المساعد الشخصي الرقمي

مشاهدة النسخة كاملة : أول يوم بالعطلة والحظ العاثر ( العطلة نحس )


QaHir
14-06-2003, 09:20 PM
بسم الله الرحمن الرحيم ..

نعم بتاريخ 7/6/2003م خلصت من شي اسمه المدرسة لانتقل إلى حياة جديدة .. لكن ما أخفاه هذا اليوم التعيس لي من مشاكل .. فلتشاهدوا معي ما لذي حدث بهذا اليوم النحس ..

نهضت مع أذان الفجر .. ورحت صليت والحمد لله الجو كان رائع عكس الايام كلها ^^

بعدها رجعت البيت وانا سعيد اني باخلص الامتحانات .. قلت خل أدش شويه الإنترنت بس قلت لا خل أذاكر دامه اخر امتحان عندي 6 ساعات على الامتحان .. الي كان بالساعة 12 بالظهر ..

ذاكرت وذاكرت .. الا ان جاء الوقت .. وين الشباب طولوا !! لا شكلهم فيهم شي .. خذت السيارة في الساعة 11.55 ورحت للشباب طلع انهم مسوين حادث .. قمت وشلتهم وخليت المرور يكتب تقرير عن الحادث وقتها لان الغلط على الشخص الاخر مو ربعي ..

بالامتحان لما تصفحت الورقة ياشينها وياريت ماتصفحتا .. بعد الدعاوى والاذكرة .. جاء لنا هالامتحان الي عكر مزاجي وفر راسي مرتين .. الحمد لله خلصته وطلعت من الامتحان وللحين قاعد افكر فيه .. يالله مشينا عن المدرسة وقلت لربعي يروحون بسيارة صديقي الثاني علشان انا رايح اخذ بنت خالتي بنفس عمري .. ولما وصلت يم مدرستهم .. شفت البنات يبكون .. مواقف حساسة طبعا لانهم بيتخرجون .. طبعا الحين بتقولون شنهو اسوي حاولت اقض النظر بس هالموقف مؤثر جدا .. لما شفت بعد بنت خالتي تودع اصدقائها ومدرسيها .. وبعدها شفت امي وهي مدرسة بالمدرسه وخذتهم ورحت البيت .. وصلت بنت أختي ولما رجعت المنزل كلي امل اشوف المنتدى براحة تامة .. لكن لما رجعت قيل لي انه مافيه قدة ؟؟ تعالوا أنا ياعان ..

قمت وشغلت السيارة ورحت مرة ثانية اطلب اكل .. ياسلام هذا الاكل وجهز .. يالله .. دخلت البيت وانا ميت من الحر .. قلت اروح استحم اول احسن .. تسبحت وخلصت .. طلعت من الحمام على 2 والنصف قلت على الاقل اقعد ربع ساعة قبل لايبدي المسلسل فول هاوس .. يالله شغلت الكمبيوتر .. وسويت كنكشن .. بس الغريب مافيه صوت للأنترنت قلت يالله يمكن الجهاز تطور .. لكني تفاجئت ان الخط قد قطع .. يعني الحين ما قطعوه ايام الامتحانات قطعوه علينا بالعطلة ولا اول يوم >< ..

قلت يالله .. هذا الي كتبه الله .. اروح العب بلاي ستيشن 2 احسن لي .. ولما شغلت الجهاز مافيه ولا لعبة تشتغل الا ويننج الفن العدسة مختربة .. ؟؟ شنهو هاليوم النحس .. قعدت العب ويا اخوي ويننج الفن وهزاته تهزأ لكن جاه باخر مباراة وصقعني 6-1 >< لاول مرة بتاريخي الكروي تهئ تهئ .. نحس بنحس هاليوم .. قلت خلني اروح انام ابرك لي .. رحت وحاولت انام مافيه كأني خيل ..

قررت اني اشغل فلم واقعد اطالعه .. وشغلت لي شاولين سوكر .. ياسلام الفلم حلو .. وصلت لما دخلت الفتاه الى الملعب بعد ان حلقت شعرها هههه .. ولما اشتدت المباراة هع انطفا كل شي .. صار المكان مظلم حيل .. قلت لأخوي وينك تشوف شي !! قال لي لا ابد .. قلت له شوف بالخارج .. قال مافيه شي .. قلت له تقدر تبدل !! قال ما ادري .. وبعدها بدلنا ملابسنا وطلع ان المنطقة كلها مافيها كهرباء ما ادري شفيهم اليوم ..

انطلقت بعد ما حذفت اخوي بيت الجدة .. رحت اقرب انترنت كافيه وقعد ساعة وحدة بث لاني مو مرتاح ابد الي يمر علي ويشوفني والي والي يصارخ .. بعدها رحت من الانترنت كافيه .. قلت خل اروح اتعشى من هارديز بالطريق الى هارديز خذت الطريق العام بس كان خالي كلش .. يعني مافيه احد ابد .. وقفت السيارة علي .. أوف بعد السيارة حرام .. أنا تعبت هاليوم .. ورحت ابي اتصل والى شبكة الاتصال فيها خلل .. اوه .. الله يستر بس .. قلت خل امشي برجلي الى هارديز .. ولما وصلت الى المنطقة بعد نص ساعة مشي .. ارتحت بالمطعم .. ولما كنت ابي اطلب .. انطفأت الكهرباء بهذه المنطقة ..

لالا .. حرام ابي اكل .. وبعدها اتصل فيني صديقي .. ياهو .. الاتصالات رجعت يالله تعال لي .. قال لي رفيجي انا بجسر الملك فهد رايح السعودية .. لاااااااا .. رحت اتمشى وانا افكر بهاليوم النحس .. طبعا الظلام حالك وانا ما استنير الا بالنجوم .. وقفت امام البحر وحدقت به .. قعدت ساعة كاملة امام البحر .. سارح به .. أتشوق لضمه بأحضاني .. قلت يالله رجعت الكهرباء الحين اروح للسيارة .. ورجت لها ووشفت عليها مخالفة .. مكتوب فيها ممنوع الوقوف !! قلت يالله الساعة الحين 11 ونص وما باقي شي ويخلص هاليوم .. والله واشتغلت السيارة ما ادري شنهو هالنحس الي فيها .. هي لومينا أس أس .. بعد توني مركب عليها نفخة .. رحت بيت الجدة ابي اسلم عليهم .. وتفاجئت انه مافيه احد بالبيت وين راحوا .. اتصلت في احد أقاربي وقال لي انهم بالكورنيش والجو حلو عندهم .. قلت لا بس انا تعبان .. قالوا لي يالله لا تتدلع تعال نبيك تلعب كوره معانا ..

رحت الكورنيش وأنا نعسان قايم من الفجر .. ياه ولعبت معاهم كرة استمتعت شويه .. لكن عقب شنهو عقب ما طافت الساعة 12 بالليل أي خلصنا اليوم النحس ..

يعني تتخيلون مثل هاليوم مر عليكم بأول أيام العطلة !! يعني يوم مثل هذا يعتبر حلو .. أنا بأول أيام العطلة افرح فرح كبير لكن هالعطلة شكلي مو متهني فيها ><

والله يوفقكم بالامتحانات ..
كاو بوي
14-06-2003, 09:33 PM
يا شيخ والله خوفتني :"::":
الله يستر بس :":
MoaeD
14-06-2003, 09:45 PM
يؤ كل هذا نحس


لا تخوفني شكلي بأسكر على روحي يوم الأحد الجاي :":
acer2
15-06-2003, 12:44 AM
هههههههههههه :D :D

واله ضحكتني !!!

انا طول اليوم كئيب حدي !!! (بسبب امتحان الفيزيا ?: )

بس والله خليتني اضحك بهالموضوع :D :D :D


انا عطلتي تبدأ 16/6

يعني يوم الاثنين !!!!!!

انشالله خير :D
DeadLy_
15-06-2003, 12:53 AM
مب بس انتوا حتى عندنا :":
Phoenix Wing
15-06-2003, 04:06 AM
انقطعت الكهربة....وناسة (وين الشموع:p)...لا...بس هذي فيها فيلم يخرب:!...بطلت...

ياخي اتعود... أنا حظي نحس من يوم تبدأ الدراسة إلى يوم تبدأ الدراسة في السنة اللي بعدها (يعني طول السنة للي ما يفهمون:p )...

أنا هذي السنة بآخذ ترم صيفي (يعني ما في إجازة:! ) و ناوي أتوظف بارت تايم....(سلملي عالاجازة من جد)...
وسامع إن الإعلام هنا راح يمسك الألعاب النازلة (من ضمنها final fantasy x-2) يعني في هذي الإجازة ما راح العب إلا لعبتين أو ثلاثة هي اللي عندي و ما خلصتها.... ما أتوقع في أنحس من كذا إجازة:!...

...De wa


.T.W.K
DE NILSON
15-06-2003, 05:08 AM
ههههههههه

يوم ممتاز



ياحظك على الاقل عندك اجازة قبلنا باسبوعين:غضب: :غضب:

وكمان زعلان:":


على العموم الله يعوضها لك في الايام الجاية
I`m HeRe
15-06-2003, 11:11 AM
هههههههههه

يا رجال هماك معطل تهون

أما أنا من يوم ما خبرت روحي وأنا حظي نحس:(

الله يعين بس أنا أنتظر هالعطله بشغف ما أدري ليش :p

الله يستر بس:":
CHALLENGER
15-06-2003, 02:26 PM
اقعد ربع ساعة قبل لايبدي المسلسل فول هاوس
انا كل يوم متابعه بس احيانا يعيدوا الحلقات :(



بس يلا مبروك على التخلص من المدرسة :D
Chad
15-06-2003, 03:28 PM
يا ساتر

أنا أول يوم في عطلتي رايح بالطياره :":

بس عطلتي اللي فاتت

ما عملت فيها شي غير الأفلام

أول يوم شفت فيه 7 أفلام كامله بدون توقف :6
Yamato
15-06-2003, 03:50 PM
ما شاء الله..

