مشاهدة النسخة كاملة : نهاية الاختبارات وصراع المرأه والرجل والتفكير المخروطي!
أفلاطون
26-06-2003, 01:06 PM
بسم الله الرحمن الرحيم
السلام عليكم
ابخش في الموضوع على طول.
ــــــــــــــــــــــــــــــــ
طبعا هذي الاختبارت انتهت وانتهى معها تذمر الطلاب من الدراسه وانتهى كابوس طلاب الصف الثالث ثانوي اللي هي أسئلة الوزاره وبعد سنه دراسيه كامله نجح اللي نجح ورسب اللي رسب...
وطبعا راح تسمعون اللي ما جابوا درجات مرتفعه يحطون اللوم على اسئلة الوزاره واللي رسبوا(في اي مرحله دراسيه) راح يحطون اللوم على المدرسين ..
او حتى الطلاب بعد الاختبار يطلعون وانواع السب على هالمدرسين ..تقول لهم ليش؟ يقولون والله الاختبار صعب و..و..و ...الخ
كأن هذولي الطلاب ملائكه ما يخطؤون بس غيرهم هو اللي يغلط!!
انا ما اقول ان اسئلة الوزاره سهله ولا اقول ان ما فيه اختبارات صعبه لكن ايضا الطالب لازم يسوي اللي عليه ولازم يجتهد ..
موب يسحب على المذاكره والا يقرا في هالكتاب وهو ما يدري وش السالفه وفي الاخير يحط اللوم على غيره..
مثل واحد عندي في المسنجر في ثالث ثانوي ادخل ايام الاختبارات وألقاه موجود!!
اقول يمكن انه منظم وقته... وأسأله كيف الاختبارات ويستلمهم تلعين وسب!!
قلت له :اكيد بتقول كذا عشانك ذابح النت ما شاء الله!!
طبعا ما قدر يقول الا(انقلع)!!
والا يجيك واحد يحسب انه لقى له عذر تسأله كيف الاختبار يقول: والله جابوا سؤال غلط كيف تبينا نحل؟
طيب سؤال واحد غلط يعني يمكن عليه درجه او درجتين او حتى خمس وباقي الدرجات ليش ما جبتها!!
اللي ابي اوصل له في الاخير ان الواحد دائما يرمي اغلاطه على غيره وما يفكر بأغلاطه ولا ياخذ الامور من كل الاوجه..
تلقى الواحد دائما ما ياخذ الامور بمنطقيه ولا يفكر بمحاسن الشيء على طول ياخذ المساوئ..
في كل الامور سواء كانت خلافات زوجيه او اختبارات او خلافات مع الاصدقاء او اذا كان الموضوع على جهه حكوميه او.. او.. الخ
طبعا هذا ما يمنع وجود ناس عقلاء ودائما ياخذون الامور من كل الاوجه لكن ما اتوقع انهم الاغلب!!
عشان كذا لازم الواحد يطور من تفكيره.
والا انتم وش رايكم؟
معليش طولت عليكم..
Forza Nerazzurri
26-06-2003, 01:15 PM
ايه انا معك
بس 90% من حقت ال3 ثانوي يذاكرون زين
وانا اعرف واحد يقول كان في اختبار رياضيات هذي السنه مدري الفصل الاول او الثاني المهم يقول انه الطلاب جالسين يبكون من الصعوبه وهو يضحك من صعوبه الاسئله :D
مــشــكــور
عابد 25
26-06-2003, 01:44 PM
اللي ابي اوصل له في الاخير ان الواحد دائما يرمي اغلاطه على غيره وما يفكر بأغلاطه ولا ياخذ الامور من كل الاوجه
في هذه اتفق معك ..
الأغلبية العظمى ما تعترف باخطاءها ، ولن تعترف ..
لكن من ناحية اختبارات الوزارة ، فاعتقد ان الاسئلة عادية بل سهــلة نوعاً ما إلا الرياضيـــات !! لأنهم يعرفون انها المادة اللي ترفع المعدل وبنفس الوقت تنزله
اممممممم
يعني صدق اتوقع معك حق..
اذكر البنات كانوا مسوين هوليلة..
ومتخرعين والي ماتعرف تذاكرك من الخرعه وحالتهم حالة..
بس هيييه...الاسئله صدق مو سهلة بس موب مستحيله..
يعني تنحل احس..
طبعا للي يذاكر مذاكره زي الناس ويروح يسال عن الاسئله القدميه ومجتهد..
الله يستر بس ويوفق حقين ثالث ثانوي هالسنه:)
I`m HeRe
26-06-2003, 04:08 PM
هههههههههه أجل فيه سؤال غلط http://www.webpost.net/sp/spikeyman/dog.gif
أنا معك في كلامك لكن مه مع كل الناس لأن فيه ناس تذاكر وتتعب بس فيه مشكلة أسألة الوزاره يجيب لك سؤال ما قد حليت مثله يعني ما تعرف طريقته وفي هالحاله تصور معه تقولي ليش فيه ناس حلوه بعيوني الثنتين شايف أستاذ يفهم طالب الطريقه وحله
المشكله أننا نعرف الحل لكن صعب جداً تعرف طريقت الحل للأسأله وخصوصاً أنها ما قد مرت عليك
بس فيه بعض الناس داجين مثلاً أنا أعرف واحد في ثالث ثانوي وكان عليه أختبار نهائي رياضيات وأدق عليه يوم الخميس أقوله وينك يقول بأستراحه:!
هذا هو اللي أذا حط المشاكل بالأسئله ما تصدقه وتطب فيه ?:
أنا بس حبيت أوضح هذا الشي وأشكرك على الموضوع :)
وش فيها اذا واحد طلع استراحه قبل الاختبار ...
عادي انا قبل اختبار الرياضيات النهائي قاعد العب فاينل 10 ... وليلة الاختبار طالع للثمامه ... وسع صدرك الدنيا ما راح تطير http://www.webpost.net/sp/spikeyman/dog.gif
أفلاطون
26-06-2003, 07:25 PM
انا ما تكلمت عن اسئلة الوزاره الا كمثال فقط .. والكلام اللي قلته ما ينفي صعوبتها لكن انا اقصد ان الناس دائما يحطون اللوم على غيرهم يجيك الداج واللي ما عنده سالفه ويستلمهم سب ولعن وهو ما شاف وش عليه من تقصير..
والا اسئلة الرياضيات في هالسنه كتبوا عنها في الجرايد انها فيها صعوبه لكن هذا موب معناته ان الواحد ما يشوف وين التقصير اللي حصل منه..
flarestar
26-06-2003, 07:29 PM
الرسالة الأصلية كتبت بواسطة alex
وش فيها اذا واحد طلع استراحه قبل الاختبار ...
عادي انا قبل اختبار الرياضيات النهائي قاعد العب فاينل 10 ... وليلة الاختبار طالع للثمامه ... وسع صدرك الدنيا ما راح تطير http://www.webpost.net/sp/spikeyman/dog.gif
تبي الناس يحسدونك اووووووصhttp://www.abunawaf.ws/forum/html/emoticons/cry.gif
اممم يا افلاطون اممم مدري وش اقول بس الصراحة بعض الاحيان يصير فيه ظلم بالاسئلة و هكزا
انا ما ادافع عن احد بس كل واحد له الحق انه يقط اللوم على الثاني:6
<==تراها ماتدري وين الله حاطها:6
Y a z e e d
26-06-2003, 11:46 PM
فعلا ...
وهذا ملاحظه من أول ابتدائي الطالب ما يذاكر واللوم على المدرس ! :)
ALEX
أحيانا احفظ المادة لك مقدر اشغل نفسي
العصر ... Swimming حتى ليلة الاختبار لكن غيره لا ...
مقدر احس اني مهمل ومضيع ! :p
بس حلو الواحد يرفه عن نفسه قبل الاختبار
عشان يروح مستانس ويحل COOL
اهم شي القلق اسفطه وكل شي يهون ....
BiN-3Li
26-06-2003, 11:59 PM
المسألة مسألة توفيق من الله
انا مثلا طول عمري مجتهد وووو ومن ذا الكلام
وجيت ثالث قلبت الموازيين
وصرت في حالة يرثى لها وصدمت من الرياضيات
لدرجة انه مااختم المادة الا قبل ما اطلع ب 5 دقايق
ليش لانه تحس انه شي قاعد تبني فيه 11 سنه يضيع على شان ..... حابين يطبقون ابداعاتهم علينا .
اههههه اههه خليني ساكت بس ..........
و ودي اسالك سؤال
الحين ايش ذنب الطلاب لما يختبرون على اشياء اول مرة يشوفونها
ومين المولام .
ZIDANE_10
27-06-2003, 12:51 AM
شف، أنا أدرس بـ "مدارس الرواد الأهلية" وكل اللي فيها مطاوعة ومن هالحكي، وما عندهم الخرابيط اللي عند باقي المدارس ( من اللي تمشي حالك فيها )، صراحة تعب تعب تعب، يكرفونك كرف .. امتحان الرياضيات بالترم الأول أصعب من امتحان الوزارة بكثير ( إسأل أي منتسب لها ) ونفس الشيء بالنسبة لمادة الكيمياء، بس كم عدد اللي جابوا فوق الـ 99% ؟
حول الـ 30 طالب، فهل العيب من المدرسين ولا الأسئلة ؟
أنا مدرس الرياضيات بيني وبينه مشاكل، وعمري ما توقعت إن هالشيء يصير، بس أشكره من قلب على كل اللي سواه لنا، أمثلة ومذكرات ومادري وش ( مثال: مذكرة كاملة لتطبيقات التفاضل الخاصة المساحات والحجوم ) يعني صار عندي مرجع عدد صفحاته يتعدى الـ 250 صفحة أغلبها أمثلة وتدريبات مع العلم إننا ما نعتمد بالتدريس على الكتاب المقرر من الوزارة.
ولو إنك سألت أي خريج سابق عن الأسئلة طبيعي إنه بينبهك إن بيكون فيه أسئلة فيها أفكار ..
ولاحظ إن رهبة الامتحان لحالها تؤدي للفشل، إذا كل من سألته قالك إن الأسئلة تعجيزية ومستحيلة هذا لحاله يكفي إنك تضيع بالامتحان.
ليه صاروا الناس شماعة نعلق عليها فشلنا ؟
صراحة شفت أنا إتكالية غير طبيعية عند بعض الناس، اللي تشوفه يعتمد على نسبة الترم الأول، واللي يعتمد على المدرسين اللي عنده، واللي يعتمد على الواسطات اللي محصلها ... وبعد ذا كله ولو قدر الله وما انقبل يقعد يسب الوزارة والمدرسين وبعدين الدولة عشانه ما وفرت له وظيفة بعد فشله في إنه يكمل تعليمه.
بس الشيء اللي صدق ماله داعي سالفة المعدل التراكمي :(.
إلا محد فيكم تكلم عن امتحان الجيو لوجيا :أفكر: ... قعدت أراجع أسئلة الخمس سنين اللي راحت، ويوم شفت الامتحان قلت كذا :واو: .. صراحة ما تقارن باللي قبل :o ..
بس إن شاء الله تتيسر وبالتوفيق .. ولد خالتي جايب 84% ورايح هو واخوياه يمتحنون بـ RAM-1 واحد منهم جايب 96% والثاني 92% وما انقبل بجامعة الملك فهد إلا هو .. يعني إن شاء الله الفرص متاحة ..
وآسف على الإطالة وشكراً :).
SNOoOP
27-06-2003, 01:54 AM
مشكور افلاطون على الموضوع
شف ياخوي من ناحيه الواحد يحط اخطائه على غيره فهذي انا متفق معك ميه بالميه
ام من ناحية اختبارات الوزاره فلا والف لا بعد
اذا اتفقوا جميع الطلاب وبدون اي استثناء على ان اختبارات الرياضيات صعبه
فهل يصبح العيب منهم والا من الوزاره
الوزاره تتعمد انه تصعب الاسئله لان اكبر همها هو ان عدد المقاعد في الجامعات مايستوعب
وفي عامل مهم وهو ان في بعض الطلبه اخذوا فكره عن اختبارات الوزاره انها دايما صعبه
فيخاف حتى لو ان الاختبار سهل
الا في حالة الرياضيات
اذا كان نفس الاستاذ بصعوبه يحلها فما بالك بالطلاب!!!
وعلى العموم الجامعات صارت اختباراتها قياس ولا تهتم بالنسب ...
I`m HeRe
27-06-2003, 03:55 AM
الرسالة الأصلية كتبت بواسطة alex
وش فيها اذا واحد طلع استراحه قبل الاختبار ...
عادي انا قبل اختبار الرياضيات النهائي قاعد العب فاينل 10 ... وليلة الاختبار طالع للثمامه ... وسع صدرك الدنيا ما راح تطير http://www.webpost.net/sp/spikeyman/dog.gif
عادي انت ما تعوق معك مشاءالله
بس هذا داج يعني مهب دافور وش يوديه المفروض يذاكر
وبعدين يتحجج بأشياء وهو أصلاً ما سوا اللي عليه
لا تحسب الناس كلهم مثلك :6
ZIDANE_10
27-06-2003, 04:51 AM
SNOoOP:
ياخوي سالفة إن الجامعات ما تستوعب الطلاب فشيء طبيعي نتيجة للانفجار السكاني اللي عندنا، وما دام الطلبة عارفين هالشيء ليه ما استعدوا ؟
ومن وين هالإحصائية اللي تقول إن كل الطلبة أجمعوا على صعوبة الرياضيات ؟
أجل هاللي يجيبون نسب فوق الـ 97% ليه ما خسف بهم الرياضيات ؟
واحد تسأله أنت مستعد من متى ؟
يقولك بأذاكر كل مادة بيومها!
واحد تسأله وش ناوي عليه ؟
يقولك عسكرية!
ياخي أجل لو امتحنا بمناهج الدول الثانية وش كان قلنا ؟!
أما بالنسبة لهالمدرس، فأقول بعذر طلبته ما جابوا نسب ..
وأخيراً وعن امتحان قياس، فموب كل الجامعات تعتمده ( الظاهر جامعة البترول والمعادن هي الوحيدة )، بالنسبة للملك سعود فتخصص له 30% الظاهر.
Flanteus
27-06-2003, 05:13 AM
:أفكر: ............
:) شكرا
أفلاطون
27-06-2003, 02:46 PM
زاحف: فيه ناس يبالغون ومشكور على الرد:)
عابد25: صدقت انا سألت واحد يقول الاسئله ميب صعبه لكن الرياضيات يقول فيها كم سؤال صعب..
لينا: المشكله ان الواحد يروح يختبر وهو مشحون من الكلام اللي وصله ومعظم الناس يبالغون ولا يعطون الواحد فكره صحيحه عن الاسئله لأنهم ما جاوبوا صح وهذا شي يرفع ظغط الواحد?:
ايم هير:والله انا مدري فيه سؤال غلط والا لا بس هذا كلام بعض الناس ولا تدري هو صادق والا بس تهويل من عنده:|
واكيد لازم يجيبون كم سؤال فكرته جديده عشان يفرقون بين الطلاب:)
alex: انت منظم وقتك ومرتب عمرك لكن غيرك ما يذاكر زي الناس ولا وده يتنازل عن وقته ويذاكر فيه!!
فلونا:موب منك من الاختبارات:p
Angel`s Knight: مشكور على الرد:)
BiN-3Li: يعني كل الاسئله اللي تجي في الاختبارات اول مره تشوفها:أفكر:
زيدان: بالنسبه لمدارس الرواد صدقت انا اعرف واحد كان فيها ويقول نفس كلامك..
:
.ولاحظ إن رهبة الامتحان لحالها تؤدي للفشل، إذا كل من سألته قالك إن الأسئلة تعجيزية ومستحيلة هذا لحاله يكفي إنك تضيع بالامتحان.
...
صدقت عشان كذا لازم الواحد يتعامل مع الكلام اللي يسمعه بحذر ولا ياخذ بكل كلام الناس بالاعتبار:)
ردك طويل بس اشوا على سنع موب مثل بعض الاعضاء رده عشر صفحات وعلى غير سنع?:
SNOoOP: رد عليك زيدان ومشكور على الرد:)
فلان تيوس(على قولة هارب:p ): انت اللي :أفكر: والعفو
D0WN~T0WN
27-06-2003, 03:14 PM
يابو الشباب انت وياه ترا الاختبارات قضت وانتهى كل شي
واليوم شفت جدول نسب القبول في جامعة سعود والله انهم مخفضين النسب على كيف كيفك
على فكرة نسبة الشهادة العامة عليها 70% والقياس 30%
يعني لاتشيلون هم وفوق كل كذا اللي عنده واسطة بيخش من فوق خشومهم
الا وش ناويين تخشون اقسام؟ :-)
SNOoOP
27-06-2003, 06:42 PM
الرسالة الأصلية كتبت بواسطة ZIDANE_10
SNOoOP:
ياخوي سالفة إن الجامعات ما تستوعب الطلاب فشيء طبيعي نتيجة للانفجار السكاني اللي عندنا، وما دام الطلبة عارفين هالشيء ليه ما استعدوا ؟
ومن وين هالإحصائية اللي تقول إن كل الطلبة أجمعوا على صعوبة الرياضيات ؟
أجل هاللي يجيبون نسب فوق الـ 97% ليه ما خسف بهم الرياضيات ؟
واحد تسأله أنت مستعد من متى ؟
يقولك بأذاكر كل مادة بيومها!
واحد تسأله وش ناوي عليه ؟
يقولك عسكرية!
ياخي أجل لو امتحنا بمناهج الدول الثانية وش كان قلنا ؟!
أما بالنسبة لهالمدرس، فأقول بعذر طلبته ما جابوا نسب ..
وأخيراً وعن امتحان قياس، فموب كل الجامعات تعتمده ( الظاهر جامعة البترول والمعادن هي الوحيدة )، بالنسبة للملك سعود فتخصص له 30% الظاهر.
ياخي بالنسبه للياخذون 97 % او فوق
فهذي تختلف من شخص لأخر على حسب قدراته العقليه
ولاتقول لا
لأن البعض تشوفه يذاكر ويتعب وتلاقيه ماخذ اقل من الي ذاكر بمجهود اقل
وطبعا مب كلهم
في احد ياخذها لانه شاد حيله من اول السنه مثل ماقلت
وعلى العموم
اسئلة الرياضيات فيها مباااااالغه لاقصى حد
وبالنسبه للدول الثانيه
اولا شفهم من الاساس
شف مستويات مدرسينهم
شف التشجيع الي ياخذه الطالب من المدرسه
شف مستويات مناهجهم
تلاحظ الفرق...
ZIDANE_10
27-06-2003, 07:34 PM
ياخي بالنسبه للياخذون 97 % او فوق
فهذي تختلف من شخص لأخر على حسب قدراته العقليه
على هالحكي أنت خالفت كل الآراء اللي تقول إن الامتحانات التحصيلية لا تقيس قدرات الطالب العقلية، ولو كان كلامك صحيح ما كانوا عمموا امتحان قياس.
لأن البعض تشوفه يذاكر ويتعب وتلاقيه ماخذ اقل من الي ذاكر بمجهود اقل
أضرب لك مثال، امتحان الحديث والثقافة الإسلامية، أعرف واحد قطع عمره مذاكرة وحفظ وما ترك دليل ( كتاب أو سنة ) إلا صمه، وآخرتها ما جاء بالامتحان شيء، وعلى النقيض واحد ثاني راجع اسئلة السنة اللي راحت واللي قبلها، لاحظ إن فيه كم سؤال تكرروا، ركز عليهم، ولا حفظ أي دليل لأنه ما شافها طُلبت بالامتحانات الي قبل، كلهم بياخذون على قدر اللي سووه، بس فيه آلية الواحد يمشي عليها.
اسئلة الرياضيات فيها مباااااالغه لاقصى حد
راجع أسئلة السنوات من 1416 - 1422 هـ وبمقارنة بسيطة نشوف وشهو التعجيزي من البسيط ..
وبالنسبه للدول الثانيه
اولا شفهم من الاساس
شف مستويات مدرسينهم
شف التشجيع الي ياخذه الطالب من المدرسه
شف مستويات مناهجهم
تلاحظ الفرق...
ما أكذب عليك، فأنا ما اطلعت على شيء من مناهجهم، بس أعرف واحد فلسطيني، كان جايب بالسعودية 99.6% يوم راح الأردن جاب معدل تحت الـ 70% ( ذا هو الفرق ).
ومناهجنا ما أنكر حشو غير طبيعي وإرباك للطالب، علاوة على ضعفها مقارنة بباقي دول العالم، بس إن هذا هو السبب الرئيس لتدني مستوى الطالب! .. مادري وش أقولك .. من ثلاثين سنة والعالم تدرس هالمناهج وطلع الدكاترة والووزارء وغيرهم .. فمادري العيب من مين.
Dr.Lucifer
28-06-2003, 09:27 AM
بعض الطلاب لو جاهم إختبار وطنية من الوزارة راح يقولون صعب :)
بس زي ما قلت ما في أحد يحب يعترف بأغلاطه ..
و المشكلة .. السنة الجاية راح يجونك الطلاب الي طالعين لثالث .. و يحلون الأسئلة و يقولون سهلة و الله .. ليت الإختبار يجي مثله
يعني هم أذكى ولا كيف :)؟؟
رايي من رايك . .
هالشي اللي انا اشوفـه
يمكن يجي الامتحان صعب
بس يمكن ان الطالب نفسه ماذاكر عدل
هنا اللوم على الطالب مو على الامتحان
بس الانسان ما يحب يطلع اهو الغلطان فيدور احد غيره يشيل الغلط عنه
سيف نجد
04-07-2003, 11:08 PM
اولا..اعذرني..على التاخر في الرد....
وقبل ان ابدأ..في التعليق على موضوع اخوي افلاطون......
احب ان ابدي اعجابي بعناوين مواضيعك المثيرة...
فما بين ((عندما ينقشع القمر)) و ((نهاية الاختبارات وصراع المرأه والرجل والتفكير المخروطي))...مسافات طويلة ..نجهلها في طريقة تفكير افلاطون..
وبالنسبة للعنوان الجديد..((نهاية الاختبارات وصراع المرأه والرجل والتفكير المخروطي!)).....
فاتمنى لوعندي قدرة ادبية ..على تفكيك النص ..لكي استطيع قراءة ماوراء النص..وما يحمل من دلالات غريبة ليست لها علاقة بمضمون الموضوع.....
*على العموم مشكور على هالموضوع الجيد...
وماذكرته في موضوعك..ولخصته في قولك..
quote:
--------------------------------------------------------------------------------
اللي ابي اوصل له في الاخير ان الواحد دائما يرمي اغلاطه على غيره وما يفكر بأغلاطه ولا ياخذ الامور من كل الاوجه
--------------------------------------------------------------------------------
يعتبر ظاهرة_خاطئة_ منتشرة بين الطلاب(غير الظواهر الفكرية الخاطئة..)..وتتلخص هذه المشكلة.._كما ذكرت_في التنصل من الخطأ والقائه على الاخرين..
وهي حيلة نفسية ..تسمى ((الاسقاط ))..كما هو معروف في علم النفس...ويمارسها الطالب الكسول و العاجز...لاراحة ضميره وتبرئة نفسه من اي خطأ...
ولا اخفيك..ان البعض يمارسها دون ان يشعر..واعتبر عملية((الاسقاط))..من الد اعداء النجاح...لانها الشخص يشعر _دون ان يدري_انه في الطريق الصحيح ..مع انه خلاف ذلك....
*على العموم موضوع..جيد....واعجبت بمقدار الوعي لدى اغلب اعضاء وعضوات المنتدى..في التفاعل مع الموضوع ...وملاحظة هذه الظاهرة السلبية...
*ومنذ زمن ...وانا اتمنى..ان تختفي ظاهرة الاسقاط النفسي..لدى الطلاب...ولا اخفيك انه لكثرة ما اخالط الطلاب ..اصبحت امارس هذه الحيلة النفسية دون ان اشعر.........
واذكر اني كنت احمل افكار طيبة وصحيحة ..ومثالية...لكن...لما رايت الواقع السيء..وحاولت اصحح..بعض المفاهيم_الخاطئة_ لدى الطلاب... لكن..على طول يواجهونك بتهمة سريعة ومباشرة...((يا فيلسوف يا نصاب))...ي
ومع مرور السنين..((شايب!!!!))....قل حماسي لمعالجة الافكار الخاطئة...وصرت اقع في بعضها...وصررت غبي ودليخة...وطالب عادي..((وبصراحة اريح من انك تعرف الحق والصح ولا تقدر تغيره..))
واللي يعقد المشكلة اكثر.......ان بعض المدرسين يقع في بعض الاخطاء..وودك تصحح له ..وتلمح له....لكن......((الله المستعان)).....
وان تشكيت من مجتمع الطلبة الغبي....اتهموك انك(( مغرور)).....يعني لازم تصير غبي وعادي مثلنا...والاانت مغرور..وعلى بالك فاهم......
والحمدلله يوم صرت عادي وغبي ودليخة......صرت رهيب متواضع واحسن من اول.......!!!!!!!!!!!!!!!!!!!!!
*على العموم.. الحديث ذو شجون...
وياليتك تعلمنا عن افكارك النيرة ...حتى يحس الواحد ..ان فيه شخص اخر يحمل نفس الافكار......
حتى نتبادل الاراء والافكار....(بدل الغربة الفكرية اللي كان الواحد عايشها))..ولعل الحماس يرجع ...حتى اني وصل بي الحال..ان بغيت اترك مجتمع الطلبة الغبي..(وبعض المدرسين)....واتتلمذ على يد شيخ او دكتور فاهم...
حتى احس اني معدل الذكاء والنباهة..(وكلنا عندنا معدل ذكاء ونباهة)..بدا يقل عندي..وبديت اصير غبي....
لكن....الله يعين..ويوفقنا في الدنيا والاخرة.......
واشكرك ..مرة اخرى..على تسليط الضوء على ظاهرة الاسقاط...وياليتك ذكرت طرق علاجها...
((افلاطون...وش رايك بها الفضفضة كلها...؟؟على الاقل..بدل ما اكبت واكبت (من كلمة كبوت_بتشديدالباء_والكبوت..له معنيان..من اراد ان يعرفه فليسال افلاطون..)واكبت...بعدين انفجر..وتصير مصايب..))
ومعليييييييييييييييش على الرد الطويييييييييل والمتاخر...
اخوك..
ذيب نجد...
أفلاطون
05-07-2003, 05:31 PM
لوسي
Dr.Lucifer
ورد
مشكورين على التفاعل:)
ـــــــــــ
سيف نجد:
اولا مشكور على كلامك اللي في البدايه واللي لا يخلو من الكثير من المبالغه فيه!!
وتعليقك على الموضوع الصراحه جميل جدا..
ويبدو انه ناتج عن معاناة مريره مريت فيها انت!!
لكن عالعموم لا يجب ان تتأثر بمن حولك بل يجب ان تؤثر انت فيهم ولا تدعهم يقللون من عزيمكتك ومن فكرك النيّر الذي ينبئ بمستقبل انسان ذو شأن عظيم!!
ولا مانع من تقبل التهم وذلك في سبيل ابراء الذمه وبذل الجهد ولا تنسى ان مقدار الوعي بين الطلاب مختلف!!
فيجب على الطلاب ذوي الوعي العالي ان يؤثرون فيمن حولهم ولا ينجرون وينخدعون بكلام الطلاب الاخرين الذي يبدو في في ظاهر كلامهم انهم صادقون ومقنعون !! (وهذا يدعوني الى كتابة موضوع جديد ان شاء الله)
ومشكور على التفاعل الجميل منك:)
وبما انك كما قلت صاحب افكار مثاليه ونيّره أرجو ان لا تبخل علينا بطرحها في هذا المنتدى للإستفاده منها ومناقشتها:)
عماد 18
06-07-2003, 07:15 PM
الحمدلله ..
بصراحة ما ادري ..
بس التصور اللي كنت ماخذه عن اختبارات الوزارة قبل ما اجربها مختلف تماما بعد ما جربتها ..
يعني غير الرياضيات و الفيزيا ..
بصراحة الاختبارات كانت عادية ..
حتى اني في اختبار الانجليزي و الحاسب ..
اخذت الدرجة الكاملة فيهم ..
مع اني نقصت درجة في اختبار النصف الاول ..
أفلاطون
06-07-2003, 07:31 PM
الرسالة الأصلية كتبت بواسطة عماد 18
الحمدلله ..
بصراحة ما ادري ..
بس التصور اللي كنت ماخذه عن اختبارات الوزارة قبل ما اجربها مختلف تماما بعد ما جربتها ..
يعني غير الرياضيات و الفيزيا ..
بصراحة الاختبارات كانت عادية ..
حتى اني في اختبار الانجليزي و الحاسب ..
اخذت الدرجة الكاملة فيهم ..
مع اني نقصت درجة في اختبار النصف الاول ..
نفس الكلام اللي قاله واحد مختبر ذي السنه:)
PRG of RPG
07-07-2003, 11:47 PM
السلام عليكم
ابخرج من الموضوع الاساسي قليلاً ... بعدين برد وارجعله
ثالث أهم سنة درستها .... تريد تكون لك بنية صحيحة في جميع المواد .. اجتهد في ثالث ... لأن ثالث ماهي نهاية الدراسة ... اذا كنت ناوي على الجامعة .. وخصوصاً التخصصات العلمية !
فإلى الان دراستي في الجامعة (انهيت السنة الأولى) واخذت هذي المواد في جامعة الملك سعود
100 ورش ميكانيكة (مادة جديدة كلياً)
101 عرب - 101 سلم (مادة اللغة العربية معلومات سابقة والسلم نفس الشيء )
100 نحم - 102 نجم (عندي انقليزي كويس بتمشي فيها )
105 ريض (التفاضل ... ثالث ثانوي النصف الأول)
106 ريض (التكامل ... ثالث ثانوي النصف الثاني)
107 ريض (المتجهات والمصفوفات ... درست عنها قليلاً في ثاني ثانوي)
103 فيز (ثاني ثانوي)
104 فير (ثالث ثانوي بحذافيرها )
101 كيم ( مواضيع متنوعة في الكيمياء أغلبها درستها في الثانوي)
وطبعاً التحويل يعتمد على معدلك في الجامعة ...أي معدل السنة الأولى
وزي منت شايف أغلبها أو الصعب منها كلها درستها في الثانوي وخصوصاً ثالث ثانوي
والغاية إلى الان ما وصلت !!!
إن كنت تضن ان النصب والاحتيال والغش في ثالث وخصوصاً في الأهليات بيساعدك ..فأنت غلطان
الجامعة ..مافيها شرح كثير ... بيعطونك كتاب كبر قريح وبيقولونك Study
واذا كنت داخل الهندسة أو الطب أو الحاسب ... كل شيء انقلش × انقلش ..حتى الرياضيات
يعني لازم قبل ما تدخل تكون مجهز نفسك
مثال : نجحت من حكومية بـ92% ودخلت هندسة
وواحد من الشباب ناجح من أهلية بالفهلوة بـ97% ودخل الهندسة
والان أنا مرتاح وأطلع من المواد بـB و +B و A بدون مذاكرة .. ما افتح المذكرات إلا ليلة الإختبار ... لأن كلها معلومات قد درستها بس تحولت إلى العنقلينزية
أما خويي الله يصلحه ويعينه حمل مواد الرياضيات كلها وزد عليها الفيزيا 104
مع أنه يذاكر يومياً ومدرسين ...... ((مع العلم ذكائة جيد))
وهذا قبل شهر ^-^
وبالنسبة للأيام القادمة أيام الواسطات للجامعات وحتى الأيام العادية تلقاهم صجه ولجة ... مسكاين .. والله أرحمهم ..يكرفون كرف .. والان عندنا في الجامعة قاعدين يبنون مبنيين جدد لمن ؟ ولو تشوف مكاتب الدكاتره مساحتها 1 × 1 ..وكله لزيادة السعة ..يعني الي ما ملوا عينك .. لو تروح وتشوف وضعهم كان أكيد غيرت رايك :)
واذا كنت ما تقدر تجيب فوق ال86% :
1- عندك قدرات بس تكاسلاً (تستاهل)
2- ما عندك قدرات ... ماراح تمشي بالجامعة ليش تضيع وقتك ؟
وليش 86 % خلها 80% بترول ومعادن ولا فيه أحلى منها
** إختبارات ثالث ثانوي :
تدخل الاختبار وأنت خايف ...هذا عند البنات فقط
ما أدري يمكن أنا المدرسة الي درست فيها مهب حقة دراسة :أفكر:
وبعدين الأسئلة العام للرياضيات كان فيها خطأين ... سببت أحباط ..كل شوي أرجعلها
والنواتج كانت = 1.2545 ما فيه عدد صحيح يقولي أنت حلك صح أمش للي بعده !!! (أنا كان أملي كله في الرياضيات .. لأنها ينطبق عليها المثل : غنات الذيب ولا فقرة ... وكن ناوي الغناة ... بس الحمد لله مشت الأمور على خير :)
الا السؤال الأخير (الرابع) كان هدية
وبالنسبة للأفكار .. الرياضيات المفروض تكون فهم ...مب حفظظظ
وباقي المواد ولافيه أحلى منها وخصوصاً الفيزياء لأنها كانت مواضيعها عن الكهرب ..فلو بغوا يتعمقون بتضيييع فيها وبشدة ..بس جازهم الله خير
وكل عام تسهل الأسئلة عن اللي قبله لأنهم كل عام يتكرمون في الجرائد :أفكر:
يعني الوضع في تطور .. فماله داعي نقلب كل شيء سلبي × سلبي
أعتقد غطيت موضوع الدراسة ... من أوله لآخره :)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .