مشاهدة النسخة كاملة : الاعلانات و الاغاني و الفساد العام .. (.::" حوار مهم "::.) ..
mom_com3
26-06-2003, 04:40 PM
السلام عليكم ورحمه الله وبركاته ..
ندخول بالموفيد دوغري .. ( موضوع حساس )
مانتم ملاحظي هالايام بدت الاعلانات و الاغاني تصير مصخره وقله حيا ؟؟
يعني صار شي غير طبيعي .. صار الاعلان الي مافيه بنت ما يمشي ..
وصارت الاغنيه الي ما فيها بنت ما تمشي ..
ولا مو اي بين لازم تكون حلوه بمستوى معقول ولبس يفتن وحركات نص كم ومدري ايش ..
سنه سنتين تلقاهم ( عاريات ٍ)
يعني على سبيل المثال راح اجيب الدعايات الاقل فتنه والاكثر ضرراً ..
دعايه نيفيا حق الحلاقه ومستحضراتها .. الي يتصلون عليه البنات وحاط لي مسج انه مهوب فيه يعني مهتم بمظهره اكثر من الي يتصلون علي ( بنات ) .. ولما يطلع من البيت يقابلونه ثلاثه .. يعني انت ما راح تفرق معك ممكن تستوعبها .. لكن اخوص الصغير ولا واحد من البزارين اذا شافها وش بيفهم بيفهم انه جالس يحلق دقنه ومدري ايش .. اهم شي بيفهمه من الدعايه انك تكلم بنات وتشوفهم شيء عادي ..
والي بيقول لي انه اذا ما تربي والعادات والتقاليد والدين .. باقول له ضف وجهك ..
لو على العادات والتربيه كان الى الان صرنا دوله اسلاميه قويه .. والناس كل واحد محترم نفسه .. بس الحين شف شباب لابس لي بنطلون يدخل فيه 10 و لابس لي ذيك النظارات الي مغطيه نص وجهه ولابس لي كاب اخر صرعه وتي شيرت ابو 17 لون .. وخرابيط ..
وجايتك البنت الي شاريه اضوق ( اصغر ) عباه في الدنيا ولو قدرت تضوقها زياده مهيب قايله لا .. ويالله اسمع .. خذي يا حلوه .. وامسك يا عسل .. وتعال يا حياتي .. يعني مهزله ما بعدها مهزله ..
المهم نرجع للتلفاز والاغاني .. شف الاغاني الحين العين اغنيه ما فيها بنت تستعرض ما تنجح .. يعني على سبيل المثال .. شف راشد الماجد راص لي في اغنيته مشكلني 100 بنت و شف في اخر الاغنيه تشوف الاود والبنت متجمعي مع بعض ومدري ايش يعني استغفر الله بس ..
وشف اغنيه اليسا .. باقي شوي ويقلبونها فلم اباحي هي ويا الخمه الي معها .. ما بقى مكان ما حط خشمه فيه ومابقى شيء ما لمسه .. اعوذ بالله ..
ولا شف نانس عجرم .. حدث ولا حرج ..
يعني انت تقول انا عاقل وما راح اسوي شيء لكن من كثر ما راح تشوفها في التلفاز بتتعود عليها .. و اذا قلنا انك ما تأثرت .. اخو او البزران الي عندك بيتربون على هذي الاشياء ويحسبونها شيء عادي ..
يعني هل نجح الغرب في اشغالنا عن ديننا ؟؟ هل نجحت اسرائيل في تفرقتنا ؟؟ بدليل تسمع الناس تقول يا مصري ويا سوري ويا ويا ... صيب المصري والسوري والسعودي والكويتي و الامراتي و و و و ما هم عرب ماهم مسلمين .. ليش صار فيه تفرقه ..
والكلام يطول ..............................................
المهم الي قرىء الموضوع بارك الله فيه وياريت يعطينا تعليقاته والي شاف الدعوه فيه موعضه ونصيحه وخرابيط ما تلزمه و طلع الله يهديك ..
وسلامتكم ..
صوح كلامك :o
بس وش نسوي احنا ما غير نغير المحطات ... القنوات تفكيرها كذا اذا ما
حطوا تفصخ فمعناتها ان القناه فاشله
و في دعايات كثير مالها داعي على راسهم هذا حق مزيل الريحه حق
الرجال اكس .... يعني ابو المصاخه
بس ما نقول غير ... الله يعين :o
بصراحه انا معاك:o ..
يبطون الكبد من جد...يحسبون ان المرأة هي الطريقه الوحيده للجذب..والحين فعلا هي صارت..
الاغاني حدث ولا حجر انواع قلة الادب...اصلا نانسي عجرم هذي تنافس اليس في خطف قلوب الرجال..حمدلله والشكر على نعمة العقل...!
طيب هذا الي اسمه عيضه..اغنيته مرة امراتيه واللحن امراتي ولبسه امراتي..وجايب وحده معه شقرا ولبسها تنورة قصيرة وبوت وترقص رقص غريب..كيف هذي..؟!
اما الدعايات احس ارحم لما يكونون زوجه وزوج من شله بنات وعيال هذي الي تقهر صدق..
الحل مدري..حتى قنواتنا صارت من اعدائنا شفت كيف.؟
Undine
26-06-2003, 05:33 PM
يعني انت تقول انا عاقل وما راح اسوي شيء لكن من كثر ما راح تشوفها في التلفاز بتتعود عليها .. و اذا قلنا انك ما تأثرت .. اخو او البزران الي عندك بيتربون على هذي الاشياء ويحسبونها شيء عادي ..
للاسف موب كل الناس عاقلين ..فيه بعضهم يتأثرون بهالخرابيط
..طبعا بسبب نقص العقل و الدين عندهم .. وبعد مشكلة البزران اللي بيتربون على هالاشياء بأنها شي عادي ولا يكون فيه احد يوجههم طبعا
.. بس المشكله الاكبر انه فيه امهات تأثروا ويعلمون بناتهم انها شي عادي..وانا شايفه نماذج من هالاشكال ..
جهل اعتبره:o
الله لا يبلانا بس:o
راشد الماجد راص لي في اغنيته مشكلني 100 بنت و شف في اخر الاغنيه تشوف الاود والبنت متجمعي مع بعض ومدري ايش يعني استغفر الله بس ..
هالفيديو كليب بالذات لا تعليق ههههههه:6
Dr.Lucifer
26-06-2003, 05:33 PM
الرسالة الأصلية كتبت بواسطة BOOOB_2002
ولا الأهبل ذاك الدب يلي يجيلي بدعاية حفايض بامبرز بالله ما يستحي
على وجه لا ومسويلي اياه مسلسل مكسيكي..:6
مسيطر على الوضع مدري إيش :p
هو لسا يعرضونها :أفكر: ؟
mom_com3
26-06-2003, 06:34 PM
مشكورين على الردود والتفاعل وجزاكم الله الف خير ..
princess
26-06-2003, 06:44 PM
يعطيك العافية اخوي على كلامك وصح لسانك
الصراحة هوايل اللي نشوفه بالتلفزيون :":
لا حول ولا قوة الا بالله
BiN-3Li
26-06-2003, 06:52 PM
مشكور على الموضوع
بس يااخي المنتجين ذولي يبغون يربحوا شوي يعني لا تقطع رزقهم ==========>:أفكر:
ماادري ذولي وين يروحون من عذاب ربنا
D0WN~T0WN
26-06-2003, 06:56 PM
ياخي والله العالم صارت فاصخة بقوة ذي السنتين يعني اللي يلبس جينز صارت محجبة عندهم
والا نانسي عجرم (ماناقصها الا المطيري ويكتمل الاسم)
اعوذ بالله ياخي والله مع اني كل يوم اشوف فيديو كليبات غربية الا اني ماشفت زي تسذا من امرأة ياخي ذي ودك من يصطرها بكم كف
تفوقوا على الغرب في التفصخ
وشوكرن قزيلا,,,
flarestar
26-06-2003, 07:13 PM
الله يعافيك تفصخوا و خلصواhttp://www.abunawaf.ws/forum/html/emoticons/dry.gif
وقسم بالله اني قبل يوم شايفة داعية اله شيل شعر و البنت مابقى شيء ما طلعته?:
و دعيات الشمبو و الصابون :o
الله يعين بس
مشكور على الموضوع:6
أفلاطون
26-06-2003, 07:44 PM
الحين كل واحد فيكم يتكلم وانا شفت ذيك والله انها مدري ايش والا ذيك القناة الفلانيه ما بقى الا تعرض افلام اباحيه والا الفديو كليب الفلاني كله بنات وشباب و...و..و..الخ
اصلا هذولي اللي تتكلمون عنهم لو ما لقوا ناس تتابعهم كان قفلوا قنواتهم وضفوا عفشهم...
Y a z e e d
26-06-2003, 09:37 PM
فعلا مأساة ...
المشكلة انه حتى بناتنا ستر هنا و تبرج بالسوق و تفريع برا....
بالصدفة قابلنا احد الاقاراب برى ...
بنته عباة راس وشي ...
وهناك تفريع ...
لاعباية ولا تبن ! ...
cubelover
26-06-2003, 11:38 PM
الأغاني شي صار مهم البنت عاريه شي عادي عندهم بالأجنبي خاصه البوب
بس الأغاني العربيه بدت الظاهر شوي شوي حتى الدعيات
يا رجال مالك ألا أغاني الروك مافيها ألا شوي;) ;) ;) ;)
عابد 25
27-06-2003, 12:03 AM
أصحاب الدعايات يبون المكسب ويبون أن تظهر دعايتهم بمظهر جيد عشان كذا قالوا لازم نحط بنت في الإعلان ، سواء كان الإعلان يخصها أو ما يخصها
مثل دعاية الموس لحلاقة الذقن ( جيليت ) .. جايبين فيها حُــرمة !! وش دخل الحرمة في الحلاقة !!
للاسف .. أصحبت المتاجرة في الوقت الحاضر تهتم باستخدام المرأة كسلعة تباع وتشترى !! لكن في قنوات الغرب نقول اصحب شئ عادي عندهم ، لكن العار هو في قنواتنا العربية التي بدأت تنتهج هذا السلوك المخزي !!
اما في الفيديو كليب .. فحدث ولا حــرج !!
انا صراحة ما ادري كيف يرضى أهل ذاك النابح ان يشاهدوه وخلفه عشرات من النابحات يتمايلون يميناً وشمالاً !!
للاسف .. انقطع الحياء وذهبت كل معاني الشــرف
(( إذا لم تستحي فاصنع ما شئت ))
SNOoOP
27-06-2003, 02:11 AM
والله اني بغيت اكتب عن هالشي وناوي باذن الله اني اكتب عنه اكثر
المهم الدعوى مب من النقطه وبس
هل نحن في وقت يسمح لنا اننا انشوف ونعرض في تلفزيوناتنا هالاشياء
في وقت الامه الاسلاميه في اهانه وذل
اعرف ان بعظكم بيقول اننا يجب اننا ماناظرهم لا في وقت الشده ولا الرخاء
لكن لما ناظر اخواننا العراقيين يتذبحون كل يوم بالمئات او اخواننا في فلسطين الي لازم نسمع كل يوم عن مقتل احدهم
مب المفروض القلوب توعى وتدرك ان الدور جاء علينا
القلوب بالعكس ماتت وتعفنت بداخلنا
مااقول الا ان الله بيحاسبنا على كل شهيد مات من ابناء امتنا بسبب تراخينا
والله قهر
الرسالة الأصلية كتبت بواسطة D0WN~T0WN
والا نانسي عجرم (ماناقصها الا المطيري ويكتمل الاسم)
ههههههههههه الله يرج ابليس بليسك :p
Forza Nerazzurri
27-06-2003, 02:18 AM
انا معك في كل شي قلته
لدرجه انه المرأه صارت آله بالفيديو كليبات
اما عن تفرقتنا فحدث ولا حرج انه التفرقه صارت بنفس البلدان مو غيرها
يعني بدال ما يقول يا مصري يا لبناني .. الخ
صرنا نقول يا قصيمي يا حجازي .. الخ :أفكر:
Alsayed
28-06-2003, 12:27 AM
السلام عليكم ورحمه الله وبركاته
اذا الشخص مايبغا الفتنه تيجي حق عياله وحقه وحقه أهله
ما يشوف هذا الجهاز ويمنع مشاهدته بأي طريقه
CHALLENGER
28-06-2003, 02:01 AM
أهلاً أخي mom_com3 و الله الله يعطيك مليوووووووون عافية على الموضوع
بصراحة هذا الموضوع لازم كان ينطرح من زمان بس انا مو قصدي هالنقطة !
أنا قصدي نقطة تانية....بذكرها بعد شوي (( تشويق )) :D
النقطة الأولى انه أصلاً لازم نستأصل المشكلة بعدم مشاهدة التلفزيون قهو محرم أصلاً مثله مثل النظر إلى الحرمات إذا كنت قد وضعت مثل هذه القنوات....
أنا أشاهد التلفزيون و لكن يمكنني انا اتجنب المشاهد الغير مستحب بها في أي لحظة :)
هذي نقطة من السهل الاستخلاص منها...ولكن النقطة الاخرى الفساد في الشوارع !
أمثلة بدون ذكر البلدان :
1- في احد البلدان العربية كنت في سياحة مع اصدقائي...جاتنا بنت و قالت بـ5 **** ((الـ*** عملة ما بذكرها )) فتفاجئت صراحة و كنت أريد أسوي فضايح لكن الشعب مسكني !
2- بلد تاني او تحصل بنفسه فيه...ادخل على الجامعة بس !
شوف البنطلونات الضيقة على البنات الي يتشاف منها كل شي""" ((لا حد يقول غض النظر ! لأنها بكل الأماكن !ّ))
3- مرة كنت ماشي في السوق و في 3 بنات جالسين في الزاوية فاتحين عن صدرهم :! و الله انا تفاجئت حتى ناديت امي يعني بصراحة تضايقت
و في امثلة كثيرة الكثير عاشها ... فلا اعرف ما نهايتنا نحن العرب ؟
هل سوف نصبح كالغرب ؟ ((عري على الشواطئ-محلات للجنس في الطريق - الخ ........ ))
و شكراً
mom_com3
28-06-2003, 10:14 AM
اولاً مشكورين على الردود ..
..
الموضوع يطول ..
وبالنسبه لنانسي عجرم .. واحد من اخوياي يقول انه شاف مقابله معها تقول : لسى ما شفتوا شيء <<<<< كل هذا وما شفنا شيء اجل وش باقي ؟؟
..
وبالنسبه للدول العربيه الاخرى .. صاير رزقهم يجيهم من الجنس و الشرب و العياذ بالله ..
..
يعني شيء يغبن والله .. يعني ذا الي رايح يسكر ويدشر .. ورى ما تبرع بشوي من فلوسه الزايده للمحتاجين او لفلسطين و العراق ..
..
اما بالنسبه لعدم مشاهده التلفاز .. صار عند الناس شيء تقليدي مدمنين عليه يعني من الصعب انك تلغي مشاهدته ..
..
وبعدين المنتجين ما لقوا طريقه غير هذي .. بعدين الكسب الحرام يروح بسرعه ..
..
ومشكورين مره ثانيه ..
sas_com3
28-06-2003, 11:41 AM
اتوقع كل هالخراب يعود للدش
حنا من وين عرفنا الجنوز والضيق والوسيع والمخصر واللثمه ومن هالشي
لاحظ السعوديه بالذات وتذكرها قبل لايكون فيه شي اسمه دش
يكفي مثال راشد الماجد اغنيته الاخيره مشكلني ... قارنها مع دنيا حظوظ
mom_com3
28-06-2003, 11:49 AM
ولا قارنها مع المسافر :p .. شف الفرق بس ..
مشكور حبيب البي ساس على الرد ..
Justine
29-06-2003, 06:20 AM
انتوا آخذينها من ناحية المرأة و استعبادها ...
ما احد فكر في هاي الظاهرة على الشباب ...
- تدروا حسب الدراسات انها من أساب عنوسة المرأة...
- انهم سبب عزوف الشباب عن الزواج ...
- سبب الضعف العام للشباب بسبب افراز طاقتهم بطريقة خاطئة ... بوضوح أكثر قصدي من الناحية الجنسية ...
راح أتكلم عن كل نقطة من اللي فوق :
الثانية : طبعا فالشباب راح يصر انه يتزوج واحدة زي نانسي أو اليسا بغض النظر خلقها و دينها ... و أهم شي عنده الجمال ...
بصراحة أنا اعتبر هذا تصرف حيواني عشان أهم شي في الزوجة الدين ... و اذا صلح الدين صلحت أخلاقها ...
و كمان لو شاف النسوة بدون مكياج صدقوني راح يرمي نفسه من أقرب نافذة ...
الاولى : بسبب عزوف الشباب عن الزواج و رغبة الشباب بنناسي أو طختها .. فراح تقلدها ... راح تلبس زيها .. و تتحرك زيها ... أملا في اجتذاب العريس ...
يمكن تفكريها يكون انه جذب الانتباه و خرافات من ذا القبيل ... لكن من المحسوس انه اي واحدة تظهر مفاتنها و تتمجغ في تبحث عن من يسترها ... و هاي نقولها you choose the wrong way
الاخيرة : أكيد الشاب اذا شاف ذي الاشياء ... راح تتحرك الغريزة في داخله ... شي صعب لازم يطلعه ... يا يمسك نفسه و يصبرها و يصوم ...
أو يطلعها بأي شكل و هذا يسبب ضعف عام له ...
خلاصة القول ...
- للاسف حولوا المرأة لعبدة تلهث ورا الفلوس ... و يسموها حرية ..
- خربوا أجسام و عقول شبابنا باسم الحرية الرأي ..
- فضوا جيوبنا فاللاسف احنا من يشتري ذي الاشياء ...
معليش سردي الطويل لكن استحملوني ...
و مشكور mom على الموضوع الرائع :)
mom_com3
29-06-2003, 06:51 AM
العفو ..
ومشكور على ردك الرائع ..
الهدير
29-06-2003, 08:26 AM
الله يهديكم بس مدام انكم عارفين ان هذا غلط وفحش وفوق كل هذا معصية : أجل ليش تناظرونها
انتم بانفسكم تدعمونهم وانت لهم معارضين
ما يصير هذا !!؟؟
واللي انا اقصده اذا ما فهمتوني الكلام اللي انت كاتبينه عن هالقنوات يعني انكم شايفينه وهو محرم
كل هذا شي معروف وخالصين منه
لكن الآن يا شباب فيه بديل اسلامي : قناة المجد
والله ممتازة
يعني الناس ليش ما تتجه للي يقوم سلوكها وسلوك ابنائها؟
قال ايش مانبي عيالنا يدشرون وهو راز الدش على بيته !!
ناس ما تفكر؟؟
مشكرو اخوي موم كوم على الموضوع;-)
Y a z e e d
29-06-2003, 08:54 AM
الرسالة الأصلية كتبت بواسطة الهدير
الله يهديكم بس مدام انكم عارفين ان هذا غلط وفحش وفوق كل هذا معصية : أجل ليش تناظرونها
انتم بانفسكم تدعمونهم وانت لهم معارضين
ما يصير هذا !!؟؟
واللي انا اقصده اذا ما فهمتوني الكلام اللي انت كاتبينه عن هالقنوات يعني انكم شايفينه وهو محرم
كل هذا شي معروف وخالصين منه
لكن الآن يا شباب فيه بديل اسلامي : قناة المجد
والله ممتازة
يعني الناس ليش ما تتجه للي يقوم سلوكها وسلوك ابنائها؟
قال ايش مانبي عيالنا يدشرون وهو راز الدش على بيته !!
ناس ما تفكر؟؟
مشكرو اخوي موم كوم على الموضوع;-)
وتعتبر المجد بديل ؟!! ...
ابد البرامج اللي فيها ما تقارن بغيرها !...
خل فريق المجد يسوون فيلم مثل ماتريكس ...
(لانهم موب عارضينه) ...
واذا سووا كذا اشترك فيها واعتقد الاغلبية كذا :) ...
القنوات الثانية تعرض برامج رائعة لان اللي مصممينها اهل خبرة ...
هات برنامج واحد يوازي اقل الافلام جودة ...
لو حتى في Space toon !!! ...
Y a z e e d
29-06-2003, 09:12 AM
Justin
انا معك بكل نقطة قلتها ...
فعلا ً حالة مؤسفة ..
ومو البلاوي من القنوات العربية ...
المشكلة الكبرى من اللي يركب الــHOT BIRD!
اتذكر كنت ليلة مسير على اثنين من الاصدقاء
وطولت ونمنا هناك المهم
طلعنا الصبح لقينا والدهم
مشغل على قناة فيها عري تام ما فيه اي قطعة ملابس !
المشكلة اني كنت طفل في خامس ابتدائي !
واعتقد هذا يحصل مع اي شخص ثاني
وبالتالي وش مصير شبابنا القادمين ؟؟...
الهدير
29-06-2003, 09:16 AM
الرسالة الأصلية كتبت بواسطة Angel`s Knight
وتعتبر المجد بديل ؟!! ...
ابد البرامج اللي فيها ما تقارن بغيرها !...
خل فريق المجد يسوون فيلم مثل ماتريكس ...
(لانهم موب عارضينه) ...
واذا سووا كذا اشترك فيها واعتقد الاغلبية كذا :) ...
القنوات الثانية تعرض برامج رائعة لان اللي مصممينها اهل خبرة ...
هات برنامج واحد يوازي اقل الافلام جودة ...
لو حتى في Space toon !!! ...
يعني انت بكلامك هذا تجاهر بانك تبي معصية : اللي هي الافلام!
اولا حبيبي المجد نظيفة من هالاشياء
وثانيا هي اسلامية من الى مو حقت افلام ووصاخات!
وثالثااذا انت مو عاجبك البرامج او انها على حد رايك ماتقارن بغيرها فهذا من وجهة نظرك مع انها ولله الحمد وثبة في عالم الاعلام مع انها توها بادية وهذا يحسب لها موعليها ، وانت بكلامك هذا تؤيد القنوات الساقطة على هذي القناة المثالية اللي ماراح تلقى مثلها وين ما تلف وتدور !
وعلى فكرة كل برامجها صحيح انها وا توازي الافلام في جودتها ،
لأنها تخطت هالافلام اللي انت فرحان بها بجودتها
ويكفينا انها اسلامية
وهي محطوطة للي يبيها!
Y a z e e d
29-06-2003, 09:33 AM
الرسالة الأصلية كتبت بواسطة الهدير
يعني انت بكلامك هذا تجاهر بانك تبي معصية : اللي هي الافلام!
اولا حبيبي المجد نظيفة من هالاشياء
وثانيا هي اسلامية من الى مو حقت افلام ووصاخات!
وثالثااذا انت مو عاجبك البرامج او انها على حد رايك ماتقارن بغيرها فهذا من وجهة نظرك مع انها ولله الحمد وثبة في عالم الاعلام مع انها توها بادية وهذا يحسب لها موعليها ، وانت بكلامك هذا تؤيد القنوات الساقطة على هذي القناة المثالية اللي ماراح تلقى مثلها وين ما تلف وتدور !
وعلى فكرة كل برامجها صحيح انها وا توازي الافلام في جودتها ،
لأنها تخطت هالافلام اللي انت فرحان بها بجودتها
ويكفينا انها اسلامية
وهي محطوطة للي يبيها!
انا عارف انها معصية ! ...
انا اقول ليش المجد ماتسوي افلام بدون نساء ! ...
ماوصلت للمستوى هذا ...
إلا الآن عندي المجد مافيها أي برنامج متعوب عليه ...
والتقنيات الحديثة ما تستخدم ابد ...
وبعدين حضرتك تدعو للحق وتنافخ ؟! :أفكر:
تسمي هذي دعوة ؟! :أفكر:
لو الرسول صلى الله عليه وسلم يدعو مثلك محد دخل الاسلام ...
حسن اسلوبك وبعدين كلمني ...
غير كذا ما اعتقد ان رفعك للقناة فوق مستواها مناسب! ...
لان هذا نوع من الكذب !...
انا عارف القناة اهم نقطة فيها اللي هي ...
تعديل سلوكيات المجتمع الاسلامي ...
وانا اعرف اصحابها ...
وعندي هي و متابعها ولا انكر انه جيدة ...
لكن مافيه تقنيات عالية ...
فهمت ؟! ... :)
(لاحظ ما استخدمت اسلوبك المنفر)
عابد 25
29-06-2003, 10:11 AM
بالنسبة لقناة المجد فهي لا تزال في بدايتها ، يعني لحد يحكم عليها بأن التقنية التي تستخدمها ضعيفة !!
ويمكن الايدي العاملة على القناة ما يعرفون لهالشغلات .. لكن التقنية ما تهم أبد !!
الأهم هو مضمون القناة وما تبثه القناة .. هي قناة منوعة مفيدة للجميـع
ونتمنى التوفيق للقناة ، وإلى الامام ..
Y a z e e d
29-06-2003, 10:18 AM
الرسالة الأصلية كتبت بواسطة عابد 25
بالنسبة لقناة المجد فهي لا تزال في بدايتها ، يعني لحد يحكم عليها بأن التقنية التي تستخدمها ضعيفة !!
ويمكن الايدي العاملة على القناة ما يعرفون لهالشغلات .. لكن التقنية ما تهم أبد !!
الأهم هو مضمون القناة وما تبثه القناة .. هي قناة منوعة مفيدة للجميـع
ونتمنى التوفيق للقناة ، وإلى الامام ..
صحيح ..
انا احد مشجعي القناة ...
لكن اعتقد ان الاستفادو من اهل الخبرة مو حرام ...
يعني يجيبون اجانب خبراء فالمجال كاستفادة ...
الى ان يفهموا الشغلة ...
عابد 25
29-06-2003, 10:37 AM
الرسالة الأصلية كتبت بواسطة Angel`s Knight
صحيح ..
انا احد مشجعي القناة ...
لكن اعتقد ان الاستفادو من اهل الخبرة مو حرام ...
يعني يجيبون اجانب خبراء فالمجال كاستفادة ...
الى ان يفهموا الشغلة ...
صح عليك :) ..
بس باسألك سؤال .. أنت لما تشاهد قناة تشاهد مضمونها وما تبثه والا تشاهد تقنيتها ؟ :cool:
Y a z e e d
29-06-2003, 10:49 AM
الرسالة الأصلية كتبت بواسطة عابد 25
صح عليك :) ..
بس باسألك سؤال .. أنت لما تشاهد قناة تشاهد مضمونها وما تبثه والا تشاهد تقنيتها ؟ :cool:
هو صحيح المضمون اهم ....
ولكن غالبا التقنية تجذب المشاهد وبالتالي يستقبل المادة بشكل افضل :)
mom_com3
30-06-2003, 09:53 PM
اولاً مشكورين على الردود ..
ثانياً موضوعنا مايتكلم عن قناه المجد على ما اعتقد :أفكر: ..
ثالثاً قناه المجد قناه اسلاميه جميله وفيها برامج كثيره مشوقه ..زي الملتقى الادبي .. وهي مخصصه الي الي يبغاها ويتابعها .. اما الي يبي يشوف افلام فا عز الله جبنا العيد .. قناه اسلاميه وتجيب افلام .. يعني ما كنها قويه شوي ..
رابعاً اتمنى ما تخرجون عن صلب الموضوع ونروح للقنوات وامكانياتها وتقنياتها ..
ومشكورين ..
عماد 18
01-07-2003, 02:15 AM
يا رجال ..
هذا هي نتايج اللي يدعون انها حرية المرأة ..
انها تصير سلعة ترويجية لكل شي ..
حتى من زود الحقارة صارت تروج لمزيل رائحة العرق !!
استغفر الله بس ..
لا و الا الفيديو كليب حق الاغاني ..
لما يكون صاحبها مطرب ..
يحط 10 الاف حرمة فيه !!
و لما تكون مطربة ما يطلع غيرها و ما تقصر تعوضهم عن ال10 الاف بحركاتها المايعة :6 ..
يالله لك الحمد بس ..
ZIDANE_10
01-07-2003, 05:28 AM
بالنسبة للدعايات فهم يسوقون لمنتج، وعرفوا إنهم ما يجذبون إنتباهك إلا عبر هالأشياء، فطبيعي العيب منك لأنك معجب بهالأشياء ..
بالنسبة للبنت اللي تكشف، ولا الولد بأي شيء يسويه .. فهو ما تربى ..
ثم بالنسبة للغرب وإسرائيل وش لهم بالسالفة :) ..
الرسالة الأصلية كتبت بواسطة D0WN~T0WN
...
والا نانسي عجرم (ماناقصها الا المطيري ويكتمل الاسم)
...
يا قلبيه :o ..
الرسالة الأصلية كتبت بواسطة زاحف
صرنا نقول يا قصيمي يا حجازي .. الخ :أفكر:
ونعم وش فيهم ؟
إلا كان قصدك مشتقات "طرش البحر" .. فذي يُبحث فيها :) ..
الرسالة الأصلية كتبت بواسطة الهدير
...
لكن الآن يا شباب فيه بديل اسلامي : قناة المجد
...
مشكلتها إنها بفلوس :أفكر:
الرسالة الأصلية كتبت بواسطة الهدير
...
يعني انت بكلامك هذا تجاهر بانك تبي معصية : اللي هي الافلام!
...
لحظة أخوي، الحين الأفلام بمجملها صارت حرام ؟
على أي أساس ؟
ولا تقولي سد للذرائع المؤدية للشرك ..
SNOoOP
01-07-2003, 01:43 PM
الرسالة الأصلية كتبت بواسطة ZIDANE_10
ثم بالنسبة للغرب وإسرائيل وش لهم بالسالفة :) ..
لا يابو هم اكبر مستفيدين من ذا العروض
طال عمرك مايبون جيل يفكر بالقضاء باعدائه والجهاد ضدهم
يبون جيل مشغول عنهم يروح الاسواق بدل مايروح المسجد
جيل ميت قلبه ويناظر الحرام علشان مايصير فيه ذرة ايمان
وبهالطريقه يتفرغ الاعداء لمخططاتهم
وشكرا...
عابد 25
01-07-2003, 01:52 PM
الرسالة الأصلية كتبت بواسطة ZIDANE_10
لحظة أخوي، الحين الأفلام بمجملها صارت حرام ؟
على أي أساس ؟
ولا تقولي سد للذرائع المؤدية للشرك ..
الفيلم أكيد يحتوي على مشاهد ولقطات للنســـاء ، ولا يكاد يخلو فيلم من ذلك .. هذي حُرمة أولى
الحُرمة الثانية .. أكيد فيه موسيقى واغانـــي في الفيلم
وغير كذا .. انك تدعم الغرب وتشاهد مايقدمونه وانت راضي بذلك
والموضوع يطول ولا نبي نخرج عن كثيـــر عن الموضوع الاساسي ..
ZIDANE_10
01-07-2003, 11:28 PM
SNOoOP:
أبشري بطول السلامة يا أمريكا، ياللي بريطانيا ما تتحكم بترسانتها النووية من دون إذن أمريكا قضت بمساعدة حلفائها على الإمبروطورية العثمانية، بتواجه صعوبة في القضاء على مليشيات ..
صكوا لي برجين قالوا دمرنا اقتصاد أمريكا، وميزانيتها هالسنة 1.8 تريليون، وثاني أقوى قوة اقتصادية اليابان ما جابت أمريكا ولا غبارها ..
ياللي طيحت بكل برج دولة، سلم لي على بن لادن وصدام ..
ياللي كيم جونغ إيل ( طوووط تشفير ) من الخرعة يوم أعلن رامسفيلد إن أمريكا عندها استعداد تخوض الحرب في جبهتين، أجل أبو كلاشنكوف وآر.بي.جي وش بيسوي ؟
ما أقول إلا يا زين العرب لا منهم قاموا يحلمون بأمجاد أول ..
عابد 25:
أغاني، حريم وغيرها حرام ما قلنا شيء، بس إنك تقول نقاطع وما نقاطع ؟
يعني ما حط هالأفلام إلا الغرب ؟
وعلى طاري الأفلام ذكرتني بموقع يقول هل تعلم أن شركة فوكس يترأسها يهود :أفكر: .. مادري أصدقه ولا أصدق AAUSA يوم انهم يقولون إن أول امرأة ترأست فوكس عربية ..
عابد 25
02-07-2003, 01:38 PM
ZIDANE_10:
أغاني، حريم وغيرها حرام ما قلنا شيء، بس إنك تقول نقاطع وما نقاطع ؟
أجل ليش تقول على أي اساس صارت الأفلام حــرام !!
mom_com3
03-07-2003, 06:19 AM
بالنسبه لاسرائيل واليهود ..
قالوا لك ..
يعني هم اساس كل شيء .. يخيطون والحن نلبس ..
..
وبالنسبه للافلام .. لو فكرت تفكير سطحي بسيط بتلقاها حرام .. لعده اسباب :-
1- تدعمهم بفلوسك و مشاهدتك ويمكن تقول لخويك شف هذا الفلم والله فلم رهيب يا شيخ .. وصار بدال الواحد اثنين .. ويالله كل واحد يقول للثاني ونهايتها ندعم هالكفره ..
2- معناه انك تحبهم .. واغلبهم كفره فاسقين ..
3- فيه اغاني ..
4- فيه نساء غير متحشمات ..
..
ومشكورين على الردود و النقاش الجميل .. :) ..
بلاي ستيشن 2
03-07-2003, 03:39 PM
موضوع مهم صراحة
انا يمكن اخرج عن اطار الموضوع شوي لكن الحين لما تتكلمون تقولون ننحن العرب ونحن العرب
او تقولون نحن عرب ومسلمون
وانا ودي افهم وش اخذنا من هالعرب
ما غير نانسي عجرم وممدري وش اسمها ذي وغيرهن من هالعاهرات وانت ماشي
يعني ياشباب ترى من اسباب تفككنا هو قوميتنا العربية
يعني ياشباب ودي مرة يقولون بالتلفزيون ان القدس اسلامية
ابداً مافيه امل القدس عربية والقدس عربية
حتى بالاغاني عربي انا ومدري ايش
هذولا هم العرب باعلاناتهم وخرابيطهم انا الي ابي اقوله ان حنا يالعرب
قوم اعزنا الله بالاسلام وكرمنا بجعل القران بلغة العربية لنفهمه ونتبعه
فلا عزة للنا الا بالاسلام
والسلام مسك الختام
عابد 25
03-07-2003, 03:43 PM
ما اختلفنا اخوي بلاي ستيشن 2 ، انا معاك فيما قلته ..
انتسابنا هو للاسلام فقط ..
أما العرب فهناك عرب يهود وهناك عرب نصارى ، ولا فائدة في كونهم عرب ..
تحياتي
mom_com3
04-07-2003, 12:48 AM
صح لسانك اخوي بلاستيشن 2 ..
ZIDANE_10
04-07-2003, 05:49 AM
الرسالة الأصلية كتبت بواسطة عابد 25
ZIDANE_10:
أجل ليش تقول على أي اساس صارت الأفلام حــرام !!
أخوي أنت تاخذ الحكي كله ولا اللي يعجبك ؟
على كلامك صارت الأفلام مثل جحيم الروس حرام عشان الغرب يصنعون أفلام ؟
الرسالة الأصلية كتبت بواسطة mom_com3
بالنسبه لاسرائيل واليهود ..
قالوا لك ..
يعني هم اساس كل شيء .. يخيطون والحن نلبس ..
..
وبالنسبه للافلام .. لو فكرت تفكير سطحي بسيط بتلقاها حرام .. لعده اسباب :-
1- تدعمهم بفلوسك و مشاهدتك ويمكن تقول لخويك شف هذا الفلم والله فلم رهيب يا شيخ .. وصار بدال الواحد اثنين .. ويالله كل واحد يقول للثاني ونهايتها ندعم هالكفره ..
2- معناه انك تحبهم .. واغلبهم كفره فاسقين ..
3- فيه اغاني ..
4- فيه نساء غير متحشمات ..
..
ومشكورين على الردود و النقاش الجميل .. :) ..
يا اخوان انتم قريتم ردي ولا تردون على عمى ؟
mom_com3
06-07-2003, 06:09 PM
انا اقرى الردود كلها ..
وارد على النقاط الي فيها نقاش .. :) ..
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .