المساعد الشخصي الرقمي

مشاهدة النسخة كاملة : مشاكل الخادمات .. أمام مرأى عيني


QaHir
06-06-2003, 10:35 PM
بسم الله الرحمن الرحيم ..

كيف حالكم :) أنشاء الله تمام ..

الموهم .. نبدي الحين الموضوع وهو عبارة عن

- Cut ..

:": أوهو شنهو الي جابك الحين .. :":

- شوف عاد ياما تقدم البرنامج عدل ياما تنفصل من القناة ..

:": اوكيه اوكيه ..

- فاصل اعلاني ونعود للموضوع ..

======================

- اخر امتحان نقدمه باجر ":" .. مو مثل بعض الناس 10 ايام http://www.webpost.net/me/memy/13.GIF

- اليوم ثاني يوم على التوالي اشتري من بيتزا دومينوز .. ما ادري يمكن حاطين فيها سحر ولا شي :p ..

======================

عودة لموضعنا ..

رايح ابدأ باحدث القصص التي حدثت معنا .. قبل يومين يوم الاربعاء بالتحديد .. بعد ان عدت من المجلس الخاص فينا انا وربعي .. الشلة .. دخلت كالعادة بالنت يمكن في حدود 1 بالليل .. قعدت شوية .. وبعدها قلت خل اروح انام .. صارت الساعة 3 بالليل والا صديقي متصل فيني .. السلام عليكم .. وعليكم السلااااام وانا نايم .. قوم يالله تعال عندنا سالفة خطرة وبغينة مساعدتك ؟؟ قلت خير شنهو صاير !! ورحت وشغلت السيارة وبسرعة الى الربع عاد انا توني ماعطيني مخالفة على الرايبون .. وماشلته .. وبعد شافني نفس المرور ووقفني .. وقال لي ليش ماشلته !! ( حاجب الشمس ) قلت له بالله عليك احد يشيله بالليل وقلت له يالله خلصني وراي شغل .. وقال لي شغل بالساعة 3 بالفجر وين رايح .. قلت له انت محقق ولا شنهو !! والاخ قام وعطاني مخالفة سوء سلوك مع المرور قلنا معليش خيرها بغيرها وانت ندمان .. وقال لي بعد وقبل لايحرر مخالفة قمت وفحصت جدامه من القهر ان دي هههه .. ماعلي منه قهرني ^^ .. الموهم لما رحت للشباب كانوا متجمعين بالمجلس قلت لهم شنهو السالفة !!

وهذه القصة الي صارت لاحد أعز اصدقائي قبل يومين :

ذهب صديقي للمنزل للنوم وعندما نام على الفراش فوجئ بشئ غريب بالفراش !! قال شنهو هذا .. وقام وخذه .. تتوقعون شنهو !! جلد حيوان غريب مكتوب عليه كتابة غريبة !! ولما اخذها جابها لأصدقائي واتصلوا فيني على طول .. الموهم .. انا قلت لهم لازم نوديها لمكان علشان نعرف شنهو محتوياتها !! ووديناها الى احدى الخادمات وقالت لنا التالي !!

انها احدى الشعوذات والطبوب !! وهذا رئيس المشعوذين الي مذكور بالجلد .. وكملت القرائة ولقت التالي .. ( عدنان ( اسم صديقي ) لازم يتزوجني اذا ماتزوجني باقتله بالسكين ) وبالنهاية بقعة دماء !! ماهذا .. تخيلوا بس تخيلوا ان هذه الخادمة مسلمة وتصلي الفروض الخمس كلها بوقتها تخيلوا انه بدر منها هذا الشي المريع .. نعم نحن لم ننم حتى الساعة السابعة صباحا كنا بالمجلس نتناقش حول هذه القضية .. هي من اصل اندونيسي .. قبل كم يوم فط صديقي كان يدافع عنها ويقول لا هي لاتتكلم وطيبه .. وبالامس اصبح مجنون لايريد ان يراها .. حتى اخبر والده يا اهو بالمنزل يا هي الخادمة .. وقعدنا مع صديقي خشية بان يحصل له شي .. الا ان سفروا الخادمة الى وطنها .. طبعا لما سالوا الخدامة قالت أنا لم ارتكب ذنبا هذا الامر حلال عند الله وانتوا عقابكم عند الله كبير !! وين يبا هذا اي اسلام تتكلمين عنه !! شفتوا درجة الوقاحة وين وصلت لأن يمسوا بالاسلام لكن الحمد لله انها عدت على خير وماصار شي بصديقي .. ذاك اليوم بقيت 24 ساعة صاحي :( بعد مارجعت من المجلس كانت السابعة والنصف دخلت الانترنت شوية وكتبت كم موضوع .. وبعدها قام الوالد صباح الخير .. قلت له صباح النور .. انا رايح انام .. قال لي اقعد :غضب: ادرس جدامي .. حاولت اقول له القصة يقول لي خرفت انت :( لين مااتصل صديقي وعلى طول وصلت الهاتف لابوي علشان يقتنع وفي العصر قال لي روح نام .. ما مداني باحط راسي وانام الا اذان المغرب :": .. قلت خل اروح اصلي وأرجع انام بدلت ثيابي ورحت المسجد وانا متعب حيل .. وبعد الصلاة طلعت ابي ارجع البيت وجدته مقفول .. يااااه .. روح اقرب نت كافيه واقعد بس .. :p

======================

وبذلك ننتهي من الجزء الاول من موضوعنا قصص من الواقع واحداث حقيقية امام مرأى عيني .. :) ويالله اشوفكم على خير ..
Dark_Matter
06-06-2003, 11:52 PM
لا حول ولا قوة إلا بالله :(

مشكور اخوي على الموضوع



من جد شكلك تعذبت ذاك اليوم :6
RPG_master
07-06-2003, 01:28 AM
اجل الله يعين خوباج من مريم:6
DE NILSON
07-06-2003, 03:18 AM
وي وي يالطيف




مشكور اخوي على القصة:"
MoaeD
07-06-2003, 04:02 AM
المشكله انكم بالبحرين !!


الحلول عندنا بالسعوديه انك توديها لأقرب مكتب حق توعية الجاليات



ياما فيه شغالات وسواقين عرفوا الأسلام الحق وودوه هناك لبلدهم :)


من جد هالشي البسيط يمكن تعتق فيه رقاب من النار


سبحان الله الأجر يتضاعف من اشياء يمكن تكون بسيطه وتافهه من وجهة نظرنا :)



مشكور قاهر عالموضوع :-)
SOLID SNAKE AK7
07-06-2003, 09:28 AM
اللـــّـه لا يــبلانــا :(


ومشكوور مستر قاهر كل الألعاب ... ;)






تشـــااااااااااااو :p
انجلينا17
07-06-2003, 09:34 AM
للاسف الاسلام احيانا عند بعض الشغلات مجرد اسم :أفكر:

مشكور قاهر ...
mom_com3
07-06-2003, 10:55 AM
الرسالة الأصلية كتبت بواسطة RPG_master
اجل الله يعين خوباج من مريم:6
:p :p ..
اجل قمتوا تحلمون بها بعد ما راحت :6 ..
..
والله ستر ..
acer2
07-06-2003, 12:06 PM
ذهب صديقي للمنزل للنوم وعندما نام على الفراش فوجئ بشئ غريب بالفراش

انا من اليوم ورايح ما انام الا وافتش غرفتي كلها :) !!!
QaHir
07-06-2003, 07:19 PM
مشكورين شباب ..

:6 بتلاحظون ردودي شوية تتغير لاني مو ماخذ راحتي لان اتصالي قطع لأسباب مجهولة وانا الحين باحد المقاهي ..

:": يمكن مسوين لجهازي شعوذة وطبوب الله يستر :p
RPG_master
08-06-2003, 01:10 PM
الرسالة الأصلية كتبت بواسطة mom_com3

:p :p ..
اجل قمتوا تحلمون بها بعد ما راحت :6 ..
..
والله ستر ..

خبرك عتيق..رجعت من شهرين
mom_com3
08-06-2003, 01:25 PM
الرسالة الأصلية كتبت بواسطة RPG_master


خبرك عتيق..رجعت من شهرين
لا مبروك .. منك المال ومنها العيال :6 << رحنا وطي ..
Lena
08-06-2003, 01:26 PM
تهيءhttp://www.abunawaf.ws/forum/html/emoticons/cry.gif ..


مدري ليش انا دايم اطيح على بلاوي الشغلات


ودايم اصير في رعب من انهم يقتلوني ولا يسوون فيني شيhttp://www.abunawaf.ws/forum/html/emoticons/unsure.gif ..


لاني صدت بلاويهم...


وبلاوي موب اي بلاوي:"


الله يستر بس..
We6fe
08-06-2003, 06:20 PM
فكينج يو خدامات

امزح بس :o

:6