يومك كان صحو وجميل ومبشر بالخير اخوي.. :6

يا عمي.. عندك من الحين الى نهاية شهر ثمانية تسوي اللي تريده.. وقفت على يوم واحد عاد.. http://smilies.sofrayt.com/%5E/x0/areindeer.gif
Final Fantasy 7
15-06-2003, 04:25 PM
ول ول ول ول ول ول .. فعلا حظ عاثر .. ماهي العطلة بينت من أولها :":





فعلا صدق المثل يالي يقول ( المنحوس يظل منحوس .. حتى لو مطرت السما عليه فلوس ) :6





سلااااااااام :D
TIFA Lockheart
18-06-2003, 08:34 AM
هاه:واو:
لا تخوفوني:غضب:
تراني احس ان هذي العطله مهيب معديه على خير:غضب:
هو شىء واحد بس:": اللي بيخرب الدعوه


















اني ما انجح وانا على اخر ترم:"
يعني لاازم اخذ صيفي:"
اخخخخخخخخخ يالقهر:"
QaHir
18-06-2003, 08:18 PM
ياهلا مشكورين على الردود ..

وماقلت لكم هالعطلة مابتعدي على خير شوفوا حالة المنتدى :(

نحس :p
Dr.Lucifer
18-06-2003, 08:19 PM
الرسالة الأصلية كتبت بواسطة قاهر كل الألعاب
ياهلا مشكورين على الردود ..

وماقلت لكم هالعطلة مابتعدي على خير شوفوا حالة المنتدى :(

نحس :p
كله منك :p
QaHir
19-06-2003, 05:03 PM
الرسالة الأصلية كتبت بواسطة Dr.Lucifer

كله منك :p

تهئ تهئ :( سنيف :"

:": بس عاد قلنا العطلة نحس مو عاد قلبتوا المشاكل علي :p

مشكور على الرد اللطيف :6
Dr.Lucifer
19-06-2003, 05:07 PM
الرسالة الأصلية كتبت بواسطة قاهر كل الألعاب


تهئ تهئ :( سنيف :"

:": بس عاد قلنا العطلة نحس مو عاد قلبتوا المشاكل علي :p

مشكور على الرد اللطيف :6
خلاص قطعت قلبي :" ..
و عفون عفون ":"
إنشالله في المستقبل نرد عليك ردود الطف من كذا :p
بس عندي سؤال :أفكر: ....
وش سبب النحس ذا :p ؟
Lena
19-06-2003, 05:24 PM
ههههههههههههههه ياربيه وش هالنحس:p



انا تدري وش سويت اول يوم خلصت من ثالث ثانوي؟


رحت ركضت ووقفت عند التلفزيون
وقعد اناظره وعيوني كذا==>http://www.abunawaf.ws/forum/html/emoticons/cry.gif

وبعدن ركضت لمه وقعدت اضمه واصيح:"


اشتقت له من زمان عنه ..هو موب حوب بالتلفزيون بس صرت احب اي شي انحرمت عنه:6



مبروك عليك ويلا استانيس بالعطله;) ..الا انتم كم عطلتكم بالبحرين؟
QaHir
19-06-2003, 05:31 PM
Dr.Lucifer
خلاث :p سامحناك ":" والنحس جاه من الله ما ادري شلون .. :(

Lena
هههههه انا جيت ابي احظن الكمبيوتر لكن الكمبيوتر مايبي يحظني :": المهم ثانكس على الرد .. والعطلة 3 اشهر بحاول ادور لي على شغلة باحد مقاهي الانترنت :cool:
Lena
19-06-2003, 05:45 PM
الرسالة الأصلية كتبت بواسطة قاهر كل الألعاب


Lena
هههههه انا جيت ابي احظن الكمبيوتر لكن الكمبيوتر مايبي يحظني :": المهم ثانكس على الرد .. والعطلة 3 اشهر بحاول ادور لي على شغلة باحد مقاهي الانترنت :cool:

اها مثلنا:6 ...


مقهى انترنت ..عشان اذا صار فيه فرصه تروح تدخل هاه؟":"
Dr.Lucifer
19-06-2003, 05:55 PM
الرسالة الأصلية كتبت بواسطة قاهر كل الألعاب
Dr.Lucifer
خلاث :p سامحناك ":" والنحس جاه من الله ما ادري شلون .. :(

Lena
هههههه انا جيت ابي احظن الكمبيوتر لكن الكمبيوتر مايبي يحظني :": المهم ثانكس على الرد .. والعطلة 3 اشهر بحاول ادور لي على شغلة باحد مقاهي الانترنت :cool:
يعني محد دعى عليك .. صكك بعين :p ؟
QaHir
21-06-2003, 08:25 PM
Lena
مو اذا صارت فرصة الا الفرصة اكيدة :D يعني اكسب الاثنين النت والمعاش ":"

Dr.Lucifer
يمكن بس وايد يقرون علي :أفكر: يعني من هالناحية مطمأن ":"