المساعد الشخصي الرقمي

مشاهدة النسخة كاملة : انا بدون(قصه حياتي الحصريه)


ابن ماء السماء
29-06-2003, 05:02 PM
انا بدون
من مواليد الكويت 19730الجهراء)
مخلص الثانويه العامه87%علمي
طبعا ما دخلت الجامعه لاني بدونف قط
الان انا اشتغل بشركه خاصه 12ساعه راتب($)ما يسر


وهذي قصه حياتي

ترى القصه لو مكتوبه بالانجليزي وقرأها ستيفين سبيلبيرغ راح يسويها فلم ولا فلم خيلي بعد لان احيانا يكون الواقع اصعب من الخيال.

ابي رجل بدوي ومن قبله كان جدي رحمه الله في قمه البداوه من قبيله معروفه ومشهود لها بكل عصر ومكان طبعا جدي ما يعرف يكتب اسمه وما عمره مسك كتاب وما يعترف بشيء اسمه ورق وعقود كان يعترف بكلمه الرجال والشهود.

المهم جاهم ابوي سنه1945 وفرحو فيه وسمه اسم مفرحجدا .
ومثل ما انتم عارفين البدو ناس رحل من مكان لمكان ورى البعارين والغنم يسهرون على راحة حلالهم.

جدي مل من الترحال والغنم والحلال وقرر يستقر طبعا استقر في الكويت وكان يعرف اهلها من كثر ما كان يمر عليهم اثناء ترحاله من الجنوب للشمال .اشترا بيت طبعا بدون عقد بس شهود(طبعا راعي البيت ما راح بدل الملكيه)ومرت الايام والسنين وكبر ابوي في هذه اللحظه قرر جدي بيع البيت بس طبعا تفاجؤ ان البت مو باسمه وانكر صاحب البيت انه باعه له بل العكس قال للقاضي ان يطالب جدي بالايجار للسنين الماضيه طبعا جدي باع الحلال والي وراه ودونه عشان يدفع الايجار المزعوم.
DE NILSON
29-06-2003, 06:45 PM
الله يعينك
ابن ماء السماء
29-06-2003, 07:03 PM
طبعا للان ما احد يعرف بدون ولا جنسيه ولا اي شيئ .
سنه1961 دخل والدي العسكريه(الجيش الكويتي) مع الواسطه يعني قبل لا تستقل دوله الكويت من البريطانيين .
مر الزمن والحال عال العال والله رزقهم فيني والي بعدي لين صرنا ما شاء الله9اولاد.
سنه 1966او1968بدت لجنهالتجنيس بالعمل وطبعا تم اعطاء اشخاص معينين حق التجنيس للناس لكل منطقه3اشخاصتعرفهم الحكومه لتجنيس الناس(عمليه التجنيس كانت عشوائيه حسب مزاج الشخص المخول بالتجنيس يعني الي مو عاجبه شكله ما يجنسه وطبعا عمليه التجنيس صارت بع ما كثر السكان الشيعه(العجم)في الكويت فالحكومه البريطانيه نصحت الكويت بتجنيس القبائل البدويه حتى يكون هنالك توازن قوى يحمي الحكومه).

المهم الشخص الي في منطقتنا الي له حق التجنيس كان طبعا نفس الشخص الي سرق بيت جدي(فلم هندي)وطبعا جدي مستحيل يروح له كل الناس قالو لحدي روح له عشان عيالك واحفادك بس سنفه بدماغه ما يروح على قص رقبته.

