بعد حجب المنتدى نداء لغير السعوديين .. [الأرشيف]

BoJasem

18-06-2003, 07:59 PM

السلام عليكم :

لاحظت انا المشكلة خصوصا ان عدد من الأخوان السعودين (( عندي في الميسنجر )) انهم يقولون ان المنتدى محجوب وطبعا بعضهم طلع والباقي عطيتهم الوصلة اللي تفضلت مشكورا ووضعتها (( شكرا لك ))

يبدو انهم ما لقوا سبب (( لتصريف)) تسرب الأمتحانات قطوها في هذا المنتدى المسكين :أفكر:

ان شاء الله تنحل المشكلة ولا تصير حجب ابدي

وشكرا ;-)

ZIDANE_10

18-06-2003, 08:16 PM

والله لو فيه مشرف مصحصح، كان ممكن يرسل رسالة موحدة لكل الأعضاء يعطيهم اللنك الجديد .. بس الأفضل لو إنه تتم مخاطبة المدينة ..

http://cgi.isu.net.sa/unblockrequest/

عماد 18

18-06-2003, 10:41 PM

مشكور بوب ..
بس لو كان فعلا سبب اغلاقه الاسئلة المسربة ..
فهذه قمة التخلف !!
لانه المنتدى مو مسؤول عن اللي ينشره واحد و الا اثنين ..
يعني مو بكيفهم يعقابون المنتدى عشان اللي ينشره كم عضو ..
قمة التخلف فعلا !!

Anime-Girl

18-06-2003, 11:01 PM

تشكر اخوي بوب ...والحمد لله حاولنا نوصل الوصله لاكبر عدد ممكن ...وانشاء الله يدخل كل من في السعوديه ...

مدري يتشطرون بس على المنتديات ويهملون اشياء اعظم ... :أفكر:

ZIDANE_10

18-06-2003, 11:35 PM

Anime-Girl:

مثل ؟

وعلى العموم هم ما حجبوه إلا لسبب قوي، أما اعتباطياً فما أتوقع، لو أحد يعرف شخص هناك ممكن يسأله.

Mesharey

18-06-2003, 11:49 PM

مشكور بوب..احاول اوصلها للي اقدر عليه..

بس لو كان فعلا سبب اغلاقه الاسئلة المسربة ..
اكيد هذا الشي..ما عرفوا حل إلا هالطريقة..!!

الله يعينكم ..

Dr.Lucifer

18-06-2003, 11:53 PM

ليش ما يحجبون... عفواً أقصد يمسكون الي مسؤول عن تسربها من الوزارة بالمقام الأول :p ؟؟

عماد 18

19-06-2003, 12:01 AM

الرسالة الأصلية كتبت بواسطة Dr.Lucifer
ليش ما يحجبون... عفواً أقصد يمسكون الي مسؤول عن تسربها من الوزارة بالمقام الأول :p ؟؟
لان الي سربها الطلاب اللي يختبرون اختبارات المرحلة الثانوية خارج المملكة عن طريق المدارس السعودية ..

ZIDANE_10

19-06-2003, 12:02 AM

Mesharey:

مؤسسة كاملة تحط راسها براس منتدى ؟

كما إن مسؤولين بوزارة التربية أنكروا تسربها :) .. بس لاحظ إن فيه مواقع عربية تنحجب، ويجونك الربع يسبون المدينة وإن هالحجب جاء كـ "خبط عشواء" وآخرتها تلقاهم مركبين في الـ CGI-Bin سكربت يشتغل كـ HTTP Client يقدر الواحد يستغله كبروكسي .. أو إنه جاي مع المساحة اللي استاجرها.

على العموم فيه أحد جرب يتصل بالمدينة ويسأل ؟

إن شاء الله يكون فيه أمل يفك الحجب.

Dr.Lucifer:

أموت وأعرف شلون يطلعونها .. المشكلة حصلت سؤال من أحد النماذج المسربه ما له علاقة بالمنهج لا من قريب ولا من بعيد، قلت يمكنه حق البنات قالي اللي وصلت له الأسئلة لا هي حقت البنين.

Dr.Lucifer

19-06-2003, 12:05 AM

الرسالة الأصلية كتبت بواسطة عماد 18

لان الي سربها الطلاب اللي يختبرون اختبارات المرحلة الثانوية خارج المملكة عن طريق المدارس السعودية ..

أهاع .. معلومة جديدة ..
على كلٍ إن دل ذلك على شيء فهو يدل على عدم التخطيط و القصور في الأنظمة
ولا المفروض إن الطلاب الي بالخارج يختبرون إختبارات مختلفه عن من يختبر داخل المملكة مع مراعة إنها تكون بنفس المستوى ..
أو الخيار الي أعتقد إنه مستحيل تطبيقة عمليا ..
يختبرون بوقت واحد كلهم :أفكر: ..
----------------------
زيدان ..
لا يكون السؤال الي تقول عنه حق الترم الأول :p .. ترا ما عندهم سالفة :p

Gladieator

19-06-2003, 12:29 AM

السلام عليكم ...

بالفعل إنصدمنا من هالخطوة الغريبة !!

لكن مانقول إلا الله المستعان , وإن شاء الله بتنحل المشكلة عما قريب , وبإذن الله راح نحاول نوصل العنوان الجديد لأغلب الأعضاء من السعودية ..

تحياتي لكم , والشكر موصول لأخي بوب على مساعدته ...

......

AmoooR

19-06-2003, 12:43 AM

الحمدلله ...

لو كان السبب هو المذكور فهو تصرف غبي ...

مااعتقد انه حل انه يتم تقفيل المنتديات لهالسبب خاصة ان اكثر المنتديات منتشرة فيها الاسئلة :أفكر:

RPG_master

19-06-2003, 03:24 AM

قمة التخلف أنهم من اربع سنوات وفوق موب عارفين يحلون مسألة التسرب..

يعني صعبه لهالدرجه؟!

Dr.Lucifer

19-06-2003, 03:29 AM

الرسالة الأصلية كتبت بواسطة RPG_master
قمة التخلف أنهم من اربع سنوات وفوق موب عارفين يحلون مسألة التسرب..

يعني صعبه لهالدرجه؟!
مدري عنهم :أفكر: ..
ما إستفدنا غير صكونا بأسئلة الرياضيات البديلة الخايسة السنة الي فاتت :p

I`m HeRe

19-06-2003, 03:32 AM

الرسالة الأصلية كتبت بواسطة Dr.Lucifer

مدري عنهم :أفكر: ..
ما إستفدنا غير صكونا بأسئلة الرياضيات البديلة الخايسة السنة الي فاتت :p

الله يقطعه ذا اليمني الخايس اللي سرق الأسئله :غضب:
نكبنا
ويليته على سنع كسر قزاز وحوسه ?:

يعني وش ذا الغباء :أفكر:

Dr.Lucifer

19-06-2003, 03:46 AM

الرسالة الأصلية كتبت بواسطة Iam here

الله يقطعه ذا اليمني الخايس اللي سرق الأسئله :غضب:
نكبنا
ويليته على سنع كسر قزاز وحوسه ?:

يعني وش ذا الغباء :أفكر:
من زود الذكاء يسرقها قبل 4 مدري 5 أيام :p
و الله أذكر يوم وزعوا الأوراق ..
جاي محمل بالطموح و الأحلام البنفسجية ...
و على بالي 15 أسئلة إختيارات ..
5 فراغات .. و الباقي مسائل حلوة :أفكر: ..
و لكن صدمت بالواقع ..
من قوة الصدمة راحت ثلث ساعه و أنا جالس كذا :واو: ..
و واحد كان جالس قدامي جته حالة ضحك هستيرية :p ..
و الله مأساة :أفكر: ..
بس بعدين عدلوها بالباقي :D .. ويوم عادوا توزيع الدرجات على إختبار الرياضيات :p

ZIDANE_10

19-06-2003, 04:37 PM

والله وصارت بسبة الأسئلة :واو:

http://www.swalif.net/softs/showthread.php?threadid=49102

Dr.Lucifer:

ياخي يوم الثلاثاء اللي راح وأنا على باب المدرسة تدق علي عمتي وتقول خذ ذي أسئلة الأدب، ولا وش هالأسئلة!

والله لو إني شرعي ما جبتها، وكلها من شيء موب مطلوب، قلت لها متأكدة ؟ يمكنها للشرعي ( الشرعي امتحان الأدب كان يوم السبت ولا زينا ؟! ) ؟

قال لا علوم طبيعية ومن وحده ثقة و ... ( سحب مني مدرس الجوال ).

وعلى طاري الرياضيات، يقولون إن مصدر مسؤول بوزارة التربية أنكر إن فيه خطأ بإحدى الفقرات، واللي أشار له مدرس ثانوية.

Dr.Lucifer

19-06-2003, 05:03 PM

الرسالة الأصلية كتبت بواسطة ZIDANE_10
والله وصارت بسبة الأسئلة :واو:

http://www.swalif.net/softs/showthread.php?threadid=49102

Dr.Lucifer:

ياخي يوم الثلاثاء اللي راح وأنا على باب المدرسة تدق علي عمتي وتقول خذ ذي أسئلة الأدب، ولا وش هالأسئلة!

والله لو إني شرعي ما جبتها، وكلها من شيء موب مطلوب، قلت لها متأكدة ؟ يمكنها للشرعي ( الشرعي امتحان الأدب كان يوم السبت ولا زينا ؟! ) ؟

قال لا علوم طبيعية ومن وحده ثقة و ... ( سحب مني مدرس الجوال ).

وعلى طاري الرياضيات، يقولون إن مصدر مسؤول بوزارة التربية أنكر إن فيه خطأ بإحدى الفقرات، واللي أشار له مدرس ثانوية.

الشرعي إختبروا يوم الربوع :أفكر: .. فماأدري وش الأسئلة الي جتك . يمكن واحد من الي حطوا أسئلة الأحياء الي فيها عن الأميبا حطها :p
إيه دايما هم ينفون :p ..
يمكن قصده ما في غلط في معطيات السؤال:أفكر: ..
السنة الي فاتت كان فيه غلط واضح وضوح الشمس . حتى لازم تلبس نظارات عشان ما تنعمي :cool: .. و قالوا ما في غلط :p .. هو السؤال كان ينحل .. بس بعد ما تعصر مخك عشان تعرف وش المطلوب :p

أفلاطون

19-06-2003, 06:58 PM

الرسالة الأصلية كتبت بواسطة عماد 18

لان الي سربها الطلاب اللي يختبرون اختبارات المرحلة الثانوية خارج المملكة عن طريق المدارس السعودية ..

ابي اعرف بس من وين جبت هالمعلومه الخارقه!!:p

يعني لهالدرجه اللي في الوزاره دلوخ؟؟

ناس يختبرون قبلنا بأربعه او ثلاث ايام ويعطونهم نفس الاسئله؟؟ يعني لهالدرجه المسؤولين سبايك؟

لا وفيه ناس من زود النصب يقولون اخترقنا اجهزة الوزاره واخذنا الاسئله..

والاجهزه اللي يكتبون فيها الاسئله مهب موصله بالانترنت من الاساس؟؟!!

يعني وش نقول الا الله يخلف..

عماد 18

19-06-2003, 09:13 PM

الرسالة الأصلية كتبت بواسطة أفلاطون

ابي اعرف بس من وين جبت هالمعلومه الخارقه!!:p

يعني لهالدرجه اللي في الوزاره دلوخ؟؟

ناس يختبرون قبلنا بأربعه او ثلاث ايام ويعطونهم نفس الاسئله؟؟ يعني لهالدرجه المسؤولين سبايك؟

لا وفيه ناس من زود النصب يقولون اخترقنا اجهزة الوزاره واخذنا الاسئله..

والاجهزه اللي يكتبون فيها الاسئله مهب موصله بالانترنت من الاساس؟؟!!

يعني وش نقول الا الله يخلف..
المعلومة اللي ما هي عاجبتك مو مسؤوليتي انها ما خشت مزاج سموكم الكريم :) ..
لكن يا بابا ..
من قال انهم يختبرون قبلنا بثلاث او اربع ايام ؟؟
يختبرون بنفس اليوم ..
لكن شكلك ما تعرف شي اسمه فوارق التوقيت بين دولة و اخرى ..
يعني يا حبيبي ..
الامارات لما تكون عندهم الساعة 5 ..
تكون عندنا الساعة 4 ..
يعني هم يسبقونا بساعة :) ..
وشلون نجحت في الجغرافيا ؟؟

RPG_master

19-06-2003, 10:35 PM

افلاطون..وقعت في شر اعمالك:p

كلام عماد صحيح..بعضهم يختبرون بنفس اليوم..لكن فارق التوقيت هو الي يسبب المشكله..

لكن مع ذلك فيه مية ألف حل ممكن يطلعون به خلال هالأربع سنوات..

يحل هالمشكله..

لكن!!

هذي حركه صهيونيه منذ سنوات عده هدفها حظر المنتدى!!

Angel whisper

19-06-2003, 10:40 PM

انزين الحين انتو ما يطبعون عندكم الاسئله في اماكن غير معلومه ؟

وما في حراسه عليها ؟

يعني انا في عمري ما سمعت عن امتحانات ثانويه عامه تتسرب عندنا ..

لان الرقابه مشدده عليها ..

Dr.Lucifer

19-06-2003, 10:56 PM

الرسالة الأصلية كتبت بواسطة RPG_master
افلاطون..وقعت في شر اعمالك:p

كلام عماد صحيح..بعضهم يختبرون بنفس اليوم..لكن فارق التوقيت هو الي يسبب المشكله..

لكن مع ذلك فيه مية ألف حل ممكن يطلعون به خلال هالأربع سنوات..

يحل هالمشكله..

لكن!!
هذي حركه صهيونيه منذ سنوات عده هدفها حظر المنتدى!!

هذي هي الزبدة ":"
-----------------------------
توضح بس ...
الجداول مختلفه للطلاب الي بالداخل و الطلاب الي برا :أفكر: ...
العلمي يختبرون الساعه 12 بتوقيت جرينتش .. و هو توقيت موحد لجميع طلاب الخارج
يوم 9 ربيع ثاني 1424هـ
9 يونيو 2003م

و العلمي من طلاب الداخل يوم
14/4/1424هـ
الموافق 14 يونيو 2003 م

و هذي وصلات الجداول ..

جداول طلاب الخارج (http://www.moe.gov.sa/saudischools/sc_exam.htm)
جداول طلاب الداخل (http://www.moe.gov.sa/exam/boys/exmp.htm)

فما أعتقد إنه الإسئلة نفسها لأنه ما راح يوقعون بغلطه زي كذا ..
و ذا يردنا للإحتمال الأول .. و هو إحتمال تسريب الإختبارات من المدارس ..
أو إنه في أحد من داخل الوزارة هو الي يسربها :أفكر:
-----------------------------------------
إينجل ...
و الله ذي مشكلة أزلية ما أحد عرف لها حل :p
مع كل الحراسات المشددة و الطرق المتطوره في نقل الأسئلة :أفكر:

RPG_master

19-06-2003, 11:00 PM

انا عندي شك بالنسبه لتسرب الأسئله..

