RPG EXPRESSIONS [الأرشيف]

Ibrahim

19-05-2003, 01:42 AM

لو ترجمنا كلمة EXPRESSIONS بيكون معناها تعبيرات ..لغات .. طرق للتفاهم و التعبير..

ألعاب الـRPG المختلفة تستخدم اسلوبها في التعبر عن مشاعر الشخصيات
غضب ..حزن .. فرحة.. إلخ..

خلينا ناخذ جرانديا علي سبيل المثال
ملامح الشخصية غير واضحة جيداً .لهذا السبب تستخدم وجه بجانب الكلام حتي توضح وضع الشخصية النفسي(د.نفساني علي غفلة :6 )

لكن في جيمز ثانية تستخدم مثلاً دخان فوق رأس اللاعب حتي تبين أنه معصب ..
ألعاب الأر بي جي القديمة كانت تعتمد علي الكلام و الموسيقي بشكل كبير و أحياناً حركة الشخصية ..مثلاً يقعد البطل كرونو(في كرونو تريجار) يطامر إذا كان متحمس ..

لكن في عهدنا هذا هل تحتاج ألعاب الـRPG هذا النوع من التعبير؟؟

لا أعتقد ..في فف10 مثلاً ملامح الشخصية واضحة فإذا زعل تايدوس راح يمد بوزة 4 متر و بهذا تعرف أنه حزين من دون أي تعبيرات.

لكن مع ذلك حتي يومك هذا بتجد ألعاب RPG تتبع الطرق القديمة لأنها ما زالت نافعة..

تخيلوا لو يستخدمون التعبيرات العبيطة هذي-->:6 :! :" :غضب:
و خصوصاً هذا الأخ------->>> :cool: مأساه (لكن الفكرة موب سيئة مرة)

أطلت عليكم..

أعتقد أن الموضوع غريب شوي

Mesharey

19-05-2003, 01:47 AM

هههههه الموضوع غريب وحلو :D ..

فف10 مثلاً ملامح الشخصية واضحة فإذا زعل تايدوس راح يمد بوزة 4 متر و بهذا تعرف أنه حزين من دون أي تعبيرات.
عجبتني هالجملة بصراحة :p

إذا تبي الصراحة..انا إلى الآن ماشفت ولا لعبة تستخدم اللي قلت عليه..والمعلومات تعتبر جديدة علي !
امممم الجديدة طبعا احسن بالف مرة..لكن القديم يبقى لها طابعها الخاص ومميزاتها :) ...

THANKS ^_- &

Mr. Black Man

19-05-2003, 09:39 AM

موضوع جميل و غريب :D .... و لكن طريقة التعبير الجديدة أفضل و لكن مثل ما قال الأخ مشاري فالطرق القديمة رائعة و جميلة و ممتعة و لها طابع خاص مثل سايكودن 2 مثلاً و غيرها من الألعاب القديمة الرائعة :) .... و شكراً على الموضوع ;)

The Best Zell

19-05-2003, 10:09 AM

الرسالة الأصلية كتبت بواسطة DOOM LORD999

لا أعتقد ..في فف10 مثلاً ملامح الشخصية واضحة فإذا زعل تايدوس راح يمد بوزة 4 متر و بهذا تعرف أنه حزين من دون أي تعبيرات.

أعتقد أن الموضوع غريب شوي

http://www.mail2arabia.com/m2w/mail/Emoticons/lol.gif الصراحة ما لاحظت هالشي

لكــن في فف10 ما اعتقــد في داعي إنهم يحطون وجوه تعبيرية :D

لأن الرسم ما شاء الله عليـه كشوووخ :cool:

لكــن إصبر عليــهم وبتشوف إشلون يصير الرسم بعديــن :)

أبومروان

19-05-2003, 01:19 PM

موضوع حلو...

و قادني إلى فكرة كنت ناوي أطرحها من زمان...

في كثير من ألعاب الأر بي جي الشخصية الرئيسية لا تتكلم ، ليش؟؟؟؟

عندك مثلا "فان" في ليجند أوف ليجايا و البطل في لعبة ألوندرا 2 (ما أذكر اسمه)...

كانوا ما يتكلموا إطلاقا ، كل تعبيراتهم كانت بهز الراس (تقول هندي:D )...

احلامو ادوماتو

19-05-2003, 01:38 PM

معاك حق في كل ما قلته لكن نسيت نقطة وهي طريقة كلام الشخصية

فهي توضح كثير مزاج الشخصية واكثر الامثلة وضوحا برايي هي شخصية Cid

في FF7 الي كان معصب دوما دون ان يستطيع ان ينكر احد :0)

احد يتذكر كلامه المشفر &^$%@% :6

- برايي افضل من ناحية التعبيرات الالعاب هي الي تعطيك مساحة بشكل ما لاختيار

تعبيرات شخصياتك مثل Legaia 2 الي تعطيك الكثير من الاحيان الخيارات لاجوبة اسئلة

تؤثر بشكل كبير في حالة شخصيتك العاطفية ...

- في المستقبل انا من الناس الي يعتقدون ان اللاعب ستكون له مطلق الحرية

في تعبيرات شخصيته خصوصا لاني اعتقد ان اللاعب سيكون بطل لعبته

بشكل او بآخر و طبعا اللاعب هو الي يتحكم بتعبيراته التي ستظهر في اللعبة ...

طانكس واجد خيووووووووووووووووووو على الموضوع الي يهبل :0)

والموضوع مبتكر :)

Neo Cid

19-05-2003, 02:18 PM

يووووووه .. الحش مو زين .. :o

ههههههههههههههههههه

يعطيك العافية أخوي .. والله أنك مبدع .. تطلع المواضيع ولو كانت بالصين .. :6

موضوع رائع و يستاهل النقاش و الكلام فيه .. على سيرة فف7 .. لو تشوف

كلاود حتى مثلا .. لو يستغرب يمد ايد يمين و ايد يسار .. و حتى لو كان متحير ..

و باريت تلقاه تحرك بسرعة لو كان معصب .. و حتى الشخصيات تنزل راسها

لمن تزعل .. لكن اللعبة اللي صج ما حسيت فيها بأي من هذا الشعور هي

فف8 .. مو عارف ليش .. لكني ما لاحظت الشي إلا بزيل .. :أفكر:

و إذا تقصد بكلامك رسوم على راس الشخصيات .. عندك مثال ستار اوشين 2 ..

ننتظر رد الأعضاء .. و أعدك أخوي أني بكون من متابعين الموضوع ..

بالتوفيق .. ;)

l)@RK-l)EVIL

19-05-2003, 05:23 PM

انا بس حبيت اذكر ان في الجزء السابع من فاينل فانتسي ماشالله عليهم كان عندهم حركه انهم مايعتمدون على حركات الوجه في التعابير اغلبيه التعابير كانت تجي بطرق غريبه احينا مثلا اذا تذكرون في السابع لما كان كلاود ياخذ البلاك ماتريا ويعطيها سيفروث (طبعا من تاثير سيفروث عليه)
كانت تطلع شخصيتين كلاود (يعني يبي يورونك الي في ذهن كلاود انه اهو متحير) واحد يروح صوب سيفروث والثاني يدز كلاود عن سيفروث وبالبطيئ
ولما كنت تشوف ايريس في حلم كلاود يخلون كلاود يركض في مكانه (يعني انه مايقدر يلحقه) ولما سيفروث يضحك على طول تلقاه مرفع راسه وبعدين تهتز اكتافه يعنيقاعد يضحك (صج انهم عباقره)

الزبده يعني الي بقوله اذا كان المبرمج محترف مايحتاج لتعابير الوجه وايد لان في اشياء ثانيه تعبر اكثر مثل صوت وحده:" احسن من اتشوف وجه زي البومه يبكي والدليل ان الجزء السابع كان الملامح في وجه الشخصيه فقط عينين مبققه حتى حلج او اذن اوخشم مافي واللعبه متروسه مشاعر

Ibrahim

19-05-2003, 07:46 PM

الرسالة الأصلية كتبت بواسطة l)@RK-l)EVIL
انا بس حبيت اذكر ان في الجزء السابع من فاينل فانتسي ماشالله عليهم كان عندهم حركه انهم مايعتمدون على حركات الوجه في التعابير اغلبيه التعابير كانت تجي بطرق غريبه احينا مثلا اذا تذكرون في السابع لما كان كلاود ياخذ البلاك ماتريا ويعطيها سيفروث (طبعا من تاثير سيفروث عليه)
كانت تطلع شخصيتين كلاود (يعني يبي يورونك الي في ذهن كلاود انه اهو متحير) واحد يروح صوب سيفروث والثاني يدز كلاود عن سيفروث وبالبطيئ
ولما كنت تشوف ايريس في حلم كلاود يخلون كلاود يركض في مكانه (يعني انه مايقدر يلحقه) ولما سيفروث يضحك على طول تلقاه مرفع راسه وبعدين تهتز اكتافه يعنيقاعد يضحك (صج انهم عباقره)

الزبده يعني الي بقوله اذا كان المبرمج محترف مايحتاج لتعابير الوجه وايد لان في اشياء ثانيه تعبر اكثر مثل صوت وحده:" احسن من اتشوف وجه زي البومه يبكي والدليل ان الجزء السابع كان الملامح في وجه الشخصيه فقط عينين مبققه حتى حلج او اذن اوخشم مافي واللعبه متروسه مشاعر

ماشاء الله ردك طويل لكن.......
أخوي أنت ألحين كتبت ردك هذا .. كذا .من دون هلا .و لا سلام عليكم .ولا شكراً .ولا أي مقدمات ..ولا تعبير مجازي يدل علي نوع من التحية أو احترام الغير ..

يعني علي قولة المصريين "من دون إحم ولا دستور!"

زي كأنك دخلت الموضوع و ذبيت ردك ثم طلعت

يعني ما شاء الله شايف كم عضو رد و كل ردودهم محترمة ..
ردك محترم و مافيه شيء لاكن كذا مباشرة و لاحظت هذا الشيء في أغلب ردودك.

صراحة أنا أحترم هؤلاء الأعضاء علي ردودهم و أشكرهم جزيل الشكر

الإحترام ما يكتسب بهذي الطريقة إنما بإحترامك للغير

و عسي ما أكون قلت شي يزعل:أفكر:
شكراً..

Reinu

20-05-2003, 01:01 AM

اريجاتو ^^

موضوع رائع فعلا

:)

كلامك صحيح بالنسبة للتعبير في الالعاب الار بي جي السابقة لكن الحين اختلف الامر

لكن في عهدنا هذا هل تحتاج ألعاب الـRPG هذا النوع من التعبير؟؟

اعتقد إنه الرسومات المستخدمه الحين اظهرت ملامح وجه الشخصية بشكل كبير وواضح فما اعتقد للاسف إنه ممكن يكون متوفر الحين يظهرون ملامح الشخصية اللي تدل على حالته النفسية طبعا في بعض الالعاب يتوقف على ردودك في الاسئلة الاختيارية بالنهاية مثل ما قلت عن تايدوس ^^

بس حبيت اعلق بالنسبة لوجود بعض الالعاب اللي يكون فيها البطل ما يتكلم إلا نادرا وربما لا اعتقد سووها بهذي الطريقه عشان تكون انت هو الشخصية البطل تمثله وتجاوب عنه انا بالنسبة لي افضله احسن من ابطال لسانهم طوله مترين :D

Ibrahim

21-05-2003, 06:11 PM

Mesharey
ما قد شفت هذا النظام علي أي جيم
طيب وش ألعاب أر بي جي غير فاينل فانتسي لعبت؟

MR. BLACK MAN
الأشياء القديمة هذي تعتبر كلاسيكية .. عبارة عن طرق مبتكرة و ذكية للتعبير لهذا لها طابعها الخاص..
شكراً علي الرد:)

The Best Zill
لو تلاحظ زين تايدوس عليه بووز 4 من دون ما يكون حزين عاد كيف إذا زعل!
الله يستر:p
أحياناً مع التطور يقل الإبداع .. أو يزيد
المهم فف10 تعتبر من أفضل الـRPG من ناحية الجرافيك

أبومروان
فعلاً ..
و من الجيمز التي لعبتها و لاحظت عليها هذا الشيء بريث أوف فاير3
مع الكثير غيرها . شكراً علي ردك :)

إيمان
همم القصة موب نسيت ..الشيء هذا معروف ..أسلوب كلام الشخص يحدد هويته و حتي تصرفاته
لكن في أشياء داخلية يصعب التعبير عنها إلا بهذا الأسلوب ..
بالنسبة للإختيارات و الأسئلة .. مثل ما قلت اللاعب نفسه عنده الكثير من الإختيارات و الإتجاهات و النهايات المختلفة يحددها هو
أوضح مثال علي هذا ألعاب الـONLINE بحيث أن الإختيارات تتعدد بكثرة
يسلمو علي الرد:)

Neo Cid
شكراً:#

فف8 الشخصية الأساسية فيه سكوال و هو نوعاً ما بارد ..لكن تجد منه بعض التعبيرات مثلاً يحط يده علي راسه إذا كان قرفان أو شيء
غير كذا إذا فكر بشيء يكتب لك علي الشاشة يعني أقرأ أفكاره

الأمثلة كثيرة و متعددة .. :cool:

Magical Dreamer

تكون انت هو الشخصية البطل تمثله وتجاوب عنه
exactly!
بغيت أكتبها بس شفتها مكتوبة==>كتب كاتب يكتب مكتوباً?:

الأمثلة كثيرة و الهدف واحد":"

Neo Cid

21-05-2003, 06:37 PM

إيمان

يا حبكم حق هالاسم .. :p :6

msm

21-05-2003, 06:39 PM

فكرة الموضوع حلوة ..اختيارك موفق ;) ..

بالنسبة للموضوع الاحظ (مثل ماذكرت انت في الموضوع) ان الألعاب القديمة (RPG طبعاً) تستخدم اساليب متنوعة لاظهار التعابير والحالات التي تمر فيها الشخصيات .. اما بوضع الصور المعبرة أمام مربع الحوار .. او حركة البطل الجسدية ..أو في نفس الحوار (مثلاً : "!!!" او "#^&%^: او "لاااااااااااا" او "......." الخ) ..

لكن الآن الرسوم قوية الى الحد الذي تظهر فيه التعابير في وجه الشخصيات ..الى جانب الصوت ونبرته .. هذا عوضاً عن الطرق السابقة أيضاً ..

ماذا سنرى في المستقبل ياترى :أفكر: ..اتوقع مثل ماقال اخونا ايمان انك راح تتحكم بطريقة أو أخرى بحركة التعابير للشخصيات او للبطل ...ياسلام http://bigmsm2.jeeran.com/u.gif ..

ومتشكرين مرة ثانية اخوي دوم لورد على المواضيع الحلوة الي تتحفنا فيها :) ..

Ibrahim

21-05-2003, 06:58 PM

Neo Cid
أحلي اسم لأحلي عضو":"

لعبت كينجدوم هارتس؟

msm
تسلم أخوي .. مواضيعي ما تحصل مواضيعك:)
حتي في القتال لهم اسلوب تعبير
لو تلاحظ بعض الأنيميشن اليابانية عندها شيء من هذا القبيل
يا أخي اليابانيين عباقرة
شكراً علي الرد.

Neo Cid

21-05-2003, 11:58 PM

الرسالة الأصلية كتبت بواسطة DOOM LORD999
Neo Cid
أحلي اسم لأحلي عضو":"

لعبت كينجدوم هارتس؟

إذا كنت تقصد التعابير الموجودة باللعبة .. فأنا اعتبرها أقوي تعابير شفتها

في الار بي جي طول لعبي بالألعاب .. حقا ابداع .. و فن ..

:)

Final Fantasy 7

22-05-2003, 08:43 AM

أهلين :D

شكل هالأسبوع يالي غبت فيه عن المنتدى طافتني فيه أشياء كثيرة :أفكر:

المهم .. فكرة الموضوع ممتازة أخوي دوم لورد .. أهنئك عليها :)

بالنسبة للموضوع نفسه :

لكن في عهدنا هذا هل تحتاج ألعاب الـRPG هذا النوع من التعبير؟؟

امممم :أفكر: ... ما أظن :D

لأن التكنلوجيا الحين تطورت كثير و صار تقدم هائل في مجال الجيرافيكس .. و يالي لعب FFx-2 راح يفهم يالي أقوله .. فالشخصيات بهذه اللعبة تعبيرات وجوهم واضحه و جبارة ( ضعف قوة التعابير يالي كانت موجودة بالجزء السابق FFx ) و لكن الشخصيات الفرعية و يالي مصنعه لنا سكوير وجهها كأنه تمثال ما يتحرك الا رمش العين و الشفتين ( مثل أنيكي شقيق ريكو ) ما يكون لوجهه تعابير .. فتلقى تعابيره بالحركات يالي يقوم فيها .. مثلا اذا كان سعيد تلقاه ينطنط و يترقص .. و اذا كان زعلان يتمدد على الأرض و يظل بلا حراك .. و اذا كان يفكر تشوفه ينتف شعر راسه :D
ناهيك عن طريقة الصوت و الكلام يالي تلعب دور كبير في التعبير عن المشاعر :)

Blah Blah Blah .. :o

يعني بكل اختصار يالي أبي أقوله هو أن ألعاب الآر بي جي بهذا الوقت مو كلها يالي تقدر تصنع تعابير وجه ممتازة لشخصياتها تغنيها عن التعبير بالحركات .. أظن أن الجيل القادم ( البلاي ستيشن 3 ) هو يالي راح يستخدم خاصية التعبير بالوجه بالكامل و يستغني عن حركة التعبير بالحركات :cool:

و شكرا على الموضوع ;)

& صديقكم فاينل &

Mesharey

22-05-2003, 11:04 AM

الرسالة الأصلية كتبت بواسطة DOOM LORD999
Mesharey
ما قد شفت هذا النظام علي أي جيم
طيب وش ألعاب أر بي جي غير فاينل فانتسي لعبت؟

امممم
سلسلة فاينل اغلبها..
بلاك ماتريكس2
فانتسي ستار (على السيجا قبل)
ماريو آربيجي
سيكودين2
والعاب آربيجي كثيرة قديمة ما اذكرها :": !
ما اذكر في لعبة منهم تستخدم التعبيرات...او يمكن فيها بس ما اذكر :": !!
ماتعرف لعبة من هالنوعية؟ اقصد العاب تستخدم التعابير..
لاتقول حركات..لأن شبعانين منهم:D !

يووووووه .. الحش مو زين .. :o
ههههه صدقت انك سيد :6

احد يتذكر كلامه المشفر &^$%@% :6
اتذكره..لأن الرقابة موجودة :p !
امزح :6

Ibrahim

22-05-2003, 04:16 PM

Neo Cid
فعلاً ملامح الشخصيات واضحة جداً و كل أفكار الشخصيات كانت مفهومة

مع ذالك اللعبة ما عجبتني

Final Fantasy 7
قريت ردك مرتين .. يا أخي وضح كلامك ..

لا والله كلامك واضح بس عجبني الرد

البلاي ستيشن 3
صراحة ما أدري ليش تسموه كذا..إذا سمته كذا شركة سوني بتصير مملة

راح يستخدم خاصية التعبير بالوجه بالكامل و يستغني عن حركة التعبير بالحركات هذا الشيء حاصل حالياً في بعض الألعاب.

Mesharey
:D (حتي أنت لاحظت هذا الشيء علي سيد)
بلاك ماتريكس2؟أول مرة اسمع فيها

لاتقول حركات..لأن شبعانين منهم
OK:غضب:

:6
جرب بريث أوف فاير 3 علي البلاي ستيشن 1 مليانة تعبيرات
أو جرانديا 1 أو 2 أو ساجا فورتين أو كرونو تريجار أو ستار أوشن .

Mesharey

23-05-2003, 09:24 AM

الرسالة الأصلية كتبت بواسطة DOOM LORD999
بلاك ماتريكس2؟أول مرة اسمع فيها

Stupit game :o ..

جرب بريث أوف فاير 3 علي البلاي ستيشن 1 مليانة تعبيرات
أو جرانديا 1 أو 2 أو ساجا فورتين أو كرونو تريجار أو ستار أوشن
مشكور ^^
هاللعبة دوختني كل مكان اروح لها ما اشوفها :6

كرونو تريجار

Reinu

23-05-2003, 11:18 AM

الرسالة الأصلية كتبت بواسطة DOOM LORD999

بلاك ماتريكس2؟أول مرة اسمع فيها

بلاك ماتريكس صدر الجزء الاول على البلاي ستيشن 1 والثاني على البلاي ستيشن 2 ويوجد جزء ايضا على الجيم بوي ادفانس وكل الاجزاء تنزل يابانيه فقط نظامها مثل العاب اطلس هوشيجامي وتاكتيك اوجر وفاينل فانتسي تاكتيك

اللعبه حلوه بشكل عام لكن يبيلك تكون متعلم ياباني شوي

انا بالاجازه بكمل الاجزاء الثلاث ^_^

Final Fantasy 7

23-05-2003, 11:51 AM

الرسالة الأصلية كتبت بواسطة DOOM LORD999
Final Fantasy 7
قريت ردك مرتين .. يا أخي وضح كلامك ..

صحيح كلامك ردي ماكان واضح .. آسف :": دوم ..

الظاهر ماكان واضح لأني كتبت الرد أول ما قمت من النوم :) :D

Ibrahim

23-05-2003, 01:12 PM

الرسالة الأصلية كتبت بواسطة Final Fantasy 7

صحيح كلامك ردي ماكان واضح .. آسف :": دوم ..

الظاهر ماكان واضح لأني كتبت الرد أول ما قمت من النوم :) :D
هههههه

أخوي أمزح ردك واضح الظاهر أنك خلصت قراءة

لا والله كلامك واضح بس عجبني الرد
:)

Ibrahim

23-05-2003, 01:27 PM

الرسالة الأصلية كتبت بواسطة Magical Dreamer

بلاك ماتريكس صدر الجزء الاول على البلاي ستيشن 1 والثاني على البلاي ستيشن 2 ويوجد جزء ايضا على الجيم بوي ادفانس وكل الاجزاء تنزل يابانيه فقط نظامها مثل العاب اطلس هوشيجامي وتاكتيك اوجر وفاينل فانتسي تاكتيك

اللعبه حلوه بشكل عام لكن يبيلك تكون متعلم ياباني شوي

انا بالاجازه بكمل الاجزاء الثلاث ^_^

يابانية:أفكر:
عشان ما عرفتها .. ألعاب الأر بي جي أهم شيء فيها القصة كيف تلعبونها من دون ما تفهمون القصة..
عشان كذا مستحيل ألعب أر بي جي يابانية حتي لو كانت أفضل لعبة إلين ما تترجم

المهم شكراً علي المعلومة:)

l)@RK-l)EVIL

23-05-2003, 06:10 PM

الرسالة الأصلية كتبت بواسطة DOOM LORD999

ماشاء الله ردك طويل لكن.......
أخوي أنت ألحين كتبت ردك هذا .. كذا .من دون هلا .و لا سلام عليكم .ولا شكراً .ولا أي مقدمات ..ولا تعبير مجازي يدل علي نوع من التحية أو احترام الغير ..

يعني علي قولة المصريين "من دون إحم ولا دستور!"

زي كأنك دخلت الموضوع و ذبيت ردك ثم طلعت

يعني ما شاء الله شايف كم عضو رد و كل ردودهم محترمة ..
ردك محترم و مافيه شيء لاكن كذا مباشرة و لاحظت هذا الشيء في أغلب ردودك.

صراحة أنا أحترم هؤلاء الأعضاء علي ردودهم و أشكرهم جزيل الشكر

الإحترام ما يكتسب بهذي الطريقة إنما بإحترامك للغير

و عسي ما أكون قلت شي يزعل:أفكر:
شكراً..

شفيك اخوي قلتلك شي غلط شنو مااحترمتك والكلام الفاضي هذا وبعدين انا لما دشيت ماقلت هلا ولا شي لاتخاف قلت بس بطريقه غير مباشره انا قلت (انا بس حبيت اذكر) هذا الي قلته يعني كان عندي ملاحظه فقط وقلتها ولو انا فعلا مو محترمك كان مادشيت موضوعك وقلت راي فالعكس لان موضوعك عجبني دشيت بس انت يمكن مو عاجبك رايي كل واحد له ذوق مختلف عن الثاني فلا تصير حساس في الامور هذي اكثر من اللازم وبخصوص كلامك اني اكون مازعلت لا اخوي مازعلت احنا كلنا خليجين واخوان انشالله محد يزعل من الثاني (بس صج سؤال انت تقول ان اغلبيه ردودي بدون سلام ولا مرحبا (يمكن لانك مو كويتي فما تدري احنا الكويتين عندنا شي اسمه ميانه يعني عادي اندش ونكلم بعض بدون سلام لان تلقاني مسلم على الشخص من الصبح او على الماسنجر فعادي) واذا تحس اني غلطت بحقك يبا حقك علي وانشالله مايصير زعل على شي مايسوه);-)

Ibrahim

23-05-2003, 07:03 PM

يمكن لانك مو كويتي فما تدري احنا الكويتين عندنا شي اسمه ميانه يعني عادي اندش ونكلم بعض بدون سلام
الصراحة أول مرة أسمع بهذا الشيء.

القصة لا هي كلام فاضي أو زعل ولاحتي أنا عندي حساسية من ردك

بالعكس ردك كان دقيق و في محله .. و أنا أؤييدك في كلامك..

لكن الموضوع و ما فيه أني حبيت نتعارف .. :)

l)@RK-l)EVIL

23-05-2003, 07:10 PM

الرسالة الأصلية كتبت بواسطة DOOM LORD999

الصراحة أول مرة أسمع بهذا الشيء.

القصة لا هي كلام فاضي أو زعل ولاحتي أنا عندي حساسية من ردك

بالعكس ردك كان دقيق و في محله .. و أنا أؤييدك في كلامك..

لكن الموضوع و ما فيه أني حبيت نتعارف .. :)

تسلم حبيبي :D
والتعارف شي حلو ;-)
بس انت فضحتنى الكويتين مو كلهم يدشون بدون سلام بس الي يعرفون بعض وايد (يعني الي تكون بينهم طايحه الميانه):6

Ibrahim

23-05-2003, 07:18 PM

الرسالة الأصلية كتبت بواسطة l)@RK-l)EVIL

تسلم حبيبي :D
والتعارف شي حلو ;-)
بس انت فضحتنى الكويتين مو كلهم يدشون بدون سلام بس الي يعرفون بعض وايد (يعني الي تكون بينهم طايحه الميانه):6
:)
حتي عندنا في هذي الصفة . . نسميها يمون عليك الشخص
بالنسبة لي دائمة أفضل السلام ما بين اللقاء سواء اعرف الشخص أو لا

تحياتي لك