تسجيل الدخول

مشاهدة النسخة كاملة : المرحلة الجامعية وضعي الجامعي مدري اذا غريب يلة يا شباب اكبر واحد خبرة اكيد بيعرف الحل ..


نجم الالعاب
10-06-2003, 11:26 AM
اقول يا شباب ..

انا من جامعة الملك فيصل بالدمام كلية العمارة والتخطيط ..


الصراحه انا وضعي مدري كيف جاي يعني الاستهتار هو الي وصلني لذا الطريق ..

الترم الاول زحفنا شوي والاختبارات النهائية بدون سبب ما جيتها علشان وعلى اساس اعيد السنة ( اول سنة لي واحسب طريقتها زي الثانوي ولا عندي احد ينصحني ) ..

الزبدة جا السمستر الثاني وتأخرت يومين بس عن استلام الجدول عاد انا ابي ازلة قالولي انت منقطع تعتبر قلت لا والله .. قال والله .. قلت بيباي اجل ... وفرحان انا الغبي مر شهرين وزيادة وقربت الامتحانات على فكرة انقطعت بدون طلب تأجيل ما ادري اصلا لازم نطلب تاجيل ( دائما انا اخر من يعلم )


الزبدة مريت قسم شؤون الطلاب بعد جهاد نفسي كبيــــــر ..







وصلت للموظف الي هناك ويدعى عبدالله الشاهين واحد حبيب والله ووجة يخليك ترتاح .. الحاصل قلتلة اني انقطعت لاسباب وظروف .. انا قلت الان بيقولي بيطوى قيدك .. وما الي ذلك .. عاد مجهز نفسي نفسيا من شهر لذا الموقف ... ومستحيل اتفاجئ ولكن تفجر بصيص امل لما قالي اكتب خطاب لوكيل الجامعة اشرح وضعك وهو بيشوف الحل يا اما بالكيك اوت ... يا اما التغاضي واكمل ( ادعولي ) ...


الزبدة والحاصل ابيكم تقولون لي شي


الجين بعد ما خلصت السمستر الاول ولا حضرت الامتحانات النهائية وسقطت اكيد في كل المواد تقريبا هل لو ((( انشالله ))) قبل الوكيل ومجلس الادارة خطابي اقدر اكمل بشكل طبيعي ولا بتاثر يعني .. هل المواد الي سقطت فيها بتأثر علي ولا بعيد السنة طبيعي ...



لاني وما اخفي عليكم كنت متقبل فكرة الكيك اوت ... واني ارجع واسجل مرة ثانية بالجامعة مستحيل اتركها تعودة عليها :6 ..

يلة يا شباب فقط الي عنده علم يقولي ...
نجم الالعاب
10-06-2003, 11:28 AM
اين الردود..؟؟:o
نجم الالعاب
12-06-2003, 12:12 AM
ليش ما ترودن:غضب: :غضب: ......؟؟؟


:" :" :"
DE NILSON
13-06-2003, 04:08 AM
الصراحة وبدون زعل

انت ليس كفؤ لتكون طالب جامعي
Chad
13-06-2003, 11:46 PM
وش تبغانا نرد ؟

شخص لما دخل الجامعه حسب نفسه خلاص راجل ولا كل الرجاله فترك دراسته

وبدل ما يستمر في هالرجوله

رجع في كلامه

وإنت عارف منو اللي يرجع في كلامه :-)
نجم الالعاب
14-06-2003, 11:33 AM
الرسالة الأصلية كتبت بواسطة DE NILSON
الصراحة وبدون زعل

انت ليس كفؤ لتكون طالب جامعي


:": :": :": :":
Chad
14-06-2003, 12:21 PM
وعلى فكره

كليه العماره تعبها كثير وتحتاج إلى تفرغك الكامل للدراسه :-)
قوت القلوب83
27-06-2003, 03:22 PM
ممكن سؤال أخوي إنت ليش داخل الجامعة؟؟

داخلها عشان تدرس وتحصل شهادة

ولا عشان تكشخ جدام الناس وتقول أنا طالب جامعي

أخوي الجامعة مو لعب وناسة وطلعة وهياته

الجامعة دراسة وجد واجتهاد وعمل ابحاث وروحة وجية

أوخي احمد ربك على النعمة إللي إنت فيها

في كثيييييييير من الشباب العباقرة والأذكية إللي ودهم يحصلون أعلى الشهادات لكن الظروف منعهتم حتى من دخول الجامعة

اخوي انت في نعمة منت حاس فيها

عشان جذي أقول تلاحق عمرك

وإذا في أمل إنك ترجع الجامعة من جديد وتكمل دراستك

ياليت لو تكون من الطلبة المجتهدين إللي يدرسون ويخافون على دراستهم

وعلى فكرة الجامعة تختلف اختلاف كلي عن الثانوية ثانوية شي والجامعة شي ثاني ومرحلة ثانية

وإن شاء الله على السنة الجديدة تبشرنا وتقول لنا إنك رجعت للدراسة وصرت من أفضل الطلبة

والسلام خير ختام
Gladieator
29-06-2003, 03:22 PM
بسم الله الرحمن الرحيـــــم ...

مساكم الله بالخير جميع ...


أخوي الغالي نجم الألعاب , شوف أخوي , أنا راح أكلمك وأعتبرك مثل أخوي الصغير وأتنمى إنك تفتح لي قلبك شوي ...


أنا والحمدلله تخرجت هالسنة من جامعة الملك فيصل كلية العمارة والتخطيط , يعني خويك , وبإذن الله راح اشرح لك الوضع كيف هنا في جامعتنا ..


أولاً أنا عرفت إنك طالب مستجد هالسنة يعني دفعة 203 صح ؟؟

ومن كلامك واضح إنك أخذت حرمان بكل المواد السمستر الأول والسمستر الثاني , يعني DN في الترانسكريبت حقك ...

طيب , شوف أخوي , أنا قبل تقريباً أربع سنوات أو أكثر صارت لي سالفة قريبة لسالفتك هذي وأخذت إنذار من الجامعه ولكني والحمدلله تداركت الموقف وكملت طبيعي ...

يعني أنت لو قبل وكيل الكلية الدكتور عقال الجوفي خطابك على اساس إنك تبي تعيد السنه راح تعيد السنه لكن معدلك التراكمي راح ينزل عن الـ 2.5 من 5 وأنت عارف عندنا إذا نزل المعدل عن 2 من 5 راح تاخذ أول إنذار لك , وهذا راح يأثر بمستواك الدراسي ..علشان كذا أنا شايف إنك أول شي تروح للأستاذ عبدالله الشاهين ( المطوع ) وتسأله عن وضعك الحالي بالتفصيل , تراه رجال وحبيب وماراح يقصر معاك بس أنت خلك تمام معاه , المهم , كلمه وقوله خله يعلمك وش تسوي بالتفصيل بالنسبة للخطاب , وهو ماراح يقصر بإذن الله وراح يعلمك كيف ...
وبعد ماتنهي الخطاب روح وقدمه للدكتور عقال الجوفي الوكيل أو للدكتور سعيد العويس العميد موجودين بمبنى 7000 على اليسار أول ماتدخل :)
وإن شاء الله راح يضبط وضعك في السنة الجاية ..لكن طبعاً مع معدل منخفض ..


همسه :

أخوي , صدقني والله ماراح أحد ينفعك بهالدنيا إذا ضاعت منك فرصة التعلم الجامعي , أنا عارف إنك توك طالع من الثانوية وماتدري عن النظام الجامعي , بس كان الأحرى بك إنك تسأل وماتسكت أو تتغاضى عن فصل دراسي كامل , وصدقني بإذن الله إذا إهتميت بدراستك راح تمشي معانا صح , بس أنت شد حيلك , الله يهديكم الدفعات الجديدة من جد أنتم محظوظين , لو إنك لاحق علينا قبل خمس سنين كنا ندرس بمباني بورتبل كانت مقابلة لمطعم الجامعه الحالي , فالحمدلله إنهم بنوا لكم مبنى جديد 7000 ووفروا لكم أحسن الإستوديوهات والمعامل , والباقي إجتهادكم وهمتكم ...

وإن شاء الله نشوفك خريج عن قريب بإذن الله ...


تحياتي لك أخوي , وأتمنى إني أكون قدرت أفيدك , وأنا آسف على كلامي لكني والله عارف وضعك وحبيت أنبهك لشي يمكن تكون أنت غافل عنه ...

أي خدمه أو مساعده أنا حاضر ....

تمنياتي لك بالتوفيق إن شاء الله ...


..........
ستيف بورنسايد
29-06-2003, 05:04 PM
:) سؤال جلاديتر
:6 انا تقريبا نفس الشي حالتي مثل حالته بس ما انقطعت:6 معدله طايح وبالادراة والتخطيط في المللك فيصل<<<غريبة توني ادري كيف شكلك يمكن شايفك :D لاامزح
خلنا بالجد:)
معدلي تقريبا طايح:(
اقدر اسجل من جديد؟انا سمعت الي يسحب ما يقدر يسجل؟صحيح هذاالكلام؟
تنصحني اكمل بالمعدل:) الطايح:"
Gladieator
30-06-2003, 11:30 AM
ياهلا والله أخوي ستيف ..

وين الناس ماعاد لك حس ..:)


أجل أنت معانا بالجامعه بعد , شكلي أنا اللي شايفك مو أنت ;)


على كل حال , أنا مافهمت كيف وضعك بالضبط , أنت تقول إنك مثل وضع أخوي نجم الألعاب , لكنك ماإنقطعت , طيب ,يعني معدلك طايح عن الـ 2 ولا تحت الـ2.5 ؟؟
وأنت بأي سنه الحين بالضبط الأولى ولا الثانية ؟؟

ودي إنك توضحلي أكثر أخوي ستيف ...

على العموم بالنسبة للإنسحاب وإعادة التسجيل من جديد هذي ماأنصحك فيها خصوصاً عندنا هنا بالجامعه , لأن فرصة رجوعك للدراسة راح تكون ضعيفة , الشغلة فيها إعادة إقبول وطلب رسمي يوصل للإحساء وسين وجيم وإنتظر لين يعطونك وجه ...

نصيحتي لك ولأي طالب في وضعك هي إنك تكمل دراستك وتتوكل على الله وتشد حيلك , الطريق قدامك للحين طويل , لو إنك متأخر بالدراسة قلنا يمكن لكنك توك يعني يمديك ترفع معدلك بالراحة , بس الله الله بالدرجات اللي تبيض الوجه :)


تحياتي لك وللجميع , وأتمنى لك التوفيق بإذن الله ...


........
ستيف بورنسايد
30-06-2003, 08:52 PM
;-) خلاص ان شاء الله نبيض الوجه في السمستر الثالث لنا;-)
THE BLACK GHOST
03-07-2003, 03:42 AM
شوف اخوي بنسبة لرجوعك للجامعة فإنشاءالله ادا سمعت كلام Gladieator وضليت ورى الأستاذ عبدالله الشاهين الحبيب فراح تيسر امورك وراح ترجع للدمام ......بس المشكله راح اتكون في ارسال بياناتك للأحساء راح يمرمطونك عليها.


لأن سالفتك مثل سالفة خوي في الجامعة ((وعلى فكرة انا معاكم في الجامعه بس قريب منكم علوم طبية )) .

المهم الرجال خويي طلع العام وكان 202 عشان يبغي يروح الجبيل ..مادري ايش كان عاجبه فيها ؟


لما ماعجبة الوضع حب يرجع الفيصل .....في البدايه ماقبلوة بس بعدين حاول مرة وثنين وثلاثة تالي قبلوه على انه DN وبعدين عدلوله الوضع على انه منسحب بعدر بس المشكله كانت انه ما نزلتله ولا مكافئة يعني مهو مسجل في الأحساء على انه طالب ودار السبع دوخات لحد ما عدل الوضع وستلم مكافأته بعد 8 شهور من الدراسة .


يعني انشاء الله فيه امل بس جد على نفسك ترى ما راح تنفعك الأشهادتك , وفيه ناس عندهم شهادات وما نفعتهم فكيف الي بدون ؟




بختصار لحق على عمرك .
ابو ريفالدو
11-07-2003, 02:24 PM
الرسالة الأصلية كتبت بواسطة DE NILSON
الصراحة وبدون زعل

انت ليس كفؤ لتكون طالب جامعي


حرام عليك انحبط الرجال:غضب:
نجم الالعاب
11-07-2003, 05:49 PM
الرسالة الأصلية كتبت بواسطة ابو ريفالدو



حرام عليك انحبط الرجال:غضب:

ايه والله:(
][الحرباية][
16-07-2003, 04:48 AM
سلام شباب

هلا اخوي نجم الالعاب
ترى وانا اخوك وضعك هذا طبيعي
يعني اكثر من 60% من خريجي الثانويه ياخذون انذار عند اول سنه يتخرجون فيها من الجامعه
وانا اتحداك اذا انت كنت الوحيد اللي ماخذ انذار
دايما دايما اول سنه لازم الطالب يخبصها

وانا عارف انه انت الحين لك شعور قوي وقوي جدا انك تشد حيلك وتكمل دراستك في الجامعه وتاخذ اعلى المعدلات ((صح وللا))____مسوي اقرى افكار

وبالتوفيق اخوي

اما بالنسبه لChad و DE NILSON مااعتقد انكم طلبة جامعه
ولو كنتم طلبه جامعه مالكم داعي تردون
نجم الالعاب
29-07-2003, 02:49 AM
الرسالة الأصلية كتبت بواسطة ][مايكل جاكسن][
سلام شباب

هلا اخوي نجم الالعاب
ترى وانا اخوك وضعك هذا طبيعي
يعني اكثر من 60% من خريجي الثانويه ياخذون انذار عند اول سنه يتخرجون فيها من الجامعه
وانا اتحداك اذا انت كنت الوحيد اللي ماخذ انذار
دايما دايما اول سنه لازم الطالب يخبصها

وانا عارف انه انت الحين لك شعور قوي وقوي جدا انك تشد حيلك وتكمل دراستك في الجامعه وتاخذ اعلى المعدلات ((صح وللا))____مسوي اقرى افكار

وبالتوفيق اخوي

اما بالنسبه لChad و DE NILSON مااعتقد انكم طلبة جامعه
ولو كنتم طلبه جامعه مالكم داعي تردون

طمنتني:)
الهرش
01-08-2003, 07:19 AM
الرسالة الأصلية كتبت بواسطة DE NILSON
الصراحة وبدون زعل

انت ليس كفؤ لتكون طالب جامعي

عليك رد مدري وش يبي

الا انت اللي كفؤ تكون طالب جامعي اقول حدك متوسط ويخب عليك .:p

واخير الاختلاف في الرأي لايفسد للود قضيه .