المساعد الشخصي الرقمي

مشاهدة النسخة كاملة : أقتباس ام ........


medo_giboba
13-05-2003, 10:33 PM
كنت علي موقع للالعاب
ووجدت مقالة عن mafia
هذا وصلة لها
http://geocities.com/ahmedosi/mafia.htm

شعرت اني قريت الكلام دة قبل كدة

قلت يمكن الموضوع منقول

لكن لقبت ان الموضوع مكتوب انة اصلي وممنوع النقل ....الخ

ولكني لقيت ان نص المقال بالكربون كان موجود في مجلة العاب

وكان كاتب المقال واحد صاحبي من رواد المنتدي

ومعي نصة في الملف المرفق
محمدS.M
13-05-2003, 11:17 PM
تصير ...بالمواقع العربية ما في شئ حقوق !!!
الامر يرجع الى دين واخلاق الشخص
على كل حال الموقع موجود ولن يفيد اي شئ منه الى ربه ....
medo_giboba
14-05-2003, 09:17 AM
ايوة في المواقع العربي لا يوجد حقوق

لكن اللي يضايق ان صاحب الصفحة كاتب ان
ممنوع الاقتباس الا يعتبر سرقة .....الخ :! :!
forumaster
14-05-2003, 09:42 AM
الرسالة الأصلية كتبت بواسطة محمدS.M
تصير ...بالمواقع العربية ما في شئ حقوق !!!
الامر يرجع الى دين واخلاق الشخص
على كل حال الموقع موجود ولن يفيد اي شئ منه الى ربه ....


السرقة تظل سرقة مهما تغيرت الصور

من يسرق/يقرصن: لعبة
يسرق/يقرصن: مقال، فكرة، ما خف وزنه وغلا ثمنه
وطالما نجد من يقول أن قرصنة الألعاب حلال، فسيبقى الحال على ما هو عليه!!!
medo_giboba
14-05-2003, 09:52 AM
محدش قال كلام غير كدة

علي العموم الايميل بتاع صاحب امقال في الصفحة

ممكن المشرفين يبعتولة ايميل علشان الحقيقة تتعرف

وصاحب المقال الاصلي لا يضيع حقة ايا كان
mmsa2005
14-05-2003, 11:09 AM
يا !!!!!!!!!!!! :غضب:

والله العظيم المقالة دى بتاعتى ومنشورة باسمى فى مجلة بى سى جيمز المصرية عدد يناير 2003 ( العدد الحادى عشر )

للأسف مش هقدر أعمل حاجة:غضب: :غضب:

لصوص
mmsa2005
14-05-2003, 11:19 AM
ومعي نصة في الملف المرفق [/B][/QUOTE]

شكرا على تنبيهى أخ ميدو:)

بس سؤال برئ :o جبت منين نص المقالة :غضب:

أفتكر انه مطلعش بره جهازى أبدا:غضب:
forumaster
14-05-2003, 11:27 AM
سؤال خبيث يا mmsa2005

هل سبق واقتبست/قرصنت/سرقت لعبة ؟

أي هل مرة لعبت بلعبة كوبي وليست أصلية؟

كيف كان شعورك ومقالتك قد حدث لها مثل ما يحدث للألعاب؟!

وماذا ستفعل لو تناقلت الصحف والجرائد والمجلات مقالتك ونسبت لغيرك؟!

هذا هو احساس العاملين في شركات الألعاب عندما تتم قرصنة خلاصة أفكارهم وجهدهم!!!

مشكورين
medo_giboba
14-05-2003, 01:04 PM
الرسالة الأصلية كتبت بواسطة mmsa2005
ومعي نصة في الملف المرفق
شكرا على تنبيهى أخ ميدو:)

بس سؤال برئ :o جبت منين نص المقالة :غضب:

أفتكر انه مطلعش بره جهازى أبدا:غضب:


ازاي دة انت مديهالي بنفسك وانا عندك بالبيت
لما كت بتوريلي مقالة جيمس بوند ومار ضيتش تدهالي لانها كانت لسة ما تنشرتش


ورضيت تديتني دي و النيد فور سبيد لانهم انوا اتنشروا من زمان
انت بتنسي ولا اية

وعموما المفروض تبعت ايميل لللص وتنشر الرد (دة ان رد) في المنتدي
علشان يتعرف الحقيقة
mmsa2005
14-05-2003, 02:24 PM
الرسالة الأصلية كتبت بواسطة medo_giboba



ازاي دة انت مديهالي بنفسك وانا عندك بالبيت
لما كت بتوريلي مقالة جيمس بوند ومار ضيتش تدهالي لانها كانت لسة ما تنشرتش

وانت يعنى لازم تفضحنا:غضب:

وبعدين مش من حقك انك تنشر المقالة كده بدون اذنى :غضب:

قصدىازاى تنشر نصها بالوورد ..... ازاى تنشره كده :غضب: أنا اللى غلطان وأستاهل:غضب:
mmsa2005
14-05-2003, 02:33 PM
الرسالة الأصلية كتبت بواسطة forumaster
سؤال خبيث يا mmsa2005

هل سبق واقتبست/قرصنت/سرقت لعبة ؟

أي هل مرة لعبت بلعبة كوبي وليست أصلية؟

كيف كان شعورك ومقالتك قد حدث لها مثل ما يحدث للألعاب؟!

وماذا ستفعل لو تناقلت الصحف والجرائد والمجلات مقالتك ونسبت لغيرك؟!

هذا هو احساس العاملين في شركات الألعاب عندما تتم قرصنة خلاصة أفكارهم وجهدهم!!!

مشكورين

يا أخى العزيز عشان تعرف ردى علي كلامك

ارجع لموضوعى اللى كنت عامله من مدة عن ( وجهة نظر فى الألعاب الكوبى )

وهتعرف رأيى بالتفصيل لأن الموضوع طويل جدا وباب النقاش فيه واسع

تحياتى:D
medo_giboba
14-05-2003, 04:44 PM
الرسالة الأصلية كتبت بواسطة mmsa2005


وانت يعنى لازم تفضحنا:غضب:

وبعدين مش من حقك انك تنشر المقالة كده بدون اذنى :غضب:

قصدىازاى تنشر نصها بالوورد ..... ازاى تنشره كده :غضب: أنا اللى غلطان وأستاهل:غضب:

افضحك في اية هو انت اللي سرقها منة ولا العكس هو اللي صحيح

والحق عليا اني كنت خايف علي حقك ونشرتها علشان اثبت انهم كربونة بالنص

وبعدين انا نشرتها مقلتش انها بتاعتي مثلا انا نقلت الحقيقة مجردة

علشان كل واحد يعرف حقة وياخدة ولو معنويا

امال كنت عاوزني اعمل اية

ثم لاحظ اني لم اذكر اسمك نهائي

انا كان هدفي ان التاني لو كان هو اللي ناقلها ما ياخدش حاجة مش بتاعتة
mmsa2005
14-05-2003, 09:11 PM
الرسالة الأصلية كتبت بواسطة medo_giboba


افضحك في اية هو انت اللي سرقها منة ولا العكس هو اللي صحيح



أنا الىى ضايقنى انك تحط النص مكتوب بالوورد عشان ده مش من حقك:غضب:

كنت ممكن تحط الصفحة جاهزة من المجلة أو تذكر اسم المجلة وخلاص لكن اللى عملته ده علمنى درس ان شغلى ميطلعش لحد أبدا مهما حصل:غضب:

ومن فضلك شيل نص المقالة ( الملف المرفق ) عشان انت كده بتتعدى حدودك وبتحط حاجة متخصكش أصلا :غضب:
محمدS.M
14-05-2003, 09:26 PM
ازيك ياحمد حاول انك تروووق شوية
مشكلتك مش معانا مع الشخص اللي نشر مقالتك ....
المجلة تصدر بمصر صحيح ؟؟
اذن
الشخص بنسبة كبيره للازم يكون مصري !!
حاول انك ترجع للمجلة وتخبرهم,,,
ايضا اتصل بالشخص صاحب الموقع ...
اخيرا اتمنى منك عدم استخدام هاذا الرمز :غضب:
وامرك انت ميدو خلصه خارج المنتدى او بالرسائل الخاصه :)
forumaster
15-05-2003, 08:46 AM
أجد نفسي مديناً لك بإعتذار، للأسف لم أمر على موضوعك الذي ذكرته والذي هو يجسد المشكلة خير تجسيد...

عموما ها قد اكتملت لك التجربة، أن تشعر بما يشعر به فريق برمجة اللعبة، وما يشعر به الصحفي الذي سرقت مقالته، ولقد حدث لي ذلك شخصياً عندما كنت اكتب لموقع الألعاب العربي، ثم وجدت الصحف الإماراتية والكويتية والقطرية تنقل كلامي بالنص، دون ذكر من قريب أو بعيد، وعندما نشرت خبر تلك السرقة في الموقع، جاءني صحفي قطري يهددني باللجوء للقضاء لإني سببته على صفحات الموقع واتهمته بالسرقة، وأصبحت القضية كيف اتهمه بالسرقة، وتناسى تماماً المقال الذي نقله كما هو ولم يضع فيه حرفاً...

أتعرف ما كانت نهاية الموقف؟ توقفت عن الكتابة!!! لماذا اكتب ليسرق تعبي غيري! واكتفيت بهذا المنتدى، اتابعه من بعيد ولا أتدخل إلا حينما يسمح لي وقتي

أرى أن نهاية الحوار حول سرقة الألعاب عند من منا أحب لعبة ما لدرجة ذهابه وتضحيته وشرائها أصلية، ليصبح الحديث، ما اللعبة التي تتمنى لو استطعت شرائها أصلية!!! ومن ثم نتساءل ما الألعاب التي اشتريها أصلية ولم تندم، بالنسة لي، أتمنى لو استطعت شراء ريد آليرت وديون الأولى وديابلو النسخة الخاصة لجامعي الألعاب...

في النهاية أتمنى أن يأتي الغد الأفضل الموعود المنتظر... وتقيل تعازي في مقالك المنهوب..


الرسالة الأصلية كتبت بواسطة mmsa2005


يا أخى العزيز عشان تعرف ردى علي كلامك

ارجع لموضوعى اللى كنت عامله من مدة عن ( وجهة نظر فى الألعاب الكوبى )

وهتعرف رأيى بالتفصيل لأن الموضوع طويل جدا وباب النقاش فيه واسع

تحياتى:D
medo_giboba
15-05-2003, 10:51 AM
الرسالة الأصلية كتبت بواسطة mmsa2005


أنا الىى ضايقنى انك تحط النص مكتوب بالوورد عشان ده مش من حقك:غضب:

كنت ممكن تحط الصفحة جاهزة من المجلة أو تذكر اسم المجلة وخلاص لكن اللى عملته ده علمنى درس ان شغلى ميطلعش لحد أبدا مهما حصل:غضب:

ومن فضلك شيل نص المقالة ( الملف المرفق ) عشان انت كده بتتعدى حدودك وبتحط حاجة متخصكش أصلا :غضب:

اناشايف انك بتتلكك
لانك المفروض تشكرني علي اني عملت كدة مش العكس

لاني كنت خايف علي حقك

ثم انا مش معايا المجلة دي ولا كنت فاكر اسمها اساسا

ثم عاوز اعرف انا اللي بتعدي حدودي انت عملت اية مع الشخص اللي اخد المقالة
mmsa2005
15-05-2003, 11:30 PM
الرسالة الأصلية كتبت بواسطة forumaster
أجد نفسي مديناً لك بإعتذار، للأسف لم أمر على موضوعك الذي ذكرته والذي هو يجسد المشكلة خير تجسيد...

عموما ها قد اكتملت لك التجربة، أن تشعر بما يشعر به فريق برمجة اللعبة، وما يشعر به الصحفي الذي سرقت

أتعرف ما كانت نهاية الموقف؟ توقفت عن الكتابة!!! لماذا اكتب ليسرق تعبي غيري! واكتفيت بهذا المنتدى، اتابعه من بعيد ولا أتدخل إلا حينما يسمح لي وقتي

في النهاية أتمنى أن يأتي الغد الأفضل الموعود المنتظر... وتقيل تعازي في مقالك المنهوب..



السلام عليكم أخى العزيز :) وليا تعليقا على ردك

أولا بالنسبة للاعتذار ولا يهمك المهم انك تبقى متفهم لوجهة نظرى :)

ثانيا : لماذا توقفت عن الكتابة أخى العزيز:!

فى رأيى ان لازم يكون عندك عزيمة واصرار على مواصلة طريقك الناجح باذن الله ... والواحد مش لازم ييأس أبدا مهما حصل;)

ثالثا : بالنسبة للتعازى أنا اقتعت تماما انى أكبر دماغى والمهم الواحد يستمر فى طريقه وشكرا على تعازيك والبركة فيك:D

تحياتى
mmsa2005
15-05-2003, 11:36 PM
الرسالة الأصلية كتبت بواسطة محمدS.M
ازيك ياحمد حاول انك تروووق شوية
مشكلتك مش معانا مع الشخص اللي نشر مقالتك ....
المجلة تصدر بمصر صحيح ؟؟
اذن
الشخص بنسبة كبيره للازم يكون مصري !!
حاول انك ترجع للمجلة وتخبرهم,,,
ايضا اتصل بالشخص صاحب الموقع ...
اخيرا اتمنى منك عدم استخدام هاذا الرمز :غضب:
وامرك انت ميدو خلصه خارج المنتدى او بالرسائل الخاصه :)


ازيك يا عم محمد ...:D

أنا مروق يا ريس بس الظروف:D

المجلة تصدر بمصر والمفروض فى الدول العربية :D

ممكن يكون الشخص مصرى ... الله أعلم

بس راسلته ومستنى رده وهأرجع للمجلة هى اللى تتصرف:أفكر:

ويا ريت أعرف رمز ايه اللى مش عايزنى أستخدمه:!

تحياتى وشكرا على حذفك للملف المرفق عشان كان مضايقنى أوى:)