مشاهدة النسخة كاملة : أنا حاسس إني غلطان!!
السلام عليكم ورحمة الله وبركاته.........
كيفكم شباب وبنات ؟؟؟
إنشاء الله تكونوا 100100 زيي;)
in any case
فكرة الموضوع إنو كل واحد يضع الموقف الي غلط فيه غلطة وهو ما يدري إنو غلط................
وأنا ابدأ:
في يوم من أيام الدراسة من زمااان الأستاذ وزع أسئلة عشان اختبار تجريبي للنصوص يعني حفظ
المهم جاتني الورقة وقريت السؤال وطلع سهل وحليتو
وقدمت الورقة للأستاذ
وطلع فيه بيت من القصيدة حطيته قبل التاني أو العكس ((ماني فاكر))
وقلي الأستاذ لا تستعجل عندك غلطة خد راجع
أخدت الورقة وعرفت الغلط وحطيت نفس الكلام الي قبله وأنا ماني داري إنو نفس الكلام الي قبله وسلمت الورقة
رجع تاني الأستاد وقلي يا..........ايش حكايتك؟ لاتستعجل وأعطاني الورقة تاني مررة
وبعدين عرفت الغلط وصحتته وسلمت الورقة
وعرفت إني غلطت وأنا ماني داري?:
إنشاء الله تعجبكم الفكرة.
على العموم نبغى الموضوع يتفاعل وكل واحد يحط موقفه
بايوووووووو":"
voulnet_86
22-05-2003, 10:37 PM
لول..وايد صارت:
1-بالامتحان (امتحانات وايد صارت لي هذي الحركة فيهم) احل مسألة..و اقعد اراجع و اراجع...لحد ما اسمع واحد يغشش الثاني..او اتردد..و اقوم اغير الحل...و لما اطلع من الامتحان يطلع حلي الاول صح!
2- مرة و انا داخل المسجد..شفت صبي صغير يحاول يدخل القاري (الدراجة) داخل مكان النعل عشان ما يبوقونه العقد ^^ ..المهم رحت ابي اساعده ...يعني يكون طيب! المهم رفعت القاري جان احوش رجله..المسكين تعور حيل..قعد يعري لحد ما دش المسجد..حتى و اهو يصلي اسمعه يقول : آييي...احححح.....طبعا انا ويهي صار طماطة ^_^
3- مرة انكسر شي زجاجي بالمطبخ (ما اذكر اذا كان صحن او قلاص..) و اخوي الصغير كان يبي يمشي عليه و اهو ما يدري...ركضت يأسرع ما عندي عشان اوقفه..و لما وصلت حقه حاولت اوقف (طبعا انا مسرع) ما قدرت اوقف بسرعة..دعمته و وقعنا احنا الاثنين على الزجاج المكسور...طبعا خواتي ظحكوا علي...
4-مرة رفيجي ينتظرني بره البيت..دخلت البيت عشان اعطيه شغلة و كان مستعجل..كل شوي يطق الجرس و انا احاول ادور على الشي هذا..لما طفشت من الجرس رفعت سماعته و قلت : كاني جاي يالحماااار!
و اذا بأبي يرد علي و يقول : انا حمار؟؟ انا اوريك....(طلع ابوي توه جاي و مستعجل)
طبعا هالمرة وجهي صار احمر و جسمي بعد....!
في مواقف وايد تصير لي مثل هذي...بس ما اذكر..
أهلا بيك voulnet_86
صراحة مواقفك تضحك:D
وبالذات آخر موقف!!
شكرا على مشاركتك وننتظر المزيد من الردود;-)
بايووووو":"
D0WN~T0WN
23-05-2003, 11:13 PM
اذكر اني كتبت دليل من القران في اختبار الرياضيات
voulnet_86
23-05-2003, 11:27 PM
الرسالة الأصلية كتبت بواسطة D0WN~T0WN
اذكر اني كتبت دليل من القران في اختبار الرياضيات
ودي اصدق بس قويه قويه!!
لول..لا يبا مصدقينك! انا بامتحان الرياضيات لا تشوف شكل الاسهم اللي تدل على الحل...تضيع!!
Dark_Matter
23-05-2003, 11:58 PM
مرة من المرات كنت قاعد اعلق على مباراة مصارعى بلايسيشن بين عيال عمتي وكنا في بيت ولد عمتي الكبير وانا متحتمس واشجع بأعلى صوتي وفي النهاية بعد ما انتهت المباراة لقيت ولد عمتي الكبير واقف من بداية المباراة وانا قاعد اعلق...
للأسف صحيته من نومه :(
":"
Liquid_Snake
24-05-2003, 02:24 AM
والله فكرة حلوة
المهم، في امتحان الفيزياء حق ثالث ثانوي، صار لي هالموقف
حليت كل الأسئلة وطلبت من المراقب استلام الورقة عشان امشي، فقال لي انه نصف الوقت ما خلص وما اقدر اطلع
المهم جلست، واشوف الناس قاعدين يحلوا كثييييييير
وانا قاعد ارسم على ورقة الأسئلة لين امتلت
قلت خلني ارسم على الظهر
وقلبت الورقة
وكانت المفاجئة
الوجه الثاني عليه اسئلة
وأنا صرت كذا :! :! :! :! :!
وامسك القلم واشخط
بس الحمد لله امداني احل الباقي بس بالمووووووت
وجبت 98.5 :D :D :D :D :D :D :D
أهلا بيك D0WN~T0WN
شكرا ع المشاركة وأكيد كنت بتغش وكتبت آية((وجعلنا من بين أيديهم سدا .....)) لوووووووووول:D _____امزح معاك____
هلا بيك مرة تانية voulnet_86
شكرا للمشاركة معانا ونورت الموضوع وكلنا في الاختبارات ضايعين :p
أهلا بيك هشام نورت الموضوع":"
وشكرا ع المشاركة معانا ولا تخاف موقفك كم مرة سار فيا;)
أهلا وسهلا Liquid_Snake
شكرا ع المشاركة معانا وصراحة أنا حسيت بموقفك بس احمد ربك ماسارت فيك شيء أصعب من كدا":"
وكمان أزيد من المواقف:
أنا مرة رحت الاختبار(حديث) ومبسووووط ومذاكر 100100 وماألقى إلا وناس ماشيين وكتاب التوحيد معاهم قلت لواحد صاحبي شوف هذا الغبي يحسب علينا توحيد وهو حديث طالع فيا وقلي لايكون ذاكرت الحديث أنا سار وجهي كدا :p قلتلوا عارف مزحك الثقيل قلي لا والله علينا توحيد وبعدين سار وجهي :واو: :": :واو: :! وخايف وتوكلت على الله ودخلت الاختبار وجبت 15\15 الحمد لله الحمد لله (اختبار نصفي)
وننتظر المزيد من الردود":"
بايووووووو":"
مجـروح الزمن
24-05-2003, 03:01 PM
مره من المرارير :
رحت لسوبر ماركت وكان معي 200 ريال >> واحد يبي يعلمكم انه معه فلوس:6
المهم اشتريت وطلعت وحطيت الفلوس بجيبي
ورحت وعبيت بنزين >> واحد يبي يقول قصه حياته
عشان ما اطول عليكم .
ناظرت الا ناقصه ميه رحت وقلبت المحل فوق تحت الا تطلع الميه
وقلت انه البايع ما ردها لي وقلت اذا ما طلعت باتصل على الشرطه
وفي الاخير لقيت الميه بجيبي :6
وكمان مره : اخذت فلم اكشن من واحد
وانا ما ادري اعطيته لواحد ومر شهر
جاني الولد قالي وين فلمي قلتله اعطيتك اياه
وحنا جالسين نتغالط جاء الثاني وقالي يا .... خذ فلمك
وقتها وجهي ما ادري وين راح:6
هذا الي قدرت اتذكره الحين
مجـــــــــــــــ الزمن ــــــــــــروح
Dukefleed
24-05-2003, 06:17 PM
الرسالة الأصلية كتبت بواسطة voulnet_86
لول..وايد صارت:
1-بالامتحان (امتحانات وايد صارت لي هذي الحركة فيهم) احل مسألة..و اقعد اراجع و اراجع...لحد ما اسمع واحد يغشش الثاني..او اتردد..و اقوم اغير الحل...و لما اطلع من الامتحان يطلع حلي الاول صح!
انا دايماً يصير لي :":
حتى في مرة كتبت الجواب صح بعدين غيرته بعدين كتبته مرة ثانية صح وبعدين غيرته :D
-----------------------------------
تذكرت موقف ( مب Park يعني :D ) :
انا مرة كنت ساير النتوورك Network ويا ولد عمي انزين هو كان يالس عدالي طول الوقت ....
المهم عاد وانا ما ادري هو راح يغير مكانه .. ويا ( جاء ) واحد ما كنت اعرفه يعني انا ما كنت منتبه اتحرى انه هو ولد عمي وتميت ميود ( ممسك ) يده واكلمه وآخر شي اشوف وويهه ( وجهه ) يطلع واحد ثاني :! والله لو تشوفون كيف كان شكلي .. وبعد نزيد الطين بلة انه ولد عمي كان وراي وشاف هالمشهد :" فظحني :غضب:
:D :D
هلا مجروح الزمن
شكرا للمشاركة وصراحة مواقفك تضحك:D :D
أهلا وسهلا بيك Super-Mario
شكرا لمشاركتك وأنا حاسسبك وقت الموقف;-)
وننتظر المزيد من الردود والمواقف ":"
بايووووو":"
SNOoOP
25-05-2003, 09:03 PM
الرسالة الأصلية كتبت بواسطة D0WN~T0WN
اذكر اني كتبت دليل من القران في اختبار الرياضيات
اخافك حطيت دليل تحريم الشعوذه
موضوع كذاhttp://montada.com/games4arab/images/icons/icon14.gif ..
