المساعد الشخصي الرقمي

مشاهدة النسخة كاملة : About Choke.exe


WaFi
26-06-2001, 12:37 PM
السلام عليكم ورحمة الله و بركاته

يا جماعه انا حبيت أخبركم عن هذا الفيروس اللي أسمه Choke و أنا اكيد أن أغلبيتكم تعرفونه.. و هذا الفيروس أنتشر أنتشار واسع عبر برنامج ال MSN و هو يتكاثر عن طريق البرنامج تلقائيا من يشوف اي حد على القائمة و يبداء يطرش الملف اللي فيه الفيروس.
وعلى العلم .. هذا الملف لايمكن مسحه من الكمبيوتر و نا ما ادري اذا في واحد منكم عنده طريقة لمسح هذا الفيرس و غير طريقة الفورمات أو اعادة تنزيل نظام ويندوز.

مع تحيلت أخوكم وافي WaFi
KNUCKLES
28-06-2001, 11:33 PM
مشكوور

الفيروس يرسل نفسه اثناء المحادثه الفوريه قبل مايرسل الفيروس نفسه يطلع من الاشكال الابتسامات هذا الشكل ;) تقريبا الي عليه صوره وغمزه وبعددين يرسل لك دعوه لقبول نقل الملف ويكمل يطلع صوره الشكل الي عليه غمزه ;)

وطريقه التخلص منه انا ماعندي خلفيه كثيره باكمبيوتر لاكن قريت انه في البدايه لازم يتسكر عن طريق Cotrol + Alt +Del وبعدين انهاء المهمه وتروح لمجلد الماسنجر في الوندوز وتحصل اسمه وتحذفه
R.B.G
06-07-2001, 12:18 AM
اذاعملت طريقة ال CTRL+ALT+DELDTE فالحل راح يكون مؤقت .

يعني اذا قفلت الجهاز وفتحته راح تلقى الفايروس موجود .

في عندي حل نفع معي وهو :

تروح ( ابدء ) وبعدين ( بحث ) وتكتب اسم الفايروس وتعمله بحث في القرص C
وبعدين لما يطلعلك تحذفه .


واذا استعصى عليك الامر جرب هالطريقه :

تروح ( ابدء ) وبعدين ( تشغيل ) وبعدين تكتب win.ini وتدق انتر بعدين راح يطلعلك طابور كلمات وجنبهن علامة =

شوف كلمة RUN اذا طلعلك بعد ال = حقها كلام احذفه على طول .
dream_cast_crazy
06-07-2001, 08:47 AM
السلام عليكم ورحمة الله ةبركاته..
يا اخواني ..انا استوالي نفس الشي بس انا مسحته من ملف الماسينجر وحذفت الماسينجر ورديت وسويته مره ثانيه ..بس انا لقيت ..نفس الاسمchokeعلى القرص c وما قدرت احذفه ..ايقولي ...هذا الملف قيد استحدام ويندوز...هل هو هذا نفسه الفايروس ولا هذا غير ..ومشكورييين
(ومنكم نستفيد)
R.B.G
06-07-2001, 02:12 PM
مادام اسم الملف choke احذفه من دون تردد واذا تريد تتخلص منه نهائيا اتبع الطريقه اللي كتبتها في الموضوع السابق .
KNUCKLES
07-07-2001, 07:56 AM
اذا مارضى يمسح معك امسح كل البرامج الشغاله عن طريق CTRL+ALT+DELDTE الا الاكسبلور وبعدين امسحه عادي
aLwanees
08-07-2001, 12:40 AM
هذا الفيروس ينتقل عبر ال MSN ويتكاثر في القرص الصلب ... وإذا حبيت تشله اللهم سوي سكان ببرنامج الانتي فيروس لانه مجرد فيروس عادي ومايفتح اي بورت في جهازك

وسلامتك