وش الحكي هذا ؟ [الأرشيف]

HArb200

02-06-2003, 01:36 PM

السلام عليكم ,,

بصراحة الاحداث الاخيرة بالرياض وماتبعها .. خلاني افكر بشكل غير طبيعي .. لدرجة انه اغمى علي بعض المرات ,, <<للحبكة الروائيه

المهم بخش بصلب الموضوع عشان مانطول كالعادة

كلنا نعرف الدوريات ومصايبها قبل الاحداث الاخيره .. وبشكل عام الامن

تصير مصيبة ولا كارثة .. لازم تصف بالدور .. اقققققل شي .. 7-8 ساعاات .. وطبعا تقل المدة على حسب المكان وخطورة الحادث ,,

المهم .. الحين وبعد الاحداث اللي حصلت .. الواحد قام يقول وش الطفره اللي حصلت باجهزة الامن .. يعني باي شارع وباي مكان لازم تلقى دورية .. (وتفتيش:" ) ولاننسى محبوب الجماهير (الحفريات) .. >>طبعا الواحد يالله يصبر على الحفريات والقلق .. يجي التفتيش فتخيس النفس .. الله يعين!

عموما .. صدق من قال .. رب ضارة نافعه .. ولله دره ودر والدينه واهله ..

ففعلا هاللي حصل مع انه فيه منفعه بحد ذاته .. وضرر ايضا .. الا ان نتائجة على المدى القصير مبشره بألف خير .. من ناحية الامن وخلافه ,,

ونتمنى الاستمرار على هالمنوال .. اصلا الحكمة القائله "كل واحد يصلح سيارته" .. من نتائج تخلف الدوريات الامنية .. وبطئها الشديد في متابعة الحوادث ..
اذكر لادقيت على الدوريات يحولك على المرور .. والمرور يحولك على الدوريات .. والسلسله تطول .. الين .. " كل واحد يصلح سيارته"

نسال الله دوام التقدم والاستمرار لدورياتنا الحبيبه .. وبالاخير .. وش رايكم بالحكي هذا ؟؟!!

وشكرا ,,

MoaeD

02-06-2003, 02:31 PM

تدري انه ايام الحرب كانوا يداومون زي هالدوام ببدلات

والحين يداومون كذا بدون بدلات ويطردون للشوارع

ضباط ورتب كبيره بعد

وبدون بدلات

وهذا على كل الجهات الامنيه بسبب انه صار تفجير بوسط المدينه

وين الامن ووين الجمارك عن المتفجرات اللي دخلت ووين كل الوحدات الأمنيه عنهم

(هذا الكلام كله من وزارة الداخليه والأماره ولا رأي لي فيه .. )

Touya

02-06-2003, 04:21 PM

المشكلة مواقعهم حساسة:6

حاطين تفتيش الساعة 3 الفجر قدام بوابة البترول (القنصلية جنبهم ماينلامون)

وصف,,, عاد المشكلة هالنقطة موجودة 24 ساعة.. والزحمة من قبل الكبري حتى... يعني اذا احد من الطلاب يقول ابطلع اتغدى باقي على محاضرتي ساعة ولا ثنتين....... طققققققققققن يلحق عليها... أعرف واحد من الشباب بغى يروح عليه كويز بسبة هالشي.. المشكلة انها ساعات تعطل مواعيد مهمة لناس تبى تسوي ملايين في ثواني.. وكلنا نعرف الشعب السعودي ودقته في المواعيد.... ولا حب البريطانين للشاهي وبسكوت ابو هلال @@

Moon Boy

02-06-2003, 05:38 PM

هههههههه

ياخي المواطن رجل الأمن الأول مثل ماقال نايف لازم تتعاونون معهم وتتحملون التشديد للمصلحة العامة ولحماية الدولة

بس يعجبونك نفضوهم تنفيض وقتلوا احد ال19:6
وحتى بالفيصلية يوم مريت من الفندق ولا حاسوا السيارة حوس بس اعجبك قلتلهم رجعوا كل شىء مكانة":"

القــعـقـاع

02-06-2003, 05:42 PM

هذا و انتم بعيدين:o حينا بس فيه حوالي 3 نقاط....يعني اول ما تطلع من بيتكم تلقى تفتيش في وجهك:o

مؤيد: هذولي عسكريين يعني المفروض ما يكون فيه لا بدلات و لا overtime و لا خربطيشن:6

hitler is back

02-06-2003, 06:43 PM

دوريات بس :أفكر:

بالجبيل جيوب هامر والجيش موجود....خصوصاً بعد التهديد الي جا لمصانع صدف...الي تحوي آلاف الامريكان...يعني لو فجروها...تعالوا العزى اليوم الي بعده...لانه بيعدم الجبيل كلها :أفكر:

حي امريكان بالجبيل الصناعيه وسط البيوت فجأه....حطوا صبات وسط الحي وقسموا المنطقه الي يسكنون فيها الامريكان عن العالم....وجيوب الهامر موجهه رشاشاتها على المدخل...وفيك خير عد التفتيش...يعني مافي امل

الامن شددوه بس تحس بأطمئنان وقلق بنفس الوقت....الامن ذا يطمئنك من المشاكل...ولكن زيادته يحسسك بالخطر :أفكر:

2TGOOL

02-06-2003, 07:56 PM

والله إنك دقيت على الوتر الحساس..:":

ياخي البلا مو من الجهاز نفسه..(أقصد الدوريات)

البلا من نفس اللي شغالين فيه..
ياخي..عليهم تعامل مثل وجيههم ..وزياده على كذا...
نفسه براس خشمه ..وياليت على شي يسوى..
تلقاه وكيل رقيب ملحط...والا من هذا القبيل..

وشف الفرق بين تعاملهم..وتعامل قوات الصاعقه..مدري وش اسمهم..
اللي طلعوا جدد ذي الأيام..
اذا قابلتهم بالتفتيش..
إبتسامه بوجهك..
..ولو سمحت يالطيب..
تفضل..
الله ييسر لك دربك..

ياخي والله ودك تعطيه الإستماره..والرخصه..
وفوقها بطاقة العائله بعد..

يا رجاااااااااااااااااااااااال
الدنيا مدحرده..

شكراً على كل جهد تبذله في رقي هذا المنتدى..
شكرا لك..:D

عماد 18

02-06-2003, 08:39 PM

يا زين بريدة بس ..
ماشفت الا تفتيشين ..
واحد على طريق الجامعة ..
و الثاني على طريق الدجة :6 ..
اقصد الاستراحات -الراشديات- ..
بس يوم الجمعة و الخميس اللي راحوا حطو اكثر من تفتيش داخل الاسكان ..
حتى و انت رايح للمسجد يسالونك عن هويتك !!
و السبب هو العييري الي قتلوه - الله لا يوفقه لا هو و لا اللي معاه اللي قتلوا و روعوا المسلمين !!- ..
لانهم اشتبهوا بوجوده في احد البيوت في هالمنطقة ..

SNOoOP

02-06-2003, 08:54 PM

تفتيش دوريات

قلنا مايخالف

بعد مده جو ذا القلق الشرطه السريه

يقالها سريه بعد

كنك ماتقدر تعرف لومينا بيضا داخلها شرطي ولابس بدلته:أفكر:

بعد مده جت ذا الجيوب السودا الي من جنب شريط أزرق داخل كل جيب اربعه

قلنا مايخالف

طلعت عاد الشاصات الي مركبين رشاش من فوق:أفكر:

طبعا الرشاش لدواعي الأمن

وجمب كل سكن اجانب تلاقي همر واقف

على العموم كل ذولا مب هاميني بشي اكبر همي الشرطه السريه

الي مسوي كل واحد فيهم ذيب:أفكر:

صدق من قال

بلادنا بلاد أمن وأمان :p

RPG_master

02-06-2003, 09:10 PM

التفتيش..إختصاصي:6

يا كثر ما أطيح فيه..المشكله لا رخصه..والأحوال دايم بالبيت

آخر مره المسكين حق المرور يقول تكفى جب اي شي يثبت ان لك علاقه بالأسم الي بالأستماره:"

قلتله فيه دفتر الجامعهhttp://www.mybiznas.com/up2her/cat.gif

وقالي انقلع طبعا:-)

HArb200

02-06-2003, 09:21 PM

خوباج ,,
جسم .. وعقل مافيه !!

بوي ثينج ,,
يحللونه ماقلنا شي .. بس مهوب فينا ؟؟ .. يعني هم يدورون عن نفرين .. ويمسكون ملايين من الانفار .. قمة الظلم والانحطاط :" الامني ,,

مؤيد ,,
ماأدج من ذا الا ذاك !!

توي ,,
فعلا ياخي انا معك بالشي هذا .. وهذا يدل على عدم منهجية الدوريات والامن بشكل عام .. يعني شف اسرائيل اللي هي من اقوى الدول عسكريا وامنيا .. لاصار عندهم تفجير .. مايبربسون كذا .. لكن البربسه ذي بربسة ربعنا .. اللي خابرينهم .. لو يمسكون الاف بي اي .. الشغل كله .. اصرف ,,

مون بوي ,,
هههههه .. ياشين الواحد لاصار مشكوك فيه .. قمة الاحراج قدام العالم .. وبالاخير يقوللك .. اسفين!! .. سمعتوا بصراف الاسف ؟؟

القعقاع ,,
شر البلية مايفطس من الضحك !!
اشكالهم اصلا غلط .. !!

هتلر ,,
يارجال مسوين شده .. ولا لاصار الموضوع جد .. شف الدجة بام عينيك !!,,

توتي ,,
العفو .. فعلا تعامل سيء .. واشد على ساعديك بالنقطة هذي,,

عماد ,,
ياخي بريدة بحدذاتها شبهه .. مع احترامي .. وايضا الجنوب .. شبهه ..لان المتشددين يطلعون منها ,,

سنوب ,,
الله يعين ياخي .. ومشكور على ردك ,,

وشكرا اخواني الاعزاء <<مسوي اخلاق ,,

HArb200

02-06-2003, 09:28 PM

اربيجي ..

ليتك تطيح بين يدي .. عشان انتفك .. عندي احساس انك ارهابي .. متصبغ بصبغة فكاهية ,,

(على فكره انا متهاوش معك ولا ?: )

عموما الصلح خير http://www.montada.com/montada/images/icons/icon14.gif ,,

RPG_master

02-06-2003, 09:49 PM

خير..متهاوش معيhttp://www.webpost.net/sp/spikeyman/dog.gif؟

الا إن كانك تتهاوش وانت نايم..يمكن:6 ؟

HArb200

03-06-2003, 10:37 AM

":"

DE NILSON

03-06-2003, 11:18 AM

احسن شي تنطق في بيتك

ولاترفع ضغطك بالخروج في الشةارع الممتلئة بالتفتيشات

mom_com3

03-06-2003, 03:56 PM

الرسالة الأصلية كتبت بواسطة MoaeD
وين الامن ووين الجمارك عن المتفجرات اللي دخلت ووين كل الوحدات الأمنيه عنهم

الي اعرفه ان المتفجرات سرقت من مخازن الجيش والمن العام ومدري منهم .. يعني عمليه تسيب وفوضى ..

بس تبي الصراحه صرت ما اطلع من البيت ان طلعت اطلع المغرب ارجع الساعه 12 الليل و 1 تمشي و 5 ساعات واقف عند تفتيش ..

بس الحين وش سنع هالرشاش الي حاطينه ويا الكبس حقه .. بيصيدون ضبان ولا بيعدمون واحد في الشارع ؟؟

Touya

03-06-2003, 04:12 PM

أحم... أنا سمعت أن فيه امر اطلاق نار عند الضرورة القصوى... يعني تخيل يوقفون واحد عند نقطة تفتيش لنه منحاش وانفضح.... ولا يوقف في وسط مجمع اسكاني والفيوز ضارب؟

أمش سيدة تسلم:6

MandN

03-06-2003, 04:15 PM

لا تم التخفيف
:D

Moon Boy

03-06-2003, 04:56 PM

اجسام البغال وأحلام العصافير:6

التنين الاسود 3

03-06-2003, 06:30 PM

بعد التشدد الأمني صار على رجال الأمن نفسهم ....

عندنا في الأحساء ... الحرس الوطني كل واحد له كلمه سريه خاصه ...
اذا شافه عسكري ثاني قبل ما يسلم ولا يسوي اي شي لازم يقزل الكلمه السريه ...

وإذا تردد ولا نساها .... العسكري الثاني من دون تفكير يطلق عليه النار ... بس في مكان غير قاتل ... في رجله مثلا ً ...

http://www.abunawaf.ws/forum/html/emoticons/ohmy.gif http://www.abunawaf.ws/forum/html/emoticons/ohmy.gif

Rewayah

03-06-2003, 07:15 PM

الرسالة الأصلية كتبت بواسطة 2TGOOL
مدحرده..
لحظة بكتبها... http://www.stupid-boy.com/smilies/contrib/owen/ashamed.gif

وين القلم والدفتر... http://smilies.networkessence.net/s/contrib/ruinkai/wcurios.gif

مـد حـرررر د... ة... http://www.stupid-boy.com/smilies/contrib/owen/ashamed.gif

هي كلمة... سعودية.... أأأأ... معناااتها... http://www.gamers-forums.com/smilies/contrib/corky/corkysm12.gif
لحظة محد يقول لي... http://216.40.249.192/s/contrib/ruinkai/icon7xx.gif

هممممم... http://www.stupid-boy.com/smilies/otn/other/oye.gif

ما عرف!! http://www.smilies.okipages.com/s/contrib/corky/corkysm77.gif

الرسالة الأصلية كتبت بواسطة HArb200
سمعتوا بصراف الاسف ؟؟
عجبتني. http://www.handykult.de/plaudersmilies.de/biglaugh.gif

... ,
تعقيبي على اللي قريته! :o <== ضف وجهك, محد يبي رايك. ":"

يعني بعد اللي قاعد يصير من فوضى التفتيشات بسبب اللي صار, هل يود البعض رؤية أحداث مشابة؟ :)
سواء في أمريكان أو غيرهم؟ :)
هاي نتيجة من النتايج...
وبعدين أشوف الأجانب اللي عندكم هاذولي ضيوف. :)
جايين يخدمونكم ويقدمون أشياء في مجالاتهم, لين ما تلقى الدولة بديل وطني.
وبالمرة جايين يترزقون... حالهم حالكم لما تروحون بلدان غربية. :)
وبعضهم زوار أو سياح, تركوا كل بلدان العالم هالفترة وإختاروا بلادك جاءوا لرؤيتها...

هل نستطيع أن ننظر من هذا المنظور للحظة... ؟ :) <== يعني بالعربي شو رايكم؟ :D

وسوري على تحويلي من هدف الموضوع الرئيسي إلى تساؤلات حول القضية. :#

والله يعينكم على هالتفتيشات. :o
وإن شاء الله تخلص بسرعة. :D

Touya

03-06-2003, 07:17 PM

الرسالة الأصلية كتبت بواسطة التنين الاسود 3
بعد التشدد الأمني صار على رجال الأمن نفسهم ....

عندنا في الأحساء ... الحرس الوطني كل واحد له كلمه سريه خاصه ...
اذا شافه عسكري ثاني قبل ما يسلم ولا يسوي اي شي لازم يقزل الكلمه السريه ...

وإذا تردد ولا نساها .... العسكري الثاني من دون تفكير يطلق عليه النار ... بس في مكان غير قاتل ... في رجله مثلا ً ...

http://www.abunawaf.ws/forum/html/emoticons/ohmy.gif http://www.abunawaf.ws/forum/html/emoticons/ohmy.gif

قوية...:0)

ماشفنا هالشي.. ولا وقف انا مو ساكن باسكان الحرس عشان اعرف.. بس لازالت قوية @@

Touya

03-06-2003, 07:31 PM

لحظة لحظة شباب?:

مدحرده؟:!

جديدة ذي...

إلا احب اعقب... خبري يقولون الدنيا مدحدره ?:

وش تعليقكم عالموضوع؟

Rewayah

03-06-2003, 07:34 PM

تويا جد, على بالي كلمة عندكم!! :!

Touya

03-06-2003, 07:38 PM

مدحدرة او مدرمحة... كل وحدة لها معنى @@

مدحدرة يعني نازلة تتدحرج.

ومدرمحة.. يعني كرة...:6

RPG_master

03-06-2003, 08:33 PM

الرسالة الأصلية كتبت بواسطة التنين الاسود 3
بعد التشدد الأمني صار على رجال الأمن نفسهم ....

عندنا في الأحساء ... الحرس الوطني كل واحد له كلمه سريه خاصه ...
اذا شافه عسكري ثاني قبل ما يسلم ولا يسوي اي شي لازم يقزل الكلمه السريه ...

وإذا تردد ولا نساها .... العسكري الثاني من دون تفكير يطلق عليه النار ... بس في مكان غير قاتل ... في رجله مثلا ً ...

http://www.abunawaf.ws/forum/html/emoticons/ohmy.gif http://www.abunawaf.ws/forum/html/emoticons/ohmy.gif

مشكلتك تتفرج على القناه "السعوديه" الثانيه وانت مطفي النور..

HArb200

04-06-2003, 10:03 AM

هههههههههههههه

ضحكتوني .. اضحك الله كرشكم

تدرون ان الاسلحة والخربطه ذي .. مفرغه ؟؟ .. يعني تنفع للضرب بس .. بالعربي مافيه ذخيره

لانه مهما كان يمنع منعا بتاتا اطلاق النار على اي شخص .. بس العصا ذي هي اللي تستخدم .. وبعد بالشين يسمحون باستخدامها ,,

هذي نظرية الدجة .. اللي تطبقها اجهزة الامن ..

بالنسبة لروايه .. ليتك تطيح باحد هالمراكز .. عشان تتوب .. من الدجة وخلافه .. والله ياشيخ ان تطلع ريحتك .. وتكره عمرك .. ويمكن تصاب بجنون العظمة خخخخ

وشكرا للجميع ,,

HArb200

04-06-2003, 10:23 AM

(محد لاحظ)":"

PRG of RPG

04-06-2003, 10:51 AM

السلام عليكم

Harb200 : اخاف اصدقك انهن فاضيات واسوي حركة حلوة وتجيني حركة احلى :أفكر:

وعلى فكرة الصورة الي تحت اسمك عيا الكمبيوتر يطلعها وجلست نص ساعة وانا احاول يوم طلعت "عرفت ليه " وعلى فكرة قال رسول الله صلى الله عليه وسلم "إذا بليتم فاستتروا"

امزح :6 ....

انا ساكن بالروضه (حي اسمه الروضه ) يعني جنب غرناطه (التفجير) ((( كل مشاويري على السيكل )))

S-Python

04-06-2003, 11:28 AM

مشكلتن عوصيتن ..!

شعور الخوف ينتابني في كل مكان ... المشكله اني مطلوب ...

مادري وش الحل ..؟!

اخر مره عكست واحدن من الشوارع لاجل الهروب ... !!

وقبلها حاولت .. بل فعلت ... دخلت الى المسار المعاكس .. :6

يعني لابد من الاحتياط ..

فأقولك .. :

حاول أن لاتبلغ عني ...

أصبر بس الى نهايه الاختبارات ..:o

ومالك الا يرضيك ..

مجـروح الزمن

04-06-2003, 11:38 AM

انا معك يا هارب

بس وش رايك بالتفتيش الي عند بيتكم

وكل ما جيت من عنده طلب الاثبات

ولا جيته مره ثانيه قالك انت مبلغ ان السياره مسروقه:!

اذا قلتله لا ليش ؟؟

قال افتح الشنطه وقام وقلبها فوق تحت

وفتشك تفتيش ذاتي

واذا كانت السياره مثلاً باسم محل ابوك ولا اخوك

قالك باسم من السياره !! ترد تقول انه باسم الوالد

ويسألك اسم ابوك .... يقول اسم المحل

ويطلب منك تفويض وانت يا حليلك ما عندك الا الرخصه

وش تسوي ؟؟؟؟

والتفتيش يقعد كم ساعه وتتأخر عن اشغالك!!

ومعليش على الاطاله!!:6

مجـــــــــــــ الزمن ــــــــــروح

Rewayah

04-06-2003, 12:16 PM

الرسالة الأصلية كتبت بواسطة HArb200
بالنسبة لروايه .. ليتك تطيح باحد هالمراكز .. عشان تتوب .. من الدجة وخلافه .. والله ياشيخ ان تطلع ريحتك .. وتكره عمرك .. ويمكن تصاب بجنون العظمة خخخخ
الله يعينكم. :)

على فكرة, هاي الدجة وايد أسمعها, بس ولا مرة قدرة أفهمها. http://www.smilies.okipages.com/s/contrib/corky/corkysm77.gif

mom_com3

04-06-2003, 12:50 PM

يبي يقول مدحدره بس من العجله .. طلعت غلط ؟؟
وهي كلمه مشتقه من دحديره وهي مكان مائل من الاعلى الى الاسفل = / .. وان كانت الدحديره حاده تسمى جرف :6 ..
..
و معنى الدجه يدجو دجتاً .. " السربته " والدوران في الشوارع والى ماهونالك ..
..
وسلامتكم.. <<< قالب قاموس هاليومين ..:6

SNOoOP

04-06-2003, 02:30 PM

الرسالة الأصلية كتبت بواسطة mom_com3

بس الحين وش سنع هالرشاش الي حاطينه ويا الكبس حقه .. بيصيدون ضبان ولا بيعدمون واحد في الشارع ؟؟

هذي طال عمرك اذا شافوا واحد مكتم سيارته يستخدمون الرشاش علشان يكسرون الشبابيك

بعد ماعرفوا ان تقشيع التظليل يستغرق مده طويله :p

خل عنك يسوونها مافي أكثر عجز من ربيعنا :p

أقول سمعت أن الامير نايف منع التظليل الي من ورا :أفكر:

صدق ولا اشاعه!!!

مجـروح الزمن

04-06-2003, 02:50 PM

الرسالة الأصلية كتبت بواسطة SNOoOP

هذي طال عمرك اذا شافوا واحد مكتم سيارته يستخدمون الرشاش علشان يكسرون الشبابيك

بعد ماعرفوا ان تقشيع التظليل يستغرق مده طويله :p

خل عنك يسوونها مافي أكثر عجز من ربيعنا :p

أقول سمعت أن الامير نايف منع التظليل الي من ورا :أفكر:

صدق ولا اشاعه!!!

لا والاخس انه يقولك شل التظليله انت واذا ما شلتها صكك بمخالفه

اما بمنع التظليل لا اشاعه انا كلمته شخصياً واكد لي انها اشاعه :6

واحد مصدق عمره

لا تراها اشاعه

مجــــــــــ الزمن ــــــــــروح

MetalGear

04-06-2003, 04:50 PM

بس عليهم تفتيشات :6 ..

يطالعون بالواحد .. عجبه قاله امشي ..:6

ولا الحين كثير صرت اشوف دوريات الحالات الخاصة وكافحة الشغب :!

والله عليهم سيارات :o

مو مدرعة

مدررررررررررررررررررررررررررررررررررررررررررررعة :6

SNOoOP

04-06-2003, 05:28 PM

الرسالة الأصلية كتبت بواسطة MetalGear
بس عليهم تفتيشات :6 ..

يطالعون بالواحد .. عجبه قاله امشي ..:6

ولا الحين كثير صرت اشوف دوريات الحالات الخاصة وكافحة الشغب :!

والله عليهم سيارات :o

مو مدرعة

مدررررررررررررررررررررررررررررررررررررررررررررعة :6

قصدك لين حط سكسوكه ولا خط بلده <<<قصدي حاط خط بس الروايه الاولى لوكيلنا:6

ولا شايلها كلها:6 يعرفون انه انسان عصري ويتركونه لانها يواكب التطور:6

اما لين شافوا الدقن واللحيه مايتركون شعره من لحيته الا يقصونها:6 <<< وش يبي

طبعا لان اللحيه تدل على الارهاب..

HArb200

05-06-2003, 02:27 PM

اربيجي اربيجي ,,

الدنيا فانيه .. عاد انت اكيد حلو .. شد الهمه نبي نشوف صورتك ياحلو ":"

مجروح ,,
فعلا ياخي .. قلق ثم قلق ..

سنوب ..
لاتدل على الارهاب .. بالعكس تدل على الدين .. وللاسف الحين اللي مرخي اللحية .. هو الشبهه .. اما اللي حالقها وحالق ابوها .. هذا المنتاز ..

للاسف .. الله لايبلانا بما فعله السفهاء منا ,,

ومشكورين .. على حسن اصغائكم <<متعوب عليها

التنين الاسود 3

06-06-2003, 02:50 AM

الرسالة الأصلية كتبت بواسطة Touya

قوية...:0)

ماشفنا هالشي.. ولا وقف انا مو ساكن باسكان الحرس عشان اعرف.. بس لازالت قوية @@

هذا الي انا سمعتهhttp://www.abunawaf.ws/forum/html/emoticons/huh.gif

SNOoOP

06-06-2003, 08:46 PM

الرسالة الأصلية كتبت بواسطة HArb200

سنوب ..
لاتدل على الارهاب .. بالعكس تدل على الدين .. وللاسف الحين اللي مرخي اللحية .. هو الشبهه .. اما اللي حالقها وحالق ابوها .. هذا المنتاز ..

لا ياشيخ قل قسم :6

وانا عارف ان الي يرخي لحيته منتاز:6

وللارهاب جت من وجهة نظر امننا وشرطتنا