درس طريقة Rex بالتلوين ...

[Rex]

السلام عليكم ورحمة الله وبركاته

وأخيرا قررت أحط طريقتي بالتلوين بعد الطلبات الكتيرة عشان أحط درس متواضع أو طريقتي بالتلوين بالفوتوشوب ((نفس اسلوب التلوين اللي أتبعه بالأوبن كانفاس)),, ((دنا غلبان))

على العموم أنا راح أحاول أوضح طريقتي بالتلوين بشكل مبسط ومفهوم خطوه بخطوه مش بطريقة السيلز ولازم يكون عندكم قلم ضوئي للتلوين!! واللي يبي يسأل عن أي شيء أنا حاضر ...

=====وأتمنى محد يرد لين ما أخلص الرسمه ^^ عشان يكون متسلسل... =========

والموضوع بيكون مليء بالملفات المفرقه ... تحلى بالصبر ^^ ...

يالله بدأنا!!
بسم الله...


أولا:

جهز رسمه صالحه للتلوين ويكون حجمها كبير نوعا ما!!,, أنا رسمت رسمة حق شخصية Laguna من فاينل فانتسي 9
((السلاح واللبس تأليف هههه ))
راح تطلع الرسمه على لاير اسمه الbackground

==راح أستخدم الفوتوشوب الاصدار السابع!==

[Rex]

ثانيا:

أسوي لاير فوقه وأخليه multiply

وعادة أنا أبدأ بتلوين البشرة ثم الشعر وبعدين الملابس وأخلي آخر شيء العيون ((بهالرسمه عادي أبدأ بالعيون لأنها بسيطه, أما لو كانو العيون واسعة ويبيلها لمعات أحسن نخليها آخر شيء... ))


ثالثا:

أختار لون البشرة المناسب وألون على طول بالوجه!!
لاحظو أني ما راح أستخدم أدوات التحديد الا لازالة الألوان الزائدة

كما في الشكل المرفق

[Rex]

رابعا:
بنفس اللاير!!

أتدرج بالتظليل , بعد ما أكون حددت مصدر الاضاءة ,, بالرسمه هني راح أخلي الاضاءة من الخلف الى الأمام شوي ,, لو من الخلف بس كان بيصير ويهه مظلم ...

وبعدين لما أظلل أبدأ بشكل عام بالتظليل ثم أتدرج الى الأشياء الدقيقة, وما أستخدم أداة الحرق , وكل ما تتدرج للتفاصيل أصغر حجم الفرشاه بكل مره...

بهالمرحلة أركز عالتفاصيل شوي وليس بشكل مركز تماما!!

لاحظ الملف المرفق...

[Rex]

خامسا:

بعد ذلك امسح الألوان الخارجة عن الوجة واللي ما نحتاجها... بأي أسلوب تريده , بالممحاه أو بالتحديد... شخصيا أنا عودت عمري عالممحاة لأنها تزيد مهاراتك باستخدام القلم !!

لاحظ الملف المرفق ولاحظ الشعر اللي قرب الأذن , بهالشخصية خلين الشعر خفيف ويبين خلفه الجلد نوعا ما , وكذلك عند أعلى جبهته...
((راح يكون لون الشعر بني , لذا مش مهم حاليا))

[Rex]

سادسا:
ببدأ بالشعر بعد الوجه..وأسوي لاير يديد واسميه مثلا hair ...
...وأروح أختار لون للشعر
اللون البني ,, وألون تماما بنفس طريقة الوجه بالتظليل , لكن على شكل خطوط ...

[Rex]

تابع سادسا: ,,,,,,

أحاول في تظليل الشعر أني ما أركز كثير عليه مجرد خطوط بسيطه ,أخليه لبعدين حاليا مع الوجه...

[Rex]

سابعا :

بعد ما تمسح الألون الزائدة , انتقل لشيء آخر لتلونه بلاير خاص له وطبعا كله على هيئة Multiply,, كل لون مختلف بلاير بروحه...

وعشان تسهل عملية ازالة ألوان الشعر الزائدة بهالمثال , اخفي لاير لون الوجه وبيكون أسهل ^^

لاحظ الملف المرفق ...

[Rex]

ثامنا:

تابع بالتلوين وتذكر مصدر الضوء والتظليل وانتبه للثنيات والظلال اللي خلفها ...
وحاولو مثلا بالوجه والشعر والعين بجروب لحاله , والملابس بجروب بحاله , والسلاح اللي راح ألونه بجروب لحاله,, على حسب الرسمة ...

مثلا أنا عطيت لكل مجموع لون مشترك للتسهيل ,,
اختار اللاير واختار الProperties ماله واختار اللون والاسم ...
وأستخدم أنا الفرش اللي تكون أطرافها ناعمة وليست حادة...

لاحظ الملف المرفق....

[lord zacx]

WOOOOOOOOOOOOOOOW

:!
:!
:!
http://members.lycos.co.uk/lordzacx/Ops.jpg

مشكور يا ريكس على الدرس المفيد.....................

":" عيل هذي طريقتك في التلوين!!

روعه

رهيبه

فتاكه

كمل الدرس يله خلني اصير مثلك محترف في التلوين



;-)

[Rex]

لقطات منوعه أثناء التلوين...
وبتلاحظون أن التظليل بسيط في هالمرحلة... (بس عادي تركزون بالتظليل شوي )

[Rex]

شكرا أخ lord zacx , الحين يالس أكمل ^^ ...

no 1 replay plz ... wait >.< ...



المزيد من الملاحظات...

[Rex]

تاسعا:

الآن راح أبدأ بالجزء اللي دائما أستمتع فيه ههههه ^^
وهو التدقيق بالتظليل والاضاءة

أبدأ بالظل الآن وبعدها أبدأ بالضوء!!

بالأوبن كانفاس لما تلون باللايرات ,, تسوي لاير يديد بنوعية Subtract ويعطي تأثير الظل
ركز الحين معاي ...

بالفوتوشوب في عدّة طرق لذلك...
أنا الحين راح أسوي طريقة...
أفتح لاير يديد وأسمية مثلا shadows...
وأخلي نوعيته Darken ...
الحين كل ما تبي تظلل شيء اختار لو غامق يشابه اللون اللي استخدمته سابقا ... واذا تبي الشعر يميل الى لون معين اختار هاللون اللي تبيه... واذا كانت هالمنطقة تتأثر بلون آخر اختار هاللون !!
هني ركزو أكثر عالملاحظات والفرش اللي أستخدمها...
لاحظو الصور المرفقة...

[Rex]

تابع الشرح:

اذا خرج تظليل زائد امسحه ,,
واذا حسيت أن الفرش تظلل بشكل قوي , حاول تخفف شدتها من الخيارات اللي جنب الفرشاة , مثل Flow

لاحظ الملف المرفق (قبل وبعد) ...

[Rex]

عاشرا:

سنبدأ بالاضاءة,
أفتح لاير يديد بنوعية Overlay

بنفس طريقة استخدام الفرش بالتظليل,,

لاحظ الصور المرفقة...

[Rex]

وأخيرا:

الخلفية واسم لجونا وتقوية اللمعات شوي واضافات أخرى ... تادا!!
انتهت الرسمه...

وأتمنى أنه الدرس , أو بالأصح الطريقة كانت سهله وبسيطه ...
وان شاء الله ناوي على درس آخر (more adnanced)بس بعديين ^^;
ومجددا ... أقول أن هاي مجرد طريقتي بالتلوين, يعني أكيد في طريقة أفضل واسهل ...

ان شاء الله عجبتكم الرسمه ^^ ....

اللي مافهم نقطة يقول :)

بالتوفيق يا فنانين ...

[ryu]

و اخيرا عرفنا سر ريكس:o .... تسلم ايدك على الدرس الرهيب

[Neo Cid]

و أخيرا .. كنت عارف أن ريكس مخبي لنا شي كبير .. :0)

الله يعطيك مليون عافية أخوي ريكس على الرسم .. و الدرس الرائع ..

صراحة مع اني ما ارسم إلا اني استمتع بالدرس .. :D من ناحية التظليل

و التلوين ... و كل شي .. حتى الخطوات تعبر عن الرسمة قبل نهايتها ..

بالنسبة للشخصية أخوي ريكس .. أنت تقول لجوانا من فف9 ؟ .. يمكن تقصد

فف8 .. :": .. اللي شعره أسود و يكون رئيس على دولة .. :": لاااه . ما يجوز

ياخوي .. ما عليه .. بس المشكلة أن فف9 مكتوبة على المسدس .. لا بسيطة

تتصلح .. :)

مو عارف شلون أشكرك .. لكن حاولت قدر الامكان اني أخلي الكلمات هذي

تعبر عن مقدار شكري لك .. و لو كانت بسيطة ..

بالتوفيق .. و بدروس قادمة .. ;)

[L.B]

درس رهيب :واو:
و التلوين روعة :"
لازم رد اقراءه واحاول طبقه
يسلموا اديك اخ ريكس ^_^

[Rex]

شكرا ده واجبنا :D

نيوسيد ... مادري شصار فيني .. :! ...
سرحان شكلي بطول الدرس هههههههههه ايه صح هو من الجزء الثامن ^^
أما التاسع فيه أبو ذنب!! ((تصدق أني ما كملتها بسبة شكل البطل ههههههه ))

باللعبة هو شعرة أسود , بس شفت له رسمه من الشركة لون شعرة بني ... :s

أهم شيء أنكم تستفيدون حتى لو شوي ...

على فكرة بالخطوة الأخيرة يمكن تكون الألون مختلفة شوي , لأني ضبطها بالcolor adj- والcontrast وهالأمور :)

[orange road]

اخيرا يا ريفليكس حطيت طريقتك في التلوين...

اخيييييييييييييييييررررررررررررااااااااااااااااااانننننننننن :"

مشكور على هالدرس الاكثر من رائع.. ويعطيك العافية عليه

باحاول اطبقه في اقرب وقت ^^

[Miss_kimino]

:"
ما أقول غير!!

مــــــــــــــــــــــــــــــــــــــــــــــا شالله !

احس إني بستفدي من هالدرس وايد :D

[stupid montada]

حلوه طريقتك في التلوين بس انا عمري ما استخدمت الفوتوشوب << ما استفاد من الدرس لكنه استمتع فيه

[shaheen]

روعة الرسمة ريفلكس:)
وخطواتك سهلة ونتائج حلوة

اخيرا عملت موضوع للتعليم وانا اكيد ان الاعضاء راح يستفيدون
واحسن شئ سويته ان الرسمة من افضل رسوماتك عشان تشجعهم على الدرس;-)

[fatoom]

مبرووووووووووووووووووووووك ريفليكس ^ ^

و اخيرا حطيت الدرس ;)

تشكر ^ ^

صراحه روعه @ @

مشاء الله عليك نفس اسلوب اليابانيين ^ ^

[sion001]

السلام عليكم

صراحة مشكور على الطريقة

أنا كنت مبتكرة طريقة أخرى للتلوين .. هي متخلفة شوي بس نتيجتها طيبة

أنا من النوع الذي لا يعرف بالتلوين الكمبيوتري .. فقط التلوين اليدوي

و للأسف ماله سوق في النت التلوين اليدوي

أشان كذه بأبدأ أحترف التلوين الكمبيوتري ..

و الحمدلله الأساسيات و الرسم عندي ممتازة

لكن أنصح إلي يبغا يبدى التلوين لازم يعرف مواقع الظل و الضوء أو أنه الرسمة سوف تتشوه .. و أعتقد أن الأخ ريفلكس يوافقني

بس حبيت أقول ملاحظة صغيرة : لاجونا من فاينل فانتسي 8 :)

و شكرا على الموضوع

[Rex]

شكرا عالردود المشجعة ^^

عاد يوم تفضون وما تعرفون تسوون شي ,, حاولو تجربون الطريقة أوكي :6

sion001
i know but i forgot its from ff8 :D

على كل حال أشجعك على تعلم الكومبيوتر جرافيكس :)

[حسين العطار]

جميل جداً ركس:)

طريقتي مشابهه لطريقتي بكثير من النقاط.. الفرق إنني ما أستعمل لاير darken و إنما أعتمد على اداة الحرق بمعظم الأحيان..

و الرسمة ممتازة جداً.. :)

[Lillymon]

hello REX.....
i've always been wondering about ur way of colouring...it always looked awesome....now that i have known ur way...im really amazed....its easy, simple and VERY IMPRESSIVE.....marvellous....
and i have certainly learned alot of lessons from this little tutorial....
i also wanted to thank u for sharing ur way with all of us...its appretiable :)...hope to see more illustrated lessons from u and all the experts on this forum...
Best,

[**lonely star**]

مشاءالله ركس درس فضيع

الرسمه طالعه روعه نطبقه انشاءالله

ومنتظرين درسك الثاني ;-)

[Rex]

شكرا للجميع على الردود ...
ان شاء الله نشوف ابداعات أحسن من عندكم ;-)


**lonely star**
أحسلج أنج ما تنتظرين من الحين :D

[Rewayah]

شو هالموضوع الخطير ريفليكس!! :D

ما شاء الله ما شاء الله... تفو تفو!! :D
درس سهل وبسيط ومهضوم... وأهم من كل شيء إنه دقيق وفيه تفاصيلا وايد متعمقة! @<

والرسمه عاد أحسدك عليها جداً!! :D
يا خطير إنت.
شخصية ليجونا تعجبني. ;)
وهالمنظور من الوجه البروفايلي خطير يا خطير! :D

ما شاء الله عليك تعرف تسوي دروس رسم معتبرة! مو شرواتي أنا! :"
تعلمت وايد من درسك... في أمور ما كانت على بالي, لكن بعضها شبيه باللي أسويه. :)

أبي أشوف درس ثاني! بليييييييييز ><

;-) ههههههههههه

[sion001]

هلا

أنا بدأت بطريقة التلوين وكل شيء .. لكن الحدود السوداء تفقد رونقها بعد الإنتهاء من الرسمة .. كيف يمكن أنني أرجعها أو أزيد من سوادها ؟؟؟

و عندي طلب صغير :D
و ممكن توضح أكثر كيف نستخدم الليرات في التلوين :D

و شكرا

[Rex]

أهلا بالأخ Rewayah
مسرور جدا لسماع رأيك بالدرس المتواضع :D
الدرس الثاني بعده بعيد :D

sion001
يسعدني أنك بدأت تجرب الطريقة :D

الحدود السوداء تقصد بها خطوط الرسمه ؟؟

بالتلوين لازم تخلي كل شيء بعيد عن لاير الرسمة الأصلية!!
ولايرات التلوين كما ذكرت تكون على هيئة Multiply
ذكرت انا هالشيء,,
المفروض تكون الخطوط عندك واضحة ...
تأكد أن كل لايرات التلوين على شكل multiply...

هذا اذا كان هذا قصدك عن خطوط. الرسمه...


على العموم بالتوفيق :)

[Miss_kimino]

REX !!

:# أنا عندي سؤال بس شوي خارج الموضوع ( اقصد بعيد عن الفوتو شوب)

شو هو أنسب برنامج لستخدام القلم الضوئي؟؟ و وين أحصله؟

[الزين كله]

الرسالة الأصلية كتبت بواسطة shaheen
روعة الرسمة ريفلكس:)
وخطواتك سهلة ونتائج حلوة

اخيرا عملت موضوع للتعليم وانا اكيد ان الاعضاء راح يستفيدون
واحسن شئ سويته ان الرسمة من افضل رسوماتك عشان تشجعهم على الدرس;-)

[sion001]

الرسالة الأصلية كتبت بواسطة REFLEX
sion001
يسعدني أنك بدأت تجرب الطريقة :D

الحدود السوداء تقصد بها خطوط الرسمه ؟؟

بالتلوين لازم تخلي كل شيء بعيد عن لاير الرسمة الأصلية!!
ولايرات التلوين كما ذكرت تكون على هيئة Multiply
ذكرت انا هالشيء,,
المفروض تكون الخطوط عندك واضحة ...
تأكد أن كل لايرات التلوين على شكل multiply...

هذا اذا كان هذا قصدك عن خطوط. الرسمه...




هلا أخوي

بس حبيت أوضح أنا من نون النسوة :D فتاة

أما عن اللايرات .. فهذي مصيبتي .. ما أعرف أستخدمها !!! جربت أحطها مالتي بلاي لكن ما عرفت كيف أستخدمها ..

و أنا لما أبدأ ألون أشان لا تخرج الحدود أستخدم كلور رينج (( هذه من طرقي للتلوين :D ))

ففي نهاية التلوين خطوط الرسمة تبدو باهته .. فهذه هي المشكلة

فممكن إذا تكرمت توضح إستخدام الليرات بشوية توضيح إذا مافي مانع:) مع العلم الفوتو شوب الإصدار الخامس هو الذي أستخدمه
وشكرا

[هـداف]

السلام عليكم ورحمة الله وبركاته

أهلا بالجميع بالجميع بالجميع:D
أخيرا خلصت امتحانات وافتكيت من عوار الراس....ماباغيت اخلص...اسبوع جنه سنه:غضب:

تفاجأت بالموضوع الرائع فنان ريكس...وانصدمت في نفس الوقت من الرسمه الرائعه والشرح المفصل....الحين وأخيرا بتعلم أسلوبك^_^

المشكله اني من زمان ودي أتعلم على الأشياء المعقده الي تسوونها من الايرات ونوعيتهم وجيه....انشاءالله من الحين ببدأ أتعلم هاي السوالف
:6

مشكور على الدرس ريكس....ننتظر الدرس القادم بسرعه:D ماسمعت اننا مانشبع:p

اوكي...انا شكلي الحين رايح موضوع العصابات

شكرا مره أخرى

والى اللقاء;-)

[Rex]

أهلا بالأعضاء ...

Miss_kimino
سؤالج غريب شوي ...
المفروض تدورين أحسن برنامج تلوين بعدين تدورين على القلم الضوئي المناسب ,, اللي ترتاحين باستعماله ,, الفوتوشوب برنامج رائع وقوي ومطلوب!!

لكن أنا أظن والله أعلم أن أقلام wacom الضوئية كثير فنانين محترفين يستخدمونها ,, وبرنامج الكورل باينتر مناسب لهالقلم ,, وكذلك هالبرنامج قوي جدا!!

===
sion001 ^^;
آسف اختي ما انتبهت ... :-)

على العموم أرفقت صورة , وأقرأي الشرح التالي ...

رقم 1 يشير لأيقونة اضافة لاير جديد...
ورقم 2 يشير للمكان اللي تنسدل منه القائمة ومن ثم تختارين multiply ...

===
welcome back sha3er ^^
حمدلله عالسلامة :D

شكلك هلكت من الدراسة هههههههه , وسعيد أن الدرس عجبك :-)
حاول تجربه ^^

وموفقين جميعا ...

[هـداف]

الله يسلمك ريكس^^

هممممممممم....عندي سؤال لو تسمح

هل رسمتك هذي رسمتها أول شي بالرصاص وبعدين سكنرتها وحبرتها ... وبأي برنامج حبرتها...بالفوتوشوب ولا الأوبن كانفاس

واذا كانت الرسمه مب بالرصاص وكل شي كان على الكمبيوتر والقلم الضوئي....فبأي برنامج رسمت هذي الرسمه الأخيره;)

الى اللقاء^^

[الخطاف]

أنا جداً جداً آسف يا ريفلكس على تأخيري في الرد.الموضوع مثل هذا يسوى أكثر من ذهب.
أخيراً باتعرف على أسلوبك في التلون المذهل.
وشغلك روعه بمعنى الكلمة يالله على الفن الحلو...ياريت لو تكمل ونجوف إبداعك أخوي.
وأنا أوعدك بأني باكون أكثر من يستفيد من دروسك.^^

[sion001]

الرسالة الأصلية كتبت بواسطة sha3er
الله يسلمك ريكس^^

هممممممممم....عندي سؤال لو تسمح

هل رسمتك هذي رسمتها أول شي بالرصاص وبعدين سكنرتها وحبرتها ... وبأي برنامج حبرتها...بالفوتوشوب ولا الأوبن كانفاس

واذا كانت الرسمه مب بالرصاص وكل شي كان على الكمبيوتر والقلم الضوئي....فبأي برنامج رسمت هذي الرسمه الأخيره;)

الى اللقاء^^

أي سؤال وجيه .. أنا أرسم الرسمة بيدي بعدين أسكنرها .. بعدين أشتغل عليها

و ثم أنا أستخدم الفأرة للتلوين !!! فهل من الواجب إستخدام القلم

و شكرا أخوي على التوضيح لليار .. أحاول أتعلمه إنشاء الله

[Rex]

أهلا بالأخ sha3er :)

الرسمه سويتها على برنامج الأوبن كانفاس على طول ((بدون رصاص يعني)) ,, لكن بالعادة أسوي سكتش بالقلم الضوئي قبل لا أوضح خطوط الرسمه ...
وليش استخدم الأوبن ؟ ...
لأن خطوطه تعجبني وسهله التغيير والاستعمال... :) ,, يعني انا شخصيا مرتاح فيه ...


وأهلا بالأخ الخطاف :D

شكرا أخوي ^^...
وأتمنى تستفيد وتطور اسلوبك بالتلوين ;)

ان شاء الله نشوف نتائج حلوه :D ; ...

[Rex]

أهلا sion001 :D

تقصدين ليش أستخدم القلم بالتلوين؟

اولا لأنه فيه خاصية الاحساس بالضغط ... يعني لما تضغط على القلم بقوة اثناء التلوين ,, بتلاحظ حجم الفرشاه كبر!! وشدة التلوين زادت!!

أما الماوس فيعطيك حجم واحد وشدة واحده بالتلوين!! ,,
اذا تبي تخفف لازم تصغر حجم الفرشاه بكل مره وأيضا شدّة التلوين ...
((المحترفين اللي يستخدمون الماوس يستخدمون الكيبورد لتصغير حجم الفرشاة أثناء التلوين!! لكن الأمر صعب جدا ويحتاج لكثرة الممارسة))

يعني القلم الضوئي رائع جدا بالتلوين ويسهل الأمر ويعطي نتائج أفضل برأيي ;)

[sion001]

الرسالة الأصلية كتبت بواسطة REFLEX
أهلا sion001 :D

تقصدين ليش أستخدم القلم بالتلوين؟

اولا لأنه فيه خاصية الاحساس بالضغط ... يعني لما تضغط على القلم بقوة اثناء التلوين ,, بتلاحظ حجم الفرشاه كبر!! وشدة التلوين زادت!!

أما الماوس فيعطيك حجم واحد وشدة واحده بالتلوين!! ,,
اذا تبي تخفف لازم تصغر حجم الفرشاه بكل مره وأيضا شدّة التلوين ...
((المحترفين اللي يستخدمون الماوس يستخدمون الكيبورد لتصغير حجم الفرشاة أثناء التلوين!! لكن الأمر صعب جدا ويحتاج لكثرة الممارسة))

يعني القلم الضوئي رائع جدا بالتلوين ويسهل الأمر ويعطي نتائج أفضل برأيي ;)

هو من ناحية تغيير وضع الفرشاة يبالها وقت .. بس أحسن من لاشيء و الحمدلله ..

إنشاء الله في إجازة الصيف بأجلس التعلم عليه هي والقلم ..
أما الآن حصريا فقط بالفأرة

تشكر على التوضيح على الوافي :)

[manga queen]

ريكس انا اسفة لاني ما شفت موضوعك بصراحة طريقتك بالتلوين ما تدل الا على شي واحد انك ذكي ما شاء الله عليك ودقيق ومرتب ^^

وان شاء الله عن قريب راح اجرب ارسم بنفس اسلوب ..

ملاحظة:

على فكرة استاذ ريكس شلون قدرت تكتب ff9بشكل مائل على السلاح؟؟

وشي ثاني مهما حاول اي شخص يقلدك بالتلوين فهو مستحيل يقدر تطلع جودة رسمته مثلك لان رسمك ميزته بدقته وخطوطه المرتبة والدقيقة ..ما شاء الله عليك ايدك ثابته بالرسم..^^

الله يعطيك العافية على هذا الدرس^^

باياتو+سلامي :)

[Rex]

sion001
العفو أختي ^^ ...



الرسالة الأصلية كتبت بواسطة manga queen

على فكرة استاذ ريكس شلون قدرت تكتب ff9بشكل مائل على السلاح؟؟

وشي ثاني مهما حاول اي شخص يقلدك بالتلوين فهو مستحيل يقدر تطلع جودة رسمته مثلك لان رسمك ميزته بدقته وخطوطه المرتبة والدقيقة ..ما شاء الله عليك ايدك ثابته بالرسم..^^



أهلا أخت مانجا كوين .. ^^

جواب سؤالج ,,
لما تضغطين بيمين الفأرة ((بعد ما تخلصين الكتابة)) يظهر اختيار Free Transform ...
تقدرين تتحكمين بشكل رائع بالكتابة أو أي شيء آخر!! :) ...

وما أظن أنه في شيء اسمه مستحيل أختي :D

واستمرو بصقل مهاراتكم :)

[sweet girl]

ريكس شرح مفصل ودقيق ومرتب ويفهم

حلو شرحك وخطوطك سييييييييييييييييييييييييييييييييييييييييييييييدة ماشالله



مثل ما قالت كوين :D



now good luck;-)

[Gatts]

والله يا أخوي ريفلكس درس أكثر من رائع :)

ما شــــــــاء الله عليك :)


أتمنى أشوف في درسك القادم طريقة تلوينك لهذه الصوره

إذا ما عليك كلافه :)

[Touya]

شعور متبادل أخ جتس... هاذي الرسمة هي الوتر الحساس...

هاذي لازم يعطينا الملف الأصلي بعد زيادة:6

[ورده الامارات]

مشكور اخوي ريفلكس ...
الدرس أكثر من رائع ...واكيد بنطبقه

تسلموووووووووووووو:)

[sakura wakky]

شلونك أخوي ريكس :0)


ما شالله عليك


شرحك مفيد و مرتب


شي حلو أنك تعلمنا طريقة تلوينك اللي لطالما حيرتني


و أتمنى أنك تعطي درس عن تلوينك للرسمة اللي جال عنها جاتس و تويا




سي يو ;-)

[manga queen]

مشكور اخ ريكس على الاجاب عن سؤالي ..وان شاء الله اصقل موهبتي مثل ما تفضلت ^^



باياتو+سلامي

[Rex]

آسف عالرد المتأخر ...
وأهلا بالأعضاء يسعدني سماع صوتكم ^^

التلوين بالرسمه اللي حطها جاتس معتمده كليا على القلم الضوئي ...
ولازم تكون ايدك متمكنه فيه شوي ... ((واستخدمت الأوبن و الفوتو فيها ))

ومتأكد,, أن أعضاء ثانيين يستخدمون السيل بشكل رائع أيضا ومنهم من هو أفضل مني بعد !! ;)

لكن بجرب اسوي درس بالصيف ان شاء الله ... ^_^

[kokaa]

مشكور أخوي ريفلكس على الدرس الرائع..

الرسمة حلوة والتلوين مخلنها أحلى

انشاء الله بطبق الدرس بعد ما أنزل البرنامج:o



تحياتي
kokaa":"

[Miss_kimino]

سلالالالالالالالالالالالالام ريفليكس :D

وين كل هالغيبة؟؟؟:(

أدري أدري عندك إمتحانات ?: حتى أنا عليه Projects و إمتحانات واااااايد:"


على العموم.. عندي سؤال عن طريقتك في التلوين .. صراحة انا جربت الطريقة:o و .. وااااااااااو طلعت النتائج راااااااااائعة:D ... بس عندي مشكلة ..

كيف امسح الزوائد من الألون ..الممحاه .. واااااااااااااااااايد اتعب.. و تاخذ وقت طويل ... مافي طريقة اسهل ؟؟ :-)

شكرا ريكس :0)

[Rex]

kokaa
العفو اختي ^^ ,, هذا واجبنا أصلا ;)
ولازم تنزلين البرنامج ;)

Miss_kimino
ماخذ اجازة عن المنتدى :6

وشيء طيب انج بدأتي تجربين :D

اذا ما قدرتيلها الممحاه ...
جربي أدوات التحديد ,,, مثل العصا السحرية ...

بهالشكل ...
=استخدمي العصا السحرية في الرسمه الاصلية الغير ملونه لتحديد المناطق اللي تبين الألون تنمحي منها ...
=وانتقلي بينما التحديد موجود,, للطبقة الألوان اللي تبين تزيلين الزائد منها ...
=واضغطي على زر Delete بالكيبورد ...

واذا ما عرفتي ,, بحاول أحط شرح بالصور لما أفضى... اصبري :D


يالله بالتوفيق ;)

[jojo_1412]

ما شاااااااااااء الله :واو: ...الرسمة و التلوين تحححححفة ...

أخيراً بقدر أجرب طريقة يديدة في التلوين(اللي يقول وايد تلونين:o )

احححححم....قصدي بحاول أجرب الطريقة أول ماتبدا الاجازة ان شااااااء الله

لأنها الصراحة طريقة روعة و نتايجها أروع....

و مشكور ريفليكس عالشرح المفصل و الدقيق...:)

و بالتوفيق للجميع...

[Shadow Cat]

^-^salam....
ماشالله اخوي RefleX...!!!
الصراحه الدرس روووووعه من الخاطر:0) ...

انا دخلت جاليريك...انذهلت الصراحه:! ..ماشالله ماشالله عليك...:D (اللهم لاحسد:o ):D "
..رسوماتك مسكتــــــه!!!!:0)
بس ما تقوعت انك تعطينا دروس خاصة بطريقتك و ستايلك:أفكر: ...
الخطوات متسلسلة و واضحه...خاصه بوجود الصور!:)
الرسمه طلعت تحفه في النهاية..":"

:واو: i mean i never thought it would be that easy..
Anyway....a job well done:D
your doing totaly grEaT....
THanxX For this amazing & Stunning lessons
...

