المساعد الشخصي الرقمي

مشاهدة النسخة كاملة : نقاش الرسامين اخبار و اعلانات الاعضاء --- ReNewal


Last_Angel
14-05-2003, 10:38 AM
السلام عليكم،

اذا تذكرون كان فيه موضوع فتحه شاهين عشان يحطون الاعضاء اخبارهم واعلاناتهم (يعني اللي بيغيب كم يوم.. اللي صارله اي شي جديد.. كذا..)

دورت عليه وما لقيته >_<


ففتحت واحد جديد ^_^
Last_Angel
14-05-2003, 10:48 AM
---

فتحت oekaki board في موقعي ^^

وعازمتكم كلكم تجون ترسمون شي هناك ^_^ واللي ما يرسم، يعلق .. المهم تجون :"


:D


موقعي (http://www.angelfire.com/anime4/blackwings)
-][HaNa Sun][-
14-05-2003, 11:26 PM
يعني الموضوع بيكون عن أخبار الاعضاء ولا كيف:أفكر: يمكن تشرحين أكثر:":

و موقعج صراحه يهبل ..عيبني الجالري مالج ..فنانه ماشالله;-)
mai_arumashi
14-05-2003, 11:31 PM
ترا الاويكاكي يهبل...سيرو شوفو >.<
MeMe CHaaN
14-05-2003, 11:49 PM
السلام عليكم و الرحمه...:D

حلوووه واييد فكرة الموضووووووع..:D

و موقعج يا لاست إنجل بعد واييييييد حلوووووو..:D

ميمي
:D
Last_Angel
15-05-2003, 12:18 AM
هههههه شكرا ^^

طيب دامكم دخلتم الموقع ليش ما رسمتوا بالاويكاي او على الاقل وقعتوا في سجل الزوار؟؟ :6



هانا سن:
يعني اذا في شي تبين تقولينه للاعضاء بس ما يستاهل انك تفتحين موضوع كامل عشانه تقدرين تحطينه هنا ^^
Rex
15-05-2003, 03:48 PM
أكيد برسم شيء بالاوكاكي قريبا :) !!

=فتحت موضوع عن التلوين بقسم تعليم الرسم= :6
lord zacx
15-05-2003, 06:32 PM
باخذ استراحه قصيره
يعني بغيب عن المنتدى
:6

عشان اخلص ثلاث كومكسات........:"

بتطلع روحي:o

farewell 4 this month
Ranma Saotome
28-05-2003, 07:21 AM
السلاام عليكم

اولا:
سبيس كاوبوي يسلم عليكم كلكم واطمنكم ان اموره كلها على احسن مايرام وكل شي ماشي حسب الاصول في ماليزيا.. مشتاق للمنتدى و اول مايلقى فرصه راح تلقونه بيننا..


ثانيا:
العضوة المحبوبة لينيير 13 قبضت عليها اون لاين في المنتدى ":" وتسلم عليكم وايد وايد وتقول:
"والله المنتدى له وحشة ...لكن ما عم أقدر أشارك هلاً بسبب الامتحانات التعيسة .... :" وحتى بالصيف يمكن ما أقدر شارك ...."

كما ذكرت انها بصدد خطوة كبيرة... ادعوا لها بالتوفيق :)
و أضافت:
"أنا أزور المنتدى من حين لآخر وأعرف كل أخباركم أولاً بأول وإن شاء الله لما تتاح لي شي فرصة رح أرجع ولو بعد مدة ..وسأحمل معي الكثير من الرسوم وإن شاء الله تلاحظون تطور في أسلوبي ..."
وترسل تحياتها للجميع.. "تحياتي للجميع"


حبيت اوصل سلام سبيس ولينيير لكم :)
بالتوفيق سبيس في دراستك..
بالتوفيق لينيير في الدراسه و المُقْدمه عليه انشالله..
مشتاقين لكم كلكم..
وانشالله نشوفكم معانا في المنتدى في اقرب فرصه :)
that's all guys
سلاااااام
Ranma Saotome
31-05-2003, 06:25 PM
السلااااااام عليكم..

تم القبض على العضوة "مستعجلة بالمره" في المنتدى لمدة نصف ساعه ":"

كما هو معلوم ان مستعجلة بالمره ماشتركت في المنتدى لمدة 7 شهور تقريبا..

حبيت اوصل لكم رسالتها :) :

"دخلاتي للنت صارت واااااااااااايد قليله....يعني الحين لي سنه ما شفتكم....وبنفس الوقت ..صرت ما ادخل النت الا بالشهرين مره وحده..."
و قالت:
"الحين ماقدر ادخل المنتدى لأن الاختبارات خلاص ما بقا عليها شي يعني هذي اخر مره ادخل النت ..
الا حد ما تيي العطله الصيفيه....."
ولما سألتها عن تطور مستواها في الرسم:
"والله بصراحه مستواي وااااايد تحسن ومتحمسه على احر من الجمر.اني ادخل المنتدى مالكم واحط رسوماتي ...والله اشتقت للأعظاء كلهم شاهين وخلود وفطوم وكيتي وسبيس كوبوي و روايه ...وناااااااس واجد...سلم لي عليهم..."


ننتظر عودتج مستعجلة و انشالله نشوف جاليريك مرفوع مره ثانية ومتروس رسوم :)

كان معكم مدير العلاقات العامة :p رانما الطقن ":"
Rex
31-05-2003, 08:44 PM
Ranma Saotome
مشكور يا مدير العلاقات العامة وما تقصر!! سلامهم وصل :D
وان شاء الله يردون بالسلامة ^^

أما أنا فراح (أمتنع) عن المشاركة بالمنتدى بهالاسبوعين القادمين ...
وراح أركز تفكيري بس على دراستي ... :) ,, حتى تبدأ اجازتي ....

وأتمنى للجميع النجاح والتوفيق بالدراسه ... :)
**lonely star**
31-05-2003, 09:23 PM
مشكور رانما
والله زمان عنها هالمستعجله ظنيتها تركت المنتدى:"

بس زين انشاء الله نشوفها قريب بالعطله^_^
**lonely star**
23-06-2003, 06:20 PM
http://www.dreamy-pink.com/loliya/wallpaper/mmm.gif (http://www.dreamy-pink.com/loliya/)


هذا موقع لصدقتي اول موقع عربي عن الانمي.. اينو-ياشا

انشاءالله يعجبكم;-)
Rewayah
09-07-2003, 08:39 PM
السلام عليكم.


شباب أنا مشغول شوية هاليومين, عندي أمتحان نهاية الفصل الصيفي, رياضيات.
أشوفكم قريباً ولكم مني مفاجآت. ^^

مفاجآت أحسن من مفاجآت سبيس زفت نكرة روث قبح التون العنز في مهرجان صيف دبي. :6

يعل الله يشيلهم هم وشركة الزهرة فوقعم.

حياكم وأراكم قريباً. ;-)
أميرة الخيال
14-07-2003, 04:45 PM
رواية هدأ أعصابك


أعصابك يا أخي الحين يصير فيك جلطة ( ان شاء الله عدوك )هههههه


آنا عضوة جديدة و عندي قصة (يعني آنا زفت بالرسم )

ان شاء الله تساعدوني و تقرون القصة (الانتقام) و ترسمون الشخصيات


عفية الله يخليكم ممكن مساعده يا رسامين المنتدى

:(
Sparta Ghost
14-07-2003, 08:54 PM
حلو فكرة ...الأخبار ..:أفكر:

إنشاء انشوف اخبار الأعضاء زي العسل ....مثلا ذهب رسام من المنتدى لليابان للتعلم ...فتح شخص شركة تنافس الزهرة ...والشركات العالمية ..:D

..موقعك رائع ..ورسومك جميله ..:)
Rewayah
30-07-2003, 06:07 PM
أسمحولي شباب. :)

المنتدى صاير وايد ثقيل وحركته بطيئة...
لا نقدر ندخل ونشارك مثل الناس ولا نقدر نرد ونكتب أو نطلع حتى لو بغينا... !

زحمة زحمة زحمة. ;-)

أشوفكم في فرصة أخرى. :)
Rex
30-07-2003, 06:12 PM
أهلا برواية!!
glad to see you again :D

فعلا المنتدى ثقيل ساعات عندي!!
وأنا أتصفح ...
يكون مرات سريع , ومرات يصير بطيء ومرات بالمره ما يشتغل!! ?: ...

ياريت في حل , والا يمكن الزحمة السبب :أفكر: ...


سلام...
Shadow Cat
30-07-2003, 11:21 PM
السلام:أفكر: ...

REFLEX...
زين يوم يبت طاري هالموضوع...!!!?: المنتدى مو صاحي أبد...
كل فكوم يوم اكتب رد و تعبانه عليه..آخر شي يقول ERROR >_<
لاااا...كل اللي كتبته يذهب مع الريح عقولتهم...
و يبطئ و خلي الواحد على اعصابه >_<...
اتمنى فعلا يجوفون شو السالفة و يحلون هالشي...
Rex
30-07-2003, 11:55 PM
أهلا Shadow Cat

رواية اللي لمح عالموضوع :D

أصلا أنا مسوي ملف TEXT عندي بالويندوز ...
مخصصنه للردود اللي ما تنرسل !!
((يوم أكتب رد أنسخه احتياط قبل الارسال , اذا ما انرسل أروح ألصقه بهالملف وأرجع بعدين!! ))
ههههه وفعلا طريقة مفيده , أنصحكم فيها :D
mai_arumashi
31-07-2003, 12:06 PM
اخيرا فتحت اوكاكي...هوهوهوهوهو ^5^.....ادخلو هنا (http://www4.oekakibbs.com/bbs/Mai_arumashi/oekakibbs.cgi) ...ارسمو اي شي ^_^

هوهوهوهوهوهوهوهوهو.....بووووووم *انفجرت من الضحك*
Rewayah
02-08-2003, 05:00 PM
الرسالة الأصلية كتبت بواسطة REFLEX
أهلا Shadow Cat

رواية اللي لمح عالموضوع :D

أصلا أنا مسوي ملف TEXT عندي بالويندوز ...
مخصصنه للردود اللي ما تنرسل !!
((يوم أكتب رد أنسخه احتياط قبل الارسال , اذا ما انرسل أروح ألصقه بهالملف وأرجع بعدين!! ))
ههههه وفعلا طريقة مفيده , أنصحكم فيها :D
نفسي!

;-)
Shadow Cat
02-08-2003, 07:13 PM
REFLEX
والله ما انتبهت انه روايه هو اللي لمح الموضوع:! همم...استعيلت...

عطاري ملف الtext
لووووووول حتى انتوااا ؟؟؟:D ...

انا مسوية ملف اسمه...Montada note pad..
>_<
أحط فيها كل الردود اللي كنت اكتبها ...اسوي copy then paste
علشان لو خرّف المنتدى..ما يروح اللي كتبته مع الريح ...:6
تقريبا اكثر من شهر مسوية جيه ..>_<...و نفع ^_______^
ااااالله يعين بس!!!>_<



mai_arumashi
الموقع كواااااااااي ^-^~~
:"
but does it only accept a lazer pens ...
coz...i tried to draw..but it says i need this java thingy...
tried to download it ..gave me an error...
i was too lazy to try again..:o zZz
lol...
need more info...
:أفكر:

chaw chaw...

*عفكرة حتى ها الرد مسوتله كوبي بيست خخ*:D
Last_Angel
03-08-2003, 12:59 AM
يمكن المشكله لان الكمبيوتر حقك XP?

نفس المشكله تصيرلي مع كمبيوتر ابوي.. لذلك انا اقاطع XP

الoperating system حق اللاب توب حقي وبكل فخر 2000 :cool:
Rex
03-08-2003, 01:15 AM
ثرها طريقة الNotepad ... منتشرة :D

mai_arumashi
حلو موقعج ^^
ان شاء الله بحاول أسوي شيء فيه ...

Last_Angel

ما فهمت ردج , قصدج المشكلة من الويندوز xp ?
(أنا حولت للxp من حوالي 4 اسابيع أعتقد)

اممم ...
أصلا المشكلة بس بهالمنتدى تطلعلي , أما باقي المواقع عادي وطبيعي ...

عاد أتمنى يكونون المشرفين قاعدين يصلحون هالمشكلة , وعلى فكرة اللي عايشين بالامارات هم أكثر ناس يواجهون هالمشكلة أعتقد ... :(


سلام...
Last_Angel
03-08-2003, 04:00 AM
لا لا مشكلة المنتدى بسبب السيرفر حقهم.. الباند ودث حقه قليل فصاير عليه زحمه..


قصدي مشكلة الجافا هي اللي لها علاقه بالXP
بس اظن النسخ الجديده ما فيها هذي المشكله :)
Last_Angel
10-08-2003, 12:51 AM
نقلت موقعي للدوماين...


www.tenan-star.net


^_^ لاي اوت جديد و سجل زوار وحركتات :cool:

روحو شوفو :p
هـداف
10-08-2003, 02:02 AM
اهلا بالجميع..

حلوه الاعلانات هنا^^

أحب افيد الأعضاء بموقع مفيد جدا لتدارك العطل الموجود الحين في المنتدى..
هذا الموقع لتخزين الصور..تفضلوا

http://www.al-hdhd.net/uploader.php

اتمنى تستفيدون منه

:)
Bu Laban
10-08-2003, 07:10 PM
أجل هذا موضوع حق إعلانات :D .. أجل سمعوا الإعلان هذا ..



فتحت موضوع طبخ في قسم المنوعات .. أتمنى أن ينال إعجابكم :)


أكبر من كذا ما في .. و إذا تبون اللنك .. تشوفونه في توقيعي :o

تحياتي و أشواقي الحارة لكم :)
jojo_1412
04-09-2003, 09:49 PM
السلاااام على كل الأعضاء و سوووريييي على عدم الرد من فترة >_<

الكمبيوتر اخترب و ماقدرت أدخل منه و الحين داشة بالموت طبعا مو من كمبيوترنا :أفكر:

بس بغيت أعتذر أني ماقدر أشارك في أي شي في هالفترة سوري >_<

و بالتوفيق
Sparta Ghost
06-09-2003, 05:10 AM
هذا وقد ....قال الجني الرسام ...:-

أنه يعمل على قصة ((لم يحدد اسمها حتى الأن )) من بداية العطلة الصيفة ...
وقد أضاف أنه لا يعلم هل تنتهي قصته قبل بداية المدرسة ... :D :D



...وأيضا ترى ابتسامات المنتدى أزعجتنا كثيرا ...كلما ضغط عليها شخص ارتفعت بهم الصفحة إلى أعلى ....ودمتم سالمين ... :6
Rewayah
26-10-2003, 04:54 PM
وأخيراً لقيت الموضوع. ><


شباب, قاعد أرد على جالاريات الأعضاء, واحد واحد, لكن بالدور, لأني وايد مشغول. :)
(الجالاريات وايدة, والأعضاء كثر, ما شاء الله).

خلصت من البعض, وإن شاء الله الدور ياي على الباجي.
واللي أتأخر عليه, لا يزعل! :) (اللي يسمع ألحين يقول إنه رأيي مهم يعني! ^^).

بشوف رسوماتكم كلها إن شاء الله, بس بالترتيب.

حياكم.

:wink2:
-][HaNa Sun][-
27-10-2003, 08:51 AM
نتريا ردك على الجاليري مالي روايه :) ..ترا محد معبرنه :bawling:

فتحت موضوع مانجا من الواقع في الجالريات :wavey: أتمنى أشوف مشاركات فيه :ridinghor


و رمضاان كريم :biggthump
Neo Cid
28-10-2003, 07:01 AM
وأخيراً لقيت الموضوع. ><


شباب, قاعد أرد على جالاريات الأعضاء, واحد واحد, لكن بالدور, لأني وايد مشغول. :)
(الجالاريات وايدة, والأعضاء كثر, ما شاء الله).

خلصت من البعض, وإن شاء الله الدور ياي على الباجي.
واللي أتأخر عليه, لا يزعل! :) (اللي يسمع ألحين يقول إنه رأيي مهم يعني! ^^).

بشوف رسوماتكم كلها إن شاء الله, بس بالترتيب.

حياكم.

:wink2:

وشو رواية عاملين تفتيش ؟ .. ندوة لا للمخدرات ؟ ..

انا بعيد عن التهمة .. احتمال تلقون جم كيلو هيرواغوانا تحت جاليري هارد روك .. :أفكر:

لا يكون أنتوا أمن الدولة موصينكم الحكومة بشي ؟ .. اللي يعين ..

:tongue2:
GM Head
28-10-2003, 07:39 AM
بغيت أبلغ للجميع اني من السبت بديت دراستي في الجامعي ليلاً

إذا زعلت أحد من غيابي ......... فأنا أعتذر عما حصل

وأحاول أحط كم رسمة عن شخابيطي في المحاضرات :argh: (بعض المواد ينومون لو ما رسمت)
mai_arumashi
10-11-2003, 12:56 PM
من زمان ما دخلت *من يوم قلت اني بطلع من دون عودة* .. بس دخلت اليوم عشان اطمئن على المنتدي و شفت مواضيع صايره لها حالة (محلك سر) يعني موضوع صار له فترة ما يتحرك و الصفحة الاولى كأنها متجمدةزززكل يوم نفس المواضيع.... ف..
فقررت اني ارجع و احاول اني ابث النشاط فيكم.... بس طبعا بعدي زعلانه من ناس ما بقول اسمهم...انزين بقول...
انا...زعلانه من ...عضو !












الله يسامحه.........











اسمة يبدا بحرف (ديابلوس)..... :mad:











وينك محد يشوفك...اعضاء المنتدي يشوفونك اكثر مني...مع ان نحنا جيران (تقريبا)







المهم برجع لكم قريب و بعطيكم تفاصيل اكثر عن رسمي فى فترة غيابي
Taja
10-11-2003, 05:22 PM
اهلا فيج ماي والله اشتقنالج ياريت لو تستمرين وماتقطعينا :)
حت لو كنتي زعلانه من ناس ...مو معناتها تقطعينا ومانشوفج :(


;) بالتوفيق
Rex
11-11-2003, 12:21 AM
ويلكم باك ماي ^^
الحمدلله أنج قررتي تبقين معانا :D

عاد ماي استحملي الأعضاء شوي :أفكر: ...
اذا حد زعلج بدون قصد مثلا...مش على طول تتركين المنتدى :bigeyes: ...

اممم وخلينا نشوف شي يديد ^^

سي يو :D
g. byte
11-11-2003, 08:06 AM
السلام عليكم

جي ام هيد اعذرني ولكن انت زعلت أحد في غيابك :أفكر: لأنك أطلت الغياب بعض الشيء :09:
بانتظارك وبانتظار أعمالك ;)

*****
أهلا بعودتك أخت ماي ^^
ملاحظتك صحيحة بخصوص المواضيع الثابتة وأنا أيضا لاحظت هذا الشيء , كما لاحظت أن معظم تلك المواضيع هي جالريات ( من زماااااااااان ملاحظ هذا الشي ^___^ ) لكني متفائل بمستقبل مشرق للمنتدى عما قريب :biggthump كما أنني حاولت أن أساعد في بث النشاط في المنتدى لكني كسّلت بعد ثلاث ردود هههههه
ومع ذلك لازلت متفائل , مع التشديد على أن محاولة إحياء المنتدى ينبغي أن لاتكون من طرف واحد وانما جماعية , لأنها ان كانت من طرف واحد فسيتوقف المنتدى عندما يتوقف هذا الشخص لكن عندما تكون جماعية سيغطي كل شخص فراغ الاخر وتستمر دائرة الحياة !

أما عن ديابلوس فلنا تفاهم معاه بإذن الله :12: حتى أنني قاطعت موضوعه """ الأعضاء الغايبين """ حتى يعود ( واحد صفر ياديابلوس :biggthump ) أتمنى أن يعود بأسرع وقت , اشتقت إلى مشاركاته في المنتدى *_*

على فكرة أعجبني جدا الأوكاكي بتاعك ^^ شاهدته للتو ورسمت فيه رسمة قبل قليل وبإذن الله سارسم أخرى في وقت لاحق , شكرااا ( يالله يااعضاء نبغى نشوف رسوماتكم تراني انسان متحمس هاليومين :D )
Ranma Saotome
12-11-2003, 12:32 PM
سلااااااااام

ويلكم بااااااااك ماي..
والله فرحت يوم قريت ردج..
كنت اسأل دايما ليش ماي طلعت لكن محد عطاني جواب :(

الحمدلله ان رجعتي..

بس شسالفه :06: زعلانه من ديابلوس عشان جذيه تركتي المنتدى!!
يلااا المهم ان رجعتي..

"الصفحة الاولى كأنها متجمدةزززكل يوم نفس المواضيع.."
الله يهداج ماي كل هالمواضيع اللي كل يوم تطلع وتقولين مجمده..
انا اتمنى تكون مجمده هههههههه.. تكون المواضيع نفسها لكن فيها نشاط احسن من أن كل يوم موضوع جديد و مافي نشاط..

ويلكم باك مره ثانيه و نشوف اخر اعمالج قريبا انشالله
Miss_kimino
13-11-2003, 01:12 AM
ولكم باك n_n


:) وإنشالله نشوف كيف تطور رسمج الحلو في فترة غيابج .. واكيد بيعجبنا
Ranma Saotome
17-11-2003, 02:15 PM
السلاااام عليكم..

HAPPY BIRTHDAY تدرون حق من..







هررررووووووووووووووووود حبيب الكل..

أمس كان يوم ميلاد هارد روك.. اسمح لي على التأخير هارد روك..

كل عام وانت بألف خير العمر كله انشالله و عقبال 553428340179 سنه..
والله يخليها سنة خير لك و يبعد عنك كل شي مش ولا بد..

يلا غنوا حق حبيبنا هارد روك لين انا اروح اييب الكيكه وارجع
g. byte
17-11-2003, 03:29 PM
كل سنة وأنت طيب ياهارد روك :jester: عقبال مائة سنة ان شاء الله ^^
يالله واحد .. اثنين .. تسعة ..!
سنة حلوة ياجميل .. سنة حلوة ياجميل
سنة حلوة سنة حلوة .. سنة حلوة ياهارد رووووك
هووووووووففففف :10: ( هييييي شغلوا النور :fest06: )

يالله يارانما وين الكيكة :eating: أوه ! اللهم اني صائم , محد شاف ؟ :flute:
Taja
17-11-2003, 05:10 PM
كل سنه وانت طيب هارد عئبال 553428340179 +100000000000000000000000000000
سنه
orange road
18-11-2003, 10:09 AM
كل عام وانت بخير هروووووووووود


يلا غنوا حق حبيبنا هارد روك لين انا اروح اييب الكيكه وارجع
عاد نبيها من باسكن روبنز..
:12: لا تييب لنا غيرها تقص علينا

:31: ترى ما ادخل النت الحين الا الصبح ونادر ادخل في الليل
لان ما عندي نت :o
قدمت على طلب الدي اس ال وانشاءالله قريب بيتركب وحزتها بارجع ادخل مثل قبل
:biggthump انتظروني
Rex
18-11-2003, 01:38 PM
وايضا الأخ خطاف كان عيد ميلاده الجمعة الماضي!! :D

كل عام وانتو بخير هارد وخطاف :jester:
وعقبال ألف سنة :D
BUBLE
01-12-2003, 04:38 PM
هاااااااااااااااااااااااااااااي :D :D

شلونكم... شخباركم ...عساكم بخير ...؟

حبيت بس اسلم عليكم واقول لكم ترا ولهانة على كل الاصدقاء العزيزين في المنتدى ..وودي لو اشارك وياكم مثل قبل بس الدراسة ماخذة كل وقتي :( <<<<<<<<صايرة شاطرة البنت :tongue2:

وابي اقول حق رانما مشكور لان عطاني فكرة اني اسلم عليكم واطمنكم على احوالي ;)

انشالله ما نسيتوني ...و اقولكم مشتااقة لكم وااااااااااااايد ....وانشالله عقب امتحانات الفاينل باشارك باذن الله ...يااااااااا رب ..ادعولي :o

مااطول عليكم واايد ...واقولكم ..ترقبوني باقرب وقت :D
Rex
02-12-2003, 07:49 PM
أهلا بابل حمدلله عالسلامة , زين يوم شفناج ^^

زين يوم طمنتينا عليج , فجأة اختفيتي ومالج حس ولا صوت ^^;

زين يوم مريت تسلمين عالأعضاء , وزين سويت رانما !!

وانشاء الله تتوفقين بدراستج وتكونين من الناجحين يا رب ^^

وننتظر عودتج بالسلامة
Ranma Saotome
02-12-2003, 07:51 PM
هااااااااااااللووووووو بابل

شلونج؟ شخبارج؟
والله زين شفنا منج رد وعرفنا انج بخير و :biggthump

don't thank me
الاعضاء حابين يسمعون اخبارج و اخبار جميع الاعضاء المختفين عن المنتدى..

الله يوفقج انشالله في دراستج و شدي حيلج..

و احنا بانتظارج في اي وقت :)
jojo_1412
02-12-2003, 11:06 PM
باااااااااااااااااااااااال من زمااااااااان ماشاااااااااااركت >___<

آسفة يا أعضاء المنتدى لأني ماقمت أرد على مواضيعكم والله مشغولة حدي :(

بس ان شاء الله بحاول أرد على المواضيع هالويك اند :o

و بحاول قد ماقدر أرد على عدد كبير منها :biggthump

:jester:

بالتوفييييييييييق للكل ان شاء الله ^____^