مشكور قدن قدن;) ...
امممممم اما عن الموقف والله اممم كثير:# ..خصوصا اذا اغلطت على اهلي اهيء بث..
انامرة كنت ادافع عن نفسي وعن موقفي وكنت مظلومة ونسيت نفسي وتحمست وما دريت اني اجرح الي قدامي...
وبعد مرة قطيت الميانه بقوة مع الدكتورة وقلت لها
لاو والله:6 احلفي...:6
ولفت علي وعيونها مبققه وشلون اكلمها بذي الطريقه..
واخذت تهزييء الى قبل:#
وث اثوي انا بث:":
شكرا على المشاركة معانا SNOoOP
أهلا وسهلا Lena
وشكرا ع المشاركة ونورت الموضوع وكم مرة شفت زي مواقفك والله تراها صعبة بقوة:6
وننتظر المزيد من الردود":"
بايووووو":"
sniper-vip
25-05-2003, 10:38 PM
طيب امسكو ذا الموقف
مره وانا صغير رحت السوق مع امي
طبعا تعرفون مافي شي يطيح في عيني الا
وابغا اشتريه ":"
الموهم اختفت امي لحظات
ومسكت يد حرمه وجلست امشي معاها طول الطريق
وهي مستغربه ولفت انتباهي شي قلت
امي امي ابغا اشتريه طالعت لقيت الشكل تغير شوي
وانا صار وجهي كذا :":
بعدين جات امي وانقذتني :D
Touya
26-05-2003, 12:43 AM
الغـ$ـrichـ$ـني
ًار اللي موقف نسخة من موقفك يوم كنت صغير(ويمكن أكثر من مرة).. كنت بالمستوصف الهفوف الوطني ازور دكتور الإطفال الرسمي لعائلتنا أنا والوالد وكنت وقتها صغير ومضيع.. أهم شي التفت شوي ولا ابوي مختفي... وين ابلقاه اللحين?: اتلفت اتلفت يمين يسار.. ولا اشوف ذاك اللي معطيني ظهره ولابس غترة.... وييييييييييي واقوم اركظ.... يبااااااااه:!
ولا يلتفت الرجال علي... ولا مو ابوي... أعععععععع?: وفقت زي المصدوم كذا شوي:! واتلفت واروح اوقف عند الإستقبال لين ماجاء ابوي..وانا وجهي متعفط وحالتي حالة:":
بس تبون موقف صار لي وللحين حاقد عليه... كنت في مدرسة الانجال الإبتدائية... صف ثالث أو رابع إبتدائي... مو مهم.. وكنا في اختبار.. ولا الطبيعة تاخذ مجراها والخلاط يضرب... والوجه تعفط.. طبعاً استرخصت من المدرس وطيران على دورة المياة... واريح.. المهم دقايق ولا انا جاي اركض راجع للقاعة.. وادخل طيران... على المقعد على طول...(امتحان.. لازم ماضيع الوقت) ويافرحة ماتمت... مادريت ولا واحد يصرخ في وجهي...
وين رايح؟! ليه مادقيت الباب؟ روح دقة وإستأذن!:غضب:
ولا المدير داخل القاعة يوم رحت وقاعد مسوي عمره.
والمدرس فزع معي..كسرت خاطره.." هو مش قصده هو مادرى انك جيت" بس لاحياة لمن تنادي
المدير مو شايف أحد.
وأنا انصدم... واتعفط.. واروح للباب وكاتم نفسي.. وادق الباب وأستأذن.. ويقولي "يالله ادخل وعلى كرسيك بسرعة":o
طيب منديني فيه لو ماتلقفت:غضب: (في خاطره)
واجلس.. ومادريت ولا شوي واحد جنبي يقول... "يووووه طالبه المدير:p"... هيه؟؟ من متى الميانة؟؟ من متى لك حق تتريق علي؟ والله انقهرت منه.. وماكها في خاطري هالسالفة لين صف خامس أو سادس.. انتقمت في حصة الرياضة..:D
دقيقة.. اللحين أنا غلطت؟ يمكن.. لني ماستأذنت.. بس مو ذنبي.. المدرس مالي داري وش الوضع وماأتوقع انه بيسوي لي زي كذا:#
الغـ$ـrichـ$ـني
شكرا لمشاركت معانا وعلى مواقفك الظريفة:D :D
أهلا وسهلا بيك مرة تانية Touya
شكرا للمشاركة ونورت الموضوع;-) ومواقفك حلوة بس تقهر صح":"
وأنا عندي مواقف كثيرة بس مررررة ماني فاكر شيء وإنشاء الله لمن افتكر على طول أقولكم":"
وننتظر المزيد من الردود":"
بايوووو":"
الرعد المخيف
26-05-2003, 09:22 PM
الرسالة الأصلية كتبت بواسطة D0WN~T0WN
اذكر اني كتبت دليل من القران في اختبار الرياضيات
انا مرة كتبت ( فلافل , حليب , بيض , دجاج , جبن .......... ) في مادة القواعد
يوم انا في صف ثاني متوسط ..:أفكر:
كان الأختبار يوم السبت أو الأحد ( ماادكر ) ..!! كان علينا قواعد انا نسيت وداكرت علوم
جيت المدرسة مستعد للأمتحان مداكر عدل لحدي إلا اشوف إلا قدامي يداكر قواعد ..
طلع الأختبار قواعد مو علوم انا هني تبهدلت ..:":
قلت إلى استاذ القواعد :
انا فكرت اليوووم علوم توني داري إنه قواعد قالي الأستاذ :
علينا هاالحركات قلت له والله استاذ .......:! قال يلا حل وبلا كلام زايد
قلت له انا ماعندي جدول نقلت من واحد معانا في الصف الضاهر نقلت غلط .
قالي مافي إعادة للأ ختبار ........:غضب: :غضب: :غضب: :غضب: :غضب:
جتني الورقة ما عرفت وش اكتب ما نا فاهم شئ قلت عشان لا أقدم الورقة فاضية
اكتب له فلافل , حليب , بيض , دجاج , جبن ........ ومن هالكلام . :6
-------------------------------------------------------
لكن بعدين حطها لي الدرجة 5 ....... من 15 لأن كان شهري زي ما ادكر :أفكر: ..!!!
نجم الالعاب
28-05-2003, 11:30 AM
الرسالة الأصلية كتبت بواسطة الرعد المخيف
انا مرة كتبت ( فلافل , حليب , بيض , دجاج , جبن .......... ) في مادة القواعد
يوم انا في صف ثاني متوسط ..:أفكر:
كان الأختبار يوم السبت أو الأحد ( ماادكر ) ..!! كان علينا قواعد انا نسيت وداكرت علوم
جيت المدرسة مستعد للأمتحان مداكر عدل لحدي إلا اشوف إلا قدامي يداكر قواعد ..
طلع الأختبار قواعد مو علوم انا هني تبهدلت ..:":
قلت إلى استاذ القواعد :
انا فكرت اليوووم علوم توني داري إنه قواعد قالي الأستاذ :
علينا هاالحركات قلت له والله استاذ .......:! قال يلا حل وبلا كلام زايد
قلت له انا ماعندي جدول نقلت من واحد معانا في الصف الضاهر نقلت غلط .
قالي مافي إعادة للأ ختبار ........:غضب: :غضب: :غضب: :غضب: :غضب:
جتني الورقة ما عرفت وش اكتب ما نا فاهم شئ قلت عشان لا أقدم الورقة فاضية
اكتب له فلافل , حليب , بيض , دجاج , جبن ........ ومن هالكلام . :6
-------------------------------------------------------
لكن بعدين حطها لي الدرجة 5 ....... من 15 لأن كان شهري زي ما ادكر :أفكر: ..!!!
والله ان المدرس هذا ظالم:غضب: :غضب:
طيب روح اشتكي للمرشد او المدير?:
الرعد المخيف
29-05-2003, 04:43 PM
الرسالة الأصلية كتبت بواسطة نجم الالعاب
والله ان المدرس هذا ظالم:غضب: :غضب:
طيب روح اشتكي للمرشد او المدير?:
إذا فات الفوت ما ينفع الصوت ..:(
أهلين الرعد المخيف
شكرا على مشاركتك معانا وعلى وضع مواقفك والصراحة إنتا الغلطان ليش ساكت المفروض تشتكي أي أحد هذي درجات مو لعب:D
هلا بيك نجم الألعاب
شكرا على مشاركتك معانا;)
وننتظر المزيد من الردود:)
بايوووووو":"
أهلين الرعد المخيف
شكرا على مشاركتك معانا وعلى وضع مواقفك والصراحة إنتا الغلطان ليش ساكت المفروض تشتكي أي أحد هذي درجات مو لعب:D
هلا بيك نجم الألعاب
شكرا على مشاركتك معانا;)
وننتظر المزيد من الردود:)
بايوووووو":"
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .