مشاهدة النسخة كاملة : نقاش الرسامين مقابلات بين اعضاء منتدى الرسم .....
احم .. شخباركم؟
لأول مرة تتم مقابله بالواقع بين اعضاء منتدى الرسم ^^ ..
الي هم
تويا
ابو لبن ==> زعيم العصابه
رانما ساتومي
ODIN ...و صديق العمر DOOM
وبهذا نحب نعطيكم تفاصيل المقابله والمواقف الي حصلت فيها :p
بالبدايه بدأت المبادره من ابو لبن ( مدير العلاقات العامه ) في فكرة المقابله ..
وحددنا الموعد والمكان في مقهى دكتور كيف بالخبر .. الساعه 10 ليلا ..
وتجمعوا الشباب بالوقت المحدد ( وهذي عاده الرساميين دقيقيين بكل شي :6 )
طبعا بالبدايه نوصفلكم اشكال الحلوين الي قابلناهم ":"
ابو لبن .... حجم XXXXXXXL ماشاء الله :p سمين وطويل ماشاء الله يخرع هههه.. لكن ما يميزه انه خفيف دم لدرجه فظيعه .!!!
رانما / شاب لطيف وحبوب ^^ حجم S لكن اثار الدراسه والتعب واضحه عليه :)
تويا / ماشاء الله اخلاق وثقافه .. من حجم M .. :)
طبعا الي ميز الجلسه الحلوة هذي .. اني ما قدرت امسك بطني من الضحك بسبب ابو لبن الله يقطع ابليسه :p ماشاء الله خفيف دم ما رحمنا ..
بالبدايه دار الحديث حول جامعه البترول الي هم فيها .. ولاني انا ودووم على الابواب التخرج من الثانوية . وناويين ان شاء الله دخول هذي الجامعه ..
وذكرولنا مأساتهم وتعبهم بالجامعه .. الله يعينهم :": ...
ومع الاستطراد بالحديث دخلنا لعالم الانمي .. وبدينا بالحش في شركه الزهره لدبلجه السخيفه ..
وبعدها دخلنا بالسياسيه الي محد يحبها :6
وبعدها بدأ ابو لبن بانتقاد مكاينة اللبن الي في الجامعه :p عشان كذا قررنا نرفع قضية لهيئة الامم المتحده ..
.... بس بصراحه مر الوقت بشكل غريب وسريع بسبب الجلسه الحلوة .. لدرجه ان الساعه صارت 1 وما حسينا بالوقت :)
وللأسف كان ودنا بالوكارد يشرفنا لهذا اللقاء .. لكن الظاهر بأنه مشغول جدا مثل ما خبرنا مدير العلاقات العامه ..
والبقيه لكم يا شباب اذا عندكم اضافه ... ( ابو لبن خاصة لازم نسمع تعلقيك )
شكلكم استانستو ^^ !!
عاد أكثر شيء ضحكت عليه على تعبيراتك عن الأحجام ويوم قلت عن بو لبن أنه XXXXXXL !!! شو خليته عملاق !! هههههههههههههه :D
أوه غلطانين !! :D
ألوكارد بعد منتصف الليل يطلع :p
Ranma Saotome
16-05-2003, 04:28 PM
سلاااااااااااااااااام :D :D
اخباااركم؟
اخبارك اودين عقب سهرة امس؟ هعهعهع
لووول شلون اوصافنا..
صج مثل ماقال اخوي اودين الوقت مر.. زووووووو.. بســـــــررررررعه..
قعدنا تقريبا لين الساعه 2 إلا ربع...
و الجامعه :غضب: خذت معظم الحديث.... كل ماتكلمنا في موضوع نرجع على موضوع الجامعه..
اقول لهم ياجماعه حرام عليكم احنا ويك اند لازم ننسى الجامعه ?:
لكن هعهعهعهعهعهعهعهع خرعنا اودين و دووم مساكين.. سبينا الجامعه سب... شكلهم ماراح يطلعون من الثانوية خلاص :p
ووو.. ايه لما كانوا يتكلمون عن الجامعه.. انا وتويا نلتفت على بعض ونسولف بروحنا هعهعهع.. بولبن جنبنا و عيني عينك نعقر فيه :p
وووو بعدين تكلمنا عن الدبلجه العربيه الحاليه ومستواها ال..............
وتكلمنا عن العاب الكمبيوتر ال1st view
وبعد تكلمنا عن المنتدى.. تصدقون على كل عالقعده ماتكلمنا عن المنتدى الا شوي.. تكلمنا عن الرسامين اللي تعجبنا رسومهم (ماراح اقول اسماء:p)
و عن كم عضو غايب عن المنتدى وعن المنتدى السياسي.. بس سالفة المنتدى هي اكثر سالفه حبيتها
و بولبن مثل ماقال اودين ذبحنا من الضحك بدمه الخفيف..
كان اجتماع وايد حلو صراحه ونتمنى ان يتكرر :D
والمره الجايه عاد انشالله راح يكون في اعضاء اكثر..
كان ودنا يكون الوكارد حبيب الكل معانا لكن كان مشغول.. وانشالله في اقرب فرصه راح ينضم لنا..
و في خطط ":" في الصيف بولبن بيمر قطر وبنقابل انا وياه الشاعر و زيرو و يمكن عيسوز على حسب متى يخلص امتحانات..
والبحرين وانشالله نقابل استاذنا شاهين والخطاف والمزيف (في غيرهم؟)
والامارات عاد لها جلسه ثانية ;) لو بعدد الاعضاء ماراح اخلص :) لكن المشكله كل واحد محذوف في صوب ?:
انتظر رد بولبن وتويا على الموضوع :p.. وباقي الاعضاء بعد..
ايه.. بعد ماطلعنا من الكافيه.. انا وبولبن وتويا رحنا شقتي وشفنا رانما مع بعض لووووول.. استانسوا عليه..
سلاااااااااااااااااام
orange road
16-05-2003, 05:36 PM
يعني سويتوها يا رانما وتقابلتوا ^^
:0) واستانستوا بعد...
زين زين...
ههههههههههههههههههههههههه
^^
Flashanime
16-05-2003, 06:05 PM
ياسلام مقابلة حلوة
خليتونا نتحمس لمقابلة الاعضاء
ما اعرف اي عضو هنا بس يوجد بعض الصلات الي ممكن تجمعنا
فلاش كينج: الي رسم معي فارس القمر قابلته مرة بالصدفة في احد الاسواق في الشارقة
رواية: يدرس معي في نفس المدينة الجامعية و احتمال كبير اني شفته بس ما تعرفت عليه :6
فطوم: كانت زميلة اختي الكبيرة في الدراسة و اختها الصغيرة كانت صديقة اختي الصغيرة المفضلة :6
ركس : مممم احيانا اروح العين يمكن نتقابل
سبيس كاوبوي: اكتشفت انه جاري في السودان ^ ^(ايه انا من السودان)
ممم مين في بعد ؟؟
Neo Cid
16-05-2003, 06:44 PM
الله يخلي هالقعدات ان شاء الله .. أنا اقول ليش المنتدى كان بحالة فوضى
ليلة أمس .. :6
يا رانما .. ليش ما تمرون الكويت ؟ .. :":
GM Head
16-05-2003, 09:08 PM
هههههههههههههههههههههههههههههههههههههه
يمكن هذا أغرب موضوع وأكثرهم للواقع:D
أوكي:)
خلنا نشوف:أفكر:
رسام: شفته وتعرفت عليه بالصدفة
غولدن سان: صديق نيو سيد
شاهين: تقابلنا لما زرت البحرين^.^ <<< (أحلى مقابلة)
فــــــتون
16-05-2003, 10:44 PM
شي عجيب والله
بس ما وصفت لنا شكلك و شكل دوم
ديابلوس
16-05-2003, 10:52 PM
آخر الاخبار
تم اليوم بحمد الله اجراء مقابلة في العين بين ريكس و ديابلوس...
ننتقل الى مراسلنا ديابلوس
ديابلوس:.. الميكرفون اوكي؟؟ مم... زين.. نعم سيد سمايلي...اقمت اليوم مقابلة مع ريكس و قد اخذني الى اماكن شتى و قد قمنا برسم رسمة عبيطة مشتركة و ثم عزمني على العشاء وبعد ذلك اشترينا العاب سوني بلاي ستيشن و...
سمايلي: اجل ديابلوس... و كيف كان ريكس في هذه الاثناء؟؟
ديابلوس: نعم.. كان ريكس كاشخا الكندورة الزينة و التعصيمة الزقرتية و سيارته مطقمة مثل سيارتي
سمايلي: مارأيك بالمقابلة و ماذا تنصح الاعضاء؟؟
ديابلوس: نعم ... المقابلة كانت جيدة... اليس كذلك ريكس؟؟
ريكس: هيه نعم .... وايد حلوة
ديابلوس: و ماذا تنصح الاعضاء؟؟
ريكس: كثروا مقابلاتكم تراها تفيدكم ولا يطوفكم نص عمركم ^^
ديابلوس: هنا ديابلوس قناة المنتدى الاخبارية العين
هههههههههههههههههههههههههههههههههههههه
الله يغربل ابليسك يا ديابلو!!
عاد آخر شيء النصيحة عبيطه عالاخير :D
مقطع مسجل محذوف::
Rex : ذبحتنا خلاص !!!!
ديابلوس: أبي أكتب سيرتك لو سمحت!!
Rex : أقولك $$$%#@#@#!!@#@!@!@!#@ !!
ديابلوس : ياوييييلييي !!
((صوت ضرب بالمسجلة!!))
orange road
16-05-2003, 11:09 PM
(صوت مسرسع داخل بالنص) :o
((وانتوا بس.. صارت موضة الحين انكم تقابلون بعض :غضب: يعني تحرونا يالصبيان... بسكم مقابلات ودرسوا.. الامتحانات ما باقي عليها شي)
:D
هههههههههههه الامتحانات !؟!
أول مره أسمع هالكلمة :0)
Ranma Saotome
16-05-2003, 11:11 PM
heeeeey c'mon guuuuys
we want the detaaaaails
نبي تفاصيل اكثر...
ديابلوس انت من راس الخيمه صح؟
بااال شو وداك العين؟
احنا ناويين على الامارات في الصيف.. وانشالله راح نجمع اكثر من عضو مع بعض بيكون اااااخر ونااااسه :D
ووو بعد الكويت :D نشوف نيو سيد وجم هيد و تايدس و مزم ياسلااااااام..
وووووو بعديييييين... كللل الاعضاء من كل الدول يجتمعون مع بعض :p
احم.. كأني وايد اندمجت..
انشالله نشوفكم يا أعضاء المنتدى في القريب العاااااجل :)
Touya
17-05-2003, 12:19 AM
السلام عليكم:D
اهلين أودين... ههه أول مقابلة رسمية بين الأعضاء أذيعت في منتدى الرسم:6
وتصدق تذكرت نقطة.. ماقلت لكم أني حاس أني شفت دووم من قبل؟؟ ^^
أنا حاسني قلبي أنه يروح لمقهى الماجد واجد في الظهران:6 وعندي شعور قوي أني شفته هناك:D
ههه اشوى حجم M مع أن وزني 72 بس مو باين علي :6 <<وازن عمره عند دكتور الأسنان @@ (خخ تصديق هالشي براحتكم)
أحم أما موضوع "أخلاق و ثقافة" :" شكلك ماشفتني بعد الكوكاكولا :" رانما شاف الحالة وعاينها على أرض الواقع:6 <<كولا+ثلج+تويا+مطعم= فضيحة :":
والسوالف تضمنت أيضاً النقاش عن "طارقة الخريط" الجامعية... ورانما يحش في الجامعة وأنا ارقع لها... قام يحش فيها شوي واجد وبعدين غيرت الموضوع عن شلون تتتغير حياتك في المرحلة الجامعية وفوائدها... عشان مانحشهم منها لنها جامعة قوية... لكن عليها نكبات @@ وهو من عرف أن مديرها السابق كان تخصصه في "الحمام" غسل يده من إدارتها... لكنها دراسياً قوية @@ <أمس رانما يتريق على هالنقطة... أخخ منه
وجدنا أودين من سايز SFT لأ مو Street Fighter Turbo @@ Slim and Fairly Tall @@ وصراحة أخلاق وذاكرة (خصوصاً في أحداث المنتدى) وتناقشنا في بعض أمور المنتدى والأحداث حتى اللي سبقتنا :6
دووم كان أطول وكتوفه امتن من أودين بشوي بسيط ^^ ووجه مألوف لي بس ماأعرف ليه... وصراحة كسر خاطري... بو لبن مو عاطيه فرصة يحكي كله يتكلم عن لبن العيران ^^
وأدعو لهم بالتوفيق ودخول المجال اللي يبغونه ويطمحون له بالسهالة إن شاء الله والتوفيق فيه والتقدم والإزدهار وتأسيس أنفسهم وإيجاد شريكة الحياة المناسبة و و و و و و و و.... مو خالص :D
وبالنسبة لرانما... أحم... صراحة حالته النفسيه تعبانه... زي أي طالب بترول ثاني... هههه الله يعينه...
يا رانما .. ليش ما تمرون الكويت ؟ .. :":
نيو سيد تم التحاور في هالنقطة بالذات:0)
بس أعتقد رانما قال أنه بيسوي مخطط عجيب لهاي الرحلة.. والله نسيت بالضبط وش قال:0) :D
وصوح... طرحت سؤال مئرق حياتي عن الفوتوشوب لأودين.... صراحة فرج علي كربه ماحد يتخيل قد أيش... معضلة القرن العشرين بالنسبة لي @@:6
wildkitty
17-05-2003, 09:25 AM
....
.................
......................................:" :"
خونه ماحبكم
وله واحد فيكم يفكر يمرني :"
باااال
يله امشيها هل مره :أفكر:
اودينو
اقوول:6
اشوفك عطيت كل واحد حجم ؟؟؟؟
وانت شنو ؟؟؟؟؟ فري سايز :p
Touya
17-05-2003, 10:44 AM
جدنا أودين من سايز SFT لأ مو Street Fighter Turbo @@ Slim and Fairly Tall @@
:0)
الرسالة الأصلية كتبت بواسطة Ranma Saotome
و في خطط ":" في الصيف بولبن بيمر قطر وبنقابل انا وياه الشاعر و زيرو و يمكن عيسوز على حسب متى يخلص امتحانات..
سلاااااااااااااااااام
:D
مياو
تلاقوني بعد غروب الشمس مباشرة هع هع هع هع
Neo Cid
17-05-2003, 11:56 AM
اشدعوه .. نسيت رانما اشقال ؟ .. عفية عليك .. نشوف منك أكثر .. :6
حاضرين للسؤال . .انت اسال يمكن اودين ما يعرف جوابة .. :D
Flashanime
17-05-2003, 02:01 PM
لقاء جيم بشاهين في البحرين :D
Mr_Falcon
17-05-2003, 05:04 PM
انا طبعا اعرف تويا وبولبن وتوي تعرفت على رانما:D
نو مووور
شااااااااو:أفكر:
Bu Laban
17-05-2003, 06:26 PM
السلام عليكم جميعا ..
بالبداية أشكر اودين على افتتاحه هالموضوع ... و اللي خلاني فيه زعيم العصابة و مدير للعلاقات العامة :0)
و الله كانت الجلسة في غاية الروعة لدرجة اننا نسينا الوقت ... كانت الجلسة ممتازة و ليس لها مثيل :)
تطرقنا لبعض المواضيع مثل ما قالولكم الشباب .. و من بينها سالفة مكاين اللبن :D ... بس من اللي ما قالوه أننا تطرقنا لموضوع البرامج التي تقدمها لنا القنوات الآن و ماذا كنا نشاهد في السابق .. افتتحنا موضوع أبطال الديجيتال و البوكيمون و كيف تشوه تفكير الأطفال الآن :": .. طبعا في حركة سويتها و أودين و دووم ضحكوا عليها في تمثيلي لهؤلاء الأطفال :p
.. و قارننا تلك المسلسلات بالرجل الحديدي و كيف كانت الدبلجة عندها و الأفكار التي طرحت من خلال المسلسل ...
و تطرقنا الى برامج الأطفال الحالية و كيف أنها لا تقدم الفائدة لهم :( ... و قارننا تلك البرامج ب إفتح يا سمسم الذي أشهد بأنه برنامج على مستوى متميز في توصيل المعلومات للأطفال بطريقة سلسة و سهلة :) ...
و دخلنا في موضوع السياسة بعد أن ناقشنا هذا البرنامج بأنه كيف كانت العلاقة بين العراق و الكويت و كيف كان انتاجهم ذاك الوقت و هذا البرنامج كان خير مثال على هذا التعاون ..
و طبعا كان دووم من خير المستمعين ( ما تكلم الا قليل في ذيك الجلسة :أفكر: ) و كان رانما و تويا يحشون فيني :غضب: .. بس يا رجال مش أمورك :) ..
عموما نبي نسمع مزيد من المعلومات اللي صارت مع ريكس و ديابلوس
**lonely star**
17-05-2003, 08:25 PM
واااااااااااو
ونااااااااسه تقابلتوا يا حظكم
بنات مايصير كذا هم يتقابلون وحنا منطقين
اقول صبايا بكرا كلكم عندي الدعوه مفتوحه كلكم
مفهوم
صبايا بس :6
ولا يهمك يا ابو لبن ^^
بعطيك ملخص اللقاء :D
في يوم الجمعة في تمام الساعة الخامسة والثلث تقريبا التقينا قدام مستشفى توام بالعين ,, طبعا أول ما شفنا بعض والسلام والموايه ...
قلت له وين هذاك الشرخ اللي على عينك والشعر !!! وهو قال وينه عيل شعرك اللي ياي جذيه ((يأشر على راسه)) ,, هههههههههه
هو طول الأخ ديابلوس معتدل أطول مني بشوي ,, أسمر وحاط كاب بعد :D
المهم تكلمنا أول شيء عن المنتدى والأعضاء واللي صاير فيه والمشاكل السياسية ههههههه وكنت بوقتها موديه للمبزرة ,, منطقة فيها عيون حاره عند جبل حفيت ,, تحوطنا بهذيج البقعة شوي وبعدين حوطه بأسواق المدينة ويلسنا نسولف بمواضيع مختلفه سوالف تضحك وأخرى محزنه,, وما يبنا سيرة جامعات ودراسه !! مادري كيف هههههههه
ومر الوقت بسرعة وطبعا أنا كنت يوعان بعد المغرب :6
مرينا على مطعم وكلنا وشبعنا بعدها خطفنا على محل video games أتشرى وياه ,, وبعدين طلب مني أني أرسمله لازم!!! ومب يايب قلام ...
مافي حل الا نروح نشتري دفتر فن , وقلم رصاص!! ((بأربع ربيات ههههههه ))
حليله اللي يبيع بالمكتبه لعوزناه هههههههههههههه
عاد يوم رسم ديابلوس ويا دوري!! أقامو صلاة العشاء !! قلتله بعد الصلاة برسم :D ,, ونسيت lol ((كان يبيني أرسمله >.<))
الهم قلت له خلنا نسير الكارفور نتمشى شوي فيه ...
سرنا وتمشينا فيه وطالعنا المحلات خاصة مال الرياضة!!
عيونه نقزن لما شاف السيوف والأسلحة المعروضه ههههههههههههه :D
على فكره كنت بوديك أخ ديابلوس صوب قمة جبل حفيت بالليل ((لأنه أحلى بالليل والجو عجيب فوق)) بس نسييييت عالأخير!!!!! وأنا أقول شو ناسي طول هالوقت, ,, ^^;
عاد لما طلع من الكارفور!!! حصل شيء غريب!!
شاف الأخ ديابلوس صورة حرمه اعلانية ورا الزجاج!! قال ديابلوس!! :: طالع كيف قاعده تطالعنا ((ومستغرب))!! ((فكرها حقيقية الأخ)) عاد أنا :" هههههههههههههههههههههههههـ الخ
ووصلته بعدين الأخ صوب سيارته وودعنا بعض ,, عاد هو بكى ما استحمل المسكين ... :D
المهم غادر العين بالساعة العاشرة تقريبا ...
thats it :)
Bu Laban
18-05-2003, 12:31 AM
السلام عليكم
أولا .. القصة عجيبة (سالفة ريكس و ديابلوس) ... مشكور يا ريكس على الديتيل :)
ثانيا كان المعمل بيسكر و ما كملت كلامي .. فهذي هي التكملة ^^
انتهيت بسالفة أنه دووم كان مستمع جيد و يعطي تعليقات جميلة .. أما تويا و رانما قاعدين يحشون فيني :" ..
أما أودين بصراحة ما تخيلت شكله ^^ .. بس الرجال طلع حبيب و فللة :cool: ... بس مسكين جاه شد عضل في خدوده من كثر ما ضحك ذاك اليوم :D
أتمنى أن تكبر اللقائات و تكون على مستوى المناطق الأخرى :)
الرسالة الأصلية كتبت بواسطة Bu Laban
بس مسكين جاه شد عضل في خدوده من كثر ما ضحك ذاك اليوم :D
هههههههههههههههه :D
أنا نسيت أذكر أشياء ثانية بعد ,, ألموهم :6
أذكر الأخ جيم وشاهين شافو بعض بالبحرين!!
أتمنى حد يحطلنا ملخص تفاصيل المقابلة ^^ ,, مادام هالموضوع مناسب :)
GM Head
18-05-2003, 12:11 PM
على خاطرك يا ريكس^^
أول ما تواعدنا عندما أتصلت بالتلفون على شاهين ثاني يوم لوجودي في البحرين و تواعدنا عند بوابة البحرين(مدخل سوق المنانة القديمة)^^ , أنتظر حتى جاء ذلك الشخص ذو الكاب الأسود وعلى وجه الإبتسامة, وحتى إنه تعرف على بسرعة لأني قلت : "لابس أزرق في أزرق^^" من الكاب الكحلي الي مكتوب عليه "RX-78-2 Gundam" و القميص الأزرق و الجينز الأزرق(لا تستغربون من النيك نيم GM Blue Destiny ) و ما أن تقابلنا حتى رأينا رسام يرسم على طريقة الباستيل و تبين أنه زميل شاهين(^.^ يا للحظ) , و جلسنا في مطعم قريب , و سولفنا كل شيء عن الموبيل سوت و الأنمي الي أحبه و ما أن أغريته ببعض المانغا الي ما سويت لهم سكان:D
و ما أنخرجت دفتر السكيتشات حتى رسم لي أربع رسمات تذكارية ,@.@ أشوف الفنان و هو يعمل( إنشاء الله أعرض لكم لما أرجع البيت لأني في الدوام).
و ذهبنا إلى مقهى قريب و طلب شاهين له وجبه سريعة له وأنا عصير, وكان هناك صحن صغير فيه قطع أصفر اللون ,حسبها شاهين جبن كرافت وألقاه في فمه مباشرة , وقلت "this is too good, square shaped craft cheese " و تبين بعد ما جاء التعبير على وجة شاهين أنه أكل شيء بالغلط....................زبدة?:
و من بعده مشينا لفندق الي نزلت فيه ,و عند البوابة عطيته سوقة الكويت(اليابانية) مجسم Buster Gundam 1/144 و مجسمين لكونان وهديشي@.@
تمت الحلقة الأولى:D
orange road
18-05-2003, 12:30 PM
ما عندي مانع لونلي ستار.. يللا خلونا نتجمع عندها..
خل الصبيان شوي يحترون منا...
مب بس احنا المساكين :"
شاهين كل زبدة عباله جبن :D
أما موقف.. هههههههههههههههههههه مت من الضحك وانا اقراه..
مسكين شاهين.. عاد ما تجوف شتاكل.. على طول في الحلج..
فلاش انيمي ..
حلوة المانجا القصيرة..
هههههههههههههههههه لا بالله عرفه الحين جيمي خلاص..
ريكس..
وين الرسوم اللي رسمتوها حق بعض انت وديابلوس :غضب:
لازم تسكنرونها انتوا بعد.. اكا جيم بيحطها لنا في المنتدى...
عاد انا شاقول؟؟؟
لقائي بفطوم ولولي وروري ونيكي وريميتا وفورايفر فانتاسي وطرزون وونتر سول ورانزي :6 هاي كلهم معاي اصلا في الجامعة...
لازم ادور لي وحدة اسافر لها :6
GM Head
18-05-2003, 03:45 PM
الحين راح أكمل الجزء الثاني من مغامراتي مع شاهين:D
اليوم الثاني تواعدت مع شاهين عل المسينجر نتقابل أمام بوابة البحرين كالعادة..............لكن هذه المرة جاء بسيارته
أخذني من المنامة إلى جزيرة المحرق القريبة عبر الجسر و أراني المدرسة الي كان يدرّس فيها و قد عمل لوحة فنية وطنية ما زالت موجودة ":"
و منها وقفنا عند قلعة عراد أمام الغروب الجميل(لحظة ....هذا ليس مشهد حب>.<) و ألتفت للخلف وإذا بجبل من السكيتشات الجديدة والقديمة بالطن@@ << طلع عيوني
وقعدنا ساعات في السيارة يراوني الشكيتات(أحلى لحظاتي مع شاهين)
ومنها ذهبنا داخل المحرق القديمة
وناقشنا أمور التصميم في الكويت والبحرين
وعند الوداع .............. أنهمر عيني من الدموع:"
---------------------------------------------------------------
هذه الرسمة عندنا كنا في المطعم وأول شيء رسمها أمامي
GM Head
18-05-2003, 03:47 PM
و شخصيتي في المنتدى^^
GM Head
18-05-2003, 03:52 PM
أهلاَ جيم^.^
Ranma Saotome
18-05-2003, 04:00 PM
لووووووووووووووووووووووووول
ضحكتني سالفة ديابلوس ههههههههههههههههههههههههههه
وشاهين هههههههههههههههههههههه عجيييب
مقابلة شاهين و جم هيد شكلها ونااااااسه :D
خاصه لما قعدت تشوف اسكتشات شاهين exclusive هاه ;)
عقبال مانتقابل انا وشاهين انشالله :o
وباقي الاعضاء بعد :)
خلود مسكيييينه هعهعهعهع.. احنا كلنا بنتقابل اعضاء المنتدى وانتوا خلكم منقعين في بيتوكم.. هااااهااااهاهاهااااا
احنا في زمن التفتح يقولون :p كخخخ... لكن خلونا مانتفتح وايد هعهعهعهع
shaheen
18-05-2003, 04:35 PM
>_<
لو ادري كان أكلت الزبدة من غير ماتدري بس.... ماقدرت !!>_<
هههههههههههههههههههههه
ماخليت شئ ما قلته يا جيم... مع انك مخربط في التواقيت
اول مامشينا شفت زميلي في المهنة المدرس الفنان موسى الدمستاني... كان يرسم صور شخصية للمارة.. كان يرسم صورة طفلة بالباستيل (تذكرت مادوكا .. تموت على الباستيل والخشب)!!
هههههههههههههههه بس الأخ كل ما اطلب له شئ يقول مايبي.. اليوم الاول رحنا مطعمين ههههههههههههه صرت منترستينغ minteresting والأخ قاعد يحرني بالشغلات الحلوة اللي يايبها للعرض فقط >_<
وجبل من الاسكتشات هههههههههههههههههههههههه هذي نقطة في بحر.. مع انك ماشفتهم كلهم ههههههههههههههه خلص الوقت على المطالعة ... ولما نتمشى من مكان الى مكان الأخ يحط المايك ويشغل السيدي بلاير ويقول لي انا اسمع اغنية زينوغير ههههههههههه
هذا جزء من المقابلة... بس جيم طلع طيب ومتواضع ويموت في الحش عن الجاندام وبارع في تقليد اصوات الانمي... يقص لي المانجا ويمثل ادوارهم ههههههههههههههههههههههه يموّت من الضحك^^
Flashanime
18-05-2003, 09:21 PM
واو رسمات رائعة...تبدو مقابلة فعلا جميلة احسدكم
و هذه رسمة جديدة ...عرفتوا الموقف؟
fatoom
18-05-2003, 10:12 PM
ههههههههههههههههههههههههههه
رووووعه الموضووووووع ^ ^
و أحلى شي سوالف المقابلات ;-)
اممممممممممممممممم
خلود اول ما تعرفت عليها كان بمحاضره ^ ^
كنت أرسم و هي تطل بالدفتر :6
تعرفت عليها عن طريق ريميتا اخت نيكي الكبيره ^ ^
كانت ايااااااااااام ^ ^
اما لولي و روري الخوات ^ ^
فأذكر بأنهم اول ماعرفوني سموني سمبا :"
لأن ما كنت أقعد معاهم :6 قبل ههههههههههههههههههه
ماعرفت اللقب إلا مؤخرا و بالموووووت قالوه لي :غضب:
زامبي :D
قريبتي من أهلنا ^ ^ من طرف موزيتا ;-)
ونتر سول :6
معاي بالقسم شلون ماعرفها ^ ^ هي و سوسا و البنات
فديتهم و الله أحلى دفعه ^ ^
ميراج ^ ^
البست فرند لروري ;-)
هاذي ذهب هالبنت :0) هدوئها أحلى مافيها ^ ^
المها ^ ^
امووووووووووووت فيها من اول ماتعرفت عليها :D
و هي بعد بست فرند روري ^ ^
رانزي ;-)
هاي كنت ادورها بالقسم :0)
و ماعرفتها من قبل ....و هي تعرفنيو تشوفني و ماتتكلم :"
من بعيد لبعييييد ....بس اذكر وقفتها و سألتها لما شبهت عليها ^ ^
big mouth:6
و من يومها وانا فعلا احبها لأنها الماستر ^ ^
و من بعد قابلت من من ( مصختها صح :6 )
ايييييييي
في عضوه هني قبل سجلت بأسم ميجن ^ ^
هاي احببببببببببببببببببها ^ ^ شيطانه :6
بس هاي إلي تذكرت اني قابلتهم :0)
إن شاء الله ماكون نسيت حد :أفكر:
fatoom
18-05-2003, 10:26 PM
اي نسيت جوجو اختي الصغيره السخيفه :6
ببيتنا كل يوم اشوفها :أفكر:
و كله تهاوشني :"
ههههههههههههههه حلوه!
والله حسيت أنك بترسم شيء أخ فلاش :D
لا ومخلنه يرقم بعد :6
وعجبتني سوالف فطوم مع البنات :D
وشاهين أكيد يحب جبنة كرافت !!
والا ما بلع الزبده مره وحده هههههههههههه :0)
((يمكن لها علاقة بمستواه بالرسم!!! كخخخ ))
بس متأكد أن جيم شاف شغلات حلوه عنده :6
ديابلوس
18-05-2003, 11:55 PM
ههههههههه فلاش .. شمسوي هههههههههه
الله يغربل ابليسك ههههههههه
ريكس تذكر هذي؟؟؟ :D
orange road
19-05-2003, 12:29 AM
جيم..
طلع الباقي كله من تحت البلاط
لا تخلي شي.. انت بروحك قايل انه رسم لك وايد رسوم :"
فلاش انيمي..
ومخلي شاهين يرقم بعد :6
انزين.. قلنا انه كل زبدة بدال الجبن.. عاد ما بيعرف يفرق بين المانيكان والبنت :6
Flashanime
19-05-2003, 12:36 AM
لا هذاك مو شاهين ^ ^
هذا ديابلوس ...اقرائي قصة رفلكس
هذا هو مقطع قصة رفلكس
"عاد لما طلع من الكارفور!!! حصل شيء غريب!!
شاف الأخ ديابلوس صورة حرمه اعلانية ورا الزجاج!! قال ديابلوس!! :: طالع كيف قاعده تطالعنا ((ومستغرب))!! ((فكرها حقيقية الأخ)) عاد أنا هههههههههههههههههههههههههـ الخ"
GM Head
19-05-2003, 12:43 AM
هههههههههههههه
الله يغربل إبليسك يا ديابلوس:0)
قصتك مع ريكس حلوة^.^
و لا تنسى التفصيل الممل لبقية مغامراتك^^
orange road
19-05-2003, 08:10 AM
لا هذاك مو شاهين ^ ^
هذا ديابلوس ...اقرائي قصة رفلكس
ما عرفت انك تقصد فيه ديابلوس :":
مع الكاب ظنيته شاهين
:غضب: كله منكم.. الكاب هو العلامة الفارقة حق شاهين...
:" يعني مب مني
Rewayah
19-05-2003, 10:50 AM
الرسالة الأصلية كتبت بواسطة Ranma Saotome
احنا ناويين على الامارات في الصيف.. وانشالله راح نجمع اكثر من عضو مع بعض بيكون اااااخر ونااااسه :D
عاد أنا يمكن أسوي حفل التخرج في البيت رانما. :D
وأعزم أغلب الأعضاء! ":"
ياويلي...
Rewayah
19-05-2003, 11:03 AM
قريت جزئبة من الموضوع! ^^
موضوع حلو وخطير والله أودين. :D
بيكون لي نصيب من هالمقابلات إن شاء الله. ;-)
أول ناس بقابلهم هم ريكس وديابلوس وفلاش أنيماي, لأنهم بالإمارات! :D
خاطري أقابل أودين... :أفكر:
وأدخل معاه في جدال وحوار متضاد ماله أول ولا آخر... ":"
<== أدري إنه هالشيء بيصير... بشكل نسبي بس يعني... :D كخخخخخخخ
Neo Cid
19-05-2003, 03:02 PM
يا رواية .. ماني رايح بيت أحد .. اللي يبيني ييلي .. http://webpost.net/sp/spikeyman/devil.gif
:6 :6
ديابلوس عاد مش لهدرجه ههههههههههههه
حتى القواطي كلتهم!!
Rewayah
أبي اشوفك :" !!
انت سوي عزيمه وبنييك ^^ ((على حسابك طبعا)) هههههههههه :D
Flashanime
19-05-2003, 05:21 PM
رواية ....انا معاك بالمدينة الجامعية...و بكرة فاضي و بعده و و يوم الخميس بعد اخر امتحان و باقي الوقت فاضي ;-)
ديابلوس
19-05-2003, 05:40 PM
لحظة لحظة.. انا بعد :D
رواية.. الشهر الياي .. شرايك؟؟؟ :D
بتمرمر عليك و بنتلاقى انا و انت و ريكس و فلاش في مكان واحد..
شرايكم :أفكر:
قول هيه :" :D :" :D :"
Rewayah
19-05-2003, 06:40 PM
الرسالة الأصلية كتبت بواسطة ديابلوس
قول هيه :" :D :" :D :"
بشوف! :D ههههههه
الزين كله
19-05-2003, 08:03 PM
الرسالة الأصلية كتبت بواسطة shaheen
>_<
لو ادري كان أكلت الزبدة من غير ماتدري بس.... ماقدرت !!>_<
هههههههههههههههههههههه
ماخليت شئ ما قلته يا جيم... مع انك مخربط في التواقيت
اول مامشينا شفت زميلي في المهنة المدرس الفنان موسى الدمستاني... كان يرسم صور شخصية للمارة.. كان يرسم صورة طفلة بالباستيل (تذكرت مادوكا .. تموت على الباستيل والخشب)!!
هههههههههههههههه بس الأخ كل ما اطلب له شئ يقول مايبي.. اليوم الاول رحنا مطعمين ههههههههههههه صرت منترستينغ minteresting والأخ قاعد يحرني بالشغلات الحلوة اللي يايبها للعرض فقط >_<
وجبل من الاسكتشات هههههههههههههههههههههههه هذي نقطة في بحر.. مع انك ماشفتهم كلهم ههههههههههههههه خلص الوقت على المطالعة ... ولما نتمشى من مكان الى مكان الأخ يحط المايك ويشغل السيدي بلاير ويقول لي انا اسمع اغنية زينوغير ههههههههههه
هذا جزء من المقابلة... بس جيم طلع طيب ومتواضع ويموت في الحش عن الجاندام وبارع في تقليد اصوات الانمي... يقص لي المانجا ويمثل ادوارهم ههههههههههههههههههههههه يموّت من الضحك^^
GM Head
19-05-2003, 11:28 PM
الرسالة الأصلية كتبت بواسطة REFLEX
بس متأكد أن جيم شاف شغلات حلوه عنده :6
شفت نقطة من البحر مثل ما قال لي
عيل كل شغله في المنتدى نقطة من ذلك النقطة :0)
sakura wakky
21-05-2003, 12:29 PM
:واو:
صج تقابلتوا يا أودين :واو:
ما شالله عليكم يا الصبيان حق المقابلات زاهبين :"
أنا للأسف ما قابلت و لا وحدة من أعضاء المنتدى :"
بس أنا ما أعرف إلا الأعضاء اللي يصيرولي ?:
خالتي الزين كله و خالتي سويت جيرل ( أصغر مني ما تستاهل ينقالها خالتي :6 )
و أختي مانجا كوين ?:
واااااااااااااااااااااااااااااااااااااااااااااااا:"
ما أعرف أحد من المنتدى :":
ما شالله عليكم ما قدرت ألحق على اللقاءات كلها بس اللي انتبهت عليه
لووووووووووووووووووووووول
أخ أودين حرام عليك بو لبن خليته XXXXXXXXXXXXXL ما أدري أنت جم وحدة حاط لا و مندمج بالدور و يوصف الأحجام هههههههههههه
يحليلك
بس إن شالله أتعرف على وحدة من المنتدى و أقولكم شنو صار من لقائي معاها
سي يو ;-)
احم .. وينك يا توووويا من زمان .. هذولي الناس الي يقدرون الرشاقه :cool:
سمعتي يا كيتي :أفكر: ؟!!!
بس والله زين .. توقعت اننا اول ناس نتقابل من اعضاء منتدى الرسم . طلع فيه قبلنا :)
رواية /
والله وانا كذلك :) لازم تزورنا للدمام عشان نشوفك . او اذا جيت انا عندكم للامارات :)
....
اما عن شكلي اسألوا الي قابلتهم .. ما اعرف انا :6
wildkitty
23-05-2003, 12:24 AM
9احم .. وينك يا توووويا من زمان .. هذولي الناس الي يقدرون الرشاقه
سمعتي يا كيتي ؟!!!
:أفكر:
اي اي يسير خير
ليس كل مايتمنا المرء يدركه تمشي الرياح بما لا تشتهي السفن
sweet girl
23-05-2003, 04:37 PM
:واو: تقابلتوا؟؟؟؟؟؟؟
ونــــــــــــــــــــــــــــــــــــــــــــــــــــااااااااااااااااااااااســــــــــــــــــــــة :" حظكم حظهم الشباب متى ما يبون يتقابلون يقدرون:غضب: مصيبة خلني احسدهم شوي :D علشان تخف مقابلاتهم
حلو كل قصصكم عن المقابلات
انا ما اشوف الا كوين وساكورا والاقتباس كلة قصدي الزين كلة
:"
بس انشالله اشوف وحدة من اعضاء المنتدى:o
now good luck
wildkitty
24-05-2003, 03:46 PM
sweet girl انتي من وين ؟ ;)
White Moon
24-05-2003, 11:37 PM
الشعب طايحين مقابلات وش السالفه :واو:
انا ما قابلت الا واحد من المنتدى ولا بالغلط ماكنت اتوقع اني اقابله وهو
معي في الجامعه وتوني ادري وهو رانما ساوتومي ...
واما ابو لبن هو اللي علمني على هالمنتدى وهو خوي من زمان :)
اوه بعدين لاتنسى يا ابو لبن بكرا الوعد وعساك صلحت جوالك ولا بأقتلك
اوكي ;-) ...............
Miss_kimino
25-05-2003, 11:56 AM
تموت من الضحك مقابلاتكم ...
انا تقابلت مع MeMe ChaN بس كنت واييييييييييد:#
معاية في نفس الجامعة ولا شفنا بعض هههههههههه
بليز MeMe ChaN عشاني لا تقولين شو صار!!!!! فضيحة
يلا بنات .. وينكم ..يلا نتقابل عشان نقهر الشباب ..;-) :0)
Ranma Saotome
25-05-2003, 12:01 PM
اييييييييييييه صح
في اشاعات مس كيمينو ان انتي وميمي تشان تقابلتوا..
عيل صج :0) حلو حلو..
يلا يلا نبي التفاصيل.. ماراح نقبل الا بالتافاصيل :غضب: ههههههه
الكل تكلم عن مقابلاته.. يلا الحين دوركم ;)
شسويتوا.. عن شنو تكلمتوا.. نبي نعرف كل شي :D
ولا شرايكم يا اعضاء؟ ":"
sakura wakky
25-05-2003, 12:11 PM
إي إي
يالله نبي نعرف شنو صار مع باجي الأعضاء:0)
Bu Laban
25-05-2003, 12:41 PM
:0) ...
أجل تقابلتوا يا ميس كيمينو و ميمي شان :D ... نبي نعرف الفضايح زي ما انفضحنا من قبل :" ( XXXXXXXXL ) لوووووووووووول :D ... بس لا تخافون .. محنا سائلينكم شلون كانت أشكالكم :0)
بس نبي نشوف شلون كان الموقف و شنو اللي صار :)
Flashanime
28-05-2003, 08:18 AM
مفاجاءة غير متوقعة ...
قمت بتغير تخصصي في الجامعة الى كلية الفنون...ثم علمت ان اميمنم بالشارقة و انه سيدرس بهذه الكلية ايضا ^ ^
صراحة تفاجائت جدا فلم اكن اتوقع ذلك ابدا ....
من يوجد ايضا قريب و نحن لا نعلم عنه؟
الرجاء ذكر المنطقة التي تعيشون فيها او التي تتواجدون فيها فربما يكتشف ايا منا انه قرب الاخر كما تفاجاءت انا مرارا بعدد من الاعضاء
و على فكرة ادري اني تكلمت متاخر و لكن رايح اليوم ماتركس ريلوديد بدبي سيني ستار...من رايح بعد؟ :0)
Miss_kimino
30-05-2003, 02:14 AM
ممممممممممممممممممممممممممم أوكي
بقول شو صار بس مي مي ما تدري إني بقول التفاصيل:أفكر:
المهم .. اول شي .. انا و ميمي إتفقنا قبل بيوم إنا نتقابل في مكتبة الجامعة الساعة 12 و نص;)
انا ابصراحة نسييييييييييييييييت لاني كنت مشغولة وااااااايد ...
كان عندي شغل في المكتبة .. ( ادرس بنات جدد في الجامعة ) و صارت لي مشكله مع المسؤولة .. فأنا عصبت منها و طلعت ..
بس و أنا طالعة من عند المسؤولة .. شفت في ويهي بنت عمي ( أميش جان) و هي تمشي معصبة .. و تقول .. افففففففففف حشروووني يبون يشوفونج ( و يقولولي نبى نشوف مس كيمينو نبى نشوف مس كيمينو !!! )
أنا يوم قالتي لي بنت عمي هالكلام .. اتذكرت إني بشوف مي مي اليوم .. هههههههههههههههه .. والله تفاجأت و صار ويهي :# :# :# لاني ما كنت متوقعه اشوفهم في ويهي على طول بعد ما طلعت من المسؤولة و انا في حالت غضب ..:غضب: من المسؤولة ..
المهم .. تميت أغطي ويهي بالأوراق إلي في إيدي من كثر ما انا و أضحككككككككككك ...
و مي مي تضحك بعد ههههههههههههه .. المهم .. قعت اشكيلها حالي :( و اقولها مشكلتي مع المسؤولة ..
بعدين قعدنا نتكلم عن المنتدى ..بس ما كملنا خمس دقايق .. و كل واحد سار في حال سبيله :6 و طول هالوقت كنا واقفين .. ههههههههه
هذي كانت مقابلتي مع ميمي لووووووول .. :0)
orange road
30-05-2003, 08:22 AM
حلو مس كيمونو ^^
بس توقعت المقابلة اطول من جذي..
هههههههههههههههههههههه
معليش.. اليايات اكثر من الرايحات انشاءالله
انزين..
وايت موون..
انت قابلت رانما بالصدفة في الجامعة ^^
قول لنا شلون عرفت انه هو رانما اللي في المنتدى؟؟؟
نبي التفاصيل :o
Flashanime
30-05-2003, 02:03 PM
مفاجاة اخرى جديدة...
قابلت يوم الاربعاء الماضي العضو النادر ..Heart hunter
:D
كانت مقابلة سريعة لانها تمت بغير تخطيط و ايضا لانه كلانا مشغول هو بالامتحانات و انا كان علي موعد ....
اول شيء كنت اكلمه بالمسنجر عرف اني رايح دبي عشان موعد مقابلة عمل و اعطاني رقمه...
وصلت دبي و لقيت لدي وقت فراغ كبير نسبيا قبل المقابلة..فقمت اتصلت فيه ^ ^
هههههههههه
احلى شيء لما تقابلنا...وصفلي نفسه...من الوصف شفت واحد يشبه قمت نطيت عليه ..بس هو لحقني بتلفون في الوقت المناسب و قالي وصلت؟...الحمد لله اتصل فيني قبل ما ارتكب جريمة في هذاك الرجال المسكين ...بس طبعا الرجال كان مصدوم شوي و انا محرج كثير
قالي انه قدام البوابة الفلانية ..رحت عند البوابة و و قعدت ادور عليه..اتصل فيني مرة ثانية و سالني وين انا قلتله جنب البوابة ...قام ضحك قال شفتك...
:!
انا انصدمت مو شايف حد...وينه..و قمت ادور ..هو يقولي طالع وراك انا اطالع الجهه الثانية... الا فجا القاه قدامي :D
ههههههه من وين طلعت من غير ما اشوفك...
و اعتذرت له لاني وصلت متاخر لاني كنت مشغول شوي قبل لا اجيله بشيء مهم جدا ( البنت الي كنت اطاردها كانت تحفة :6 )
المهم سلمت عليه ...حاولت اتكلم معه شوي عن المنتدى ..بس لانه زياراته قلت جدا للمنتدى مثل ما انتوا ملاحظين ...صرت كل ما اذكرله اسم واحد يقولي ما اعرفه ..قلت يلا خلص خلنا من هاي الموضوع وريني رسومك
و داني عند سيارته و كانت مليانه دفاتر رسم
هو معجب كبير بقوم الهيب هوب و الراب... من ملابسة اول ما شفته و من
رسومة
طبعا ما يرسم اينيمي...يرسم بطريقة كرتونية funk و عبط هههههههه اعتقد الاعضاء القدامة شافوا بعض رسومه
بس فعلا في رسوم عجبتني كثير..زو خاصتة انه بداء يظهر عليه لمسات احترافية غي بعض الرسوم و الشخصيات
جاء دوري عشان ارسمله شيء ...ما اعرف كيف امسك القلم...ما ادري ليش بس ما قدرت ارسم له...حاولت جاهدا اني ارسم بس ما قدرت..شفتوا كيف في الحلم يوم يجيكم الوحش و تحاولوا تهربوا بس ما تقدروا تركضوا :D
المهم جاء وقتي و استاذنت منه...و ذكرني اني اكتب عن اللقاء في المنتدى
شخصيته طيبة و هادئة و حجمه متوسط عادي و متاكد اذا شفته في ظروف ثانية بكون اللقاء افضل لانه باين عليه شخص ممتع ^ ^
sakura wakky
31-05-2003, 09:52 AM
واو ميس كيمينو و أخيرا :D
حلو اللقاء اللي صار بينكم مع إنه قصير بس يالله ما يخالف أهم شي إنج قابلتيها :-)
و فلاش أنمي :واو:
أنت تقريبا التقيت بأعضاء أكثر من غيرك هههههههههههه حلو الموقف اللي صار لك إنت و هارت هونتر
إن شالله تشوفه يوم ثاني و تقعد معاه أكثر
أنا لو أقدر ألتقي بوحدة من المنتدى :"
بس للأسف ما في :":
Heart Hunter
31-05-2003, 10:41 AM
السلام عليكم.......:cool:
hi evry bodyyyyy....
...............................................
كيف حالكم....اللقاء اللي صار بيني و بين فلاش انيمي .....كان هادئ
و حلوو...طبعااا فلاش قالكم كل شي بالتفصيل ..و اناا اشكره على اللقاء
الطيب اللي صار بينا ...حبيت اسلوبه في الرسم ;-) ..طبعا هو يرسم انيمي....بس احلى موقف صار...اني مسكته قبل يشوفني...تميت اقووله انا هني انا هني... وهو يقووول وين...وانا اضحك في داخلي:0) طبعا فرحان...المهم كان لقاء طيب واتمنى التقي فيه انوذر تايم .لان الحين عندي امتحانات (ثانويه عامه):" و هذا عذري...بسبب اختفائ طول هاي المده sorry:"
ادعوولي بالنجاح....اخوكم هارت هانتر":"
sakura wakky
31-05-2003, 11:54 AM
شلونك أخوي هونتر :واو:
و أخيرا ما بغينا نشوفك
كلش ما قمت تدخل المنتدى
بس معذور أخوي امتحانات الله يعينا عليهم :"
بعد الامتحانات أبيك تدخل المنتدى و تشارك بعد أوكي ;-)
سي يو ;-)
Ranma Saotome
31-05-2003, 05:12 PM
هاااالووووو
هعهعهع مقابلات حلوه.. ههههههه ضحكني فلاش انيمي..
اورنج رود مقابلتي مع وايت مون كانت جذيه:
انا بعد الدوام كنت رايح باسكن روبنز :p اشتري ميلك شيك شولكت كبير وفل ابشن (لازم هعهعهع)
المهم.. الا يتصل لي بولبن قلت له وينك؟ قال انه في مجمع الراشد بيتغدا ومعاه وايت مون.. قلت له اوكي حلو حلو انا الحين جاي عندكم.. طبعا خليت باسكن يوللي ورحت عندهم..
قال لي بولبن احنا جدام المطعم الفلاني.. رحت شفت لولبن و كان معاه العضو وايت مون.. سلمنا على بعض.. كل واحد طلب من مطعم غير :p ههههه انا من هارديز.. بولبن من tekka و وايت مون ماذكر من وين!
قعدنا.. اكثر شي سولفنا فيه عن الانيمي.. و وايت مون شاف الكثير من الانيمي وكان النقاش معاه ممتع..
كنا عاد ذاك اليوم وايد تعبانين فبعد ماسولفنا كل واحد راح في حال سبيله او الاصح... راح السرير :D
ههههه مع ان احنا في نفس الجامعه لكن ماشفت وايت مون مره ثانيه
Ranma Saotome
31-05-2003, 05:19 PM
ماكلمتكم عن شلون عرفت بو لبن..
هههههههههههههههههه صراحه اعتبرها احلى مقابلة..
اسمعوا القصه هعهعهعهعهعهعهعهعهع..
كان كأن يوم الثلاثاء.. وقت التسجيل المبكر في الجامعه للفصل الجاي والصيفي..
عاد التسجيل يتم عن طريق اجهزة الكمبيوتر.. وفي هالوقت يكون ازدحام شدييييييد في مختبرات الكمبيوتر الواحد مايلقى مكان يقعد فيه لازم ينتظر لين غيره يخلص.. ومن الضغط على السيرفر معظم المرات ماتفتح الصفحات..
عاد انا كنت ادور بين الكمبيوترات انتظر واحد يخلص عشان اجلس مكانه.. وانا ادور ادور ادور ادور ادور.. الا لمحت واحد داخل المنتدى :واو: ولا بعد اول شي شفته كان توقيع حبيب الشعب سبيس كاوبوي :!
قلت اوه هذي داخل على منتدانا.. منتدى الرسم بعد.. من هذي من هذي!! يمكن بو لبن؟؟ لأن يقول انه في جامعة الملك فهد مثلي :أفكر:
قلت اوكي بنتظر لين المح نك نيمه... ضغط على "اضافة رد" الا النك نيم:
Bu Laban :! اووووه بولبن..
عاد انا: كحح كح.. السلام عليكم (شوفوا الادب).. هو :! (شيبي ذيه) عليكم السلام
انا: انت مشترك في المنتدى؟ (سؤال غبي).. هو: ايه (شيبي ذيه×2)
انا: بولبن (طقن).. هو: ايه (شيبي ذيييه ×3)
انا: انا رانما ساوتومي :# (ههههه شوفوا يحليلي).. هو: اووووه راانما (و قلّد حركة صورتي الشخصية) :p
اخبارك شلونك مادري شنو.. قعدنا نسولف واخذ رقمي واخذت رقمه.. بعدها على طول لقيت كمبيوتر فاضي ورحت جلست عليه..
اليوم الثاني شفت بالصدفه في الجامعه وتواعدنا وبدت بعدين المقابلات معاه وصرنا زيّ السمن عالبطيخ :D
Neo Cid
31-05-2003, 07:10 PM
الله يخلي كل الربع لبعض ..
انا قريت قصة فلاش انمي مع هارت هونتر ..
و ميس كومينو مع ميمي جان ..
و الحين .. رانما مع بولبن ..
هههههههههههههههههههههه ..
سالفة رانما تقريبا بالضبط نفس سالفتي مع Guilty Gear X .. لكن لقائنا كان بانترنت كافية بماليزيا .. :p
:D
هـداف
31-05-2003, 08:33 PM
بمم تتن تح:6
ويني عن هالموضوع...الموضوع هذا شكله انولد في أيام الامتحانات:)
تصدقون.....كنت مادري ان اذا بتقابل مع حبيبي رانما وزيرو وبولوبن والربع كلهم لازم أجيب معاي قلم ودفتر رسم^^... يمكن كنت باخذ كورة:D
المهم
انا الحين جوال بولبن عندي...مادري كنت ذاك اليوم بتصل فيه علشان أجرب وآخذ معاه محادثه قصيرة:) لكن مادري شنو الي منسيني الفكرة هذيO-O
احم.زوالحين نتكلم عن مقابلاتكم^^
بصراحه انا اشوف لو يتقابل أكثر من 3 أعضاء يزيد العبط والضحك والسوالف:D .... وعلشان كذا لازم انا ورانما وزيرو وبولبن وبشوف واحد اسمه بالمنتدى ضارب نيويورك....طيب وايد....يمكن يدخل معانا:D
بس للحين....ماعندي فكرة على المكان الي بتم فيه المقابلة...كان أول بخاطري نتقابل في الكورنيش علشان أركضهم اشوي وألبس كل واحد بدلة رياضه....وبعد مانركض نلعب اشوي كورة بعد مانقسم فريقين:D
بس الحين المشكله الجو حر..انا عن نفسي عندي عادي لكن الشباب اكيد مابيرضون باستثناء رانما ( مكيف ماركة جنرال)...في احتمال كبير نتقابل في السيتي...وانشاءالله بكون موجود في آلي فرانس(أحلى مكان عندي)
أوكي
ننتظر المزيد من المقابلات وشرح ماجرى بالتفصيل الممل:D
قاصف نيويورك
31-05-2003, 10:25 PM
...هلا شباب ...اكيد ما تعرفوني ....يمكن بعضكم يذكرني ...
انا عضو قديم ....دايما ادخل المنتدى ...وبس اشوف المواضيع لكن ما ارد
والله الصراحة فكرة عجيييييييييييييييبة ان نجتمع ...كلمني شويعر بالموضوع وانا اشتطيت....يالله شباب الدوحة نبي نشوفكم ...
...range road و fatoom و شويعر و xero وانا و رانما و يقولون بولبن بيزورنا يعني يمهة حلوه ...اوووووه نسيت ...فطوم واورانج رود بنات :p
خربتوني شباب ..انا انسان مطوع وخايف ربي ..:6
...بنبدا نرتب حق اللقاء ...بس انا عندي امتحانات الحين ...اول ما اخلص يصير خير
سلاااام
White Moon
01-06-2003, 01:08 AM
هـــــــــــــــــــــــــــــــــــــــــــــــــــــــــــــــــاي :)
شكل orange road حاقده علي لأني مارديت عليها بدري (Iam Sorry :# )
كان عندي اختبارات فاأنشغلت شوي :أفكر: .......
اما عن قصتي مع رانما فقال لكم رانما جزء منه والجزء المفقود بأقوله انا :D
المهم كنت تعبان بقوه ذاك دوامي من الساعه 8 الصبح الى 3 العصر ويوم
طلعت من الجامعه العصر بأروح البيت لأني ماأشوف الارض من النوم والتعب ?:
الا دق علي ابو لبن يقولي تعال تغدى معاي حاولت اهرب يسار يمين ماقدرت
قل يله خربانه لعيون ابو لبن اتغدى معاه وتواعدنا بمجمع الراشد ....
قابلته بعد ربع ساعه وقعدت اسولف معاه شوي الا يقول الحين بيجي رانما :واو:
قلت والله فرصه سعيده نتعرف على احد الاعضاء وخاصه رانما ;) ..
وشوي الا جاء رانما وتعرفنا على بعض وباقي القصه تعرفونها ...
وعلى فكره انا تغديت من كانتون :p
بــــــــــــــــــــــــــــــــــــــــــــــاي ;)
Touya
01-06-2003, 05:29 AM
شووووووو؟؟ نسيتوني ياربع الدوحة؟
بو لبن... جاك العلم.. وين ماتروح... رجلي على رجلك.... هو... تخوني أخرتها وتقابل اعضاء من وراي؟:غضب:
شوو؟ اشوف رؤوساً قد اينعت وحان وقت الكتكات؟:D
هـداف
01-06-2003, 08:20 AM
شووووووو؟؟ نسيتوني ياربع الدوحة؟
ولا تزعل ياحبيبنا تويا....اصلا مادري اشلون نسيت اسمك:)
يله بجهز أسئلتي من الحين:D
orange road
02-06-2003, 12:28 AM
عيل جذي تقابلتوا رانما وابو لبن ووايت مون ^^
حلوة الطريقة...
مسوي نفسي اول مرة جفت فطوم وهي ترسم على طول نقزت في ويهها واقول لها انتي رفيجة نيكي اللي كله يتكلمون لي عنها... :D
وهي تجوفني ومب عارفة شسالفة...
عيل بتتاقبلون في الدوحة؟؟؟
في السيتي؟؟؟
انشاءالله يحترق المكان وما يدخلونكم والا يكون يوم عائلات وما تقدرون تدخلون السيتي :6
والا اقول لكم.. باحجز السيتي يومها كله لي ومب مدخلتكم :D
sakura wakky
02-06-2003, 09:17 AM
مقابلاتكم تونس ^^
أنتوا محظوظين :"
جذي عيل تقابل رانما و بو لبن و وايت مون :0)
بس تصدق رانما أنا مت من الضحك على مقابلتك مع بو لبن تونس و تضحك ما توقعت إنك تقابلت معاه بالطريقة هذي ^^
و خلود إنت ليش جذي تبين تخربين عليهم خليهم يستانسون
مو مثلنا :"
Bu Laban
02-06-2003, 11:18 AM
الرسالة الأصلية كتبت بواسطة sha3er
بمم تتن تح:6
ويني عن هالموضوع...الموضوع هذا شكله انولد في أيام الامتحانات:)
تصدقون.....كنت مادري ان اذا بتقابل مع حبيبي رانما وزيرو وبولوبن والربع كلهم لازم أجيب معاي قلم ودفتر رسم^^... يمكن كنت باخذ كورة:D
المهم
انا الحين جوال بولبن عندي...مادري كنت ذاك اليوم بتصل فيه علشان أجرب وآخذ معاه محادثه قصيرة:) لكن مادري شنو الي منسيني الفكرة هذيO-O
احم.زوالحين نتكلم عن مقابلاتكم^^
بصراحه انا اشوف لو يتقابل أكثر من 3 أعضاء يزيد العبط والضحك والسوالف:D .... وعلشان كذا لازم انا ورانما وزيرو وبولبن وبشوف واحد اسمه بالمنتدى ضارب نيويورك....طيب وايد....يمكن يدخل معانا:D
بس للحين....ماعندي فكرة على المكان الي بتم فيه المقابلة...كان أول بخاطري نتقابل في الكورنيش علشان أركضهم اشوي وألبس كل واحد بدلة رياضه....وبعد مانركض نلعب اشوي كورة بعد مانقسم فريقين:D
بس الحين المشكله الجو حر..انا عن نفسي عندي عادي لكن الشباب اكيد مابيرضون باستثناء رانما ( مكيف ماركة جنرال)...في احتمال كبير نتقابل في السيتي...وانشاءالله بكون موجود في آلي فرانس(أحلى مكان عندي)
أوكي
ننتظر المزيد من المقابلات وشرح ماجرى بالتفصيل الممل:D
أنا واحد ما أتحمل الركض بصراحة :" ... أما رانما مع المكيف ^^
عيل بتتاقبلون في الدوحة؟؟؟
في السيتي؟؟؟
انشاءالله يحترق المكان وما يدخلونكم والا يكون يوم عائلات وما تقدرون تدخلون السيتي
والا اقول لكم.. باحجز السيتي يومها كله لي ومب مدخلتكم
ليش الحقد هذا :D
انتوا لو كنتوا عيال كان قلنا لكم تفضلوا :p
Touya
02-06-2003, 12:43 PM
اقول واذا احترق السيتي سنتر عادي... نروع نلعب بلايستيشن:6
هـداف
02-06-2003, 10:39 PM
اقول واذا احترق السيتي سنتر عادي... نروع نلعب بلايستيشن
اشرايكم الاند مارك...نمر السينما ولا شي:) .... وأحسن شي ان الاند مارك قريب من بيتنا...يعني أقدر أروح بالسيارة بدون ليسنO_o
نبيكم تحددون المكان من الحين شباب اليمعه;)
الرسالة الأصلية كتبت بواسطة orange road
عيل بتتاقبلون في الدوحة؟؟؟
في السيتي؟؟؟
انشاءالله يحترق المكان وما يدخلونكم والا يكون يوم عائلات وما تقدرون تدخلون السيتي :6
والا اقول لكم.. باحجز السيتي يومها كله لي ومب مدخلتكم :D
كخخخخخخخخخخخخخخخخخخخخ=^.^=
اكره اخرب عليج المفاجأة اخت خلود لكن انا بإمكاني ادخلهم حتى لو كان يوم مخصص للحريم بعد هههههه لأني شغال بهيئة السياحة لأنه المهرجان قادم :أفكر: ودوامي الليلي بيكون بالستي (انشالله) .......(لازم اطالب المدير براتب مضاعف :غضب: .....دوام مكتبي بالنهار ودوام ليلي بالسيتي ههههه )
Touya
04-06-2003, 12:01 PM
تدرون... خاونا نحل مشكلة العشاء العويصة. اول...
أسئلوا رانما عن جلسات اتخاذ القرار اللي نسويها عشان نطلع نتعشى.. مادري شو في العالم تخيرني دايم اني اختار محل العشا:":
أنا دايم عندي اجابة وحدة.... كودو:6
الخطاف
05-06-2003, 02:32 PM
السلام...الموضوع زاد حماسة....
بس برد....
زيرو أبدعت .... ردك قوي على خلود.... عندك إياها...هههههه
خلود لتزعلين... أتغشمر....^^
على العموم ...
هذا دور رانما على ما أعتقد ...
عيل باسأل .....
بسم الله....
شسمك؟
هذا الأول والثاني...
2- شنو الشي تتميز فيه عن غيرك؟
3- كل واحد عنده إلا أنت؟
3- شنو النيك نيم إلي بتختارة لو حصلت على فرصة غير رانما؟
4- عطني نصيحة خاصة لي... ووحدة للأعضاء ووحدة للمنتدى كامل.
5- أحسن شخصية أنيمي غير الآليين....؟
6- شبيكون موقفك لو أصبحت (مراقب)؟
7- فش أي شي لا أحد يستطيع منافستك فية؟
8- مذا ستفعل لو كل الأعضاء رسموا قصص كاريكاتيرية عليك وعرضوهم في يوم واحد؟
9- في سؤال توقعتة وما أنسئلته؟ جاوبة بعد؟
أوكي
سي يو....
Ranma Saotome
05-06-2003, 03:25 PM
احم..
اخبارك اخوي الخطاف..
المفروض عالاسئلة تكتبها في موضوع "عضو في غرفة التحقيق" مال ميمي تشان..
مو مشكله.. راح تشوف اجاباتي هناك :)
هـداف
05-06-2003, 04:11 PM
مشكلة العشا قلت حق رانما الجواب^^
العشا بيكون على الكبار....يعني انا وكودو ماراح نطلع من جيبنا شي:6
سمعتوا:D
Bu Laban
09-06-2003, 10:58 AM
أشوف الناس اتفقوا من وراي :" ..
بالنسبة للعشا انا ما تفرق معي .. اهم شي يكون اللبن متوفر في ذاك المطعم و بس :D
أما بالنسبة للرحلة ف انشالله بنعطيكم خبر عبر المسينجير :)
تحياتي :)
Flashanime
11-06-2003, 12:21 AM
هههههههههههههههههههههههههههه:D
CUTE NURIKO
11-06-2003, 07:02 AM
هههههههههههههههههههههههههههههههههههههههههه
:D هذا الخطاف مضيع ههههههههههههههههه :p
الخطاف
11-06-2003, 01:17 PM
فلالالالالالالالالالالالالالاش:غضب:
:غضب:
أنا راح أوريك....:غضب:
راح تندم يا فلاش:غضب:
أنا قلت إني بابتدي فيك:غضب:
بس سويتها فيني:غضب:
واااااااااا:غضب:
معليش الأيام من بينى يا فلاش...:غضب:
بس عجبتني الحركة:D
اوف النت من زمان عنه :6
المهم يا اهل الامارات .. احتمال نزوركم بعد كم شهر بالعطله الصيفيه .. عاد ابي السجاد الاحمر من أول ما اعدي حدود السعوديه :o
orange road
12-06-2003, 06:37 PM
مت من الضحك وانا اجوف الخطاف مضيع في الموضوع...
ولا رسمة فلاش انيمي.. ههههههههههههههههههههههههه
-][HaNa Sun][-
17-06-2003, 08:58 AM
موضوع رهيب و غريب:0) تسلم على هذا الموضوع أودين:-)
ماشالله لقاءات صارت برع المنتدى:واو: ..صراحه مقابلاتكم كأنها مقابلات أنيمي:0) إسموحولي وحده متأثره بالانيمي شوي:o
و عنا نحنا فإنشاالله على السنه اليديده بنقابل شادو كات:6
و لو أتكلم عن مقابلاتي مع سارا ساما ما بخلص ..أسبوعيا" تقريبا":D خارج الجامعه طبعا":o في بيتنا:6 ..و مي مي جان مرتين قابلتها خارج الجامعه :6 مره في بيتنا ومره في بيت سارا ساما:0) كانت أيام رهيبه:" إنشالله بتنعاد:p
Bu Laban
17-06-2003, 09:09 AM
انتباه الى جميع أهل قطر .. انشالله انتو على موعد معي في أحد هذين اليومين :
الخميس هذا أو السبت القادم .. فأريد استقبالا حارا يا شاعر و يا زيرو أوكي :D .. و لا أنسى طبعا قاصف نيويورك :6
هـداف
24-06-2003, 12:54 AM
هلا بالجميع:)
أخيرا تحقق المرجو منه....وتقابلنا أخيرا^^
زيرو وبولبن ورانما وانا;)
بصراحه...فاتكم...انا ماتوقعت يكونون جيه بهذا العبط والمرح ... يعني الي يقعد معاهم لازم يضحك:-)
بس في شي><
في مشكله عويصه جدا:o يعرفها معظم الأعضاء...والي هي اني مسوي عملية للأنف!!،(الله يسلمكم :D ) كان كسر اثر حادث بسيط ... المهم اني ماكنت أتوقع تكون المقابله في هذا الوقت والأكثر من ذلك اني ماتوقعت يحطون جبس:" ... المهم
انا خربت اليمعه كلها،كنت طول الوقت ساكت،جني بدنيا وهم يمرحون في دنيا ثانيه:( ... حتى الكلام مااقدر اتكلم نفس الناس، الحمدلله...الشباب حسوا بشعوري وانا قاعد ساكت...يعني صج كئابه انا:( حتى تعبير مااقدر احرك تعابير ويهي ... حتى الضحكه مااقدر...مااقدر ابطل حلجي عدل بسبة الجبس اللعين:o
بس صراحه شي حلو...يعني انا نفسي ماصدق^^ انشاءالله نتجمع بعد اسبوع(بعد مااشيل الجبس انشاءالله) وبتكلم على راحتي وبضحك على راحتي^^
والحين بقول لكم شنو صار بالتفصيل...اذا نسيت بعض الأشياء سامحوني;-)
__________________
في الساعه الثالثه الرابعه عصرا تقريبا اتصلت في رانما على الجوال علشان اعرف منه الاخبار...وقالي ان كل شي ماشي حسب الأصول المهم
احنا كنا متواعدين في الأصل في الاند مارك في ستار باكس،لكن المشكله الجبس خرب علي فقررنا تكون المقابله في بيتنا...
كنت انا قاعد اطالع ردود هارد روك في موضوع العصابات وفجأة تذكرت السالفه...قمت توني رايح ابي البس اثيابي...فجأة ترررررررررن....صوت جرس...كح كح
انا شكلي بطول اذا بتكلم في التفاصيل كذا ?: ...بختصر
شافوا بولبن ورانما رسماتي وشافوا الرسمات الي كنت بحطهم في المنتدى ...وبعدين تواعدنا مع زيرو في الكورنيش
وصلنا الكورنيش تكلمنا اشوي عن المنتدى وعن الأنيمي(لاتتخيلون شكلي مع الجبس :أفكر: )...بعدين اتصل زيرو ورانما ماقصر دله على المكان...وبعد ماوصل زيرو بدأ المرح يزيد وانا ساكت جني بليد?: ...زيرو له خلفية كبيرة ماشاءالله في عالم الأنيمي...فعلا كلامه يشد الواحد للاستماع :) ... وغير العبط الزايد..والله اشيا صارت تضحك وكان خاطري اضحك بس بس:"
بعطيكم اختصار شديد عن الي تكلمنا عنه...الأنيمي وأغاني الأنيمي وقصص جان دام واشوي في الجوالات وتكلمنا بعد عن كيفية صنع النيمي وكم صورة في الثانيه(هاي السؤال كان محيرني،كان خاطري اتعمق فيه أكثر)...وبعدين قبل لا يروح كل واحد لحال سبيله...كل مانسلم على بعض تشدنا السوالف،ونسلم مره ثانيه بعدين نرجع نتكلم :D لين ماسلمنا على بعض وراح زيرو بسياراته وانا ورانما وبولبن في سيارة;)
بصراحه في تفاصيل مضحكه بكتبها بعدين...احس طولت عليكم...
اخلكم الحين
سلام;-)
sakura wakky
24-06-2003, 10:59 AM
وااااااااااااااااااااو:واو:
أخيرا تقابلتوا ...
وناسة المقابلة شكلها تونس أتمنى تذكرلنا التفاصيل الثانية :"
بس تصدق شاعر أنت كسرت خاطري :":
ما قدرت تتكلم ولا شي ....بس ما عليه المرة الياية ان شالله تقدر تسوي اللي بخاطرك تسوي:0)
و ان شالله ترد لك عافيتك و تشيل الجبس ...^^
سي يو ;-)
orange road
24-06-2003, 12:05 PM
حلوة مقابلتكم شاعر ^^
ما قلتوا لي من قبل تاريخ المقابلة علشان اخرب عليكم :غضب:
بس لازم تكتب لنا التفاصيل المضحكة اللي قلت عنها ^^ نبي نقراها
هـداف
24-06-2003, 07:49 PM
انشاءالله انا بذكر التفاصيل لكم والاشياء المضحكه
بس بعدين انشاءالله.علشان انا مجهز رسمتين على مكان القعدة والطريقة
انتظروني قريبا جدا انشاءالله:D
-][HaNa Sun][-
24-06-2003, 07:59 PM
وأنا كنت أقول وين بولبن و رانما و زيرو كل هالفتره عن المنتدى تراكم كنتوا مشغولين عشان المقابله:0) و الله أكييد كانت مقابله حلوه..نبا تفاصيل اكثر:)
المهم..
أنا بعد قابلت شادو كات لأول مره بالامس في بيت سارا ساما:0) كانت مقابله حلوه....سولفنا عن أيام المدارس ..و عن مدرسات العربي و كيف كنا نعاني منهم...بعدين يلست أشوف رسوماتها اللي كانت في الفايل ..ماشاالله عليها واايد رسمها روعه و وضعياتها رهيبه ... قلتلها ليش ماتعرضينهم في المنتدى..قالت بتسوي بعض التعديلات عليهم ,,,بعدين إنضمت ويانا مي مي جان و حلوت اليلسه أكثر...سولفنا عن المنتدى و عن المواضيع اليديده اللي تم فتحها و شادو كات و مي مي يقولون عن أي موضوع تتكلمون ..مساكين قطعوا عن المنتدى لفتره عشان جيه ما يعرفونهم...بعدين سرت انا و سارا ساما المطبخ نسوي شاي ..طبعا" محد يضبط الشاي والحليب مثل هانا سان..آخر شي دخلنا على المنتدى و شفنا المواضيع مع بعض..والله كانت يلسه و مقابله حلوه..و إنشالله تكرر مره ثانيه..
شكلي ثرثرت واايد:0) شو أسوي ما قدرت اسكت....
نتريا نسمع مقابلاتكم الثانيه;-)
هااااي^^
صار لي فترة ما دخلت النت.............دخلت لأنظف ايميلي بس شدني الفضول للموضوع^^
ما قصرت يا شويعر واحنا قدرنا ظروفك.....اجتمعنا بالكورنيش وما شاء الله...اللي زاد وناسة الجلسة الجو الجميل والشباب ما شاء الله عليهم^^
كانت جلسة مليئة بالضحك والعبط والاسئلة الجميلة^^ ورانما وبولبن ما قصروا بالعبط والضحك^^...وانا الغبي اللي نسيت اجيب معي رسومي بس
لو تبغون وصف اكثر دقة لنا...............خلي الباقي على اللي شافونا^^
اتمنى من بو لبن انه يكمل^^
Ranma Saotome
25-06-2003, 08:15 AM
هاااااااالووووووووووووووو
هيهي الحين دوري..
ليش كل هالاختصار شباب..
الله يعينكم علي انا من النوع اللي يذكر التفاصيل الممله..
هانا سن شكلها كانت يمعه وايد حلوه.. اخر وناسه هاه.. شفتوا رسوم و حشيتوا في المنتدى هههههههه و شفتوا ميمي تشان :" اللي مالها حس في المنتدى.. :( الله يكثر من هالمقابلات الطيبه..
اوكي اوكي خلوني ابدا.. من الصفر..
عالساعه 10 ومادري كم دقيقه اتصل فيني بولبن يقول انه وصل.. تقابلت معاه عند مطعم قريب من بيتنا.. قلت له الحقني لين السيتي سنتر نبدا من هناك..
رحنا السيتي سنتر وعلى طول على إلي فرانس لأن بولبن مافطر.. بس عصير و كورسوان شي خفيف وكانت عالساعه 11 كذيه.. واتصلنا في زيرو وقال انا جايكم بعد نص ساعه..
رحنا ميوزك ماستر وهناك كان المفروض نقابل زيرو... دخل واحد ابيض مسوي قفل لا العارض طالع هعهع و بنيته قويه و ممم طوله اقول 175 ولابس كاب عليه X و لابس سديري أسود و بنطلون اسود وكشخه يعني ههههههه ونطالع بعض مثل الميانين وعرفنا ان هذي زيرو..
درنا في المحل واحنا نتكلم عن الاغاني وخاصة الروك منها.. بولبن شرى إنيجما و إيرا 2.. بعدين قعدنا ندوووور في السيتي لين الساعه 1ونص تقريبا قلنا بنروح نتغدا..
انا وبولبن في سيارة و زيرو في سيارته رحنا مطعم ايراني "شبستان"..
كلنا طلبنا كباب سلطاني و طبعا مع الاشياء الجانبيه..
بولبن ماشاالله عليه مسح الصحن.. و أنا ماكملت حتى النص وشبعت :p (كل واحد على حجمه).. و زيرو ما أكل وايد لأن كان وراه تدريب.. سولفنا هناك عن أشياء وايد بس الحديث كان مركز على المنتدى..
طلعنا من هناك الساعه 3ونص واصلا تدريب زيرو يبدا 3ونص :p ههههه أخرناه... زيرو راح التمرين وقال بقابلكم لما اخلص تقريبا عالساعه 8..
الحييين وين نروح يابولبن.. قلت له نروح وكالات السيارات (لعبتي) ههههههه..
رحنا أول شي وكالة الفولكس من زمان مارحت لهم وشفت الموديلات اليديده و عورت قلبي :" قعدنا نسألهم عنها وكل شي.. و أخذنا كاتالوج مال سيارة الTouareg الفور وييل والPhaeton الفخمه.. ورحنا الوكالة اللي جنبها وهي..... البورش ":" في نفس الوقت اتصل شاعر يسأل عن الاوضاع ويتأكد ان الموعد مثل ماهو..
دخلنا وكالة البورش....... وياليتنا مادخلنا.. شفنا الفور ويل كايين تععععععععععذب.. أحلى سيارة.. و شفنا الاغراض اللي عندهم الملابس و الموديلز و الشنط وهالاشياء المعروض للبيع.. و ههههههه اللي هناك مايعرف شي عن اسعارهم...
طلعنا من هناك وفي يد بولبن كاتالوج الGT 2 و الCarrera GT.. قلت له نروح الفيراري ":"
قال لااااااااااااااا مابي اعور قلبي اكثر... لكن طبعا رحنا.. وشفنا المودينا لونها عجيييييييييييييييب ومن داخل اللون أعجب.. و المودينا سبايدر و كان في بعد هناك 3 سيارات مازيراتي.. متعنا عيونا وشفنا البدلات اللي للبيع والاغراض الثانيه عندهم اشياء كششششششششششخه لكن غاليه نار نااار..
طلعنا من هنااااك على اللاند مارك (مجمع) و أول شي رحنا ميوزك ماستر انا شريت منوعات من زماان ادورها Metal Massacre انتاج 1983.. و شريت بعد عدنان ولينا كامل على vcd.. عقبها مرينا على محل فيديو جيمز وشفنا آخر الالعاب.. وقعدنا نحوس نحوس و أخذنا لنا ميلك شيك لكن ماضبطوه لي :غضب: لأن حتى هوت فدج ماعندهم ولا مكسرات.. لين خلصنا الميلك شيك صار الوقت الموعوووود..
رحنا بيت شاعر.. كان سهل ان نتعرف عليه.. لــكن، قعدنا نحوس نحوس في مكاننا..المشكله مانعرف اسمه يعني لو ضربنا جرس و رد اخوه شنقول له ?: قعدنا والله 10 دقايق انا و بولبن نحوس مانعرف شنسوي..
لين قلت خلاص ماعلي بتصرف انا.. نزلنا من السياره و ضربنا الجرس.. يانا اخوه الصغير.. (وهــــــــــــــــــــــــــــــــــــــــــــــــــــــــــقـــه)... شنقول له الحين..
أنا: ههه.. اخوك هنيه....؟ هو: أي اخو؟ (لازم يصعب الموقف علينا)
أنا: هاه.... (اطالع بولبن) شقول له... اخوك اللي في ثاني ثانوي.. اللي خشمه مكسور (والله اني طقن).. شاعر...
هو: ايه اخوي فلان. أنا: احم.. ايه ايه اللي هو.
المهم دخلنا المجلس لين يانا شاعر.. مثلي.. ضعيف و نفس طولي فيه سمره و لابس ثوب و كاب.. و كانت معاه رسومه.. وقال بيروح وبيرجع..
قعدنا انا و بولبن نشوف رسومه.. والله عنده رسوم كشششششششخه وضعيات خطيره و حركات وكل شي.. انا وبولبن نشوفهم ونذكر الحلو فيهم والخطأ اللي فيهم.. ليين رجع شاعر قعدنا نسولف شوي عن الرسمات بعدين عطينا الدفتر بولبن ورسم رسمه بسيطه و شاعر بعد.. هههههه و أنا الحمدلله مالي خص :p..
قررنا بعدين نروح الكورنيش لأن مكان هادي مافيه زحمه و ينفع حق القعده والسوالف..
رحنا هناك ومعانا بسطه جلسنا ونسولف.. و يانا زيرو عالساعه 8ونص و بدأت الوناسه.. والله ونااااااااسه عبط على كيفك و ضحححححك.. زيرو ههههههه عليه استعباط عجيب.. ومايحتاج اقول لكم عن بولبن و خفة دمه..
تكلمنا عن الانيمي و هنيه برزت خبرة زيرو و اسلوبه لما يوصف لنا انيمي عجيبه.. بس تصدقون ماسولفنا عن المنتدى وايد هههههه
بس القهر ان على هالجلسه نسينا نجيب معانا دفتر و قلم.. يعني شاعر و بولبن و زيرو موجودين لكن دفتر وقلم مافي ?: و زيرو ماياب دفتره ولا شي :" بذبحه..
بعدين عالساعه 11ونص قررنا نحرّك لأن بولبن لازم وراه طريق بعد.. و كلما سلمنا على بعض هههههه تطلع سالفه.. سولفنا شكثر و احنا واقفين وفي طريقنا لسياراتنا ههههههههه..
و قررنا ان هالمقابلة تتكرر في قريبا ان شاء الله.. و بعد لأن عيسوز رجع الدوحه فخلال اليومين القادمين راح نتقابل انا وهو مع زيرو وشاعر مره ثانيه بإذن الله..
رجّعت شاعر بيته و بولبن سيارته وقلت له لحقني عشان اوصل له لين خط المراكز..
لما وصلنا هنيه جنب المطعم الاول اللي ذكرته ههههههههههه تذكرنا ان ماتعشينا هههههههههههههههههههه من الوناسه و السوالف نسينا بطوننا.. وكان النوم ذابحنا بشكل ماتتصورونه.. دخلنا المطعم وكانت الساعه 12 وربع.. تعشينا.. رجعت البيت وعلى طووول zzzZZZZZzzzzZZZZZzzzzZZZZ
وووو خلص اليوم..
كان يمعه واااااااايد حلوه و اتمنى تتكرر.. و ان شاء الله لما نجتمع انا و عيسوز و زيرو وشاعر راح نقول لكم التفاصيل هنيه :)..
باااااااااااال هعهعهعهعهعهع مالت علي كتبت واااايد... احس ان محد قرا الرد كامل ههههههههههههههههههه.... مو مشكله شسوي انا كله جذيه اكتب بالتفصيل الممل..
اوكيك.. zat's all
bye
sakura wakky
25-06-2003, 08:48 AM
شلونكم يا حلوين :0)
رانما ...
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههه.....
يحليلك ما ترضى إلا بالتفاصيل ..
بس مع إنك كاتب كل التفاصيل قريت كل اللي كتبته ... شكلها كانت أحلى مقابلة مريتوا فيها ...
وناسة :"
حظكم و إن شالله المقابلة الياية تقولنا شنو صار بالتفصيل الممل مثل ما عودتنا;-)
أوكي:0)
سي يو ;-)
هـداف
25-06-2003, 01:37 PM
سلام^^
رانما قال أكثر ال يكنت بقوله:D ..
بذكر بعض المواقف
واحنا قاعدين كانت تمر سيارات قدامنا عند المواقف وكان بعضهم يشغل أغاني انجليزيه ويعلي الصوت،بولبن كان دايما يعلق عليهم:D :D
رانما بعدين كمل عليها:p
________
و قررنا ان هالمقابلة تتكرر في قريبا ان شاء الله.. و بعد لأن عيسوز رجع الدوحه فخلال اليومين القادمين راح نتقابل انا وهو مع زيرو وشاعر مره ثانيه بإذن الله..
رانما،انا جاهز بس خلوها بعد يوم الأحد انشاءالله...اهني انا مرتاح^_^
___________-
شوفوا....انا بالياله رسمت رسمه أمس على شكل خطوط للشخصيات،مادري اشفيني،الظاهر كرتي احترق هالأيام:(
sakura wakky
28-06-2003, 11:12 AM
مسكين شويعر :"
ما قدروا يتكلمون معاك وايد بس أنا متأكدة المرة الياية بتكون أحسن و إن شاالله تقولنا هني بالمنتدى عن المقابلة اليديدة
سي يو ;-)
مشكور رانما ما قصرت على الشرح ولو اننا كلنا اختصرنا اللقاء^^ .......وعلى طاري دفتر الرسم......المرة القادمة سأحسب حسابي واتسلح بالاقلام والدفاتر العابرة للقارات!! :D
وشاعر.........لوووووووووووووووووووووووووووووووووووووووووووووووووووووووووووووووووووووول.......والله ذكرتني بالنخلة الاسفنجية هههههههههههههههه......والله كانت جلسة عبط كخخخخخخخ
باي^^
manga queen
28-06-2003, 11:01 PM
احم احم ..
تست تيست...
السلام عليكم ورحمة الله ..
اليوم السبت الموافق28/6/2003...
قــــــــابلت مادوكــــــــــــا
اول اللقاء..انا اتصلت على مادوكا وحددنا الموعد مع بعض يوم السبت في المسيلة ...بعدها قالت مادوكا انا يمكن ما اقدر اروح..انا احبط (مع ساكورا و سويتي)..بعدين صرنا نحاول معاها ..بعدها خالتي دقت علينا وقالت مافي اليوم مسيلة انا طبعا بدون تعبير بس جذيه:واو: .....هي قرت الخبر في الجريدة..
بعدين انا ركضت على الجريدة وتاكدت خالتي الظاهر من الخرعة قرت الخبر غلط ..هم بس غيرو المواعيد كان ايام الحريم الثلاثة والجمعة ..صار السبت والاثنين والجمعة..انا فرحت مرة ثانية^^..بعدين بشرت مادوكا على التليفون...شان تقول ابوي ما جاب تذاكر انا جذي صار ويهي :! ..
كويني:شنوووووووو..لا مادوكا حاولي بلييييييييييييييييز ما ابي ويهي ينقص جدام الاعضاء..:"
مادوكا:لا لا تخافين ان شاء الله راح اجي ..
كويني:صج:": ..عيل ان شاء الله انا انطرج..
بعد المحادثة......عرفت ان ما يدشون المسيلة الا بتذكرة يشترونها من الجمعية..جان ادق عليها مرة ثانية..
كويني:مادوكااااااااااااااااااا..:" يقولون ما يصير الا بتذاكر من الجمعية..وسمعت ان في تذاكر عند بابا المسيلة..منو اصدق..:"
مادوكا:صج..خلاص اخلي ابوي يشتري التذاكر من الجمعية^^
كوين اوكي انا بعطيج رقم المسيلة وانت تاكدي ودقي علي..
مادوكا:اوكي^^
بعد شوي..
مادوكا:كوين ..محد رد علي
كويني:امممممممممم?: ..في رقم ثاني ..اخذيه وجربي..
مادوكا:اوكي^^
بعد شوي..
مادوكا:كويني انا اتصلت وردو علي ادارة المسيلة بس مالت الشاطىء..مو مالت القرية><
كويني:جان سالتيهم القرية فيها تذاكر ولا لا؟؟...
مادوكا:امممممممممم..><
كويني عطيني الرقم ادق عليهم انا وبعدين اقولج اوكي^^
مادوكا :اوكي باي
بعد محاولتي ..
كويني:مادوكا يقولون في تذاكر ^^
مادوكا:صج اوكي عيل انا راح اروح هناك ^^
كويني :اوكي باي
مادوكا:باي
بعد ما وصلنا المسيلة(مجمع احواض للسباحة)...ودخلنا عند البوابة الداخلية..
ودخلنا وتطشرنا بين الالعاب نلعب بلعبة ونطب بالماي ونسبح بالاحواض وركبنا زلاقية غرندايزر^^..بعدين انا قلت ابي ادق على البيت اتاكد طلعت ولا لا..
اتصلت بتليفون واكي طلعتلي اختها..
كوين:الو ..السلام ..مادوكا هني
اختها:لا طلعت..
كويني:شكثر صارلها؟؟
اختها:تقريبا نص ساعة..
كويني:مشكورة مع السلامة
بعد ما سكرت التليفون سمعت صوت الاذاعة مالت القرية يقولن اسمي ..اول مرة شكيت بنفسي..بعدين سالت جدتي
كويني:جنه نادو اسمي..؟؟!
جدتي:يمكن..
اسمي للمرة الثانية والثالثة..
كويني::! ...هذه اكيييييييييد مادوكا
(اكويني عتفست تلبس العباية والشيلة) وركضة ساكورا ..ساكورا..اناديها في الحوض بن الزحمة..
ما لقيتها طرت حق الادارة..بعدين شفت ساكورا تركض جدامي جان اقولها سمعتي..قالت اي سمعت اسمج..
رحنا عند الباب قالو لنا روحو الادارة ..رحنا الادارة بعدين قالو في وحدة تنطركم عند الباب..واحنا ورايحين عند الباب على الطريج بين الباب والادارة كانت واقفة بنت جان تقولي انت كوين قلت لها اي وقالت اختج ساكورا قلت اي وضحكتي زادت وقالت انتو ثلاثة والثالثة سويتي؟؟ قلت اي ..جان اقولها وانت مادوكا صح؟؟..جان تقول اي ..جان استانس وسلمت عليها ورحنا مع بعض وتحدينا ساكورا وسويتي على انهم يركبون زلاقية غرندايزر(على قولت مادوكا)..جان يركبونها وضحكنا واستانسنا..ومن لعبة لي لعبة ..وبعدين قلنا خنوري بعض رسماتنا انا خذت رسماتي ومادوكا خذت رسماتها ..بعدين وريتها كراستي واستانست على الرسمات..وقبل لا اوريها ملف رسماتي القديمة قلت وريني رسماتج اول(6) ..جان تقول اوكي^^ بعدين ورتني رسماتها ...
كويني::واو: ما شاء الله رسومج تهبل في وايد رسمات مو عارضتهم ..واااااااااااااااااااااااااو رسم مادوكا على الواقع وايد احلى^^
مادوكا:ههههههههههههههه ..مشكورة
كويني:ما شاء الله ..
وانا رسمة ورا رسمة وكل رسمة احلى من الثانية ما شاء الله رسمها طالع احلى من المنتدى ^^احلى بالطبيعة^^
لمن خلصت من رسماتها جان اوريها رسماتي القديمة هي استانست عليهم بس انا مو حابتهم:6 (بلاوي رسماتي يضحكون )
وبعدها تمشينا ورحنا قعدنا على مكان مرتفع (مجسم جبل) وقعدنا نرسم انا وياها جدام بعض وانا شفتها شلون ترسم وهي شافتني شلون ارسم^^(وناسة)
بعدين على الساعة 8..قعدنا نرسم حق بعض ذكرى انا رسمت لها رسمة وهي رسمتلي رسمة ..
وعلى الساعة 9:30..قالو ان يبون يسكرون المسيلة وانا معاها كنا نرسم رسمة مزدوجة ..بعد ما سمعنا الاعلان سرعنا الرسم شوي بعدين خلصناها ..وعطتني اياها علشان اوريكم الرسمة^^
وبعدها اتصلت على ابوها وطلعنا برا وودعتها ..وان شاء الله انقابل بعض مرة ثانية^^
باياتو+سلامي
manga queen
28-06-2003, 11:03 PM
وهذه الذكرى من مادوكا
manga queen
28-06-2003, 11:08 PM
وهذه الرسمة المزدوجة انا ومادوكا^^
shaheen
29-06-2003, 01:50 AM
حلوة قصتج يا كويني ... خوش لقاء.. ان شاء الله يتكرر بعد:)
حلو التعارف وخاصة اذا في موهبة مشتركة...
للاسف انا وقتي مو لي... عندي دوامين >_< صبح وليل
sakura wakky
29-06-2003, 09:21 AM
^^
ههههههههههههههههههه...وناسة أخيرا شفنا مادوكااااااااااااااا...وناسة صح كلام كويني هذا كل اللي صار بس حبيت اضيف شغلات ثانية ...
أحم أحم ...
يوم السبت 28/6/2003 يوم اللقاء الساعة 2:30 الظهر أنا كنت بطريجي للبيت و كنت راكبة باص الجامعة و تذكرت إن اليوم هو يوم لقاءنا بمادوكا و دقيت على بيتنا علشان أتطمن على كل شي
أنا: ألو
كوين: هلا ساكورا
أنا:هلا..أقول كوين ..مادوكا ما دقت عليج ؟؟؟
كوين:لأ ...أنا قاعدة أنطرها تدق..
أنا:من صجج تنطرينها تدق خو دقي أنتي يمكن ناسية تدق ...
كوين أوكي خلاص الحين ادق عليها..
و بعدها خلصت المكالمة و رحت البيت و يوم وصلت كانت أمي مو موجودة
و استفسرت من كوين و سويتي عن موضوع مادوكا قالولي إن ابوها ما يابلها تذاكر ...أنا هني :"
و حاولنا معاها مثل ما قالت مكويني بالضبط ...
و بعد ما وصلنا المسيلة و لعبنا عطيت موبايلي حق كوين علشان إذا دقت مادوكا تكلمها ... و رحت أنا و سويتي و خالتي قاعدين نتسبح...
و بعدها نادتني أمي و تقولي" هاج أخذي خواتج ولعبيهم بالماي" ...أنا أخذت أختي الصغيرة و سويتي خذت اللي أكبر منها شوي ... واقترحت علينا خالتي إن نروح الزلاقية ...إحنا وافقنا ...و وصلنا .. و كل وحدة حاطة اللي معاها بحضنها و تزلقها معاها ...ههههههههههههه..كان صج وناسة ..و يوم طلعنا علشان نركبها مرة ثانية ...جان .ز :!
سمعت ..الإدارة ينادون إسم اختي أنا هني وقفت و قلت حق سويتي ..
أنا:هذي مو جنها اختي؟؟
سويتي :أي ..هي ..هذا إسمها..
أنا: ممكن تكون مادوكا وصلت ..
سويتي :بس شلون هي على ما اظن ما تعرف إسم كوين ...
و سمعت الإسم مرة ثانية :!
أنا :لا هذي أكيد هي ...
و بعدها ركضت بسرعة صوب يدتي و مكان الأهل و معاي أختي الصغيرة ...بس سويتي ما كانت تركض وراي...و شفت اختي قاعدة تلبس العباة من بعيد و انا اركض و أناديها ...و وصلت لها ...
و بعدين رحنا الإدارة و مثل ما قالت كويني بالضبط ....
و هذا كل شي ما احب أطول عليكم .. بس كانت صج مفاجأة حلوة و مقابلة احلى
سي يو ;-)
هـداف
29-06-2003, 09:37 AM
المقابله حلوه مانجا ساكورا مادوكا;)
هئهاهاهاه....اتخيل اشكالكم:D
بالنسبه للرسم، رسمكم عجيب صراحه،لو تشوفون رسمتي مع بولبن?: زفت،اصلا ماتتسما رسمة><... حتى انا مابي احطها،بس رسمة بولبن حلوه;-) ... طبعا اذا يبي بولبن اعرضها بعرضها ماعندي مانع:6
بس عن نفسي،مااقدر ارسم عدل الا بمكان هادئ واصب بكل تركيزي على الرسمه:6 ...:) ...المره الجاية اذا بنقابل انشاءالله،بتخيل الرسمه قبل اليمعه،علشان يكون كل شي جاهز في خيالي:أفكر:
_____
كوين
طقيتيها:6
:أفكر: سلام^^
sakura wakky
29-06-2003, 10:36 AM
الرسالة الأصلية كتبت بواسطة sha3er
كوين
طقيتيها:6
ههههههههههههههههههه...لا ما طقتها:6 ...أصلا قالت لها إنكم قلتولها ( كوين ) تطقها( مادوكا) و هي قالت...
مادوكا : أنا أوريهم..:غضب:
:6
هههههههههههههههههههه
سي يو ;-)
manga queen
29-06-2003, 04:45 PM
لووووووووووووووووووووووووووول واكي
بدون تعليق":"
باياتو+سلامي
فعلا مقابله كانت حلوه وشكلهم البنات استمتعنّ باللقاء :D
وشكرا على شرح التفاصيل الممتعه ^^ كوين وساكورا
... لا حرام لا تطقونها :6
manga queen
29-06-2003, 05:33 PM
لووووووووووووووووووووووووووووووووول..
ريكزووووووووووووووووووو...منو الي قال لنا طقوها منو يا ربييييييييييييييييييييييييييييييي؟؟؟:أفكر:
(هاااااااااااااااااااااا....منو ذكرني;-) )
باياتو+سلامي
orange road
29-06-2003, 08:34 PM
يا حييكم ...
والله كانت مقابلة حلوة...
انشاءالله اييكم الكويت قريب..
الصراحة وايد شجعتوني..
ولازم تودوني المسيلة معاكم ^^
sakura wakky
30-06-2003, 09:15 AM
حياج اختي خلود حياج ^^
راح نكون سعداء بوجودج ويانا ^^
الخطاف
30-06-2003, 12:09 PM
ماشالله..حلوة هالمقابلة..
ساكورا ومادوك وكويني وسويتي...
ماشالله.... إن شالله تتكرر معاكم هالتقابل السيعيد...
والرسمة التذكارية عجيبة وايد....
مانجا كوين ومادوكا... شغل عدل..^^
بس جان دززتوا سويتي وساكورا يرسمون معاكم...
على الأقل يقوعون بعد...^^
بس حصل خير..
إن شالله المقالبة اليايه... تكون حلوة مثل هالمرة وأوقاتها أحلى وأطول
:D
sakura wakky
30-06-2003, 12:28 PM
هااااااي أخوي الخطاف ...
أنا سعيدة بردك على المقابلة :-)
و بالنسبة للرسمة ...
أنا ما رسمت لأني ما ارسم بسرعة و لو رسمت جان الحين ما شفتوا الرسمة هذي ...
لأني و مثل ما تعرف أني بطيئة بالرسم :": و رسمي مو ذاك الزود ....و لا تبيني أخرب رسمهم ><
و بالنسبة للتوقيع أنا و سويتي و كوين وقعنا على ورقة حق مادوكا ذكرى لها ^^
و ماله داعي نحط بالمنتدى مجرد تواقيع ^^
سي يو ;-)
manga queen
30-06-2003, 07:06 PM
خلود...ان شاء الله ليش لا وحياج الله في كل وقت ..^^
اكيد نوديج المسيلة والبحر والمجمعات كلها^^ اذا تبين ..
خطاف مشكور على الرد العسل وان شاء الله احنا متواعدين يوم ثاني بعد^^ هم مسابح بس مو المسيلة :6 تدري صيف وحر وعطلة لازم نطش طش شوي بالماي^^..
اوكي ان شاء الله المقابلة الجاية تتم على خير وان شاء الله راح اكتبها هني^^
باياتو+سلامي
Bu Laban
01-07-2003, 12:01 AM
عدت من جديد :D
الله أشوف في مقابلات صارت بينكم يا بنات .. لا زين زين تحركتو أخيرا :p
بالنسبة لمقابلتي مع الشباب في قطر فكانت آخر وناسة .. كان الخوف كله في سفري هذا الرجوع في الليل لأنه الطريق مظلم و الخط واحد :!
عندي لكم بعض التعليقات اللي صارت هناك و لم تذكر .. من بينها يوم أكلنا في المطعم الإيراني كان زيرو يوصف لنا المدرب حقه على شكل عبط لأن المدرب ماله سوري و جثل و قلد كلامه على شكل أبضاي صاير تحفة :D .. و تعليقي على اللي كانو مطولين الصوت بالأغاني الأجنبية (لو كنتوا فاهمين أي كلمة افلقوني) :0) ..
ما أبي أطول عليكم .. و عندي خبر لأهل البحرين أنهم يجهزون عمرهم لأنهم هم الضحية التالية و بعطيكم خبر قدومي بعد كم يوم :)
sakura wakky
01-07-2003, 10:36 AM
وااااااااااااااااااااااااااااااااو:واو:
بو لبن ما شالله عليك شكلك مخطط تلتقي كل أعضاء منتدى الرسم في جميع البلدان ما شالله عليك ...^^
إن شاالله تلتقي فيهم و تقولنا بالمنتدى شنو صار معاك
أوكي :0)
سي يو ;-)
Ranma Saotome
04-07-2003, 01:13 AM
هاااالووو
سوري كوين و ساكورا عالرد المتأخر..
الــــلــــه والله شكلكم واااايد استانستوا في الطلعه..
هههههه وناسه التفاصيل... احس كأني كنت معاكم :D
أقوووووووووووول
اليوم رحت البحرين وقابلت..... بعض اعضاء المنتدى :p
الحين تعبان كلللش.. ماراح اقول من الاعضاء ولا اذكر أي تفصيل لين بكره انشالله..
بس شي واحد..... كان ونااااااااااااااااااااااااااااااااااااااااااااااااااااااااااااااااااسه هالاخيييييييييير
سنعود بعد.... سنعود غدا بالتفاصيل
تصبحون على خيييير
sakura wakky
05-07-2003, 11:19 AM
وااااو رانما رحت البحرين:!
ما شالله عليك شكلك تبي تقابل أعضاء المنتدى كلهم :0) ....مثل بو لبن ...
يالله نبي نعرف منو قابلت و شنو هي التفاصيل
سي يو ;-)
mai_arumashi
05-07-2003, 11:48 AM
دخلنا وكالة البورش....... وياليتنا مادخلنا.. شفنا الفور ويل كايين تععععععععععذب.. أحلى سيارة.. و شفنا الاغراض اللي عندهم الملابس و الموديلز و الشنط وهالاشياء المعروض للبيع.. و ههههههه اللي هناك مايعرف شي عن اسعارهم...
طلعنا من هناك وفي يد بولبن كاتالوج الGT 2 و الCarrera GT.. قلت له نروح الفيراري
قال لااااااااااااااا مابي اعور قلبي اكثر... لكن طبعا رحنا.. وشفنا المودينا لونها عجيييييييييييييييب ومن داخل اللون أعجب.. و المودينا سبايدر و كان في بعد هناك 3 سيارات مازيراتي..
--------------------------------------------------------
صراحة رانما انا لازم اسير معاك و كالة البورش يوم واحد:D ...
و شاعر مسكين....احلى شي لما قلت حق اخوه : الي خشمة مكسور...ههههههههههههه هاااااااااااهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها:0)
....انا شفت ديابلوس و نوريكو امس....بس هذا ما يتسمى مقابلة:6
هـداف
05-07-2003, 01:42 PM
اوه رانما من ورانا:6
اكيد قابلت الخطاف وهارد روك والاستاذ شاهين...بس الخطاف انا متأكد انك قابلته...أحد اقامري الصناعية ربما قد فادتني بذلك:D
_________
و شاعر مسكين....احلى شي لما قلت حق اخوه : الي خشمة مكسور...ههههههههههههه هاااااااااااهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
كح كحO_O
Ranma Saotome
05-07-2003, 04:33 PM
سلاااامووو..
سوري تأخرت عليكم.. ادري انكم متشوقين وايد تبون تعرفون التفاصيل :" (واايد مصدق نفسه)
مااااي.. ايه نروح ليش لأ ":" احلى مكان في كل بلاد هي وكالة البورش.. وأييب الbig boss خبير البورش esooooooz
ـــــــــــــــــــــــــــــــــــــــــــــــــــــــــــــــــــ
LET'S STAAAAAAAART (بالتفصيل الملل)
قمت الساعه 10ونص تقريبا و مره وحده اول ماقعدت ضربت في راسي فكره... ليش ماروح البحرين اليوم؟:D (لعبه مو سفره)..
اوكي يلا رانما فكر فكر... ايه بروح الحين ادخل النت و انشالله القى حد من الشله.. دخلت المسنجر و زييين ان شفت الخطاف..
اخبارك شلونك.. انا يايكم البحرين اليوم... :! قعد 3 دقايق بدون ولا كلمه.. هههههه المهم لين اقنعته ان هذي حقيقه هعهعهعهعهع.. اتفقنا ان نلتقي الساعه 6 ونص في مجمع السيف عند ستار بكس.. انا المشكله ماعرف الا 4 اماكن في البحرين هههههههه عشان جذيه قلنا نتقابل في السيف.. و قال لي ان بيي معاه هارد روك و لورد زاكس و يمكن المزيف و شاهين..
وقااااال لي... أنه... بيلبس.. قميص برتقاااالي و بنطلون اسود.. اوكي دوكي..
و ايه قلت حق الخطاف ياخوفي يصير شي وتخترب الطلعه.. لأن اعرف حظي.. ولأن لوحة سيارتي الخلفيه طايحه (مهمل ادري هههه) و ممنوع اعدي الحدود بدونها... لكن انا صرت خبير في هالشي هعهعهع و عديت من الحدود.. لكن اول مادخلت البحرين.. المكيف صار حار والسياره مادري شفيها.. الحرااره مرتفعه شو هالحظ... سكرت المكيف بسرعه و خففت السرعه.. لين هدت السياره بعدين فرووووم على السيف..
وصلت هناك 6.. زين وصلت من وقت عشان آخذ لفتي على المحلين اللي يبيعون انيمي هناك.. المشكله كل واحد في زاويه معاكسه.. سويت رياضه و انا اتنقل بين المحلين.. شريت لي انيمي (لاتسئلون شنو:p ) و حطيته في السياره (عشان مايشوفونه:p ) و رحت عند ستار بكس.....
هنييييه عاد تبدا المغامره.... قعدت احوس احوس احوس احوس احوس احوس وينهم وينهم... برتقالي اسود برتقالي اسود برتقالي اسود.... اشوف واحد لابس برتقالي و ازرق و يحوس في نفس مكاني... لكن ماسألته لكن اعطيه نظرات لكن مايرد علي بأي رد.. قعدت اطالع السيارات و احوس حولهم لأن الخطاف يعرف ولعي بالسيايير وقلت يمكن يعرفني جذيه.. لكن مافي فايده.. مشيت جنب اللي لابس برتقالي و ارزق و سويت نفسي اكلم حد في الجوال عن المنتدى لكن بعد مافي أي ردة فعل... وينهم هذولا :غضب:
بعدين ربطت جأشي (حلوه هذي) وقلت بسئله... رحت سلمت عليه السلام عليكم... عمار؟:cool:
هاه!
انت عمار؟:cool: >>>>>>> لا اخوي غلطان :!
انا نزلت نقطة عرق كبيره ههههه وصرت صغيييير مابين.. و مشيت بعيد عنه.. احراااااااااج..
كملت و قعدت احوس احوس.. بعدين و انا اتلفت.. الا اشوف واحد كشخه هعهعهع.. مادري 2 طالعوني بنظره... و واحد منهم لابس كاب اول ماشفته قلت هذا هارد روك (ساحر ساحر) عطاني ابتسامه الرضى بالطعم الشسمه.. وعرفت ان هم...
ااه.. السلام عليكم (i guess) كخخخخ.. هلا رانم اهلين شلونكم (bla bla bla) انننننننت هارد روك صح؟
يه شلون عرفتني!!!
(بدون تعليق:cool: )
و الثاني الخطاف............... لا ماي لي may lee.. هوي هوي اخبارك شلونك...
مشينا شوي.. الا يقولون شوف هذولا الاثنين من بعيد.. أي واحد عمار و أي واحد لورد زاكس....؟
واحد منهم كان يطالعني وهو مبتسم ابتسامه عريييضه و هو يا وسلم علي اول شي قلت خلاص هذا اكيد عمار و الثاني لورد زاكس..
وبيني وبينكم.. لورد زاكس و هارد روك في تشابه كبير بينهم وبين صورتهم في المنتدى هعهعهعهع لكن ماراح اقول شلون اشكال الاعضاء بالضبط... بس كلهم كوووول..
كانوا كلهم لابس بدلات وكل شي.. الا انا كأني في عرس كاشخ.. كخخخخ..
اجتمعنا احنا الخمسه.. قالوا لي ان شاهين مشغول و مايقدر ايي.. و المزيف مشغول يشتري سيديات مادري شنو.. (رئيس عصابتنا هجرني:")..
بعدين مشينا مع بعض اول شي السوالف العاديه اخبارك شلونك شمسوي تأخرنا ولا لأ..... و تدرون شنو اكثر شي مضحك
وين البرتقالي يا عمااااار
تصدقون ان ولاااا واحد من الاربعه لابس برتقالي.. ابدا.. ولا نقطه برتقاليه حتى.. عمار كان لابس بيج واسود و بنطلون كحلي.. يعني توتالي غير عن وصفه :غضب: ذبحني..
قعدنا نتكلم اول شي كل واحد توقعت شكلي جذيه.. كم مره ييت هنيه.. والله مو مصدقين اللي يصير.. ووو غيره ههههههههه (ترى للحين انا مو مستوعب)
لين وصلنا عند قسم الالعاب.. دخلنا قعدنا نحوس و كان ماي لي هو مرشدنا في قسم الالعاب.. شفت جهز التصوير جان تعرفونه.. لكن قلت ناااه مره ثانيه انشاالله..
طلعنا من قسم الالعاب و مشينا.. في هذي الاثناء انا و هارد روك دخلنا جو مع بعض لأن لما مرينا جنب محل اغاني قلت له هالمحل فاشل مافيه ولا فرقة روك.. عاد هو "اوووه صح انت تحب الميتال ياسلااام" يسس يسسس.. عاد بدينا نقرق انا وهو.. و صج انا استااانست لما سألته عن واحد اسمه ينجوي مالمستين.. قال ايه يعرفه.. كلما سألت واحد عنه يقول لي لأ، و هارد روك عرفه (والله ختير ترى) و قعدنا و احنا نمشي انا و هارد روك ههههه كله نسولف عن الميتال والفرق لين وصلنا محل اغاني ثاني.. دخلناه وشفنا الاشياء اللي عندهم.. كنت ابي اشتري ديفيدي ميتاليكا كل مره اشوفه هناك لكن هالمره نحاسه مالقيته...
قعدنا نقلب في السيديات و انا وهارد روك نتكلم عن الروك و الميتال و قلبنا المحل مجلس هعهعهعهعهع.. لين طلعنا من هناك من دون مانشتري شي:p
وصلنا عند المطاعم.. هاه من يبي باسكن روبنز؟ انا قلت
مــــــــحــــــــد... استغربت ههههههه الناس صيف و محد يبي ايسكريم..
قلت لهم ياشباب ترى احنا في الصيف تدرون؟
مشى معاي هارد روك لين باسكن والشباب قعدوا على طاوله.. احم طبعا قعدوا عالكراسي اللي جنب الطاوله (ياحبك للخربطه)
ياا شسمك.. عطني واحد ميلك شي كبير كله شوكلت...
هارد روك: انا نفسه نفسه.. انا نفس الشي
انا: تحب الشوكلت يعني؟؟ هارد: ماعليك نفسك نفسك..
انا: يمكن مايعجبك؟ هارد: لا ماعليك نفسك نفسك.
انا: !!! اوكي..
و قلت له يحط كل شي هوت فدج وغيره. هارد: حطي نفسه نفسه.
المهم انا وهارد روك اخذنا نفففس الشي....
و بعد قلنا له يحط مكسرات فوق الكريمه... لأن اهممممم شي المكسرات.. صح هارد؟ هعهعهعهعهع علمت هارد روك ان الميلك شيك بدون مكسرات مايكون ميلك شي.. تاكل مكسرات بروحها ولا تاخذ ملك شيك بدون مكسرات ههههههههههههههه.. و هارد روك تعلم هالقاعده عدل و نشرها اول مانضمينا للباقي عالطاوله.. اقصد الكراسي..
و احنا قاعدين.. طول الوقت كللله نتكلم عن المنتدى.. ماخلينا عضو ماحشينا فيه هعهعهعهعهعهع مب لهادرجه.. لكن يعني لمدة ساعه ونص تقريبا عالطاوله كله عن المنتدى و الاعضاء و رسومهم و تكلمنا عن مادوكا و الوكارد والاعضاء الباقي ليش طلعوا و اختفوا..
تكلمنا عن المواضيع الحلوه في المنتدى و موضوع العصابات و تطور رسم الواحد.. و اشياء متنوعه كثيره عن المنتدى.. وشي على خفيف عن الانيمي.. و انا طول هالفتره قاعد شفط في الميلك شيك ماخليت فيه ولاااا نقطه اسئلوهم شلون كان شكلي ههههههههههه.. حتى الهوت فدج المتجمع تحت مع المكسرات قمت احوسه بالعود (المصاص - المزاز whatever) و احطه في حلجي.. يقول لي الخطاف "صج طلعت قيمته" هعهعهعهع..
بعدين كملنا مشينا... و هنيه اذكر ان لورد زاكس كاااان هااااادي.. أهدا واحد فينا.. طبعا عكسي انا اللي هذرتي ماخلصت...
و إيه اذكر بعد و احنا عالطاوله سألني ماي لي:
"شلون البحرين قبل احسن ولا الحين.. بعد ماشفت الشباب"
انا: " لااااااا.... قبل احسن بوايد :p " هعهعهعهعهعهعهعهعهعهع
و بعد طووول الوقت انا ماسك عالخطاف.. كل ماصارت فرصه قطيت نقزه و لا نكته عليه عالخفيف... يعني ضحك بس هههههههههههههه مسكين..
بعدين مشينا و كانوا يقولون لي: "لو كتينا عليك ماي الحين بتصير بنت؟"
كانت نظراتهم صج شيطانيه.. لااااااا لاتجربون الحين جدام العالم... بعدين كيفكم لما محد يشوف :p
كملنا مشينا.. وسبحاااان الله.. شفت هناك واحد من ربعي من سنتين ماشفته.. ومن بين الاماكن كلها شفته في البحرين هعهعهعهع... سلمت عليه.. مامشينا 5 امتار الا الخطاف شاف رفيجه ماشافه من سنتين بعد هعهعهعهع.. ورفيجه طلع معاي في الجامعه بعد عرفته وسلمنا على بعض وسوالف على خفيف وكملنا مشينا بعدين..
لييين وصلنا عند محل الانيمي.. انا سحبتهم هناك متعمد..
قعدنا انا و زاكس و الخطاف نقلب في ديفيديات الانيمي اكثر من مره.. و نقول هالانيمي شفته.. هالانيمي حلو لا مو حلو ماكملته مادري شنو و كله عن انيمي انيمي انيمي.. بعدين حسيت ان احنا مو مقبولين هناك ههههههههه طول الوقت نقلب من دون مانشتري.. قلنا بنطلع بكرامتنا احسن هعهعهعهعهع.. الا الفلبينيه راحت قسم الانيمي وقامت ترتب الديفيدات بعصبيه هههههههههه مسكينه مالومها..
كملنا مشينا لييييييييييييين صوب السينما..
و قبل مانوصل وقفنا مكان الاركيد.. و قمنا نطالع الالعاب.. و ماي لي لعب بتكن 3.. ماشاالله عليه فناااان صج وناسه واحنا نشوفه انبهرت بطريقة لعبه.. لكن توو باد.. في الاخير انهزم...
و اييييييييه... هاه هارد روك اعلم عليييك؟؟..
هارد روك طيّح بنت صغيره (متعمد) و خلاها تصيح.. بعدين سوا نفسه بريء وشلّها من على الارض حق ابوها.. نيااااهاهاهاهاهاهاها داافع عن نفسك هررووود.. كخخخخخ
وقفنا هناك قعدنا نسولف سوالف متنوعه خارج اطار المنتدى معظمها.. سوالف و ضحححححك وناااااسه والله صج صج صج استانست طوول الوقت نضحك و سوالف حلوه..
بعدين قلت لهم ماقدر اتحمل خل نمشي اكوه محل الانيمي الثاني جدامنا بروح اشوف.. رحنا شفنا ونفس الحال في المحل السابق سوينا نفس الشي... لكن هالمره شريت من هناك شي..
عقب ماخلصت تقلب وشريت.. جلسنا جدام المحل نسولف و نضحك.. كان الوقت عالساعه 11..
قال الخطاف اوكي الحين احنا صار لازم نروح.. نايس تو ميت يو.. و يعني قلنا من هالكلام... وزيين ان صادف سياراتنا كان في نفس الجهه... فكانت فرصه ان نمشي و نسولف.. و قلت لهم لي رجعه مره ثانيه اكيد و انشالله اشوفكم...
و قبل مانروح عند السياره كنت معصب عليه :غضب:
شلووون الحين انتوا 4 اعضاء من منتدى الرسم.. ولاااا واااااحد فيكم يجيب معاه دفتر ابدا..
انا كنت بذكرك ياعمار.. لكن قلت لاااااا انا بقابل 4 او 5 يعني اكيد عالاقل واااااحد منهم بييب شي دفتر ولا رسوماته... لكن... لكن.... اخ منهم
شلون اشكالنا كل واحد يطالع الثاني ويضحك هههههههههه.. يعني تبون انا اييب دفتر ?:
قاموا يطالعوني بنظرات شيطااانييييه... ليييش؟!!
لأني لابس ثووووب.. يقولون لي دفتر هيع هيع هيييع.. والثوب هذي اكيد له فايده ثانيه.. بس للحين منقهر ليييش محد ياب دفتر... لكن بعدين.......
و احنا ماشيين لين السياره... وصلنا السياره.. كان رطووووووبه.. وكان على السياره ماي.. من الرطوبه... عاد احنا نيااهاهاهاها... انا بديت اول كتبت Ranma 1/2 و قلت لهم اني كل ماكان في رطوبه اسويها على سيارة اي واحد جدامي :p لدرجة ان مره سويتها على باص المطار لووووووول..
عاد قلت لهم يلا كل واحد يوقع على سيارتي :D
هارد روك حط شعاره HR و الخطاف هعهعهع ماذكر.. و ماي لي كتب اسمه.. و لورد زاكس خذ المساحه كلها وكتب.. مممم مادري المهم كان شعار (شلون نسييت)..
استانسنا وااايد على الحركه.. بعدين انا و الخطاف بصمنا على اللوحه هعهعهعهع..
بعدييين... شفت الزجاج الخلفي مال السياره.. مممم مساحه اكبر....
كتبت Ranma Saotome.. الخطاف قال برسم نفسي :0) ونااااااااااااااااااسه
الخطاف رسم شخصيته على زجاج سيارتي الخلفي فللللللللله و بعد هارد روك رسم شخصيته و مسوي _/\_ علامة النصر.. هههههههههههههههه هذي كااان اححححححلى شي في الطلعه وناااااسه وناااااسه ونااااسه.. لوحة فنية على سيارتي.. و ووقّع لورد زاكس بكتابته "كركركركركر" و انا كملتها وكتبت "هعهعهعهع" و كمل بعد زاكس وكتبت zzzzzz ههههههههههههههههههههههههههههههههه.. و انا اطالع اللوحه صج فللللله..
يقول لي الخطاف الحين اذا مريت على الحدود ويبون يوقفونك.. بيشوفون رسمتي وبيقولون اوه رفيج الخطاااف؟؟ خلاص تفضل تفضل...
عاد انا قلت: لا لو شافوا رسمتك بيحبسوني على طول.. لكن برسمه هارد روك بيطلعوني هيع هيع هيييييع.. هههههههههههههه
و انا اشوف الرسمه... اقول حراااام امسحها.. والله وااايد حلوه.... كل واحد يقول اقتراح.. اغير زجاج السياره.. زاكس يقول لا كت عليها رمل ههههه عشان تثبت الرسمه.. و انا اتخيل لما تختفي الرسمه لااااااااا..
بعدين ودعنا بعض و قررنا نتقابل انشالله في اقرب فرصه...
ركبت سيارتي و رجعت... عاد انا طووووول الطريق في السياره اطالع ورى.. اشوف الرسمه فلللله كشخه.. و كلما يات سياره وراي نوّرت الرسمه بلمباتها ههههههههههههههههههههه... كانت لوحه احلى من أي لوحة ممكن تنرسم على ورق....
هوووووووووووي هذي النهايه هههههههههههههه سباق ماراثون هاه هعهعهعهعهع..
ايه في النهاية.. كل شوي أرد اقول للخطاف.. خوش برتقالي اللي لابسه.. مايل على بيج هاه هعهعهع.. كل شوي ارد على سالفة البرتقالي..
بس كانت مقابله ولاااا احلى.. الاعضاء كلهم كانوا يونسوووون وايد و كووول و كأن نعرف بعض من سنييين..
ze eeeend اخيرا هاه..
هذي رسمه توصل الحال.. شوفوا الخطاف شسوى فيني وااااااااااء..
(شفتوا البرتقالي اللي لابسه الخطاف كخخخخخ)
Ranma Saotome
05-07-2003, 05:42 PM
اييييه نسيت اقول بعد..
ههههههههههههههههههههههه
احنا كم كنا... خمسه.. انا و الخطاف و لورك زاكس و ماي لي و هارد روك
من الاربعه.. غيري يعني..
في ناااس.. راحوا السيف من قبل شكثر..
وفي ناااااس.. كانت ثالث مره لهم...
وفي نااااااااااااس... الله يستر عليهم.... و من دوون ذكر اسمااااااء...
بحرييييينييي.... حياته كلها في البحريييييين... و كانت هذي اووول مره يدخل السيف....
لا لا مايصير.. هههههههههههههه.. شكلي بتكفخ انا.. بشرد اليوم مب داخل المسنجر :p
sakura wakky
06-07-2003, 08:23 AM
رانماااااااااااااااااااااااااااااااااا:"
لوووووووووووووووووووووووووووووووووووووووووووووووووووووووووووووول....هههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ه....(الأخت ميتة من الضحك):"
أمبيه رانما شنو هذا ....ههههههههههههههههههههههه
وناسة مقابلتكم حلوة و تضحك لوووووووووووووووووووووووووول...و الخطاف قايل إنه لابس قميص برتقالي ...ههههههههههههه..طلع بيجي هههههههههههههههه....لا و هارد روك يوم يطلب نفسك ...يحليلكم ....
إي تعال ....ليش ما صورت زجاج سيارتك علشان تورينا الرسمة :غضب:
بس ما عليه ....مو مشكلة ...المسامح كريم ..( حدها مصدقة عمرها)
سي يو ;-)
هـداف
06-07-2003, 08:56 AM
:" :" :"
جان زين انا معاكم:(
انشاءالله نشوكم شباب عندنا في قطر:6
_____
بس فعلا وناسه....تميت اضحك وانا اقرا:D
سلام
Miss_kimino
06-07-2003, 10:00 AM
:" ياااااااااااااااااااااااااااااااااي
وناااااااااااااااااااااااااااااااااااااااااااااااااسة بالقو
عن مقابلة قطر ... هههههههههههههههههههههههههههه تميت اضحك على بولبن يوم لحس الصحن في شبستان ههههههههههههههه اتخيل شكله ولا انتوا يوم في الكورنيش .. والله وناااااااااسة في وناسة
عن مادوكا و كويني ..والله عيشتوني معاكم .. وانا اقراء احس إني كنت معاكم هههههههههههههههه ( وايد اتخيل) بس والله كخشة
اما مقابلة البحرين ... ولا اروع .. ياليتني كنت هناك اطالعككم من بعيد و اضحك كعكعكعكعكعععععععععععكعكعكعكععكع:6
يلا انشالله تستوي مقابلات يدية عشان استانس انا عليهم :6 :6
Miss_kimino
06-07-2003, 10:03 AM
:!
صح اتذكرت
إعلان هاااااااام
البنات إلي بتزور الامارات هالصيف بليييييييييز خبروني ..يمكن نقدر نتقابل
اوكي ؟؟؟؟؟؟؟؟؟؟؟ لا تنسوووووووووووووووون
Bu Laban
06-07-2003, 02:12 PM
السلام عليكم :)
رانما انت وينك لك فترة مغطي .. و لا وتروح البحرين عني بعد :" ... انا كنت معزم أروح و حاولت أكلمك و لكن انت ما ترد علي :( ... بس يللا الجايات أكثر من الرايحات .. عموما ألحين أبي أشوف ناس يروحون معي و أبي أتفق مع عمار بخصوص مقابلتي معه بس ما حصللي وقت أقدر أكلمه فيه حاليا بس انشالله الاتفاق بيتم قريبا .. و لكم أجمل تحية مني و الى الملتقى :)
بو لبن :)
(ملحوظة : اذا شفت الرسالة يا رانما أتمنى أنك تكلمني ضروري اوكي :) )
Majid Ali
07-07-2003, 12:58 AM
ياحظكم:"
اتمنى اشوف ولو شخص واحد بس:" :"
انشالله اقابل احد منكم مستقبلا ، انا متفائل:D
al-moozaayaaf
07-07-2003, 06:29 PM
أهلا رغم أني مسبعد من القصة أحم ...
--قمت الساعه 10ونص تقريبا و مره وحده اول ماقعدت ضربت في راسي فكره... ليش ماروح البحرين اليوم؟:D (لعبه مو سفره)..
---
عجبتني رانما ... أنت من النوع الي ينفذ الفكرة فور التفكير فيها
----شريت لي انيمي
----
شنهو ؟؟؟؟؟؟؟؟؟؟؟؟؟؟؟
----و الثاني الخطاف............... لا ماي لي may lee..
-----
(بدون تعليق)
-----المزيف مشغول يشتري سيديات مادري شنو.. (رئيس عصابتنا هجرني:")..
-------
سيديات خالين أسوي سيرويس للكمبيوتر أحم ( من قالك عن السيديات :( )
أنا هجرتك :( لالالالالالالالا أنا ما أسويها و الله مشغول
-----وين البرتقالي يا عمااااار
-----
خاشه في البيت
------قلت له هالمحل فاشل مافيه ولا فرقة روك.. عاد هو "اوووه صح انت تحب الميتال ياسلااام" يسس يسسس..
-------
روعة
---------سألته عن واحد اسمه ينجوي مالمستين
---------
ما في واحد بهذا الأسم التهجئة غلط :)
---------و احنا قاعدين.. طول الوقت كللله نتكلم عن المنتدى.. ماخلينا عضو ماحشينا فيه
----------
أكيد جبتوا سيرتي :(
-----------هنيه اذكر ان لورد زاكس كاااان هااااادي
----------
طلع زاكس يستحي ممممممممم
--------: "لو كتينا عليك ماي الحين بتصير بنت؟"
--------
المرة الجاية بجيب جردل معي لا تخاف :):):):):):):)
--------لييين وصلنا عند محل الانيمي.. انا سحبتهم هناك متعمد..
---------
وناسة
-----ماي لي لعب بتكن 3.. ماشاالله عليه فناااان صج وناسه واحنا نشوفه انبهرت بطريقة لعبه.. لكن توو باد.. في الاخير انهزم...
--------
معلوماتي تقول أنك أنت الي أنهزمت :)
----هارد روك طيّح بنت صغيره (متعمد) و خلاها تصيح.. بعدين سوا نفسه بريء وشلّها من على الارض حق ابوها.. نيااااهاهاهاهاهاهاها داافع عن نفسك هررووود.. كخخخخخ
---------
لا هارد أنت نيتك سودة يا رانما ، هارد يحب اليهال وايد و بالة معاهم طويييييييييييل أطول مني :) يمكن بالغلط .
------
بعدين قلت لهم ماقدر اتحمل خل نمشي اكوه محل الانيمي الثاني جدامنا بروح اشوف..
--------
آه لو مكانك ماتحملت أنا بعد
-----
لكن هالمره شريت من هناك شي..
-----
شنو شنو شنو شنو
--------
.. كان الوقت عالساعه 11
---------
أنا أنام 10 كنتوا بتسهروني يعني ( عيار ينام 12ونص لا تصدقونه )
---------شلووون الحين انتوا 4 اعضاء من منتدى الرسم.. ولاااا واااااحد فيكم يجيب معاه دفتر ابدا..
انا كنت بذكرك ياعمار.. لكن قلت لاااااا انا بقابل 4 او 5 يعني اكيد عالاقل واااااحد منهم بييب شي دفتر ولا رسوماته... لكن... لكن.... اخ منهم
---------
هههه حلوة ذي
-----------
اغير زجاج السياره.. زاكس يقول لا كت عليها رمل ههههه عشان تثبت الرسمه.. و انا اتخيل لما تختفي الرسمه لااااااااا..
----------
النظافة من الأيمان ^^~
---------كلما يات سياره وراي نوّرت الرسمه بلمباتها ههههههههههههههههههههه... كانت لوحه احلى من أي لوحة ممكن تنرسم على ورق....
------------
وااااااااااايد شاعري يا رانما :)
----------
ranmakh.jpg
-----------
~^______________^
||||||||||||||
ــــــــــــــ
بو لبن جاي البحرين زيييييييييييييييييييييييييييييين
على فكرة رانما أنا نفس هارد ما أحب السيف مو زين :غضب:
al-moozaayaaf
10-07-2003, 09:19 PM
تدادادادادادداداداااااااااا
بو لبن جاء البحرين آآآآآآآآآآآآآخر وناسة
و المفروض بو لبن يكت كل شي صار
رغم أني كنت بكتب :(
بس آخر وناااااااااااااااااااااسة
بو لبن متى بتكتب:D
شباب ما تحمسون صراحه .. توني جاي من البحرين ولا شفت لا سجاد احمر ولا ورود وباقات ... ليش بس ابو لبن تسونله كذا :" ؟
الرسالة الأصلية كتبت بواسطة ODIN
شباب ما تحمسون صراحه .. توني جاي من البحرين ولا شفت لا سجاد احمر ولا ورود وباقات ... ليش بس ابو لبن تسونله كذا :" ؟
ياعمري:( ...
بس ماعليك تتعوض بروحة الامارات تشوف الحبايب هناك;) ولو:أفكر:
A.W:D
Bu Laban
13-07-2003, 11:12 PM
السلام عليكم
آسف كثيرا على التأخير و لكن ظروف الحياة
أنا أسمي الرحلة هذي رحلة الريحانة :D
عناصر الرحلة هم كالتالي :
أنا و مستر فالكون مع زميله من السعودية ... و عمار و المزيف و هارد روك و اللورد زاكس و نووبسايبت
بتكلم عن الشباب اللي قابلتهم أولا مع اللقب اللي أعطيته اياه
1 - المزيف : الريحانة مع بشير ... قصتهم أني يوم صرت بجي البحرين قاللي لا تروح مجمع السيف و تعال الريحانة .. أنا ظنيت الريحانة منطقة بس اكتفيت بالقول أني أكتفي بالمجمع .. و يوم جيت و كلمت عمار مع الشباب عن الريحانة ضحكوا علي :! .. قالو لي هذي بوفية :0) ..
2- هارد روك : واحد .. قصتها في الأركيد يوم كنا نلعب أقوى قبضة .. و كنا نجرب اللعب باليد اليسرى .. فهارد روك يوم جا دوره و وجه الضربة كانت غلط و ما نزل العمود .. فأكمل غليها بقبضة أخرى و النتيجة واحد :0) ..
3- اللورد زاكس : علامتين استفهام .. لأنه هادي و ما يتكلم و طول الجلسة و انا أحاول فيه بس من غير فايدة .. بس يستمع و يضحك .. بس يللا خيرها في غيرها
4 - عمار أو الخطاف : بنك الضحك .. كل تعليق بتشوفه أول واحد يضحك :0) .. و هو ما شالله وسيع صدر
5- نوبسايبت : بطل التحديات .. بتشوفه أول واحد يتحداك في لعبة فايت أو اركيد بتمر عليها .. و عمار و هارد روك نفس الكلام
تفاصيل الرحلة :
انطلقت متأخرا من السعودية و وصلت الى البحرين تقريبا الساعة 5.30 بعد العصر .. و مباشرة ذهبت الى المجمع الموعود .. دخلت مع شلتي الى المجمع و وقفنا عند ستاربكس اللي اتفقت مع الشباب أننا نلتقي فيه .. في البداية ما كانوا موجودين .. وتميت 10 دقايق أنتظر الى ان جاؤوا .. طبعا تعرفت على عمار لأنه وصف لي ثيابه .. و هناك جلسنا في المقهى نسولف عن أحوال الجامعه و المخالفات المرورية .. وطبعا مع بعض المداخلات المضحكة من الجميع :D .. و بعدين تمشينا في المجمع و رحنا المحل اللي يبيع أنمي ^^ .. طبعا خلفيتي في الأنميات ضعيفة :( .. و طبعا الشباب يعرفون كلمة ( كمستكا) مع ( مابوتي ) جيدا :D .. و دخلنا محل كان المزيف يبغى منه جهاز أنا ما أدري شقصته بالضبط .. عموما ما طلعنا من ذاك المحل بشي .. طيب .. و تميت أشكي الحال لعدم وجود محل لبيع اللبن :غضب: .. طبعا وين تلقى لبن في مجمع زي هذا .. بعدين دخلنا محل للتسجيلات .. وهناك أخذت درس عند عمار عن بعض الجزئيات في الرسم بصورة سريعة و لكن مفيدة :6 .. و منها على الأركيد .. من الألعاب اللي شدت انتباهي كانت لعبة الرقص .. ( تخيلوا شكلي مع الشباب نلعبها :p ) .. و كان في لعبة التجديف .. طبعا أبطالها كانوا نووب سايبوت مع هارد روك .. أشكالهم كانت نكتة مع التجديف .. و وقفت اللعبة عند نقطة و قاموا الشباب على انها انتهت .. بس اللعبة استئنفت و أنا أخذت الدفة بعد نووب .. و بيد واحدة جدفت .. الشباب ذاك الوقت ماتوا ضحك .. و في لعبة تصويب كنت انا و اللورد قاعدين نلعبها .. طبعا أنا خرجت مبكر :" .. بس ما شالله اللورد قاوم
ألحين نجي للعبة القبضة .. هذي كانت النتايج اللي بعضها للأسف نسيتها :
100 (بولبن) , 82 (هارد روك) ، 81 (نووب سايبت) ، 76 (اللورد) ، 74 (عمار) ، 72 (المزيف) .. هذي كانت اليد اليمنى .. أما اليسرى فكانت لنووب بنتيجة 81 .. أما انا فالثاني بنتيجة 76 .. أما باقي الشباب ما أتذكرهم زين .. طبعا هارد روك المسكين جاب 1 فقط :أفكر: ( حسيت أني استلمت هار روك شوي فالعذر و السموحة :": ) .. و بعد طيحة البدن جا وقت العشا .. و طبعا بعد نقاش طويل و تبادل الأسماء المقترحة .. اكتفينا بمطعم معجنات .. و بعد عشاء جميل بجو ممتع و بصحبة شباب ما شالله غاية في المتعه .. و الحين جا دور عرض الرسمات في الختام .. شفت فيها أفكار حلوة من المزيف مع بعض الرسمات .. و شفت رسومات اللورد زاكس و اللي شفت فيها رسومات عن هارد روك بطريقة Golden Boy اللتي كنت أعلق على كل هيئة منها باللي سمعته من ذاك المسلسل :p .. و اللحين جا دور الرسمة الجماعية اللي بدأ فيها هارد روك .. و بعدين الخطاف .. و بعدين أنا :" .. طبعا الحمدالله مشى حال رسمتي بينهم :# ..
بصراحة استمتعت جدا بقابلة كل هؤلاء الشباب و اللي من غير استثناء كانوا في منتهى الروعه .. وانشالله ما تكون هذي آخر زيارة لي هناك
هذا كان الموجز مع بعض التفصيلات .. و إذا كان في تعليقات نسيتها و الشباب حبوها يقدرون يكتبونها هنا .. وأتمنى أن يعرض عمار الرسمة المشتركة .. و أنا عندي رسمة أهداني إياها هارد روك (شكرا لك ^^ ) بعرضها قريبا انشالله و تقبلوا تحياتي .. أخوكم بو لبن
من خارج الموضوع ..
شباب ما تحمسون صراحه .. توني جاي من البحرين ولا شفت لا سجاد احمر ولا ورود وباقات ... ليش بس ابو لبن تسونله كذا ؟
انا ما دريت أن ودك تروح و للا كان اتفقت معك .. و لو .. بس ما عليه الجايات أكثر من الرايحات
أما دووم و أخيرا شفناك ترد على الموضوع .. أهلا بيك معانا
Hard Rock
16-07-2003, 07:51 PM
هاااااااااااااااااااااااااااااي
أشوف بولبن قال لكم الحكاية :D
والله بولبن الصراحة شخص واااااااااااااااااااااااايد حبّوب و كووووووووول:D
وقوي بعد (حصّل أعلى درجة في لعبة القبضة:D )
هههههههههههههههههههههههههههههههههههه
ضحكتني اللعبة يوم إني حصّلت 1 هههههه الظاهر إنها من قوة الضربة
اختربت هههههههههههه
أنا عندي رسمة أهداني إياها هارد روك (شكرا لك ^^ ) بعرضها قريبا انشالله
لاااااااااا لالالالا ... هذي خلها ذكرى مني ياصديقي ... لاتروي أحد :D
على العموم .. إن شاءالله نشوفك مرررررررررات ومرااااااات يابولبن
ومثل ماقلت (الجاييات أكثر من الرايحات;-) )
سلاااااااااااااااااااااااااااااااااااااااااااااااااااااااااااااااااااااااااااااااااااااام
Bu Laban
16-07-2003, 10:05 PM
السلام عليكم .. :)
إذا كان رايك أني ما أعرضها فما عندي مشكلة :) .. كنت حاب أعرضها بس ما أبي أزعلك :-) ... و مشكور على رايك فيني
أما بالنسبة للجايات انشالله بتزيد :D
تحياتي لكم :)
هـداف
17-07-2003, 12:27 PM
مقابلة حلوه شباب^^
وبولبن شرحك حلو للمقابله^^
ماشاءالله،شوقتوني صراحه:" انشاءالله لما اكبر اشوي واسافر البحرين،بتكون عيني الأساسيه على الاستاذ شاهين:D
انشاءالله نشوف مقابلات أكثر..
سلام
هـداف
23-07-2003, 02:12 PM
اهلا بالجميع..
أمس تقابلت مع زيرو^^،وانشاءالله بسرد عليكم الأحداث هههههههه،بعطيكم بشكل مفصل!
في البداية بدأ الأمر بالرسائل الخاصة،وبعد الاتفاق اتصلت على زيرو بهدف الالتقاء في مكان معين،وكان المكان هو ملعب نادي الاتحاد الجديد!!..واتفقنا بعد صلاة المغرب نكون موجودين اهناك،وفعلا ، جاء الوقت،رحت ملعب الاتحاد الجديد مشي طبعا لأنه قريب من بيتنا(بعد مافشلت في سرقة أحد سيارات اخوانيO_o)،لما رحت اهناك قعدت انتظر حوالي الثلث او النص ساعة،برع النادي عند المواقف،بعدين تحسفت لني مااتصلت عليه وأكدت عليه اني بروح النادي الحين،توني فقدت الأمل وبروح الا أشوف سيارة بيضاء تجي عندي ،قلت أكيد هذا زيرو، ولا بعد يضرب الفلاش،انا اهني تأكدت إن هو،وانا عاد قاعد أأشر ان انت زيرو وكذا،بس فجأة لفيت وراي وأشوف واحد ياي من وراي ومتجه صوب السيارة !؟!، ودخلها!،وعاد انا خليت نفسي مكمل قدامO_O ، والرجال ذاك يشوفني بنظرة...ههههههههاهاه،والله كان موقف محرج فعلا،بعدها قررت أروح البيت وأتصل في زيرو،اتصلت فيه،وقال لي ان هو من نص ساعة ينطر داخل النادي!!! انا اهني قتله بأني باييك ركيييض،وبانه ينطرني عند مواقف السيارات،ولما وصلت للنادي قعدت عند المواقف،مافي حد،هممممممم،قعدت أفكر وين بيكون وين،وبعدين تذكرت ان في صوب ثاني للنادي فيه مواقف سيارات بعد،رحت اهناك ولقيته زيرو ينطر^^،سلمت عليه ودشيت السيارة ،وبعد ماوصلنا بيتنا،كنت حاط مفتاح باب المجلس بمخباي،بس مالقيته!!فكرت فكرت فكرت وقلت بدخله بطريقة ثانيه،جيت عنده وقتله تعال معاي من صوب ثاني،عاد المكان الي مر فيه هي غرفة السباحه،الي فيها أدوات السباحه وكذا(عفسه)لما قعدنا في المجلس،راويته رسومي وبعض رسوم لينك وهو ايضا صدمني برسماته القويةT_T،والله في رسمات قوية للحين ماحطاهم في المنتدى،شي عجيب فعلاO_O ، وبعدين جاء وقت التدريب، طبعا هو علمني اشلون أرسم الآليات بشكل عام وعطاني درس عملي في رسم اليد الآلية،وانا علمته كيفية التظليل والاضاءة وعطيته الفكرة الاساسية في طريقة عملهم،أعتقد الحين هو فاهم بشكل عام طريقة الاضاءة والتظليل وانشاءالله استفاد^^،وبعدين طلب مني انه يستعير كتاب تعليم الرسم (how to drow manga) وطبعا انا ماعندي مانع،لأن توني مابدأت في التدريب عليه بسبب بعض الرسمات الي ناوي اخلصهم وبعدها اتفرغ للكتاب..
بعدها كان لازم نروح ناخذ اصدقاء زيرو،ورحت وياه بالسيارة،واهني عاطني زيرو قلمين خاصين للتحبير وطبعا انا ماقول لأ،علطول في المخبا ههههههههه،وفي الطريق أخذنا الكلام والسوالف الى ان وصلنا^^،واحنا ننتظر لين مايجون اصدقاءة فجأة، ضرب مضارب على السيارة،ويقول زيرو شالسالفه:كبسه،هههههههاهاهاه،كانوا أصدقاءه يمزحون معاه^^،وبعدين وصل أحد اصدقاءة لبيته ومن ثم رحنا المول علشان نتعشى اهناك،لما كنا تونا بندخل حصل زيرو أحد أصدقاءة في كنت مستغرب طول الوقت،لأني للحين ماحددت اذا كان عربي او انجليزي!!،مره يتكلمون بالانجليزي وفجأة يتكلمون بالعربي ولغته العربية قوية يعني مايبين انه انجليزي ،وانا فوقي راسي علامات تعجب واستفهام!؟!،بعد ماخلص حواره طلعنا الطابق الثاني وعزمني زيرو على وجبةبس واحنا ننتظر الطلب،كنا نتكلم عن المانجا اشوي وأكثر شي عن اللغة الانجليزية،هو يعطيني جمله وانا أترجمها او أرد عليه،أول ثلاث جمل ماعرفتهم(عن التقسيم والضرب والزائدO_O) الجملة الرابعه عرفتها لكن لما رديت عليه بالانجليزي غلطت><
وبعد ماخلص الطلب قعدنا على كرسي وتكلمنا عن أفكار المانجا في المستقبل انشاءالله والي بنسويها اذا صرنا اكبار،وشرحت له التونز وطريقة استخدامها مثل ماقال لي الاستاذ شاهين،وهو عطاني بعض الافكار الجملية جدا والي اقدر اضيفها الى فكرة المانجا مالتي^^،وطبعا في البداية قعدنا ناكل شبس اشوي،وزيرو سوا حركه في الشبس ،خذ حبتين وحطاهم على أطراف فمه (فامبير)شكله كان تحفه^^ ولما انتقلنا للساندويش،اهني صارلي موقف محرج><،الساندويش مغلف بغلاف كرتوني يتبطل من مكان معين بحيث يصبح الغلاف من جزئين جزء تشيله والثاني تخليه علشان تمسك منه،انا عاد من ذكائي شليت الجزء الغلط،يعني كان المفروض أشيله من الجهه الثانيه،ههههه،زيرو عدلي اياه وقال لي من هذي الجهة،وانا وجهي كله خطوط.هههههههاه..
بعدها سئلت عن الوقت،كنت متوقع يكون الوقت تسعه وربع او تسعه ونص ،لكن تفاجأت لما قال صديق زيرو بان الساعة 10 وثلث او نص كما اذكر،وانا حدي الساعه 11 O_o، الوقت مره بسرعه..
خلصنا اكل وطلعنا علطول السيارة ومنها الى البيت طبعا في الطريق كنا نتكلم عن السيارات والمخالفات والحوادث..وهكذا انتهت المقابله على عسل،وانا متأكد اني بشوفه مره ثانيه انشاءالله^^
شكلي طولت وايد وتعبتكم:p
سلام:)
Touya
10-10-2003, 05:15 AM
يوم الخميس هذا كان حافل...
انتظروا المزيد من التفاصيل..
بس ابشيك كان الشباب يبغون يبدون ولا أنا...؟:D
الخطاف
10-10-2003, 08:45 AM
تفضل أخوي تويا
أنا نسيت ماقلت لكم قبل لنمشي إذا بتحبون تكتبون في الموضوع
وبصراحة تمنيتك أنت تكتب
أبتدي :biggthump
قول لهم كل شي ... كل شي
تعرف قصدي من كل شي صح؟
wildkitty
10-10-2003, 12:29 PM
وناسه الشباب يونسون والله
البنات يضيقون الخلق كل ما اقول حق وحده ما اقدر اروح هل مكان ما اقدر اسوي كذه :أفكر:
والمشكله انا بعد ما اقدر كخخخخخخخخخخخخخخخخ
انا مو حارني اله ابن بطوطه هذا رانمو شاف الكل -_-
Bu Laban
10-10-2003, 07:04 PM
السلام عليكم و رحمة الله و بركاته ..
ها أنذا قد قمت بزيارة أخرى الى البحرين لملاقاة الشباب هناك .. طبعا الأحداث كثيرة فببدأ من أول ما انطلقنا ..طبعا الزيارة هذه المرة كانت مع تويا و مستر فالكون ..في البدء اتفقت مع الخطاف على الموعد في الساعه 4:30 عصرا .. و انطلقت مع الشباب الى البحرين الساعه 3 .. و لكن المشكلة هو وجود ازدحام في الجمارك .. و ما وصلنا البحرين الا الساعه 4:30 بالتمام .. عاد أخوكم بالله حب يستعجل شوي .. المصيبة الكبرى هي أني فوت اللفة اللي توديني المجمع و خذنا لفة عى المنامة عشان نوصل .. و ما دخلنا السيف الا بحدود الساعه 5:20 تقريبا .. أنا قلت الشباب مشوا بس انتظرنا مثل ما وعدتهم و كانت المفاجأة .. الشباب توهم يجون الحين و أنا كنت أحاتيهم.. اللي قدروا يجون كانوا الخطاف و نوبسايبت و اللورد زاكس .. طبعا الشباب أول مرة يشوفون تويا .. في البداية اجتمعنا في ستاربكس و تمينا نسولف شوي (اللورد كالعادة ساكت :D ) و سولفنا عن لعبة سول كاليبر و اللي فيها و ما فيها .. هذا غير السوالف الثانية .. و بعدين تمشينا شوي و رحنا محل جوالات و مستر فالكون شراله جهاز و أنا أخذتلي كوفر لجهازي .. و بعدين رحنا للأركيد و لعبنا شوي .. النقطة هي أني كنا نبي ألعب لعبة الرقص مع الشباب بس البزران ماشالله حاجزينها .. و تمينا ننتظر و لا تركوها :mad: .. بعدين رحنا لصالة أركيد ثانية في نفس المجمع و هناك لقينا لعبة الرقص :D .. ها شباب .. من بيلعب معي (بو لبن) .. ما بغى يلعب الى أن تويا قال: أنا معك :) .. و لعبنا اللعبه الأولى وسط ضحكات من الشباب علينا أنا و تويا و انتهت المبارزة الأولى لصالحي تحت انبهار مني لأني أنا ضخم البنيان و مع كذا فزت :D .. المبارزة الثانية كان الخطاف و نوبسايبت في جهة و تويا في جهة ثانية .. بس انسحبوا في نص اللعب و كملت أنا عنهم و برضوا انهزم تويا :D .. بس أهم ما في الموضوع أننا لعبنا اللعبة هذي أخيرا :) .. و لعبنا برضوا لعبة القرص الهوائي و لعبت مع اللورد و هزمته 7 - 4 .. و المرة الثانية لعبت مع نوب و هزمته 7 - 6 .. المباراة كانت قوية .. و الأخيرة لعبت مع الخطاف و هزمته بنتيجة مهولة لا داعي لان أذكرها :D .. و لعبنا في الأركيد لعبة تكن 3 .. كان في بزر جالس يبي يلعب و ما رضى يقوم عن المكان فلعبته معي و هزمني :( .. و جا ابو الولد و جره بره و جا محله نوب و لعبت معه و برضوا هزمني :mad: .. و كان أغلب الحديث عن موضوع سوف أفتتحه انشالله و قاعد آخذ أفكار الشباب فيها و اللتي أفادتني جدا :) .. و في النهاية ودعنا الشباب و انطلقنا الى السعودية .. و توتة توتة و خلصت الحتوتة :).
Touya
10-10-2003, 07:05 PM
بو لبن كتب عن الرحلة.. انتظره يسوي لها كوبي وبيست هنا:أفكر:
طول ترى:p
اوه... كاهو حط رده:bigeyes:
مع انه حاس انه ناقص تفاصيل كثيره........
أنا ابغى العب الرقص مرة ثانييييييييييييية:argh:
Bu Laban
10-10-2003, 07:39 PM
بو لبن كتب عن الرحلة.. انتظره يسوي لها كوبي وبيست هنا:أفكر:
طول ترى:p
اوه... كاهو حط رده:bigeyes:
مع انه حاس انه ناقص تفاصيل كثيره........
أنا ابغى العب الرقص مرة ثانييييييييييييية:argh:
ههههههههههههههههههههههههههههههههههههههههههههههههههههههههههههههههههههههههه
انشاااااااالله .. عن قريب بنلعبها :D
Miss_kimino
10-10-2003, 10:23 PM
لقاء كووووووووووووووووووووووووووووووووووووووووول
يا بولبن و تويا :D
I envy you guys :(
wildkitty
12-10-2003, 05:52 PM
هلاو لو
كيتي - ساكروا - اميره الخيال- اريكسا - لتل ليلي
اخيرا تواعدت مع احد وشفته :tongue2:
يوم اليمعه تواعدت مع اميره الخيال عل اساس اشوفها بالجامعه الساعه 12 وقالتلي انه ساكورا معاي بنفس الكليه وقالتلي بس اسمها ( ابره بقش ) وقالت انها مع قائمة الوسط
اليوم الدراسي الاول :tongue2:
سالت رفيجاتي تعرفون وحده اسمها ساكورا من الوسط قالو اي الي كل مره توزع منشرات علينا ( عاد انا كلش مااااااااااااا اثبت )
اول مادخلت رحت حق الوسط قلت تعرفون ساكورا قالولي شسم عايلتها ؟ قلت مادري قالولي شلون شكلها ؟ قلت مادري ؟ قالولي زين جم رقمها ؟ قلت مادري ( :bigeyes: لا ورايحه بثقه اسال )
قلت لهم مرشحه نفسها قالولي ماكو غير وحده قلت اذا يت قوللها كيتي مرت
ورحت محاظرتي
ماخلصت محاضرتي وسولفت مع الدكتور كل عاده :09:
طلعت وكانت الساعه 12
كلمت اميره الخيال قالتلي انها مريضه ماراح تقدر تيي
عاد لتل ليلي كانت حاجزه طاوله بالكافتريا نتلاقه فيها اتصلت عليها وقلت لها ماراح ايون خل تروح محاظرتها
انا خلصت ماعندي محاظره فاتصلت على اختي تاخذني
وانا طالعه شفت وحده نفس المواصفات لاي قاولي عنها رحت لها قلت لها انتي ساكورا قالت اي قلت ساكورا قالتلي انتي وايلد كيتي :09: ( لو طلعت غلط مو فشله )
كلمتها شوي واخذت رقمها وخذت رقمي على اسا انه نتفق على مكان باجر لاني ما اقدر اقعد اختي ناطرتني المهم رحت
اليوم انا ماعندي وله محاظره بالجامعه رايحه بس جذي :jester: ماكو شغل وله مشغله ( اذا تبون الصج انا حالفه اني اقعد على الكراسي وماخلي وله صبي يقعد حاقد عليهم لاني كل ما اطلع من الماحظره القه الكراسي كله ماخوذه الي يبط جبدي تلقه 6 كراسي يم بعض ايلك واحد يقعد بالنص زين قوم اذلف اقعد بعيد وخل البنات يقعدون فانا قاعده على الكراسي وخل شوف عتوي يقعد يمي خليت البنات يقعدون على الكراسي كلها والشباب بره واقفين مع لاسكيورتي :cool: )
اتصلت علي اريكسو قالت ماكو محاظرات ( توه تكتشف ماشال الله انا ادري من امس ) تعالي كفتريه الهندسه قاعدين انا ولتل ليلي قلت لها لا يبا روحي كفتريت العلوم قاعدين هناك ساكورا واميره الخيال
المهم انا رحت هناك ولقيت اريكسو وليليو قاعدين رحت قعدت معاهم كنت قاعده اطالع رسوم ليلي دخلت وحده قلت حق اريكسا وليلي هذي ساكور قعدو يتلفتون ويدورون :reporter: قعدت وقامو يسولفون بعدين يت اميره الخيال وقعدنا نسولف ليييييييمن
اتصل السايق قالي طلعي انا بره ( مادري منو المعزب ) وخليتهم ومادري شصار بعدين :bigeyes:
وبس :09:
انشاله اشوف الباجي مره ثانيه :D
Bu Laban
12-10-2003, 06:10 PM
هههههههههههههههههههههههههههههههههههههههه
و الله و سويتي زحمة يا كيتي :09: .. كل هذا و في الأخير مشيتي عنهم و تركتيهم :cool: .. بس ننتظر اللي تقابلوا يشرحون لنا شصار لهم :biggthump
wildkitty
12-10-2003, 06:28 PM
بولبن ( مثيقله اسمك بو لبن بناديك لبنه =^-^= خلاص هذه اسمك )
هههههههههههههه
انا السبب انهم تيمعو :cool:
هو قعد معاهم ربع ساعه شنو حلاو :tongue2:
اي والله مسويه زحمه على بلاش
انا اقدر اشوفهم كل يوم =^-^= بس كنت بعرفهم على بعض بس اميره الخيال مو معانه بالكليه
هذي صعبه شوي اشوفها :bigeyes:
Bu Laban
12-10-2003, 07:26 PM
عاد سميتيني لبنه عاد .. هههههههههه ..
بس بما أن المسألة أنج تقدرين تقابلينهم كل يوم فبسيطة انشالله ;) .. عاد عطونا شسويتي آخرتها :31: .. طبعا سوالف البنات الخاصة ما نبيها لأنها خصوصيات بس عطونا العام منها :biggthump
و إذا بتسميني لبنة فالله المستعان .. سميني مثل ما تبين :D
أميرة الخيال
12-10-2003, 07:43 PM
هاي ^_^
كيتييييييييييي يعني لازم تحريني لأني مو معاكم في الكلية :(
كلهم علوم و هندسة الا آنا علوم ادارية يعني شسويييييييي
بس لا طافج كيتي قعدنا آنا و ساكورا العبيطه و ليلي و أريكسا ونااااااااااااااسة قعدنا نضحك و نتكلم (ترى صوتنا الوحيد اللي كان عالي بالكفتيريا ) كنا ازعاج :tongue2:
تكلمنا عن المنتدى و طلعت أريكسا مثلي تحب الروك و الميتال :biggthump بعدين ليلي قعدت تقول لنا سالفة صارت لها مع يابانيين ^______^
و اتفقنا كلنا انا انسوي نادي حق الانيمي بالجامعه و ناااااااااسه :p فكرة كيتي العصلة :tongue2:
بس بسرعة مر الوقت كان صج صج وناسه صج كنا عبط و نهبل :tongue2:
wildkitty
12-10-2003, 09:04 PM
ترى صوتنا الوحيد اللي كان عالي بالكفتيريا )
من قبل لا اقوم وصوته يلعلع وقاعدين نكركر :tongue2:
و اتفقنا كلنا انا انسوي نادي حق الانيمي بالجامعه و
اي بس نطرو خل يخلصون الانتخابات :bigeyes: حعمل عمايل
ناااااااااسه فكرة كيتي العصلة
:motz: نووووووو ايييييييم نااااااااااااااااااااات
أميرة الخيال
13-10-2003, 02:17 AM
yessssssssssss youuuuuuuu areeeeeeeeee :tongue2:
Shadow Cat
13-10-2003, 09:24 AM
وااااااااااااااايلد كيــــــــــــتــــــــــــــــي يا حظظظظظظظظظظكمممممممممم
وناسة والله قصتكم عجيبة الصراحة ^-^ ,..استانست عليها....
هممممم والله من قدكم تتشاوفون بعد ...
http://www.gamers-forums.com/smilies/kao/otn/peating.gif
http://www.gamers-forums.com/smilies/kao/otn/pcheers3.gif
LOOL ^-^ ...
انشالله بعدين اقوللكم سوالفي مع السوبر الجالز :D ..بس مو اليوم....
كيتي ضحكتيني يوم سميتي بو لبن "لبنه"...
:09:
هههههههههههه...
Bu Laban
13-10-2003, 07:38 PM
:أفكر: .. قلنا بس كيتي اللي تبي تسميني عاد ما تصيرون كلكم تسموني لبنة :bigeyes: ..
يا خوفي أن وباء التسمية هذي تنتشر و بصير في مصيبة :D
Shadow Cat
13-10-2003, 07:59 PM
ما تخفش يا ابا لبن .... :09: ما تخفش...
مش حؤولها تاااانــــــــــي ....
:D "
:salook: .....
:evil: ...
hahaa
Bu Laban
13-10-2003, 08:15 PM
اللع يستر منج يا شادو كات :31: .. هههههههههه
Touya
13-10-2003, 10:01 PM
لبنة...!
شرايك نروح بعد العيد للإمارات؟:D
أميرة الخيال
14-10-2003, 12:27 AM
اممممممممم الاشاعة طلعت صح يعني
أبو لبن = لبنة :biggthump
sakura wakky
14-10-2003, 08:58 AM
آسفة رديت متأخر بس شسوي الظروف ><
هههههههههههههههههههههههههههههه
كيتي ^^...يحليلج كتبتي اللقاء ^^
عاد صج كان لقاء عجيب ^^
بس تصدقين كيتي طافج ...
ههههههههههههههههههههههههه
إنتي يوم هديتينا ....ليلي قعدت تسمعني عزفها على البيانو اللي مسجلته بتليفونها ^^...و عزفها عجيييييييييييييييييييييب...و طبعا أريكا ورتنا رسوماتها و الكوميك اللي راسمته بس لي الحين ما لونته ^^
و من كثر الوناسة و مو مصدقين إن إحنا شفنا بعض ...قمنا نتكلم مع بعض ....جنا حمام مقطوع مايه :tongue2:
ههههههههههههههههههه....و أحس إن البنات اللي بالكافتيريا يطالعونا و يقولون هذيل شفيهم جذي....أول مرة يتعرفون على بنات بالجامعة ..ههههههههههه
بس بالأخير راحو ليلي و أريكسا لأن عندهم محاضرة ^^
و رحت أنا و اميرة الخيال ...أوصلها لي الباب لأن أبوها كان ناطرها ^^
و إن شالله بالقريب نتيمع مرة ثانية ^^
ههههههههههههههه
صج كان وناسة
عاد انا يوم رديت البيت قعدت احر مانجا كوين و سويت غيرل ههههههههههه
ماتوا من الحرة
مساكين ^^
إن شالله نلقى يوم نشوف فيه بعض ...كلنا ...لأن مانجا كوين مسكينة محترة ><
wildkitty
15-10-2003, 08:23 PM
شفيه اسم لبنه :jester:
عسل
عاجبني ;)
شفت مانجا كوييييين اليوم بعد
Flashanime
16-10-2003, 11:10 AM
لبنة...!
شرايك نروح بعد العيد للإمارات؟:D
يا الف مرحبا ^ ^
و على فكرة التقينا برانما
إن شالله نلقى يوم نشوف فيه بعض ...كلنا ...لأن مانجا كوين مسكينة محترة ><
:mad: وانا بعد :mad:
wildkitty
16-10-2003, 01:12 PM
وانا بعد
كخخخخخخخخخخخخخخخخخخخخخخ
:09: :D
أميرة الخيال
16-10-2003, 02:58 PM
شنوووووووو هذااااااااااااااا
كيتي يعني لازم تحريني اهيئ اهيئ اهيئ ماكو الا أحول من علوم ادارية حق كليتكم عشان كل يوم أشوفكم
صج خونة تتيمعون و تشوفون بعض و أميرووووو مو معاكم اهيء اهيء اهيء
wildkitty
16-10-2003, 05:35 PM
الميه تروي العطشااااااااان وطفي نار الجرباااااااااااااااااان ( شكو مادري بس قاعده اغنياها :09: )
حررررررررررررره
موتو حررره :cool:
اميره بقولج شغله يوم السبت انا اقدر اقعد بالجامعه اطول
وتاجو بتيي :cool:
( قصدي شاريييييييييييف )
Miss_kimino
16-10-2003, 06:59 PM
نايس ناااااااايس^ ^
حلوووووه مقابلاتكم
أميرة الخيال ...
لاتنسين........ يوم بتزورين الامارات ^_^ خليني انشوفج
أميرة الخيال
16-10-2003, 08:58 PM
هههههههههههههههههههههههه
أفا عليج مس كيمونو أشوفج بالامارات و انحر كيتي و ساكورا و ليلي و أريكسا و كلهم كلهم
هع هع هع :tongue2:
Ranma Saotome
16-10-2003, 10:02 PM
سلاااااااااام
حلوه مقابلاتك يا اعضاء يااعزاء.. هعهعهعهع
فلاااااااااااااااش :mad: ياخي وينك من زمان..
الحين يوم كتبت رد في الموضوع.. جان كملت احسانك وكتبت شي عن المقابله :31:
مقابلتي معاك و مع ديابلوس كانت طويله ههههههههه..
درنا شوي... عشا... سينما... درنا شوي بعد... رسم عالسريع... وووو بس
كانت مقابله وايد حلوه.. اتمنى ان تتكرر قريبا..
من يبي يعرف التفاصيل؟ محد! زين سويتوا خير :D
badevil
17-10-2003, 01:49 PM
آن شفت وايلد كيتي :p
نياهاهاهاهاهاها
هلا شباب شخباركم؟
والله مقابلات البنات عجييييييبة.....لوووووول
كان من المفروض اني اكتب عن مقابلتي الثانية مع هداف او بالاصح...الثالثة..وذلك كان خلال اجازة الصيف وطبعا قبل سفري....اتفقت معاه على اني اقابله عند بيته ولأني طبعا ما كنت ادل المنطقة زين فضعت لين ما لقيت نفسي عنده وكنت بسيارة العمل وطبعا كانت هذي المقابلة عجيبة......اذكر من يوم علمته بعض الاشياء عن رسم الاليات وهو بدأ يرسم بعض الاعضاء الالية كالقدم والذراع حتى اني تفاجأت برسمه وتعلمه بسرعة لطريقة رسم الاليات....وبعدين هداف اقترح انه يرينا بعض الحركات بكرة القدم وانا من اول ما شفته من طريقة مشيته عرفت انه لاعب بمعنى الكلمة حتى انه صديقي هو اللي لاحظ قبلي هالموضوع....(لاعبي الكرة عادة تكون عضلات قدمهم قوية وهذا يعطي لمشيتهم طابعا مميزا عن مشية الانسان العادية)
وطلعنا للخارج وبدأ هداف بالتفنن بالكرة حتى اني قعدت اعد عدد المرات التي يركل فيها الكرة من دون جعلها تلمس الارض...اعتقد وصل فوق الستين على ما اذكر....ما شاء الله ما شاء الله ما شاء الله ما شاء الله خمسة وخميسة في عين الحسود :biggthump وهناك بعض الاشياء والتي سأجعل هداف هو التي يكملها عني :jester:
والسلام
wildkitty
19-10-2003, 07:54 PM
أفا عليج مس كيمونو أشوفج بالامارات و انحر كيتي و ساكورا و ليلي و أريكسا و كلهم كلهم
yah right :cool:
زيروووووووووووووووو هاااااااااااااااااااااااي لونج تااااااااااااايم
وينك يا خايس كلش لا حس وله خبر :bigeyes:
Touya
19-10-2003, 11:27 PM
يا الف مرحبا ^ ^
و على فكرة التقينا برانما
وانا اقول هالولد رانما وين مختفي؟؟؟؟؟؟؟؟؟:12:
حسبي الله عليه... يختفي في يوم وليلة ولايعطينا خبر..!!!:motz:
وانا كل يوم والثاني أسئل "لبنة" وين راح رانما... يقول لي ماشوفه في الكلاسات
وش صار عليك؟؟؟ مسوي دروب ولاحاجة ياكسول؟:motz:
Bu Laban
19-10-2003, 11:37 PM
لبنة...!
شرايك نروح بعد العيد للإمارات؟:D
أنا ما عندي مانع مطلقا .. بس ما أدري عن الشباب هنا كانهم رايقين لنا و للا لا :cool: .. و إسم لبنة هذا بتشوف ردي عليك فيه عمليا :vereymad:
____________________
:bawling: :bawling: :bawling: :bawling: :bawling: :bawling: :bawling:
GM Head
20-10-2003, 12:13 AM
السلام عليكم....
أعرف أني داش عرض :أفكر:
بس لازم أقول عن أول مقابلة لي من حامل التابوت(رسام سابقاً)
إنزين المقابلة ما كانت من النوع الي مرتب له أو مسبق معاه................سبحان الله مصادفة
"مصادفة خير من الف ميعاد" أو هذا الوزن:p
المهم
الي صار ...... أني من النوع الي يروحون محل رفيجي كل أسبوع يوم الأربعاء بمثابعة تجمع شبابي هناك و قلت لهم أني رايح أروح البقالة وأرجع (بطيني), ولما رجعت كان رفيجي يتصفح ملف لرسومات , و من دافع الفضول طليت على الملف وياه.......... :bigeyes: كأني شايف هذه الرسمة مكان؟
هذا رسم "رسام" (رسمة من موضوع تحدي عالم فانتسي)...... حتى قلت :"وين صاحب الملف ؟"
رفيجي:"هذا الفتى الي لابس الكاب"(حتى أنا في نفي الوقت:09:)
و لما رحت له قلت:"أنت موسى؟"
و جاوبني بإستغراب (شلون عرفني):33:
و قلت له :"أنا جيم هيد":ciao:
وأخذ وقت لما أستوعب الي صار:11:
و أخذنا بعد ما أن تعرفنا شوي على بعض..............ما أبي أتنيحس .......... لازم نيو سيد سيد يشوفه ... وبالطبع أتصلت عليه علشان يوقف إدمانه على لعب الكاونتر سترايك(شوي) ويي له مفاجأة...... و الطبع عرفتهم على بعض , ومن هذيك الساعة تبادلنا أرقام النقال وراوينا على كل واحد سكيتشاته على بعض:reporter:
و هذا المقابلة صارت أسبوعيين بعد ما قابلت شاهين
وآسف على التأخير....
أميرة الخيال
20-10-2003, 12:44 AM
اي و الله صدفة خير من ألف ميعاد
:wow:
أمبييييييييييه صدفة غريبة بس عجيييييييييبه ^_^
Touya
20-10-2003, 12:48 AM
صحيح!
لقاء صدفة غير من الف ميعاد...
صراحة انا هاليومين لاقيت كثير من اعضاء المنتدى... (اللي يلعبون Halo)
بس اغلبهم من اعضاء منتدى الألعاب
اليسون
20-10-2003, 05:45 AM
يلا اميرة نشوفك في الامارات ;)
وباقي البنات
اذا حد يريد اسمي ما بقولكم ههه بقول اسم الدلع ناني :09:
:D
wildkitty
20-10-2003, 01:21 PM
و إسم لبنة هذا بتشوف ردي عليك فيه عمليا
:31:
هااااااااع مو عاجبك
مولازم :12:
لبنه لبنه ساوند كيوت اي لايك ات :jester:
لبنه لبنه لنبه كوايا =^_^=
واو صدفه جد جد جد حلوه جيم
جان زين انا معاكم :09:
أميرة الخيال
20-10-2003, 09:34 PM
اليسون يعني لازم تنطرين لما شهر يناير ^______________________^
هع هع هع وناسه
اليسون
21-10-2003, 05:22 AM
يلا بنستنا طلتك البهية اميرة :D
يناير اي يناير هذا :31:
Bu Laban
28-10-2003, 12:11 AM
:31:
هااااااااع مو عاجبك
مولازم :12:
لبنه لبنه ساوند كيوت اي لايك ات :jester:
لبنه لبنه لنبه كوايا =^_^=
:bawling: :cray: :sad2: :17: :no: :rant: :(
بس ماني قايل لا :09:
GM Head
01-12-2003, 03:47 AM
الحين بأحكي عن مقابتلي مع MZM و شارب أيس بس الوقت ما يمديني أكتب القصة
بس أعرف أنه حصل قبل أسبوعين بالضبط
:reporter: وترقبوا الموجز مع مراسلك جيم
wildkitty
03-12-2003, 08:07 PM
الحين بأحكي عن مقابتلي مع MZM و شارب أيس بس الوقت ما يمديني أكتب القصة
بس أعرف أنه حصل قبل أسبوعين بالضبط
وترقبوا الموجز مع مراسلك جيم
:09: صج
wildkitty
03-12-2003, 08:11 PM
الحين بأحكي عن مقابتلي مع MZM و شارب أيس بس الوقت ما يمديني أكتب القصة
بس أعرف أنه حصل قبل أسبوعين بالضبط
وترقبوا الموجز مع مراسلك جيم
:09: صج
يله خل اشوف شبتقولون :p
Ranma Saotome
04-12-2003, 08:53 AM
GM Head - MZM - Maytham - Sharp Eyes - Kitty - Arexa - Manga Queen - Sakura Wakky - Taja - Ameerat Al-'7ayaal
aaaaaaaaaaaaaand
Ranma
h3h3h3h3h3h3
aaaalll of them together in one place... it must be a dream
yeah yeah... i met all of these wonderful ppl yesterday
i'll tell u all about it tonight or tomorrow :)
byyyyye
(can't write in arabic :o )
orange road
04-12-2003, 11:55 AM
سويتها يا عبوط من وراي :12:
كل هاي جفتهم... متى؟؟؟ ووين؟؟؟؟
:mad: سأنتقم منك يا عبووووووووووووط المعبوط
جيم ^^ حلوة الصدفة لما التقيت برسام
انا ما قلت لكم لا تتلاقون من وراي
لازم تستأذنون مني قبل :أفكر:
wildkitty
04-12-2003, 12:08 PM
yes we r :09:
little-lilly
04-12-2003, 03:06 PM
rrrrrrrrrrrrrraaaaaaaaaannnnnnnnmaaaaaaaaaaaaaaaaaaaa
:mad:
you TOTALLY forgot about meeeeeeeeeeeeeeeeee :argh:
little-lillyyyyyyyyyyyyyyyyyyyyyyyyyy
arrrggggggggggggghhhhhhhhhh
am i so little or tiny to be mentioned?? :P
T.T i'm sad now
*snif* SNIF* waaaaaaaaaaaaaaaaaaaaaaaaaaaaaaaaaaaaaaa
:17: :cray:
هههههههههههههههههههههههههه لتل ليلي اهو مانساج لكن الظاهر انه ماكان يدري انج موجوده :tongue2:
:D يالله يا اعضاء وين الي قلتو بتكتبونه !!؟؟ :biggthump
مين القطو الي رفع الموضوع ...
احم اخباركم ؟!
Ranma Saotome
05-12-2003, 01:41 AM
:o :o :o :o :o :o :o :o :o :o :o :o :o
soooooooooooooooooooooooooorrrrrrrrryyyyyyyyyyyyy
انا كنت مقفل وانا اكتب الاسامي.. و كنت حاس ان ناسي اسم..
حتى اول شي نسيت اسم اميرة الخيال و عدلت الرد... و كنت بعد حاس ان ناسي اسم..
بس طبعا ماقصد :o
كان المفروض احطج على اعلى القائمة هعهعهعهع ;)
خلوووود..
ماتدرين السالفه صارت سريع سريع هههههههههه.. بس والله وناسه ماشفت مثلها..
انا توني واصل الحين و tooooo tired to write anything
بس بقول thnnnnnnnnnnnnnnnnnnnx
لجمييع الاعضاء اللي قابلتهم والله قضيت احلى اوقات عمري.. مشكوووووورين
و شكر خاص لميثم و شارب آيز و جيم هيد المرشدين السياحيين هعهعهعهعهع
بكره بتوصلكم التفاصيل انشالله.. (أخ.. شكله بيكون رد طويل)
byyyyyyyyyyyyyye
:o thnx again all of u
fatoom
05-12-2003, 02:35 PM
دخلت الموضوع و السبه رانما بيحط رد !!!
وين الرد ابي اعرف شسالفه ؟؟؟
:06:
يلا عاد حد يكتب شصار احس ونااااااااااااسه ^ ^
ابي مواقف مقالب @@
ابد ماصار شي ؟؟؟؟؟؟؟؟؟؟؟؟؟؟؟؟؟؟؟؟
fatoom
05-12-2003, 02:38 PM
هلااااااااااااااااااااااا بكيتيييييييييييييييييييي :D
(صج وحشتييييييييييييني)
يلا يلا مافي إلا إنتي بتطلعين الأحداث صح :biggthump
يالله ابي ردج انتي بالذات :D
بنطر تقريرج هههههههههههههههههههههههههههه :reporter:
أميرة الخيال
05-12-2003, 02:59 PM
أهلاااااااااااااااااااااااااا :D
رانماااااااااااا ما صارت اكتب السالفة و خلصنا :tongue2:
و الا تبي أكتب شنو صار (مع اني ييت آخر وحده) :09:
Ranma Saotome
05-12-2003, 03:21 PM
الظاهر الكل ينتظر..
انتظروا لين اليوم فالليل...
انا كتبت مساعه شوي لكن الاكسبلورر خرف و انمسح الكلام..
و انقلب المود عقبها :31:
انطروا لين الليل..
آسف :o
fatoom
05-12-2003, 04:39 PM
اميرة الخيال اكتبي شصااااااااااااااااااار :D
بلييييييييييييييييييييييز
رانما شكله مابيكتب و موده منقلب و مادري شسالفته :tongue2:
فبلييييييييييييييييز حد يكتب @@
Ranma Saotome
05-12-2003, 04:49 PM
لاع :mad:
انا بكتب اول واحد.. انطروا شوي :(
لأن مقابلتي استمرت يومين اول شي مع الشله كلها و بعدين مع الشباب بس..
انشالله بكتب الرد اليوم.. بس انطروا علي لين الليل :o
Flashanime
05-12-2003, 04:55 PM
اوكي خلاص انا بكتب
Maytham
05-12-2003, 05:01 PM
Flashanime
اوكي خلاص انا بكتب
:12: :09:
ههههههههههههههههههههههههههههههههههههههههههههه ..
رانما .. لا تطول ياصديقي .. ترى عندي أشياء ممكن تنعرض إذا تأخرت :D
GM Head
05-12-2003, 05:22 PM
Flashanime
:12: :09:
ههههههههههههههههههههههههههههههههههههههههههههه ..
رانما .. لا تطول ياصديقي .. ترى عندي أشياء ممكن تنعرض إذا تأخرت :D
لااااااااااااااااا يا ميثم :Eyecrazy:
أكتب كتاب كامل بأدق التفاصيل................. بس مو الصور:afraid:
sakura wakky
05-12-2003, 05:34 PM
لي الحينكم ما كتبتوا شي ^^
يالله ننطر رانما يكتب حق الموضوع ^^
عاد صج كان يوم غير طبيعي ^^
أميرة الخيال
05-12-2003, 06:58 PM
رااااااااااااااااااااااااااااااااانماااااااااااااااااااااااااااا خلصنا و اكتب
و الا تبيني آنا اكتب و أريحك من عوار الراس :tongue2:
ساكو اي و الله كان يوم غير طبيعي :p
manga queen
05-12-2003, 11:07 PM
ايوه يا ميثم حط حط ..انا معاك :D
ههههههههههههههههههههههههههه...
باياتو + ههههههههههههه سلامي :09:
Maytham
06-12-2003, 12:01 AM
اوكي .. راح أحط :angel:
هذي الصورة كنت قبلها قاعد أصور رانما و شارب .. و صدفة مرت بنتين وحده راحت .. و الثانية وقفت تطالع المنظر :D
sakura wakky
06-12-2003, 07:29 AM
ميثم ...ههههههههههه
أنا علبالي صج بتحط الصور هههههههههههههه
حلوة الحركة ....
يالله راااااااااااااااانمااااااااااااااااااااااااا....
وينك؟؟؟
ليش ما حطيت ردك؟؟؟ :mad:
Ranma Saotome
06-12-2003, 08:57 PM
السلاااااااااام عليكم..
سوووري ماكتبت الرد امس... no execuses :o
الحين ببدا على طول :).. (سوري الرد بيكون مجزأ لأن عدد السمايليز وايد عشان جذيء جزأت..)
انا كنت مفكر من قبل العيد ان اروح الكويت و في كم عضو هناك عرفوا هالشي.. لكن كنت طول الوقت متردد يوم اقول اروح ويوم اقول لا صعبه.. و كنت مفكر ان يكون على تاريخ 3-12 يوم الاربعا.. و ماااقررت و اخذت القرار الاخير ( مو هذا مسلسل! :p ) الا يوم الثلاثا العصر..
عقبها الاعضاء اللي جفتهم يوم الثلاثا عطيتهم خبر.. و كانوا جيم و كيتي و تاجا..
الاربعا الساعه 5 الصبح.. طلعت من شقتي في الخبر و مسكت الطريق.. وصلت الدمام ومسكت خط الدمام - الخفجي الساعه 5ونص.. و طول الطريق كان مطر :raincloud و فترات كان قويييي قوي وايد :raincloud :raincloud لدرجة ان فكرت اوقف لين يهدا شوي.. لكن كل هذا يعني تأخير وانا معطي الشباب خبر ان بكون عندهم على الساعه 10 الصباح انشالله.. وصلت مدينة الكويت الساعه 9وربع تقريبا.. هههههههههههه انا كنت ماخذ خارطة للكويت و العاصمة من مكتبة جرير و قلت بتبع الخارطه لين اوصل جامعة الكويت في مدينة الخالدية مقر التجمع.. قعدت من 9ربع لين 9:50 وانا احوووس في العاصمة و ادور في مكاني هههههه لين في النهاية جفت مكتوب "الخالدية" :D تشققت.. و جفت مكان عرفت انه الجامعه على طول.. طبعا اخترنا هالمكان لأن اريكسا و ليتل ليللي و كيتي و ساكورا و مزم و شارب آيز كلهم يدرسون هني... و اتفقنا مع باقي الاعضاء ان يلتقونا هني بعد..
المهم وصلت الجامعة.. و قالوا لي ادخل من البوابة رقم واحد و هناك لقيت كيتي.. هههههههههه كأن مكتوب على راسها كيتي عرفتها :p و الظاهر كان مكتوب على راسي رانما بعد :06: هعهعهعهعهع
من هناك مشينا لين المرسم.. وووووووو دخلنا المرسم نياهاهاهاااي (الحمدلله والشكر).. هناك كان في 3 بنات و ولد كشخه خطير ;) (شتبي اكثر بعد).. اول مادخلت الا تقول لي كيتي: "هذا منو؟"
انا قلت: "ممم شارب آيز :D"... طلع غلط (ومستانس مع ويهي)... قلت اكيد عيل مزم.. رحت سلمت عليه :D :D ويهه بشوش و منور و يشرح الصدر وووو طويل.. يمكن انا قصير.. لالا هو طويل... لما سلمت عليه قعدنا جنب بعض و في الجهة الثانيه من الطاولة صفة 3 بنات مع كيتي... "وهذولا منو؟"
انا: "مممم اللي في الوسط اريكسا.. (عرفتها على طول يحليلي)... مممم اللي على يمينها مانجا كوين!".. الا كلهم في نفس الوقت بمعنى "لا غلط"... "اوكي عيل ليتل ليللي.. واللي على يساركم مانجا كوين"
هعهعهع عرفتهم على طول.. (شباب لاتنطرون مني اوصاف البنات :09: dream hahai) ههههههههههههههههه..
يتبع...
Ranma Saotome
06-12-2003, 08:59 PM
.....
جفت المرسم محتلينه ههههه معلقين رسوماتهم.. جفت رسوم اذكرها مالت مزم و رجعت ذكريات جميله جدا و رسوم لأريكسا و البقيه هذا غير الرسوم اللي بالالوان المائية و غيرها المعلقه في كل مكان.. اشياء وايد حلوه المفروض تعرض في المنتدى.. :)
بعدين قعدنا..هم قعدوا هناك و انا و مزم قعدنا هنيه.. عطتني مانجا كوين ملف فيه رسومها :wow: اشياء وااايد عجيبه.. كانت اوراق وايد قعدت اجوفها بعدين كيتي طلعت CD من ملفها و شغله مزم على اللاب توب ماله.. السيدي في رسوم عجيبه و كيوت مالت لعبه هم يعرفونها.. انا قعدت اجوف السيدي و رسمات مانجا كوين.. ههههههههه ماشالله يدي تعبت من كثر مانا شايل الاوراق واقلّب فيهم.. في رسوم و سكتشات عجيييبه.. اللي عجبني منهم حطيته على جنب أن بصادرهم بعدين هعهعهعهع :evil: و ايه بعد كنا انا و مزم نجوف كتاب عن Final Fantasy 8.. في كللل شي عن اللعبه.. و جفنا الوحوش و الشخصيات وغيره وغيره و قعدنا نتكلم عن الالعاب شوي خاصه الاربيجي و بعدين يبنا طاري لعبة رانما و هني تميزت ليتل ليللي ههههههه طلعت خبيره في رانما اكثر مني :embarasse وقالت لي عن العاب رانما لكن ماعطتني اللعبه :12: (اصلا ماكان عندها.. احم)..
و سألت مزم عن باقي الشباب.. كلم شارب آيز.. و قالوا لي ان شارب آيز يشابه الرسوم اللي يرسمها :naughty2: خطير هاه.. بعدين دخل علينا واحد يشبه الرسوم اللي يرسمها :p عرفته على طول و صرخت مثل الاهبل شارب آيز :D (و شاق الحلج شكلي مسخره).. سلمت عليه و شلونك اخبارك.. شلون اوصفه! صج مثل مايرسم نفسه في المنتدى لكن شعره مب اخضر و شيلوا العلامات اللي على الويه يطلع لكم هو بالضبط :icon6:
و قعدنا شلونك شخبارك و من هالكلام.. بعديييين دخل علييينا ميثم :arms: و سلام و غيره و عطاني دفتر السكيتشات ماله.. ونااااسه.. صج ان معظم الرسوم ماكانت كامله لكن رسومه كششششخه وايد حلوه ماشالله عليه.. كان ودي اخذ الدفتر بدون مايلاحظ :salook:...
و تاجا بعد يات لكن ماطوّلت.. اذكر لما كانت موجوده تكلمنا عن سالفة الايقافات والطرود و ايقاف لوجين و حذف التواقيع و خرابيط المعقدين اللي في المنتدى :ziplip: مابي اكمل.. بس كان نقاش حلو :)..
وووووو.. شارب آيز كانت عليه محاضرات فطلع على طول.. بعدين تونا نسولف الا مزم يقول ان جيم الحين جاي.. و دخللللللللللللللل جيم :6147: و في يده كيس من اول ماشفته استبشرت خير هههههههههههههه..
اول ماقعد معانا طلع الكنوز اللي عنده.. كتب كلللها mecha mecha meeeechaaa.. واحد فيه جريندايزر و مازنجر رسوم و ديزاينات اوليه و غيره :Eyecrazy: يطير العقل.. و الثاني معظمه عن Gundam.. شي شي عجييييب صج شغلنا كل واحد ماسك كتاب و عيونه هالكبر @@ يبحلق فيه..
و ماشالله عليه جيم كلما سألنا عن آلي عطانا تقرير عنه.. لكن المشكله اذا قال كلمه بالياباني في الوسط هههههههههههه ويهنا يصير جذيه :confused2 جيم في حركاته و كلماته وايد من المانجا :biggthump خطير هاه.. و بيني وبينكم لاتقولون حق جيم اوكي.. في الصج غير عن المسنجر لأن في المسنجر دايما شكله مكتئب و معصب هههههه لكن في الصج طول الوقت مستانس و ينكت ويضحك..
مممممم بعد.. بعدين قعدت اجوف الرسوم والصور اللي في كمبيوتر مزم مع كيتي.. الشباب كانوا يسولفون و البنات يرسمون.. و ساكو دخلت و اشتغلت على رسمة لها.. منظر للقمر وانعكاسه على البحر.. والله رسمه حلوه لكن هي مب مقتنعه فيها للأسف.. و ماشالله عليه مزم دايما يعطي توجيهات و تعليمات.. من اكثر الاشياء اللي عجبتني :) و شلون متعاونين و يعلمون بعض على طول.. و اميرة الخيال كانت موجوده لكن مالها حس ابدا.. الكل كان موجود حوالي 11 او 12 عضو في مكان واحد :D
ووو رجع شارب آيز من محاضراته و كملنا سوالف.. تكلمنا عن اكثر من شي من اول مادخلت.. تكلمنا عن النقد و الردود و مشكلة منتدى السياسه اللي صارت قبل و تكلمنا عن بعض رسوم الاعضاء و حاولنا نطلع بعد بمخطط لليومين اللي بقعدهم.. والله آآآخر وناسه..
يتبع...
Ranma Saotome
06-12-2003, 09:02 PM
.....
بعدين الوقت بدا يتأخر يعني الظهر بعدين قرب العصر.. الساعه 2 يسكر المرسم.. البنات راحوا وبقينا احنا الشباب لين 2وربع في المرسم هههههههه و المشرف ينتظرنا نطلع عشان يقفل الباب..
طلعنا و قلنا وين الحين.. قلت لهم "والله انا ميت يوع ماتريقت حتى والحين 2 الظهر ابي اتغدا هههههه" قالوا اوكي عيل كافيتيريا الجامعه في مكدونالدز.. مشينا لين جدام الكافيتيريا و مزم قال ان عنده محاضره الساعه 3 ولازم يروح.. قعدنا نسولف شوي و ميثم التقط صور.. في صوره تذبح ضحك مادري شلون صورها هههههههه بس محد بيجوفها :nana: اخذت ارقامهم و قلت بتصل فيكم بعد المغرب عشان نتفق على مكان نلتقي ونطلع مع بعض..
مزم راح و بقينا رانما - جيم - ميثم - شارب آيز.. رحنا الكافيتيريا انا وجيم تغدينا لكن الشباب الظاهر مسوين رجيم :p.. ايه جيم نسيت.. الله يغنيك على الغدا :o.. على الغدا السوالف كلها دارت حول موضوع الاخ booob و النقاط اللي انطرحت في الموضوع و رأينا و غيره.. كان حلو النقاش كلنا مع بعض غير عن المسنجر فرق والله..
خلصنا غدا و طلعنا من الكافتيريا ( اوففف توني منتبه الرد وايد طويل.. تفصيل ممل هاه :hmmmm: ) المهم.. بعدين كلنا "هاه وين سيارتك.. وين سيارتك انت.. انا سيارتي هناك.. عند بوابه واحد".. طلع ان سياراتنا مع بعض.. قلنا احسن نمشي مع بعض لين نوصل هناك.. و احنا نمشي كنا نفكر وين نروح المغرب او اليوم الثاني (الخميس) الصبح و غيره.. مشينا لين وصلنا قريب سيارتي كانت اقرب وحده.. وقفنا هناك نسولف اشياء متفرقه.. و بعدييييييييييييييين (اهم سالفه هذي هعهعهعهع).. ياتنا هالقطوه الصغيره.. و قفت في الوسط بيننا.. "شتبي هذي" ههههههههههههه.. و تطالعنا واحد واحد ههههههههه قنلنا اكيد مطرشتها كيتي تتجسس :ninja: لالا اكيد شادو كات مطرشتها هعهعهعهع.. بعدين يات القطوه وبدت اتّمسح في شنطة شارب آيز.. (sooo cute).. تروح و ترجع تحكك جسمها في الشنطه و المسطره المتريه.. بعدين يات عندي نفس الشي!!.. عقبها يا الدور على جيم ههههههه ماخلت حد ماتحككت فيه.. الا ميثم الظاهر كان حاط مزيل قطاوه ( :yawn: سخيف ).. و تصدقون القطوه على هالحال يمكن مدة 10 دقايق طول الوقت اتحكك و اتمسح فينا بس اكثرررر شي في شنطة شارب آيز والمسطره.. كان شكلها متوسخه من المطر و الغبار الظاهر تنفظ نفسها فينا :s: و ماكانت تخاف يعني جيم نزل لها و قام يحمس على راسها وبين اذنها و هي مستاسنه كانها قطوة بيوت مب شوارع..
بعدين جفنا السالفه طولت ههههههههههههه قلنا خلاص يلا خل نمشي.. و بعدين بيكون بيننا اتصال عشان نطلع.. انا قلت لهم بتصل فيهم من الفندق لما اكون مستعد لأن موبايلي مايشتغل في الكويت وكانت هذي من المشاكل اللي واجهتني هناك.. مافي طريقة اتصال الا تلفون الفندق..
رحت الفندق.. اوكي الحجز موجود بدفع.. الفيزا ماتشتغل.. اففففف الحين شسوي... مالت عليهم ماعندهم حتى مكينة ATM في الفندق... قالت لي الفلبينيه روح المكان الفلاني ( مادري وين قالت :s: ) في بنك اسحب من هناك... انا افكر.. الحين اول مره ايي الكويت شلون تبيني ادل البنك الفلاني ولا المكان الفلاني.. والله و رحت على ويهي درت حست حست هههههههه نص ساعه لين طلعت مكينة سحبت منها و رجعت لهم.. قلت لها برجع عقب 10 دقايق ههههههههههههه رجعت عقب ساعه كامله..
المهم skip لين بعد مانمت و اتصلت في جيم..
على الساعه 7 كأن التقينا انا وجيم في الفندق و اتصلنا في شارب أيز و ميثم أن بننتظرهم ايون الفندق عشان نتحرك مع بعض.. لكن تأخروا فقررنا نطلع انا و جيم واتفقنا ان نلتقي معاهم في مكان معين...
ههههههههه كانوا طول الوقت متوهقين مايعرفون وين يودوني.. أي مكان مب مشكله عندي.. بعدين استقر الاتفاق على مجمع الرحاب.. مكان كلللله محلات العاب بلاي ستيشن و غيره.. وفي محل أنيمي..
شفناهم هناك و مزم كان مشغول فماقدر ايي.. رسام (حامل التابوت) كان طالع رحله مع ربعه فماقدرنا نشوفه.. المهم.. ركبنا فوق وداني جيم محل كله figures و اشياء عجيبه.. وقعدنا نحوس في المجمع و طبعا الجو كان يساعد على سوالف الانيمي و الالعاب.. قعدنا نحوس في المكان و دخلنا بعدين محل و شروا الشباب لعبه مادري شسمها لكن المهم mecha هعهعهعهع كله mecha.. بس كان فيها ايفا 01 و خماشي و جيتر روبو.. و عقب ماشبعنا من المكان طلعنا.. مممم وين نروح وين نروح... قلنا خل مطعم تكون قعدته حلوه منها ناكل ومنها نسولف.. اصلا ماكنا نحس باليوع لكن مافي أي افكار ثانيه.. الشباب قرروا يودوني مطعم على البحر مادري شسمه.. جيم قال ان يدله و ميثم وشارب آيز مع بعض في سياره وحده قالوا بيلحقونا.. (انا مع جيم في سيارته) و في السياره حشينا في كم عضو (سامحونا كخخخخ)..
واحنا في الطريق الاخ جيم طوّف اللفه و ضيّع هههههههههههه.. انا قلت له عيل خل نروح نينو.. في نااااس طول الوقت يتكلمون عن هالمطعم وقلت لازم اجربه.. طبعا انا مستغل فكرة أني ضيف فقعدت اتشرط.. فوافقوا ان نروح نينو هههههههه.. و طلعوا الشباب كلهم اول مره يروحون نينو حالهم حالي..
لما وصلنا عن البوابه.. اشوف الشباب مترددين هنيه عرفت ان اول مره ايونه و ماكان عاجبهم شكله من الاضاءه اللي داخل و الموسيقى و كان متروس بعد.. المهم دخلنا هناك احنا الاربعه و يابوا لنا المنيو اللي كأنها دفتر محاضرات :p و الاسعار كانت شوي.. احم.. و في اصناف وايد توهقنا شنو نطلب.. تفاديا للشسمه طلبنا اشياء نعرفها ومجربينها من قبل.. ماقول لكم شنو طلبنا :eviltongu
جلسة المطعم كانت مخصصه للمنتدى.. طووول الوقت نتكلم عن المنتدى.. تكلمنا عن بعض المواضيع و عن بعض الاعضاء.. بس الظاهر ان هارد روك :scool: كان الاكثر شهره (مين أدّك ابسط ياعم).. تكلمنا عن بعض المشاكل اللي في المنتدى و تكلمنا عن الردود و الانتقادات وشلون المفروض يكون الرد و بعض الاقتراحات اللي ممكن تنعرض للأعضاء و تكلمنا عن ههههه الكم الهائل للجاليريات و الpluses and mineses من هالشي.. تكلمنا عن بعض الاعضاء القدامى و الذكريات الحلوه معاهم و تمنينا لو يرجعون.. تكلمنا عن المشاكل اللي مرت على المنتدى من قبل و شلون كانت كلها تنحل بفضل الله ثم المراقبين والاعضاء و الترابط اللي بينهم.. تكلمنا عن عدة اشياء لكن ماذكر والله اتمنى من الشباب لو يذكرون شي يقولونه..
طبعا طولنا في مطعم و خذتنا السوالف.. ماوعينا الا مافي حد بالمطعم هعهعهعهع و الساعه صارت 12 بالليل.. طلعنا من المطعم و طبعا ميثم ماقصر بالتصوير من يوم كنا في الرحاب لين المطعم لين طلعنا منه.. بس ونااااسه يعني كان يصور كل لحظه للذكرى.. بعدين واحنا عن سياييرنا حاولنا نتفق على مكان معين حق يوم الخميس لكن ماتفقنا الا ان نفطر مع بعض و بعدين بنقرر وين نروح و كان الجو ذاك الوقت بارد و شارب ايز أثر فيه البرد وبان التأثير يوم الخميس و مشكوووورين شباب الله يكثر خيركم على العشا الحلو :arabchatr
يتبع....
Ranma Saotome
06-12-2003, 09:04 PM
.....
كلللل هذا اللي صار يوم الاربعا.... الحين نبدا في يوم الخميس..
اتفقت مع الشباب ان اتصل فيهم على الساعه 9 و قالوا ان بيكونون صاحيين.. yeeeah right.. ههههههههه اتصلت في ميثم و كان واضح من صوته ان كان نايم..
رانما: "صباح الخيييير.. هاه توك قاعد؟"
ميثم: "صباح النووور.. هاه.. لا.. يعني من شوي كنت قاعد"
رانما: "قعدت على صوت الموبايل صح :phone: "
ميثم: "....ايه"
صادوه هعهعهعهع.. المهم طبعا لأني مادل مكان في الكويت قال ان بيمر على شارب آيز بياخذه و بيمر علي الفندق و نطلع كلنا مع بعض.. انا انتظرتهم في اللوبي و قعدت على النت هناك شوي.. لين ياووني..
طلعنا رحنا مكان ماعرف سشمه لكن تريقنا في tekka.. والله كان خوش ريوق.. ههههههههههههههههه بحلي ميثم او شارب ايز يقولون الكلام اللي كانوا يقولونه لي :12:... تذكرون شكنتوا تقولون وانا اخذ الاكل من البوفيه؟... ههههههههههههههههههههههههههه انا أكلي خفيف و ماكنت اخر اشياء وايد.. يقولون لي.. شوي شوي اعصابك ياخي عالاكل بتمتن ههههههههههههههههههههههههههههههههههه والله ذبحوني من الضحك... جلسنا نتريق.. ريوق لين الساعه 12 الظهر :tongue2: و ميثم بعد كان يصور هناك.. يصورني وانا اكل :31: بس كانت صور عجيبه :biggthump و جيم ماكان معانا لأن عليه دوام.. مممممم.. عن شنو سولفنا ذاك الوقت شباب؟! :o ماذكر هيهي..
عالساعه 12 الظهر طلعنا من المطعم.. و ايييه لما طلعنا من نينو الاربعا ميثم قال ان الغدا يوم الخميس عنده.. فللله هالانسان :).. المهم مثل ماقلت عالساعه 12 طلعنا من تيككا.. و قالوا الشباب بيودوني المركز العلمي.. رحنا هناك والله مكان عجييييب وايد عجبني.. اول شي مرينا على السينما ال3D و شارب آيز خبير ماشالله يعرف كل الافلام.. حاولنا نلقى فيلم وقته مناسب لكن طبعا حظي دايما عوي.. فمالقينا فيلم 3d وقته مناسب.. قلنا نبروح عند البحر.. رحنا هناك الجو كان عجييييب و المكان وايد حلو صراحه.. قعدنا نسولف عن موضوع القراصنه هههههه لأن المكان كان مناسب.. واللي صار بعدييييين بخلي شارب آيز او ميثم يقولونه.. ( كسّـلت :o ) عقبها قررنا نمشي خلاص... وووو... وانتهى الجزء الاول من يوم الخميس...
و صلوني الفندق و عالساعه 3 العصر تقريبا ياووني الفندق مره ثانيه (ميثم و شارب آيز) لكن هالمره انا لحقتهم بسيارتي لين بيت ميثم
و ميثم كان يقول ان محضر لنا مفاجأه بعد الغدا.. وصلنا بيت ميثم جعله الله بيت عامر و ملاه بالسعاده انشالله.. دخلنا هناك و جزاه الله خير ضيفنا (ميثم شنو ينادونك.. بو شنو؟؟؟) احم.. و شارب آيز كان مزكم ههههههه الله يعافيه كله من لفحة برد الاربعا.. وبعدين انتظرنا جيم لين يانا قعدنا نسولف شوي سوالف متفرقه و بعدين تغدينا ذاك الغدا الحلو الله مشكووووور ميثم و الله يغنيك و يكثر خيرك.. و طــــبـــــعا اكلي ماعجبهم لأن يقولوون هم أني ماكلت شي.. ( شسوي يعني اغصب نفسي :12: ).. انا قلت بعدين أني ماقدر أطول لأني متواعد مع واحد من ربعي في جامعة الكويت.. بعد الغدا كانت المفاجأه..
فيلم من تمثيل مجموعة من الشباب الحلوين.. ميثم و اقربائه و من اخراج اخوه الكبير.. limme tell u something.. الفيلم عجيييييييييب عجييييييييب عجييييب وااايد حلو.. صراحه كنت speechless لما شفته اولا عجبني الاخراج ماشااااالله ماشالله صراحه شغل عجيييب و حركات وايد حلوه.. :eek5: :Eyecrazy: :shock22: بعدين التمثيل.. هههههههههههههههههههه والله التمثيل كان خطير و الحركات رهيبه.. و من ناحية كوميديا.. :rofl: مت ضحك لووووول والله كان ودي لو كللل الاعضاء مجتمعين و يجوفونه مع بعض.. من أول الاخراج و الموسيقى و التمثيل و الضحك و الحركات اللي كانوا يسوونها.. والله شغل :bigok: الله يعطيكم ألف عافيه شباب.. ههههههههههههههههه كل شوي اذكر شي عبيط في الفيلم ههههههههههههههههههههههه ميثم لااازم تسوي نسخ لجميع الشباب صراحه هالفيلم مايتفوت..
للأسف ماقدرت اجوف الفيلم لين نهايته.. اصلا تاخرت على الموعد نص ساعه.. سلمت على الشباب و طبعا الوداع كان طويل هههههه ماكان ودي اروح والله لكن المشكله ان نقّعت رفيجي والموعد.. طبعا المنطقه اللي ساكن فيها ميثم تضيع.. متاهه... فتفضل جيم مشكووووور ان يراويني الطريق لأنه هو بعد كان لازم يروح عنده شغل و مشكووور بعد مشاني لين الجامعه..
و هناك نزل معاي و سلمنا على بعض و عطاني هدية كشخه لكن ماقول حق حد عنها :icon6:
يتبع... (اخر جزء)
C.Falcon
06-12-2003, 09:04 PM
مين القطو الي رفع الموضوع ...
احم اخباركم ؟!
أوووووووووووووو
ODIN على قيد الحياة ؟!؟!؟!؟
وين هالغيبات ... أقول تعال الحقنا بمنتدى الشكاوي و المراقبين
في مشاكل يبغالها حل ... :06:
Ranma Saotome
06-12-2003, 09:09 PM
.....
و بجذيه انتهت مقابلتي مع اعضاء المنتدى (وبدا موعدي مع رفيجي هعهعهعهع)
صراحه... ماعرف شنو اقول للأعضاء.. لو شنو اقول ماوفيهم حقهم.. كانت من أحلى الايام اللي مرت علي و استانست وناسه مافي مثلها.. مشكورين مشكورين مشكوريييييين يا أحلى أعضاء شارب آيز جيم و ميثم.. ثننننننكس والله استانس وايد معاكم و خليتوا هالرحله اسعد رحله و كل دقيقه ضحك و وناسه..
و شكراااااااااا لكل الاعضاء اللي كانوا موجودين فرصه سعيدة جدا جدا ان شفتكم و تكلمت معاكم.. اتمنى ان تتكرر... :
شكرا كيتي :arabchatr
شكرا اريكسا :arabchatr
شكرا مانجا كوين :arabchatr
شكرا ليتل ليللي :arabchatr
شكرا ساكورا :arabchatr
شكرا تاجا :arabchatr
شكرا اميرة الخيال :arabchatr
شكرا مزم :arabchatr
شكرا شارب آيز :arabchatr
شكرا جيم هد :arabchatr
شكرا ميثم :arabchatr
مشكورين كلللللكم.. ماعرف شقول... :bawling:
اعذروني اذا في شي نسيته.. اتمنى من اللي ماعطيتهم حقهم في الرد و ماذكرتهم ان يسامحوني.. كان ودي اقعد مع الكل وقت اكثر لكن الرحله كانت سريعه ماتساعد.. اااسف :sad6:
اعتقد... that's all...
هههه ادري ان كتبت بالتفصيل الممل و الرد طويل وايد ههههههههه مب قادرين تكملونه لين الاخير .. انا ماظن بقرا ردي كامل الحين واشيك لو في نواقص او اخطاء.. طوييييل ههههههههه..
اتمنى من باقي الاعضاء اللي قابلتهم ان يكتبون عن المقابله بعد من وجهة نظرهم و يذكرون النواقص و الاشياء اللي نسيتها... و حد يكتب عن سالفة السمج (السمك) :D
مثل ماحبيتوا تشوفون ردي عن المقابله انا بعد حاب اشوف كلامكم عنها :)..
سلام.. و ثنكس :)
أميرة الخيال
06-12-2003, 09:34 PM
رانما هههههههههههههههههههههههه ما خليت شي ما قلته :)
آنا لو بقول شصار ما راح تفهمون علي لأني ييت آخر وحده :31:
بس صج كان وناسه .. مسكينه ساكورا قاعده ساعة تضبط الرسمة هههههههههه كسرت خاطري :tongue2: و مانجا كوين كانت ترسم رسمة حلوة ^_^ و كيتي كانت تعلق رسمات أريكسا في المرسم
صج آنا ما كنت أتكلم وايد لأن كلهم قاعدين يتكلمون و قرقة و ازعاااااااااااااااااااااااااااج بالمرسم :tongue2: لو بعد طولنا القعده جان فنقرونا و اطردونا من المرسم خخخخخخخخخخخ
و أعلى صوت كان صوت رانما خخخخخخخخخ منفعل أعتقد كان يتكلم عن السياسة :D
بس صج كان يوم لا ينسى في تاريخ البشرية جمعاء :09:
wildkitty
06-12-2003, 09:51 PM
ههههههههههههههههههههه
مشال الله رانما
كاتب بالتفصيل
شرايكم اعيد كتابت اللقاء ( طبعا الي كنت موجوده في انا )
بتلقون تفاصيل اكثر عندي
جذي بتكلم عن الشباب والبنات :09:
انا كنت عنصر مواضب على الطرفين
:cool: عشان لا يطوفني شي
wildkitty
06-12-2003, 09:52 PM
ههههههههههههههههههههه
مشال الله رانما
كاتب بالتفصيل
العفو صراحه انته فرحتنا بييتك الكويت ;)
كررها مره ثانيه :p ( لا تصدق :31: )
شرايكم اعيد كتابت اللقاء ( طبعا الي كنت موجوده في انا )
بتلقون تفاصيل اكثر عندي
جذي بتكلم عن الشباب والبنات :09:
انا كنت عنصر مواضب على الطرفين
:cool: عشان لا يطوفني شي
Maytham
06-12-2003, 10:08 PM
رانمااااااااااااااااااااااااااااااااااااااااااااااااااااااا :bigeyes:
مشكوووووووووووووووووووور يا صديقي على كل هذا التلخيص :09: .. هي تلخيص لأن متعة اللقاء .. و السعاده الي كانت تغمرنا .. أعتقد أكبر من الكلمات بكثير جدا جدا جدا جدا جدا ... إلخ :D .. كانت حقا حقا لحظات لن تنسى :argh: ... صراحة .. أشكرك من كل قلبي على جهدك الكبير في كتابة هذا الرد @@ .. و الله و تحرجنا و الله :23: ... الصراحة يا ابن بطوطة :09: .. انته عزيز و غالي :D و احنا ما سوينا شي @@ ... لنا الشرف بأن نستضيفك عزيزي ^^ آنة و شارب قاعدين نخطط لرد سبيشل .. بس احتمال يطول اسبوع أو شي ^^،،، فلا تخاف ;) و بالنسبة للفيلم :sour: راح نحاول :09: بس انته ما كملته :12: :12: :12: :D إن شاء الله الفرص القادمة ;)
.........
راح أحاول الحين أعرض بعض الصور .. بس بدون أشخاص :naughty2:
رانما .. تذكر الفارس الأسمر في الباسات الأزرق :ridinghor :D
wildkitty
06-12-2003, 10:08 PM
و أعلى صوت كان صوت رانما خخخخخخخخخ منفعل أعتقد كان يتكلم عن السياسة
بعديييييييييييييين انا بالا فخر :cool:
بس صح كلام رانما
لا تتوقعون كل شخص نفس على لامسنجر ( اله انا )
جيم غيييييييييييييييييير على لامسنجر بالحقيقه ينكت ويضحك :09:
شارب هااااااااادييييييييي شحليلاااااااااااااااااا ( ويشاابه رسومه حييييييييييل حييييييييل انا انصدمت اول ما شفته كانه رسمته )
مزمز ( مالكم شغل هذه لاتعليق )
ميثم ما كلمته عشان اعرفه
اريكسا بالمسنجر مالت طق لا تتوقعون اهي جذي ترى اهي حبوبه وترد اذا احد كلمها :D
ساكورا تكسر خاطري وايد مرات احس اني كادتها :tongue2:
مانجا تعجبني احسها نفسي :cool:
تاجا هاديه لو تشوفونها على حقيقه تنصدمون حيل هاديه
اميره الخيال تحفه هذي العبط كله عندها :09: ( بعد جبدي الي تسيرلي )
ليلي كانها انمي :09: تشبه شخصيه بس ماعرف اسمها حيييييييل وصغيرونه ( هاهاي طالع من يقول :31: )
ووو رانما هذه تحفه بحاله اهو بين وبين اوكي نفس المسنجر
ميثم كثر كثر صور :p
Maytham
06-12-2003, 10:11 PM
و الحين جاسوس كيتي @@
ماشاء الله !!
12 عضو يتقابلون !! هاي حفله !! هههههههههههههه
مشكور عالشرح أخ رانما والله شكلك انبسطت ^^
والأعضاء ما شاء الله عليهم ما قصرو وقامو بالواجب !!
يا سلام , أعتقد هاي أحلى مقابله للحين !!
وشوقتني جدا للفيلم اللي عملوه هههههههههه خاطري اشوفه :D
وياريت نسمع أكثر من بقية الأعضاء اللي بالمقابلة ^^
Maytham
06-12-2003, 10:15 PM
لا تعليق :D
wildkitty
06-12-2003, 10:22 PM
هههههههههههههههههههههه جاسوستي انا اله احوس ادورها هل قطوه
ونبدي نشتغل بالمافيا :cool:
بعد بعد حط صور :أفكر:
زين هذي ايد شارب ايز وله جيم ؟ شارب ايز كانه
أميرة الخيال
06-12-2003, 10:32 PM
هههههههههههههههههه لا مو شارب آيز هذا جيم :tongue2:
يحليلها القطوة تهبببببببببل طالعه عليج كيتي ^_^
Maytham
06-12-2003, 10:40 PM
في الطريق إلى نينو :09:
Maytham
06-12-2003, 10:50 PM
السمك ^^ ..... صورت هذي بس .. خفت يطيح تلفوني :D
GM Head
06-12-2003, 10:55 PM
اوهه لاااااااااااااااا:11:
الحين شوي شوي بيعرض ميثم كل الصور
من رانما لما أنا :pat:
هون عليك يا ميثم
ترى أخذ كل شيء بتروي
Maytham
06-12-2003, 10:58 PM
و صورة من المركز العلمي ;)
wildkitty
06-12-2003, 11:53 PM
ههههههههههههههه بعد بعد
يا ربي زيييييييداااااااا وارحم عبيييدااااااااا
طق يا مطر بيتنا يديد مرزابنا حديييد
Neo Cid
07-12-2003, 12:33 AM
يا رانمااااااا .. حبيبي والله ..
ييت الكويت وما قلتلي ؟ .. ولا وصلني الخبر لمن كنت نايم ووراي دراسة يوم كامل رياضيات .. :o
ياخي لمن قالي أخوي انك بالكويت قلت لا أنا مو بعلم هذا حلم حلم
بس لاااااا .. طلع حقيقة وواقع .. :D
حياك الله أخوي رانما .. و ان شاء الله تكون استمتعت بوجودك بالكويت .. و سامحني لو ما شفتك أثناء
فترة وجودك المباركة بيننا .. انا اقول ليش يوم الأربعا كان منور .. لا والله جد .. :)
ان شاء الله السنة الياية أنا اكون بالجامعة .. بس الكويت ولا برا .. الله اعلم .. بس ان شاء الله أزور الشباب
بالمرسم و اتعرف عليهم .. :jester:
خخخخخخخخ .. و يا شباب .. بطارية الكاميرا اللي خلصت كانت خطة مدبرة مني .. :tongue2:
امزح امزح .. :jester:
خوش .. يا سميي ( ميثم ) ما عليك أمر كثر كثر .. :)
wildkitty
07-12-2003, 12:42 PM
احم احم
بقولكم القصه من وجهت نظري :09:
يوم الثلاثه باليل انتصلت علي ساكورا وقالتلي عن موضوع بوب صراحه انا تحلفت فيه فرحت دخلت النت كنت ناويتله نويه سنعه بغسل شراعه :mad: ( بس الله يهداهم قفلو الموضوع )
انا والبنات اول ردي متفقين انه نتيمع الاربعا بالمرسم عشان جذي انا قلت ماني حاضره كل محاضراتي ( وهناك اسباب واهيه اخرى :tongue2: )
دخلت النت لقيت الشباب اون لاين قالي وهم رانما قالي انه بيي الكويت باجر ( يعني الاربعا :p )
انا صراحه استانست ( بسييييييير اكثر من.. ابن بطوطه= رانما .. بشوف اعضاء اكثر :cool: )
قال انه بييي الساعه عشر قلتله اوكيكو تعال بوابه واحد ( خو انا ما ادل اله 1 وثلاثه اكثر من جذي اضيع )
سار باجر الصبح الساعه 7,40 دقيقه
كل عاده انا ناسين يقعدوني حق الدوام يدقون البنات يكسرون الموبايل
طبعا طبعا انا ما ارد :09: مالي خلق ارفع راسي من المخده بس احس تيلي خبطه سنعه من يمي والصوت يخرع والشكل اكثر
اختي : :12: يلاااااااااا قووووووومييي ازعجتينااااااا شنو الواحد ما يقدر ينااام ذلفي دوامج تكسر الموبايل واهو يرن ردي ردت عليج بلاطة
انا : ها :31:
رديت على الموبايل وحصلت تسفيل اكثر
المهم ورحت الجامعه ( طبعا متاخره عن المحاظره شسوي اليوم الي قبله ماقدرت انام فيني ارق :p )
حضرت المحاضره الاوله تبدي 8 وتخلص 9 ........ خلصت وتم بحمد الله
wildkitty
07-12-2003, 12:45 PM
رحت المرسم دخلت لقيت مانجا كوين =^-^=
عطتني رسمه شحلااااااااااااااااااااتها حقي بروحي :jester:
وعطت شارب ايز انا كنت باخذها :bigeyes:
يه شارب ايز و هم يت اريكسا قعدو مادري شنو نتكلم عنه نسيت
قلت لهم رانما بيي اليوم :أفكر: ماكان الاقناع كامل قلت لهم تتحدووووووووووون ( غرامي :D التحدي )
سارت الساعه 10 انا خليتهم وطلعت رحت بوابه واحد عشان اودي رانما المرسم :D
من بعيد اطالع تميت واقف واحد حاط ايده على خصره ومعطيني ضهره
انا دريت انه هو شكلي باين يعني التفت شافني :09: عرفني
( امووووووووت واعرف ليش الكل من اول نظره يقولي انتي كيتي )
المهم بالطريج المرسم سالني منو موجود قلتله شقلت له نسيت :31: كانه شارب ايزو واريكسا ومانجا كوين المهم ( عاد انتو لا دققون انا ما اذكر عدل ) انا ما كنت اتكلم ليمن وصلت
دخلت المرسم
والابتسامه شاقه حلجي ( خو انا الربحانه يه رانما )
قلت لهم هذه رانما ( انا الاسكت يعني اعرفه ييه اعرفهم
اهو دخل فرحااااان اول ماشاف اريكسا قال هذي اريكسا :tongue2:
قال بعدين كانه هذي مانجا كوين وهذي ساكورا الكل قال غلااااط
جان يقول هذي مانجا كوين وهذي لتل ليلي :D سح
طالع مزمز قاله شارب ايز كلنا غلااط قال عيل محسن
راح سلم عليه وقعد يمه
انا كنت يايبه اشرطه بليستيشن بوريه الجماعه الرسم ينن سو كيوت قعدنا نطالع ( يذكرني برسوم فطوم توتو )
ماا ذكر بالترتيب منو يه
المهم كانه يت بعدين العصلاااااااا الطويله تاجا ( نياهاهاه غصبن عليج :أفكر: )
دخلت قعدت يمي كان السوالف اذا انا مو غلطانه عن المنتدى السياسي :06: مادري مادري
انا كنت قاعده اسولف معاها عن المجله وعن تخطيط اخوها ( هذي قصه ثانيه )
كانه يه جيم بعدين مع ادوات التعذيب :12:
ويه ميثم ومادري مته يه شارب مره ثانيه ويت اميره الخيال يحليله ساير مؤدبه :wow: قعدات وسايره الييييييييييييييييييييييييفه ( سبحان مغير الاحوال )وو انا كان لي بالمرسم 3 رسوم معلقه
انا قمت رحت شلعتهم وعلقت رسومات اريكسا :D ( طبعا اريكسا بس اقول رسوم الكل يقول هات هات )
محد كان راضي بس انا طبعا طبعا اخذ الكلام واضربه بالحيط :jester: وشلت الرسوم بس المشكله اني تاذيت اشوي لاني ماطلت :31: خذت ساكورا رسومي تقولي رديهوم وانا مااباااااااااااي وانحاشت وانا وراها رسوماااااي بشيلهم بعدين خلتني احط رسوم اريكسا :D ( عاد انا عندي عده بالمرسم )
wildkitty
07-12-2003, 12:48 PM
ما اذكر شنو مزمز سوه غلط وانا خذيت المطرقه من مشعل بهبده فيها :31: بعدين رحت العب بالمسطره يه الملقووووف رانما خذاها مني :12: موباي
تبعا اخذتها :cool: وقمت العب بالمشار قاعده اقص الطاوله :D جان ايي الملقوووف مره ثانيه وياخذ مني المنشار :12: :12: :12: قلت له انا اصلن عندي منشار حلووو صغيرونو :cool:
( اتوقع الي بالمرسم معاي يعرفون اغراضي عدددددل )
ساكورا عندها لوحه فيها قمر ومادري شنو بعدين احطها لكم :reporter: مزمز كان قاعد يعلمها ( ايوا كدااا يا اوستازييييي )
انا كنت اتعبث بالابتوب مال مزمز واطالع الرسوم قعد رانما يطالع معاي
يه الملقوووووف جيييييم واخذ الالبتوب قلت حق مزمز يشيله :12: ( في احد يقولي لا :D )
كان شارب ايز قاعد يم مشعل يرسم بهدووووووووووووووء اطالعه والطالع الكل فرررررق وحته ميثم كان هادي بس يصور
شصار شصار بعدين ممممم نسيت ما اذكر :06:
المهم الساعه 2 الا اخر بنت تمت صامده بالمرسم انا واميره الخيال وطلعنا
المهم كانه جذي وخلاص :bigeyes:
ووو سلامتكم :biggthump
sakura wakky
09-12-2003, 07:50 AM
ههههههههههههههههههههههههههه
رانما شنو هذا ...
ما شالله عليك ..كتبت اللقاء كله @@...
و كيتي بعد..هههههههههههههه يحليلج^^
عاد ما شالله سويتوا كل شي مع بعض ^^
بس حبيت أقول شغلة ^^....ميثم ...الفلم كان عجيييييييييييييييييييييييييييييييييب و أنت طالع شريييييييييييييييير :12: ...ههههههههههههههه :09:
وناسة شفت الفلم كله حرة يا رانما حرة :tongue2:
من قدي ....عاد وناسة شفت الفلم حول 5 أو 6 مرات ^^
و وريته حق اليهال ^^
عندي ملاحظة .....
ساكورا تكسر خاطري وايد مرات احس اني كادتها
لا عاد لا تقولين كادتني ...إنتي لا كادتني و لا شي ^^
بالعكس ^^...أنا أصلا مستانسة لأني تعرفت عليج و على باجي البنات ^^
أوكي عيل ...
امممممممممممم
ما ادري إذا أقدر اكتب شي من وجهة نظري و لا لأ :33:
ما أعتقد الوقت يكفي
إذا تبون أكتب راح اكتب ^^
أوكي سي يو :biggthump
الخطاف
09-12-2003, 08:35 AM
أعتقد بأن هالمقابلة حازت على المركز الأول بهالموضوع
ماشالله لمة ولا أروع منها
مميزة بالمكنا وبالعددالأعضاء وبالسوالف إلي صارت
وآخر شي كمل عليها ميثم لتكون مميزة في الموضوع بالصور إلي عرضها
Maytham
09-12-2003, 04:50 PM
ساكورا .. كلة من شووووووووووووربة :12: :12: :sad2:
على العموم .. تعرفين هذا ؟؟؟؟
sakura wakky
13-12-2003, 07:16 AM
ساكورا .. كلة من شووووووووووووربة :12: :12: :sad2:
على العموم .. تعرفين هذا ؟؟؟؟
هههههههههههههههه لا لا مو كله منه ^^
عاد تدري قالي أخذي الشريط حقج ^^....(الحين وده يذبحه :tongue2: )
و على طاري الصورة عرفته هذا أخوك حسن ^^
عاد تصدق في شبه منه ^^
أوكي سي يو :ciao:
Bu Laban
13-12-2003, 10:56 AM
مقابلتكم في الكويت كانت ممتازة جدا ;) .. و ماشالله عدد اللي تقابلوا كبير .. عاد مزم مشتاق لشوفته من كثر ما سمعت عنه :) .. و طبعا وايلد كيتي أبي أشوفها عشان أتناقش عن موضوع "اللبنة" :12: .. خخخخ :09:
إذا الله كتب لي نصيب في الإجازة هذي أجي الكويت أو الإمارات بعطيكم خبر هنا و طبعا تويا بيجي (مع أني أشك :33: ) .. بس من الحين عشان نكون على بينة .. منهو اللي مش فاضي في إجازة الحج؟ :06:
wildkitty
14-12-2003, 02:18 PM
.. و طبعا وايلد كيتي أبي أشوفها عشان أتناقش عن موضوع "اللبنة" .. خخخخ
هاهاااااي
اتااارييييك مااااتعراافنييييش:cool:
انا الشي الي اقوووووله يمشااااااااااااااااااااي :vereymad:
( ask about me :09: )
حياكم الله =^-^= تعالو عاد بوقت الدوام عشان نشوفكم :09:
أميرة الخيال
14-12-2003, 07:28 PM
الله يعينكم على كيتي
لحد يكلمها تراها ايفل خخخخخخخخخخخخخخخخ :tongue2:
Bu Laban
15-12-2003, 02:03 PM
يا ساتر .. بصراحة خفت لما جات اميرة الخيال و قالت أنج إيفل :afraid: .. بس برضوا أنا أبي
.. سنف سنف T_T :sad2: << من الظلم اللي شافه قاعد يصيح :p
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .