معرض رسوم الاعضاء كيف نتخيل بعض ^_^;?!?! [الأرشيف]

Miss_kimino

23-05-2003, 04:12 AM

سلام للكل ...

يتني فكرة .. ما ادري حلوه و لا مب حلوه .. و ما ادري إذا سويتوها من قبل ؟!؟!

هي تقريبا لعبة ... المهم ..

في هاي اللعبة .. بيكون كل مرة الدور على عضو معين ... المفرض علينا
نرسم هالعضو في رسمتين .. الأولى : شكل شخصيته المعروفة في المنتدى .. و الثانية .. كيف نتخيل شكله في الحقيقة ;) (بس طبعا بشكل كاريكاتيري)

تستمر الرسمات لحد معين .. مثلا إسبوع او اكثر ( على كيفكم) بعدين العضو المقصود يقول و يعترف ( اي رسمه كانت الاقرب لشكله الحقيقي من الرسمات إلي اندرجت ...

بعدين الشخص إلي رسم الرسمة الاقرب هو إلي يختار العضو القادم(( و إلي بيتم رسمه))

إنشالله تكونون فهمتوا عليه ... و إنشالله ما تكون لعبة بايخة:0) :أفكر: :o

أنا ببدأ اللعبة و بختار عضو ... و هو

رانـــما :0)

كيف تتخيلون شكله الحقيقي؟؟؟ لازم اتكون رسمتين .. الشخصية المعروفة في المنتدى و الشخصية الحقيقية ;-)

Touya

23-05-2003, 05:05 AM

هههه بدينا؟؟ رانما أخاف ارسمه افضحه...

أنا ماشفته محلق وهنا أكبر مشكله... يعني بتشوفون الشوشة والزلوف... وحالة..:6

هاها أرسمه؟:6

تيرا

23-05-2003, 08:41 AM

حلوه هذه اللعبه وراح اجرب ارسم رانما :D

orange road

23-05-2003, 03:25 PM

مسكين رانما

من البداية... ^^ طاحت على راسه

يللا تويا رسمه .. ههههههههههههه كلنا نبي نجوف شكله :6

stupid montada

23-05-2003, 04:12 PM

الرسالة الأصلية كتبت بواسطة orange road
كلنا نبي نجوف شكله :6

الا انا مابي اشوفه

Touya

23-05-2003, 04:16 PM

اوكي رسمت له بورتريه... بس ناقص اشوفه عشان احطها ولا لأ:6

بس بعض الأعضاء بتتهرب لهم eventually:6

ههه يالله تعين... شكله رانما يبى يمسكني الأثنين الجاي لما اروح للظهران... بينتفني تنتيف ويدعسني بالباسات مالته... طبعا الباسات هي الشيء الوحيد اللي بيخفف علي آلامي...:6 ويعتبر رحمة للي شكله بسيويه لي:6

الصورة موجودة على النت.... بس وييييين... Only ranma can decide :6

Miss_kimino

23-05-2003, 05:28 PM

ماشالله عليكم ..

شكله الموضوع عيبكم ..

Touya شو تنتظر .. يلا إرسم رانما و خلينا نشوف الحقيقة المرة;-) :6

تيرا ... ننتظر رسمتج :D

وين باقي الاعضاء .....يلا خلونا نشوف رسماتكم

ديابلوس

23-05-2003, 05:58 PM

اعتبروني معاكم ;)

انتظروا الرسمة ^^

تحياتي لكم :)

Ranma Saotome

23-05-2003, 06:13 PM

:! :! كيميييينووووووووووووووو :"

زين ان حطيتي الموضوع :D

لكن.... لكن.... ليييييش انااااا ?:

لو أدري جان قلت لج الموضوع مش حلو وماخليتج تكتبينه :p

انا اول واحد ?:
لااااا والمشكله تووووويااااااا... ارسم شكلي كشخه هاه.. ههههههه كوول وحاله وخطير وحركات هعهعهعهع.. عاد شكلي باللحيه صج غلط :":

احم.. اوكي... لازم ارضى بالامر الواقع..

لكن تويا حبيبي.. نصيحه.. لاتطب عندنا يوم الاثنين... هذا اذا كنت مهتم بحياتك ":" هعهعهع..

لا لا.. تويا اعرض رسمتك آخر شي.. عشان مايبنون عليها رسومهم هم ;)

اوكيييي.. انا اول ضحيه :)... ماقدر انطر لين اشوف رسوم الاعضاء عني

اوه نسيت.. كيمينو موضوع رهيييييييب ;-)

Touya

23-05-2003, 06:24 PM

أوككككككككككككييييييي...

اللحين 2 بس اللي شافوا الصورة... سبيس و عيسوز.. أنا عرفت راي سبيس...

بس اللحين ابخليكم تتخيلون رانما... وبعدين افضحه:6

Miss_kimino

23-05-2003, 07:08 PM

ديابلوس ... أكيد انت معانا ... ونرحب بمشاركات كل الاعضاء ( احم .. جنه إذاعة إف إم)):":

Ranma Saotome كعكععكععكعككععكعك ... شو اسوي يا رانما .. انت الوحيد إلي طريت على بالي .. نجابل بعض 24 في المسنجر .. إخترتك بعد تقديرا لوقفتك معاي امس (( في الجو الممل على المسنجر ..و يوم نقعونا باقي الاعضاء خياااااااااانة:غضب: ))

فقالت مافي أحلى من هالهدية:D :D :D

:أفكر: حليلي :أفكر: والله ما سويت شي غلط:": أنا بريئة

الله يستر بس ;-)

sweet girl

23-05-2003, 07:42 PM

فكرة ذكية

والمسكين رانما :":
تويا متى ترسمة :6

Touya

23-05-2003, 07:49 PM

أنا راسم بورتريه له وخالص لكن المشكلة هو يبغاني اللحين اخليها شوي لين نشوف رسم الأعضاء له... عشان نشوف وش ترسمون...

وشلون تتخيلون رانما؟:6

MeMe CHaaN

23-05-2003, 11:22 PM

هلاوووووو مس كيمينوو...:0)

شحالج؟؟؟ شخبارج...:0)

مس كيمينو؟؟؟؟؟؟
على شو ناويه هااااااااااااه؟؟؟
تبين إطيحين سووووق موضوعي ارسم الأعضاء...:" :"
لأنه مش جنه يشبه لحد معين؟؟؟؟؟?: لا واييد بعد.. لووول.. :6

بس ياالله ما عليه شو نقدر نقووول.. لوول..
ما نروم نزعل مس كيمينو و نقولها شي؟؟لووووول..
حلوووه واييد الفكرة.. هي هي هي هي :0)

ميمي
:D

Miss_kimino

25-05-2003, 01:13 AM

هلالالالالالالا مي مي ~_~

لالالالالالالالالالا ... يا مي مي .. افا عليج .. مستحيل اسرق فكرتج:0)

هاللعبة تختلف عن "إرسم الاعضاء" ...

في هاللعبة .. نرسم تخيلنا لشخصية الحقيقية ..بس انا قلت لازم إتكون هالرسمه مع رسمة ثانية و هي شخصية العضو في المنتدى عشان نميز و نعرف لمن هالرسمة:0) افففففففففففف .. انا ساعات ما اعرف اوصل المعلومة ... ما عليه .. إعذريني .. كله من هالجامعة!!:(

يلا أعضاااااااااااااء ... وين رسماتكم .... خلاص زعلت .. :" :"

Rewayah

25-05-2003, 01:18 AM

ولو موضوع حلو بشارك فيه! @@

الرسالة الأصلية كتبت بواسطة stupid montada
الا انا مابي اشوفه
Why are you being sooo NEGATIVE??? :p

Touya

25-05-2003, 01:22 AM

^^ انا انتظر رسماتكم عشان اسوي expose لخشته الحقيقية... بس تدرون وش قال لما وريته قال حلوة!

مغتر بعمرة الولد... خخخخخخ (يمزح يمزح لاتقلعوا له ضرسXD)

orange road

25-05-2003, 01:42 AM

الرسالة الأصلية كتبت بواسطة stupid montada

الا انا مابي اشوفه

Who cares???

:6

رانما..
ارسمك نفس ما قلت لك ذاك اليوم على الماسنجر :6

Ranma Saotome

25-05-2003, 07:11 AM

خلود!! ذاك اليوم...
ماذكر..

:! :! :! :! :! :! :! heeeeeeeeeeeeeeeeeey لاااااااااااااااااااااااا شنو من صجج انتي... لاتسوينها :".. هذاك مب انا.. هذاك... هذاك... المشكله رقابه :p ارسميني اي شكل الا هذاك الشكل :".. شكلج بتسوينها ?:

تويا!! ههههههههه بس اشوفك بكره وانا اتصرف معاك..

الحين زين جذيه تزعلون كيمينو ومحد يرسم شي :(

انا بعد ماقدر انطر واشوف شلون متخيلين شكلي الاعضاء (يانا باضحك ضحك..)

y0y0 cHaaN

25-05-2003, 01:00 PM

كشخة الموضوع Miss_kimino ...

ويى الدور على رانمااا ..

ان شاء الله بشترك ..

Neo Cid

25-05-2003, 02:53 PM

موضوع جميل و رائع .. :D

راح نطلع عليك يا رانما .. أكثر و أكثر بعمق .. :أفكر:

http://webpost.net/sp/spikeyman/devil.gif

:D

amish_chan

25-05-2003, 03:07 PM

هلا cousin

الفكره حلوه...بس شوي صعبه :D :6

انشاء الله ...اتفيج و ارسم :D

Ranma Saotome اذا طلعت الرسمه مش okeh لا تزعل :6

تيرا

25-05-2003, 07:14 PM

انا مااعرف ارسم شخصيات انمي بس حاولت وسويت اللي علي
هذه شخصية رانما الاساسيه

تيرا

25-05-2003, 07:16 PM

وهذه شخصية رانما الحقيقية على حسب اعتقادي
واعتقد انه يجنن القطاوه بدال مايخاف منهم!!
وانا بصراحه مااعرف ارسم شخصية الحقيقية الا كذا:6

Touya

25-05-2003, 07:38 PM

هع هع شباب شيلوا اسم رانما من راسكم وتخيلوا واحد اسمه عبدالله...

:6

تيرا الرسمتين ماشبهون بعض؟؟ ترا عبدالله مايشبه رانما ابداً:6

Miss_kimino

25-05-2003, 09:42 PM

y0y0 cHaaN و Neo Cid

ننتظر مشاركاتكم;)

amish_chan وييييييييييييييييييييينج ما تبينيييييين .. يلا شاركي بدال عني في الموضوع ما دمتي بنت عمي ;-) ما اقدر ارسم هالأيام لآني مشغووووووولة وايد مع الجامعة..

تيرا ... انا ببقى دايما مبهور بسرعة ردت فعلج .. يعجبني هالشي فيج:0)

بس انا كان قصدي من اللعبة إنج ترسمين "شكل" العضو الحقيقي :-) بس على العموم شكرا على مشاركتج...

Touya:": حمستنا نشوف شكل رااانما :D

Ranma Saotome

26-05-2003, 10:23 AM

سلااااااااام

مشكووووره تيرا على الرسمه الحلوه :# هههههههه لا وطلعت اشبه رانما :D ياسلااام طالع شكلي كشخه.. ثنننننكس عالرسمه

تويا...... شتبي انت شتبي :غضب: محتر ان مطلعيني كشخه :p ههههههههههه... صح كلامك.. لاتتخيلون رانما.. تخيلوا واحد اسمه عبدالله..
لكن انا اشبه رانما وايد ترى ":" (لاتصدقون).. بعد لاتصدفون تويا :غضب: صحيح اني ماشبه رانما ابدا.. لكن انا وايد احسن منه (بعد لاتصدقون) هههههه..
ماعليكم.. بس ارسموا واحد لايعة جبده من الجامعه يحب السيارات والانيمي وماياكل وايد هعهعهعهع وصف دقيق هاه..

اميش تشان.. اهم شي ترسمين مو مهم الشكل.. والله ودي اشوف منج رسمه :"

احم.. كأني طولت :أفكر: عجلوا عشان نطيح على عضو ثاني hehe

sakura wakky

26-05-2003, 11:40 AM

ميس كيمينو :0)

حلوة فكرة الموضوع أنا بحاول كثر ما أقدر و إذا كنت فاضية

أرسم لأني مو سريعة بالرسم و الأفكار ما تييني بسرعة ( عذر أقبح من ذنب :6 )

حلو الدور على رانما

نياهاهاهاهاهاهاهاهاهاهاهاهاي

:D

مسكين يا رانما راح تنفضح

لوووووووووووووووووووووووووووووووووول

أنا أشوف و راح أحاول أرسمك

سي يو ;-)

تيرا

26-05-2003, 12:50 PM

الرسالة الأصلية كتبت بواسطة Miss_kimino

بس انا كان قصدي من اللعبة إنج ترسمين "شكل" العضو الحقيقي :-) بس على العموم شكرا على مشاركتج...
Touya :D
والله فاهمه قصدك بس اقرأي اللي كتبته في ردي السابق:

وانا بصراحه مااعرف ارسم شخصية الحقيقية الا كذا
عذروني لان ماعندي اخ في الجامعه علشان استفيد من بعض ملامحه علشان كذا قلت مااعرف ارسمه الاكذا!!!
&Sooooooooory على الازعاج:D

al-moozaayaaf

26-05-2003, 06:41 PM

واو موضوع فكرته حلوة
:)

شكل رانما الحقيقي بدون بلبول و لابس ثوب يعني صعبة
:D

و طبعاً بشت و مسباح و خنجر
:D

ها ماصار رانما :#

Miss_kimino

27-05-2003, 02:24 AM

الرسالة الأصلية كتبت بواسطة تيرا
عذروني لان ماعندي اخ في الجامعه علشان استفيد من بعض ملامحه علشان كذا قلت مااعرف ارسمه الاكذا!!! &Sooooooooory على الازعاج

:! تـــــــــــــــــــــــــــــــــــــــــــــــــيرا ...... شو سوري على الإزعاج ؟؟؟ لالالالالالالالالالالالا بالعكس ... مشاركتج واااااااااااايد عجبتني خصوصا إنج رسمتي (شخصية العضو مو شكله .. يعني بدال لترسمين شكله الحقيقي حاولتي ترسمين تصرفاته :0) فكرة حلو والله...

:o ليش سوري؟؟؟؟ بالعكس والله يا تيرا تعجبني مشاركاتج

تيرا

27-05-2003, 12:39 PM

الرسالة الأصلية كتبت بواسطة Miss_kimino

:! تـــــــــــــــــــــــــــــــــــــــــــــــــيرا ...... شو سوري على الإزعاج ؟؟؟ لالالالالالالالالالالالا بالعكس ... مشاركتج واااااااااااايد عجبتني خصوصا إنج رسمتي (شخصية العضو مو شكله .. يعني بدال لترسمين شكله الحقيقي حاولتي ترسمين تصرفاته :0) فكرة حلو والله...

:o ليش سوري؟؟؟؟ بالعكس والله يا تيرا تعجبني مشاركاتج

بصراحه اخجلتيني بكلامك ماني عارفه شو اقول......
المشكله اني حاولت ارسمه كصورة انسان طبيعي بس طلعت الرسمه بشعه جدا جدا ومابي اجرح رانما بهذه الرسمه واتمنى انه مايشوفها

luna from moon

27-05-2003, 03:13 PM

salam 4 @;)

mumkiin so2al ya تيرا ??... lish dasah kil ha al mawohibah ???

your sis

luna dono

ps: this is tira work.. enjoy;)

تيرا

27-05-2003, 03:30 PM

حرااااااام عليك يالونا ليش حطيتها
وضعتيني في موقف محرج :!
انا قلت ان هذه الرسمه تفشل وانا حطيتها في ملف مضغوط علشان مابغي اشوفها معروضه:":

luna from moon

27-05-2003, 03:39 PM

هلا تيرا ;)

افاااااااا....وين اتفشل رسمتج يا تيرا ؟؟؟:(

بالعكس ... لازم رانما يخلي راسه فوووووووق لأنج رسمتيييه;-)

انا أول ما جفت الرسمه قلت ماشا الله جنها صوره جواز سفر ما شا الله

:D لو انا بدالج جان أنفجرت من الخجه;-) :cool:

your sis

luna dono:D

don't be ashemed from your drewing:D at least it is better than mine;-)

تيرا

27-05-2003, 03:46 PM

مشكوره اختي لونا بس مادري الى الان فيني احساس انها موعدله وانها اتفشل وانتي اول شخص يشجعني لان اليي في البيت ماعجبتهم وقولون انها بشعه..:D
ويالله انتي بعد لا تحرمينا من مشاركاتك

luna from moon

27-05-2003, 03:55 PM

لا شكر لواجب:D

Miss_kimino

28-05-2003, 12:04 AM

تيرا .. :واو: أختج على صواب...

ليش اتقولين انه الرسمة بشعة؟؟؟:غضب:

بالعكس ... واااااااااااااااااااااااااااااايد حلوه ..التظليل فيها رهيييييييييييب

و عجبتني انها على جنب !!!

ههههههههههههههههه هذا رانما ؟؟؟؟؟ يلا ننتظر رد رانما و تعليقه على رسمتج :D

Ranma Saotome

28-05-2003, 12:56 AM

:واو: ماشااااء الله عليج تيرا رسمتج رهيبه صراحه

ماقول انها تشبهني..
بس في شبه.. انا اسمر.. شعري قصير تقريبا نفس هالشعر..
و ايه.. لالا خلاص مب مكمل عشان مايرسموني الاعضاء عالوصف..

بس جد ترى ;) رسمتج عجييبه ماعليج من كلام اللي في البيت ?:

مشكورة على الرسمه وطبعا راح احتفظ فيها.. كفاية انها منج :)

انتظر مشاركات باقي الاعضاء :D

sakura wakky

28-05-2003, 08:51 AM

تيرا رسمتج حلوة و دقيقة ما عليج من كلام اللي في البيت مثل ما قال لج رانما

يالله وين مشاركاتكم نبي نشوف أقرب شكل لرانما :6

سي يو ;-)

Touya

28-05-2003, 09:55 AM

طن طن طن طن طنطنطن طن طراراران طن طن طن (دقة جيبوردي)

:0)

اليوم... العصر.... لراح ابيعها واعرض سكيتشي الصغير عن رانما..... (لن النسخة الأصلية مادري وش فيها خربت @@)

Ranma Saotome

28-05-2003, 09:58 AM

لاع لاع لاع لاع لاع لاع لاع... :"

انا قلت حق كيمينو ان بقولك تعرضها اليوم..
لكن قالت لي لأ خل ينتظر لين يوم السبت..
لأن الاعضاء مشغولين وفي الويك اند بيفضون وانشالله بيرسمون

وطبعا لأن رسمتك بتكون اقرب وحده للواقع.. فنشوف رسوم الاعضاء اللي ماشافوني اول احسن..
انطر شوي plzzz :#

( أما لو محد يعرض شي في الويك اند.. احم :": )

Touya

28-05-2003, 10:11 AM

اوككككككككككككي

ننتظر:D

ماعنك محاضرة؟؟ يالله شو شو شو:6

sakura wakky

28-05-2003, 11:01 AM

يالله تويا لا تخاف إحنا ناطرينك تحط رسمتك :6

لووووووووووووووووووووووووووووووووووووووووول

راحت عليك يا رانما خلاص بتنفضح:0)

هههههههههههههههههه

يالله ما يخالف إحنا شورانا ننطر باجي الأعضاء يرسمون

تيرا

28-05-2003, 01:28 PM

رانما:
ماتوقعت انها راح تعجبك:o
وشكرا لكم جميعا:p
ويالله انا في انتظار رسمة تويا لاني ابغي اعرف شكل رانما الحقيقي":"

Miss_kimino

28-05-2003, 08:20 PM

لالالالالالالالالالالالالالالالالالالالالالالالالالالالا

عاد انا صدق صــــــــــــــــــــــــــــــــدق الحين عصــــــــــــــــــــ:غضب: ـــــــبت!!!!!!!!

شو هذا ؟؟؟ محد يشارك في موضوعي:غضب: غير ""تويا "" (شكرا تويا:" )

:غضب: :غضب: هذا اول موضوع اشارك فيه و تسوووني فيني هالحركة؟؟؟:غضب: :غضب:

........!؟!؟!!؟!؟!! :غضب: حتى دخان يطلع من راسي!!!!!!!!!:غضب:

أنا خلاص ........معصبة و زعلانة و مقهورة و طفرانة و وووووووووو
من.................... الجميع:" :"

ديابلوس

28-05-2003, 08:58 PM

مرحبا ^^

سوري عالتأخير :D

سوري مس كيمينو عالتأخير :":

و هذي رسمة ...

:D

اسمحلنا رانما :6

انشالله تعجبكم ^^

Miss_kimino

28-05-2003, 09:26 PM

:0) دياااااابلوس!!!!!!!!!!!!!!!!!!!!!!!!!!!!

وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااااووووووووووووووووووووووووو

الرسمة خطييييييييييييييييرة ..... هههههههههههههههههههههههههههههه بعد الغترة على الطريقة القطرية !!! لوووووووووووووووول:D والله قعت أضحك عليها !! اتجنن تحفـــــــــــــــــــــــــة!

شكل الويه عجبني يا ديابلوس!! شكله وسيم رانما !!

..بس ليش قصير!!هههههه

والله حتى انا اتخيل رانما قصير .. ما ادري ليش ;-) :6 لووووووووووووووووووووووووووووووووول!!!

شكرا شكرا شكرا ديابلوس!!:"

Touya

28-05-2003, 09:56 PM

ديابلوس رائعة مشاركتك واسمح لي اني قد اقتبست منك فكرة الجسم لأني كنت متورطاً به... شكراً:6 (الرسمة تم تع
ديلها.. قد اضللها قريباً @@)

orange road

28-05-2003, 10:51 PM

لا تزعلين مس كيمونو.. :(

لكن والله الواحد ما عاد عده وقت هاليومين...
^^
لكن اكا ديابلوس شارك

المشكلة اني ما اقدر اتخيل الاعضاء الا بالصورة اللي لهم في المنتدى.. حاسة ان الموضوع صعب >_<

Miss_kimino

29-05-2003, 01:10 AM

Orange Road
معاج حق ... والله وايد مظغوطين ... الله يعين الجميع ...

إنشالله خير;)

orange road

29-05-2003, 01:39 AM

نسيت اعلق على رسمة ديابلوس..
ههههههههههههه رهيبة
شكله فلة بالغترة والعقال
يا حليله رانما

هههههههههههههههههههههههههههههه عاد تخيل نفسك رانما بنفس هالشكل
يعني بنفس الطول وكل شي
:6

تيرا

29-05-2003, 09:48 AM

ديابلوس:
حلو شكل رانما وهو لابس ثوب:D
بصراحه الى الان وانا اتخيل شكل رانما كيوت ومااقدر اتخيل شكله الحقيقي:6

Miss_kimino:
شو هذا ؟؟؟ محد يشارك في موضوعي غير ""تويا "" (شكرا تويا )
هذا اول موضوع اشارك فيه و تسوووني فيني هالحركة؟؟؟

لا تزعلين ولا تعصبين انا موجوده اهني واذا قدرت راح اشارك ;)

Miss_kimino

30-05-2003, 01:35 AM

تيرا ...لالالالا انا مب معصبة ما دامج شاركتي في الموضوع:D

أنشالله القى وقت ارسم رانما :6

sakura wakky

31-05-2003, 10:00 AM

شلونج أختي ميس كيمينو :0)

لا تعصبين ترى في وايد أعضاء ما يقدرون يشاركون لظروفهم الخاصة أنا صح أرد بالمنتدى بس ما عندي وقت أرسم فيه :" يعني توقعي بالعطلة و الله أعلم إن مشاركاتي راح تقل بشكل فضيييييع

ـــــــــــــــــــــــــــ
ديابلوس حلو رانما اللي راسمه ههههههههههه بس حرام ليش سويته قصير حيل

بس حلوة طريقتك برسم رانما :0)

شكله يونس :D

يالله إن شالله الأعضاء الباجيين يحاولون يشاركون بعد

سي يو ;-)

Touya

31-05-2003, 10:11 AM

يالله اسرعوا... الرسمة بتنشر الليلة:6

مو سبت اليوم؟:0)

Touya

01-06-2003, 05:42 AM

يوووووووووووووووووووء

نمت بدري امس ونسيت احط الرسمة:6

اوكككككككككي رانما ساتسومي!!!!!!! AKA عبدالله.... exposed;-)

Miss_kimino

01-06-2003, 11:11 AM

:!

تويا !!!! :! صدق هذا رانما ؟؟؟؟؟؟ ما تخيلته جذيه أبد ...

بس كاشخ بهالنظارات :0) .. الرسمة حلو وايد .. عجبني الذقن ... حلو راسمنه ..

الخطوط إلي في جنبين الذقن حركة حلوه بعد .. و في الخد .. رسمته طرف داخل على داخل الويه ...هالحركة بعد عجبنتي ^_^

بس والله صدق .. هل هالرسمة تشبه نوعا ما ولا من خيالك:6

يلا يا أعضاء .. رفعتلكم الموضوع عشان اتشوفون هالرسمة الحلوة

عطونا رايكم :0)

sakura wakky

01-06-2003, 11:24 AM

:!

:!

من صجك تويا هذا رانما ؟؟؟؟

ما تخيلته جذي أبد :واو:

بس حلوة الرسمة شكل رانما طالع كول حلو شكل الزلف الطويل و نظاراته عجيبة :0)

وينكم يا أعضاء تعالوا شوفو رانما الحقيقي :0)

و وين رانما بعد خلينا نتأكد هل تويا ضبطه و لا لأ

سي يو ;-)

orange road

02-06-2003, 12:11 AM

صج رانما شكلك جذي ^^
ههههههههههههههههههههههههههه ما اتخيل...

يمكن خلاص ... لان لزقت في مخي صورة رانما اللي نعرفه...
هههههههههههههههههههههههههههههه :6
شكرا تويا لأن الحين عرفنا شلون شكل رانما الصجي... :D

ديابلوس

02-06-2003, 01:23 AM

انزين الحين نبي نتخيل شكل واحد ثاني:أفكر:

ما في حد في بالكم ؟؟؟":"

عاد انا انطر عشان ارسم ههههههههههه...:p

شرايكم برواااااااااااااااااااااااااااااااااااااااااااااااااية؟؟:6 :D

Miss_kimino

02-06-2003, 02:10 AM

معاك حق يا ديابلوس...

بس المفروض ... Touya هو إلي يختار العضو الياي ..لانه هو كان اقرب رسمة طبعا لرانما .. وهاي هي أسس اللعبة مثل ما وضحت في اول هالموضوع ...

ننتظر Touya بيختار منو يا ترا!!!!:أفكر: إنشالله يختار إلي تباه يا ديابلوس و هو رواية ! ^_^

Touya

02-06-2003, 04:09 AM

رووووووووواية It is!:D

mwhahahaha:6

sakura wakky

02-06-2003, 09:09 AM

أوكي الحين دور رواية أعتقد المفروض تبلغونه عن الموضوع علشان نعرف منو اللي راح يقرب من شكله ^^

يالله ننتظر مشاركاتكم ^^

سي يو ;-)

Al AnWaR

04-06-2003, 04:14 PM

انا اعتقد شكله زي الي يرسمه

انا اشوف الاعضاء بنفس الصورة الي يحطوها

يعني الي يحط صورة شيطان بشوفه كذا

Miss_kimino

16-06-2003, 04:07 PM

محد جهز رسمه على رواية؟

.. انا برسمه بعد كم يوم ... و بحطها إنشالله ;)

-][HaNa Sun][-

17-06-2003, 09:43 AM

موضوع رهيب:D تسلمين على هذا الموضوع ميس كيمينو;-)

هههههههههه رانما الضحيه الاولى:6 و تويا رسم أقرب رسمه..شكله الصدجي تعبان من الجامعه واايد ..الله يعينك:( و يعينا..مت على رسمت ديابلوس كيف راسم طوله:p

و الضحيه الثانيه روايه:0) مسكين ضحيه إهنيه وفي موضوع الاسامي:D

ديابلوس

17-06-2003, 11:28 PM

رسمة رواية ياية في الدرب هههههههههههههه ;)

Miss_kimino

20-06-2003, 11:00 PM

ووووووه .. الظاهر محد شارك لين الحين ..

ليش محد رسم كيف يتخيل رواية؟؟؟؟

وين رسمتك يا ديابلوس؟؟؟ انا انتظرها ..

إنشالله رواية ما يزعل بس .. :أفكر: رسمتها اليوم بسرعة:6

و هي مشاركتي .. (( رواية )):D

sakura wakky

21-06-2003, 11:31 AM

و أخيرا في أحد رسم رواية :0)

بس وين رواية علشان يقول رايه بالرسمة ؟؟؟؟

حلوة رسمتج أختي ميس كيمينو :-)

و إن شالله تعجب رواية و ما يزعل منج ;-)

سي يو ;-)

Miss_kimino

06-07-2003, 12:38 PM

يا ناااااااااااااااس

عبروني على الاقل

جاملوا !:"

سوا اي شي ..

ليش محد رد على موضوعي :أفكر:

شكله ما عجب حد:(

ما عليه غياااااااااااااااظ برفعهههههههههه:غضب:

Miss_kimino

30-09-2003, 07:09 PM

حبيت أرفع هالموضوع عشان نشوف مشاركاتكم فيه :D

شوووووووووووو رايكم نخلي الدور هالمرة على حد ثاني ؟؟؟

همممممممممممممممممم :33:

أنا أقول لو اتكون بنت هالمرة؟؟ :أفكر:

ولا شو رايكم ؟؟ ما ادري .. انتوا اختاروا

لوجــــــين

30-09-2003, 09:19 PM

السلام عليكم ^^

موضوع حلو Miss_kimino

و خاطري أشارك فيه .. بس يصير الرسم يكون على طريقه الأنيم لأني أممممممممممم ما أعرف ارسم كاريكاتوري .. و يالله اختارو منو عليه الدور لأن أحس نفسي مفتوحه على الرسم ^^

تيرا رسمتج روعه .. رسمتيه بالشخصيه الحقيقيه و الخياليه على شخصيه رانما ساتومي ^^

شكله حلو طالع

luna from moon
رسمتج حلوه رسمتيه بالملامح الطبيعيه و صاير شكله نايس ^^

ديابلوس رسمتك عجيبه حق شخصيه رانما .. ناقصه بس سياره فيراري على شان يطلع طبق الأصل ^^

هههههههههههههههه

تويااااااااااااااااا

رسمتك حلوه .. صبر خل أشوف رانما اشلون صاير @_______@ كشخه ( شكلي بخطفه لو بشوفه بالشارع .. بهمس ) هههههههههههههههههه محد يقرى بين الأقوااااااااس

حلوه رسمتك تويا ^^

Miss_kimino
رسمتج روعاااااااااااااااااه حق شخصيه روايه ^^ حلوه عليه النظاره شكله كوووووول حده

Miss_kimino

30-09-2003, 09:37 PM

هلاااااااا لوجين .. و سعيدة إنه الموضوعجبج ..

أكيد ترسمينه على طريقة الأنيمي لو اتحبين :D

بس بصراحة عن إلي عليه الدور .. أنا شخصيا ما راح أختار .. أبي أحد غيري يختار :reporter: