المساعد الشخصي الرقمي

مشاهدة النسخة كاملة : الرجاء من الجميع الدخول ( أريد أن آخذ برأيكم ) + بيان لمن يهمه الأمر !


Final Fantasy 7
26-05-2003, 03:09 PM
أهلين و سهلين بأعضاء منتدى فاينل فانتسي الطيبين :D








كيف حالكم ؟ والله وحشتموني موووووت :": !






بالبداية أحب أن أعتذر لكم لأني مقصر مع المنتدى بشكل كبير فما تشوفون مني مواضيع و لا مشاركات .. و لكن شنو أسوي .. هالأيام الاختبارات النهائية و لازم أدرس و أحضر لها و الأهل قاموا و قطعوا الاشتراك الشهري للانترنت و الحين قاعد أدخل بالتهريب ببطاقة انترنت أبو ساعات محدوده :6






و أنا كتبت هالموضوع لشيئين .. :






أولا / ( بيان لمن يهمه الأمر ) :
كتبت هالموضوع علشان أودعكم مؤقتا .. لأن دخولي للانترنت راح يكون شبه مقطوع اعتبارا من تاريخ 1/6/2003 ( ماراح أقدر أدخل حتى ببطاقة انترنت أبو ساعات محدوده ) ..
يعني ماراح تشوفون ويهي مرة ثانية عدل الا تاريخ 18/6/2003 .. يوم الاختبار الأخير
====> التاريخ بعيد جدا :"

و لكن عندما أعود اليكم مرة أخرى أوعدكم أني سأعود بكل همة و نشاط مع مواضيع جديدة و شخصية جديدة ( يعني توقيع جديد و صورة شخصية جديدة ) و كل شي جديد لأني راح أكون معاكم 24 على 24 ساعه مع اشتراك DsL ":"

لذلك وداعا مؤقتا يا أصدقائي ^^








ثانيا / ( أريد أن آخذ بآرائكم ) :
يوم الأربعاء راح أنزل للسوق ( مجمع الرحاب ) علشان أشتري كم لعبة آر بي جي يديدة
====> مين قده :cool:
و أبي آخذ بآرائكم .. شنو ألعاب الآر بي جي يالي تنصحوني آخذها على جهاز الـ ps2 :أفكر: !
و علشان ما تتلخبطون و تنصحوني بألعاب أنا أمتلكها بالأصل .. فراح أقول لكم ألعاب الآر بي جي يالي عندي حاليا على جهاز البلاي ستيشن 2 :

1- FF10
2- FF10-2
3- كيندوم هارتس
4- وايلد أرمز 3
5- سايكودين 3
6- دارك كلاود 2




هذه الألعاب يالي أمتلكها حاليا على البلاي ستيشن 2 ..

و أفكر آخذ يوم الأربعاء :

1- ليجايا 2
2- جرانديا 2 ====> الناس اشتروا اللعبة و خلصوها و أنا توني :6



و بخاطري آخذ زينوساجا .. بس النسخ المتوفرة بالرحاب هي دي في دي كوبي عادي محذوف منه بعض مقاطع اللعبة .. و أنا ما أحب أشتري لعبة يطوفني فيها شي
===> أحب كل شي يكون بيرفكت و كامل :#


فشنو ألعاب آر بي جي ثانية نازلة على البلاي ستيشن 2 تنصحوني أشتريها .. و شنو رايكم باللعبتين يالي راح أشتريهم يوم الأربعة ؟


و هل تنصحوني أشتري زينوساجا بنسختها المقطعه .. و لا أظل على حالي و ما أشتريها لأجل غير مسمى !



الرجاء تجابوني :)






أوكي .. هذا كل شي لحتى الآن .. أنتظر ردودكم .. و أنا مشتاق لكم من الحين :-)



أشوفكم على خير :0)




مع السلامة ;)






و لكم خالص تحياتي -_^





صديقكم فاينل ^^
NsaN
26-05-2003, 05:59 PM
الله يعينك اخوي في امتحاناتك و عساك تتوفق ان شاء الله :)

راح توحشنا والله :":

بالنسبة للالعاب... انصحك ما تفوت لعبة Grandia 2 فعلاً من اروع ما لعبت والله :)

و بالتوفيق :)
Mesharey
26-05-2003, 06:04 PM
فاينل انا اقول شرايك لو تخفف من ضغطك لزر الانتر Enter..تعبت وانا انزل الصحفة :": !

بالأول بالتوفيق لك وللجميع :) ..


أما بالنسبة لسؤالك..
تصدق كنت راح اكتب نفس الشي :6
عندك ليجايا وجرانديا 2 واكستريم :D !
تبي الصراحة..انا افكر اشتري :o ..




ستار اوشن 3 اليابانية ":" !!!!!!!!
بالمناسبة على كلامك هذا ^^

( يعني توقيع جديد و صورة شخصية جديدة ) و
تبي اصمم لك توقيع :D ؟!
عطني صور بملف مرفق وبس ^^
تحسن مستواي شوف آخر الإبداعات :6
هذا توقيعي الجديد :D ..

وبالتوفيق لك مرة ثانية :) ...
عاشق فيديو جيمز
26-05-2003, 06:08 PM
السلام عليكم :)


عندك اللعبه ستار أوكن

Star Ocean: Till the End of Time


ترى نسبتها في أحد المواقع 96 % :واو:




والله يوفقك في الأختبارات .......:)
عاشق فيديو جيمز
26-05-2003, 06:13 PM
الرسالة الأصلية كتبت بواسطة Mesharey
فاينل انا اقول شرايك لو تخفف من ضغطك لزر الانتر Enter..تعبت وانا انزل الصحفة :": !

بالأول بالتوفيق لك وللجميع :) ..


أما بالنسبة لسؤالك..
تصدق كنت راح اكتب نفس الشي :6
عندك ليجايا وجرانديا 2 واكستريم :D !
تبي الصراحة..انا افكر اشتري :o ..




ستار اوشن 3 اليابانية ":" !!!!!!!!
بالمناسبة على كلامك هذا ^^

تبي اصمم لك توقيع :D ؟!
عطني صور بملف مرفق وبس ^^
تحسن مستواي شوف آخر الإبداعات :6
هذا توقيعي الجديد :D ..

وبالتوفيق لك مرة ثانية :) ...


اهلين مشاري :D


تبي اصمم لك توقيع :D ؟!

ياليت تصمم لي :D لأنك ماشاء لله مبدع ^^


تحسن مستواي شوف آخر الإبداعات :6

هذه هي حالة الأنسان :6
أبومروان
26-05-2003, 06:40 PM
هلا فانيال....

ننتظر عودتك بفارغ الصبر ...

و بالنسبة للنصائح ...

لا تشتري زينوساجا إطلاقا ، هي مو بس مقطعة و الصوت ما منضبط ، لكن بعد تافهة بمعنى الكلمة...





























و أشوفك على خير بعد الامتحانات....:cool:
QaHir
26-05-2003, 10:02 PM
ياهلا بفاينل .. ننتظر عودتك بفارق الصبر ^^

اما الالعاب :

1- ستار اوشن 3 ..
2- انلمنيتد ساجا ..
3- زينوساجا ..
4- ليجيا 2 ..
5- هاك ..

ويالله الله يوفقك انشاء الله بالامتحانات ^^
master seymour
27-05-2003, 02:03 AM
هلا فاينل :D
انصحك قبل اي لعبة ثانية انك لازم تشتري زينوساجا والله انها خطييييرة و رهييييبة حرام تفوتها عليك !!!!!!!!!!!!!
وجرانديا 2 اروع لعبة لعبتها بعد فف10 بعد زينوساجا بعد فف8 بعد جرانديا 1 بعد زينوجيرز:p

بالتوفيق في امتحاناتك ..... تراها الدراسة اهم من النت:أفكر:
النسر الأسود
27-05-2003, 02:57 AM
هلا :0)
موفق بالاختبارات والله يعينك ويعيني :" ويعين الجميع .
بالنسبة للألعاب فأنا مالي لاعب غير زينوساجا من الألعاب الحديثة وأنا أنصحك ما تفوتها أبدا لعبة رائعة بكل معنى الكلمة .
وأنا حسب ما أسمع فكل شيء اسمه جرانديا جميل يعني خذ ( جرانديا 2 + جرانديا اكستريم )
أما عن ستار أوشن فإنت لو تقدر تتأقلم مع الياباني فخذها مباشرة ( أعتقد ما تفرق معك لأنك لاعب ffx2 ياباني )
وبالتوفيق ;-)
Mesharey
27-05-2003, 09:35 AM
عاشق فيديو جيمز..
اضغط هنـا واختار التوقيع.. (http://www.montada.com/showthread.php?threadid=209533&pagenumber=2)
اي تعديل قول لي عليه :) ..

Hope you like it..:)
Neo Cid
27-05-2003, 01:25 PM
من ناحية زينوساجا .. ذاكرلك قبل أن اللعبة مو مقطع منها شي أصلا ..

لأنها ما فيها لقطات اباحية أو شي .. لا تستانس وايد .. كلها لقطة وحدة اللي

شالوها من النسخة الامريكية .. ولو تبي تلعب اليابانية علشان اللقطة هذا

شي ثاني .. بس النسخة الموجودة بالسوق كاملة .. و أسأل النسر الأسود

لأنه شراها تقليد و خلصها ..

و انصحك بستار اوشين 3 .. مع انه ياباني لكنها لعبة ضخمة .. وبس حتى الآن ..

و بالتوفيج بالدراسة .. مو تنسى تدعي لنا ..

;)
Final Fantasy 7
27-05-2003, 04:53 PM
Magenta
أهلا أخوي ماجينتا الصراحه كنت متوقع ردك ^^
و انشاءالله جرانديا 2 راح تكون على رأس قائمة المشتريات عندي :D




Mesharey
مرحبا مشاري :D
أولا آسف على الازعاج يالي سببته لك بالمسافات بين جملي .. و لكن هذه عادة صارت عندي :6
ثانيا ما أنصحك تشتري أي لعبة آر بي جي يابانية .. فف10-2 كان لها سالفة ثانية .. و لا أنصحك تشتري ستارأوكن 3 .. انتظر الأمريكية أبرك ^^
ثالثا و هو الأهم .. أنا راح أوكل لك مهمة تصميم صورتي الشخصية و توقيعي الجديدين .. بس بعد ما تخلص الامتحانات راح أرسل لك الصور و أنت بشطارتك تصمم .. لأني مليت من تغيير التوقيع و الصورة الشخصية المستمر .. ابي أثبت على شي واحد :":





عاشق فيديو جيمز
بس النسخه المتوفرة من ستارأوكن 3 يابانية فقط .. و أنا وعدت نفسي أني ما أشتري لعبة يابانية باستثناء أحد أجزاء سلسلة فاينل فانتسي ;)





أبومروان
هلا و غلى بأبومروان .. وحشتنا والله ":"
بس كلامك عن زينوساجا طلع عن تجربة .. و لا استماع لآراء أخرين .. لأني سمعت عن اللعبة غير كلامك ?:





قاهر كل الألعاب
أهلين ^^
أقول محمد وينك عن الماسنجر .. ترى من زمان أحاول أكلمك و لا أحصلك .. فرجاءا حدد الوقت و اليوم و موعد علشان أقدر أشوفك بالماسنجر و أكلمك .. و شكرا على قائمة الألعاب يالي نصحتني فيهم ;)




master seymour
وينك يا سيمور من زمان ما نشوفك بالمنتدى .. ترى مكانك مبين .. انشاءالله يكون خير سبب المقاطعه الطويلة لنا .. و لنا ملتقى بعد أسابيع قليلة .. و طانكس على النصيحه .. و راح أحاول أشتري زينوساجا حتى لو بعض مقاطع اللعبة محذوفه :D





النسر الأسود
أهلين مؤيد .. انشاءالله راح آخذ زينوساجا .. بالنسبة لستار أوشن 3 .. فما أظن أني أقدر أتأقلم معاها .. لأن مثل ما قلت FFx-2 كانت نسبيا سهلة و التوصيل فيها يعتمد على حل المهمات و تنفيذها يعني ماراح تضيع بين مراحلها .. عكس ستار أوشن 3 يالي ما أعرف كيف راح تكون النمط يالي تمشي عليه و المحتمل أني ماراح أتأقلم معاه لأنه راح يكون جديد كليا علي :)
Final Fantasy 7
27-05-2003, 05:00 PM
الرسالة الأصلية كتبت بواسطة Neo Cid
من ناحية زينوساجا .. ذاكرلك قبل أن اللعبة مو مقطع منها شي أصلا ..

لأنها ما فيها لقطات اباحية أو شي .. لا تستانس وايد .. كلها لقطة وحدة اللي

شالوها من النسخة الامريكية .. ولو تبي تلعب اليابانية علشان اللقطة هذا

شي ثاني ..



نعم .. !



عفوا .. بس شنو تقصد بكلامك هذا ؟



يعني تقصد أني أدور على اللقطات الاباحية في الألعاب ؟؟؟؟؟


اذا كان هذا قصدك و هذا يالي واضح وضوح الشمس من كلامك .. فأنصحك أن تسحب كلامك و تذكر ربك .. عيب هالكلام و التفكير عن الناس :o
Ibrahim
27-05-2003, 05:05 PM
بالتوفيق في إختباراتك

أنا كنت بأرد أمس لكن كنت مشغول شوي صراحة


المهم بتركب DSL مبروووووووووك صبرت ونلت

عقبال فاينل فانتسي11 ما يصير في مخباتك


هممممممممممم
حالياً أنصحك بBreath of fire 5

شريتها شكلها خطيرة بس ما لعبتها


بالتوفيق بالختباراتك:)
Final Fantasy 7
27-05-2003, 05:16 PM
الرسالة الأصلية كتبت بواسطة DOOM LORD999
بالتوفيق في إختباراتك

أنا كنت بأرد أمس لكن كنت مشغول شوي صراحة


المهم بتركب DSL مبروووووووووك صبرت ونلت

عقبال فاينل فانتسي11 ما يصير في مخباتك


هممممممممممم
حالياً أنصحك بBreath of fire 4

شريتها شكلها خطيرة بس ما لعبتها


بالتوفيق بالختباراتك:)

أهليييييييين دووووووم :D



ايه صحيح ذكرتني بـ بريث أوف فاير 4 .. محد قال لي اذا كانت حلوه و لا لأ ?:



أنتظر الآراء و سمع الكلام عن هاللعبة :) !




سلاااااااااام ^^
Ibrahim
27-05-2003, 05:23 PM
أقصد بريث أوف فاير 5 دراجون كوارتر :D

مدري أي شيء عن قصة اللعبة لأني ما لعبتها زي الناس

لكن القتال شكله ممتاز

المهم تقييم اللعبة 82 علي IGN شوف بنفسك

إدعس هنا (http://ps2.ign.com/articles/386/386227p1.html)


و تقييمها 80 علي جيم سبوت

CLick (http://www.gamespot.com/ps2/rpg/breathoffiredragonquarter/index.html)

http://ps2media.ign.com/ps2/image/bofdq_021403_160.jpg
Final Fantasy 7
27-05-2003, 05:28 PM
الرسالة الأصلية كتبت بواسطة DOOM LORD999
أقصد بريث أوف فاير 5 دراجون كوارتر :D

مدري أي شيء عن قصة اللعبة لأني ما لعبتها زي الناس

لكن القتال شكله ممتاز

المهم تقييم اللعبة 82 علي IGN شوف بنفسك

إدعس هنا (http://ps2.ign.com/articles/386/386227p1.html)


و تقييمها 80 علي جيم سبوت

CLick (http://www.gamespot.com/ps2/rpg/breathoffiredragonquarter/index.html)

http://ps2media.ign.com/ps2/image/bofdq_021403_160.jpg

طانكس حبيبي دووم .. راح تفيدني هالوصلتين وايد :)
Neo Cid
27-05-2003, 05:58 PM
الرسالة الأصلية كتبت بواسطة Final Fantasy 7




نعم .. !



عفوا .. بس شنو تقصد بكلامك هذا ؟



يعني تقصد أني أدور على اللقطات الاباحية في الألعاب ؟؟؟؟؟


اذا كان هذا قصدك و هذا يالي واضح وضوح الشمس من كلامك .. فأنصحك أن تسحب كلامك و تذكر ربك .. عيب هالكلام و التفكير عن الناس :o

أعصابك أعصابك .. ما قلت شي ..

اللي قلته أن اللعبة كاملة .. و اللقطات المحذوفة اللي تتكلم عنها انحذفت

من النسخة الامريكية كانت لقطات اباحية .. بس

يعني .. النسخة الموجودة بالسوق كاملة .. :o
نيو ايرفين
27-05-2003, 06:31 PM
نصيحة خذ ستار اوشن ولو كانت ياباني

ورجع ffx-2":" الغبية
Final Fantasy 7
27-05-2003, 09:20 PM
الرسالة الأصلية كتبت بواسطة Neo Cid


أعصابك أعصابك .. ما قلت شي ..

اللي قلته أن اللعبة كاملة .. و اللقطات المحذوفة اللي تتكلم عنها انحذفت

من النسخة الامريكية كانت لقطات اباحية .. بس

يعني .. النسخة الموجودة بالسوق كاملة .. :o


شنو شايفني .. ياهل بكلمة توديني و كلمة تييبني !



كلامك و قصدك كان واضح وضوح الشمس في ردك :



لأنها ما فيها لقطات اباحية أو شي .. لا تستانس وايد ..
شنو تقصد لما قلت (( لا تسنانس وايد )) .. لا تحاول تلف و تدور .. اتهامك لي كان واضح وضوح الشمس في النهار :o !



المهم .. ما أبي نكمل السالفة بالمنتدى جدام خلق الله .. اذا عندك مبرر لردك الأولي فالله يخلي الرسائل الخاصة , هناك تكلم اذا كان عندك شي تقوله .. بهالموضوع اذا حاولت ترد و تخربه زيادة راح أطلب من قاهر أو جيلتي يحذفه .


بالنسبة لكلامك أن النسخه المتوفرة بالسوق كاملة .. فهذا خبرك قديم .. لأن من أسبوعين رحت الرحاب محل جيم سنتر و كنت أبي أشتري اللعبة فقال لي شعبان أن النسخه المتوفرة هي دي في دي كوبي عادي و لما قلت له أن اللعبة الأصلية متوفرة على اسطوانة دي في دي طبقتين مضغوط قال لي أن الكوبي من هالنوعية كان فيه مشاكل و لا يركب الا على 10% من الأجهزة لذلك نسخوا اللعبة على دسك دي في دي كوبي عادي و علشان يستوعب الدي في دي العادي اللعبة قاموا و حذفوا بعض المشاهد الحوارية لأن مثل ما قال شعبان اللعبة تحتوي على العديد من الحوارات .. فهمت الحين يالي كنت أقوله :أفكر: !
Final Fantasy 7
27-05-2003, 09:24 PM
الرسالة الأصلية كتبت بواسطة نيو ايرفين
نصيحة خذ ستار اوشن ولو كانت ياباني

ورجع ffx-2":" الغبية

كيف أرجع اللعبة و أنا خلصتها ثلاث مرات :p !
عاشق فيديو جيمز
28-05-2003, 02:49 PM
الرسالة الأصلية كتبت بواسطة Mesharey
عاشق فيديو جيمز..
اضغط هنـا واختار التوقيع.. (http://www.montada.com/showthread.php?threadid=209533&pagenumber=2)
اي تعديل قول لي عليه :) ..

Hope you like it..:)


الصراحه الوصله ماتشتغل مره مشاري :)
A.k.A Dragon
30-05-2003, 01:25 PM
يا فاينل وشفيك على نيوسد ...... هدي اعصابك واذكر ربك ....

بالنسبة لي فأنا انصحك بـ :
Xeno Saga
Breath of fire ( مع اني ما لعبتها لكن شكلها حلوة )
Zone of the Enders 2 تراها من جد حلوة ( مع انها مو آربيجي )


اتمنى اكون افدتك :)
Golden_Sun
30-05-2003, 01:45 PM
نشوفك على خير انشاالله
وانت تخلص معاي .. 18/6 :D

وعن الألعاب .. انصحك بجرادنيا 2 :)
NsaN
30-05-2003, 07:07 PM
اقول فاينل ادخل هالموضوع يمكن تحصل شي يفيدك عن Breath Of Fire:

اراء شخصية و وجهات نظر للاخت RPG Girl (http://www.montada.com/games4arab/showthread.php?s=&threadid=176993&perpage=20&pagenumber=5)
Final Fantasy 7
30-05-2003, 08:16 PM
و أخيرا حصلت فرصة أدخل :D !




المهم .. أنا رحت الرحاب و خذيت معاي جهازي البلاي ستيشن 2 .. و جربت عليه نسخ كثيرة من لعبة جرانديا 2 و لكن ولا وحده منها اشتغلت على جهازي .. الظاهر أن مالي حط بهاللعبة :"



و اشتريت لعبة آر بي جي وحده .. و هي ليجايا 2 .. و الصراحه اللعبة أروع بكثير مما توقعت ":"


و فكرت أشتري ستار أوشن 3 .. و لكني متردد لأني أخاف اشتريها و أتوهق معاها :أفكر:


بالنسبة لزينوساجا .. فالنسخه يالي تشتغل على جهازي هي دي في دي كوبي عادي محذوف منه بعض مقاطع اللعبة الحوارية .. علشان جذي ماراح أشتري اللعبة لأني ما أحب ألعب لعبة يطوفني شي فيها :)


فشكر خاص لجميع الأعضاء يالي ردوا علي بهالموضوع .. و ياريت يالي عنده ألعاب ثانية ينصحني فيها فخل يقول لي بسرعه لأني باجر الصبح الساعه 10 راح أروح الرحاب مرة ثانية و هي آخر فرصة لي أروح فيها الرحاب قبل الامتحانات :":


و ياريت واحد لاعب بريث أوف فاير يعطيني فكرة عنها -_^



بالنهاية يعطيكم العافية أعزائي على الردود ^^



& صديقكم فاينل &
Mesharey
30-05-2003, 08:19 PM
الرسالة الأصلية كتبت بواسطة Final Fantasy 7
.. و ياريت يالي عنده ألعاب ثانية ينصحني فيها فخل يقول لي بسرعه لأني باجر الصبح الساعه 10
ستار اوشن :6 ..

امممم لتس سي..
زينو ساجا..
Final Fantasy 7
30-05-2003, 08:22 PM
الرسالة الأصلية كتبت بواسطة Mesharey

ستار اوشن :6 ..

امممم لتس سي..
زينو ساجا..





بالنسبة لزينوساجا .. فالنسخه يالي تشتغل على جهازي هي دي في دي كوبي عادي محذوف منه بعض مقاطع اللعبة الحوارية .. علشان جذي ماراح أشتري اللعبة لأني ما أحب ألعب لعبة يطوفني شي فيها

:D





و فكرت أشتري ستار أوشن 3 .. و لكني متردد لأني أخاف اشتريها و أتوهق معاها
بالاضافة أني ما أحب أشتري ألعاب يابانية ( فاينل فانتسي لها استثناء خاص ) ^^



و مشكور عزيزي مشاري على الرد السريع ;)
Mesharey
30-05-2003, 08:26 PM
تبي الصراحة..ما انصحك تشتري اي لعبة ..
إلا بعد ماتنتهي من اللي عندك.."ليجايا 2"
NsaN
31-05-2003, 12:44 AM
الرسالة الأصلية كتبت بواسطة Final Fantasy 7

و ياريت واحد لاعب بريث أوف فاير يعطيني فكرة عنها -_^





الرسالة الأصلية كتبت بواسطة Magenta
اقول فاينل ادخل هالموضوع يمكن تحصل شي يفيدك عن Breath Of Fire:

اراء شخصية و وجهات نظر للاخت RPG Girl (http://www.montada.com/games4arab/showthread.php?s=&threadid=176993&perpage=20&pagenumber=5)

:)