الماركات لل hardware والأفضليه (مرجع للأعضاء)

[BlackFox]

السلام عليكم

شباب حبيت اطرح هالموضوع ليستفيد منه كل واحد فينه

الموضوع اهو :

كل واحد يعرف بالقطع مثل (موذر بورد - رام- كرت شاشه -كرت صوت - هارد دسك - مروحيات تبريد الخ )

يقول احسن ماركه الي متخصصه اب هالقطعه عشان الي يبي يجمع كمبيوتر يشوف هالماركات

انا طبعا خبرتي قليله اب هالمجال لكن راح اذكر الي اعرفه

البروسسرات : اكيد INTEL شعبيتها اكبر وراها AMD لا ادري ايهم افضل لكن ال INTEL عند الأغلبيه

الهارد دسكات : اقوى ماركه هي ويسترن ديجتال (westren digital ( يمكن الأسم غلط بالأنجلش :)


الرامات : Kingstone والثانيه السامسونغ

السيدي رايتر ( افضل ماركه هي تياك والبعض يفضل asus

كروت الشاشه اكيد طبعا (NVIDIA GeForce والبعض طبعا يفضل ATI فهما اقوى شركتان


واقوى كرت لل جيفورس اعتقد نوعه NVIDIA GeForceFX 5900 Ultra يمكن ما نزل بعده

ولل ATI Radeon 9800 256 MB هم يمكن ما نزل بس حبيت اقولكم انه هذيل اقوى الكروت الي راح تنزل


الموذر بورد :

الشركه الأولى لها الأفضليه gigabyte


والثانيه asus هذا براي الشخصي


الشاشات : اقول شاشه اعتقد اهي
السامسونغ من نوع LCD

LCD 17: Samsung 171N اعتقد اخر وحده منهم بس لا ادري اذى راح ينزلون 19 بوصه او لا


صوره للشكل


http://www4.tomshardware.com/display/20030221/images/intro.jpg




الكيس : ATX






طبعا هذا الي اعرف بقا كروت الصوت والمودم والمروحيات


اي واحد شباب عنده فكره يحط او ماركه زينه


اي غلط صلحولي يا او تعليق او اضافه عادي اتقبل ارائكم


يريت شباب تتفاعلون مع الموضوع واي واحد عنده خبره يضيف لأنه الراي مهم بالنسبه لنا ومافي مانع واحد يقول اكثر من شركه



ومشكووريين :)

[محمد همام]

فعلاً موضوع رائع

سأشارك به عما قريب

[MSB]

الشاشات الأفضل الحين على كلام وندوز LG
ويسرن ديجيتال وجوانتم الهاردسكات
المذربودات جيجا بايت الأفضل ثم اسوس بس انا افضل اسوس
بالنسبة لكرت الشاشة اعتقد FX الحين بيسيطر
كروت الصوت للميزاينات الأفراد كرييتف والشركات":"

وعقب بكمل:)

[احمـ 9000 ـد]

بالنسبة للأداء الاسوس افضل من جيجابايت لأنها دايما تطور في مذربورداتها زيادة عن المواصفات للشيب اما جيجابايت تحط المواصفات
الاعتيادية الي تنص عليها انتل (بالنسبة للشيب)

اسوس ابداع=====> معادلة (1)

جيجابايت تتفوق بالسعر عن اسوس.

جيجابايت السعر======> معادلة (2)

والباقي عليكم اطرحوهم واجمعوهم

:D

[AbuEve]

سلام.....يابعدهم.....


....مأقدر اقول شي غير الله يرحمهم:0) :0) :D :D ..... لكن انتظرونا في موضوعي الاعظم....وشكراً للك يأخي BlackFox على الفكرة المميزة.


....AbuEve....
القلب النابض

[BlackFox]

السلام عليكم

ا
ولا شكر خاص لكل من رد علي



بالفعل اخي MSB
ال FX مبين علي بسيطر بس اعتقد جيفورس نزلو كرت يمكن اهو ال fx لكن سحبو من السوف اب فتره سريعه جدا لأنهم اكتشفو مشكله بالحراره يعني بسرعه يحتر لكن انشالله يعدلونها :)



احمـ 9000 ـد
بالفعل اسوس التقنيه اكبر في كل شئ يعني اسوس متفوقه بشكل عام اب جميع الهاردوير والتقنيات لكن الكثير يفضل قيقا بايت مع انها غاليه شوي مادري يمكن علشان اسمها يخرع لأنه اي مكان تروح تسال ايهو احسن يقولك قيقا بايت فاصبح ذات شعبيه واسعه

AbuEve العفو :)



بانتظار مشاركاتك الحلوه محمد همام :)


المهم

نسيت اضيف ماركه للسيدي رايترات وهي SONY يعني اهي بشكل عام عمليه يعني تظل عمر معاك بس سعرها شوي مرتفع
حتى السيديات الفاضيه SONY اهي بالصداره و LG بشكلها الرائع

المودم : اكيد اب كل زمان ومكان
US Robotics

وايضا
Creative
للي يبي سعر منخفض واداء جيد

ومشكورين

[BlackFox]

نسييت شي

وهو البور سبلاي : يفضل Enermax بقوه 550 واط للي يبي طاقه كافيه

السماعات : حق الي يبون صوت ولا اروع واقوى وجوده ياخذ سماعات

Klipsch ProMedia 5.1 THX Certified Computer Speaker System (6-Speaker, Black)
وهذي صوره لشكلها
http://electronics.realbuy.ws/images/B000062VUQ.M.jpg



ما اعتقد في احسن من جذي سماعات وصوت :)
بس مشكلتها السعر غالي جدا اعتقد



وهذا كرت الصوت

Creative Labs Sound Blaster Audigy

صوره
http://electronics.realbuy.ws/images/B00005PK7P.M.jpg


الكيبورد والماوس :

Logitech Cordless Elite Duo Keyboard and Mouse Combo

كيبورد وماوس بالكرتون ايون مع بعض

استخدام ممتاز وراحه وشكلهم حلو بعد وايضا في مميزات عديده

ويشتغل عل جميع انواع الوندوز لكن بشكل خاص الأكس بي لتناسقه الشديد معه من ناحيه البرامج

صوره للشكل
http://store5.yimg.com/I/extremepcgear_1744_2241332



بالنسبه للهاردسكات اليوم انا قريت باحدى المواقع

انه شركه Maxtor واهي بعد لا تقل اهميه عن ويسترن ديجتال يعني تنصف الماركه الثانيه بعد ويسترن ديجتال تنوي طرح هاردسكات بسعه

320 قيقا بايت 5400 دوره في الثانيه

250 قيقا بايت 7200 دوره في الثانيه

نجد انه سرعه الثاني اكبر لكن سعه الأول اكبر يعني الي يهتم بالسرعه ياخذ الثاني والي يهتم بالسعه ياخذ الأول

بس 320 قيقا تكفي مستندات الدوله كلها :)لووووووووول

يعني اعتقد حق الأستخدام لمنزلي العادي يكفي 80 لكن كل واحد وحسب رغبته




كاميرات الديجتال :

SONY و سامسونغ

لكن اعتقد كانون (Canon ) بالتقنيه والشكل والحجم افضل

حبيت اضيف للمعالجات معالج
Intel Xeon الي راح تنزله انتل اعتقد راح يكون تطوير كبير للبانتيوم

واي شي يديد انشالله ايبه لكم او اضافه


ومشكوريين

[بروسلي]

بالفعل موضوع رائع و ينفع المبتديئين أقصد لناس المحتاجين يشترون أجهزة جديدة .
وأنا اثنانين من الجماعة موكليني اشتري أجهزة لعيالهم و أنا محتار لأفضل القطع و الأسعار المناسبة.... الله يعيني
ومشكور يا BlackFox على الموضوع الرائع;-)

[MSB]

الرسالة الأصلية كتبت بواسطة بروسلي
بالفعل موضوع رائع و ينفع المبتديئين أقصد لناس المحتاجين يشترون أجهزة جديدة .
وأنا اثنانين من الجماعة موكليني اشتري أجهزة لعيالهم و أنا محتار لأفضل القطع و الأسعار المناسبة.... الله يعيني
ومشكور يا BlackFox على الموضوع الرائع;-)


لو كنت بدبي او الشارجة اقدر اساعدك:)

[بروسلي]

الرسالة الأصلية كتبت بواسطة MSB



لو كنت بدبي او الشارجة اقدر اساعدك:)
شكرا لك يااخوي MSB ألف شكر على كلامك الطيب اللي يثلج الصدر;-)
تصدق الشخص الموكلني اشتري الجهاز لولده يروح الإمارات شهرياً او كل شهرين ، حتى يقول في دبي مجمع كامل مختص بأجهزة الكمبيوتر وأحتار المسكين:D :D يوم شاف أنواع و أشكال الكمبيوترات:D :0) (تورط فيها)

ياشباب وش أفضل رايتر مفصول نزل في الأسواق أنا حصلت رايتر من شركة Acer وسعره 750 ريال !!؟ وش رايكم

ما قصرت ياأخوي MSB يليت أقدر أزور الإمارات عشان تساعدني........................ :" :"

[BlackFox]

اخي بروسلي

هل تقصد منفصل يعني خارجي ؟

ولكن انصحك تبتعد كليا عن هذي الماركه Acer صحيح انها عمليه لكن تقنيتها هابطه شوي وماتفيدك

احسن شي اخذ plextor


واذا ما تقدر على اسعارها فخذ

Lite on
فهما بالرايترات اقوى شي




الفلاش ميموري :


اليوم حبيت اتكلم عن هذا النوع من انوع التخزين فهي بطاقات تخزين لا يتعدى حجمها عن حجم الأصبع بسعات تخزين كبيره الى جانب انها سهله التنقل

السعات

4mb
16mb
64mb
128mb
256mb
512mb

صوره للبطاقه
http://www.knowledgemicro.com/img/FLASH-128M.jpg

وهذا النوع من البطاقات يتركب على وصله ذات مخرج usb (يعني سهل التركيب وسريع التحكم بالملفات

والأن هذي البطاقات تستخدم لبعض الهواتف النقاله

افضل ماركه: فهي بالطبع Samsung

لأدائها العالي وسعرها الرائع :)


ومشكورين

[gangster_kw]

بروسيسور : انتل بانتيوم 4 مو سيليرون

الرام: كنجستون ووراها ايي السبكتيك specktec

الهارد ديسك: W.D ووراه الsegate

كرت الصوت: كريتف بلا منازع

الفلوبي: سوني

cd - dvd - writer etc : ماركه LG هل الافضل

كروت الشبكه والفاكس والخ: us. robotics

كرت الشاشه: شيب من انتاج nvidia وانتاج MSI سعرها حلو وقوي في الاداء

مذربورد: asus اولا giga-byte ثانيا MSI ثالثا .. طبعا الintel زينه بس محد ياخذها :p

السماعات : كريتيف

[بروسلي]

[QUOTE]الرسالة الأصلية كتبت بواسطة BlackFox
[B]اخي بروسلي

هل تقصد منفصل يعني خارجي ؟
-----------------------------------------------
نعم .

ولكن انصحك تبتعد كليا عن هذي الماركه Acer صحيح انها عمليه لكن تقنيتها هابطه شوي وماتفيدك
------------------------------------------------
بس للأسف أكثر المحلات يبعونها أقصد متوفرة و مسوين إعلانات كثيرة ، لكن الحمدلله إنه ما اشتريت شيء راح اسئل عن الماركات اللي تحت!

احسن شي اخذ plextor


واذا ما تقدر على اسعارها فخذ

Lite on
فهما بالرايترات اقوى شي
----------------------------------------
مشكور الله يعطيك العافية ما قصرت....
أشوى ما اشتريت شيء راح أدور كل اسواق الرياض حتى اشترى الماركات اللي اخبرتني عنها .
بس إن شاء الله ما يكون فرق السعر بينهم كبير آخاف اتوهق:0)

[BlackFox]

gangster_kw


مشكووور حبيبي على مشاركتك القيمه




بروسلي :

وين انك ما خذيت ايسر بالنسبه للأعلانات هم احنه بالكويت الجرايد ترس اعلانات كمبيوترات ايسر مادري شفيهم على هالماركه الظاهر الكميات طايحه اب جبدهم

طبعا plextor ممكن راح تتوهق اب اسعارهم لكن مو لي اقصى الحدود

بس Lite on بالأسعار شي ما حصل صراحه وجوده عجيبه

اذا ما قدرت لل plextor
فخذ Lite on لا تقل عن الأولانيه بكثير

وذا ما قدرت على اسعارهم اثنينهم قولي اشوفلك ماركه ارخص











الفلوبي دسك : قال الأخ gangster_kw سوني

لكن افضل السامسونغ اولا ثم سوني هذا براي الشخصي طبعا



مراكه الكمبيوتر : نسيت اقول راي اب هذي النقطه لأن كثير من الناس ياخذون كمبيوترات جاهزه من شركات بدال التجميع طبعا لأن الكثير ما يعرف يجمع فالترتيب كالأتي :


1- اكيد الأفضل Getway
2- Dell هم ممتازه
3- Compaq
4- acer اكيد اخر مركز :)





الموذر بوردات : نسيت اضيف شركه وهي ABIT طبعا هم زينه ولا يستهان فيها


صوره لهذي الموذر بورد من نفس النوع



ABIT NF7-S :



http://www.sharkyextreme.com/img/2003/06/abit_nf2/board.jpg






ومشكوريين

[بروسلي]

شكرا لك BlackFox الله لا يحرمنا منك
رحت السوق أمس و توهقت و تفشلت يوم شفت الأسعار مختلفة حق الأجهزة فيه جهاز نفس المواصفات بس السعر 1600 و الثاني1990 يوم رحت للمحل اللي اشتريت منه جهازي قلته الصراحة أنتم اسعار اجهزتكم غالية ’ , قال لي البائع : ليش ؟؟ , قلته : الحين لقيت جهاز ب1600 ريال !! و انتم عندكم1990 ليش فرق كبير !!,, قال لي اسئله عن المذر بورد .
يوم سئلت عن المذر بورد طلع ماركة غريبة اسمها Mach4 رحت للمحل للي اتعامل معه و قلته عن المذر بورد قالي الصراحة ما أدري . قال أنا عندي المشهور و الممتاز اللي هو MSI .

والله تفشلت قدام قريبي أتنمى احد عنده خبرة في المذربورد يقولي وش آخذ ،،لأنها الصراحة مسؤلية ؟?: ?: ?: ?: ?: ?:

[gangster_kw]

العفوو

بالنسبه لماركات الكمبيوتر بالنسبه لي:
1- IBM بلا منازع
2- ديل :)
3-hp

والبقي تاتي :)

-
بلاك فوكس:
انا قريت بموقع anandtech مسوين مقارنه بين المذربوردات اليديده الشغاله على شبسات 865pe او 875e

وكان بالمركز الاول Abit بعدين asus بفارق قليل وثالثا gigabyte

بس للاسف بالكويت ماكو abit دورت عليها وما حصلتها :s

انا ابي abit : is7 صج روعه (y) :d


-
اخوي بروسلي :
اسمح لي للتطفل والرد
:#

بس اذا كنت تبي جهاز استخدام متوسط الى عالي نسبيا
اخذ هذا المذربورد:

Giga-Byte: 8IN-XP
ممتازه جدا وسعرها نزل الحين لي النص بسبب الشبسات اليديده :)


سلام

[بروسلي]

مشكور gangster_kw
و سامحوني على الأسئلة الكثيرة :#

[BlackFox]

شكرا لك مرثالنيه gangster_kw

والله يا اخي شقولك معقوله ما قدرت تحصل هاللوحه بالكويت الصراحه شي يفشل انا ما تاكدت اب شارع من خلدون لأني ما اروح وايد اهناك

ما ما رحت هالمكان جرب روحله لأني حولي احسن شي واسالهم abit : is7

اذا مافي يعني شنو الأمل يعني لازم ندفع عالأنترنت او دبي صراحه دبي شي عجيب بالقطع اعتقد اهي احسن دوله خليجيه اب هالسوالف الفال لنا انشالله :)















العفو اخوي بروسلي


ما سوينه الا الواجب

بس اذا ما قدرت على سعر الموذر بورد الي حطه الأخgangster_kw


فاتجه الى MSI 865PE Neo2

فهي لوحه قويه قويه جدا جدا بسعر خيالي

وهذا موضوع لها للأخ محمدS.M


http://www.montada.com/showthread.php?s=&threadid=211825

وشكرا لكم

[MSB]

بالنسبة لدبي القطع موجودة بس نصهم نصابين:أفكر:


ابيت رهيبة وبخاصة تقنياتها بالأخص ريد ستورم بس اسوس بنظري الأفضل:)


مشكور على الموضوع الهوووووووووووووووت":"

[gangster_kw]

بلاك فوكس:
يا هلا اخوي
-

انا كل اسبوع مناك بشارع بن خلدون :D بين مجمع ولاء وقيروان والملا وغيرها :)

للاسف ما لقيتها .. لقيت انواع قديمه من ماركه abit وهذا يرجع لان مالها وكيل بالكويت

-
بس giga0byte اول باول تحصل المذربوردات اليديده وكروت الشاشه وغيرها :)

وكيلها بسرداب مجمع ولاء وشغل (y)





-
صحيح هم لوحه MSI اليديده ممتازه ويرجع ذلك لان الFSB تبعها يوصل الى 800لاستخدام المحترفين
لكن اللي انا ذكرتها استخدامها متوسط الى عالي نسبيا وسرعة الfsb توصل لي 533

[BlackFox]

مشكووور حبيبي gangster_kw

بس ممكن تقولي اب روحاتك حق حولي لقيت احد انوع هالسماعتين او لا
بالكويت

وهما



الأولى :

Klipsch ProMedia 5.1 THX Certified Computer Speaker System (6-Speaker, Black)
وهذي صوره لشكلها
http://electronics.realbuy.ws/images/B000062VUQ.M.jpg

او

الثانيه :

System Speakers: Creative Inspire 6600 6.1 Speakers


صوره للشكل

http://www.sharkyextreme.com/img/2003/04/he_guide/inspire_spkr.jpg



لأنه مو وايد انه ابحولي بالشهر مره يمكن :(


MSB

شكرا لك وعلى ردك الحلو :)

لكن عندي سوال وهو تقنيت ريد ستورم

هل هي مالت الهاردسكات يعني تقنيه التوصيل aTA او SCSI لأني قاري عن هالتنقنيه لكن ما اتذكر شنو قريت عنها :(



نأتي للماركات :

الباور سبلاي (مزود الطاقه):

طبعا في وايد انواع سكه ابو 5 دنانير والي اب 15 بويمين ويحترقون

وعدم توافر الماركات الجيده في الخليج

ولكن افضل ماركه هي :

Antec يعني نادر ما تحصلها
تعبت وانا ادورها بالمحلات الي بقوه 550 واط لكن تعبت يعني املي اني اطلبها :(


المعالجات : راح اجدد وهو النوع اليديد


The Pentium 4-3.2 GHz Processor

الي يتميز بناقل 800 والمعروف انه المعالج 3.060 كان ما يدعم هالتقنيه
وطبعا مع اصلاح بعض المشاكل اعتقد
يعني معالج روعه :)

صوره للأداء في برنامج 3dmark

http://www.sharkyextreme.com/img/2003/06/p4_32/3dmark_2003_cpu.jpg

تبين قوه المعالج




واب خصوص السكنرات

طرحت موخرا شركه كانون (canon) والمذهله بالتقنيات

سكنر بوصله USB 2.0 يعني سرعه اكبر

وجوده ودقه عاليه بالألون تصل الى 48-bit

ومشكوريين

[gangster_kw]

يا هلا اخوي بلاك بوكس :)

بالنسبه للسماعات

فماركة كليبش انا سامع عن اداءها المذهل..
لكن للاسف ما شفت منها عندنا :":

-

بس سماعات كريتيف موجوده !

ب6 سماعات او 5 سماعات او حتى 4 كلها موجوده :)

عندك الوكاله تبيع : الصراف للكمبيوتر , او محل bestbuy يم مجمع ولاء وغيرهم :)

-

بالنسبه للباور سبلاي
اي والله مثل ما انت تفضلت وذكرت
بالخليج ما يهتمون بالماركات
على عكس دول بره لان يدرون ان المحول قاعد يغذي الكمبيوتر بالطاقه اللازمه وبكفاءه عاليه

واكثر شي استخدمه اهو mercury :أفكر: رخيص ويحترق كل سنتين :0)

انا بعد مثلك دورت على قوه عاليه مثل 420 وفوق
لكن للاسف كله الاقي 350 وفي محل قالي بييب لي قوه 400 وانا ناطر رده :أفكر:

-
وتره بعد معالج بانتيوم اليديد 2,8 في فرجن يدعم تقنيه نقل 800 :)
هذي اقل سرعه تدعم هذي التقنيه :)


سلام

[BlackFox]

شكرا مره اخرى :)

لكن بالنسبه لل mercury

فجيد جدا اذا يحترق كل سنتين
انا الي عندي كل اسبوع :(


نعم بالنسبه لهل الفيرجن اب هالمعالج فقوي جدا اب هالميزه


فتقريبا هذي السرعه الي ذكرتها فهي مثاليه لجميع الأجهزه ولجميع الأستخدامات :)



واب خصوص السماعات زين المهم موجود كريتيف
اعتقدت انها بعد مو موجوده :)



وارجع للموضوع

لمحبين ال LAN PARTy game اي شبكات اللعب اذا كان متوفر بالبيت اكثر من جهاز

فهالموذر بورد قويه جدا بال LAN

DFI 875P INFINITY (pro875(

فهي تحتوي على جميع التقنيات

مثل:

داعمه لل Dual Channel DDR400
و

الأوفر كلوك بسهوله
تستخدك Intel® 875P chipset
و

داعمه لل AGP X8
ومدعم معها كرت صوت ب 6 قنوات

و SATa


و 8 مخارج لل usb 2.0
والكثير



امعرفه المزيد من المواصفات


http://www.lanparty.com.tw/LP1/features/features_us.jsp





http://www.lanparty.com.tw/Product/xx_product_spec_details_r_us.jsp?PRODUCT_ID=1701&CATEGORY_TYPE=MB


الصفحه الرئيسيه http://www.lanparty.com.tw

ومشكوريين :)

[MSB]

انا ما استسيغ اي مذر تعتمد على شيبات انتل:أفكر:
دوم احس بيها نقص ومشاكل:)
كل مرة استخدمها بيها مشاكل:أفكر:
بالنسبةلمذربوردك تقريبا لين الحين لايوجد صفات محددة برامات الدول يوجد الكثير من المشاكل الا لو الشركة مجربة:)
السماعات تكفي كرييتف:)

[gangster_kw]

MSB:
العيب مو في الchips
العيب في الشركه المصنعه للمذربورد
:)

ويفضل ان يكون شيب المذربورد انتل نفس نوع المعالج
اخوان يعني :D

[BlackFox]

السلام عليكم
نعم اخي MSB

انا اتفق مع gangster_kw


العيب مو من الشيب العيب من الموذر بورد نفسها لأن الغالبيه تستعمل شبسات انتل بنوع
865PE
و
875

مثل

asus -gigabyte-msi

فالجميع رائعين

لكن الذكي اهو الي يختار الموذر بورد الصح :)

فانا بنظري شبسات انتل بالمرتبه الأولى والثانيه
SIS

هم زينه
لكن عندي سوال

هل تعتبر nForce2 chipset

شبسات للموذر بوردات يعني في شركه تتدعم هالشبسات ولا هذيل بس حق كروت الشاشه لأنه قاعد اقراهم بس مادري هالشب حق شنو يعني الموذر بوردات ولا كروت الشاشه


http://www.sharkyextreme.com/hardware/motherboards/article.php/2217921

انظروا الى هذي الصفحه

تتكلم عن موذر بورد abit
وحاطين شب النيفيديا فشنو قصدهم؟؟




ممتازه 8IN-XP
من gigabyte
وتعتمد على شبسات انتل




الهارددسكات :

Western Digital 250GB Special Edition Combo Drive Review

قويه من ويسترن ديجتال

هاردسك بقوه 250 قيقا

7200 دوره بالثانيه

والحلوه في انه في مخارج من الخلف لل

USB-fireware-IEEE 1394


http://www.xbitlabs.com/images/storage/wd-250gb-ext/box-1s.jpg


ومشكوريين على ردودكم



:)

[gangster_kw]

black fox :
يا هلا اخوي :)

nForce2
شبسات تصنعها شركه nvidia
توها يديده بهذا المجال :D

وشيبساتها هذي تشتغل بس على معالجات AMD
واهي ممتازه جدا للالعاب ال3d خصوصا ويه كرت جيفورس :cool:

ولي الحين ما نزلوا موديل يشتغل على معالجات انتل

لكن المذربوردات اللي تعتمد على انتل حتى الان في المقدمه :0)

-
الهارديسكات:

صحيح احسن ماركه اهي W.D :d
جداااا ناعم في القراءة smooth وماله صوت مزعج واسرع شي

لكن اللي يوصل منيه الكويت موشي :( مو ببوكس كله oem

احسن شي بسوقنا اهو segate
وبعدين maxtor لكن انا ما احب هالماركه


-
اخوي بلاك بوكس: اليوم لقيت محل اييب case ماركه Aopen وبقوة 400 وات :)
اسم المحل: professional بمجمع ولاء الدور الثاني فوق داخل العماره

-
اليوم شريت لعمي منه جهاز .. روووووووووعه بالمواصفات وبنفس اليوم ركبه
:0)



سلام :)

[MSB]

بس مب كل ال OEM :":

شي OEM كووووووول:)


ياخوي احسن شيبات انتل لا يستحق الأعتماد عليها:افكر:

ويسرن ديجيتل رهييبة بعد ماكستور وجوانتوم وسي جيت:)

[gangster_kw]

MSB:

ادري اخوي مو كل oem مو زين :)

انا الدرايفرات كله اخذها oem

بس بالنسبه لهارديسك ماركة خصوصا W.D لا تاخذ :)

-

اخوي البروسيسرات انتل .. يفضل تركب شبسات انتل :أفكر:

خل احساسك بعيد عن هذي المساله الرياضيه المحلوله :p


واذا كلش ما تبي شبسات انتل , ركب شبسات VIA مع ان تقنياتها ابطيء من انتل

[BlackFox]

شكرا لكم

مشكوور اخي gangster_kw


على الشرح

والله انك مو هين :)
زين لقيت case ماركه Aopen وبقوة 400 وات يعني خوش ماركه ولو اني كنت اطمع اب 550 واط بس هم مو مشكله :)






لكن اخواني ما فهمت ال oem يعني شنو ؟

يعني الهارديسك ما اي اب كرتونه ولا شنو ؟

ودام تقولون الويسترن مو زين اب سوقنا عيل ما بقا الا segate


لأنه الماكستر سمعت انه في بعض المشاكل الطفيفه مع تقنيه RAID التي تدعمها الموذر بوردات اليديده والله اعلم :)



ناتي الى موضوعنا :


البروسسرات :

تنوي انتل بطرح اخر بروسسراتها وهي

Intel Prescott 3.40GHz

بناقل 800

وبنفس السوكت

Socket 478
و 1mb كاش ميموري


تقول انتل انها بهذا البروسسر اصلحت جميع الأخطاء من فئه بروسسرات

3 قيقا وما فوق وبتظمنه تقنيات جديده فائقه الأداء



وهذا الأسم سيكون رمزيا وهو البريسكوت
والذي يتضمن 100 مليون من الترانزسسترات والذي سيكون منافس قوي جدا لل AMD Athlon 64

وموعد طرحه في الربع الرابع هذي السنه اي تقريبا في اكتوبر

وتقول انتل انها سوف تخفض اسعار معالجاتها في اكتوبر على النحو التالي

be priced at $420, $275, $260, $220 and $180 for 3.20GHz (800MHz), 3.0GHz (800MHz), 3.06GHz (533MHz), 2.80GHz (800MHz) and 280GHz (533MHz)

وراح يكون سعر المعالج اليديده


640 دولار ما يعادل 190 دينار كويتي

ولا تنسون النصب الي عندنا يعني سعره راح يصك 200 لوووول

اشتري كمبيوتر احسن :)


وتقول انتل انه هذا السعر جدا رمزي ومنخفض مادري شلون يفكرون الصراحه


بس يمكن يستاهل هالسعر ما ندري :)


المصدر

http://www.xbitlabs.com/news/cpu/display/20030707081626.html


طبعا يقول هالمصدر انه هالأخبار مو من مصدر رسمي

لكن ما علينا الا الأنتظار


ومشكوريين

[gangster_kw]

بلاك بوكس:
العفو :)

oem يعني اتيي 10 قطع او اكثر بكرتون واحد , كل قطعه مغلفه بس بكيس نايلون
مثلا لمه تروح تشتري الفلوبي ديسك يكون بدون كرتون يعني oem

oem يكون ارخص بالسعر لكن هناك احتمال ان بين كل 100 قطعه في قطعه تكون رديئه

-

صح اخذ segate ولو ان ابطيء :)

وماكستور انا الحين استخدمه ومافيه شي بس
كان عندي الWD افضل

واذا بشتري مره ثانيه هارديسك بشتري wd وبجازف
:p


-
البروسيسرات هالايام صايره عجييييبه :)

قويه وايد


وشكرا عالاسعار :)

[BlackFox]

مشكوور حبيبيgangster_kw

اي زين يعني اذا كان في جظ تقدر يطيح معاك هاردسك زين لأنه الأحتمال بسيط


بس شلون اييبون الهاردسكات اب كرتون واحد يعني الشركه اهي اساسا تصدر الهارد دسك مغلف اب كرتونه وتصدره شلون ايلنا اب كرتون واحد يكون في اكثر من حبه وهذا خطر لأنه يمكن يتاثرون بعد الهاردسكات اب بعض لأن حساس اذا اصتدم اب اي شي معقوله الجمارك تفتح الكراتين واتيمع كل جم حبه اب كرتون واحد :)

على كل

[gangster_kw]

عادي اخوي يصدرونه بدون كرتون :)

لان هذا الOEM اساسا حق شركات تصنيع الكمبيوتر مثل كومباك وغيرها
لمه تشتري من المصنع تشتري بكراتين مجمعه oem وتركبه بالجهاز
شيسوون بالكرتون :p
وثاني شي يكون ارخص بسعر الجمله

وصح كلامك ينخاف عليه لان يمكن بالنقل والشحن يتأثر
واشلون يشيلونه الهنود
:6

علشان جذيه من بينل كل 100 قطعه تطلع وحده خربانه
وهذي النسبه تتغير على حسب الشحن والظروف :)

-
روح محل بروفيشنال والقي نظره على الoem
:D
تلاقيه حاط cd-rom اكثر من 50 على رف :D
شفته بعيني يطلعهم من الكرتون وكل كرتون فيه 20 درايف

-
وحتى الرامات تتعامل بالoem
لمه تشتريه يحطه له بكلينكس مو كرتون :)



سلام

[BlackFox]

شكرا gangster_kw

صحيح مثل ما قلت انا كله اشوف الرامات اب كلينكسات يحطونها لكن هل في رام الديوال الي بشريحتين اب قوطيها لأني خايف من سالفه الكلينكسات :( ؟




نرجع حق موضوعنه

الموذر بوردات

لمن يحب قوه الأداء والصناعه من شركه abit المعروفه


فأكيد موذر بورد

ABIT IC7

بطقم رقائق Intel 875P

صوره للوحه
http://www.xbitlabs.com/images/mainboards/abit-ic7/abit_ic7_mb_300.jpg

وهذي المواصفات الرئيسيه

CPUs
Intel Pentium 4/Celeron in Socket 478 Packaging with 400/533/800MHz Quad Pumped Bus and Hyper-Threading technology. Though, ABIT claims that processors with 400MHz QPB are not supported.

Chipset
Intel 875P

FSB Frequencies
100-414MHz (400-1656MHz Quad Pumped)

Functions for overclocking and tuning
Adjustable Vcore, Vmem, Vagp, Independently adjustable AGP and PCI clocks

Memory
4 DDR SDRAM DIMM slots for PC2100, PC2700 and PC3200 memory, up to 4GB

AGP
AGP 8x

PCI
5 slots

USB 2.0
8 ports

FireWire (IEEE1394)
3 ports

Parallel ATA
2 ports, ATA-33/66/100

Serial ATA-150
2 ports, RAID 0 support (ICH5R)

Integrated Audio
6-channel AC’97 (Realtek ALC650E)

BIOS
Phoenix-Award v6.00PG

والي اعجبني باللوحه انها

تحتوي على 3 مخارج لل
FireWire (IEEE1394)


طبعا الحلو اب هذي اللوحه والي انا اعتبرها الميزه الرئيسيه


انه الأوفر كلوك مالها سهل جدا ويعطي نتائج 100%

يعني مضمون

طريقه ابديت اللوحه بالصوره
http://www.xbitlabs.com/images/mainboards/abit-ic7/flashmenemu_1.png

بالفلاش menu

يعني كلك وداونلود ورستارت يعني عمليات سهله للأبديت

التحكم الكامل بالموذر بورد وقطع الهاردوير الي مركبه عليها كما هو واظح بالصوره http://www.xbitlabs.com/images/mainboards/abit-ic7/winbond_doctor.png

طبعا كل اللوحات اليديده تحتوي على الأوفر كلوك لكن انا اضمن الأوفر كلوك ملوت هالشركتين
asus-abit

بعكس الجيجا بايت فتظهر بعض المشاكل والأستفاده من الأوفر الكلوك مالها ماياتي كثر اسوس و ابيت وهذا بالنسبه لراي الشخصي والله واعلم





ومشكوورييين :)

[gangster_kw]

بلاك فوكس :

عادي اخذ الرامات بكلينكس :)
الديال والddr وكلهم

لا تحاتي :cool:

لان اذا طلع على حظك قطعه رام خربانه .. تقدر تروح للمحل وتبدلها بسهوله .. عليها كفاله سنه ... اخذ ماركه محترمه مثل kingston

عكس الهارديسك اللي كل بياناتك تروح :s اذا طلع خربان

يعني لاخوف من الرامات :)



-
بالنسبه للمذربوردات:

حاليا وشخصيا

احسن مذربورد بطقم شيب 875P برايي وعاجبتي اهيه:

MSI 875P Neo-FIS2R (Intel 875P Chipset


واكثرها ثباتا بالاوفر كلوك
والعاب الثري دي

وحازت على استحسان افضل مواقع الهاردوير مثل anandtech و t-break و Motherboareds.org وغيرها :)

وهذي صوره لها

http://www.msi.com.tw/images/product_img/mbd_img/6758.jpg


وسعرها ممتاز جدا جدا عكس الغيغا بايت واسوس :0)


وهذي صفحتها بالنت , وتحتوي على المواصفات وغيرها :

http://www.msi.com.tw/program/products/mainboard/mbd/pro_mbd_detail.php?UID=434&MODEL=MS-6758





سلام :)

[BlackFox]

السلام عليكم

شكرا لك على المتابعه اخي gangster_kw :)

واشوه طمنتي على الرامات لأني كنت خايف من هالسالفه



وفعلا انا نسيت شركه MSI اسعارها الصراحه خياليه وعجيبه وما اسمع اب لوحتها اخطاء او مشاكل

خصوصا اب ميزتها core cell مالت الحراره



وفعلا هالموذر بورد الي عرضتها قويه جدا بالنسبه لسعرها 145.00 دولار
الصراحه سعر حلو وهي اساسا هذي اللوحه الوحيده الي عندهم اب طقم رقائق ال 875P


بعكس الجيجا بايت فسعر اللوحه الي ابيها GA-8KNXP Ultra تقريبا 371.00 دولار او اكثر يعني فرق كبير بالسعر


لكن بسالك حبيبي اب خصوص لوحتين اذا موجودي بالكويت ولا لا اذا رحت يعني تشتري شي اب طريجك تسالي اذا تكرمت

وهم

1- GA-8KNXP Ultra من جيجا بايت لاحظ انها الترا مو العاديه يعني الأيدد و

2- MSI Neo-FIS2R الي عرضتها انت

هل موجودين بالكويت اب كراتينهم يعني مو قوطي بلاستيك ومادري شنو يعني جذي بالكرتون يديده http://www.accupc.com/images/product_large_images/mbga8knxpult.jpg


تدري اخاف بعد حتى الموذر بوردات يحطونهم اب اكياس

يعني انت عندك معلومه اب هاللوحتين انهم موجودين بالكويت ولا لا
وجم اسعارهم بالكويت اذا كنت تعرف بس مو مهم السعر ابي اعرف اذا متوفرين او لا واذا مو موجودين هل في امل ينزلون ولا لازم طلبيه :( ؟



وبس


واشكرك مرثانيه

[gangster_kw]

يا هلا اخوي بلاك فوكس :)

والعفوو . واجبنا :)

-
بالنسبة للمذربوردات انا قبل اسبوع رايح شارع بن خلدون وشفت التالي:

1- الغيغا بايت ما شفتها نازله 8knxp ultra لان حتى انا كنت بركبها لجهاز عمي :)

بس اخر مذربورد غيغا بايت كانت نازله يوم ما رحت ويه عمي علشان يستلم جهازه كانت GA- 8PENXP اذا تعرفها وطقم شيبساتها 865pe الاقدم
وكان سعرها حوالي ال80 دنانير ,, واتيي بكرتونه اصليه من الشركه وكاله :)



2- msi والله مو متاكد لان مالها وكيل وبعض المحلات اييبونها .. لكن شفت عند محل msi 875p Neo العاديه مو fis2r وما اعرف سعرها الصراحه :)


سلام





:D

[BlackFox]

اشكرك حبيبي gangster_kw
:)


الرامات :

منقول من عرب هاردوير كالتالي :




اعلنت شركة Kingston المتخصصة بإنتاج الذواكر عن توفر ذاكرة من نوع PC4000 والتى تعمل بتردد DDR500MHZ. الذاكرة الجديدة تدعم توقيت CAS Latency 3 على تردد 500 ميغاهرتز و CL2 على تردد 400 ميغاهرتز.

بالرغم من عدم وجود اى مواصفات رسمية لهذا النوع من الذاكرة إلا ان شركة Kingston تزعم بان هذه الذاكرة متوافقة مع المواصفات الرسمية لذاكرة DDR400. هذا الزعم تشوبه بعض التساؤلات لان الشركة بنفس الوقت تنبه الى ان هذه الذاكرة غير مخصصة للاسخدام العام ولكنها موجهة للمستخدمين الذين بحاجة لقدرات ذاكرة عالية، ولذا فإن هذه الذاكرة قد لاتعمل مع كل اللوحات الام الموجودة بالسوق.


خبر حلو الصراحه يعني تطورت الرامات بشكل عجيب وخصوصا هالرام فاذا واحد شراها بشريحتين يتيح له استخدامات اكثر وسرعه كبيره

لكن مشكلتنا بالسوق الخليجي الله يعلم متى توصل هالرام يمكن السنه اليايه او الي بعدها :)



ومشكورييين