المساعد الشخصي الرقمي

مشاهدة النسخة كاملة : DOLBY SURROUND 5,1


mr x
13-05-2003, 08:43 PM
السلام عليكم....

===========
لاحظت أن اغلب الالعاب الجديده تستخدم هذي التقنيه Dolby 5,1

وحبيت استفسر عن كيفيه عملها وتركيبها

يعني هل هي قطعه تباع منفرده أو تكون مع التلفزيون ؟

واذا كانت قطعه تباع منفرده(الجهاز والسماعات) فهل تركب على أي نوع تلفزيون او لازم يكون تلفزيون جديد ؟

وحبيت ايضاً استفسر عن اسعارها :)

-- وشكرا
mr x
14-05-2003, 12:42 AM
يعني معقوله ماتعرفون انا اتكلم عن ايش ..؟ :أفكر:
serge
14-05-2003, 01:34 AM
السلام عليكم و رحمة الله و بركاته
هلا أخوي mr x بالنسبة للجهاز
هو عبارة عن جهاز لتنقية الصوت و ليعطيك صوت محيطي يعني حواليك كأنك جالس في السينما
مثال: إذا لعبت لعبة First Person View وانت جالس تمشي واحد وراك راح تسمع صوته كأن هو موجود فعلاَ وراك في الغرفة
بالنسبة لبيع الجهاز في عدة أنواع:
1) لأجهزة ألعاب الفيديو و هذي أنا بس شايف مالت البلاي ستيشن 2
2) لمشغل الdvd وهذا موجود بكثرة ويركب على أجهزة ألعاب الفيديو لكنه مب أفضل 1) اذا بغيته للألعاب
وإذا عندك أي استفسار أنا حاضر وممنون
mr x
14-05-2003, 06:45 AM
شكرا اخوي serge على المعلومات لكن عندي اسفسار

يعني الجهاز يشتغل على أي نوع تلفزيون , طيب مافيه نوع يشتغل على افلام الدي في دي والبلاي ستيشن والاكس بوكس ؟

وهل فيه نوع أو ماركه تنصحني فيها ؟

واخر سؤال كم سعر الجهاز ...يعني مثلا فوق الـ500 دولار ؟!

------------------

وشكرا لك ;)
serge
14-05-2003, 08:20 AM
العفو هذا واجب
بالنسبة لإستفسارك
يركب على أي تلفزيون لأن هو عبارة عن سماعات أيضا، أحسن نوع يركب على كل الأجهزة هو من شركة creative أنصك إنك تأخذ 6.1 وهذا يمكن يكون أغلى لأنه آخر موديل وسعره يتراوح تقريباَ بين 150-350 دولار بس مب متأكد لكن مب أغلى عن ها السعر هذا والله أعلم
أنا انتظر ردك....;-)
mr x
14-05-2003, 05:08 PM
شكرا اخوي serge على ردك وتفاعلك مع الموضوع :)
-------------------
http://www.dolby.com/graphics/games/setup_xbox.JPG
-------------------
وعندي سؤال اخير قبل شراء الجهاز :

انا ماعندي فتحة s-video في التلفزيون..هل هناك طريقه اخرى غير الموضحه في الصوره لأنه مثل ماذكرت لا املك فتحة الاس فيديو :)

(ممكن تكون اسئلتي تافهه لكن انا ماعندي أي معلومه عن الجهاز وحتى مااعرف وين ممكن اشتريه وحتى اسمه ماعرفه;) )

-------------------

وشكرا لك على المساعده :)
Goal
15-05-2003, 06:12 AM
السلام عليكم

اشلونك اخوي؟ mr x وكذلك اخواني الثانين تحيه طيبه وبعد

انا اقولك انا عندي السماعات الاضافيه والي هي مثل ما تقول النظام Dolby 5,1

وتركيبتها بيسطه جدا

وتقريبا هي عندي سنه صالها

شريتها 52 دينار كويتي يمكن الحين نزل سعرها

واذا عند بالخلفه بالتليفزيون ثلاث فتحات احمر واصفر وابيض
خلاص انحلت المشكله يعني عادي مافيها اي شي

وشكرا
اسف اذا كثرة كلام ومشكورين
اذا تبي اي استفسار عندك اخويserge;-) وانا موجود
وشكرا;)
DR DEATH
15-05-2003, 02:34 PM
بالنسبه لي افضل ياماها موديل 530 وسعره1990 شامل الرسيفر والسماعات واذا اردت الافضل استعمل بوز لكنه غالي الثمن
اما اذا اردت حاجه رخيصه فممكن تاخذ بايونير سعره 1400
ولايهم ان يكون التلفيزيون وصله اس فيديو اهم شي الرسيف
serge
15-05-2003, 04:26 PM
العفو أخوي mr x مرة ثانية لا تقول أسئلتي تافهة ترا بزعل ومب عيب اذا سألت عن شيىء ما تعرفه(بسنه من ها المحاضرة).
بالنسبة لفتحة s-video ماقصروا أخوانا Goal و DR DEATH بينولك كل شيىء بس أحب أضيف حاجة وهو بخصوص البلاي ستيشن 2 في فتحة وراه مكتوب عليها Digital out(optical) هذي الفتحة للDolby 5.1 مال البلاي ستيشن 2 أما بالنسبة للإكس بوكس ما أدري اذا موجودة.
أعتقد مب لازم الرسيفر لأن اللي عندي مكفي و زيادة(لا تزعل مني أخوي DR DEATH ) إن شاء الله إني أفدك والأخوان.
mr x
15-05-2003, 09:06 PM
شكرا لجميع من شارك في الموضوع
-------------------
serge وش تقصد مب لازم رسيفر ؟ اصلا السماعات تجي مع الرسيفر !!
ولا اقدر اشبك الجهاز الى عن طريق الرسيفر ....والا انا فاهم غلط ؟!
:أفكر: عالعموم شوف الصوره اللي فوق راح توضح لك انا ايش اقصد:)
-------------------
وأكرر شكري للجميع ;) .
Goal
16-05-2003, 01:01 AM
السلام عليكم