>^-^< c ya 'round

[Rukawa]

مشكوووووووووووووووووووووووووووووووووووووووووووور :"
والله ما قصرتتتتتتتتتتتتتتتتتتتتتتتتتتتتتتتتتتتتتتتتتت

[هـداف]

اهلا^_^

عندي سؤال محيرني:)

مادري اذا في احد سئله او لا... اذا في احد سئله قولي افتر على الموضوع;)

المهم

اول شي...لما انت جيت تبي تظلل الوجه....شكله كان فاتح اشوي....لكن بالصور الي بعدها كان شكل الظل قامج كلش!! لكن بعدين الصورة النهاية كان فيها التظليل فاتح؟!

ممكن تشرحلي.وانشاءالله تكون فهمتني:)
______

في سؤال ثاني...توني متذكره وهو بسيط جدا

انت لما تعبئ الرسمه بالألوان... تعبي المكان المعين وبعدين تمسح الزوائد...ليش مااستخدمت اهنيه ادوات التحديد...يعني مثلا انت الحين في الاير الأساسي،تاخذ الأداة السحريه وتحطها في المكان المعين بعدين تسوي لاير جديد وتعبي المكان المحدد..وهكذا!؟!
ممكن تشرح لي السبب;)

زشكرا مقدما ريكس;-)

[Rex]

أهلا بالجميع !!


بخصوص سؤالك أخ شاعر :)

أول شيء بخصوص الصورة الغامقة,, أعتقد أن هاي الصورة كان حجمها كبير ((نسيت أصغره)) فقمت وصغرت الصورة على برنامج ACDSee عالطاير , ما أتذكر كم حطيت الجودة .. بس أعتقد أنه أثر على الصورة ...

أما عن سؤالك الثاني ...

نعم أنا ألون المنطقة اللي أريدها وأزيل الزوائد ,
أما عن استخدام أدوات التحديد , فقلت أنكم تقدرون تستعملوها ((مش ممنوع :D ))

لكن أنا عادة أستخدم أدوات التحديد للازالة أكثر شيء ...
على فكرة أنا اسوي مرات الطريقة اللي قلتها ... :)

لكن في أغلب رسوماتي تكون في حواف وأماكن دقيقة يمكن ما يوصلها التحديد ساعات ...

يعني بالنهاية يعتمد على أسلوب الرسمه وسهولة استخدام أدوات التحديد عليها !!

أتمنى أنه جوابي كان واضح :D

وموفقين

[مستعجله بالمره]

وااااااااااااااااااااااااااااااااااو

.........قممممممممممممممممممممه في الروعه....:D :D وش الابداع هذا...:واو:

ودرس مفييييييييييييييد جدااااااااا جداااااااااااا صراحه اكتشفت اشيا ماقد عرفتها ابدا....

ماشاء الله عليك اخوي فنااااااااااااان مببببببببببببدع بمعنى الكلمه...

عاد انا على طول رحت اطبق ...:6 :6

وطلعت النتيجه....:6 مدري ..... خرابيط شوي وترا اول محاول ...لي با الطريقه الرفلكسيه هاذي :D :D ..

يالله طبعا الرسما مب رسمتي ..بس اعجبتني وكنت من زمان ناويه الونها ...بس ما كنت عارفه شلون..والحين ... ما اقول الا الله يوفك ان شاء على ها الدرس الروعه..:D

شوف المحاوله الفاشله :6 ..

[Rex]

أهلا أخت تغريد ^^

محاولتج الأولى لا بأس بها أبدا ^^

طريقة توزيع الاضاءة بملامح الوجه عجبتني جدا ;)

ومع المزيد من التمرين بتصيرين أفضل ^^

ومسرور جدا لمحاولتج :-)

[مستعجله بالمره]

شكراااا استاذ ريفليكس ....على التعليق ... وانا معجبه وااااااايد برسومك ..واعتبرك
... احسن الفنانين (العرب) الي شفتهم بحياتي :D :D :D

ثانكس اقين على الدرس ....... من اليوم ورايح بطبقه بكل رسمه اسويها..:D :D

سلام

تغريد;)

[sakura_is_cute]

thanks اخوي ريفليكس عالدرس استفدت منه مرررة ........!#!!!#!


والدرس مرة حلو :! :! :! طريقتك بالتلوين مرة حلوة .................^_^









سلام

[manga queen]

سلام ريكس^^
يعطيك العافية على الشرع الحلو والمفيد ..

بس بغيت اطلب منك طلب ممكن اذا ما فيها كلافة؟؟

اذا قدرت تسوي درس يديد..انا ودي انك تسوي درس عن تلوين بالاوبن كانفس ..انا لي الحين ما نزلت البرنامج ...انطر ابوي يشتريه لي اياه ..:"

كل ما اقوله ابي اوبن كانفس يقولي باستعباط :شنو كرفس؟؟:6
وانا اترجاه وماكو فايدة كله ماله خلق امممممممممممممم

المهم
اتمنى ان الطلب ما يكون عليك ثقيل..


باياتو+سلامي

[Rex]

أهلا بالأعضاء , مسرور لأن الدرس عجبكم وأهم شيء تستفيدون ;)

manga queen
بخصوص الأوبن كانفاس , المشكلة أنه الاصدار الأول منه الوحيد شغال عندي الحين بس !! أما الثانيين ما عرفتلهم زين وانتهت مدّة الديمو مالهم للاسف ...
لكن برجع أنزلهم واحاول معاهم مره ثانية ...

على العموم ..
طريقة التلوين بالكانفاس لا تفرق أبدا عن طريقتي بالفوتو عدا شيء واحد ...(( هو أنه بكل تدرج لون أسويله لاير بروحه :) , وبعدين أدمجهم وأمسح الزوائد ... ))

بس هذا الفرق ...


بالتوفيق

[manga queen]

مشكووووووووووووووووووووووووووووووووور اخ ريكس..

يعطيك العافية وما قصرت ...^^..واسفة على الازعاج

وان شاء الله نستفيد منك اكثر يا فنانا ^^;-)



باياتو+سلامي

[sakura_is_cute]

ممكن سؤال من وين اقدر اشتري القلم الضوئي بالرياض ؟؟؟

و ايش اسمه بالانجليزي ؟؟

[Rex]

sakura

للأسف ما أعرف وين تنباع هالأقلام بالرياض ... ^^;
((اللي يعرف ياليت يساعدها!! :) ))

أما اسم هالأداة بالانجليزي أعتقد Pen Tablet


good luck ^^

[الرايق 2000]

الأفلام تنباع في الرياض

في

حراج الكمبيوتر لكن اممم لانك بنت

اتوقع انك تروحي كمبيو مي في التحليه احسن


+ اللي عندهم اتوقع جودته احسن كثير




رفلكس حبيبي ابدعت في الدرس جميل جدا


و لاحظت شئ

كل ما تستعمل لايرز اكثر

تطلع الجوده اجمل و التظليل افضل و اقوى

[sakura_is_cute]

مشكورين عالردود واشاء الله اشتريه قريب :0)

[dark nees]

:" :" :" :" :" :" :" لاه اقول علينا السلام:( معليش الله كريم:6 ههههه بس بصراحه:واو: :واو: :واو: شهالتلوين هذا ابداااااع وبقمة الروعه عاد ولا البنت تظليل ممتااااااز ما اقول الا تسلم الايد اللي سوتها:" :" بس قولو الصراحه شلون تلونون هالتلوين ( قصدي شلون لونتوها بأي برنامج);-) انشاء الله اعرف لهالتلوين الفن:": ما اقول الا:غضب: علمووووووووووني عليه:" :" انزين احم احم بس بغيت اسالكم فيه احد منكم يعرف لبرنامج فلاش او برنامج الفوتو شوب وبغيت اعرف شلون يحطووون صوره باخر المشاركه يعني طبعا بحطها من تصميمي مسامحه طولت عليكم يللا باي ونشوفكم على خير والله يعطيكم العافيه على هالرسومات الفله

[هـداف]

اهلا ريكس^^

انا استعمل طريقتك حاليا...استفدت منها وايد.أشكرك عن جد^^
بس عندي سؤال بسيط

لما ألوّن الرسمه وأخلصها بالكامل...لازم اصغرها،اوكي،لما اصغرها تطلع فراغات بيضاء في بعض المناطق من الرسمه...فراغات مب كبيرة،لكن واضحه...
اذا المشكله هذي تصادفك في الرسمه..وعندك حل لها...اشكرك مقدما لو افدتني فيها :)

مع السلامه

[Rex]

اهلا بالأعضاء ,

dark nees شكلك يديد عالمنتدى , أهلا بك ^^
الدرس كان عبرنامج الفوتوشوب الاصدار السابع , واذا تريد ترفق صورة بتلقى عند لما تكتب الرد تحت , مكان حق الملف المرفق ...
تضغط Browse وتدور على الصورة بس , وارسل الرد :)


أهلا أخ هـداف ^^...

ما فمهت سؤالك للأسف ...
فراغات بيضاء تطلعلك بعد ما تصغر ؟

الأغرب أنها تظهرلك لما تصغر الصورة , ((مع أنه لو كانت في فراغات لما الصورة تكون كبيرة وصغرتها , بالعادة تتلاشى أو تختفي أو ما تنبان ... ))
ما مر علي هالشيء للأسف...

اممم ...لو حطيت الرسمه اللي سويتها مع صورة للايرات بيكون زين ...
على العموم حاول تخلي التصغير آخر خطوة تسويها بعد ما يكون كل شيء مخلصنه بالرسمه وتأكد أنه ماشي فراغات من قبل... للضمان :-)


and good luck

[هـداف]

شكرا ريكس على الاستجابة^^

بالنسبه للرسمه مع الايرات كان ودي أحطها بس للأسف >< انا من النوع الي يمسح الرسمه بصيغة الفوتو بعدين يومين من رسمها على الأقل^^،ولكني أعتقد بأني حليت المشكله والحمدلله;)
طبعا المشكله ماتطلع مع كل الرسمات لكن بعضهم،اذا كانت الرسمه كبيرة الحجم وبعدين صغرتها لحجم صغير مره وحده تطلع الفراغات البيضا،لكن اذا قعدت أصغرها كل مره برقم...لين ماتصغر للحجم المطلوب ماتطلع فراغات^^
أشكرك مره ثانيه...سلام;-)

[الاميرة زيلدا]

مشكووووووررررر

على الدرس
فادني كثير
:D :D :D :D

هـداف

احيانا تطلع لي فراغات بيضا لما اصغرها مع الايرات
جرب استخدم flatten image قبل ما تصغرها . يمكن ينفع

[BOiND]

واو:واو: ما شاء الله عليك;-)
هذي اول مشاركة لي في هذا المنتدى الذي اكثر من رائع
لكن عندي سؤال ، اذا ما كان عليك كالف

انت علمتنا كيف نرسم بصورة غير ملونة ، لكن اذا ملونة ينفع?:

ومشكور على الموضوع الرائع ;-)

[الاميرة زيلدا]

REFLEX

جربت طبقت طريقتك في التلوين

صحيح ما طبقتا بالضبط لاكن حاولت

ان شا الله تعجبك

[Rex]

boind2003
أهلا أخوي ...
انت قلت ملونه يعني أنك تحاول تغير ألوان الرسمه على ما أعتقد...
تقدر تستخدم أدوات التحديد لتحديد الأماكن المراد تغيير الألون فيها , بعدين في بالفوتوشوب أدوات تضبط فيها الألوان ...
تختار من القائمة image وبعدين adjustment ... وجرب ;)



الاميرة زيلدا
أهلا أختي , رسمه حلوه !! ومحاولتج بالتلوين جيده جدا ^^
خاصة عند الأكمام وبمناطق أخرى !!
وكل ما دققتي أكثر بتفاصيل الظلال والاضاءة كل ما كانت النتائج أفضل !!

ملاحظ أن العصا اللي ماسكتنه يبين مسطح شكلة...
لو حطيتي ظل عريض على طول العصا , ببين أكثر أنها مستديرة ^^

واستمري بالرسم والتلوين :-)

[ME-MISTY]

موضوع جميل جدا جدا جدا جدا جدا ..

واتمنى اني اشوف دروس كثيرة منك ..

الطريقة سهلة ومبسطة ..

وانا طبقتها .. بس مااحس اني طبقتها عدل لان الصورة الي استخدمتها ماتعبر كثير ومافي اماكن كثيرة تصلح اظلل فيها ..

وشي ثاني اني استخدمت الماوس .. قريباً راح اشتري قلم ضوئي ..

وهذا تطبيقي .. اتمنى تشوف اخطائي :)

[Rex]

أهلا ME-MISTY
, مشكور على رأيج بالدرس ^^

أما عن الرسمة فهي جميلة!!

التلوين جيد جدا !! خاصة أنج اهتممتي أيضا بظل الشعر الساقط على الوجه ^^
بس لو شديتي على التظليل أكثر بيكون أفضل , لأنه باهت نوعا ما ...

وتابعي , وننتظر ابداعاتج بالتابليت :-)

[ME-MISTY]

العفو :)

اممممم الصراحة هذا اغمق درجة قدرت اسويها باللون الي استعملته ..

ماادري .. قصدك نغير درجة اللون .. ونختار اغمق منها ..

الصراحة انت ماوضحت هذا بالدرس :p



طيب .. راح اسوي هالشدة في رسوماتي الجديدة :)

thank you reflex ..

[sion001]

السلام عليكم

كيف الحال :D ؟؟

باركوا لي :D شريت القلم الضوئي أخيرا .. و بدأت ألون بالفوتو شوب ..

هذا اليوم الأول لي لكن لقيت بعض العقبات :

لما أسوي لاير لكل طبقة بعد ما أحولها مالتيبلاي تصير الرسمة غامقة و تكثر الشخبطة عليها عند إضافة كل طبقة جديد !!!

و الأمر الثاني لا أعرف كيف ألمع الصورة أي أعطيها براق و لمعة ، تكون ألوانها غامقة وباهتة !! ما عرفت أستخدم اللير Overlay !!

عموما الليرات مني قادرة أضبطها !!!


بس أخ ريفلكس شوف رسمة أحد تلاميذك :6 و أحكم عليها و ممكن تقلي الأشياء التي تضبطها ;)


هي الشخصية أنا مخترعتها , و لونتها بالفوتوشوب :


http://emprorgirl.jeeran.com/images/red-002-sm-1.jpg

و شكرا

[Rex]

ME-MISTY

كانت ملاحظة بسيطه أنه اللون لو يكون أغمق افضل برأيي ^^ , لكن الأهم من ذلك أجدتيه ;-) , وهو وين التظليل لازم يكون بالرسمه !! يعني انتي ok ":"


sion001

أهلا أختي ^^
ومبروك عليج القلم !!

((لما أسوي لاير لكل طبقة بعد ما أحولها مالتيبلاي تصير الرسمة غامقة و تكثر الشخبطة عليها عند إضافة كل طبقة جديد !!!)))

أنصحج بالبداية أنج تخلين الاير مالتيبلاي بالأول!
وبعدين لوني أو ارسمي عليها...
أما الشخبطة تطلع لأن الرسمة نفسها فيها شخبطة , أكرر لازم تكون الرسمه نظيفة بالأول... لأن الملتبلاي يظهر الخطوط !!
علشان تكون خطوط الرسمه الأساسية أوضح أكثر !!
((ملاحظ أنج رسمتيها بالرصاص... في طرق عشان تخففين الشخابيط وآثار الممحاه ))

((الأمر الثاني لا أعرف كيف ألمع الصورة أي أعطيها براق و لمعة ، تكون ألوانها غامقة وباهتة !! ما عرفت أستخدم اللير Overlay !! ))

امم تأكدي من شدة الفرش , تكون على أقصى شيء ...
وأضيف أنج لا تستخدميها كأداة اساسية بالضوء ...
يعني وانتي تلونين بعد سويي اضاءة عالخفيف من قبل ... عشان تكون النتائج أفضل ^^

أما تلوين الرسمة جميل جدا وبداية موفقة فعلا !!
يعني عندج فكرة عن الظل ووين يقع ;) , وتدرجات الألوان جيدة!

أما عن الرسمه نفيها وخطوطها ... نصف القناع الطالع على الشعر المفروض ما يبنان ...
العيون المفروض تنظر لجهه وحده , الا اذا كانت تشوف بهالطريقة ^^

((المفروض أعلق عالتلوين بس , بس يالله :D ))

ملاحظة ,,,, دشي بالفوتوشوب على القائمة المنسدلة اللي اسمها
image
بعدين adjustment ...

اذا تبين تخففين من الأوساخ وتوضحين الرسمه ... ((على لاير الخطوط))
جربي اختيار brightness and contrast
كمان اذا تبيين تشدين من الألوان جربيه على لاير اللون اللي تبيه ...
((ويفضل بعد ما تنتهين من الرسمه ))

وبالتوفيق :)

[sion001]

السلام عليكم

أشكرك للغاية على الشرح المفصل ، نأسف لإننا تعبناك معنا .

((ومبروك عليج القلم !!))
الله يبارك فيك .
((أنصحج بالبداية أنج تخلين الاير مالتيبلاي بالأول!))
يعني أن تستخدم طبقة واحدة !! أنا أستخدم لكل قطعة من الرسم لاير جديد @@ .. مثل لاير منفصل للشعر ولاير منفصل للعين وهكذا .

(( (ملاحظ أنج رسمتيها بالرصاص... في طرق عشان تخففين الشخابيط وآثار الممحاه ))
أنا كل رسوماتي بقلم الرصاص .. يبغالي لما أرسم اخفف شخبطة .. يا حبني في الشخبطة :D أصلا ما أرتاح إلى أن أعيد على الخط الواحد كم مرة !! .

((يعني عندج فكرة عن الظل ووين يقع , وتدرجات الألوان جيدة!))
طبعا هذا الشيء لازم أعرفه مضبوط ، لأنه كان عندي معلمة -الله يسعدها- علمتنا على موقع الظل والتدريج ، و طبعا هذا أهم في شيء في الرسمة أشان تظهر ، و حتى أنواع المراسم و تدرجاتها علمتنا هي ، بالورق عندي تظهر مضبوطة و سهل التظليل و التدرج ، أما بالكمبيوتر الله يعين :D .
((نصف القناع الطالع على الشعر المفروض ما يبنان))
هذه الحركة دائما يطلعونها في رسومات الأنمي خاصة الحواجب و نصف العين :D
((العيون المفروض تنظر لجهه وحده , الا اذا كانت تشوف بهالطريقة ^^))
:D يعني طلعت حولة في الأخير :D ما أنا قلت عيونها الثانية شيطانية فلازم تكون مختلفة عن الثانية :D

((المفروض أعلق عالتلوين بس , بس يالله ))
لا عادي أخوي ،طلع العيوب ، أصلا كيف نتعلم إذا ما أكتشفنا أغلاطنا :)

و أشكرك على الملاحظة الأخيرة و إنشاء الله بأجربها إلحين ..

الله يوفقك و يوفق الجميع
وشكرا مرة أخرى
سلام .

[Rex]

لا مثل ما قلتي!! كل لون بلاير بروحة ^^ !!
كان قصدي بالضبط,, انج قبل لا تلونين أنج تخلين الاير ملتبلاي وبعدين تلونين!!
يمكن ما فهمت على سؤالج ... اللي هو
((لما أسوي لاير لكل طبقة بعد ما أحولها مالتيبلاي تصير الرسمة غامقة ))

اذا كان الاير يديد ومافيه ألوان وللتو مخليته ملتبلاي , غريب جدا اذا خلى الرسمه غامقه ?: ! لأنه مستحيل يكون فاضي ويخلي الرسمه غامقة ...
الا اذا كان فيها لون ...


وتابعي بالرسم والتلوين وتجريب الأدوات ;)

[sion001]

كان قصدي بالضبط,, انج قبل لا تلونين أنج تخلين الاير ملتبلاي وبعدين تلونين!!
يمكن ما فهمت على سؤالج ... اللي هو
((لما أسوي لاير لكل طبقة بعد ما أحولها مالتيبلاي تصير الرسمة غامقة ))

اذا كان الاير يديد ومافيه ألوان وللتو مخليته ملتبلاي , غريب جدا اذا خلى الرسمه غامقه ?: ! لأنه مستحيل يكون فاضي ويخلي الرسمه غامقة ...
الا اذا كان فيها لون ...


وتابعي بالرسم والتلوين وتجريب الأدوات ;) [/B][/QUOTE]

السلام عليكم ..

أعتقد أن الرسمة تصير غامقة لأنها بالإسكانر و بالقلم الرصاص !! لأني لما جربت على رسمة بالمبيوتر ظلت نظيفة كما هي ، أما الصورة إلتي بالإسكانر كلما زودت طبقة زادت غماقة !!!

و إنشاء الله سأتابع التعلم :D


-------

أخوي ريفلكس أرجو أن تسمح لي بإضافة شيء جديد للموضوعك يمكن يفيد كثيرا بالفوتوشوب ..

هذا فيلتر White filter يساعد على تبيض الصورة للذين يستخدمون الإسكانر في الصور لكي يقوموا بعملية التلوين ، هو جدا مفيد نزلته من موقع ياباني و بداخله شرح مبسط بالغة الإنجليزية و اليابانية ..

لم أستخدمه بعد ، لكن الأخ الياباني يقول أنه جدا مفيد :D

أرجو أن لا تتعتبره تدخل مني ;) و ما وضعته إلا للفائدة في هذا الموضوع المميز ..

[Rex]

شكرا أخت sion001 على هالملف ;)

بالعكس اي فيلتر مفيد تلقينه وخاصة أنه من ضمن عناصر هالموضوع ...
حطيه على طول :D

راح أجربه قريبا :-)

[BOiND]

رهيييييييييييييب:D
ومشكور وما قصرت ;-)
الحين انا بادي بطريقتك ;-)

ومشكور ما قصرت ;-)

عندي سؤال صغير لو تكرمت :أفكر:
انا عندي صورة ، وابغي اخذ جزء منها :أفكر: شلون اقدر اخذ جزء منها بدون ما تتلف الصورة؟:أفكر:

يعني مثل الصورة المرفقة تحت :أفكر: هم ماخذين اجزاء من صور

[Mr.3D]

صراحه ....

عمل فعلا رهيب اخوي. يكفي انه من صنع عيناوي ":"

[sion001]

الرسالة الأصلية كتبت بواسطة REFLEX
شكرا أخت sion001 على هالملف ;)

بالعكس اي فيلتر مفيد تلقينه وخاصة أنه من ضمن عناصر هالموضوع ...
حطيه على طول :D

راح أجربه قريبا :-)

العفو أخوي ..

و إنشاء الله إذا لقيت فلاتر غير أحطها :D (( هذا لقيته بالصدفة وسط الخربشة اليابانية :" ))

سلام ;-)

[Rex]

boind2003

ملاحظ أنك مبتدىء أيضا بالفوتوشوب :)
أسئلتك اللي تختص بالصور وتعديلها وازالة أجزاء منها , أعتقد قسم منتدى الفوتوشوب هو المكان الأفضل لها ((اسئلتك خارجه عن الموضوع ^^;))

على العموم اذا تريد تاخذ جزء من الصورة , في أدوات تحديد بالفوتوشوب ((لاحظ الصورة المرفقة تحت))

تقدر تستخدمها عشان تحدد الجزء اللي تريد تنسخة من الرسمه ...
اذا تبي تنسخ ماراح يتغير من الرسمه الاصلية شيء...
بس اذا كان قصدك أنك تزيل شيء من الرسمه , وفي نفس الوقت ما يبين أنه انزال شيء ...تراها هاي يبيله خبره وممارسه ... وصعب شرحها :)

فخلينا على النسخ ...
... بعد ما تحدد اللي تبيه , اختار من القائمة فوق Edit وبعدين اختار copy ...
وافتح ملف حق رسمه يديده file بعدين new ...
وسوي paste , اختار edit وبعدين paste ...

هذا باختصار ... ان شاء الله تكون استفدت ... :)



Mr.3D
أهلا باخوي من دار الزين :D
ان شاء الله تستفيد من هالدرس...

sion001
سأكون شاكرا ^^

[BOiND]

مشكوووووووووووووووور وما قصرت ;-)


هذا باختصار ... ان شاء الله تكون استفدت ... :)

افدتني والله;-) ومشكوووووووووور:)

[VASH Prince of]

السلام عليكم


مشكور اخ REX على هذا الطريقه المميزه في التلوين واٍِن كانت هذي الطريقه تدل فهيه تدل على صاحبها المميز يعطك العفيه


ولاتحرمنى منك ومن دروسك ":"

[wildkitty]

:" :" :" :" :"


thaaaaaaaaaanx هذه الموضوع مو بس مهم قمممممممة


بسير نفس رفلكس الحين
:cool:


مالي خلق الون الحين بس اشوه الموضع مو جود بخزنه عشان ليمن يسير لي خلق يكون عندي الطرقه
":"

[john5]

أهلا أخ ريكس بصراحه موضوع جدا جدا رائع تسلم يدك على الموضوع و أنا من زمان ودي أهنئك على الموضوع بس ماعندي وقت المهم مشكوووووووور حيل على الطريقه السهله جدا في التلوين أخي ^^ .
بس عندي سؤال مادري أحد الاخوان سئلك بس أنا للونت بمولتي كلرر عادي أوكي ؟
بس لاضغت على الفاره مره أخره في نفس المكان الملون المفروض يبيضه صح ؟
عندي لم يفعل هذا مادري ليه ؟
أنا برفق صوره ممكن تعرف قصدي و أنت قلي الحل مع شكري مقدما ^^ .

[Rex]

boind , its my duty :D
أهلا فاش برينس ووايلد كيتي ^^ , ان شاء الله استفدتو من هالدرس ^^

أهلا بالأخ جون :) !!
آسف عالتأخير أخوي ... الظاهر أني اهملت الموضوع لفترة ,و توني اشوف ردك بصراحة !!
لأن الموضوع كان يظهرلي عالصفحة العامة للرسم الحر , لكنه اختفى داخل القسم التعليمي ^^;...

على العموم مسرور لأن الدرس عجبك , ومبين عليك بديت تجرب ...
اما بخصوص سؤالك فأتمنى لو توضحلي أكثر شو المشكلة ...
لأني ما فهمته زين ...^^;

بالتوفيق...

[john5]

أهلا ريفلاكس ^.^
لا عادي أهم شي رديد ^__^
المهم أنا برفق لك الي أقصده من فتوشوب الي في كمبيوتر صديقي ^__^ مثل الي بتشوفه في المصوره المرفقه (( على فكره خذت الي أمامي و طلعت رسمتك ^.^ )) لاحط كيف لاونتها أول مره بنفس الضغطه القرش أو كي ؟
الحين ضغطته ثانيه تعتبر (( تركت يدي من الفاره و ضغطتها مره ثانيه )) مفروض يبيض أشوي من اللون الي نفسه في نفس اللير كمبيوتري لم يفعل هذا - -
ليه :( ؟ هذا سؤالي ;-) .

[Rex]

امممم انت تقول المفروض يبيض؟

تراه اذا لونت بلون معين على هاللاير المبين , ورجعت ولونت بنفس اللون بضغطه ثانية عالماوس (قاعد تكمل التلوين يعني ) , تراه اللون راح يظل هو , ما راح يبيض شيء ... اما اذا عطاك اشياء غريبه ثانية , أعتقد أنه مخرف الفوتوشوب عندك ...
اذا كان هذا اللي قصدته بسؤالك... والله أعلم ...

انشاء الله اكون ساعدتك...

[john5]

أهلا ركس :D .
بصراحه غريبه ؟_؟
مادري و من ناحيت مخرف الفتوشوب . . .
زين أنه مخرف ودي بس يرجع كما كان مادري بسوي للسستم باك أب ممكن ينفع المهم ترى أنا مستفيد حيل من هل حركه (( أبيه يرجع -__- )) يعني يخليك تبيض بنفس اللون مايحتاج تعب راسك و تفكر أي درجه و أي مادري شنهو يعني مريحك أوتوماتك بالعربي ^.^
المهم مشكور ريكس على المساعده ^__^ و أسف على الازعاج :#
و مشكور من جديد ^__^

[الشبح صحراء]

بسم الله الرحمن الرحيم
أشكرك من كل قلبي والله ننتظر
مشاركاتك رائعة بفارق صبر
وشكرااااااااااااااااااااااااااااااااااااا
بااااااااااااااااااااااااااااااااااااااي

[حسين-911]

روووعة .. :)
ماشاء الله عليك ..
متمكن من الفوتوشوب ..
اكثر من فنانين الفوفو نفسهم :)

[falconeyes]

بالله عليك يا رفليكس انك تكتبلي الموقع اللي جايب منو الموضوع .......
ومشكوور

[shaheen]

أخ فالكون آيز.... هذا الموضوع من تصميم واعداد الأخ ريفلكس (ريكس).... وهو من أعضاء المنتدى الرسامين وله أعمال كثيرة وخبرة قوية في مجال الرسم والتلوين... لذا فالموضوع ليس منقول بل هو أصلي من صنع ريكس:) هذا للتوضيح فقط

أما بالنسبة لسؤال جون5 ... فبعد الاستئذان من صاحب الموضوع احب ان انبه علىشئ:

ماحدث في رسمة جون هو بسبب عامل من اثنان: العامل الاول هو الفرشاة فالفرشاة لها اختيار للنوع.. فيه المالتيبلاي وأيضا النورمال وأيضا السكرين... وانا اظن انه اختار للفرشاة اختيار سكرين.
العامل الثاني هو نوع اللاير وهو ماتحدثتم عنه في الموضوع.
فالعاملان لهما اختيارات :
normal
multiply
screen
dissolve
الخ:)

واشكر اخي ريكس... على هذا الموضوع الرائع وارجو ان تدوم مواضيعه الرائعة:)

[لاعبة الخيال]

الصراحة موضوعك عجيييييييييييييييب وااااااايد وخصوصا التلوين روعة روعة روعة ... ياليت تعرضين المزيد من رسماتك على الفوتو شوب ... أوكي





wow...COOOOOOOOL

[الملاك الأبيض]

أشكر ريفلكس شكر كبير

جزاك الله خير أخوي

أنا استفدت صراحة

والنتيجة مثل ما اتجوفون بالصورة


أنا لونتها بطريقة ريفلكس

أكرر شكري

[SolidSnake85]

هلا أخوي رفلكس :itsme:

أنا قريت الموضوع وفهمت شويه منه ومن استفسارات باقي الأعضاء:o
بس انشاالله ربيعي بييبلي البرنامج(الفوتوشوب)وبرد بقراه
وأدري ان الموضوع بيفيدني وايد،بس بحس بقيمته يوم بطبق كل اللي ذكرته:33:
مشكوووووووووووووووور ريكس وماقصرت:ciao:

[SolidSnake85]

هلا أخوي رفلكس :itsme:

أنا قريت الموضوع وفهمت شويه منه ومن استفسارات باقي الأعضاء:o
بس انشاالله ربيعي بييبلي البرنامج(الفوتوشوب)وبرد بقراه
وأدري ان الموضوع بيفيدني وايد،بس بحس بقيمته يوم بطبق كل اللي ذكرته:33:
مشكوووووووووووووووور ريكس وماقصرت:ciao:
(كثر من هاي المشاركات القيمة و المفيدة):biggthump

أختي الملاك الأبيض
عيبني التلوين وايد :biggthump (انشاالله بقدر ألون جي):09:

[Leon S. Kennedy]

تسلم على الموضوع الحلو ...
و يعطيك العافيه ...

تحياتي

[Renoa Heartilly]

أهيء أهيء (تنتحر)

[sion001]

السلام عليكم

أهلا بأخوي ريكس ، لقد عدت بعد إنقطاع طويل عن الموضوع :) ، حبيت أن أسئل سؤال فأرجو الإجابة عليه

اللمسة الضبابية التي توضع على الصورة ، مثل أنه في مواضع معينة مثل اللون الأبيض ينتشر حوله مثل الضوء فيبدو كأنه ضبابي ، فيا ليت لو توضح لي كيفية عملها .

سؤال أخير ، ما هي فائدة Laye mask التي في الفوتو شوب

و شكرا :)

[Rex]

أهلا بالأعضاء ^^
شكرا عالردود!

امم أخت شيون...
قصدج يكون تأثير مثل الضوء أطرافه ناعمة؟
في عدّة طرق ... يا ترسمينهم رسم بفرشاه ناعمة الأاطراف ..

أو تستخدمين تأثيرات الفوتوشوب للايرات من:
right click on layer > blending option

أو الفلاتر...
مثل تأثير الblur !


لايرات الماسك اللي اعرفه انها تطلع جزء من صور ... يعني..
مثلا رسمتي دائرة بيضاء...
عندج رسمه تريدينها تطلع بداخل هالدائرة بدون ما تزيد عنها! (طبعا تقدرين بالتحديد والقص الخ...)
لكن الماسك يسويها بطريقته الخاصة , لا تسئليني عن الطريقة لأني ما اعرف :09:
بس اللي في قسم الفوتوشب يعرفولها أكيد!

ا نشاء الله أكون وفّقت بالاجابة..
موفقين

[Renoa Heartilly]

عندي لك سؤال, ريفلكس سينسي... ليش ما ترفع صور في حسابك اللي في ديفيانت آرت؟؟ ترانا ناطرين :)

[sion001]

مشكور أخوي ريكس على التوضيح ، بأحاول أني أقعد أنغبر في الفوتوشوب شوي اليوم :D


ليش ما ترفع صور في حسابك اللي في ديفيانت آرت؟؟ ترانا ناطرين

راح يطلع فنان مبدع :biggthump بالإنتظار :)

[Renoa Heartilly]

و سؤال ثاني لو سمحت... كيف تخلي الخط ثقيل؟؟ أنا لما أرسم بالقلم يطلع معا خفيف لين أضغط بقوه.. لكن أنت معاك يتم بنفس السماكه (خصوصاً في الخطوط الخارجيه)
سألت كم عضو بس ما لقيت الرد الشافي ... :(

[Rex]

أهلا رينوا , ان شاء الله بحاول نرفع الديفانت , وايد تأخرت الصراحة ... :blackeye:
امم بخصوص سؤالج ,
شوي تلخبطت , كأنج تدخلين على عرض الخطوط مع شدة اللون؟ مشكلة بالتحكم يعني؟
ياريت لو توضحين أكثر شو بالضبط يستوي عندج...

sion001
u r welcome!


rex gone to sleep :sleeping1

[Renoa Heartilly]

أمم, ما أدري بالضبط, اللي يحصل معاي أني أختار مثلاُ الفرشاه رقم 3, و أبدأ أرسم. لما أكون مختاره اللون الأسود تماماً مثلاُ, ال flow 100 و opaclty 100 (يعني ما غيرت شيء) و بعدين بديت أرسم. يطلع لي أول الخط رمادي و كلما ضغت على القلم أكثر أستوى غامق و قرب للأسود أكثر. أنا أشوف أن هذا ما يصير في رسوماتك.
والشي الثاني اللي لاحظته أنك تلون بفرشاه كبيره ما يتغير حجمها على حسب ضغطه القلم, و اللي ما يصير معاي إلا بالماوس و أنت تقول أن هذا الدرس مرسوم بالقلم... و ما رضى يجي معاي (أخاف أخرب القلم من كثر الضغط)
شاسوي؟ و مشكور على التفاعل أخوي :)

[Rex]

اها!
أصلا اختي انا ما أستخدم برنامج الفوتوشوب الا بالتلوين فقط! (خطوط الفوتوشوب ما تعجبني كثير , مرات ترتجف ساعات الخطوط علي!)
خطوط الرسمه بهالموضوع مش بالفوتوشوب!
أما عن الخطوط فاستخدم انا شخصيا حاليا الأوبن كانفاس والبينتر ببعض المرات! (الخطوط فيهم ممتازين!)

عندي اقتراح كيف تحلين المشكلة , هي أنج تخلين حجم الصفحة اللي بترسمين عليها كبير! ثم اختاري فرشاه كبيره!
وأفضل انج تجربين خطوط الأوبن , والتحكم بالأحجام فيها سهل و ممتاز جدا جدا!

اما عن سؤالج الثاني فله عدّة أسباب ...
يمكن بسبب اعدادات القلم عندج... يمكن يتحسس بسرعة؟ او يمكن بعدج ما تعودي عليه ؟
انا رسمت هالخطوط الملونه بهالموضوع بالقلم!
اصحج مجددا بالأوبن , جربي خطوطه وفرشه! اذا كانو زينين عندج! معناه القلم ما فيه شيء أعتقد...

وأي سؤال حاضر.. :D

[sion001]

إحم ، وقت مستقطع ...... إلحين يا ريكس إنت في مشترك في الموقع الديفانت :blackeye: أنا آخر من يدري :31: ودي أعرف مشارك باسم إيش :bigeyes: !!!!!

أما عن حكاية الأقلام لاحظت أني لما أرسم على الفوتوشوب لما أبغى أرسم صورة و تكون صورة العرض لها أقل من 100 % يظهر لي الخطوط متعرجة ( يعني مهي ناعمة ) ، و صراحة الرسم عندما تكون الصفحة كبيرة صعبة لأنك ما تقدر تعطي النسب مضبوطة !!

[Renoa Heartilly]

مشكووووور ريفلكس سينسي! الحين أغث أخوي عشان ينزل لي البرنامج!! بس شنهي آخر نسخه نزلت؟ و لا ليش أنا قاعده أستهبل, فيه منتدى كامل له!!! أظن... (فهت المسكينه)
شكراً لك جزيلاً, و زي ما قالت سيون, لما تكون الصوره كبيره حيل ما تضبط الأحجام :\

:ciao:

[راعي الجي تي آر]

ابداع يا مبدع

[black hole]

السلام عليكم أنا عضو جديد واااااووووو فنان والله حلوو..... وايد:wow:

Cooooool!!!!!!!:bigeyes:
طريقة حلو وسهلة مشكوووووووووووووووووووووووور.... و هلي رسمة علشانك:biggrin:

أتمنى تعجبك:tongue2:

[kabamaru_igano]

هاي انا العضو الجديد :biggrin: واسمي kabamaru_igano:biggrin: ومشكور يا ريفلكس على الدرس :biggrin: :biggthump :09: :jester:

[*Ravo*]

Thank's

You are good to be a teacher

ذالك عظيم فعلا واتمنى لك النجاح

[oniAkuma]

والله الصراحه ماقدر اعبر لك على سروري بالتعلم على الفوتوشوب ماكنت اتوقع اتعلم التليون بالطريقه

كنت اظن ان الرسم بالرصاص بيكون احلى بس انت يا ريكس غيرت تفكيري من ناحية هذا الموضوع وانت الاستاذ الكبير مشكور والله يعطيك مليييييييوووووون عافيه ان شاء الله

[abeeressa]

أشكركم بالنيابة عن ريكس .... :biggrin:

و هو ما يدخل هالمواضيع هالأيام ماادري ليش .... :28:


ريكس وينك ؟؟؟ :06:

الشباب يطلبون دروس بعد :09:

[Rex]

السلام عليكم
آسف ما انتبهت للموضوع XD

والعفو يا أعضاء, وشكرا على آرائكم المشجعة!

اذا حد شفاني تأخرت بالرد عليه بخصوص شيء معين بأحد المواضيع , يراسلني عالخاص!


وان شاء الله بحاول بأقرب فرصه أبدأ أحضّر لدرس تلوين آخر متقدم شوي! مكمل لهالدرس... :)


وموفقين بالتلوين :biggthump ...

[abeeressa]

ونحن نترياك ... :)

موفق دوم يا رب .. :o

[قطرية]

الله لا يحرمنا من ابداعك الحلو

مشكور اخوي ركس:shock22: :shock22: :shock22:

[Sparta Ghost]

اهلا بك يا ريكس ....:p <<<<<<ترى احب هالأبتسامه ..

ترى انا من اول من شاف موضوعك ...بس ما رديت ...آسف جدا..:D
كنت أبغى اطلع فيه عدل وانبهر ...:bigeyes:
هذه طريقة من طرق ...
لم اشوف رسومك اشوف طرق أخرى تستخدمها غير هذي الطريقه ...
تستحق الابداع ..:biggthump

بلاك هول محاولة مميزه عجبتني الأولى ..:)

[سونيكو]

توي الحين فهمت سالفه اللاير وفائدته العظيمه.......مشكوووووووووور اخ ريكس

والله فنان مبدع بمعنى الكلمه

انا ذبحني التلوين واكتشفت الان السبب لاني دايما الون بنفس اللاير وبعدين الخطوط المرسومه تضيع وهكذا دائره مغلقه ....والشغل كان متعب جدا....والصراحه انا كنت مستغربه من قوة دقه خطوط كل الرسامين في المنتدى بشكل عام وكيف يقدرون يلونون ويبدعون وان خطوط رسمهم ماتضيع وان الالوان ماتتخلط و و و و و و و و كثير اشيا بس ان شالله باحاول اني استفيد من دروس كل الاعضاء

ومشكووووووووووووووووووور الف شكر على درسك القيم.....والله يحفظ روح الجمااااااعه الحلوه في المنتدى

[رائد التحدي2]

ممكن رقم اللون حق البشرة

[جمال الليل]

مشكور وايد على الرسمه الحلوه...

ودرس عال العال .. ما عليه كلام ..

ورسمه عجبني فيها الشعر وتدرجات الالوان .. بصراحه الرسمه مثل الرسومات المتحركة..

المهم .. تسلم ايدك يا فنان ..

[almokan3 ADV]

كذا التلوين ولا بلاش
مشكور أخوي ريكس

[hunter37]

ما شالله رسمك وتلوينك روعة بس عندي سؤالين
الاول:

من وين طلعت نوع الفرش
والثاني:

شنو الفرق اذا حطينا lighten او darken ؟

وشكرا

[Rex]

حيالله بالأعضاء , وسعيد جدا انه الدرس عجبكم ^_^

هنتر , الفوتوشوب فيه فرش ما تنعد! وكل فرشاه ممكن تتغير !! وممكن الواحد يخترع فرش فيه بعد!!
الفوتوشوب واحد من اقوى بيئات التحكم بالفرش!!

لما تختار الفرشاه في قائمة منسدله من فوق , بتشوف زر سهم اضغط عليه!
وايضا من هالقائمة سهم آخر .... يعطيك (غير القائمة اللي بتشوفه) قوائم أخرى بالجملة !!

بخصوص الlighten و darken

الdarken الاير اللي راح تخلين نوعيته داركن...
راح يشوف الألوان اللي فيه .. اي لون يكون تدرجة اخف من اللي تحته ... راح يطلع ألوان الايرات اللي تحت بدل اللون الفاتح اللي بهالاير (الداركن)!!
يعني مثلا نتخيل ...
لو كان الاير الداركن في لونين , اسود وأبيض , واللي تحته رمادي... راح يستبدل اللون الأبيض بالرمادي اي بالألون اللي تحت اللاير واللي هي اغمق من الابيض اللي بلاير الداركن (لأن اللون الرمادي اللي تحته اغمق من الأبيض صح؟)
وطبعا الأسود ما بيمسه شيء ... لأنه اسود ... سواد تام!

الlighten العكس...
اذا كان بلاير اللايتن لون أغمق من اللاير اللي تحته ...راح يستبدله باللون الأفتح من اللايرات اللي تحت !!
يعني نستنتج ايضا انه اذا كان بلاير اللايتن لون ابيض فما راح يمسه شيء!! absolute white ... ما راح يتبدل...

والي يبي امثله ممكن يشوف من هاللينك
http://www.sitepoint.com/blog-post-view.php?id=185281

موفقين!

هي شوي يبيلها تركيز عشان تفهمها والا فكرتها بسيطه!

[Rex]

حبيت احط هالمثال اللي سويته للتوضيح ...

have fun drawing !

[hunter37]

بالنسبة للفراشي ما لقيت السهم الثاني يمكن الفوتوشوب اللي تستخدمة غير

اما للداركن واللايتن فهمت لهم

ومشكووووووووووور

[أم عبد الإله]

بصراحة ودي أشكرك على الدرس الخطيييير ولو إنها جات متاخرة ... ولكن أنا حبيت أشارك فيه برسمة طبقت عليها الدرس وآمل منكم أن تعلقوا عليها ولو يبغالها تعديل ليتكم توجهوني ( ملاحظة )
أنا أستخدم الفارة للتلوين إلى حين شرائي للقلم :D .......... أختكم أم عبد الإله

[الزاحف الأرضي]

ما شاء الله استاز ركس ^^
كورس اكتير حلو ^^ الله يخليك لنا يا رب ^^
الا على فكرة الاستاز لزط يسلم عليك ^^

[dragon rider]

يا أخي هذا الدرس يدرسونه في قنوات الأطفال سبيس توون و غيرها‍
إذا كنت تبغى تعطي درس أعطنا درس كيف نقدر ننسخ من الطبيعة اللي حولنا أيا كانت نحاول نقدم لمسة فنية و رسمة واقعية
و أرجوك لا عاد تجيب دروس أطفال :D

[DeeK MantooF]

يا أخي هذا الدرس يدرسونه في قنوات الأطفال سبيس توون و غيرها‍
إذا كنت تبغى تعطي درس أعطنا درس كيف نقدر ننسخ من الطبيعة اللي حولنا أيا كانت نحاول نقدم لمسة فنية و رسمة واقعية
و أرجوك لا عاد تجيب دروس أطفال :D



ya5y law ennaha droos a6fal leeh da5el hena


o law ent shayef nafsak tegdar tersem anime and manga style show us before u just bluff like old woman

anythin else u keep ur stinky mouth closed

this place is not for u


maybe u need this childs lesson 2 teach u some manners before teaching u drawing

[princess sakura]

مشكور أخوي عالدرس المفيد

إن شاء الله نستفيد منك أكثر

وأنت ما شاء الله عليك:jester:

[T-G-D]

اخوي انا جااااهل بهذا الدرس
بالله اشرحلي الدرس الثالث زين ووش الفرشه الي تستخدمها و كيف اظلل :(

[T-G-D]

والله قهر ابي احد يجاوبني
بس سفهتوني ليه طيب؟

[DeeK MantooF]

والله قهر ابي احد يجاوبني
بس سفهتوني ليه طيب؟


ma7ad saffahak a5oy

but the member who made this lesson is no more in this forum :)

u can check the date of the subject

14-05-2003, 05:43 PM


exactly 2 years from now :)

good luck

[رجل الحاسوب]

السلام عليكم
كيف الحال أخي rex
درس اكثر من رائع
قد إحتفظت بنسخه منه
وننتظر دورس جديده\
:)

[Hakuni]

السلام عليكم ورحمة الله وبركاته

الله ماشاء الله عليك
درس قيم حلو

كلو شئ حلو
واسلوبك حلو
شكرا على هادا الدرس الحلو

جميل جميل جميل جميل جميل جميل جميل جميل جميل

[M A R Q E Z]

مشكور تسلم :::

[T-G-D]

والله ما عندي اي خبرة
و لا فهمت شي من هالي تقول
الله يهديكم بس :(

[Sander]

T-G-D
^^ أخوي.. أنتا تطلب توضيع من صاحب الدروس هذي..
و صاحب الدروس غير متواجد بالمنتدى.. غايب له زمان,,

محد طنشك, أنت لاحظ تاريخ الموضوع بس 14-05-2003
بالتوفيق عموما.

[VIGASOSS]

واله مرة ان مشكووروتعبناك :biggthump

[Yume-Kawaii]

السلام عليكم

الصراااحة الدرس يجننننننننننننننننن والرسمة ما عليها كلام والتلوين أكيد ما عليه كلام....

أنا طبقت الدرس على نفس الصورة وكان التلوين بالفارة ( يعني كان صعب ..^_^! )

وهذا تطبيقي....

وسلاااااااام

[88_Shadow]

حلو والله بس شوي شوي تصير احسن
حلو شغلك
بجرب الونها

[barhoom18]

السلام عليكم
شكرا لك اخوي على الدرش الروووووعة
انا قرأت الموضوع من أوله لآخره واكتشفت ان معظم أخطاء الأعضاء من عدم معرفتهم بالفوتوشوب

المهم : عندي كم سؤال

- ماهو برنامج الأوبن كانفس .... واذا تقدر تكتبه لي بالانجليزي علشان أقدر أدور عليه بالنت.

- شو يعني (( طريقة السيلز)) انت قلتها في اول الموضوع.

- هل هذه طريقتك في الرسم قبل التلوين ..... : ترسم بالقلم الرصاص بعدين تكمل عليه بالقلم الأسود العريض وبعدين اسكانر.......... صح؟


شكرا لك مرة ثانية
تقبل تحياتي
barhoom18

[ksmz]

السلام عليكم
هل من الممكن استخدام أي برنامج للرسم في التلوين بهذه الطريقة؟
وماهو أفضل برنامج للرسم؟

[88_Shadow]

الاعضاء في المنتدى "الاغلبيه " يستخدمون فوتوشوب وانا ارتحت لهذا البرنامج
بالنسبه عن الي يسأل عنه برهوم barhoom18 الموضوع هذا مهجور وصاحب الدرس غير موجود بالمنتدى بهذه الايام اسأل عنه اعضاء ثانين

[شعاع السنافي]

تسلم يمينك ياخوي

[snopdocc]

مشكووور يا أخ rex على الطريقة الرائعة