wassim1eg
16-06-2003, 04:16 PM
أشترى الجريدة و هو واثق من النتيجة .. فتحها على الصفحة المعتادة .. قرأ عمود الردود فلم يجد على رسالته ردا .. هز رأسه ، أحجم ، مط شفتيه بأستياء " أيه ده ، فات شهرين دلوقتى .. أمتى حيعبرونى بقى .؟. " بعض علامات الاحباط عاثت فوق الملامح " حتى المصروف اللى باخده من أبويا بضيعه على حبة ورق .. أنا دايما حظى زفت . " ترك الجريدة ملقاة على الأرض و تحرك لفراشه و قد تحول ضيقه لنعاس .. غفا لحظات حتى سمع صوت أمه :_
ــ أصحى ، واحد صاحبك عايزك على التليفون .
قام مضجرا .. أمسك السماعة :_
ــ ألو .. من ؟.
ــ أنا ( إيهاب ) .. ألف مبروك يا سيدى .
ــ مبروك !! .. أنا أخدت البكالوريوس من شهر .
ــ بكالوريوس أيه ! .. مبروك ع القصه بتاعتك .
ــ قصة أيه ؟.
ــ أنت ما أشترتش الجرنال النهارده ؟ .. ده أنت ليك قصه فى صفحة الأدب .
ــ أزاى ؟! .. أنا لسه قارى الجرنال و مفهوش أى حاجه .
ــ أنت غلطان .. القصه منشوره فوق عمود الردود على طول .. لازم بقى تعزمنى على حاجه حلوه بالمناسبه دى .
أبدى عدم تصديقه و أنهى المكالمة على عجل .. بحث عن الجريدة .. فتحها على صفحة الأدب .. صرخ :_
ــ أيه ده ! .. صفحة الأدب فين ؟.
ثم نادى والدته :_
ــ ماما .. الجرنال فيه صفحه ناقصه راحت فين ؟.
ــ أخواتك كلوا عليها لما نمت .
ــ لا .. دى كانت منشوره ليه فيها قصه .. طيب ، هى الورقه فى الزباله؟ .
ــ أه .
تنهد بأرتياح لكنها تابعت قولها :_
ــ بس أبوك و هو نازل يصلى العشاء أخد الزباله يرميها على سكته .
وسيم أحمد المغربى
ــ أصحى ، واحد صاحبك عايزك على التليفون .
قام مضجرا .. أمسك السماعة :_
ــ ألو .. من ؟.
ــ أنا ( إيهاب ) .. ألف مبروك يا سيدى .
ــ مبروك !! .. أنا أخدت البكالوريوس من شهر .
ــ بكالوريوس أيه ! .. مبروك ع القصه بتاعتك .
ــ قصة أيه ؟.
ــ أنت ما أشترتش الجرنال النهارده ؟ .. ده أنت ليك قصه فى صفحة الأدب .
ــ أزاى ؟! .. أنا لسه قارى الجرنال و مفهوش أى حاجه .
ــ أنت غلطان .. القصه منشوره فوق عمود الردود على طول .. لازم بقى تعزمنى على حاجه حلوه بالمناسبه دى .
أبدى عدم تصديقه و أنهى المكالمة على عجل .. بحث عن الجريدة .. فتحها على صفحة الأدب .. صرخ :_
ــ أيه ده ! .. صفحة الأدب فين ؟.
ثم نادى والدته :_
ــ ماما .. الجرنال فيه صفحه ناقصه راحت فين ؟.
ــ أخواتك كلوا عليها لما نمت .
ــ لا .. دى كانت منشوره ليه فيها قصه .. طيب ، هى الورقه فى الزباله؟ .
ــ أه .
تنهد بأرتياح لكنها تابعت قولها :_
ــ بس أبوك و هو نازل يصلى العشاء أخد الزباله يرميها على سكته .
وسيم أحمد المغربى