اغلبها يمكن من القرى..يجي المسؤول من الوزاره يسلم المدير الأسئله بالصبح..

زوجة المدير تطب على المدير..وتهدده..

تاخذ الأسئله وتروح لولدها الي يدرس بنفس المدرسه..

http://www.abunawaf.ws/forum/html/emoticons/ph34r.gif: هخوذ الأسئله يا ولدي..

http://www.abunawaf.ws/forum/html/emoticons/customsmile5.gif<<<الولد

مطلع لسانه لأخوياه بالمسنجر..

وبعد عروض غداء وعشاء على حسابهم..يقبل انه يعطيهم الأسئله..

وكل واحد ينشر وينشر وينشــر الــــــخ...

ويا حتوتة..توتةhttp://www.abunawaf.ws/forum/html/emoticons/customsmile7.gif

أفلاطون

19-06-2003, 11:14 PM

الرسالة الأصلية كتبت بواسطة عماد 18

المعلومة اللي ما هي عاجبتك مو مسؤوليتي انها ما خشت مزاج سموكم الكريم :) ..

اولا يا عزيزي أنا ما قلت هالكلام من راسي ومن اجتهاداتي .. انا ماخذ هذا الكلام من المسؤول عن الاختبارات للثناويه العامه للبنين..:)

يعني ما اجيب كلام من راسي بدون ما اتأكد .. والا اسمع كلام هالناس وتوقعاتهم واردده على طول ..

الرسالة الأصلية كتبت بواسطة عماد 18

لكن يا بابا ..
من قال انهم يختبرون قبلنا بثلاث او اربع ايام ؟؟
يختبرون بنفس اليوم ..

يا بابا انت:p ..فيه ناس يختبرون قبلنا بثلاث او اربع ايام او حتى اسبوع..

مثلا فيه دوله من الدول اختبروا المدارس السعوديه فيها اختبار الرياضيات يوم الاثنين اللي قبل الاختبارات عندنا.... واختبارتنا كانت بتبدا يوم السبت:)

الرسالة الأصلية كتبت بواسطة عماد 18

لكن شكلك ما تعرف شي اسمه فوارق التوقيت بين دولة و اخرى ..

استنتاج جميل... امضي قدما يا بني..:6

..افلاطون..وقعت في شر اعمالك:p.

يا شين اللي خاشين وهم يدربون روسهم:6

اطلع منها بس:6

Dr.Lucifer

19-06-2003, 11:14 PM

الرسالة الأصلية كتبت بواسطة RPG_master
انا عندي شك بالنسبه لتسرب الأسئله..

اغلبها يمكن من القرى..يجي المسؤول من الوزاره يسلم المدير الأسئله بالصبح..

زوجة المدير تطب على المدير..وتهدده..

تاخذ الأسئله وتروح لولدها الي يدرس بنفس المدرسه..

http://www.abunawaf.ws/forum/html/emoticons/ph34r.gif: هخوذ الأسئله يا ولدي..

http://www.abunawaf.ws/forum/html/emoticons/customsmile5.gif<<<الولد

مطلع لسانه لأخوياه بالمسنجر..

وبعد عروض غداء وعشاء على حسابهم..يقبل انه يعطيهم الأسئله..

وكل واحد ينشر وينشر وينشــر الــــــخ...

ويا حتوتة..توتةhttp://www.abunawaf.ws/forum/html/emoticons/customsmile7.gif
أنت تحط يدك على الجرح :p
هو المصيبة كلها من زوجة المدير :أفكر: ..
فلذلك .. أفضل شي التخلص من جميع زوجات المدراء :D ..
و بالنسبة للقرى .. منت ملاحظ إن مشاكلهم كثرانه :أفكر: ..
السنة الي فاتت واحد إقتحم المدرسة قبل إسبوع من الإختبارات :p ..
و السنة ذي مشاكل ..
المفروض يرسلون القوات الخاصه تحرس المدراء و الأسئلة :p

RPG_master

19-06-2003, 11:25 PM

أفلاطون..

بطلع منها..موب علشانك..

بس علشانك صديق عزيز:p

لوسيفر..

فعلاً..هي زوجة المديرhttp://www.montada.com/images/icons/icon13.gif

ZIDANE_10

20-06-2003, 12:10 AM

من صدقكم الحين هي مسربة ؟

ما شفت إلا حقت البنات بس، ولا البنين أسئلة لامنهجية.

وما يقهر إلا هاللي يحطها بمنتدى ( هالأسئلة اللي ما لها علاقة بمنهجنا ) ويقول الله يوفقكم وعيالنا.

وإذا قلنا له يا فلان تراها ما جت ..

يقول بلاهم غيروها وحطوا نموذج ثاني :أفكر:.

Dr.Lucifer

20-06-2003, 12:29 AM

الرسالة الأصلية كتبت بواسطة ZIDANE_10
من صدقكم الحين هي مسربة ؟

ما شفت إلا حقت البنات بس، ولا البنين أسئلة لامنهجية.

وما يقهر إلا هاللي يحطها بمنتدى ( هالأسئلة اللي ما لها علاقة بمنهجنا ) ويقول الله يوفقكم وعيالنا.

وإذا قلنا له يا فلان تراها ما جت ..

يقول بلاهم غيروها وحطوا نموذج ثاني :أفكر:.
حنا نتكلم بشكل عام :p

عماد 18

20-06-2003, 01:50 AM

الكلام اللي كتبته قريته من جريدة الرياض ايام ما كنت في الثانوية ..
و ما جبته من احد ..

EDWARD

20-06-2003, 01:52 AM

الآن المنتدى محجوب في السعودية ؟؟ ?:

MoaeD

20-06-2003, 02:41 AM

الرسالة الأصلية كتبت بواسطة Dr.Lucifer

توضح بس ...
الجداول مختلفه للطلاب الي بالداخل و الطلاب الي برا :أفكر: ...
العلمي يختبرون الساعه 12 بتوقيت جرينتش .. و هو توقيت موحد لجميع طلاب الخارج
يوم 9 ربيع ثاني 1424هـ
9 يونيو 2003م

و العلمي من طلاب الداخل يوم
14/4/1424هـ
الموافق 14 يونيو 2003 م

و هذي وصلات الجداول ..

جداول طلاب الخارج (http://www.moe.gov.sa/saudischools/sc_exam.htm)
جداول طلاب الداخل (http://www.moe.gov.sa/exam/boys/exmp.htm)

فما أعتقد إنه الإسئلة نفسها لأنه ما راح يوقعون بغلطه زي كذا ..
و ذا يردنا للإحتمال الأول .. و هو إحتمال تسريب الإختبارات من المدارس ..
أو إنه في أحد من داخل الوزارة هو الي يسربها :أفكر:

الكلام هذا يا بابا ما تطبق الا العام (عشان لا يفرح بعض الناس:أفكر: )

وشي ثاني

الأسئله تتسرب لأنها تطيح في يد مدراء بعض القرى وحتى المدن الصغير بوقت مبكر

صارو عقب اللي صار العام يوصلونها بفجر يوم الأختبار !!

بس حتى ولو بتتسرب لأنه بتروح على قولتكم لحمولة المدير وبتنتشر :o

والمشكله مالها حل يصير بسنه ولا سنتين

لأن توصيل التلفون لبعض القرى صعب مره !!

فالحل الوحيد انهم يخلون اختبارات الناس اللي بالقرى بالمدن القريبه

ولا بتتسرب الأسئله زي كل سنه !!

Cyber Master

20-06-2003, 03:23 AM

تسرب الأسئلة من برا كان السنه الي راحت والى قبلها وعلى خفيف بعد وحلو الثغره هذي لكن السنه هذي فيه تسرب مرعب للأسئلة مواد كثيره حقت البنات بالذات وصل لدرجة انه حتى اسئلة الدور الثاني تسربه (حسب كلام جريدة الوطن)

اما العيال الله يخلف كل الي تسرب مواد قليله ولاهيب كامله زي حقت البنات :D

Arsene Lupin

20-06-2003, 05:15 AM

ههههههههههه

قايل لكم قاطعوا جريدة الوطن :6

Darkness withiN

20-06-2003, 06:06 AM

مشكور أخوي بوب;-)
أحاول أوصل اللنك لكل أخ سعودي بالماسنجر;-)
وإنشاء الله مايطول الحجب.ومافيه ألا كل خير;-)
===========================
-صراحه ماأعتقد لسبب تافه مثل هذا..يحجبون المنتدى لأجله.يعني يقدرون بكل بساطه يكلمون المسؤولين عن المنتدى للتصرف معاهم.والمنتدى غير مسؤول عما يفعله الأعضاء=إذاً لماذا يفعلون هذا؟
أعتقد إن السبب أكبر وأخطر من أسئله إختبارات لو فهمتوا قصدي:-)
===========================
-نشكرك مره أخرى على إهتمامك بالمنتدى وأعضائه يابوب;-)
نشوفكم على خير سي يا;-)

S A I T O

20-06-2003, 06:19 AM

طيب أنا بالرياض و الرابط www.montada.com ينفتح عندي

Darkness withiN

20-06-2003, 06:36 AM

طيب أنا بالرياض و الرابط www.montada.com ينفتح
:cool: الظاهر عندك واسطه:cool: :D
أعتقد لإنك لاتستخدم إشتراك أرامكو^ــ&
سي يا
;-)

أفلاطون

20-06-2003, 03:11 PM

الرسالة الأصلية كتبت بواسطة عماد 18
الكلام اللي كتبته قريته من جريدة الرياض ايام ما كنت في الثانوية ..
و ما جبته من احد ..

انا كلامي موب قبل سنتين او ثلاث انا كلامي جايبه من المسؤول عن الاختبارات ذي السنه...

I`m HeRe

20-06-2003, 03:13 PM

الرسالة الأصلية كتبت بواسطة S A I T O
طيب أنا بالرياض و الرابط www.montada.com ينفتح عندي

عادي أشتراك أثير يفتح <<<أكتشفت هالشي أمس

DE NILSON

20-06-2003, 09:25 PM

الله يعين

ومشكور بوب

عماد 18

20-06-2003, 10:33 PM

الرسالة الأصلية كتبت بواسطة أفلاطون

انا كلامي موب قبل سنتين او ثلاث انا كلامي جايبه من المسؤول عن الاختبارات ذي السنه...
و اظن اني قلت لك ان كلامي جايبه من مصدر مسؤول بعد :) ..
و اتضح ان كلامي قديم لكنه صحيح ..
يعني مو مثل ما قلت انه معلومة خارقة و غيره ..

أفلاطون

21-06-2003, 01:42 AM

الرسالة الأصلية كتبت بواسطة عماد 18

و اظن اني قلت لك ان كلامي جايبه من مصدر مسؤول بعد :) ..
و اتضح ان كلامي قديم لكنه صحيح ..
يعني مو مثل ما قلت انه معلومة خارقة و غيره ..

وش دخل كلامك صحيح قبل ثلاث سنوات او حتى قبل سنه؟؟!!

الظاهر انك ما تدري وش اللي تكلمنا فيه من الاساس!!

------------
الرسالة الأصلية كتبت بواسطة Dr.Lucifer
ليش ما يحجبون... عفواً أقصد يمسكون الي مسؤول عن تسربها من الوزارة بالمقام الأول ؟؟
..

.-

لان الي سربها الطلاب اللي يختبرون اختبارات المرحلة الثانوية خارج المملكة عن طريق المدارس السعودية ..

.

خخخخخخ ما يحتاج اعلق!!

الا ان كنتم تتكلمون عن قبل ثلاث سنوات هذا شي ثاني:أفكر:

ابوتركي

21-06-2003, 08:03 AM

الرسالة الأصلية كتبت بواسطة عماد 18

و اظن اني قلت لك ان كلامي جايبه من مصدر مسؤول بعد :) ..
و اتضح ان كلامي قديم لكنه صحيح ..
يعني مو مثل ما قلت انه معلومة خارقة و غيره ..

من ناحية كلام عماد فما عليه اي كلام لاني انا احد المسربين للاسئله وكانت تاتينا من المكسيك :) للبنات فقط واما العيال فالتراب حلو مذاقه وخاصة لما يبلل بالماء وتفوح ريحة الثرى منه :) وفي يوم الثلاثاء الذي قبل مايقارب اربع ايام فحصل اجتماع وقاموا بتغيير النموذج بحيث يتطابق مع اليابان وباكستان ?: وهربناها بسهوله اكثر من ذي قبل :p

من ناحية استنتاجاتي البنين مادري الاسئله من وين تجي ولا لقيت لهم صراحه اسئله استطعت اهربها واما البنات تجيني وانا مغمض

وفي احد قريباتي خويتها بنت امير وامها ( قصدي الاميره) صديقه مشرفه تهرب لهم الاسئله :غضب: وخاصه اذا مصادري مانفعت احول يمهم:D

ذكرني بالجامعه معنا اثنين واحد من ال سعود والثاني سبيعي وانواع الكرشات للمحاضرات والدرجات توب عندهم?: والسبيعي اخذ في الاخصاء 7.5من30وقدامنا راح والله للعميد وتحولت الى 27.5ووالله العظيم هذا اللي صار وانا وخوياي ماخذين 10 و 12.5 ورحنا نقردن الدكتور وكرشنا من الباب لابارك الله فيه ولافي دكاترة جامعة الملك سعود:" الذين لايخافون فينا الا ولاذمه ولايشعرون باحساس الطالب المسيكين المغلوب على امره ولو كره المعيدين:)
وصراحه قالوا ما احد طلع من جامعة الملك سعود بمعدل 5 الا طالب الا طالب وهو :": عبدالعزيز بن فهد حفظه الله ورعاه ":" واخذها بكل جدا واجتهاد أفكر:

:غضب: حرام بالله ما احد يطلع من جامعة الملك سعود الا و فيه جنب مبتور وجنب ثاني ماكول والباقي مشوي?: :"

عماد 18

21-06-2003, 04:46 PM

الرسالة الأصلية كتبت بواسطة أفلاطون

وش دخل كلامك صحيح قبل ثلاث سنوات او حتى قبل سنه؟؟!!

الظاهر انك ما تدري وش اللي تكلمنا فيه من الاساس!!

خخخخخخ ما يحتاج اعلق!!

الا ان كنتم تتكلمون عن قبل ثلاث سنوات هذا شي ثاني:أفكر:
هو قال ليه ما يمسكون السؤول عن التسرب ..
انا ذكرت احد اوجه التسريب اللي ما لها علاقة بالمسؤولين ..
عرفت وش دخلها ؟؟
و على فكرة ..
يا تعدل اسلوبك و الا راح اضطر اني اتعامل معك بشكل ثاني ..
و هذا تنبيه ..
يعني مرة مرتين نمشيها ..
لكن مو في كل سالفة و الثانية تسوي لي فيها قضية ..
لانك لو تلاحظ انت اللي دايما تحتك ببعض ردودي ..
كأن ردودي صايرة اكبر همك :أفكر: ..

أفلاطون

22-06-2003, 11:52 AM

الرسالة الأصلية كتبت بواسطة عماد 18

هو قال ليه ما يمسكون السؤول عن التسرب ..
انا ذكرت احد اوجه التسريب اللي ما لها علاقة بالمسؤولين ..
عرفت وش دخلها ؟؟

وانا رديت عليك بناء على المعلومه اللي عندي واللي هي تنفي الكلام اللي قلته انت..

الرسالة الأصلية كتبت بواسطة عماد 18

و على فكرة ..
يا تعدل اسلوبك و الا راح اضطر اني اتعامل معك بشكل ثاني ..
و هذا تنبيه ..
يعني مرة مرتين نمشيها ..

اول شي انا ما تناقشت معك الا مرتين -على ما اذكر-قبل هذي المره وكانت ردودي ما فيها اي شي بالعكس كان النقاش محترم وكل واحد كان يقول وجهة نظره..!!

ابي اعرف وين كانت المشكله فيه بس؟!!

والاختلاف كان في المناقشه هذي بس ..

وانا ما توقعت تاخذها بهالحساسيه ... لكن عالعموم اعتذر لك ان كاني غلطت عليك وانا ما ادري..

الرسالة الأصلية كتبت بواسطة عماد 18

لكن مو في كل سالفة و الثانية تسوي لي فيها قضية ..
لانك لو تلاحظ انت اللي دايما تحتك ببعض ردودي ..
كأن ردودي صايرة اكبر همك :أفكر: ..

اعتقد ان مناقشة الاراء ما فيها شي واذا الدعوه كل واحد يقول انا ابي اقول رايي وما ابي احد يناقشني فيه هذا فاهم الدعوه غلط...

من حق اي واحد في المنتدى يقول رأيه في اي موضوع ومن حق الاخرين مناقشته في هذا الرأي..

وعلى قولتك اني احتك بردودك...

لأني من خلال متابعتي للمنتدى العام لاحظت انك دائما تناقش الاعضاء وترد على بعضهم ردود منطقيه... فما فيه مانع اني اناقشك في ردودك واارائك لأنك من القليلين اللي يناقشون بالمنطق...

أفلاطون

22-06-2003, 11:54 AM

ابو تركي

لاني انا احد المسربين للاسئله .

وتقولها بكل فخر بعد:أفكر:

الحين انت تساعد العالم على الغش وشف كم واحد وكم وحده بياخذ الاسئله اللي تسربها(هذا اذا كان كلامك صحيح) والغش ما يحتاج اعلمك انه حرام!!
الله -سبحانه وتعالى- يقول(ولا تعاونوا على الاثم والعدوان) وانت الحين على كلامك من اكبر المتعاونين على الاثم..

الحين هاللي يغشون بيكون نجاحهم موب بمجهودهم بيكون بالغش وعلى كذا ياخذون الدرجات بالغش وينجحون بالغش وشف وش يترتب على نجاحهم بالغش ...دخول الجامعه-الوظيفه... وكل هذا يكون قائم على الغش وانت السبب الرئيسي فيه..!!

والاكبر من كذا المجاهره بالمعصيه!!

Forza Nerazzurri

22-06-2003, 12:04 PM

والله حرام للاسف شوفو موقع الاقلاع فتحوه لانه عندهم عقول مفتحه راحو يشوفون واسطات يقولون انهم مكلمين محمد بن نايف بن عبدالعزيز ;)

شباب بدال هالكلام اللي ماله سنع كل واحد يدبر له واسطه :D

عماد 18

22-06-2003, 10:17 PM

ايه رديت ما قصرت ..
لكن رد بهالطريقة على واحد تمون عليه ..
و في فرق بين مناقشة الاراء و بين محاولة اظهار نفسك بمظهر العالم بكل شي و ان غيرك ما يفهم ..
على العموم بس حبيت اوضح هالنقطة ..

ابوتركي

23-06-2003, 06:04 AM

الرسالة الأصلية كتبت بواسطة أفلاطون
ابو تركي

وتقولها بكل فخر بعد:أفكر:

الحين انت تساعد العالم على الغش وشف كم واحد وكم وحده بياخذ الاسئله اللي تسربها(هذا اذا كان كلامك صحيح) والغش ما يحتاج اعلمك انه حرام!!
الله -سبحانه وتعالى- يقول(ولا تعاونوا على الاثم والعدوان) وانت الحين على كلامك من اكبر المتعاونين على الاثم..

الحين هاللي يغشون بيكون نجاحهم موب بمجهودهم بيكون بالغش وعلى كذا ياخذون الدرجات بالغش وينجحون بالغش وشف وش يترتب على نجاحهم بالغش ...دخول الجامعه-الوظيفه... وكل هذا يكون قائم على الغش وانت السبب الرئيسي فيه..!!

والاكبر من كذا المجاهره بالمعصيه!!

كنت ابي اوضح الحقيقه بس وبعدين خلاص وقفت عن نشرها بعد ما وضع عماد الفتوى واسأله وتوقفت عنها مره

وبعدين انصح نفسك اول شي وشيل صورة الصنم اللي حاطها :) ولاتنهى عن شي وتاتي بشيئا اخر

memy

24-06-2003, 03:12 AM

خلاص يا قماعه :o

الحجب انفك ... بالنسبه لي :6

بس بعد ايش :o

الرعد المخيف

24-06-2003, 09:57 AM

واخيـــــــراً انفتح المنتدى عندي .. :0)
اليووووووووم عندي اخر يووووم في الدراسة
( مابغينا انخلص من هالأختبرات ... )
_______:o :o :o :o :o :o :o :o________
يعني عطلة بعد ما يفتحوه المنتدى ما استفدنا شئ من العطلة :6

وسلاااااااااااااااااااااام .................... :cool:

SNOoOP

24-06-2003, 01:38 PM

ابشركم عطلنا :D

تربتيييييييييييييت :p

وبالنسبه لاسئله الوزاره الي عارفه انها تسرب عن طريق القرى

اما عن ان الغش حرام ومايجوز فهذي مايختلف عليها اثنين

بس وش الي يخليهم يغشون

الا من ذا الوزاره الي تعطيك اسئلة رياضيات تعجيزيه

من زود الوصاخه

يعني بالله واحد يدرس 14 سنه بعدين تجييه ورقه رياضيات مدري وش تبي

تدمر مستقبلك :أفكر:

وسلامتكم

flarestar

24-06-2003, 01:53 PM

الرسالة الأصلية كتبت بواسطة SNOoOP

يعني بالله واحد يدرس 14 سنه بعدين تجييه ورقه رياضيات مدري وش تبي

تدمر مستقبلك :أفكر:

ولا دكتورة حقيرة الله لا يوفقها:o

و دكتورات الله ياخذهم مسوين تحدي مين اصعب اسئلة و مين تسقط بنات اكثر:o

ما اقول الا حسبنا الله ونعم الوكيل... الله لا يوفق الظالم:o

الاشعاع

24-06-2003, 11:08 PM

كيف الحال:)
الحمدلله خلصنا الأختبارات ":" وانشاء الله خير

ثاني شي أشكر المسؤولين على ارسالهم العنوان البديل للمنتدى على
الأيميل

ثالث شي هذي صحيفة الوطن وبالتحديد ايمان القحطاني لابارك الله فيها

من يوم شفت الخبر قلت الموضوع ماراح يعدي على خير (يازين د اس ال:D )
وبعدين العنوان البديل مافيه منتدى الأفلام:واو:

ويازين واحد متصل على الوطن يقول انه مستعد يخترق المواقع المسربه للأسئله ويسحقها سحقا:D

مادرى ان المنتدى اصلا منتهي السيرفر دايم منهار :D

مع تمنياتي للجميع بالتوفيق:)

أفلاطون

25-06-2003, 08:41 AM

الرسالة الأصلية كتبت بواسطة عماد 18
ايه رديت ما قصرت ..
لكن رد بهالطريقة على واحد تمون عليه ..

انا اعتذرت و اكرر عذري ان كانك تشوف اني غلطت عليك..

الرسالة الأصلية كتبت بواسطة عماد 18

و في فرق بين مناقشة الاراء و بين محاولة اظهار نفسك بمظهر العالم بكل شي و ان غيرك ما يفهم ..
على العموم بس حبيت اوضح هالنقطة ..

الله يسامحك اي اظهار نفسي بمظهر العالم واي خرابيط ... انا اشوف النقاش اللي تناقشناه ما فيه اي شي من هالكلام ..!!

يعني انا عندي معلومه في شي معين وجا واحد ثاني وذكر معلومه خاطئه تبيني اسكت؟؟!!

ما اعتقد اني اذا قلتها بيصير هذا من اظهار نفس كعالم في كل شي وغيري ما يفهم!!

وقلتلك انا اعتذر عن الاسلوب...

ـــــــــــــــــــــــــــــــــــــــــــــــــــــــــــــــ

ابو تركي:

.
كنت ابي اوضح الحقيقه بس وبعدين خلاص وقفت عن نشرها بعد ما وضع عماد الفتوى واسأله وتوقفت عنها مره

طيب انت ما ذكرت كذا في كلامك انا وش يدريني:-)؟؟!!

.
وبعدين انصح نفسك اول شي وشيل صورة الصنم اللي حاطها

يا اخي اذا كان الواحد عليه اخطاء ما فيه مانع انه ينصح غيره اذا شاف منه خطأ حتى لو كان نفس الخطأ اللي عليه..

.
ولاتنهى عن شي وتاتي بشيئا اخر

على كلامك هذا يعني اغلب العالم ما ينصحون احد..!!:أفكر: