

عماد 18

17-05-2003, 08:26 PM

الرسالة الأصلية كتبت بواسطة tidusxxx
ثاني مرة:ايضا في مسبح....وبسبب طولي يمديني اوقف في الماء...وماسك حافة المسبح...جيت ابي اتفلحن فلت ايدي ومددت كراعيني وطفشت انا ووجهي في الماء....المشكلة اهلي يتفرجون علي:أفكر:
يوم طلعت بنفس الطريقة السابقة...سألتهم:ما شفتوني اغرق؟؟:غضب:
امي:صدق؟نحسبك تسبح:!
انا:ومن متى وانا اعرف اسبح:"

ذكرتني بموقف حصل لي و انا في ثالث ابتدائي تقريبا مثلك :6 ..
بس ما كنت اتفلحن ..
المسبح كبير ..
لكن الماء كان معبى بكمية قليلة ..
تقريبا للربع ..
المهم قلت استغل الفرصة و اجرب العميق ":" ..
لكن ما كنت دلخ ..
لذا رحت امشي بشويش ..
ثم وصلت لنقطة توقعت انها اعمق شي اقدر اوصل له ..
و قفت فيها و جلست اناقز مسوي اني اعرف اسبح ..
ما لقيت الا اني رجعت بقدرة قادر للاعمق و صار الماء يوصل لعيوني ..
تمالكت اعصابي و بديت احاول امشي تحت الماء لقدام و الحمدلله نجحت ":" ..
يقولون ان اغلب اللي يموتون غرقى يفقدون وعيهم من الروعة اول ..

aoks

17-05-2003, 08:38 PM

يقولون ان اغلب اللي يموتون غرقى يفقدون وعيهم من الروعة اول ..
مسوي قوي يعني:6

MoaeD

17-05-2003, 08:39 PM

ذكرتني بموقف انت وياه بالمسابح خخخخخخ

يوم كنت بثالث متوسط كنت رايح رحله مع المتوسطه

كان فيه واحد من اخويانا مزحه ثقيل

المهم كنت غاطس اجرب نظارات السباحه يوم ناظرت فوق

لقيت خوينا ابو مزح ثقيل طابن علي وانا بالماء ورجوله جايتني تمشي مليون بتعطين قوبله :p

المهم استقبلت القبله على جبهتي ومن قوة الصدمه ضاع نفسي

والوصخ ذا نشب فيني ولا خلاني اطلع على طول المهم حسيت اني بأموت ذيك اللحظه

وبقدرة قادر اختار انه يتخلى عني ويخلين اطلع

المهم يوم طلعت حسيت كني شارب نص المسبح وريقي كله كلور

حقدت على ذا الوصخ واجلده جلد موب طبيعي

والغريبه انه مستسلم لأنه مخطي وأول مره يحسب جاني شي :p

لا وزياده علمت المدرس وحرموه من النشاط الرياضي والرحلات الجايه كلها :p

احس انه حقد علي عقبه:6

كاو بوي

17-05-2003, 09:14 PM

هلا والله ..

والله يوم اني صغير صارت لي دواهي ..

بقول لكم الي اتذكره ..

مره كنت العب كوره في المدرسه . تقريبا صف اولى متوسط .. . و خويكم كان دفاع ..قاعد لحالي مسالم .. ما دري الا الكوره تخبط صدري .. :": هييه مين طفى النور .. ابي اتنفس no way .. و اخوياي ينادون .. ناااول .. خلصصهااا .. وانا في قلبي ( يا ابن الكلب انا فاضي لك ) <== حقد من جد http://www.webpost.net/sp/spikeyman/dog.gif
ماادري الا و يجي حارس المرمي الي وراي و خبط على ظهري و اااااحح طلع الهوا ومن ذاك اليوم و انا اباشر له في المقصف :D

===========================
المره الثانيه .. كنت رايح استراحه مع اهلي .. و كنت في صف خامس اظن .. و انا في المسبح .. و كل مسبح فيه جهه عميقه والثانيه مرتفعه .. زي ما في الصوره .. و انا في الجهه الي مو عميقه .. و احس انها عميقه علي بعد لاني كنت صعنون http://www.webpost.net/sp/spikeyman/dog.gif و اوصل للحافه الي توديك للجهه العميقه زي ماهي موضحه في الصوره .. وانا ما اعرف اسبح كان معي عوامات وانا احرك ابي ارجع ما اقدر ما ادري ليه .. احس اني انسحب لتحت .. واحاول .. و احرك رجولي ابغا امش ما في امل .. اصبع رجلي الكبير احرك يحك في الارض لكن ما يلمسها ( ترا الى الان الاهل كلهم يحسبون انه ما في شي ) و ينط خالي في المسبح .. و من الامواج الي طلعت نتجيه هبوطه في المسبح :D الامواااج تدفني ( عاد خالي ما شاء الله عليه very faaaat لدرجه ان نص المويه طلع برا :D المهم و طلعت سليمه و رجعت و من بعدها وانا في اااااخر المسبح :D
الصوره :