عفوا اخوني يمكن تدخلت بينكم ولكن انا افيدك بهذا الشي لان الجهاز عندي
وعفوا اخويDR DEATH شنو قصدك 1400 هل تقصد دينار كويتي ؟؟؟؟؟؟

اما يا اخوي mr x الجهازي يجي اربع او خمس سماعات ومنظم صوت وتحكم

وتقريبا نفس الي بالصوره ولكن التحكم اصغر من الي بالصوره

هذا واذا في سؤال حاضرين انا واخوي serge وكذلك اخوي DR DEATH


وشكرا واسف على اتدخل وسامحوني وشكرا لكم اخواني
DeadLy_
16-05-2003, 01:37 AM
شنو قصدك 1400 هل تقصد دينار كويتي ؟؟؟؟؟؟
مستحيل !!http://www.smilies.org/basesmilies3/@rnoo.gif
serge
17-05-2003, 12:55 AM
هلا أخوي mr x

بالنسبة للرسيفر أنا عندي السماعات بدون رسيفر يعني الرسيفر يمكن

يعطيك أشياء إضافية وصوت أنقى لأن الي عندي شارنه بدون رسيفر

وأقدر أشبك مع الPS2 بس إنت شوف اليي يريحك لأني حبيت أقولك رأي.



مشكور أخوي Goal على التوضيح وما قصرت.

يعطيك العافية
:0) ;-)
mr x
17-05-2003, 01:54 AM
شكرا لجميع من شاركو في الموضوع....
---------
يا شباب لقيت مسجل (سي دي\كاسيت) وفيه 5 سماعات وسماعه صغيره .....وسعره مناسب المهم انا راح اشتريه بس حبيت اتأكد اذا يشتغل على البلاي ستيشن والاكس بوكس أو لا , سألت راعي المحل مايعرف:": ,

فـحبيت استفسر منكم اذا عندكم اي معلومه اذا الانواع هذا تشتغل على الـPS2\XBOX أو لا :أفكر:


وشكرا للجميييييييع;)
Goal
17-05-2003, 02:15 AM
اتمنى انك ما شريت الكاسيت المسجله اتمنى نصيحتي ما تأخرة:"

المسلج الكاسيت انا ما ادري انه يشتغل او لا بس اغلب ظني يمكن ما يشغل

انا اقولك اشتر سماعات مع منظم صوت ب53 دينار كويتي يعني سعر زين

وفوق هذا يشغل الفيديو والاكس بوكس والجيم كيوب والبلايستيشن2
يعني يشغل جميع الالعاب الفيديو

نصيحه لا تشتري المسجل كاست اذا تبيه حث اكس بوكس وبلاي2

اتمنى نصيحتي ما تأخرت

وشكرا واسف اذا تأخرة
mr x
17-05-2003, 04:20 AM
شكرا اخوي Goal عالرد

ابشرك مااشتريته ;) , لكن رحت اليوم لكم محل الكترونيات ومالقيت سماعات ورسيفر:": شرحت لهم وش أبغى واعطوني مسجلات مثل اللي قلت لكم عليها .
وش اسم الجهاز اللي فيه سماعات و رسيفر بس... ؟

========
وشكرا...;)
Goal
17-05-2003, 02:02 PM
اسمع اخوي

لم تدخل محل اليكترونات قول ابي سماعات حق dvd يعني قوله ابي اسوي نظام سينما بالبيت مصغر ابي سماعات اركهم على جهاز dvd ويعطوني الصوت من جميع الجهات عاد الشرح الباقي عليك وضح لهم

واذا انت بالكويت مو مشكله لو حتى تبيني اروح معاك لان احنا ربع واخوان

واذا بر الكويت وصارت عندك مشكله هذا ماسينجر مالي
as_sun@hotmail.com
واسف اذا اسلوبي ضعيف اسمحلي

وشكرا
serge
17-05-2003, 02:11 PM
مرحبا أخوي mr x

أعتقد أخويGoal وضح كل شيء تقريباَ

ويوم بتسير المحل قوله أبي سماعات Home Theatre وهو بكملك الباقي.:0)
DR DEATH
17-05-2003, 03:19 PM
السيستم الي كلمتكم عنه مو اللاكس بوكس وبس ممكن تحط فيه الى تسعة اجهزة من ستلايت وفيديو وكميرا ود ف د بلاير وغيره فانا ياشباب مركب سيستم ياماها مع البلاي ستيشن ولاكس بيوكس والصوت روعه وسعره شامل 5 سماعات وسوب ووفر وامبليفير يعطيك الى 8000 وات ب مب و او 700 ار ام اس سعرم 1990 ريال وفيه مداخل اس فيديو واوبتيكال وكوكسال
mr x
17-05-2003, 08:21 PM
شكرا شباب على ردودكم ..

وان شاء الله اذا رحت لهم راح اسألهم عن سماعات(DVD) .

=====
DR.DEATH ‍
1999 ريال:":
=====

انشاءالله اروح قريب وماراح اشتري الجهاز قبل لا اعطيكم اسمه و نوعه;)

وعلى فكره انا من السعوديه ;)

- وشكرا لمساعدتكم