طبعا ابوي هم مايقدر يروح يزعل جدي عليه.
مرت السنين واحنا تربنينا بحضن جدي وابوي وما نفهم شنو يصير من حوالين كن ندرس بالمدارس الحكوميه ونتعامل معاملة الكويتي بالظبط وكان الشباب البدون يدشون الجيش والشرطه والوزارات واي مكان والجامعات ومن ضمنهم عمي دش الجامعه وتخرجسنه1984 وتزوج وهو بدون واشتغل بالشؤون .
DE NILSON
29-06-2003, 07:12 PM
بضو الله يعينك


تبغا جنسية؟
ابن ماء السماء
29-06-2003, 07:17 PM
سنه1985 بدات الماضيقات على البدون والظغط الشديد عليهم ,انا كنت صغير ما افهم شيء ولا ادري شيصير من حولي بس الكلام عن البدون اسمعه وما افهم شنو يعني.
بعد الغزو العراقي للكويت (قصة الغزو راح احكيه بعدين لانها طويله جدا)

تم ظغط البدون بشكل مميت وعنيف كنت تخاف تقول انك بدون حتى في الديوانيه بين جماعتك يمكن يسجنونك .

تم تسفير الالاف من العوائل الى خارج الكويت لدرجة اني كنت اخاف اطلع من البيت يمكن يسفروني لبلد ما عمري شفتها ولا اعرف احد فيها.

تم تشكيل لجنه للمقيمين بصوره غبر قانونيه(البدون)وهذي اللجنه قصتها قصه .
الجزء الرابع راح اقولكم شنو قصتها.


:cool: الي عنده راي يكتبه بكل صدق وبدون عنجهيه:cool:
ابن ماء السماء
01-07-2003, 05:15 PM
اللجنه اللجنه كلام فاضي طلبونا نسجل من جديد اسمائنا ونبصم للمره الالف وتوقف دور طويل جدا في عز الحر وفي وسط الشمس.
والمعامله اه من المعامله كانك مو مسلم ولا عربي اهانه وغلط وكلام عيب ينقال هذا كله بس وانت واقف في الدور.
دش داخل (طبعا معانا حريمنا واهلنا)وشوف الاستجواب كانك حرامي ولا قاتل وتخريع وشد وانته ما عندك اصل(تخيل واحد بدوي تقوله ما عندك اصل شيصير فيه) الهوشات والطق على ودنه بين المراجعين والمحققين والي يهاوش ينسى الجنسيه الى الابد.
واستمرت اللجنه في العمل للان من 5سنوات تم خلالها تجنيس 2000انسان من1000(مؤة الف)انسان طبعا الي تم تجنيسهم كلهم عندهم واسطات واعضاء في مجلس الامهوالي دفع فلوس.


طبعا خلال هذه الفتره الوالد لم يرجع للعمل من الغزو يعني13سنه بدون مصدر دخل ثابت انا اشتقلت في اكثر من مكان من محل الى معرض الى شركه(الشغل مو عيب بل حق على الانسان)وبراتب لا يعطى لاقل عامل من الوافدين وعلينا اجار مرتفع لان احنا مانعرف نسكن بشقه لان الوالده اذا ما شافت الشمس يوميا تموت تموت تموت تموت تموت تموت:" .
KLD
24-08-2003, 07:43 PM
فصتك كانها فلم هندي
الله يعينك
acer2
24-08-2003, 07:51 PM
انا اللي اعرفه انه الحكومه قاعده تحاول انها تغلق ملف البدون بحدود ثلاث اشهر بشكل نهائي !!!
عراوي
25-08-2003, 05:41 AM
السلاام عليكم ورحمة اللة وبركاتة
اخوي الي صار لك صار لناس مثلك كثير ذنبهم انهم بدون وحقيقة هذي المشكلة
في جميع دول الخليج!! بس يمكن اقواها واكثرها الاماً مايجري لبدون الكويت

نتأمل انة تنحل هالمشكلة قريب خاصة انة الشيخ صباح حسب مانسمع عنة انة جاد في حل هذهي المشكلة القديمة
ناهيك عن ان الاعلاام في المحطات الفضائية يركز على البدون هالايام
وهذهي القضية تسئ لسمعة بلد خير وبلاد تهتم بحقوق الانسان مثل الكويت
حقيقة ندعوا من اللة ان هالمشكلة تنحل في الكويت وفي باقي دول الخليج قريب

وسمحوا لي على الاطالة